༤༣༨. ད་དྡ་ར་ཛཱ་ཏ་ཀཾ (༡༢)
༡༠༥. ཡོ ཏེ པུ་ཏྟ་ཀེ ཨ་ཁཱ་དི, དི་ནྣ་བྷ་ཏྟོ ཨ་དཱུ་ས་ཀེ;
ཏ་སྨིཾ དཱ་ཋཾ ནི་པཱ་ཏེ་ཧི, མཱ ཏེ མུ་ཙྩི་ཏྠ ཛཱི་ཝ་ཏོ.
༡༠༦. ཨཱ་ཀི་ཎྞ་ལུ་དྡོ པུ་རི་སོ, དྷཱ་ཏི་ཙེ་ལཾ་ཝ མ་ཀྑི་ཏོ;
པ་དེ་སཾ ཏཾ ན པ་སྶཱ་མི, ཡ་ཏྠ དཱ་ཋཾ ནི་པཱ་ཏ་ཡེ.
༡༠༧. ཨ་ཀ་ཏ་ཉྙུ་སྶ པོ་ས་སྶ, ནི་ཙྩཾ ཝི་ཝ་ར་ད་སྶི་ནོ;
ས་བྦཾ ཙེ པ་ཐ་ཝིཾ ད་ཛྫཱ, ནེ་ཝ ནཾ ཨ་བྷི་རཱ་དྷ་ཡེ.
༡༠༨. ཀི་ནྣུ སུ་བཱ་ཧུ ཏ་ར་མཱ་ན་རཱུ་པོ, པ་ཙྩཱ་ག་ཏོ་སི ས་ཧ མཱ་ཎ་ཝེ་ན;
ཀིཾ ཀི་ཙྩ་མ་ཏྠཾ ཨི་དྷ་མ་ཏྠི ཏུ་ཡ྄ཧཾ, ཨ་ཀྑཱ་ཧི མེ པུ་ཙྪི་ཏོ ཨེ་ཏ་མ་ཏྠཾ.
༡༠༩. ཡོ ཏེ ས་ཁཱ ད་དྡ་རོ སཱ་དྷུ་རཱུ་པོ, ཏ་སྶ ཝ་དྷཾ པ་རི་ས་ངྐཱ་མི ཨ་ཛྫ;
པུ་རི་ས་སྶ ཀ་མྨཱ་ཡ་ཏ་ནཱ་ནི སུ་ཏྭཱ, ནཱ་ཧཾ སུ་ཁིཾ ད་དྡ་རཾ ཨ་ཛྫ མ་ཉྙེ.
༡༡༠. ཀཱ་ནི་སྶ ཀ་མྨཱ་ཡ་ཏ་ནཱ་ནི ཨ་སྶུ, པུ་རི་ས་སྶ ཝུ་ཏྟི་ས་མོ་དྷཱ་ན་ཏཱ་ཡ;
ཀཾ ཝཱ པ་ཊི་ཉྙཾ པུ་རི་ས་སྶ སུ་ཏྭཱ, པ་རི་ས་ངྐ་སི ད་དྡ་རཾ མཱ་ཎ་ཝེ་ན.
༡༡༡. ཙི་ཎྞཱ ཀ་ལི་ངྒཱ ཙ་རི་ཏཱ ཝ་ཎི་ཛྫཱ, ཝེ་ཏྟཱ་ཙ་རོ ས་ངྐུ་པ་ཐོ་པི ཙི་ཎྞོ;
ན་ཊེ་ཧི ཙི་ཎྞཾ ས་ཧ ཝཱ་ཀུ་རེ་ཧི [ཝཱ་ཀ་རེ་ཧི (པཱི. སཱི. ནི་ཡྻ), ཝཱ་གུ་རེ་ཧི (?)], ད་ཎྜེ་ན ཡུ་དྡྷ་མྤི ས་མ་ཛྫ་མ་ཛ྄ཛྷེ.
༡༡༢. བ་དྡྷཱ ཀུ་ལཱི་ཀཱ [ཀུ་ལི་ངྐཱ (སཱི. པཱི.)] མི་ཏ་མཱ་ལ༹ྷ་ཀེ་ན, ཨ་ཀྑཱ ཛི་ཏཱ [ཨ་ཀྑཱ་ཙི་ཏཱ (སཱི. ཨ་ཊྛ.)] སཾ་ཡ་མོ ཨ་བྦྷ་ཏཱི་ཏོ;
ཨ་བྦཱ་ཧི་ཏཾ [ཨ་པྤ་ཧི་ཏཾ (སཱི. སྱཱ.), ཨ་བྦཱུ་ཧི་ཏཾ (པཱི. སཱི. ནི་ཡྻ)] པུ་བྦ་ཀཾ [པུ་པྥ་ཀཾ (སཱི. སྱཱ.)] ཨ་ཌྜྷ་ར་ཏྟཾ, ཧ་ཏྠཱ ད་ཌྜྷཱ པི་ཎྜ་པ་ཊི་གྒ་ཧེ་ན.
༡༡༣. ཏཱ་ནི་སྶ ཀ་མྨཱ་ཡ་ཏ་ནཱ་ནི ཨ་སྶུ, པུ་རི་ས་སྶ ཝུ་ཏྟི་ས་མོ་དྷཱ་ན་ཏཱ་ཡ;
ཡ་ཐཱ ཨ་ཡཾ དི་སྶ་ཏི ལོ་མ་པི་ཎྜོ, གཱ་ཝོ ཧ་ཏཱ ཀིཾ པ་ན ད་དྡ་ར་སྶཱ་ཏི.
ད་དྡ་ར་ཛཱ་ཏ་ཀཾ དྭཱ་ད་ས་མཾ.
ན་ཝ་ཀ་ནི་པཱ་ཏཾ ནི་ཊྛི་ཏཾ.