༡༠. བཱ་ཧི་ར་ངྒ་སུ་ཏྟཾ

༢༣༡. ‘‘བཱ་ཧི་རཾ, བྷི་ཀྑ་ཝེ, ཨ་ངྒ་ནྟི ཀ་རི་ཏྭཱ ནཱ་ཉྙཾ ཨེ་ཀ་ངྒ་མྤི ས་མ་ནུ་པ་སྶཱ་མི ས་ཏྟ་ནྣཾ བོ་ཛ྄ཛྷ་ངྒཱ་ནཾ ཨུ་པྤཱ་དཱ་ཡ, ཡ་ཐ་ཡི་དཾ – བྷི་ཀྑ་ཝེ, ཀ་ལྱཱ་ཎ་མི་ཏྟ་ཏཱ. ཀ་ལྱཱ་ཎ་མི་ཏྟ་སྶེ་ཏཾ, བྷི་ཀྑ་ཝེ, བྷི་ཀྑུ་ནོ པཱ་ཊི་ཀ་ངྑཾ – ས་ཏྟ བོ་ཛ྄ཛྷ་ངྒེ བྷཱ་ཝེ་སྶ་ཏི, ས་ཏྟ བོ་ཛ྄ཛྷ་ངྒེ བ་ཧུ་ལཱི་ཀ་རི་སྶ་ཏི. ཀ་ཐ་ཉྩ, བྷི་ཀྑ་ཝེ, བྷི་ཀྑུ ཀ་ལྱཱ་ཎ་མི་ཏྟོ ས་ཏྟ བོ་ཛ྄ཛྷ་ངྒེ བྷཱ་ཝེ་ཏི, ས་ཏྟ བོ་ཛ྄ཛྷ་ངྒེ བ་ཧུ་ལཱི་ཀ་རོ་ཏི? ཨི་དྷ, བྷི་ཀྑ་ཝེ, བྷི་ཀྑུ ས་ཏི་ས་མྦོ་ཛ྄ཛྷ་ངྒཾ བྷཱ་ཝེ་ཏི ཝི་ཝེ་ཀ་ནི་སྶི་ཏཾ…པེ… ཨུ་པེ་ཀྑཱ་ས་མྦོ་ཛ྄ཛྷ་ངྒཾ བྷཱ་ཝེ་ཏི ཝི་ཝེ་ཀ་ནི་སྶི་ཏཾ ཝི་རཱ་ག་ནི་སྶི་ཏཾ ནི་རོ་དྷ་ནི་སྶི་ཏཾ ཝོ་སྶ་གྒ་པ་རི་ཎཱ་མིཾ. ཨེ་ཝཾ ཁོ, བྷི་ཀྑ་ཝེ, བྷི་ཀྑུ ཀ་ལྱཱ་ཎ་མི་ཏྟོ ས་ཏྟ བོ་ཛ྄ཛྷ་ངྒེ བྷཱ་ཝེ་ཏི, ས་ཏྟ བོ་ཛ྄ཛྷ་ངྒེ བ་ཧུ་ལཱི་ཀ་རོ་ཏཱི’’ཏི. ད་ས་མཾ.

ཙ་ཀྐ་ཝ་ཏྟི་ཝ་གྒོ པ་ཉྩ་མོ.

ཏ་སྶུ་དྡཱ་ནཾ –

ཝི་དྷཱ ཙ་ཀྐ་ཝ་ཏྟི མཱ་རོ, དུ་པྤ་ཉྙོ པ་ཉྙ་ཝེ་ན ཙ;

ད་ལི་དྡོ ཨ་ད་ལི་དྡོ ཙ, ཨཱ་དི་ཙྩ་ངྒེ་ན ཏེ ད་སཱ་ཏི.