༩. ཨུ་པ་སེ་ན་སུ་ཏྟཾ

༣༩. ཨེ་ཝཾ མེ སུ་ཏཾ – ཨེ་ཀཾ ས་མ་ཡཾ བྷ་ག་ཝཱ རཱ་ཛ་ག་ཧེ ཝི་ཧ་ར་ཏི ཝེ་ལུ༹་ཝ་ནེ ཀ་ལ་ནྡ་ཀ་ནི་ཝཱ་པེ. ཨ་ཐ ཁོ ཨཱ་ཡ་སྨ་ཏོ ཨུ་པ་སེ་ན་སྶ ཝ་ངྒ་ནྟ་པུ་ཏྟ་སྶ ར་ཧོ་ག་ཏ་སྶ པ་ཊི་ས་ལླཱི་ན་སྶ ཨེ་ཝཾ ཙེ་ཏ་སོ པ་རི་ཝི་ཏ་ཀྐོ ཨུ་ད་པཱ་དི – ‘‘ལཱ་བྷཱ ཝ་ཏ མེ, སུ་ལ་དྡྷཾ ཝ་ཏ མེ, ས་ཏྠཱ ཙ མེ བྷ་ག་ཝཱ ཨ་ར་ཧཾ ས་མྨཱ་ས་མྦུ་དྡྷོ; སྭཱ་ཀྑཱ་ཏེ ཙ་མྷི དྷ་མྨ་ཝི་ན་ཡེ ཨ་གཱ་ར་སྨཱ ཨ་ན་གཱ་རི་ཡཾ པ་བྦ་ཛི་ཏོ; ས་བྲ་ཧྨ་ཙཱ་རི་ནོ ཙ མེ སཱི་ལ་ཝ་ནྟོ ཀ་ལྱཱ་ཎ་དྷ་མྨཱ; སཱི་ལེ་སུ ཙ་མྷི པ་རི་པཱུ་ར་ཀཱ་རཱི; སུ་ས་མཱ་ཧི་ཏོ ཙ་མྷི ཨེ་ཀ་གྒ་ཙི་ཏྟོ; ཨ་ར་ཧཱ ཙ་མྷི ཁཱི་ཎཱ་ས་ཝོ; མ་ཧི་དྡྷི་ཀོ ཙ་མྷི མ་ཧཱ་ནུ་བྷཱ་ཝོ. བྷ་དྡ་ཀཾ མེ ཛཱི་ཝི་ཏཾ, བྷ་དྡ་ཀཾ མ་ར་ཎ’’ནྟི.

ཨ་ཐ ཁོ བྷ་ག་ཝཱ ཨཱ་ཡ་སྨ་ཏོ ཨུ་པ་སེ་ན་སྶ ཝ་ངྒ་ནྟ་པུ་ཏྟ་སྶ ཙེ་ཏ་སཱ ཙེ་ཏོ་པ་རི་ཝི་ཏ་ཀྐ་མ་ཉྙཱ་ཡ ཏཱ་ཡཾ ཝེ་ལཱ་ཡཾ ཨི་མཾ ཨུ་དཱ་ནཾ ཨུ་དཱ་ནེ་སི –

‘‘ཡཾ ཛཱི་ཝི་ཏཾ ན ཏ་པ་ཏི, མ་ར་ཎ་ནྟེ ན སོ་ཙ་ཏི;

ས ཝེ དི་ཊྛ་པ་དོ དྷཱི་རོ, སོ་ཀ་མ་ཛ྄ཛྷེ ན སོ་ཙ་ཏི.

‘‘ཨུ་ཙྪི་ནྣ་བྷ་ཝ་ཏ་ཎྷ་སྶ, ས་ནྟ་ཙི་ཏྟ་སྶ བྷི་ཀྑུ་ནོ;

ཝི་ཀྑཱི་ཎོ ཛཱ་ཏི་སཾ་སཱ་རོ, ན་ཏྠི ཏ་སྶ པུ་ན་བྦྷ་ཝོ’’ཏི. ན་ཝ་མཾ;