༥. ག་ཧ་པ་ཏི་ཝ་གྒོ

༡. པ་ཉྩ་ཝེ་ར་བྷ་ཡ་སུ་ཏྟཾ

༤༡. སཱ་ཝ་ཏྠི་ཡཾ ཝི་ཧ་ར་ཏི. ཨ་ཐ ཁོ ཨ་ནཱ་ཐ་པི་ཎྜི་ཀོ ག་ཧ་པ་ཏི ཡེ་ན བྷ་ག་ཝཱ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ བྷ་ག་ཝ་ནྟཾ ཨ་བྷི་ཝཱ་དེ་ཏྭཱ ཨེ་ཀ་མ་ནྟཾ ནི་སཱི་དི. ཨེ་ཀ་མ་ནྟཾ ནི་སི་ནྣཾ ཁོ ཨ་ནཱ་ཐ་པི་ཎྜི་ཀཾ ག་ཧ་པ་ཏིཾ བྷ་ག་ཝཱ ཨེ་ཏ་ད་ཝོ་ཙ –

‘‘ཡ་ཏོ ཁོ, ག་ཧ་པ་ཏི, ཨ་རི་ཡ་སཱ་ཝ་ཀ་སྶ པ་ཉྩ བྷ་ཡཱ་ནི ཝེ་རཱ་ནི ཝཱུ་པ་ས་ནྟཱ་ནི ཧོ་ནྟི, ཙ་ཏཱུ་ཧི ཙ སོ་ཏཱ་པ་ཏྟི་ཡ་ངྒེ་ཧི ས་མ་ནྣཱ་ག་ཏོ ཧོ་ཏི, ཨ་རི་ཡོ ཙ་སྶ ཉཱ་ཡོ པ་ཉྙཱ་ཡ སུ་དི་ཊྛོ ཧོ་ཏི སུ་པྤ་ཊི་ཝི་དྡྷོ, སོ ཨཱ་ཀ་ངྑ་མཱ་ནོ ཨ་ཏྟ་ནཱ་ཝ ཨ་ཏྟཱ་ནཾ བྱཱ་ཀ་རེ་ཡྻ – ‘ཁཱི་ཎ་ནི་ར་ཡོ་མྷི ཁཱི་ཎ་ཏི་ར་ཙྪཱ་ན་ཡོ་ནི ཁཱི་ཎ་པེ་ཏྟི་ཝི་ས་ཡོ ཁཱི་ཎཱ་པཱ་ཡ་དུ་གྒ་ཏི་ཝི་ནི་པཱ་ཏོ, སོ་ཏཱ་པ་ནྣོ་ཧ་མ་སྨི ཨ་ཝི་ནི་པཱ་ཏ་དྷ་མྨོ ནི་ཡ་ཏོ ས་མྦོ་དྷི་པ་རཱ་ཡ་ནོ’’’ཏི.

‘‘ཀ་ཏ་མཱ་ནི པ་ཉྩ བྷ་ཡཱ་ནི ཝེ་རཱ་ནི ཝཱུ་པ་ས་ནྟཱ་ནི ཧོ་ནྟི? ཡཾ, ག་ཧ་པ་ཏི, པཱ་ཎཱ་ཏི་པཱ་ཏཱི པཱ་ཎཱ་ཏི་པཱ་ཏ་པ་ཙྩ་ཡཱ དི་ཊྛ་དྷ་མྨི་ཀ་མྤི བྷ་ཡཾ ཝེ་རཾ པ་ས་ཝ་ཏི, ས་མྤ་རཱ་ཡི་ཀ་མྤི བྷ་ཡཾ ཝེ་རཾ པ་ས་ཝ་ཏི, ཙེ་ཏ་སི་ཀ་མྤི དུ་ཀྑཾ དོ་མ་ན་སྶཾ པ་ཊི་སཾ་ཝེ་ད་ཡ་ཏི, པཱ་ཎཱ་ཏི་པཱ་ཏཱ པ་ཊི་ཝི་ར་ཏ་སྶ ཨེ་ཝཾ ཏཾ བྷ་ཡཾ ཝེ་རཾ ཝཱུ་པ་ས་ནྟཾ ཧོ་ཏི.

‘‘ཡཾ, ག་ཧ་པ་ཏི, ཨ་དི་ནྣཱ་དཱ་ཡཱི ཨ་དི་ནྣཱ་དཱ་ན་པ་ཙྩ་ཡཱ དི་ཊྛ་དྷ་མྨི་ཀ་མྤི བྷ་ཡཾ ཝེ་རཾ པ་ས་ཝ་ཏི, ས་མྤ་རཱ་ཡི་ཀ་མྤི བྷ་ཡཾ ཝེ་རཾ པ་ས་ཝ་ཏི, ཙེ་ཏ་སི་ཀ་མྤི དུ་ཀྑཾ དོ་མ་ན་སྶཾ པ་ཊི་སཾ་ཝེ་ད་ཡ་ཏི, ཨ་དི་ནྣཱ་དཱ་ནཱ པ་ཊི་ཝི་ར་ཏ་སྶ ཨེ་ཝཾ ཏཾ བྷ་ཡཾ ཝེ་རཾ ཝཱུ་པ་ས་ནྟཾ ཧོ་ཏི.

‘‘ཡཾ, ག་ཧ་པ་ཏི, ཀཱ་མེ་སུ་མི་ཙྪཱ་ཙཱ་རཱི ཀཱ་མེ་སུ་མི་ཙྪཱ་ཙཱ་ར་པ་ཙྩ་ཡཱ དི་ཊྛ་དྷ་མྨི་ཀ་མྤི བྷ་ཡཾ ཝེ་རཾ པ་ས་ཝ་ཏི, ས་མྤ་རཱ་ཡི་ཀ་མྤི བྷ་ཡཾ ཝེ་རཾ པ་ས་ཝ་ཏི, ཙེ་ཏ་སི་ཀ་མྤི དུ་ཀྑཾ དོ་མ་ན་སྶཾ པ་ཊི་སཾ་ཝེ་ད་ཡ་ཏི, ཀཱ་མེ་སུ་མི་ཙྪཱ་ཙཱ་རཱ པ་ཊི་ཝི་ར་ཏ་སྶ ཨེ་ཝཾ ཏཾ བྷ་ཡཾ ཝེ་རཾ ཝཱུ་པ་ས་ནྟཾ ཧོ་ཏི.

‘‘ཡཾ, ག་ཧ་པ་ཏི, མུ་སཱ་ཝཱ་དཱི མུ་སཱ་ཝཱ་ད་པ་ཙྩ་ཡཱ དི་ཊྛ་དྷ་མྨི་ཀ་མྤི བྷ་ཡཾ ཝེ་རཾ པ་ས་ཝ་ཏི, ས་མྤ་རཱ་ཡི་ཀ་མྤི བྷ་ཡཾ ཝེ་རཾ པ་ས་ཝ་ཏི, ཙེ་ཏ་སི་ཀ་མྤི དུ་ཀྑཾ དོ་མ་ན་སྶཾ པ་ཊི་སཾ་ཝེ་ད་ཡ་ཏི, མུ་སཱ་ཝཱ་དཱ པ་ཊི་ཝི་ར་ཏ་སྶ ཨེ་ཝཾ ཏཾ བྷ་ཡཾ ཝེ་རཾ ཝཱུ་པ་ས་ནྟཾ ཧོ་ཏི.

‘‘ཡཾ, ག་ཧ་པ་ཏི, སུ་རཱ་མེ་ར་ཡ་མ་ཛྫ་པ་མཱ་ད་ཊྛཱ་ཡཱི སུ་རཱ་མེ་ར་ཡ་མ་ཛྫ་པ་མཱ་ད་ཊྛཱ་ན་པ་ཙྩ་ཡཱ དི་ཊྛ་དྷ་མྨི་ཀ་མྤི བྷ་ཡཾ ཝེ་རཾ པ་ས་ཝ་ཏི, ས་མྤ་རཱ་ཡི་ཀ་མྤི བྷ་ཡཾ ཝེ་རཾ པ་ས་ཝ་ཏི, ཙེ་ཏ་སི་ཀ་མྤི དུ་ཀྑཾ དོ་མ་ན་སྶཾ པ་ཊི་སཾ་ཝེ་ད་ཡ་ཏི, སུ་རཱ་མེ་ར་ཡ་མ་ཛྫ་པ་མཱ་ད་ཊྛཱ་ནཱ པ་ཊི་ཝི་ར་ཏ་སྶ ཨེ་ཝཾ ཏཾ བྷ་ཡཾ ཝེ་རཾ ཝཱུ་པ་ས་ནྟཾ ཧོ་ཏི. ཨི་མཱ་ནི པ་ཉྩ བྷ་ཡཱ་ནི ཝེ་རཱ་ནི ཝཱུ་པ་ས་ནྟཱ་ནི ཧོ་ནྟི.

‘‘ཀ་ཏ་མེ་ཧི ཙ་ཏཱུ་ཧི སོ་ཏཱ་པ་ཏྟི་ཡ་ངྒེ་ཧི ས་མ་ནྣཱ་ག་ཏོ ཧོ་ཏི? ཨི་དྷ, ག་ཧ་པ་ཏི, ཨ་རི་ཡ་སཱ་ཝ་ཀོ བུ་དྡྷེ ཨ་ཝེ་ཙྩ་པྤ་སཱ་དེ་ན ས་མ་ནྣཱ་ག་ཏོ ཧོ་ཏི – ‘ཨི་ཏི་པི སོ བྷ་ག་ཝཱ ཨ་ར་ཧཾ ས་མྨཱ་ས་མྦུ་དྡྷོ ཝི་ཛྫཱ་ཙ་ར་ཎ་ས་མྤ་ནྣོ སུ་ག་ཏོ ལོ་ཀ་ཝི་དཱུ ཨ་ནུ་ཏྟ་རོ པུ་རི་ས་ད་མྨ་སཱ་ར་ཐི ས་ཏྠཱ དེ་ཝ་མ་ནུ་སྶཱ་ནཾ བུ་དྡྷོ བྷ་ག་ཝཱ’’’ཏི.

‘‘དྷ་མྨེ ཨ་ཝེ་ཙྩ་པྤ་སཱ་དེ་ན ས་མ་ནྣཱ་ག་ཏོ ཧོ་ཏི – ‘སྭཱ་ཀྑཱ་ཏོ བྷ་ག་ཝ་ཏཱ དྷ་མྨོ ས་ནྡི་ཊྛི་ཀོ ཨ་ཀཱ་ལི་ཀོ ཨེ་ཧི་པ་སྶི་ཀོ ཨོ་པ་ནེ་ཡྻི་ཀོ པ་ཙྩ་ཏྟཾ ཝེ་དི་ཏ་བྦོ ཝི་ཉྙཱུ་ཧཱི’’’ཏི.

‘‘ས་ངྒྷེ ཨ་ཝེ་ཙྩ་པྤ་སཱ་དེ་ན ས་མ་ནྣཱ་ག་ཏོ ཧོ་ཏི – ‘སུ་པྤ་ཊི་པ་ནྣོ བྷ་ག་ཝ་ཏོ སཱ་ཝ་ཀ་ས་ངྒྷོ, ཨུ་ཛུ་པྤ་ཊི་པ་ནྣོ བྷ་ག་ཝ་ཏོ སཱ་ཝ་ཀ་ས་ངྒྷོ, ཉཱ་ཡ་པྤ་ཊི་པ་ནྣོ བྷ་ག་ཝ་ཏོ སཱ་ཝ་ཀ་ས་ངྒྷོ, སཱ་མཱི་ཙི་པྤ་ཊི་པ་ནྣོ བྷ་ག་ཝ་ཏོ སཱ་ཝ་ཀ་ས་ངྒྷོ, ཡ་དི་དཾ ཙ་ཏྟཱ་རི པུ་རི་ས་ཡུ་གཱ་ནི ཨ་ཊྛ པུ་རི་ས་པུ་གྒ་ལཱ, ཨེ་ས བྷ་ག་ཝ་ཏོ སཱ་ཝ་ཀ་ས་ངྒྷོ ཨཱ་ཧུ་ནེ་ཡྻོ པཱ་ཧུ་ནེ་ཡྻོ ད་ཀྑི་ཎེ་ཡྻོ ཨ་ཉྫ་ལི་ཀ་ར་ཎཱི་ཡོ ཨ་ནུ་ཏྟ་རཾ པུ་ཉྙ་ཀྑེ་ཏྟཾ ལོ་ཀ་སྶཱ’’’ཏི.

‘‘ཨ་རི་ཡ་ཀ་ནྟེ་ཧི སཱི་ལེ་ཧི ས་མ་ནྣཱ་ག་ཏོ ཧོ་ཏི ཨ་ཁ་ཎྜེ་ཧི ཨ་ཙྪི་དྡེ་ཧི ཨ་ས་བ་ལེ་ཧི ཨ་ཀ་མྨཱ་སེ་ཧི བྷུ་ཛི་སྶེ་ཧི ཝི་ཉྙུ་པྤ་ས་ཏྠེ་ཧི ཨ་པ་རཱ་མ་ཊྛེ་ཧི ས་མཱ་དྷི་སཾ་ཝ་ཏྟ་ནི་ཀེ་ཧི. ཨི་མེ་ཧི ཙ་ཏཱུ་ཧི སོ་ཏཱ་པ་ཏྟི་ཡ་ངྒེ་ཧི ས་མ་ནྣཱ་ག་ཏོ ཧོ་ཏི.

‘‘ཀ་ཏ་མོ ཙ་སྶ ཨ་རི་ཡོ ཉཱ་ཡོ པ་ཉྙཱ་ཡ སུ་དི་ཊྛོ ཧོ་ཏི སུ་པྤ་ཊི་ཝི་དྡྷོ? ཨི་དྷ, ག་ཧ་པ་ཏི, ཨ་རི་ཡ་སཱ་ཝ་ཀོ པ་ཊི་ཙྩ་ས་མུ་པྤཱ་ད་ཉྙེ་ཝ སཱ་དྷུ་ཀཾ ཡོ་ནི་སོ མ་ན་སི ཀ་རོ་ཏི – ‘ཨི་ཏི ཨི་མ་སྨིཾ ས་ཏི ཨི་དཾ ཧོ་ཏི, ཨི་མ་སྨིཾ ཨ་ས་ཏི ཨི་དཾ ན ཧོ་ཏི; ཨི་མ་སྶུ་པྤཱ་དཱ ཨི་དཾ ཨུ་པྤ་ཛྫ་ཏི, ཨི་མ་སྶ ནི་རོ་དྷཱ ཨི་དཾ ནི་རུ་ཛ྄ཛྷ་ཏི. ཡ་དི་དཾ ཨ་ཝི་ཛྫཱ་པ་ཙྩ་ཡཱ ས་ངྑཱ་རཱ; ས་ངྑཱ་ར་པ་ཙྩ་ཡཱ ཝི་ཉྙཱ་ཎཾ…པེ… ཨེ་ཝ་མེ་ཏ་སྶ ཀེ་ཝ་ལ་སྶ དུ་ཀྑ་ཀྑ་ནྡྷ་སྶ ས་མུ་ད་ཡོ ཧོ་ཏི. ཨ་ཝི་ཛྫཱ་ཡ ཏྭེ་ཝ ཨ་སེ་ས་ཝི་རཱ་ག་ནི་རོ་དྷཱ ས་ངྑཱ་ར་ནི་རོ་དྷོ; ས་ངྑཱ་ར་ནི་རོ་དྷཱ ཝི་ཉྙཱ་ཎ་ནི་རོ་དྷོ…པེ… ཨེ་ཝ་མེ་ཏ་སྶ ཀེ་ཝ་ལ་སྶ དུ་ཀྑ་ཀྑ་ནྡྷ་སྶ ནི་རོ་དྷོ ཧོ་ཏཱི’’’ཏི. ཨ་ཡ་མ་སྶ ཨ་རི་ཡོ ཉཱ་ཡོ པ་ཉྙཱ་ཡ སུ་དི་ཊྛོ ཧོ་ཏི སུ་པྤ་ཊི་ཝི་དྡྷོ.

‘‘ཡ་ཏོ ཁོ, ག་ཧ་པ་ཏི, ཨ་རི་ཡ་སཱ་ཝ་ཀ་སྶ ཨི་མཱ་ནི པ་ཉྩ བྷ་ཡཱ་ནི ཝེ་རཱ་ནི ཝཱུ་པ་ས་ནྟཱ་ནི ཧོ་ནྟི, ཨི་མེ་ཧི ཙ་ཏཱུ་ཧི སོ་ཏཱ་པ་ཏྟི་ཡ་ངྒེ་ཧི ས་མ་ནྣཱ་ག་ཏོ ཧོ་ཏི, ཨ་ཡ་ཉྩ་སྶ ཨ་རི་ཡོ ཉཱ་ཡོ པ་ཉྙཱ་ཡ སུ་དི་ཊྛོ ཧོ་ཏི སུ་པྤ་ཊི་ཝི་དྡྷོ, སོ ཨཱ་ཀ་ངྑ་མཱ་ནོ ཨ་ཏྟ་ནཱ་ཝ ཨ་ཏྟཱ་ནཾ བྱཱ་ཀ་རེ་ཡྻ – ‘ཁཱི་ཎ་ནི་ར་ཡོ་མྷི ཁཱི་ཎ་ཏི་ར་ཙྪཱ་ན་ཡོ་ནི ཁཱི་ཎ་པེ་ཏྟི་ཝི་ས་ཡོ ཁཱི་ཎཱ་པཱ་ཡ་དུ་གྒ་ཏི་ཝི་ནི་པཱ་ཏོ, སོ་ཏཱ་པ་ནྣོ་ཧ་མ་སྨི ཨ་ཝི་ནི་པཱ་ཏ་དྷ་མྨོ ནི་ཡ་ཏོ ས་མྦོ་དྷི་པ་རཱ་ཡ་ནོ’’’ཏི.

༢. དུ་ཏི་ཡ་པ་ཉྩ་ཝེ་ར་བྷ་ཡ་སུ་ཏྟཾ

༤༢. སཱ་ཝ་ཏྠི་ཡཾ ཝི་ཧ་ར་ཏི…པེ… ‘‘ཡ་ཏོ ཁོ, བྷི་ཀྑ་ཝེ, ཨ་རི་ཡ་སཱ་ཝ་ཀ་སྶ པ་ཉྩ བྷ་ཡཱ་ནི ཝེ་རཱ་ནི ཝཱུ་པ་ས་ནྟཱ་ནི ཧོ་ནྟི, ཙ་ཏཱུ་ཧི ཙ སོ་ཏཱ་པ་ཏྟི་ཡ་ངྒེ་ཧི ས་མ་ནྣཱ་ག་ཏོ ཧོ་ཏི, ཨ་རི་ཡོ ཙ་སྶ ཉཱ་ཡོ པ་ཉྙཱ་ཡ སུ་དི་ཊྛོ ཧོ་ཏི སུ་པྤ་ཊི་ཝི་དྡྷོ, སོ ཨཱ་ཀ་ངྑ་མཱ་ནོ ཨ་ཏྟ་ནཱ་ཝ ཨ་ཏྟཱ་ནཾ བྱཱ་ཀ་རེ་ཡྻ – ‘ཁཱི་ཎ་ནི་ར་ཡོ་མྷི ཁཱི་ཎ་ཏི་ར་ཙྪཱ་ན་ཡོ་ནི ཁཱི་ཎ་པེ་ཏྟི་ཝི་ས་ཡོ ཁཱི་ཎཱ་པཱ་ཡ་དུ་གྒ་ཏི་ཝི་ནི་པཱ་ཏོ, སོ་ཏཱ་པ་ནྣོ་ཧ་མ་སྨི ཨ་ཝི་ནི་པཱ་ཏ་དྷ་མྨོ ནི་ཡ་ཏོ ས་མྦོ་དྷི་པ་རཱ་ཡ་ནོ’’’ཏི.

‘‘ཀ་ཏ་མཱ་ནི པ་ཉྩ བྷ་ཡཱ་ནི ཝེ་རཱ་ནི ཝཱུ་པ་ས་ནྟཱ་ནི ཧོ་ནྟི? ཡཾ, བྷི་ཀྑ་ཝེ, པཱ་ཎཱ་ཏི་པཱ་ཏཱི …པེ… ཡཾ, བྷི་ཀྑ་ཝེ, ཨ་དི་ནྣཱ་དཱ་ཡཱི…པེ… ཡཾ, བྷི་ཀྑ་ཝེ, ཀཱ་མེ་སུ་མི་ཙྪཱ་ཙཱ་རཱི… ཡཾ, བྷི་ཀྑ་ཝེ, མུ་སཱ་ཝཱ་དཱི… ཡཾ, བྷི་ཀྑ་ཝེ, སུ་རཱ་མེ་ར་ཡ་མ་ཛྫ་པ་མཱ་ད་ཊྛཱ་ཡཱི…པེ… ཨི་མཱ་ནི པ་ཉྩ བྷ་ཡཱ་ནི ཝེ་རཱ་ནི ཝཱུ་པ་ས་ནྟཱ་ནི ཧོ་ནྟི.

‘‘ཀ་ཏ་མེ་ཧི ཙ་ཏཱུ་ཧི སོ་ཏཱ་པ་ཏྟི་ཡ་ངྒེ་ཧི ས་མ་ནྣཱ་ག་ཏོ ཧོ་ཏི? ཨི་དྷ, བྷི་ཀྑ་ཝེ, ཨ་རི་ཡ་སཱ་ཝ་ཀོ བུ་དྡྷེ…པེ… དྷ་མྨེ… ས་ངྒྷེ… ཨ་རི་ཡ་ཀ་ནྟེ་ཧི སཱི་ལེ་ཧི ས་མ་ནྣཱ་ག་ཏོ ཧོ་ཏི. ཨི་མེ་ཧི ཙ་ཏཱུ་ཧི སོ་ཏཱ་པ་ཏྟི་ཡ་ངྒེ་ཧི ས་མ་ནྣཱ་ག་ཏོ ཧོ་ཏི.

‘‘ཀ་ཏ་མོ ཙ་སྶ ཨ་རི་ཡོ ཉཱ་ཡོ པ་ཉྙཱ་ཡ སུ་དི་ཊྛོ ཧོ་ཏི སུ་པྤ་ཊི་ཝི་དྡྷོ? ཨི་དྷ, བྷི་ཀྑ་ཝེ, ཨ་རི་ཡ་སཱ་ཝ་ཀོ པ་ཊི་ཙྩ་ས་མུ་པྤཱ་ད་ཉྙེ་ཝ སཱ་དྷུ་ཀཾ ཡོ་ནི་སོ མ་ན་སི ཀ་རོ་ཏི…པེ… ཨ་ཡ་མ་སྶ ཨ་རི་ཡོ ཉཱ་ཡོ པ་ཉྙཱ་ཡ སུ་དི་ཊྛོ ཧོ་ཏི སུ་པྤ་ཊི་ཝི་དྡྷོ.

‘‘ཡ་ཏོ ཁོ, བྷི་ཀྑ་ཝེ, ཨ་རི་ཡ་སཱ་ཝ་ཀ་སྶ ཨི་མཱ་ནི པ་ཉྩ བྷ་ཡཱ་ནི ཝེ་རཱ་ནི ཝཱུ་པ་ས་ནྟཱ་ནི ཧོ་ནྟི, ཨི་མེ་ཧི ཙ ཙ་ཏཱུ་ཧི སོ་ཏཱ་པ་ཏྟི་ཡ་ངྒེ་ཧི ས་མ་ནྣཱ་ག་ཏོ ཧོ་ཏི, ཨ་ཡ་ཉྩ་སྶ ཨ་རི་ཡོ ཉཱ་ཡོ པ་ཉྙཱ་ཡ སུ་དི་ཊྛོ ཧོ་ཏི སུ་པྤ་ཊི་ཝི་དྡྷོ, སོ ཨཱ་ཀ་ངྑ་མཱ་ནོ ཨ་ཏྟ་ནཱ་ཝ ཨ་ཏྟཱ་ནཾ བྱཱ་ཀ་རེ་ཡྻ – ‘ཁཱི་ཎ་ནི་ར་ཡོ་མྷི ཁཱི་ཎ་ཏི་ར་ཙྪཱ་ན་ཡོ་ནི ཁཱི་ཎ་པེ་ཏྟི་ཝི་ས་ཡོ ཁཱི་ཎཱ་པཱ་ཡ་དུ་གྒ་ཏི་ཝི་ནི་པཱ་ཏོ, སོ་ཏཱ་པ་ནྣོ་ཧ་མ་སྨི ཨ་ཝི་ནི་པཱ་ཏ་དྷ་མྨོ ནི་ཡ་ཏོ ས་མྦོ་དྷི་པ་རཱ་ཡ་ནོ’’’ཏི. དུ་ཏི་ཡཾ.

༣. དུ་ཀྑ་སུ་ཏྟཾ

༤༣. སཱ་ཝ་ཏྠི་ཡཾ ཝི་ཧ་ར་ཏི…པེ… ‘‘དུ་ཀྑ་སྶ, བྷི་ཀྑ་ཝེ, ས་མུ་ད་ཡ་ཉྩ ཨ་ཏྠ་ངྒ་མ་ཉྩ དེ་སེ་སྶཱ་མི. ཏཾ སུ་ཎཱ་ཐ, སཱ་དྷུ་ཀཾ མ་ན་སི ཀ་རོ་ཐ; བྷཱ་སི་སྶཱ་མཱི’’ཏི. ‘‘ཨེ་ཝཾ, བྷ་ནྟེ’’ཏི ཁོ ཏེ བྷི་ཀྑཱུ བྷ་ག་ཝ་ཏོ པ་ཙྩ་སྶོ་སུཾ. བྷ་ག་ཝཱ ཨེ་ཏ་ད་ཝོ་ཙ –

‘‘ཀ་ཏ་མོ ཙ, བྷི་ཀྑ་ཝེ, དུ་ཀྑ་སྶ ས་མུ་ད་ཡོ? ཙ་ཀྑུ་ཉྩ པ་ཊི་ཙྩ རཱུ་པེ ཙ ཨུ་པྤ་ཛྫ་ཏི ཙ་ཀྑུ་ཝི་ཉྙཱ་ཎཾ. ཏི་ཎྞཾ ས་ངྒ་ཏི ཕ་སྶོ. ཕ་སྶ་པ་ཙྩ་ཡཱ ཝེ་ད་ནཱ; ཝེ་ད་ནཱ་པ་ཙྩ་ཡཱ ཏ་ཎྷཱ. ཨ་ཡཾ ཁོ, བྷི་ཀྑ་ཝེ, དུ་ཀྑ་སྶ ས་མུ་ད་ཡོ.

‘‘ཀ་ཏ་མོ ཙ, བྷི་ཀྑ་ཝེ, དུ་ཀྑ་སྶ ཨ་ཏྠ་ངྒ་མོ? ཙ་ཀྑུ་ཉྩ པ་ཊི་ཙྩ རཱུ་པེ ཙ ཨུ་པྤ་ཛྫ་ཏི ཙ་ཀྑུ་ཝི་ཉྙཱ་ཎཾ. ཏི་ཎྞཾ ས་ངྒ་ཏི ཕ་སྶོ. ཕ་སྶ་པ་ཙྩ་ཡཱ ཝེ་ད་ནཱ; ཝེ་ད་ནཱ་པ་ཙྩ་ཡཱ ཏ་ཎྷཱ. ཏ་སྶཱ་ཡེ་ཝ ཏ་ཎྷཱ་ཡ ཨ་སེ་ས་ཝི་རཱ་ག་ནི་རོ་དྷཱ ཨུ་པཱ་དཱ་ན་ནི་རོ་དྷོ; ཨུ་པཱ་དཱ་ན་ནི་རོ་དྷཱ བྷ་ཝ་ནི་རོ་དྷོ; བྷ་ཝ་ནི་རོ་དྷཱ ཛཱ་ཏི་ནི་རོ་དྷོ; ཛཱ་ཏི་ནི་རོ་དྷཱ ཛ་རཱ་མ་ར་ཎཾ སོ་ཀ་པ་རི་དེ་ཝ་དུ་ཀྑ་དོ་མ་ན་སྶུ་པཱ་ཡཱ་སཱ ནི་རུ་ཛ྄ཛྷ་ནྟི. ཨེ་ཝ་མེ་ཏ་སྶ ཀེ་ཝ་ལ་སྶ དུ་ཀྑ་ཀྑ་ནྡྷ་སྶ ནི་རོ་དྷོ ཧོ་ཏི. ཨ་ཡཾ ཁོ, བྷི་ཀྑ་ཝེ, དུ་ཀྑ་སྶ ཨ་ཏྠ་ངྒ་མོ.

‘‘སོ་ཏ་ཉྩ པ་ཊི་ཙྩ ས་དྡེ ཙ ཨུ་པྤ་ཛྫ་ཏི སོ་ཏ་ཝི་ཉྙཱ་ཎཾ…པེ… གྷཱ་ན་ཉྩ པ་ཊི་ཙྩ ག་ནྡྷེ ཙ…པེ… ཛི་ཝ྄ཧ་ཉྩ པ་ཊི་ཙྩ ར་སེ ཙ…པེ… ཀཱ་ཡ་ཉྩ པ་ཊི་ཙྩ ཕོ་ཊྛ་བྦེ ཙ…པེ… མ་ན་ཉྩ པ་ཊི་ཙྩ དྷ་མྨེ ཙ ཨུ་པྤ་ཛྫ་ཏི མ་ནོ་ཝི་ཉྙཱ་ཎཾ. ཏི་ཎྞཾ ས་ངྒ་ཏི ཕ་སྶོ. ཕ་སྶ་པ་ཙྩ་ཡཱ ཝེ་ད་ནཱ; ཝེ་ད་ནཱ་པ་ཙྩ་ཡཱ ཏ་ཎྷཱ. ཏ་སྶཱ་ཡེ་ཝ ཏ་ཎྷཱ་ཡ ཨ་སེ་ས་ཝི་རཱ་ག་ནི་རོ་དྷཱ ཨུ་པཱ་དཱ་ན་ནི་རོ་དྷོ; ཨུ་པཱ་དཱ་ན་ནི་རོ་དྷཱ བྷ་ཝ་ནི་རོ་དྷོ; བྷ་ཝ་ནི་རོ་དྷཱ ཛཱ་ཏི་ནི་རོ་དྷོ; ཛཱ་ཏི་ནི་རོ་དྷཱ ཛ་རཱ་མ་ར་ཎཾ སོ་ཀ་པ་རི་དེ་ཝ་དུ་ཀྑ་དོ་མ་ན་སྶུ་པཱ་ཡཱ་སཱ ནི་རུ་ཛ྄ཛྷ་ནྟི. ཨེ་ཝ་མེ་ཏ་སྶ ཀེ་ཝ་ལ་སྶ དུ་ཀྑ་ཀྑ་ནྡྷ་སྶ ནི་རོ་དྷོ ཧོ་ཏི. ཨ་ཡཾ ཁོ, བྷི་ཀྑ་ཝེ, དུ་ཀྑ་སྶ ཨ་ཏྠ་ངྒ་མོ’’ཏི. ཏ་ཏི་ཡཾ.

༤. ལོ་ཀ་སུ་ཏྟཾ

༤༤. སཱ་ཝ་ཏྠི་ཡཾ ཝི་ཧ་ར་ཏི…པེ… ‘‘ལོ་ཀ་སྶ, བྷི་ཀྑ་ཝེ, ས་མུ་ད་ཡ་ཉྩ ཨ་ཏྠ་ངྒ་མ་ཉྩ དེ་སེ་སྶཱ་མི. ཏཾ སུ་ཎཱ་ཐ, སཱ་དྷུ་ཀཾ མ་ན་སི ཀ་རོ་ཐ; བྷཱ་སི་སྶཱ་མཱི’’ཏི. ‘‘ཨེ་ཝཾ, བྷ་ནྟེ’’ཏི ཁོ ཏེ བྷི་ཀྑཱུ བྷ་ག་ཝ་ཏོ པ་ཙྩ་སྶོ་སུཾ. བྷ་ག་ཝཱ ཨེ་ཏ་ད་ཝོ་ཙ –

‘‘ཀ་ཏ་མོ ཙ, བྷི་ཀྑ་ཝེ, ལོ་ཀ་སྶ ས་མུ་ད་ཡོ? ཙ་ཀྑུ་ཉྩ པ་ཊི་ཙྩ རཱུ་པེ ཙ ཨུ་པྤ་ཛྫ་ཏི ཙ་ཀྑུ་ཝི་ཉྙཱ་ཎཾ. ཏི་ཎྞཾ ས་ངྒ་ཏི ཕ་སྶོ. ཕ་སྶ་པ་ཙྩ་ཡཱ ཝེ་ད་ནཱ; ཝེ་ད་ནཱ་པ་ཙྩ་ཡཱ ཏ་ཎྷཱ; ཏ་ཎྷཱ་པ་ཙྩ་ཡཱ ཨུ་པཱ་དཱ་ནཾ; ཨུ་པཱ་དཱ་ན་པ་ཙྩ་ཡཱ བྷ་ཝོ; བྷ་ཝ་པ་ཙྩ་ཡཱ ཛཱ་ཏི; ཛཱ་ཏི་པ་ཙྩ་ཡཱ ཛ་རཱ་མ་ར་ཎཾ སོ་ཀ་པ་རི་དེ་ཝ་དུ་ཀྑ་དོ་མ་ན་སྶུ་པཱ་ཡཱ་སཱ ས་མྦྷ་ཝ་ནྟི. ཨ་ཡཾ ཁོ, བྷི་ཀྑ་ཝེ, ལོ་ཀ་སྶ ས་མུ་ད་ཡོ.

‘‘སོ་ཏ་ཉྩ པ་ཊི་ཙྩ ས་དྡེ ཙ…པེ… གྷཱ་ན་ཉྩ པ་ཊི་ཙྩ ག་ནྡྷེ ཙ… ཛི་ཝ྄ཧ་ཉྩ པ་ཊི་ཙྩ ར་སེ ཙ… ཀཱ་ཡ་ཉྩ པ་ཊི་ཙྩ ཕོ་ཊྛ་བྦེ ཙ… མ་ན་ཉྩ པ་ཊི་ཙྩ དྷ་མྨེ ཙ ཨུ་པྤ་ཛྫ་ཏི མ་ནོ་ཝི་ཉྙཱ་ཎཾ. ཏི་ཎྞཾ ས་ངྒ་ཏི ཕ་སྶོ. ཕ་སྶ་པ་ཙྩ་ཡཱ ཝེ་ད་ནཱ…པེ… ཛཱ་ཏི་པ་ཙྩ་ཡཱ ཛ་རཱ་མ་ར་ཎཾ སོ་ཀ་པ་རི་དེ་ཝ་དུ་ཀྑ་དོ་མ་ན་སྶུ་པཱ་ཡཱ་སཱ ས་མྦྷ་ཝ་ནྟི. ཨ་ཡཾ ཁོ, བྷི་ཀྑ་ཝེ, ལོ་ཀ་སྶ ས་མུ་ད་ཡོ.

‘‘ཀ་ཏ་མོ ཙ, བྷི་ཀྑ་ཝེ, ལོ་ཀ་སྶ ཨ་ཏྠ་ངྒ་མོ? ཙ་ཀྑུ་ཉྩ པ་ཊི་ཙྩ རཱུ་པེ ཙ ཨུ་པྤ་ཛྫ་ཏི ཙ་ཀྑུ་ཝི་ཉྙཱ་ཎཾ. ཏི་ཎྞཾ ས་ངྒ་ཏི ཕ་སྶོ. ཕ་སྶ་པ་ཙྩ་ཡཱ ཝེ་ད་ནཱ; ཝེ་ད་ནཱ་པ་ཙྩ་ཡཱ ཏ་ཎྷཱ. ཏ་སྶཱ་ཡེ་ཝ ཏ་ཎྷཱ་ཡ ཨ་སེ་ས་ཝི་རཱ་ག་ནི་རོ་དྷཱ ཨུ་པཱ་དཱ་ན་ནི་རོ་དྷོ; ཨུ་པཱ་དཱ་ན་ནི་རོ་དྷཱ བྷ་ཝ་ནི་རོ་དྷོ…པེ… ཨེ་ཝ་མེ་ཏ་སྶ ཀེ་ཝ་ལ་སྶ དུ་ཀྑ་ཀྑ་ནྡྷ་སྶ ནི་རོ་དྷོ ཧོ་ཏི. ཨ་ཡཾ ཁོ, བྷི་ཀྑ་ཝེ, ལོ་ཀ་སྶ ཨ་ཏྠ་ངྒ་མོ.

‘‘སོ་ཏ་ཉྩ པ་ཊི་ཙྩ ས་དྡེ ཙ…པེ… གྷཱ་ན་ཉྩ པ་ཊི་ཙྩ ག་ནྡྷེ ཙ… ཛི་ཝ྄ཧ་ཉྩ པ་ཊི་ཙྩ ར་སེ ཙ… ཀཱ་ཡ་ཉྩ པ་ཊི་ཙྩ ཕོ་ཊྛ་བྦེ ཙ… མ་ན་ཉྩ པ་ཊི་ཙྩ དྷ་མྨེ ཙ ཨུ་པྤ་ཛྫ་ཏི མ་ནོ་ཝི་ཉྙཱ་ཎཾ. ཏི་ཎྞཾ ས་ངྒ་ཏི ཕ་སྶོ. ཕ་སྶ་པ་ཙྩ་ཡཱ ཝེ་ད་ནཱ; ཝེ་ད་ནཱ་པ་ཙྩ་ཡཱ ཏ་ཎྷཱ. ཏ་སྶཱ་ཡེ་ཝ ཏ་ཎྷཱ་ཡ ཨ་སེ་ས་ཝི་རཱ་ག་ནི་རོ་དྷཱ ཨུ་པཱ་དཱ་ན་ནི་རོ་དྷོ; ཨུ་པཱ་དཱ་ན་ནི་རོ་དྷཱ བྷ་ཝ་ནི་རོ་དྷོ…པེ… ཨེ་ཝ་མེ་ཏ་སྶ ཀེ་ཝ་ལ་སྶ དུ་ཀྑ་ཀྑ་ནྡྷ་སྶ ནི་རོ་དྷོ ཧོ་ཏི. ཨ་ཡཾ ཁོ, བྷི་ཀྑ་ཝེ, ལོ་ཀ་སྶ ཨ་ཏྠ་ངྒ་མོ’’ཏི. ཙ་ཏུ་ཏྠཾ.

༥. ཉཱ་ཏི་ཀ་སུ་ཏྟཾ

༤༥. ཨེ་ཝཾ མེ སུ་ཏཾ – ཨེ་ཀཾ ས་མ་ཡཾ བྷ་ག་ཝཱ ཉཱ་ཏི་ཀེ ཝི་ཧ་ར་ཏི གི་ཉྫ་ཀཱ་ཝ་ས་ཐེ. ཨ་ཐ ཁོ བྷ་ག་ཝཱ ར་ཧོ་ག་ཏོ པ་ཊི་ས་ལླཱ་ནོ ཨི་མཾ དྷ་མྨ་པ་རི་ཡཱ་ཡཾ ཨ་བྷཱ་སི –

‘‘ཙ་ཀྑུ་ཉྩ པ་ཊི་ཙྩ རཱུ་པེ ཙ ཨུ་པྤ་ཛྫ་ཏི ཙ་ཀྑུ་ཝི་ཉྙཱ་ཎཾ. ཏི་ཎྞཾ ས་ངྒ་ཏི ཕ་སྶོ. ཕ་སྶ་པ་ཙྩ་ཡཱ ཝེ་ད་ནཱ, ཝེ་ད་ནཱ་པ་ཙྩ་ཡཱ ཏ་ཎྷཱ; ཏ་ཎྷཱ་པ་ཙྩ་ཡཱ ཨུ་པཱ་དཱ་ནཾ…པེ… ཨེ་ཝ་མེ་ཏ་སྶ ཀེ་ཝ་ལ་སྶ དུ་ཀྑ་ཀྑ་ནྡྷ་སྶ ས་མུ་ད་ཡོ ཧོ་ཏི.

‘‘སོ་ཏ་ཉྩ པ་ཊི་ཙྩ ས་དྡེ ཙ…པེ… གྷཱ་ན་ཉྩ པ་ཊི་ཙྩ ག་ནྡྷེ ཙ… ཛི་ཝ྄ཧ་ཉྩ པ་ཊི་ཙྩ ར་སེ ཙ… ཀཱ་ཡ་ཉྩ པ་ཊི་ཙྩ ཕོ་ཊྛ་བྦེ ཙ… མ་ན་ཉྩ པ་ཊི་ཙྩ དྷ་མྨེ ཙ ཨུ་པྤ་ཛྫ་ཏི མ་ནོ་ཝི་ཉྙཱ་ཎཾ. ཏི་ཎྞཾ ས་ངྒ་ཏི ཕ་སྶོ. ཕ་སྶ་པ་ཙྩ་ཡཱ ཝེ་ད་ནཱ; ཝེ་ད་ནཱ་པ་ཙྩ་ཡཱ ཏ་ཎྷཱ; ཏ་ཎྷཱ་པ་ཙྩ་ཡཱ ཨུ་པཱ་དཱ་ནཾ…པེ… ཨེ་ཝ་མེ་ཏ་སྶ ཀེ་ཝ་ལ་སྶ དུ་ཀྑ་ཀྑ་ནྡྷ་སྶ ས་མུ་ད་ཡོ ཧོ་ཏི.

‘‘ཙ་ཀྑུ་ཉྩ པ་ཊི་ཙྩ རཱུ་པེ ཙ ཨུ་པྤ་ཛྫ་ཏི ཙ་ཀྑུ་ཝི་ཉྙཱ་ཎཾ. ཏི་ཎྞཾ ས་ངྒ་ཏི ཕ་སྶོ. ཕ་སྶ་པ་ཙྩ་ཡཱ ཝེ་ད་ནཱ; ཝེ་ད་ནཱ་པ་ཙྩ་ཡཱ ཏ་ཎྷཱ. ཏ་སྶཱ་ཡེ་ཝ ཏ་ཎྷཱ་ཡ ཨ་སེ་ས་ཝི་རཱ་ག་ནི་རོ་དྷཱ ཨུ་པཱ་དཱ་ན་ནི་རོ་དྷོ; ཨུ་པཱ་དཱ་ན་ནི་རོ་དྷཱ བྷ་ཝ་ནི་རོ་དྷོ…པེ… ཨེ་ཝ་མེ་ཏ་སྶ ཀེ་ཝ་ལ་སྶ དུ་ཀྑ་ཀྑ་ནྡྷ་སྶ ནི་རོ་དྷོ ཧོ་ཏི.

‘‘སོ་ཏ་ཉྩ པ་ཊི་ཙྩ ས་དྡེ ཙ…པེ… མ་ན་ཉྩ པ་ཊི་ཙྩ དྷ་མྨེ ཙ ཨུ་པྤ་ཛྫ་ཏི མ་ནོ་ཝི་ཉྙཱ་ཎཾ. ཏི་ཎྞཾ ས་ངྒ་ཏི ཕ་སྶོ. ཕ་སྶ་པ་ཙྩ་ཡཱ ཝེ་ད་ནཱ; ཝེ་ད་ནཱ་པ་ཙྩ་ཡཱ ཏ་ཎྷཱ. ཏ་སྶཱ་ཡེ་ཝ ཏ་ཎྷཱ་ཡ ཨ་སེ་ས་ཝི་རཱ་ག་ནི་རོ་དྷཱ ཨུ་པཱ་དཱ་ན་ནི་རོ་དྷོ; ཨུ་པཱ་དཱ་ན་ནི་རོ་དྷཱ བྷ་ཝ་ནི་རོ་དྷོ…པེ… ཨེ་ཝ་མེ་ཏ་སྶ ཀེ་ཝ་ལ་སྶ དུ་ཀྑ་ཀྑ་ནྡྷ་སྶ ནི་རོ་དྷོ ཧོ་ཏཱི’’ཏི.

ཏེ་ན ཁོ པ་ན ས་མ་ཡེ་ན ཨ་ཉྙ་ཏ་རོ བྷི་ཀྑུ བྷ་ག་ཝ་ཏོ ཨུ་པ་སྶུ་ཏི [ཨུ་པ་སྶུ་ཏིཾ (སཱི. པཱི.)] ཋི་ཏོ ཧོ་ཏི. ཨ་དྡ་སཱ ཁོ བྷ་ག་ཝཱ ཏཾ བྷི་ཀྑུཾ ཨུ་པ་སྶུ་ཏི ཋི་ཏཾ. དི་སྭཱ་ན ཏཾ བྷི་ཀྑུཾ ཨེ་ཏ་ད་ཝོ་ཙ – ‘‘ཨ་སྶོ་སི ནོ ཏྭཾ, བྷི་ཀྑུ, ཨི་མཾ དྷ་མྨ་པ་རི་ཡཱ་ཡ’’ནྟི? ‘‘ཨེ་ཝཾ, བྷ་ནྟེ’’ཏི. ‘‘ཨུ་གྒ་ཎྷཱ་ཧི ཏྭཾ, བྷི་ཀྑུ, ཨི་མཾ དྷ་མྨ་པ་རི་ཡཱ་ཡཾ; པ་རི་ཡཱ་པུ་ཎཱ་ཧི ཏྭཾ, བྷི་ཀྑུ, ཨི་མཾ དྷ་མྨ་པ་རི་ཡཱ་ཡཾ; དྷཱ་རེ་ཧི ཏྭཾ, བྷི་ཀྑུ, ཨི་མཾ དྷ་མྨ་པ་རི་ཡཱ་ཡཾ. ཨ་ཏྠ་སཾ་ཧི་ཏོ ཨ་ཡཾ [ཨ་ཏྠ་སཾ་ཧི་ཏོ་ཡཾ (སཱི. སྱཱ. ཀཾ.), ཨ་ཏྠ་སཾ་ཧི་ཏཱ་ཡཾ (པཱི. ཀ.)], བྷི་ཀྑུ, དྷ་མྨ་པ་རི་ཡཱ་ཡོ ཨཱ་དི་བྲ་ཧྨ་ཙ་རི་ཡ་ཀོ’’ཏི. པ་ཉྩ་མཾ.

༦. ཨ་ཉྙ་ཏ་ར་བྲཱ་ཧྨ་ཎ་སུ་ཏྟཾ

༤༦. སཱ་ཝ་ཏྠི་ཡཾ ཝི་ཧ་ར་ཏི. ཨ་ཐ ཁོ ཨ་ཉྙ་ཏ་རོ བྲཱ་ཧྨ་ཎོ ཡེ་ན བྷ་ག་ཝཱ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ བྷ་ག་ཝ་ཏཱ ས་དྡྷིཾ ས་མྨོ་དི. ས་མྨོ་ད་ནཱི་ཡཾ ཀ་ཐཾ སཱ་ར་ཎཱི་ཡཾ ཝཱི་ཏི་སཱ་རེ་ཏྭཱ ཨེ་ཀ་མ་ནྟཾ ནི་སཱི་དི. ཨེ་ཀ་མ་ནྟཾ ནི་སི་ནྣོ ཁོ སོ བྲཱ་ཧྨ་ཎོ བྷ་ག་ཝ་ནྟཾ ཨེ་ཏ་ད་ཝོ་ཙ –

‘‘ཀིཾ ནུ ཁོ, བྷོ གོ་ཏ་མ, སོ ཀ་རོ་ཏི སོ པ་ཊི་སཾ་ཝེ་ད་ཡ་ཏཱི’’ཏི? ‘‘‘སོ ཀ་རོ་ཏི སོ པ་ཊི་སཾ་ཝེ་ད་ཡ་ཏཱི’ཏི ཁོ, བྲཱ་ཧྨ་ཎ, ཨ་ཡ་མེ་ཀོ ཨ་ནྟོ’’.

‘‘ཀིཾ པ་ན, བྷོ གོ་ཏ་མ, ཨ་ཉྙོ ཀ་རོ་ཏི, ཨ་ཉྙོ པ་ཊི་སཾ་ཝེ་ད་ཡ་ཏཱི’’ཏི? ‘‘‘ཨ་ཉྙོ ཀ་རོ་ཏི, ཨ་ཉྙོ པ་ཊི་སཾ་ཝེ་ད་ཡ་ཏཱི’ཏི ཁོ, བྲཱ་ཧྨ་ཎ, ཨ་ཡཾ དུ་ཏི་ཡོ ཨ་ནྟོ. ཨེ་ཏེ ཏེ, བྲཱ་ཧྨ་ཎ, ཨུ་བྷོ ཨ་ནྟེ ཨ་ནུ་པ་ག་མྨ མ་ཛ྄ཛྷེ་ན ཏ་ཐཱ་ག་ཏོ དྷ་མྨཾ དེ་སེ་ཏི – ‘ཨ་ཝི་ཛྫཱ་པ་ཙྩ་ཡཱ ས་ངྑཱ་རཱ; ས་ངྑཱ་ར་པ་ཙྩ་ཡཱ ཝི་ཉྙཱ་ཎཾ…པེ… ཨེ་ཝ་མེ་ཏ་སྶ ཀེ་ཝ་ལ་སྶ དུ་ཀྑ་ཀྑ་ནྡྷ་སྶ ས་མུ་ད་ཡོ ཧོ་ཏི. ཨ་ཝི་ཛྫཱ་ཡ ཏྭེ་ཝ ཨ་སེ་ས་ཝི་རཱ་ག་ནི་རོ་དྷཱ ས་ངྑཱ་ར་ནི་རོ་དྷོ; ས་ངྑཱ་ར་ནི་རོ་དྷཱ ཝི་ཉྙཱ་ཎ་ནི་རོ་དྷོ …པེ… ཨེ་ཝ་མེ་ཏ་སྶ ཀེ་ཝ་ལ་སྶ དུ་ཀྑ་ཀྑ་ནྡྷ་སྶ ནི་རོ་དྷོ ཧོ་ཏཱི’’’ཏི.

ཨེ་ཝཾ ཝུ་ཏྟེ, སོ བྲཱ་ཧྨ་ཎོ བྷ་ག་ཝ་ནྟཾ ཨེ་ཏ་ད་ཝོ་ཙ – ‘‘ཨ་བྷི་ཀྐ་ནྟཾ, བྷོ གོ་ཏ་མ, ཨ་བྷི་ཀྐ་ནྟཾ, བྷོ གོ་ཏ་མ,…པེ… ཨུ་པཱ་ས་ཀཾ མཾ བྷ་ཝཾ གོ་ཏ་མོ དྷཱ་རེ་ཏུ ཨ་ཛྫ་ཏ་གྒེ པཱ་ཎུ་པེ་ཏཾ ས་ར་ཎཾ ག་ཏ’’ནྟི. ཚ་ཊྛཾ.

༧. ཛཱ་ཎུ་སྶོ་ཎི་སུ་ཏྟཾ

༤༧. སཱ་ཝ་ཏྠི་ཡཾ ཝི་ཧ་ར་ཏི. ཨ་ཐ ཁོ ཛཱ་ཎུ་སྶོ་ཎི བྲཱ་ཧྨ་ཎོ ཡེ་ན བྷ་ག་ཝཱ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ བྷ་ག་ཝ་ཏཱ ས་དྡྷིཾ…པེ… ཨེ་ཀ་མ་ནྟཾ ནི་སི་ནྣོ ཁོ ཛཱ་ཎུ་སྶོ་ཎི བྲཱ་ཧྨ་ཎོ བྷ་ག་ཝ་ནྟཾ ཨེ་ཏ་ད་ཝོ་ཙ –

‘‘ཀིཾ ནུ ཁོ, བྷོ, གོ་ཏ་མ, ས་བྦ་མ་ཏྠཱི’’ཏི? ‘‘‘ས་བྦ་མ་ཏྠཱི’ཏི ཁོ, བྲཱ་ཧྨ་ཎ, ཨ་ཡ་མེ་ཀོ ཨ་ནྟོ’’.

‘‘ཀིཾ པ་ན, བྷོ གོ་ཏ་མ, ས་བྦཾ ན་ཏྠཱི’’ཏི? ‘‘‘ས་བྦཾ ན་ཏྠཱི’ཏི ཁོ, བྲཱ་ཧྨ་ཎ, ཨ་ཡཾ དུ་ཏི་ཡོ ཨ་ནྟོ. ཨེ་ཏེ ཏེ, བྲཱ་ཧྨ་ཎ, ཨུ་བྷོ ཨ་ནྟེ ཨ་ནུ་པ་ག་མྨ མ་ཛ྄ཛྷེ་ན ཏ་ཐཱ་ག་ཏོ དྷ་མྨཾ དེ་སེ་ཏི – ‘ཨ་ཝི་ཛྫཱ་པ་ཙྩ་ཡཱ ས་ངྑཱ་རཱ; ས་ངྑཱ་ར་པ་ཙྩ་ཡཱ ཝི་ཉྙཱ་ཎཾ…པེ… ཨེ་ཝ་མེ་ཏ་སྶ ཀེ་ཝ་ལ་སྶ དུ་ཀྑ་ཀྑ་ནྡྷ་སྶ ས་མུ་ད་ཡོ ཧོ་ཏི. ཨ་ཝི་ཛྫཱ་ཡ ཏྭེ་ཝ ཨ་སེ་ས་ཝི་རཱ་ག་ནི་རོ་དྷཱ ས་ངྑཱ་ར་ནི་རོ་དྷོ; ས་ངྑཱ་ར་ནི་རོ་དྷཱ ཝི་ཉྙཱ་ཎ་ནི་རོ་དྷོ…པེ… ཨེ་ཝ་མེ་ཏ་སྶ ཀེ་ཝ་ལ་སྶ དུ་ཀྑ་ཀྑ་ནྡྷ་སྶ ནི་རོ་དྷོ ཧོ་ཏཱི’’’ཏི.

ཨེ་ཝཾ ཝུ་ཏྟེ, ཛཱ་ཎུ་སྶོ་ཎི བྲཱ་ཧྨ་ཎོ བྷ་ག་ཝ་ནྟཾ ཨེ་ཏ་ད་ཝོ་ཙ – ‘‘ཨ་བྷི་ཀྐ་ནྟཾ བྷོ གོ་ཏ་མ…པེ… པཱ་ཎུ་པེ་ཏཾ ས་ར་ཎཾ ག་ཏ’’ནྟི. ས་ཏྟ་མཾ.

༨. ལོ་ཀཱ་ཡ་ཏི་ཀ་སུ་ཏྟཾ

༤༨. སཱ་ཝ་ཏྠི་ཡཾ ཝི་ཧ་ར་ཏི. ཨ་ཐ ཁོ ལོ་ཀཱ་ཡ་ཏི་ཀོ བྲཱ་ཧྨ་ཎོ ཡེ་ན བྷ་ག་ཝཱ…པེ… ཨེ་ཀ་མ་ནྟཾ ནི་སི་ནྣོ ཁོ ལོ་ཀཱ་ཡ་ཏི་ཀོ བྲཱ་ཧྨ་ཎོ བྷ་ག་ཝ་ནྟཾ ཨེ་ཏ་ད་ཝོ་ཙ –

‘‘ཀིཾ ནུ ཁོ, བྷོ གོ་ཏ་མ, ས་བྦ་མ་ཏྠཱི’’ཏི? ‘‘‘ས་བྦ་མ་ཏྠཱི’ཏི ཁོ, བྲཱ་ཧྨ་ཎ, ཛེ་ཊྛ་མེ་ཏཾ ལོ་ཀཱ་ཡ་ཏཾ’’.

‘‘ཀིཾ པ་ན, བྷོ གོ་ཏ་མ, ས་བྦཾ ན་ཏྠཱི’’ཏི? ‘‘‘ས་བྦཾ ན་ཏྠཱི’ཏི ཁོ, བྲཱ་ཧྨ་ཎ, དུ་ཏི་ཡ་མེ་ཏཾ ལོ་ཀཱ་ཡ་ཏཾ’’.

‘‘ཀིཾ ནུ ཁོ, བྷོ གོ་ཏ་མ, ས་བྦ་མེ་ཀ་ཏྟ’’ནྟི? ‘‘‘ས་བྦ་མེ་ཀ་ཏྟ’ནྟི ཁོ, བྲཱ་ཧྨ་ཎ, ཏ་ཏི་ཡ་མེ་ཏཾ ལོ་ཀཱ་ཡ་ཏཾ’’.

‘‘ཀིཾ པ་ན, བྷོ གོ་ཏ་མ, ས་བྦཾ པུ་ཐུ་ཏྟ’’ནྟི? ‘‘‘ས་བྦཾ པུ་ཐུ་ཏྟ’ནྟི ཁོ, བྲཱ་ཧྨ་ཎ, ཙ་ཏུ་ཏྠ་མེ་ཏཾ ལོ་ཀཱ་ཡ་ཏཾ’’.

‘‘ཨེ་ཏེ ཏེ, བྲཱ་ཧྨ་ཎ, ཨུ་བྷོ ཨ་ནྟེ ཨ་ནུ་པ་ག་མྨ མ་ཛ྄ཛྷེ་ན ཏ་ཐཱ་ག་ཏོ དྷ་མྨཾ དེ་སེ་ཏི – ‘ཨ་ཝི་ཛྫཱ་པ་ཙྩ་ཡཱ ས་ངྑཱ་རཱ; ས་ངྑཱ་ར་པ་ཙྩ་ཡཱ ཝི་ཉྙཱ་ཎཾ…པེ… ཨེ་ཝ་མེ་ཏ་སྶ ཀེ་ཝ་ལ་སྶ དུ་ཀྑ་ཀྑ་ནྡྷ་སྶ ས་མུ་ད་ཡོ ཧོ་ཏི. ཨ་ཝི་ཛྫཱ་ཡ ཏྭེ་ཝ ཨ་སེ་ས་ཝི་རཱ་ག་ནི་རོ་དྷཱ ས་ངྑཱ་ར་ནི་རོ་དྷོ; ས་ངྑཱ་ར་ནི་རོ་དྷཱ ཝི་ཉྙཱ་ཎ་ནི་རོ་དྷོ…པེ… ཨེ་ཝ་མེ་ཏ་སྶ ཀེ་ཝ་ལ་སྶ དུ་ཀྑ་ཀྑ་ནྡྷ་སྶ ནི་རོ་དྷོ ཧོ་ཏཱི’’’ཏི.

ཨེ་ཝཾ ཝུ་ཏྟེ, ལོ་ཀཱ་ཡ་ཏི་ཀོ བྲཱ་ཧྨ་ཎོ བྷ་ག་ཝ་ནྟཾ ཨེ་ཏ་ད་ཝོ་ཙ – ‘‘ཨ་བྷི་ཀྐ་ནྟཾ, བྷོ གོ་ཏ་མ…པེ… ཨ་ཛྫ་ཏ་གྒེ པཱ་ཎུ་པེ་ཏཾ ས་ར་ཎཾ ག་ཏ’’ནྟི. ཨ་ཊྛ་མཾ.

༩. ཨ་རི་ཡ་སཱ་ཝ་ཀ་སུ་ཏྟཾ

༤༩. སཱ་ཝ་ཏྠི་ཡཾ ཝི་ཧ་ར་ཏི…པེ… ‘‘ན, བྷི་ཀྑ་ཝེ, སུ་ཏ་ཝ་ཏོ ཨ་རི་ཡ་སཱ་ཝ་ཀ་སྶ ཨེ་ཝཾ ཧོ་ཏི – ‘ཀིཾ ནུ ཁོ ཀི་སྨིཾ ས་ཏི ཀིཾ ཧོ་ཏི, ཀི་སྶུ་པྤཱ་དཱ ཀིཾ ཨུ་པྤ་ཛྫ་ཏི? (ཀི་སྨིཾ ས་ཏི ས་ངྑཱ་རཱ ཧོ་ནྟི, ཀི་སྨིཾ ས་ཏི ཝི་ཉྙཱ་ཎཾ ཧོ་ཏི,) [( ) ཨེ་ཏྠ་ནྟ་རེ པཱ་ཋཱ ཀེ་སུ་ཙི པོ་ཏྠ་ཀེ་སུ ན དི་སྶ་ནྟཱི་ཏི སཱི. པཱི. པོ་ཏྠ་ཀེ་སུ ད་སྶི་ཏཱ. ཏ་ཐཱ ས་ཏི ཨ་ན་ནྟ་ར་སུ་ཏྟ་ཊཱི་ཀཱ་ཡ ས་མེ་ཏི] ཀི་སྨིཾ ས་ཏི ནཱ་མ་རཱུ་པཾ ཧོ་ཏི, ཀི་སྨིཾ ས་ཏི ས་ལཱ༹་ཡ་ཏ་ནཾ ཧོ་ཏི, ཀི་སྨིཾ ས་ཏི ཕ་སྶོ ཧོ་ཏི, ཀི་སྨིཾ ས་ཏི ཝེ་ད་ནཱ ཧོ་ཏི, ཀི་སྨིཾ ས་ཏི ཏ་ཎྷཱ ཧོ་ཏི, ཀི་སྨིཾ ས་ཏི ཨུ་པཱ་དཱ་ནཾ ཧོ་ཏི, ཀི་སྨིཾ ས་ཏི བྷ་ཝོ ཧོ་ཏི, ཀི་སྨིཾ ས་ཏི ཛཱ་ཏི ཧོ་ཏི, ཀི་སྨིཾ ས་ཏི ཛ་རཱ་མ་ར་ཎཾ ཧོ་ཏཱི’’’ཏི?

‘‘ཨ་ཐ ཁོ, བྷི་ཀྑ་ཝེ, སུ་ཏ་ཝ་ཏོ ཨ་རི་ཡ་སཱ་ཝ་ཀ་སྶ ཨ་པ་ར་པྤ་ཙྩ་ཡཱ ཉཱ་ཎ་མེ་ཝེ་ཏྠ ཧོ་ཏི – ‘ཨི་མ་སྨིཾ ས་ཏི ཨི་དཾ ཧོ་ཏི, ཨི་མ་སྶུ་པྤཱ་དཱ ཨི་དཾ ཨུ་པྤ་ཛྫ་ཏི. (ཨ་ཝི་ཛྫཱ་ཡ ས་ཏི ས་ངྑཱ་རཱ ཧོ་ནྟི; ས་ངྑཱ་རེ་སུ ས་ཏི ཝི་ཉྙཱ་ཎཾ ཧོ་ཏི;) [( ) ཨེ་ཏྠ་ཀེ་སུ པཱ་ཋཱ ཀེ་སུ་ཙི པོ་ཏྠ་ཀེ་སུ ན དི་སྶ་ནྟཱི་ཏི སཱི. པཱི. པོ་ཏྠ་ཀེ་སུ ད་སྶི་ཏཱ. ཏ་ཐཱ ས་ཏི ཨ་ན་ནྟ་ར་སུ་ཏྟ་ཊཱི་ཀཱ་ཡ ས་མེ་ཏི] ཝི་ཉྙཱ་ཎེ ས་ཏི ནཱ་མ་རཱུ་པཾ ཧོ་ཏི; ནཱ་མ་རཱུ་པེ ས་ཏི ས་ལཱ༹་ཡ་ཏ་ནཾ ཧོ་ཏི; ས་ལཱ༹་ཡ་ཏ་ནེ ས་ཏི ཕ་སྶོ ཧོ་ཏི; ཕ་སྶེ ས་ཏི ཝེ་ད་ནཱ ཧོ་ཏི; ཝེ་ད་ནཱ་ཡ ས་ཏི ཏ་ཎྷཱ ཧོ་ཏི; ཏ་ཎྷཱ་ཡ ས་ཏི ཨུ་པཱ་དཱ་ནཾ ཧོ་ཏི; ཨུ་པཱ་དཱ་ནེ ས་ཏི བྷ་ཝོ ཧོ་ཏི; བྷ་ཝེ ས་ཏི ཛཱ་ཏི ཧོ་ཏི; ཛཱ་ཏི་ཡཱ ས་ཏི ཛ་རཱ་མ་ར་ཎཾ ཧོ་ཏཱི’ཏི. སོ ཨེ་ཝཾ པ་ཛཱ་ནཱ་ཏི – ‘ཨེ་ཝ་མ་ཡཾ ལོ་ཀོ ས་མུ་ད་ཡ་ཏཱི’’’ཏི.

‘‘ན, བྷི་ཀྑ་ཝེ, སུ་ཏ་ཝ་ཏོ ཨ་རི་ཡ་སཱ་ཝ་ཀ་སྶ ཨེ་ཝཾ ཧོ་ཏི – ‘ཀིཾ ནུ ཁོ ཀི་སྨིཾ ཨ་ས་ཏི ཀིཾ ན ཧོ་ཏི, ཀི་སྶ ནི་རོ་དྷཱ ཀིཾ ནི་རུ་ཛ྄ཛྷ་ཏི? (ཀི་སྨིཾ ཨ་ས་ཏི ས་ངྑཱ་རཱ ན ཧོ་ནྟི, ཀི་སྨིཾ ཨ་ས་ཏི ཝི་ཉྙཱ་ཎཾ ན ཧོ་ཏི,) [( ) ཨེ་ཏྠ་ནྟ་རེ པཱ་ཋཱ་པི ཏ་ཏྠ ཏ་ཐེ་ཝ ད་སྶི་ཏཱ] ཀི་སྨིཾ ཨ་ས་ཏི ནཱ་མ་རཱུ་པཾ ན ཧོ་ཏི, ཀི་སྨིཾ ཨ་ས་ཏི ས་ལཱ༹་ཡ་ཏ་ནཾ ན ཧོ་ཏི, ཀི་སྨིཾ ཨ་ས་ཏི ཕ་སྶོ ན ཧོ་ཏི, ཀི་སྨིཾ ཨ་ས་ཏི ཝེ་ད་ནཱ ན ཧོ་ཏི, ཀི་སྨིཾ ཨ་ས་ཏི ཏ་ཎྷཱ ན ཧོ་ཏི, ཀི་སྨིཾ ཨ་ས་ཏི ཨུ་པཱ་དཱ་ནཾ ན ཧོ་ཏི, ཀི་སྨིཾ ཨ་ས་ཏི བྷ་ཝོ ན ཧོ་ཏི, ཀི་སྨིཾ ཨ་ས་ཏི ཛཱ་ཏི ན ཧོ་ཏི, ཀི་སྨིཾ ཨ་ས་ཏི ཛ་རཱ་མ་ར་ཎཾ ན ཧོ་ཏཱི’’’ཏི?

‘‘ཨ་ཐ ཁོ, བྷི་ཀྑ་ཝེ, སུ་ཏ་ཝ་ཏོ ཨ་རི་ཡ་སཱ་ཝ་ཀ་སྶ ཨ་པ་ར་པྤ་ཙྩ་ཡཱ ཉཱ་ཎ་མེ་ཝེ་ཏྠ ཧོ་ཏི – ‘ཨི་མ་སྨིཾ ཨ་ས་ཏི ཨི་དཾ ན ཧོ་ཏི, ཨི་མ་སྶ ནི་རོ་དྷཱ ཨི་དཾ ནི་རུ་ཛ྄ཛྷ་ཏི. (ཨ་ཝི་ཛྫཱ་ཡ ཨ་ས་ཏི ས་ངྑཱ་རཱ ན ཧོ་ནྟི; ས་ངྑཱ་རེ་སུ ཨ་ས་ཏི ཝི་ཉྙཱ་ཎཾ ན ཧོ་ཏི;) [( ) ཨེ་ཏྠ་ནྟ་རེ པཱ་ཋཱ་པི ཏ་ཏྠ ཏ་ཐེ་ཝ ད་སྶི་ཏཱ] ཝི་ཉྙཱ་ཎེ ཨ་ས་ཏི ནཱ་མ་རཱུ་པཾ ན ཧོ་ཏི; ནཱ་མ་རཱུ་པེ ཨ་ས་ཏི ས་ལཱ༹་ཡ་ཏ་ནཾ ན ཧོ་ཏི…པེ… བྷ་ཝོ ན ཧོ་ཏི… ཛཱ་ཏི ན ཧོ་ཏི… ཛཱ་ཏི་ཡཱ ཨ་ས་ཏི ཛ་རཱ་མ་ར་ཎཾ ན ཧོ་ཏཱི’ཏི. སོ ཨེ་ཝཾ པ་ཛཱ་ནཱ་ཏི – ‘ཨེ་ཝ་མ་ཡཾ ལོ་ཀོ ནི་རུ་ཛ྄ཛྷ་ཏཱི’’’ཏི.

‘‘ཡ་ཏོ ཁོ, བྷི་ཀྑ་ཝེ, ཨ་རི་ཡ་སཱ་ཝ་ཀོ ཨེ་ཝཾ ལོ་ཀ་སྶ ས་མུ་ད་ཡ་ཉྩ ཨ་ཏྠ་ངྒ་མ་ཉྩ ཡ་ཐཱ་བྷཱུ་ཏཾ པ་ཛཱ་ནཱ་ཏི, ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་རི་ཡ་སཱ་ཝ་ཀོ དི་ཊྛི་ས་མྤ་ནྣོ ཨི་ཏི་པི…པེ… ཨ་མ་ཏ་དྭཱ་རཾ ཨཱ་ཧ་ཙྩ ཏི་ཊྛ་ཏི ཨི་ཏི་པཱི’’ཏི. ན་ཝ་མཾ.

༡༠. དུ་ཏི་ཡ་ཨ་རི་ཡ་སཱ་ཝ་ཀ་སུ་ཏྟཾ

༥༠. སཱ་ཝ་ཏྠི་ཡཾ ཝི་ཧ་ར་ཏི…པེ… ‘‘ན, བྷི་ཀྑ་ཝེ, སུ་ཏ་ཝ་ཏོ ཨ་རི་ཡ་སཱ་ཝ་ཀ་སྶ ཨེ་ཝཾ ཧོ་ཏི – ‘ཀིཾ ནུ ཁོ ཀི་སྨིཾ ས་ཏི ཀིཾ ཧོ་ཏི, ཀི་སྶུ་པྤཱ་དཱ ཀིཾ ཨུ་པྤ་ཛྫ་ཏི? ཀི་སྨིཾ ས་ཏི ས་ངྑཱ་རཱ ཧོ་ནྟི, ཀི་སྨིཾ ས་ཏི ཝི་ཉྙཱ་ཎཾ ཧོ་ཏི, ཀི་སྨིཾ ས་ཏི ནཱ་མ་རཱུ་པཾ ཧོ་ཏི, ཀི་སྨིཾ ས་ཏི ས་ལཱ༹་ཡ་ཏ་ནཾ ཧོ་ཏི, ཀི་སྨིཾ ས་ཏི ཕ་སྶོ ཧོ་ཏི, ཀི་སྨིཾ ས་ཏི ཝེ་ད་ནཱ ཧོ་ཏི, ཀི་སྨིཾ ས་ཏི ཏ་ཎྷཱ ཧོ་ཏི, ཀི་སྨིཾ ས་ཏི ཨུ་པཱ་དཱ་ནཾ ཧོ་ཏི, ཀི་སྨིཾ ས་ཏི བྷ་ཝོ ཧོ་ཏི, ཀི་སྨིཾ ས་ཏི ཛཱ་ཏི ཧོ་ཏི, ཀི་སྨིཾ ས་ཏི ཛ་རཱ་མ་ར་ཎཾ ཧོ་ཏཱི’’’ཏི?

‘‘ཨ་ཐ ཁོ, བྷི་ཀྑ་ཝེ, སུ་ཏ་ཝ་ཏོ ཨ་རི་ཡ་སཱ་ཝ་ཀ་སྶ ཨ་པ་ར་པྤ་ཙྩ་ཡཱ ཉཱ་ཎ་མེ་ཝེ་ཏྠ ཧོ་ཏི – ‘ཨི་མ་སྨིཾ ས་ཏི ཨི་དཾ ཧོ་ཏི, ཨི་མ་སྶུ་པྤཱ་དཱ ཨི་དཾ ཨུ་པྤ་ཛྫ་ཏི. ཨ་ཝི་ཛྫཱ་ཡ ས་ཏི ས་ངྑཱ་རཱ ཧོ་ནྟི; ས་ངྑཱ་རེ་སུ ས་ཏི ཝི་ཉྙཱ་ཎཾ ཧོ་ཏི; ཝི་ཉྙཱ་ཎེ ས་ཏི ནཱ་མ་རཱུ་པཾ ཧོ་ཏི; ནཱ་མ་རཱུ་པེ ས་ཏི ས་ལཱ༹་ཡ་ཏ་ནཾ ཧོ་ཏི; ས་ལཱ༹་ཡ་ཏ་ནེ ས་ཏི ཕ་སྶོ ཧོ་ཏི; ཕ་སྶེ ས་ཏི ཝེ་ད་ནཱ ཧོ་ཏི; ཝེ་ད་ནཱ་ཡ ས་ཏི ཏ་ཎྷཱ ཧོ་ཏི; ཏ་ཎྷཱ་ཡ ས་ཏི ཨུ་པཱ་དཱ་ནཾ ཧོ་ཏི; ཨུ་པཱ་དཱ་ནེ ས་ཏི བྷ་ཝོ ཧོ་ཏི; བྷ་ཝེ ས་ཏི ཛཱ་ཏི ཧོ་ཏི; ཛཱ་ཏི་ཡཱ ས་ཏི ཛ་རཱ་མ་ར་ཎཾ ཧོ་ཏཱི’ཏི. སོ ཨེ་ཝཾ པ་ཛཱ་ནཱ་ཏི – ‘ཨེ་ཝ་མ་ཡཾ ལོ་ཀོ ས་མུ་ད་ཡ་ཏཱི’’’ཏི.

‘‘ན, བྷི་ཀྑ་ཝེ, སུ་ཏ་ཝ་ཏོ ཨ་རི་ཡ་སཱ་ཝ་ཀ་སྶ ཨེ་ཝཾ ཧོ་ཏི – ‘ཀིཾ ནུ ཁོ ཀི་སྨིཾ ཨ་ས་ཏི ཀིཾ ན ཧོ་ཏི, ཀི་སྶ ནི་རོ་དྷཱ ཀིཾ ནི་རུ་ཛ྄ཛྷ་ཏི? ཀི་སྨིཾ ཨ་ས་ཏི ས་ངྑཱ་རཱ ན ཧོ་ནྟི, ཀི་སྨིཾ ཨ་ས་ཏི ཝི་ཉྙཱ་ཎཾ ན ཧོ་ཏི, ཀི་སྨིཾ ཨ་ས་ཏི ནཱ་མ་རཱུ་པཾ ན ཧོ་ཏི, ཀི་སྨིཾ ཨ་ས་ཏི ས་ལཱ༹་ཡ་ཏ་ནཾ ན ཧོ་ཏི, ཀི་སྨིཾ ཨ་ས་ཏི ཕ་སྶོ ན ཧོ་ཏི, ཀི་སྨིཾ ཨ་ས་ཏི ཝེ་ད་ནཱ ན ཧོ་ཏི, ཀི་སྨིཾ ཨ་ས་ཏི ཏ་ཎྷཱ ན ཧོ་ཏི…པེ… ཨུ་པཱ་དཱ་ནཾ… བྷ་ཝོ… ཛཱ་ཏི… ཀི་སྨིཾ ཨ་ས་ཏི ཛ་རཱ་མ་ར་ཎཾ ན ཧོ་ཏཱི’’’ཏི?

‘‘ཨ་ཐ ཁོ, བྷི་ཀྑ་ཝེ, སུ་ཏ་ཝ་ཏོ ཨ་རི་ཡ་སཱ་ཝ་ཀ་སྶ ཨ་པ་ར་པྤ་ཙྩ་ཡཱ ཉཱ་ཎ་མེ་ཝེ་ཏྠ ཧོ་ཏི – ‘ཨི་མ་སྨིཾ ཨ་ས་ཏི ཨི་དཾ ན ཧོ་ཏི, ཨི་མ་སྶ ནི་རོ་དྷཱ ཨི་དཾ ནི་རུ་ཛ྄ཛྷ་ཏི. ཨ་ཝི་ཛྫཱ་ཡ ཨ་ས་ཏི ས་ངྑཱ་རཱ ན ཧོ་ནྟི; ས་ངྑཱ་རེ་སུ ཨ་ས་ཏི ཝི་ཉྙཱ་ཎཾ ན ཧོ་ཏི; ཝི་ཉྙཱ་ཎེ ཨ་ས་ཏི ནཱ་མ་རཱུ་པཾ ན ཧོ་ཏི; ནཱ་མ་རཱུ་པེ ཨ་ས་ཏི ས་ལཱ༹་ཡ་ཏ་ནཾ ན ཧོ་ཏི…པེ… ཛཱ་ཏི་ཡཱ ཨ་ས་ཏི ཛ་རཱ་མ་ར་ཎཾ ན ཧོ་ཏཱི’ཏི. སོ ཨེ་ཝཾ པ་ཛཱ་ནཱ་ཏི – ‘ཨེ་ཝ་མ་ཡཾ ལོ་ཀོ ནི་རུ་ཛ྄ཛྷ་ཏཱི’’’ཏི.

‘‘ཡ་ཏོ ཁོ, བྷི་ཀྑ་ཝེ, ཨ་རི་ཡ་སཱ་ཝ་ཀོ ཨེ་ཝཾ ལོ་ཀ་སྶ ས་མུ་ད་ཡ་ཉྩ ཨ་ཏྠ་ངྒ་མ་ཉྩ ཡ་ཐཱ་བྷཱུ་ཏཾ པ་ཛཱ་ནཱ་ཏི, ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་རི་ཡ་སཱ་ཝ་ཀོ དི་ཊྛི་ས་མྤ་ནྣོ ཨི་ཏི་པི, ད་སྶ་ན་ས་མྤ་ནྣོ ཨི་ཏི་པི, ཨཱ་ག་ཏོ ཨི་མཾ ས་དྡྷ་མྨཾ ཨི་ཏི་པི, པ་སྶ་ཏི ཨི་མཾ ས་དྡྷ་མྨཾ ཨི་ཏི་པི, སེ་ཀྑེ་ན ཉཱ་ཎེ་ན ས་མ་ནྣཱ་ག་ཏོ ཨི་ཏི་པི, སེ་ཀྑཱ་ཡ ཝི་ཛྫཱ་ཡ ས་མ་ནྣཱ་ག་ཏོ ཨི་ཏི་པི, དྷ་མྨ་སོ་ཏཾ ས་མཱ་པ་ནྣོ ཨི་ཏི་པི, ཨ་རི་ཡོ ནི་བྦེ་དྷི་ཀ་པ་ཉྙོ ཨི་ཏི་པི, ཨ་མ་ཏ་དྭཱ་རཾ ཨཱ་ཧ་ཙྩ ཏི་ཊྛ་ཏི ཨི་ཏི་པཱི’’ཏི. ད་ས་མཾ.

ག་ཧ་པ་ཏི་ཝ་གྒོ པ་ཉྩ་མོ.

ཏ་སྶུ་དྡཱ་ནཾ –

དྭེ པ་ཉྩ་ཝེ་ར་བྷ་ཡཱ ཝུ་ཏྟཱ, དུ་ཀྑཾ ལོ་ཀོ ཙ ཉཱ་ཏི་ཀཾ;

ཨ་ཉྙ་ཏ་རཾ ཛཱ་ཎུ་སྶོ་ཎི ཙ, ལོ་ཀཱ་ཡ་ཏི་ཀེ་ན ཨ་ཊྛ་མཾ;

དྭེ ཨ་རི་ཡ་སཱ་ཝ་ཀཱ ཝུ་ཏྟཱ, ཝ་གྒོ ཏེ་ན པ་ཝུ་ཙྩ་ཏཱི་ཏི.