༡༠. ད་ས་ཀ་ནི་པཱ་ཏོ
༤༣༩. ཙ་ཏུ་དྭཱ་ར་ཛཱ་ཏ་ཀཾ (༡)
༡. ཙ་ཏུ་དྭཱ་ར་མི་དཾ ན་ག་རཾ, ཨཱ་ཡ་སཾ ད་ལ༹ྷ་པཱ་ཀཱ་རཾ;
ཨོ་རུ་དྡྷ་པ་ཊི་རུ་དྡྷོ་སྨི, ཀིཾ པཱ་པཾ པ་ཀ་ཏཾ མ་ཡཱ.
༢. ས་བྦེ ཨ་པི་ཧི་ཏཱ དྭཱ་རཱ, ཨོ་རུ་དྡྷོ་སྨི ཡ་ཐཱ དི་ཛོ;
ཀི་མཱ་དྷི་ཀ་ར་ཎཾ ཡ་ཀྑ, ཙ་ཀྐཱ་བྷི་ནི་ཧ་ཏོ ཨ་ཧཾ.
༣. ལ་དྡྷཱ ས་ཏ་ས་ཧ་སྶཱ་ནི, ཨ་ཏི་རེ་ཀཱ་ནི ཝཱི་ས་ཏི;
ཨ་ནུ་ཀ་མྤ་ཀཱ་ནཾ ཉཱ་ཏཱི་ནཾ, ཝ་ཙ་ནཾ ས་མྨ ནཱ་ཀ་རི.
༤. ལ་ངྒྷིཾ ས་མུ་དྡཾ པ་ཀྑ་ནྡི, སཱ་ག་རཾ ཨ་པྤ་སི་དྡྷི་ཀཾ;
ཙ་ཏུ་བྦྷི ཨ་ཊྛ་ཛ྄ཛྷ་ག་མཱ, ཨ་ཊྛཱ་ཧི་པི ཙ སོ་ལ༹་ས.
༥. སོ་ལ༹་སཱ་ཧི ཙ བཱ་ཏྟིཾ་ས, ཨ་ཏྲི་ཙྪཾ ཙ་ཀྐ་མཱ་ས་དོ;
ཨི་ཙྪཱ་ཧ་ཏ་སྶ པོ་ས་སྶ, ཙ་ཀྐཾ བྷ་མ་ཏི མ་ཏྠ་ཀེ.
༦. ཨུ་པ་རི་ཝི་སཱ་ལཱ དུ་པྤཱུ་རཱ, ཨི་ཙྪཱ ཝི་ས་ཊ་གཱ་མི་ནཱི [ཝི་ས་ཊ་གཱ་མི་ནིཾ (པཱི. ཀ.)];
ཡེ ཙ ཏཾ ཨ་ནུ་གི་ཛ྄ཛྷ་ནྟི, ཏེ ཧོ་ནྟི ཙ་ཀྐ་དྷཱ་རི་ནོ.
༧. བ་ཧུ་བྷ་ཎྜཾ [བ་ཧུཾ བྷ་ཎྜཾ (སཱི. པཱི.)] ཨ་ཝ་ཧཱ་ཡ, མ་གྒཾ ཨ་པྤ་ཊི་ཝེ་ཀྑི་ཡ;
ཡེ་ས་ཉྩེ་ཏཾ ཨ་ས་ངྑཱ་ཏཾ, ཏེ ཧོ་ནྟི ཙ་ཀྐ་དྷཱ་རི་ནོ.
༨. ཀ་མྨཾ ས་མེ་ཀྑེ ཝི་པུ་ལ་ཉྩ བྷོ་གཾ, ཨི་ཙྪཾ ན སེ་ཝེ་ཡྻ ཨ་ན་ཏྠ་སཾ་ཧི་ཏཾ;
ཀ་རེ་ཡྻ ཝཱ་ཀྱཾ ཨ་ནུ་ཀ་མྤ་ཀཱ་ནཾ, ཏཾ ཏཱ་དི་སཾ ནཱ་ཏི་ཝ་ཏྟེ་ཡྻ ཙ་ཀྐཾ.
༩. ཀཱི་ཝ་ཙི་རཾ ནུ མེ ཡ་ཀྑ, ཙ་ཀྐཾ སི་ར་སི ཋ་སྶ་ཏི;
ཀ་ཏི ཝ་སྶ་ས་ཧ་སྶཱ་ནི, ཏཾ མེ ཨ་ཀྑཱ་ཧི པུ་ཙྪི་ཏོ.
༡༠. ཨ་ཏི་ས་རོ པ་ཙྩ་ས་རོ [ཨ་ཙྩ་ས་རོ (སཱི. སྱཱ. པཱི.)], མི་ཏྟ་ཝི་ནྡ སུ་ཎོ་ཧི མེ;
ཙ་ཀྐཾ ཏེ སི་ར་སི [སི་ར་སྨི (སྱཱ.)] མཱ་ཝི་དྡྷཾ, ན ཏཾ ཛཱི་ཝཾ པ་མོ་ཀྑ་སཱི་ཏི.
ཙ་ཏུ་དྭཱ་ར་ཛཱ་ཏ་ཀཾ པ་ཋ་མཾ.
༤༤༠. ཀ་ཎྷ་ཛཱ་ཏ་ཀཾ (༢)
༡༡. ཀ་ཎྷོ ཝ་ཏཱ་ཡཾ པུ་རི་སོ, ཀ་ཎྷཾ བྷུ་ཉྫ་ཏི བྷོ་ཛ་ནཾ;
ཀ་ཎྷེ བྷཱུ་མི་པ་དེ་ས་སྨིཾ, ན མ་ཡ྄ཧཾ མ་ན་སོ པི་ཡོ.
༡༢. ན ཀ་ཎྷོ ཏ་ཙ་སཱ ཧོ་ཏི, ཨ་ནྟོ་སཱ་རོ ཧི བྲཱ་ཧྨ་ཎོ;
ཡ་སྨིཾ པཱ་པཱ་ནི ཀ་མྨཱ་ནི, ས ཝེ ཀ་ཎྷོ སུ་ཛ་མྤ་ཏི.
༡༣. ཨེ་ཏ་སྨིཾ ཏེ སུ་ལ་པི་ཏེ, པ་ཏི་རཱུ་པེ སུ་བྷཱ་སི་ཏེ;
ཝ་རཾ བྲཱ་ཧྨ་ཎ ཏེ ད་མྨི, ཡཾ ཀི་ཉྩི མ་ན་སི་ཙྪ་སི.
༡༤. ཝ་ར་ཉྩེ མེ ཨ་དོ ས་ཀྐ, ས་བྦ་བྷཱུ་ཏཱ་ན་མི་སྶ་ར;
སུ་ནི་ཀྐོ་དྷཾ སུ་ནི་དྡོ་སཾ, ནི་ལློ་བྷཾ ཝུ་ཏྟི་མ་ཏྟ་ནོ;
ནི་སྣེ་ཧ་མ་བྷི་ཀ་ངྑཱ་མི, ཨེ་ཏེ མེ ཙ་ཏུ་རོ ཝ་རེ.
༡༥. ཀིཾ ནུ ཀོ་དྷེ ཝཱ [ཀོ་དྷེ་ཝ (སཱི. པཱི.)] དོ་སེ ཝཱ, ལོ་བྷེ སྣེ་ཧེ ཙ བྲཱ་ཧྨ་ཎ;
ཨཱ་དཱི་ན་ཝཾ ཏྭཾ པ་སྶ་སི [ས་མྤ་སྶ་སི (སཱི. པཱི.)], ཏཾ མེ ཨ་ཀྑཱ་ཧི པུ་ཙྪི་ཏོ.
༡༦. ཨ་པྤོ ཧུ་ཏྭཱ བ་ཧུ ཧོ་ཏི, ཝ་ཌྜྷ་ཏེ སོ ཨ་ཁ་ནྟི་ཛོ;
ཨཱ་ས་ངྒཱི བ་ཧུ་པཱ་ཡཱ་སོ, ཏ་སྨཱ ཀོ་དྷཾ ན རོ་ཙ་ཡེ.
༡༧. དུ་ཊྛ་སྶ ཕ་རུ་སཱ [པ་ཋ་མཱ (པཱི. སཱི. ནི་ཡྻ)] ཝཱ་ཙཱ, པ་རཱ་མཱ་སོ ཨ་ན་ནྟ་རཱ;
ཏ་ཏོ པཱ་ཎི ཏ་ཏོ ད་ཎྜོ, ས་ཏྠ་སྶ པ་ར་མཱ ག་ཏི [པ་རཱ་མ་ས་ཏི (ཀ.)];
དོ་སོ ཀོ་དྷ་ས་མུ་ཊྛཱ་ནོ, ཏ་སྨཱ དོ་སཾ ན རོ་ཙ་ཡེ.
༡༨. ཨཱ་ལོ་པ་སཱ་ཧ་སཱ་ཀཱ་རཱ [ས་ཧ་སཱ་ཀཱ་རཱ (སཱི. སྱཱ. པཱི.)], ནི་ཀ་ཏཱི ཝ་ཉྩ་ནཱ་ནི ཙ;
དི་སྶ་ནྟི ལོ་བྷ་དྷ་མྨེ་སུ, ཏ་སྨཱ ལོ་བྷཾ ན རོ་ཙ་ཡེ.
༡༩. སྣེ་ཧ་ས་ངྒ་ཐི་ཏཱ [ས་ངྒ་དྷི་ཏཱ (ཀ.), ས་ངྒ་ནྟི་ཏཱ (སྱཱ.)] ག་ནྠཱ, སེ་ནྟི མ་ནོ་མ་ཡཱ པུ་ཐཱུ;
ཏེ བྷུ་སཾ ཨུ་པ་ཏཱ་པེ་ནྟི, ཏ་སྨཱ སྣེ་ཧཾ ན རོ་ཙ་ཡེ.
༢༠. ཨེ་ཏ་སྨིཾ ཏེ སུ་ལ་པི་ཏེ, པ་ཏི་རཱུ་པེ སུ་བྷཱ་སི་ཏེ;
ཝ་རཾ བྲཱ་ཧྨ་ཎ ཏེ ད་མྨི, ཡཾ ཀི་ཉྩི མ་ན་སི་ཙྪ་སི.
༢༡. ཝ་ར་ཉྩེ མེ ཨ་དོ ས་ཀྐ, ས་བྦ་བྷཱུ་ཏཱ་ན་མི་སྶ་ར;
ཨ་ར་ཉྙེ མེ ཝི་ཧ་ར་ཏོ, ནི་ཙྩཾ ཨེ་ཀ་ཝི་ཧཱ་རི་ནོ;
ཨཱ་བཱ་དྷཱ མཱ [ན (སྱཱ. པཱི.)] ཨུ་པྤ་ཛྫེ་ཡྻུཾ, ཨ་ནྟ་རཱ་ཡ་ཀ་རཱ བྷུ་སཱ.
༢༢. ཨེ་ཏ་སྨིཾ ཏེ སུ་ལ་པི་ཏེ, པ་ཏི་རཱུ་པེ སུ་བྷཱ་སི་ཏེ;
ཝ་རཾ བྲཱ་ཧྨ་ཎ ཏེ ད་མྨི, ཡཾ ཀི་ཉྩི མ་ན་སི་ཙྪ་སི.
༢༣. ཝ་ར་ཉྩེ མེ ཨ་དོ ས་ཀྐ, ས་བྦ་བྷཱུ་ཏཱ་ན་མི་སྶ་ར;
ན མ་ནོ ཝཱ ས་རཱི་རཾ ཝཱ, མཾ-ཀ་ཏེ ས་ཀྐ ཀ་སྶ་ཙི;
ཀ་དཱ་ཙི ཨུ་པ་ཧ་ཉྙེ་ཐ, ཨེ་ཏཾ ས་ཀྐ ཝ་རཾ ཝ་རེ་ཏི.
ཀ་ཎྷ་ཛཱ་ཏ་ཀཾ དུ་ཏི་ཡཾ.
༤༤༡. ཙ་ཏུ་པོ་ས་ཐི་ཡ་ཛཱ་ཏ་ཀཾ (༣)
༢༤. ཡོ ཀོ་པ་ནེ་ཡྻེ ན ཀ་རོ་ཏི ཀོ་པཾ, ན ཀུ་ཛ྄ཛྷ་ཏི ས་པྤུ་རི་སོ ཀ་དཱ་ཙི;
ཀུ་དྡྷོ་པི སོ ནཱ་ཝི་ཀ་རོ་ཏི ཀོ་པཾ, ཏཾ ཝེ ན་རཾ ས་མ་ཎ་མཱ་ཧུ [ས་མ་ཎཾ ཨཱ་ཧུ (སཱི.)] ལོ་ཀེ.
༢༥. ཨཱུ་ནཱུ་ད་རོ ཡོ ས་ཧ་ཏེ ཛི་གྷ་ཙྪཾ, ད་ནྟོ ཏ་པ་སྶཱི མི་ཏ་པཱ་ན་བྷོ་ཛ་ནོ;
ཨཱ་ཧཱ་ར་ཧེ་ཏུ ན ཀ་རོ་ཏི པཱ་པཾ, ཏཾ ཝེ ན་རཾ ས་མ་ཎ་མཱ་ཧུ ལོ་ཀེ.
༢༦. ཁི་ཌྜཾ ར་ཏིཾ ཝི་པྤ་ཛ་ཧི་ཏྭཱ་ན ས་བྦཾ, ན ཙཱ་ལི་ཀཾ བྷཱ་ས་སི ཀི་ཉྩི ལོ་ཀེ;
ཝི་བྷཱུ་ས་ཊྛཱ་ནཱ ཝི་ར་ཏོ མེ་ཐུ་ན་སྨཱ, ཏཾ ཝེ ན་རཾ ས་མ་ཎ་མཱ་ཧུ ལོ་ཀེ.
༢༧. པ་རི་གྒ་ཧཾ ལོ་བྷ་དྷ་མྨ་ཉྩ ས་བྦཾ, ཡོ ཝེ པ་རི་ཉྙཱ་ཡ པ་རི་ཙྩ་ཛེ་ཏི;
ད་ནྟཾ ཋི་ཏ་ཏྟཾ ཨ་མ་མཾ ནི་རཱ་སཾ, ཏཾ ཝེ ན་རཾ ས་མ་ཎ་མཱ་ཧུ ལོ་ཀེ.
༢༨. པུ་ཙྪཱ་མ ཀ་ཏྟཱ་ར་མ་ནོ་མ་པ་ཉྙཾ [མ་ནོ་མ་པ་ཉྙ (སྱཱ. ཀ.)], ཀ་ཐཱ་སུ ནོ ཝི་གྒ་ཧོ ཨ་ཏྠི ཛཱ་ཏོ;
ཚི་ནྡ་ཛྫ ཀ་ངྑཾ ཝི་ཙི་ཀི་ཙྪི་ཏཱ་ནི, ཏ་ད་ཛྫ [ཏ་ཡཱ་ཛྫ (སཱི.)] ཀ་ངྑཾ ཝི་ཏ་རེ་མུ ས་བྦེ.
༢༩. ཡེ པ་ཎྜི་ཏཱ ཨ་ཏྠ་ད་སཱ བྷ་ཝ་ནྟི, བྷཱ་ས་ནྟི ཏེ ཡོ་ནི་སོ ཏ་ཏྠ ཀཱ་ལེ;
ཀ་ཐཾ ནུ ཀ་ཐཱ་ནཾ ཨ་བྷཱ་སི་ཏཱ་ནཾ, ཨ་ཏྠཾ ན་ཡེ་ཡྻུཾ ཀུ་ས་ལཱ ཛ་ནི་ནྡཱ.
༣༠. ཀ་ཐཾ ཧ་ཝེ བྷཱ་ས་ཏི ནཱ་ག་རཱ་ཛཱ, ག་རུ་ལོ༹ པ་ན ཝེ་ན་ཏེ་ཡྻོ ཀི་མཱ་ཧ;
ག་ནྡྷ་བྦ་རཱ་ཛཱ པ་ན ཀིཾ ཝ་དེ་སི, ཀ་ཐཾ པ་ན ཀུ་རཱུ་ནཾ རཱ་ཛ་སེ་ཊྛོ.
༣༡. ཁ་ནྟིཾ ཧ་ཝེ བྷཱ་ས་ཏི ནཱ་ག་རཱ་ཛཱ, ཨ་པྤཱ་ཧཱ་རཾ ག་རུ་ལོ༹ ཝེ་ན་ཏེ་ཡྻོ;
ག་ནྡྷ་བྦ་རཱ་ཛཱ ར་ཏི་ཝི་པྤ་ཧཱ་ནཾ, ཨ་ཀི་ཉྩ་ནཾ ཀུ་རཱུ་ནཾ རཱ་ཛ་སེ་ཊྛོ.
༣༢. ས་བྦཱ་ནི ཨེ་ཏཱ་ནི སུ་བྷཱ་སི་ཏཱ་ནི, ན ཧེ་ཏྠ དུ་བྦྷཱ་སི་ཏ་མ་ཏྠི ཀི་ཉྩི;
ཡ་སྨི་ཉྩ ཨེ་ཏཱ་ནི པ་ཏི་ཊྛི་ཏཱ་ནི, ཨ་རཱ་ཝ ནཱ་བྷྱཱ སུ་ས་མོ་ཧི་ཏཱ་ནི;
ཙ་ཏུ་བྦྷི དྷ་མྨེ་ཧི ས་མ་ངྒི་བྷཱུ་ཏཾ, ཏཾ ཝེ ན་རཾ ས་མ་ཎ་མཱ་ཧུ ལོ་ཀེ.
༣༣. ཏུ་ཝ་ཉྷི [ཏུ་ཝཾ ནུ (སཱི. པཱི.)] སེ་ཊྛོ ཏྭ་མ་ནུ་ཏྟ་རོ་སི, ཏྭཾ དྷ་མྨ་གཱུ དྷ་མྨ་ཝི་དཱུ སུ་མེ་དྷོ;
པ་ཉྙཱ་ཡ པ་ཉྷཾ ས་མ་དྷི་གྒ་ཧེ་ཏྭཱ, ཨ་ཙྪེ་ཙྪི དྷཱི་རོ ཝི་ཙི་ཀི་ཙྪི་ཏཱ་ནི;
ཨ་ཙྪེ་ཙྪི ཀ་ངྑཾ ཝི་ཙི་ཀི་ཙྪི་ཏཱ་ནི, ཙུ་ནྡོ ཡ་ཐཱ ནཱ་ག་ད་ནྟཾ ཁ་རེ་ན.
༣༤. ནཱི་ལུ་པྤ་ལཱ་བྷཾ ཝི་མ་ལཾ ཨ་ན་གྒྷཾ, ཝ་ཏྠཾ ཨི་དཾ དྷཱུ་མ་ས་མཱ་ན་ཝ་ཎྞཾ;
པ་ཉྷ་སྶ ཝེ་ཡྻཱ་ཀ་ར་ཎེ་ན ཏུ་ཊྛོ, ད་དཱ་མི ཏེ དྷ་མྨ་པཱུ་ཛཱ་ཡ དྷཱི་ར.
༣༥. སུ་ཝ་ཎྞ་མཱ་ལཾ ས་ཏ་པ་ཏྟ་ཕུ་ལླི་ཏཾ, ས་ཀེ་ས་རཾ ར་ཏྣ་ས་ཧ་སྶ་མ་ཎྜི་ཏཾ;
པ་ཉྷ་སྶ ཝེ་ཡྻཱ་ཀ་ར་ཎེ་ན ཏུ་ཊྛོ, ད་དཱ་མི ཏེ དྷ་མྨ་པཱུ་ཛཱ་ཡ དྷཱི་ར.
༣༦. མ་ཎིཾ ཨ་ན་གྒྷཾ རུ་ཙི་རཾ པ་བྷ་སྶ་རཾ, ཀ་ཎྛཱ་ཝ་ས་ཏྟཾ [ཝ་སི་ཏཾ (ཀ.)] མ་ཎི་བྷཱུ་སི་ཏཾ མེ;
པ་ཉྷ་སྶ ཝེ་ཡྻཱ་ཀ་ར་ཎེ་ན ཏུ་ཊྛོ, ད་དཱ་མི ཏེ དྷ་མྨ་པཱུ་ཛཱ་ཡ དྷཱི་ར.
༣༧. ག་ཝཾ ས་ཧ་སྶཾ ཨུ་ས་བྷ་ཉྩ ནཱ་གཾ, ཨཱ་ཛ་ཉྙ་ཡུ་ཏྟེ ཙ ར་ཐེ ད་ས ཨི་མེ;
པ་ཉྷ་སྶ ཝེ་ཡྻཱ་ཀ་ར་ཎེ་ན ཏུ་ཊྛོ, ད་དཱ་མི ཏེ གཱ་མ་ཝ་རཱ་ནི སོ་ལ༹་ས.
༣༨. སཱ་རི་པུ་ཏྟོ ཏ་དཱ ནཱ་གོ, སུ་པ་ཎྞོ པ་ན ཀོ་ལི་ཏོ;
ག་ནྡྷ་བྦ་རཱ་ཛཱ ཨ་ནུ་རུ་དྡྷོ, རཱ་ཛཱ ཨཱ་ན་ནྡ པ་ཎྜི་ཏོ;
ཝི་དྷུ་རོ བོ་དྷི་ས་ཏྟོ ཙ, ཨེ་ཝཾ དྷཱ་རེ་ཐ ཛཱ་ཏ་ཀ་ནྟི.
ཙ་ཏུ་པོ་ས་ཐི་ཡ་ཛཱ་ཏ་ཀཾ ཏ་ཏི་ཡཾ.
༤༤༢. ས་ངྑ་ཛཱ་ཏ་ཀཾ (༤)
༣༩. བ་ཧུ་སྶུ་ཏོ སུ་ཏ་དྷ་མྨོ་སི ས་ངྑ, དི་ཊྛཱ ཏ་ཡཱ ས་མ་ཎ་བྲཱ་ཧྨ་ཎཱ ཙ;
ཨ་ཐ་ཀྑ་ཎེ ད་སྶ་ཡ་སེ ཝི་ལཱ་པཾ, ཨ་ཉྙོ ནུ ཀོ ཏེ པ་ཊི་མ་ནྟ་ཀོ མ་ཡཱ.
༤༠. སུ་བྦྷཱུ [སུ་བྦྷཱ (སྱཱ.), སུ་མྦྷཱ, སུ་བྷྨཱ (ཀ.)] སུ་བྷཱ སུ་པྤ་ཊི་མུ་ཀྐ་ཀ་མྦུ, པ་གྒ་ཡ྄ཧ སོ་ཝ་ཎྞ་མ་ཡཱ་ཡ པཱ་ཏི་ཡཱ;
‘‘བྷུ་ཉྫ་སྶུ བྷ་ཏྟཾ’’ ཨི་ཏི མཾ ཝ་དེ་ཏི, ས་དྡྷཱ་ཝི་ཏྟཱ [ས་དྡྷཱ་ཙི་ཏྟཱ (སཱི. པཱི. ཀ.)], ཏ་མ་ཧཾ ནོ་ཏི བྲཱུ་མི.
༤༡. ཨེ་ཏཱ་དི་སཾ བྲཱ་ཧྨ་ཎ དི་སྭཱ་ན [དི་སྭ (སཱི. པཱི.)] ཡ་ཀྑཾ, པུ་ཙྪེ་ཡྻ པོ་སོ སུ་ཁ་མཱ་སི་སཱ་ནོ [སུ་ཁ་མཱ་ས་སཱ་ནོ (སྱཱ.), སུ་ཁ་མཱ་སི་ས་མཱ་ནོ (ཀ.)];
ཨུ་ཊྛེ་ཧི ནཾ པ་ཉྫ་ལི་ཀཱ་བྷི་པུ་ཙྪ, དེ་ཝཱི ནུ་སི ཏྭཾ ཨུ་ད མཱ་ནུ་སཱི ནུ.
༤༢. ཡཾ ཏྭཾ སུ་ཁེ་ནཱ་བྷི་ས་མེ་ཀྑ་སེ མཾ, བྷུ་ཉྫ་སྶུ བྷ་ཏྟཾ ཨི་ཏི མཾ ཝ་དེ་སི;
པུ་ཙྪཱ་མི ཏཾ ནཱ་རི མ་ཧཱ་ནུ་བྷཱ་ཝེ, དེ་ཝཱི ནུ་སི ཏྭཾ ཨུ་ད མཱ་ནུ་སཱི ནུ.
༤༣. དེ་ཝཱི ཨ་ཧཾ ས་ངྑ མ་ཧཱ་ནུ་བྷཱ་ཝཱ, ཨི་དྷཱ་ག་ཏཱ སཱ་ག་ར་ཝཱ་རི་མ་ཛ྄ཛྷེ;
ཨ་ནུ་ཀ་མྤི་ཀཱ ནོ ཙ པ་དུ་ཊྛ་ཙི་ཏྟཱ, ཏ་ཝེ་ཝ ཨ་ཏྠཱ་ཡ ཨི་དྷཱ་ག་ཏཱ་སྨི.
༤༤. ཨི་དྷ་ནྣ་པཱ་ནཾ ས་ཡ་ནཱ་ས་ན་ཉྩ, ཡཱ་ནཱ་ནི ནཱ་ནཱ་ཝི་ཝི་དྷཱ་ནི ས་ངྑ;
ས་བྦ་སྶ ཏྱཱ་ཧཾ པ་ཊི་པཱ་ད་ཡཱ་མི, ཡཾ ཀི་ཉྩི ཏུ་ཡ྄ཧཾ མ་ན་སཱ་བྷི་པ་ཏྠི་ཏཾ.
༤༥. ཡཾ ཀི་ཉྩི ཡི་ཊྛ་ཉྩ ཧུ་ཏ་ཉྩ [ཡི་ཊྛཾ་ཝ ཧུ་ཏཾ་ཝ (སཱི. པཱི.)] མ་ཡ྄ཧཾ, ས་བྦ་སྶ ནོ ཨི་སྶ་རཱ ཏྭཾ སུ་ག་ཏྟེ;
སུ་སོ་ཎི སུ་བྦྷ་མུ [སུ་བྦྷུ (སཱི.), སུ་བྦྷཱ (སྱཱ.)] སུ་ཝི་ལ་གྒ་མ་ཛ྄ཛྷེ [སུ་ཝི་ལཱ་ཀ་མ་ཛ྄ཛྷེ (སྱཱ. པཱི. སཱི. ཨ་ཊྛ.), སུ་ཝི་ལཱ་ཏ་མ་ཛ྄ཛྷེ (ཀ.)], ཀི་སྶ མེ ཀ་མྨ་སྶ ཨ་ཡཾ ཝི་པཱ་ཀོ.
༤༦. གྷ་མྨེ པ་ཐེ བྲཱ་ཧྨ་ཎ ཨེ་ཀ་བྷི་ཀྑུཾ, ཨུ་གྒྷ་ཊྚ་པཱ་དཾ ཏ་སི་ཏཾ ཀི་ལ་ནྟཾ;
པ་ཊི་པཱ་ད་ཡཱི ས་ངྑ ཨུ་པཱ་ཧ་ནཱ་ནི [ཨུ་པཱ་ཧ་ནཱ་ཧི (སཱི. པཱི.)], སཱ ད་ཀྑི་ཎཱ ཀཱ་མ་དུ་ཧཱ ཏ་ཝ་ཛྫ.
༤༧. སཱ ཧོ་ཏུ ནཱ་ཝཱ ཕ་ལ་ཀཱུ་པ་པ་ནྣཱ, ཨ་ན་ཝ་སྶུ་ཏཱ ཨེ་ར་ཀ་ཝཱ་ཏ་ཡུ་ཏྟཱ;
ཨ་ཉྙ་སྶ ཡཱ་ན་སྶ ན ཧེ་ཏྠ [ན ཧ་ཏྠི (པཱི.)] བྷཱུ་མི, ཨ་ཛྫེ་ཝ མཾ མོ་ལི༹་ནིཾ པཱ་པ་ཡ་སྶུ.
༤༨. སཱ ཏ་ཏྠ ཝི་ཏྟཱ སུ་མ་ནཱ པ་ཏཱི་ཏཱ, ནཱ་ཝཾ སུ་ཙི་ཏྟཾ ཨ་བྷི་ནི་མྨི་ནི་ཏྭཱ;
ཨཱ་དཱ་ཡ ས་ངྑཾ པུ་རི་སེ་ན ས་དྡྷིཾ, ཨུ་པཱ་ན་ཡཱི ན་ག་རཾ སཱ་དྷུ་ར་མྨ་ནྟི.
ས་ངྑ་ཛཱ་ཏ་ཀཾ ཙ་ཏུ་ཏྠཾ.
༤༤༣. ཙཱུ་ལ༹་བོ་དྷི་ཛཱ་ཏ་ཀཾ (༥)
༤༩. ཡོ ཏེ ཨི་མཾ ཝི་སཱ་ལ་ཀྑིཾ, པི་ཡཾ ས་མྷི་ཏ་བྷཱ་སི་ནིཾ [ས་མྨི་ལླ་བྷཱ་སི་ནིཾ (སཱི. པཱི.), ས་མྨི་ལླ་ཧཱ་སི་ནིཾ (སྱཱ.)];
ཨཱ་དཱ་ཡ བ་ལཱ ག་ཙྪེ་ཡྻ, ཀིཾ ནུ ཀ་ཡི་རཱ་སི བྲཱ་ཧྨ་ཎ.
༥༠. ཨུ་པྤ་ཛྫེ [ཨུ་པྤ་ཛྫ (སཱི. པཱི.)] མེ ན མུ་ཙྩེ་ཡྻ, ན མེ མུ་ཙྩེ་ཡྻ ཛཱི་ཝ་ཏོ;
ར་ཛཾ་ཝ ཝི་པུ་ལཱ ཝུ་ཊྛི, ཁི་པྤ་མེ་ཝ ནི་ཝཱ་ར་ཡེ [ནི་ཝཱ་ར་ཡིཾ (ཀ.)].
༥༡. ཡཾ ནུ པུ་བྦེ ཝི་ཀ་ཏྠི་ཏྠོ [ཝི་ཀ་ཏྠི་ཏོ (ཀ. སཱི. སྱཱ. ཀ.)], བ་ལ་མྷི་ཝ ཨ་པ་སྶི་ཏོ;
སྭ་ཛྫ ཏུ་ཎྷི་ཀ་ཏོ [ཏུ་ཎྷི་ཀ་ཏོ (སཱི.), ཏུ་ཎྷི་ཀྑ་ཀོ (པཱི.)] དཱ་ནི, ས་ངྒྷཱ་ཊིཾ སི་བྦ་མ་ཙྪ་སི.
༥༢. ཨུ་པྤ་ཛྫི མེ ན མུ་ཙྩི་ཏྠ, ན མེ མུ་ཙྩི་ཏྠ ཛཱི་ཝ་ཏོ;
ར་ཛཾ་ཝ ཝི་པུ་ལཱ ཝུ་ཊྛི, ཁི་པྤ་མེ་ཝ ནི་ཝཱ་ར་ཡིཾ.
༥༣. ཀིཾ ཏེ ཨུ་པྤ་ཛྫི ནོ མུ་ཙྩི, ཀིཾ ཏེ ན མུ་ཙྩི ཛཱི་ཝ་ཏོ;
ར་ཛཾ་ཝ ཝི་པུ་ལཱ ཝུ་ཊྛི, ཀ་ཏ་མཾ ཏྭཾ ནི་ཝཱ་ར་ཡི.
༥༤. ཡ་མྷི ཛཱ་ཏེ ན པ་སྶ་ཏི, ཨ་ཛཱ་ཏེ སཱ་དྷུ པ་སྶ་ཏི;
སོ མེ ཨུ་པྤ་ཛྫི ནོ མུ་ཙྩི, ཀོ་དྷོ དུ་མྨེ་དྷ་གོ་ཙ་རོ.
༥༥. ཡེ་ན ཛཱ་ཏེ་ན ན་ནྡ་ནྟི, ཨ་མི་ཏྟཱ དུ་ཀྑ་མེ་སི་ནོ;
སོ མེ ཨུ་པྤ་ཛྫི ནོ མུ་ཙྩི, ཀོ་དྷོ དུ་མྨེ་དྷ་གོ་ཙ་རོ.
༥༦. ཡ་སྨི་ཉྩ ཛཱ་ཡ་མཱ་ན་མྷི, ས་ད་ཏྠཾ ནཱ་ཝ་བུ་ཛ྄ཛྷ་ཏི;
སོ མེ ཨུ་པྤ་ཛྫི ནོ མུ་ཙྩི, ཀོ་དྷོ དུ་མྨེ་དྷ་གོ་ཙ་རོ.
༥༧. ཡེ་ནཱ་བྷི་བྷཱུ་ཏོ ཀུ་ས་ལཾ ཛ་ཧཱ་ཏི, པ་ར་ཀྐ་རེ ཝི་པུ་ལ་ཉྩཱ་པི ཨ་ཏྠཾ;
ས བྷཱི་མ་སེ་ནོ བ་ལ་ཝཱ པ་མ་དྡཱི, ཀོ་དྷོ མ་ཧཱ་རཱ་ཛ ན མེ ཨ་མུ་ཙྩ་ཐ.
༥༨. ཀ་ཊྛ་སྨིཾ མ་ཏྠ་མཱ་ན་སྨིཾ [མ་ནྠ་མཱ་ན་སྨིཾ (པཱི.), མ་དྡ་མཱ་ན་སྨིཾ (ཀ.)], པཱ་ཝ་ཀོ ནཱ་མ ཛཱ་ཡ་ཏི;
ཏ་མེ་ཝ ཀ་ཊྛཾ ཌ་ཧ་ཏི, ཡ་སྨཱ སོ ཛཱ་ཡ་ཏེ གི་ནི.
༥༩. ཨེ་ཝཾ མ་ནྡ་སྶ པོ་ས་སྶ, བཱ་ལ་སྶ ཨ་ཝི་ཛཱ་ན་ཏོ;
སཱ་ར་མྦྷཱ [སཱ་ར་བྦྷཱ (ཀ.)] ཛཱ་ཡ་ཏེ ཀོ་དྷོ, སོ་པི ཏེ་ནེ་ཝ ཌ་ཡ྄ཧ་ཏི.
༦༠. ཨ་གྒཱི་ཝ ཏི་ཎ་ཀ་ཊྛ་སྨིཾ, ཀོ་དྷོ ཡ་སྶ པ་ཝ་ཌྜྷ་ཏི;
ནི་ཧཱི་ཡ་ཏི ཏ་སྶ ཡ་སོ, ཀཱ་ལ༹་པ་ཀྑེ་ཝ ཙ་ནྡི་མཱ.
༦༡. ཨ་ནེ་དྷོ [ཨ་ནི་ནྡྷོ (སཱི. ཀ.), ཨ་ནི་ནྡོ (སྱཱ.)] དྷཱུ་མ་ཀེ་ཏཱུ་ཝ, ཀོ་དྷོ ཡ་སྶཱུ་པ་ས་མྨ་ཏི;
ཨཱ་པཱུ་ར་ཏི ཏ་སྶ ཡ་སོ, སུ་ཀྐ་པ་ཀྑེ་ཝ ཙ་ནྡི་མཱ་ཏི.
ཙཱུ་ལ༹་བོ་དྷི་ཛཱ་ཏ་ཀཾ པ་ཉྩ་མཾ.
༤༤༤. ཀ་ཎྷ་དཱི་པཱ་ཡ་ན་ཛཱ་ཏ་ཀཾ (༦)
༦༢. ས་ཏྟཱ་ཧ་མེ་ཝཱ་ཧཾ པ་ས་ནྣ་ཙི་ཏྟོ, པུ་ཉྙ་ཏྠི་ཀོ ཨཱ་ཙ་རིཾ [ཨ་ཙ་རིཾ (སཱི. སྱཱ. པཱི.)] བྲ་ཧྨ་ཙ་རི་ཡཾ;
ཨ་ཐཱ་པ་རཾ ཡཾ ཙ་རི་ཏཾ མ་མེ་དཾ [མ་མ ཡི་དཾ (སྱཱ.), མ་མཱ་ཡི་དཾ (པཱི.)], ཝ་སྶཱ་ནི པ་ཉྙཱ་ས ས་མཱ་དྷི་ཀཱ་ནི;
ཨ་ཀཱ་མ་ཀོ ཝཱ་པི [ཝཱ་ཧི (པཱི. ཀ.)] ཨ་ཧཾ ཙ་རཱ་མི, ཨེ་ཏེ་ན ས་ཙྩེ་ན སུ་ཝ་ཏྠི ཧོ་ཏུ;
ཧ་ཏཾ ཝི་སཾ ཛཱི་ཝ་ཏུ ཡ་ཉྙ་ད་ཏྟོ.
༦༣. ཡ་སྨཱ དཱ་ནཾ ནཱ་བྷི་ན་ནྡིཾ ཀ་དཱ་ཙི, དི་སྭཱ་ན་ཧཾ ཨ་ཏི་ཐིཾ ཝཱ་ས་ཀཱ་ལེ;
ན ཙཱ་པི མེ ཨ་པྤི་ཡ་ཏཾ ཨ་ཝེ་དུཾ, བ་ཧུ་སྶུ་ཏཱ ས་མ་ཎ་བྲཱ་ཧྨ་ཎཱ ཙ.
ཨ་ཀཱ་མ་ཀོ ཝཱ་པི ཨ་ཧཾ ད་དཱ་མི, ཨེ་ཏེ་ན ས་ཙྩེ་ན སུ་ཝ་ཏྠི ཧོ་ཏུ;
ཧ་ཏཾ ཝི་སཾ ཛཱི་ཝ་ཏུ ཡ་ཉྙ་ད་ཏྟོ.
༦༤. ཨཱ་སཱི་ཝི་སོ ཏཱ་ཏ པ་ཧཱུ་ཏ་ཏེ་ཛོ, ཡོ ཏཾ ཨ་དཾ་སཱི [ཨ་ཌཾ་སཱི (སྱཱ.)] ས་ཙ་རཱ [བི་ལ་རཱ (སཱི.), པི་ལཱ༹་རཱ (སྱཱ.), པ་ཏ་རཱ (པཱི.)] ཨུ་དི་ཙྩ;