༡༠. ཏ་ཏི་ཡ་ཙེ་ཏ་ནཱ་སུ་ཏྟཾ

༤༠. སཱ་ཝ་ཏྠི་ཡཾ ཝི་ཧ་ར་ཏི…པེ… ‘‘ཡ་ཉྩ, བྷི་ཀྑ་ཝེ, ཙེ་ཏེ་ཏི ཡ་ཉྩ པ་ཀ་པྤེ་ཏི ཡ་ཉྩ ཨ་ནུ་སེ་ཏི ཨཱ་ར་མྨ་ཎ་མེ་ཏཾ ཧོ་ཏི ཝི་ཉྙཱ་ཎ་སྶ ཋི་ཏི་ཡཱ. ཨཱ་ར་མྨ་ཎེ ས་ཏི པ་ཏི་ཊྛཱ ཝི་ཉྙཱ་ཎ་སྶ ཧོ་ཏི. ཏ་སྨིཾ པ་ཏི་ཊྛི་ཏེ ཝི་ཉྙཱ་ཎེ ཝི་རཱུ་ལ༹ྷེ ན་ཏི ཧོ་ཏི. ན་ཏི་ཡཱ ས་ཏི ཨཱ་ག་ཏི་ག་ཏི ཧོ་ཏི. ཨཱ་ག་ཏི་ག་ཏི་ཡཱ ས་ཏི ཙུ་ཏཱུ་པ་པཱ་ཏོ ཧོ་ཏི. ཙུ་ཏཱུ་པ་པཱ་ཏེ ས་ཏི ཨཱ་ཡ་ཏིཾ ཛཱ་ཏི་ཛ་རཱ་མ་ར་ཎཾ སོ་ཀ་པ་རི་དེ་ཝ་དུ་ཀྑ་དོ་མ་ན་སྶུ་པཱ་ཡཱ་སཱ ས་མྦྷ་ཝ་ནྟི. ཨེ་ཝ་མེ་ཏ་སྶ ཀེ་ཝ་ལ་སྶ དུ་ཀྑ་ཀྑ་ནྡྷ་སྶ ས་མུ་ད་ཡོ ཧོ་ཏི’’.

‘‘ནོ ཙེ, བྷི་ཀྑ་ཝེ, ཙེ་ཏེ་ཏི ནོ ཙེ པ་ཀ་པྤེ་ཏི ཨ་ཐ ཙེ ཨ་ནུ་སེ་ཏི, ཨཱ་ར་མྨ་ཎ་མེ་ཏཾ ཧོ་ཏི ཝི་ཉྙཱ་ཎ་སྶ ཋི་ཏི་ཡཱ. ཨཱ་ར་མྨ་ཎེ ས་ཏི པ་ཏི་ཊྛཱ ཝི་ཉྙཱ་ཎ་སྶ ཧོ་ཏི. ཏ་སྨིཾ པ་ཏི་ཊྛི་ཏེ ཝི་ཉྙཱ་ཎེ ཝི་རཱུ་ལ༹ྷེ ན་ཏི ཧོ་ཏི. ན་ཏི་ཡཱ ས་ཏི ཨཱ་ག་ཏི་ག་ཏི ཧོ་ཏི. ཨཱ་ག་ཏི་ག་ཏི་ཡཱ ས་ཏི ཙུ་ཏཱུ་པ་པཱ་ཏོ ཧོ་ཏི. ཙུ་ཏཱུ་པ་པཱ་ཏེ ས་ཏི ཨཱ་ཡ་ཏིཾ ཛཱ་ཏི་ཛ་རཱ་མ་ར་ཎཾ སོ་ཀ་པ་རི་དེ་ཝ་དུ་ཀྑ་དོ་མ་ན་སྶུ་པཱ་ཡཱ་སཱ ས་མྦྷ་ཝ་ནྟི. ཨེ་ཝ་མེ་ཏ་སྶ ཀེ་ཝ་ལ་སྶ དུ་ཀྑ་ཀྑ་ནྡྷ་སྶ ས་མུ་ད་ཡོ ཧོ་ཏི.

‘‘ཡ་ཏོ ཙ ཁོ, བྷི་ཀྑ་ཝེ, ནོ ཙེ་ཝ ཙེ་ཏེ་ཏི ནོ ཙ པ་ཀ་པྤེ་ཏི ནོ ཙ ཨ་ནུ་སེ་ཏི, ཨཱ་ར་མྨ་ཎ་མེ་ཏཾ ན ཧོ་ཏི ཝི་ཉྙཱ་ཎ་སྶ ཋི་ཏི་ཡཱ. ཨཱ་ར་མྨ་ཎེ ཨ་ས་ཏི པ་ཏི་ཊྛཱ ཝི་ཉྙཱ་ཎ་སྶ ན ཧོ་ཏི. ཏ་ད་པྤ་ཏི་ཊྛི་ཏེ ཝི་ཉྙཱ་ཎེ ཨ་ཝི་རཱུ་ལ༹ྷེ ན་ཏི ན ཧོ་ཏི. ན་ཏི་ཡཱ ཨ་ས་ཏི ཨཱ་ག་ཏི་ག་ཏི ན ཧོ་ཏི. ཨཱ་ག་ཏི་ག་ཏི་ཡཱ ཨ་ས་ཏི ཙུ་ཏཱུ་པ་པཱ་ཏོ ན ཧོ་ཏི. ཙུ་ཏཱུ་པ་པཱ་ཏེ ཨ་ས་ཏི ཨཱ་ཡ་ཏིཾ ཛཱ་ཏི ཛ་རཱ་མ་ར་ཎཾ སོ་ཀ་པ་རི་དེ་ཝ་དུ་ཀྑ་དོ་མ་ན་སྶུ་པཱ་ཡཱ་སཱ ནི་རུ་ཛ྄ཛྷ་ནྟི. ཨེ་ཝ་མེ་ཏ་སྶ ཀེ་ཝ་ལ་སྶ དུ་ཀྑ་ཀྑ་ནྡྷ་སྶ ནི་རོ་དྷོ ཧོ་ཏཱི’’ཏི. ད་ས་མཾ.

ཀ་ལཱ༹་ར་ཁ་ཏྟི་ཡ་ཝ་གྒོ ཙ་ཏུ་ཏྠོ.

ཏ་སྶུ་དྡཱ་ནཾ –

བྷཱུ་ཏ་མི་དཾ ཀ་ལཱ༹་ར་ཉྩ, དུ་ཝེ ཙ ཉཱ་ཎ་ཝ་ཏྠཱུ་ནི;

ཨ་ཝི་ཛྫཱ་པ་ཙྩ་ཡཱ ཙ དྭེ, ན་ཏུ་མྷཱ ཙེ་ཏ་ནཱ ཏ་ཡོ་ཏི.