༡༠. སཱ་རི་པུ་ཏྟ་ཨུ་པ་ས་མ་སུ་ཏྟཾ

༤༠. ཨེ་ཝཾ མེ སུ་ཏཾ – ཨེ་ཀཾ ས་མ་ཡཾ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ཨཱ་ཡ་སྨཱ སཱ་རི་པུ་ཏྟོ བྷ་ག་ཝ་ཏོ ཨ་ཝི་དཱུ་རེ ནི་སི་ནྣོ ཧོ་ཏི པ་ལླ་ངྐཾ ཨཱ་བྷུ་ཛི་ཏྭཱ ཨུ་ཛུཾ ཀཱ་ཡཾ པ་ཎི་དྷཱ་ཡ ཨ་ཏྟ་ནོ ཨུ་པ་ས་མཾ པ་ཙྩ་ཝེ་ཀྑ་མཱ་ནོ.

ཨ་དྡ་སཱ ཁོ བྷ་ག་ཝཱ ཨཱ་ཡ་སྨ་ནྟཾ སཱ་རི་པུ་ཏྟཾ ཨ་ཝི་དཱུ་རེ ནི་སི་ནྣཾ པ་ལླ་ངྐཾ ཨཱ་བྷུ་ཛི་ཏྭཱ ཨུ་ཛུཾ ཀཱ་ཡཾ པ་ཎི་དྷཱ་ཡ ཨ་ཏྟ་ནོ ཨུ་པ་ས་མཾ པ་ཙྩ་ཝེ་ཀྑ་མཱ་ནཾ.

ཨ་ཐ ཁོ བྷ་ག་ཝཱ ཨེ་ཏ་མ་ཏྠཾ ཝི་དི་ཏྭཱ ཏཱ་ཡཾ ཝེ་ལཱ་ཡཾ ཨི་མཾ ཨུ་དཱ་ནཾ ཨུ་དཱ་ནེ་སི –

‘‘ཨུ་པ་ས་ནྟ་ས་ནྟ་ཙི་ཏྟ་སྶ, ནེ་ཏྟི་ཙྪི་ནྣ་སྶ བྷི་ཀྑུ་ནོ;

ཝི་ཀྑཱི་ཎོ ཛཱ་ཏི་སཾ་སཱ་རོ, མུ་ཏྟོ སོ མཱ་ར་བ་ནྡྷ་ནཱ’’ཏི. ད་ས་མཾ;

མེ་གྷི་ཡ་ཝ་གྒོ ཙ་ཏུ་ཏྠོ ནི་ཊྛི་ཏོ.