༡༡. ཨ་ར་ཎ་སུ་ཏྟཾ
༨༡. ‘‘ཀེ་སཱུ་དྷ ཨ་ར་ཎཱ ལོ་ཀེ, ཀེ་སཾ ཝུ་སི་ཏཾ ན ན་སྶ་ཏི;
ཀེ་དྷ ཨི་ཙྪཾ པ་རི་ཛཱ་ན་ནྟི, ཀེ་སཾ བྷོ་ཛི་སྶི་ཡཾ ས་དཱ.
‘‘ཀིཾ་སུ མཱ་ཏཱ པི་ཏཱ བྷཱ་ཏཱ, ཝ་ནྡ་ནྟི ནཾ པ་ཏི་ཊྛི་ཏཾ;
ཀིཾ་སུ ཨི་དྷ ཛཱ་ཏི་ཧཱི་ནཾ, ཨ་བྷི་ཝཱ་དེ་ནྟི ཁ་ཏྟི་ཡཱ’’ཏི.
‘‘ས་མ་ཎཱི་དྷ ཨ་ར་ཎཱ ལོ་ཀེ, ས་མ་ཎཱ་ནཾ ཝུ་སི་ཏཾ ན ན་སྶ་ཏི;
ས་མ་ཎཱ ཨི་ཙྪཾ པ་རི་ཛཱ་ན་ནྟི, ས་མ་ཎཱ་ནཾ བྷོ་ཛི་སྶི་ཡཾ ས་དཱ.
‘‘ས་མ་ཎཾ མཱ་ཏཱ པི་ཏཱ བྷཱ་ཏཱ, ཝ་ནྡ་ནྟི ནཾ པ་ཏི་ཊྛི་ཏཾ;
ས་མ་ཎཱི་དྷ ཛཱ་ཏི་ཧཱི་ནཾ, ཨ་བྷི་ཝཱ་དེ་ནྟི ཁ་ཏྟི་ཡཱ’’ཏི.
ཚེ་ཏྭཱ་ཝ་གྒོ ཨ་ཊྛ་མོ.
ཏ་སྶུ་དྡཱ་ནཾ –
ཚེ་ཏྭཱ ར་ཐ་ཉྩ ཙི་ཏྟ་ཉྩ, ཝུ་ཊྛི བྷཱི་ཏཱ ན་ཛཱི་ར་ཏི;
ཨི་སྶ་རཾ ཀཱ་མཾ པཱ་ཐེ་ཡྻཾ, པ་ཛྫོ་ཏོ ཨ་ར་ཎེ་ན ཙཱ་ཏི.
དེ་ཝ་ཏཱ་སཾ་ཡུ་ཏྟཾ ས་མ་ཏྟཾ.