༡༠. ཨུ་ཏེ་ན་སུ་ཏྟཾ

༧༠. ཨེ་ཝཾ མེ སུ་ཏཾ – ཨེ་ཀཾ ས་མ་ཡཾ བྷ་ག་ཝཱ ཀོ་ས་མྦི་ཡཾ ཝི་ཧ་ར་ཏི གྷོ་སི་ཏཱ་རཱ་མེ. ཏེ་ན ཁོ པ་ན ས་མ་ཡེ་ན ར་ཉྙོ ཨུ་ཏེ་ན་སྶ [ཨུ་དེ་ན་སྶ (སཱི. སྱཱ. པཱི.)] ཨུ་ཡྻཱ་ན་ག་ཏ་སྶ ཨ་ནྟེ་པུ་རཾ ད་ཌྜྷཾ ཧོ་ཏི, པ་ཉྩ ཙ ཨི་ཏྠི་ས་ཏཱ་ནི [པ་ཉྩ ཨི་ཏྠི་ས་ཏཱ་ནི (སཱི. སྱཱ. པཱི.)] ཀཱ་ལ་ངྐ་ཏཱ་ནི ཧོ་ནྟི སཱ་མཱ་ཝ་ཏཱི་པ་མུ་ཁཱ་ནི.

ཨ་ཐ ཁོ ས་མྦ་ཧུ་ལཱ བྷི་ཀྑཱུ པུ་བྦ་ཎྷ་ས་མ་ཡཾ ནི་ཝཱ་སེ་ཏྭཱ པ་ཏྟ་ཙཱི་ཝ་ར་མཱ་དཱ་ཡ ཀོ་ས་མྦིཾ པི་ཎྜཱ་ཡ པཱ་ཝི་སིཾ་སུ. ཀོ་ས་མྦི་ཡཾ པི་ཎྜཱ་ཡ ཙ་རི་ཏྭཱ པ་ཙྪཱ་བྷ་ཏྟཾ པི་ཎྜ་པཱ་ཏ་པ་ཊི་ཀྐ་ནྟཱ ཡེ་ན བྷ་ག་ཝཱ ཏེ་ནུ་པ་ས་ངྐ་མིཾ་སུ; ཨུ་པ་ས་ངྐ་མི་ཏྭཱ བྷ་ག་ཝ་ནྟཾ ཨ་བྷི་ཝཱ་དེ་ཏྭཱ ཨེ་ཀ་མ་ནྟཾ ནི་སཱི་དིཾ་སུ. ཨེ་ཀ་མ་ནྟཾ ནི་སི་ནྣཱ ཁོ ཏེ བྷི་ཀྑཱུ བྷ་ག་ཝ་ནྟཾ ཨེ་ཏ་ད་ཝོ་ཙུཾ – ‘‘ཨི་དྷ, བྷ་ནྟེ, ར་ཉྙོ ཨུ་ཏེ་ན་སྶ ཨུ་ཡྻཱ་ན་ག་ཏ་སྶ ཨ་ནྟེ་པུ་རཾ ད་ཌྜྷཾ, པ་ཉྩ ཙ ཨི་ཏྠི་ས་ཏཱ་ནི ཀཱ་ལ་ངྐ་ཏཱ་ནི སཱ་མཱ་ཝ་ཏཱི་པ་མུ་ཁཱ་ནི. ཏཱ་སཾ, བྷ་ནྟེ, ཨུ་པཱ་སི་ཀཱ་ནཾ ཀཱ ག་ཏི ཀོ ཨ་བྷི་ས་མྤ་རཱ་ཡོ’’ཏི?

‘‘ས་ནྟེ་ཏྠ, བྷི་ཀྑ་ཝེ, ཨུ་པཱ་སི་ཀཱ་ཡོ སོ་ཏཱ་པ་ནྣཱ, ས་ནྟི ས་ཀ་དཱ་གཱ་མི་ནི་ཡོ, ས་ནྟི ཨ་ནཱ་གཱ་མི་ནི་ཡོ. ས་བྦཱ ཏཱ, བྷི་ཀྑ་ཝེ, ཨུ་པཱ་སི་ཀཱ་ཡོ ཨ་ནི་པྥ་ལཱ ཀཱ་ལ་ངྐ་ཏཱ’’ཏི.

ཨ་ཐ ཁོ བྷ་ག་ཝཱ ཨེ་ཏ་མ་ཏྠཾ ཝི་དི་ཏྭཱ ཏཱ་ཡཾ ཝེ་ལཱ་ཡཾ ཨི་མཾ ཨུ་དཱ་ནཾ ཨུ་དཱ་ནེ་སི –

‘‘མོ་ཧ་ས་མྦ་ནྡྷ་ནོ ལོ་ཀོ, བྷ་བྦ་རཱུ་པོ་ཝ དི་སྶ་ཏི;

ཨུ་པ་དྷི་བ་ནྡྷ་ནོ [ཨུ་པ་དྷི་ས་མྦ་ནྡྷ་ནོ (ཀ. སཱི.)] བཱ་ལོ, ཏ་མ་སཱ པ་རི་ཝཱ་རི་ཏོ;

ས་སྶ་ཏོ་རི་ཝ [ས་སྶ་ཏི ཝི་ཡ (ཀ. སཱི.)] ཁཱ་ཡ་ཏི, པ་སྶ་ཏོ ན་ཏྠི ཀི་ཉྩ་ན’’ནྟི. ད་ས་མཾ;

ཏ་སྶུ་དྡཱ་ནཾ –

དྭེ བྷ་དྡི་ཡཱ དྭེ ཙ ས་ཏྟཱ, ལ་ཀུ་ཎྜ་ཀོ ཏ་ཎྷཱ་ཁ་ཡོ;

པ་པ་ཉྩ་ཁ་ཡོ ཙ ཀ་ཙྩཱ་ནོ, ཨུ་ད་པཱ་ན་ཉྩ ཨུ་ཏེ་ནོ་ཏི.

ཙཱུ་ལ༹་ཝ་གྒོ [ཙུ་ལླ་ཝ་གྒོ (སཱི.), ཙཱུ་ལ་ཝ་གྒོ (པཱི.)] ས་ཏྟ་མོ ནི་ཊྛི་ཏོ.