པ་ཊཱ་ཙཱ་རཱ་ཐེ་རཱི་ཝ་ཏྠུ

༢༣༨. ཙ་ཏུ་ཏྠེ པ་ཊི་ཧཱ་ར་ས་ཏེ་ན་པཱིཏི དྭཱ་ར་ས་ཏེ་ན་པི. པ་ཊི་ཧཱ་ར་ས་དྡོ ཧི དྭཱ་རེ དོ་ཝཱ་རི་ཀེ ཙ དི་སྶ་ཏི. ཀུ་ལ་ས་བྷཱ་གནྟི ཨ་ཏྟ་ནོ གེ་ཧ་ས་མཱི་པཾ.

ཏཱ་ཎཱ་ཡཱཏི ཏཱ་ཎ་བྷཱ་ཝཱ་ཡ པ་ཏི་ཊྛཱ་ན་ཏྠཱ་ཡ. བ་ནྡྷ་ཝཱཏི པུ་ཏྟེ ཙ པི་ཏ་རོ ཙ ཋ་པེ་ཏྭཱ ཨ་ཝ་སེ་སཱ ཉཱ་ཏི་སུ་ཧ་ཛྫཱ. ཨ་ནྟ་ཀེ་ནཱ་དྷི་པ་ནྣ་སྶཱཏི མ་ར་ཎེ་ན ཨ་བྷི་བྷཱུ་ཏ་སྶ. པ་ཝ་ཏྟི་ཡ་ཉྷི པུ་ཏྟཱ་ད་ཡོ ཨ་ནྣ་པཱ་ནཱ་དི་དཱ་ནེ་ན ཙེ་ཝ ཨུ་པྤ་ནྣ་ཀི་ཙྩ་ནི་ཏྠ་ར་ཎེ་ན ཙ ཏཱ་ཎཱ ཧུ་ཏྭཱ་པི མ་ར་ཎ་ཀཱ་ལེ ཀེ་ན་ཙི ཨུ་པཱ་ཡེ་ན མ་ར་ཎཾ པ་ཊི་བཱ་ཧི་ཏུཾ ཨ་ས་མ་ཏྠ་ཏཱ་ཡ ཏཱ་ཎ་ཏྠཱ་ཡ ལེ་ཎ་ཏྠཱ་ཡ ན ས་ནྟི ནཱ་མ. ཏེ་ནེ་ཝ ཝུ་ཏྟཾ – ‘‘ན་ཏྠི ཉཱ་ཏཱི་སུ ཏཱ་ཎ་ཏཱ’’ཏི.

ཨེ་ཏ་མ་ཏྠ་ཝ་སནྟི ཨེ་ཏཾ ཏེ་སཾ ཨ་ཉྙ་མ་ཉྙ་སྶ ཏཱ་ཎཾ བྷ་ཝི་ཏུཾ ཨ་ས་མ་ཏྠ་བྷཱ་ཝ་ས་ངྑཱ་ཏཾ ཀཱ་ར་ཎཾ ཛཱ་ནི་ཏྭཱ པ་ཎྜི་ཏོ ཙ་ཏུ་པཱ་རི་སུ་དྡྷི་སཱི་ལེ་ན སཾ་ཝུ་ཏོ ར་ཀྑི་ཏ་གོ་པི་ཏོ ཧུ་ཏྭཱ ནི་བྦཱ་ན་ག་མ་ནཾ ཨ་ཊྛ་ངྒི་ཀཾ མ་གྒཾ སཱི་གྷཾ སོ་དྷེ་ཡྻཱ་ཏི ཨ་ཏྠོ.