༡༡. ཨེ་ཀཱ་ད་ས་ཀ་ནི་པཱ་ཏོ
༤༥༥. མཱ་ཏུ་པོ་ས་ཀ་ཛཱ་ཏ་ཀཾ (༡)
༡. ཏ་སྶ ནཱ་ག་སྶ ཝི་པྤ་ཝཱ་སེ་ན, ཝི་རཱུ་ལ༹ྷཱ ས་ལླ་ཀཱི ཙ ཀུ་ཊ་ཛཱ ཙ;
ཀུ་རུ་ཝི་ནྡ་ཀ་ར་ཝཱི་རཱ [ཀ་ར་ཝ་རཱ (སཱི. སྱཱ.)] ཏི་ས་སཱ་མཱ ཙ, ནི་ཝཱ་ཏེ པུ་པྥི་ཏཱ ཙ ཀ་ཎི་ཀཱ་རཱ.
༢. ཀོ་ཙི་དེ་ཝ སུ་ཝ་ཎྞ་ཀཱ་ཡུ་རཱ, ནཱ་ག་རཱ་ཛཾ བྷ་ར་ནྟི པི་ཎྜེ་ན;
ཡ་ཏྠ རཱ་ཛཱ རཱ་ཛ་ཀུ་མཱ་རོ ཝཱ, ཀ་ཝ་ཙ་མ་བྷི་ཧེ་སྶ་ཏི ཨ་ཚ་མྦྷི་ཏོ [ཨ་ས་མྦྷཱི་ཏོ (སཱི. སྱཱ. པཱི.)].
༣. ག་ཎྷཱ་ཧི ནཱ་ག ཀ་བ་ལ༹ཾ, མཱ ནཱ་ག ཀི་ས་ཀོ བྷ་ཝ;
བ་ཧཱུ་ནི རཱ་ཛ་ཀི་ཙྩཱ་ནི, ཏཱ་ནི [ཡཱ་ནི (སཱི. པཱི.)] ནཱ་ག ཀ་རི་སྶ་སི.
༤. སཱ ནཱུ་ན་སཱ ཀ་པ་ཎི་ཀཱ, ཨ་ནྡྷཱ ཨ་པ་རི་ཎཱ་ཡི་ཀཱ;
ཁཱ་ཎུཾ པཱ་དེ་ན གྷ་ཊྚེ་ཏི, གི་རིཾ ཙ་ཎྜོ་ར་ཎཾ པ་ཏི.
༥. ཀཱ ནུ ཏེ སཱ མ་ཧཱ་ནཱ་ག, ཨ་ནྡྷཱ ཨ་པ་རི་ཎཱ་ཡི་ཀཱ;
ཁཱ་ཎུཾ པཱ་དེ་ན གྷ་ཊྚེ་ཏི, གི་རིཾ ཙ་ཎྜོ་ར་ཎཾ པ་ཏི.
༦. མཱ་ཏཱ མེ སཱ མ་ཧཱ་རཱ་ཛ, ཨ་ནྡྷཱ ཨ་པ་རི་ཎཱ་ཡི་ཀཱ;
ཁཱ་ཎུཾ པཱ་དེ་ན གྷ་ཊྚེ་ཏི, གི་རིཾ ཙ་ཎྜོ་ར་ཎཾ པ་ཏི.
༧. མུ་ཉྩ་ཐེ་ཏཾ མ་ཧཱ་ནཱ་གཾ, ཡོ་ཡཾ བྷ་ར་ཏི མཱ་ཏ་རཾ;
ས་མེ་ཏུ མཱ་ཏ་རཱ ནཱ་གོ, ས་ཧ ས་བྦེ་ཧི ཉཱ་ཏི་བྷི.
༨. མུ་ཏྟོ ཙ བ་ནྡྷ་ནཱ ནཱ་གོ, མུ་ཏྟ་མཱ་དཱ་ཡ ཀུ་ཉྫ་རོ [ཀཱ་སི་རཱ་ཛེ་ན པེ་སི་ཏོ (སཱི. སྱཱ.), མུ་ཏྟོ དཱ་མཱ་ཏོ ཀུ་ཉྫ་རོ (པཱི. སཱི. ནི་ཡྻ)];
མུ་ཧུ་ཏྟཾ ཨ་སྶཱ་ས་ཡི་ཏྭཱ [ཝི་སྶ་མི་ཏྭཱ་ན (སཱི.)], ཨ་ག་མཱ ཡེ་ན པ་བྦ་ཏོ.
༩. ཏ་ཏོ སོ ན་ལི༹་ནིཾ [ནི་ལི་ནཾ (སྱཱ.)] ག་ནྟྭཱ, སཱི་ཏཾ ཀུ་ཉྫ་ར་སེ་ཝི་ཏཾ;
སོ་ཎྜཱ་ཡཱུ་ད་ཀ་མཱ་ཧ་ཏྭཱ [མཱ་ཧི་ཏྭཱ (སྱཱ. ཀ.)], མཱ་ཏ་རཾ ཨ་བྷི་སི་ཉྩ་ཐ.
༡༠. ཀོ་ཡ ཨ་ན་རི་ཡོ དེ་ཝོ, ཨ་ཀཱ་ལེ་ན་པི ཝ་སྶ་ཏི [ཨ་ཀཱ་ལེ་ན པ་ཝ་སྶ་ཏི (སཱི. སྱཱ.), ཨ་ཀཱ་ལེ་ན’ཏི་ཝ་སྶ་ཏི (པཱི.)];
ག་ཏོ མེ ཨ་ཏྲ་ཛོ པུ་ཏྟོ, ཡོ མ་ཡ྄ཧཾ པ་རི་ཙཱ་ར་ཀོ.
༡༡. ཨུ་ཊྛེ་ཧི ཨ་མྨ ཀིཾ སེ་སི, ཨཱ་ག་ཏོ ཏྱཱ་ཧ་མ་ཏྲ་ཛོ;
མུ་ཏྟོ་མྷི ཀཱ་སི་རཱ་ཛེ་ན, ཝེ་དེ་ཧེ་ན ཡ་ས་སྶི་ནཱ.
༡༢. ཙི་རཾ ཛཱི་ཝ་ཏུ སོ རཱ་ཛཱ, ཀཱ་སཱི་ནཾ ར་ཊྛ་ཝ་ཌྜྷ་ནོ;
ཡོ མེ པུ་ཏྟཾ པ་མོ་ཙེ་སི, ས་དཱ ཝུ་དྡྷཱ་པ་ཙཱ་ཡི་ཀ་ནྟི.
མཱ་ཏུ་པོ་ས་ཀ་ཛཱ་ཏ་ཀཾ པ་ཋ་མཾ.
༤༥༦. ཛུ་ཎྷ་ཛཱ་ཏ་ཀཾ (༢)
༡༣. སུ་ཎོ་ཧི མ་ཡ྄ཧཾ ཝ་ཙ་ནཾ ཛ་ནི་ནྡ, ཨ་ཏྠེ་ན ཛུ་ཎྷ་མྷི ཨི་དྷཱ་ནུ་པ་ཏྟོ;
ན བྲཱ་ཧྨ་ཎེ ཨ་དྡྷི་ཀེ ཏི་ཊྛ་མཱ་ནེ, ག་ནྟ་བྦ [ག་ནྟ་བྱ (ཀ.)] མཱ་ཧུ དྭི་པ་དི་ནྡ [དི་པ་དཱ་ན (སཱི. པཱི.), དྭི་པ་དཱ་ན (སྱཱ.)] སེ་ཊྛ.
༡༤. སུ་ཎོ་མི ཏི་ཊྛཱ་མི ཝ་དེ་ཧི བྲ་ཧྨེ, ཡེ་ནཱ་སི [ཡེ་ནཱ་པི (སྱཱ. ཀ.)] ཨ་ཏྠེ་ན ཨི་དྷཱ་ནུ་པ་ཏྟོ;
ཀཾ ཝཱ ཏྭ་མ་ཏྠཾ མ་ཡི པ་ཏྠ་ཡཱ་ནོ, ཨི་དྷཱ་ག་མཱ བྲ་ཧྨེ ཏ་དི་ངྒྷ བྲཱུ་ཧི.
༡༥. ད་དཱ་ཧི མེ གཱ་མ་ཝ་རཱ་ནི པ་ཉྩ, དཱ་སཱི་ས་ཏཾ ས་ཏྟ ག་ཝཾ་ས་ཏཱ་ནི;
པ་རོ་ས་ཧ་སྶ་ཉྩ སུ་ཝ་ཎྞ་ནི་ཀྑེ, བྷ་རི་ཡཱ ཙ མེ སཱ་དི་སཱི དྭེ ད་དཱ་ཧི.
༡༦. ཏ་པོ ནུ ཏེ བྲཱ་ཧྨ་ཎ བྷིཾ་ས་རཱུ་པོ, མ་ནྟཱ ནུ ཏེ བྲཱ་ཧྨ་ཎ ཙི་ཏྟ་རཱུ་པཱ;
ཡ་ཀྑཱ ནུ [ཡ་ཀྑཱ ཝ (སཱི. པཱི.)] ཏེ ཨ་སྶ་ཝཱ ས་ནྟི ཀེ་ཙི, ཨ་ཏྠཾ ཝཱ མེ ཨ་བྷི་ཛཱ་ནཱ་སི ཀ་ཏྟཾ.
༡༧. ན མེ ཏ་པོ ཨ་ཏྠི ན ཙཱ་པི མ་ནྟཱ, ཡ་ཀྑཱ་པི མེ ཨ་སྶ་ཝཱ ན་ཏྠི ཀེ་ཙི;
ཨ་ཏྠ་མྤི ཏེ ནཱ་བྷི་ཛཱ་ནཱ་མི ཀ་ཏྟཾ, པུ་བྦེ ཙ ཁོ [པུ་བྦེ་ཝ ཁོ (སྱཱ. ཀ.)] ས་ངྒ་ཏི་མ་ཏྟ་མཱ་སི.
༡༨. པ་ཋ་མཾ ཨི་དཾ ད་སྶ་ནཾ ཛཱ་ན་ཏོ མེ, ན ཏཱ་བྷི་ཛཱ་ནཱ་མི ཨི་ཏོ པུ་ར་ཏྠཱ;
ཨ་ཀྑཱ་ཧི མེ པུ་ཙྪི་ཏོ ཨེ་ཏ་མ་ཏྠཾ, ཀ་དཱ ཀུ་ཧིཾ ཝཱ ཨ་ཧུ ས་ངྒ་མོ ནོ.
༡༩. ག་ནྡྷཱ་ར་རཱ་ཛ་སྶ པུ་ར་མྷི ར་མྨེ, ཨ་ཝ་སི་མྷ་སེ ཏ་ཀྐ་སཱི་ལཱ་ཡཾ དེ་ཝ;
ཏ་ཏྠ་ནྡྷ་ཀཱ་ར་མྷི ཏི་མཱི་སི་ཀཱ་ཡཾ [ཏི་མི་སྶི་ཀཱ་ཡཾ (སཱི. ཨ་ཊྛ.), ཏི་མི་སྶ་ཀཱ་ཡཾ (སྱཱ.)], ཨཾ་སེ་ན ཨཾ་སཾ ས་མ་གྷ་ཊྚ་ཡི་མྷ.
༢༠. ཏེ ཏ་ཏྠ ཋ་ཏྭཱ་ན ཨུ་བྷོ ཛ་ནི་ནྡ, སཱ་རཱ་ཎི་ཡཾ [སཱ་ར་ཎཱི་ཡཾ (ཀ.)] ཝཱི་ཏི་སཱ་ར་ཡི་མྷ [ཝཱི་ཏི་སཱ་རི་མྷ (སཱི. སྱཱ. པཱི.)] ཏ་ཏྠ;
སཱ་ཡེ་ཝ ནོ ས་ངྒ་ཏི་མ་ཏྟ་མཱ་སི, ཏ་ཏོ ན པ་ཙྪཱ ན པུ་རེ ཨ་ཧོ་སི.
༢༡. ཡ་དཱ ཀ་དཱ་ཙི མ་ནུ་ཛེ་སུ བྲ་ཧྨེ, ས་མཱ་ག་མོ ས་པྤུ་རི་སེ་ན ཧོ་ཏི;
ན པ་ཎྜི་ཏཱ ས་ངྒ་ཏི་ས་ནྠ་ཝཱ་ནི, པུ་བྦེ ཀ་ཏཾ ཝཱ་པི ཝི་ནཱ་ས་ཡ་ནྟི.
༢༢. བཱ་ལཱ་ཝ [བཱ་ལཱ ཙ (སཱི. སྱཱ. པཱི.)] ཁོ ས་ངྒ་ཏི་ས་ནྠ་ཝཱ་ནི, པུ་བྦེ ཀ་ཏཾ ཝཱ་པི ཝི་ནཱ་ས་ཡ་ནྟི;
བ་ཧུ་མྤི བཱ་ལེ་སུ ཀ་ཏཾ ཝི་ན་སྶ་ཏི, ཏ་ཐཱ ཧི བཱ་ལཱ ཨ་ཀ་ཏ་ཉྙུ་རཱུ་པཱ.
༢༣. དྷཱི་རཱ ཙ ཁོ ས་ངྒ་ཏི་ས་ནྠ་ཝཱ་ནི, པུ་བྦེ ཀ་ཏཾ ཝཱ་པི ན ནཱ་ས་ཡ་ནྟི;
ཨ་པྤ་མྤི དྷཱི་རེ་སུ ཀ་ཏཾ ན ན་སྶ་ཏི, ཏ་ཐཱ ཧི དྷཱི་རཱ སུ་ཀ་ཏ་ཉྙུ་རཱུ་པཱ.
༢༤. ད་དཱ་མི ཏེ གཱ་མ་ཝ་རཱ་ནི པ་ཉྩ, དཱ་སཱི་ས་ཏཾ ས་ཏྟ ག་ཝཾ་ས་ཏཱ་ནི;
པ་རོ་ས་ཧ་སྶ་ཉྩ སུ་ཝ་ཎྞ་ནི་ཀྑེ, བྷ་རི་ཡཱ ཙ ཏེ སཱ་དི་སཱི དྭེ ད་དཱ་མི.
༢༥. ཨེ་ཝཾ ས་ཏཾ ཧོ་ཏི ས་མེ་ཙྩ རཱ་ཛ, ན་ཀྑ་ཏྟ་རཱ་ཛཱ་རི་ཝ ཏཱ་ར་ཀཱ་ནཾ;
ཨཱ་པཱུ་ར་ཏཱི ཀཱ་སི་པ་ཏཱི ཏ་ཐཱ་ཧཾ, ཏ་ཡཱ་པི མེ ས་ངྒ་མོ ཨ་ཛྫ ལ་དྡྷོ་ཏི.
ཛུ་ཎྷ་ཛཱ་ཏ་ཀཾ དུ་ཏི་ཡཾ.
༤༥༧. དྷ་མྨ་དེ་ཝ་པུ་ཏྟ་ཛཱ་ཏ་ཀཾ (༣)
༢༦. ཡ་སོ་ཀ་རོ པུ་ཉྙ་ཀ་རོ་ཧ་མ་སྨི, ས་དཱ་ཏྠུ་ཏོ ས་མ་ཎ་བྲཱ་ཧྨ་ཎཱ་ནཾ;
མ་གྒཱ་ར་ཧོ དེ་ཝ་མ་ནུ་སྶ་པཱུ་ཛི་ཏོ, དྷ་མྨོ ཨ་ཧཾ དེ་ཧི ཨ་དྷ་མྨ མ་གྒཾ.
༢༧. ཨ་དྷ་མྨ་ཡཱ་ནཾ ད་ལ༹ྷ་མཱ་རུ་ཧི་ཏྭཱ, ཨ་ས་ནྟ་ས་ནྟོ བ་ལ་ཝཱ་ཧ་མ་སྨི;
ས ཀི་སྶ ཧེ་ཏུ་མྷི ཏ་ཝ་ཛྫ ད་ཛྫཾ, མ་གྒཾ ཨ་ཧཾ དྷ་མྨ ཨ་དི་ནྣ་པུ་བྦཾ.
༢༨. དྷ་མྨོ ཧ་ཝེ པཱ་ཏུ་ར་ཧོ་སི པུ་བྦེ, པ་ཙྪཱ ཨ་དྷ་མྨོ ཨུ་ད་པཱ་དི ལོ་ཀེ;
ཛེ་ཊྛོ ཙ སེ་ཊྛོ ཙ ས་ན་ནྟ་ནོ ཙ, ཨུ་ཡྻཱ་ཧི ཛེ་ཊྛ་སྶ ཀ་ནི་ཊྛ མ་གྒཱ.
༢༩. ན ཡཱ་ཙ་ནཱ་ཡ ན་པི པཱ་ཏི་རཱུ་པཱ, ན ཨ་ར་ཧ་ཏཱ [ན ཨ་ར་ཧ་ཏི (སཱི. པཱི.), ཨ་ར་ཧ་ཏི (ཀ.)] ཏེ་ཧཾ ད་དེ་ཡྻཾ མ་གྒཾ;
ཡུ་དྡྷ་ཉྩ ནོ ཧོ་ཏུ ཨུ་བྷི་ནྣ་མ་ཛྫ, ཡུ་དྡྷ་མྷི ཡོ ཛེ་སྶ་ཏི ཏ་སྶ མ་གྒོ.
༣༠. ས་བྦཱ དི་སཱ ཨ་ནུ་ཝི་ས་ཊོ་ཧ་མ་སྨི, མ་ཧ་བྦ་ལོ ཨ་མི་ཏ་ཡ་སོ ཨ་ཏུ་ལྱོ;
གུ་ཎེ་ཧི ས་བྦེ་ཧི ཨུ་པེ་ཏ་རཱུ་པོ, དྷ་མྨོ ཨ་དྷ་མྨ ཏྭཾ ཀ་ཐཾ ཝི་ཛེ་སྶ་སི.
༣༡. ལོ་ཧེ་ན ཝེ ཧ་ཉྙ་ཏི ཛཱ་ཏ་རཱུ་པཾ, ན ཛཱ་ཏ་རཱུ་པེ་ན ཧ་ན་ནྟི ལོ་ཧཾ;
ས་ཙེ ཨ་དྷ་མྨོ ཧ་ཉྪ་ཏི [ཧ་ཉྙ་ཏི (སཱི. སྱཱ.), ཧ་ཉྙི་ཏི (ཀ་ཏྠ་ཙི)] དྷ་མྨ་མ་ཛྫ, ཨ་ཡོ སུ་ཝ་ཎྞཾ ཝི་ཡ ད་སྶ་ནེ་ཡྻཾ.
༣༢. ས་ཙེ ཏུ་ཝཾ ཡུ་དྡྷ་བ་ལོ ཨ་དྷ་མྨ [ཡུ་དྡྷ་བ་ལོ’སི’དྷ་མྨ (ཀ. སཱི.), ཡུ་དྡྷ་བ་ལོ’ས’དྷ་མྨ (པཱི.)], ན ཏུ་ཡ྄ཧ ཝུ་ཌྜྷཱ [ཝ་དྡྷཱ (སཱི. པཱི.)] ཙ ག་རཱུ ཙ ཨ་ཏྠི;
མ་གྒ་ཉྩ ཏེ ད་མྨི པི་ཡཱ་པྤི་ཡེ་ན, ཝཱ་ཙཱ་དུ་རུ་ཏྟཱ་ནི་པི ཏེ ཁ་མཱ་མི.
༣༣. ཨི་ད་ཉྩ སུ་ཏྭཱ ཝ་ཙ་ནཾ ཨ་དྷ་མྨོ, ཨ་ཝཾ་སི་རོ པ་ཏི་ཏོ ཨུ་དྡྷ་པཱ་དོ;
‘‘ཡུ་དྡྷ་ཏྠི་ཀོ ཙེ ན ལ་བྷཱ་མི ཡུ་དྡྷཾ’’, ཨེ་ཏྟཱ་ཝ་ཏཱ ཧོ་ཏི ཧ་ཏོ ཨ་དྷ་མྨོ.
༣༤. ཁ་ནྟཱི་བ་ལོ ཡུ་དྡྷ་བ་ལཾ ཝི་ཛེ་ཏྭཱ, ཧ་ནྟྭཱ ཨ་དྷ་མྨཾ ནི་ཧ་ནི་ཏྭ [ཝི་ཧ་ནི་ཏྭཱ (ཀ.)] བྷཱུ་མྱཱ;
པཱ་ཡཱ་སི ཝི་ཏྟོ [ཙི་ཏྟོ (སྱཱ.)] ཨ་བྷི་རུ་ཡ྄ཧ ས་ནྡ་ནཾ, མ་གྒེ་ནེ་ཝ ཨ་ཏི་བ་ལོ ས་ཙྩ་ནི་ཀྐ་མོ.
༣༥. མཱ་ཏཱ པི་ཏཱ ས་མ་ཎ་བྲཱ་ཧྨ་ཎཱ ཙ, ཨ་ས་མྨཱ་ནི་ཏཱ ཡ་སྶ ས་ཀེ ཨ་གཱ་རེ;
ཨི་དྷེ་ཝ ནི་ཀྑི་པྤ ས་རཱི་ར་དེ་ཧཾ, ཀཱ་ཡ་སྶ བྷེ་དཱ ནི་ར་ཡཾ ཝ་ཛ་ནྟི ཏེ [ཝ་ཛ་ནྟི (སཱི. པཱི.)];
ཡ་ཐཱ ཨ་དྷ་མྨོ པ་ཏི་ཏོ ཨ་ཝཾ་སི་རོ.
༣༦. མཱ་ཏཱ པི་ཏཱ ས་མ་ཎ་བྲཱ་ཧྨ་ཎཱ ཙ, སུ་ས་མྨཱ་ནི་ཏཱ ཡ་སྶ ས་ཀེ ཨ་གཱ་རེ;
ཨི་དྷེ་ཝ ནི་ཀྑི་པྤ ས་རཱི་ར་དེ་ཧཾ, ཀཱ་ཡ་སྶ བྷེ་དཱ སུ་ག་ཏིཾ ཝ་ཛ་ནྟི ཏེ;
ཡ་ཐཱ་པི དྷ་མྨོ ཨ་བྷི་རུ་ཡ྄ཧ ས་ནྡ་ན་ནྟི.
དྷ་མྨ་དེ་ཝ་པུ་ཏྟ་ཛཱ་ཏ་ཀཾ [དྷ་མྨ་ཛཱ་ཏ་ཀཾ (སཱི. པཱི.)] ཏ་ཏི་ཡཾ.
༤༥༨. ཨུ་ད་ཡ་ཛཱ་ཏ་ཀཾ (༤)
༣༧. ཨེ་ཀཱ ནི་སི་ནྣཱ སུ་ཙི ས་ཉྙ་ཏཱུ་རཱུ, པཱ་སཱ་ད་མཱ་རུ་ཡ྄ཧ ཨ་ནི་ནྡི་ཏ་ངྒཱི;
ཡཱ་ཙཱ་མི ཏཾ ཀི་ནྣ་ར་ནེ་ཏྟ་ཙ་ཀྑུ, ཨི་མེ་ཀ་ར་ཏྟིཾ ཨུ་བྷ་ཡོ ཝ་སེ་མ.
༣༨. ཨོ་ཀི་ཎྞ་ནྟ་ར་པ་རི་ཁཾ, ད་ལ༹ྷ་མ་ཊྚཱ་ལ་ཀོ་ཊྛ་ཀཾ;
ར་ཀྑི་ཏཾ ཁ་གྒ་ཧ་ཏྠེ་ཧི, དུ་པྤ་ཝེ་ས་མི་དཾ པུ་རཾ.
༣༩. ད་ཧ་ར་སྶ ཡུ་ཝི་ནོ ཙཱ་པི, ཨཱ་ག་མོ ཙ ན ཝི་ཛྫ་ཏི;
ཨ་ཐ ཀེ་ན ནུ ཝ་ཎྞེ་ན, ས་ངྒ་མཾ ཨི་ཙྪ་སེ མ་ཡཱ.
༤༠. ཡ་ཀྑོ་ཧ་མ་སྨི ཀ་ལྱཱ་ཎི, ཨཱ་ག་ཏོ་སྨི ཏ་ཝ་ནྟི་ཀེ [ཏ་ཝ་ནྟི་ཀཾ (སཱི. པཱི.)];
ཏྭཾ མཾ ན་ནྡ་ཡ [ན་ནྡ་སྶུ (སྱཱ. ཀ.)] བྷ་དྡ་ནྟེ, པུ་ཎྞ་ཀཾ་སཾ ད་དཱ་མི ཏེ.
༤༡. དེ་ཝཾ ཝ ཡ་ཀྑཾ ཨ་ཐ ཝཱ མ་ནུ་སྶཾ, ན པ་ཏྠ་ཡེ ཨུ་ད་ཡ་མ་ཏི་ཙྩ ཨ་ཉྙཾ;
ག་ཙྪེ་ཝ ཏྭཾ ཡ་ཀྑ མ་ཧཱ་ནུ་བྷཱ་ཝ, མཱ ཙ་སྶུ ག་ནྟྭཱ པུ་ན་རཱ་ཝ་ཛི་ཏྠ.
༤༢. ཡཱ སཱ ར་ཏི ཨུ་ཏྟ་མཱ ཀཱ་མ་བྷོ་གི་ནཾ, ཡཾ ཧེ་ཏུ ས་ཏྟཱ ཝི་ས་མཾ ཙ་ར་ནྟི;
མཱ ཏཾ ར་ཏིཾ ཛཱི་ཡི ཏུ་ཝཾ སུ་ཙི་མྷི ཏེ, ད་དཱ་མི ཏེ རཱུ་པི་ཡཾ ཀཾ་ས་པཱུ་རཾ.
༤༣. ནཱ་རིཾ ན་རོ ནི་ཛ྄ཛྷ་པ་ཡཾ དྷ་ནེ་ན, ཨུ་ཀྐཾ་ས་ཏཱི ཡ་ཏྠ ཀ་རོ་ཏི ཚ་ནྡཾ;
ཝི་པ་ཙྩ་ནཱི་ཀོ ཏ་ཝ དེ་ཝ་དྷ་མྨོ, པ་ཙྩ་ཀྑ་ཏོ ཐོ་ཀ་ཏ་རེ་ན ཨེ་སི.
༤༤. ཨཱ་ཡུ ཙ ཝ་ཎྞོ ཙ [ཨཱ་ཡུཾ ཙ ཝ་ཎྞཾ ཙ (ཀ. སཱི. པཱི.)] མ་ནུ་སྶ་ལོ་ཀེ, ནི་ཧཱི་ཡ་ཏི མ་ནུ་ཛཱ་ནཾ སུ་གྒ་ཏྟེ;
ཏེ་ནེ་ཝ ཝ་ཎྞེ་ན དྷ་ན་མྤི ཏུ་ཡ྄ཧཾ, ནི་ཧཱི་ཡ་ཏི ཛི་ཎྞ་ཏ་རཱ་སི ཨ་ཛྫ.
༤༥. ཨེ་ཝཾ མེ པེ་ཀྑ་མཱ་ན་སྶ, རཱ་ཛ་པུ་ཏྟི ཡ་ས་སྶི་ནི;
ཧཱ་ཡ་ཏེ་ཝ ཏ་ཝ [ཧཱ་ཡ་ཏེ ཝ་ཏ ཏེ (སཱི. སྱཱ. ཀ.), ཧཱ་ཡ་ཏེ་ཝ ཏ་ཏོ (པཱི.)] ཝ་ཎྞོ, ཨ་ཧོ་ར་ཏྟཱ་ན་མ་ཙྩ་ཡེ.
༤༦. ཨི་མི་ནཱ་ཝ ཏྭཾ ཝ་ཡ་སཱ, རཱ་ཛ་པུ་ཏྟི སུ་མེ་དྷ་སེ;
བྲ་ཧྨ་ཙ་རི་ཡཾ ཙ་རེ་ཡྻཱ་སི, བྷི་ཡྻོ ཝ་ཎྞ་ཝ་ཏཱི སི་ཡཱ.
༤༧. དེ་ཝཱ ན ཛཱི་ར་ནྟི ཡ་ཐཱ མ་ནུ་སྶཱ, ག་ཏྟེ་སུ ཏེ་སཾ ཝ་ལི་ཡོ ན ཧོ་ནྟི;
པུ་ཙྪཱ་མི ཏཾ ཡ་ཀྑ མ་ཧཱ་ནུ་བྷཱ་ཝ, ཀ་ཐཾ ནུ དེ་ཝཱ་ན [ཀ་ཐཾ ན དེ་ཝཱ་ནཾ (པཱི.)] ས་རཱི་ར་དེ་ཧོ.
༤༨. དེ་ཝཱ ན ཛཱི་ར་ནྟི ཡ་ཐཱ མ་ནུ་སྶཱ, ག་ཏྟེ་སུ ཏེ་སཾ ཝ་ལི་ཡོ ན ཧོ་ནྟི;
སུ་ཝེ སུ་ཝེ བྷི་ཡྻ་ཏ་རོ་ཝ [བྷི་ཡྻ་ཏ་རོ ཙ (ཀ.)] ཏེ་སཾ, དི་བྦོ ཙ ཝ་ཎྞོ ཝི་པུ་ལཱ ཙ བྷོ་གཱ.
༤༩. ཀིཾ་སཱུ་དྷ བྷཱི་ཏཱ ཛ་ན་ཏཱ ཨ་ནེ་ཀཱ, མ་གྒོ ཙ ནེ་ཀཱ་ཡ་ཏ་ནཾ པ་ཝུ་ཏྟོ;
པུ་ཙྪཱ་མི ཏཾ ཡ་ཀྑ མ་ཧཱ་ནུ་བྷཱ་ཝ, ཀ་ཏྠ་ཊྛི་ཏོ པ་ར་ལོ་ཀཾ ན བྷཱ་ཡེ.
༥༠. ཝཱ་ཙཾ མ་ན་ཉྩ པ་ཎི་དྷཱ་ཡ ས་མྨཱ, ཀཱ་ཡེ་ན པཱ་པཱ་ནི ཨ་ཀུ་བྦ་མཱ་ནོ;
བ་ཧུ་ནྣ་པཱ་ནཾ གྷ་ར་མཱ་ཝ་ས་ནྟོ, ས་དྡྷོ མུ་དཱུ སཾ་ཝི་བྷཱ་གཱི ཝ་ད་ཉྙཱུ;
ས་ངྒཱ་ཧ་ཀོ ས་ཁི་ལོ ས་ཎྷ་ཝཱ་ཙོ, ཨེ་ཏྠ་ཊྛི་ཏོ པ་ར་ལོ་ཀཾ ན བྷཱ་ཡེ.
༥༡. ཨ་ནུ་སཱ་ས་སི མཾ ཡ་ཀྑ, ཡ་ཐཱ མཱ་ཏཱ ཡ་ཐཱ པི་ཏཱ;
ཨུ་ལཱ༹་ར་ཝ་ཎྞཾ པུ་ཙྪཱ་མི, ཀོ ནུ ཏྭ་མ་སི སུ་བྲ་ཧཱ.
༥༢. ཨུ་ད་ཡོ་ཧ་མ་སྨི ཀ་ལྱཱ་ཎི, ས་ངྐ་ར་ཏྟཱ ཨི་དྷཱ་ག་ཏོ [ས་ངྒ་ར་ཏྠཱ ཨི་དྷཱ་ག་ཏོ (སཱི. པཱི.), ས་ངྒ་ར་ཏྠཱ་ཡི་དྷཱ་ག་ཏོ (སྱཱ.)];
ཨཱ་མ་ནྟ ཁོ ཏཾ ག་ཙྪཱ་མི, མུ་ཏྟོ་སྨི ཏ་ཝ ས་ངྐ་རཱ [ས་ངྒ་རཱ (སཱི. སྱཱ. པཱི.)].
༥༣. ས་ཙེ ཁོ ཏྭཾ ཨུ་ད་ཡོ་སི, ས་ངྐ་ར་ཏྟཱ ཨི་དྷཱ་ག་ཏོ;
ཨ་ནུ་སཱ་ས མཾ རཱ་ཛ་པུ་ཏྟ, ཡ་ཐཱ་སྶ པུ་ན ས་ངྒ་མོ.
༥༤. ཨ་ཏི་པ་ཏ་ཏི [ཨ་དྷི་པ་ཏ་ཏཱི (སཱི. པཱི.)] ཝ་ཡོ ཁ་ཎོ ཏ་ཐེ་ཝ, ཋཱ་ནཾ ན་ཏྠི དྷུ་ཝཾ ཙ་ཝ་ནྟི ས་ཏྟཱ;
པ་རི་ཛི་ཡྻ་ཏི ཨ་དྡྷུ་ཝཾ ས་རཱི་རཾ, ཨུ་ད་ཡེ མཱ པ་མཱ་ད [མཱ པ་མཱ་དཾ (སཱི.)] ཙ་ར་སྶུ དྷ་མྨཾ.
༥༥. ཀ་སི་ཎཱ པ་ཐ་ཝཱི དྷ་ན་སྶ པཱུ་རཱ, ཨེ་ཀ་སྶེ་ཝ སི་ཡཱ ཨ་ན་ཉྙ་དྷེ་ཡྻཱ;
ཏ་ཉྩཱ་པི ཛ་ཧ་ཏི [ཛ་ཧཱ་ཏི (སཱི. སྱཱ. པཱི.), ཛ་ཧཱ་ཏཱི (?)] ཨ་ཝཱི་ཏ་རཱ་གོ, ཨུ་ད་ཡེ མཱ པ་མཱ་ད ཙ་ར་སྶུ དྷ་མྨཾ.
༥༦. མཱ་ཏཱ ཙ པི་ཏཱ ཙ བྷཱ་ཏ་རོ ཙ, བྷ་རི་ཡཱ ཡཱ་པི དྷ་ནེ་ན ཧོ་ཏི ཀཱི་ཏཱ [བྷ་རི་ཡཱ་པི དྷ་ནེ་ན ཧོ་ནྟི ཨ་ཏི་ཏྟཱ (ཀ.)];
ཏེ ཙཱ་པི ཛ་ཧ་ནྟི ཨ་ཉྙ་མ་ཉྙཾ, ཨུ་ད་ཡེ མཱ པ་མཱ་ད ཙ་ར་སྶུ དྷ་མྨཾ.
༥༧. ཀཱ་ཡོ པ་ར་བྷོ་ཛ་ན་ནྟི ཉ་ཏྭཱ [ཀཱ་ཡོ ཙ པ་ར་བྷོ་ཛ་ནཾ ཝི་དི་ཏྭཱ (ཀ.)], སཾ་སཱ་རེ སུ་ག་ཏི་ཉྩ དུ་གྒ་ཏི་ཉྩ [སུ་ག་ཏཱི ཙ དུ་གྒ་ཏཱི ཙ (སཱི. སྱཱ. པཱི.), སུ་གྒ་ཏིཾ དུ་གྒ་ཏི་ཉྩ (ཀ.)];
ཨི་ཏྟ་ར་ཝཱ་སོ་ཏི ཛཱ་ནི་ཡཱ་ན, ཨུ་ད་ཡེ མཱ པ་མཱ་ད ཙ་ར་སྶུ དྷ་མྨཾ.
༥༨. སཱ་དྷུ བྷཱ་ས་ཏི་ཡཾ [བྷཱ་ས་ཏ་ཡཾ (སཱི. པཱི.)] ཡ་ཀྑོ, ཨ་པྤཾ མ་ཙྩཱ་ན ཛཱི་ཝི་ཏཾ;
ཀ་སི་ར་ཉྩ པ་རི་ཏྟ་ཉྩ, ཏ་ཉྩ དུ་ཀྑེ་ན སཾ་ཡུ་ཏཾ;
སཱ་ཧཾ ཨེ་ཀཱ པ་བྦ་ཛི་སྶཱ་མི, ཧི་ཏྭཱ ཀཱ་སིཾ སུ་རུ་ནྡྷ་ན་ནྟི.
ཨུ་ད་ཡ་ཛཱ་ཏ་ཀཾ ཙ་ཏུ་ཏྠཾ.
༤༥༩. པཱ་ནཱི་ཡ་ཛཱ་ཏ་ཀཾ (༥)
༥༩. མི་ཏྟོ མི་ཏྟ་སྶ པཱ་ནཱི་ཡཾ, ཨ་དི་ནྣཾ པ་རི་བྷུ་ཉྫི་སཾ;
ཏེ་ན པ་ཙྪཱ ཝི་ཛི་གུ་ཙྪིཾ, ཏཾ པཱ་པཾ པ་ཀ་ཏཾ མ་ཡཱ;
མཱ པུ་ན ཨ་ཀ་རཾ པཱ་པཾ, ཏ་སྨཱ པ་བྦ་ཛི་ཏོ ཨ་ཧཾ.
༦༠. པ་ར་དཱ་ར་ཉྩ དི་སྭཱ་ན, ཚ་ནྡོ མེ ཨུ་ད་པ་ཛྫ་ཐ [ཨུ་པ་པ་ཛྫ་ཐ (སྱཱ. ཀ.)];
ཏེ་ན པ་ཙྪཱ ཝི་ཛི་གུ་ཙྪིཾ, ཏཾ པཱ་པཾ པ་ཀ་ཏཾ མ་ཡཱ;
མཱ པུ་ན ཨ་ཀ་རཾ པཱ་པཾ, ཏ་སྨཱ པ་བྦ་ཛི་ཏོ ཨ་ཧཾ.
༦༡. པི་ཏ་རཾ མེ མ་ཧཱ་རཱ་ཛ, ཙོ་རཱ ཨ་ག་ཎྷུ [ཨ་ག་ཎྷུཾ (སཱི. པཱི.), ཨ་ག་ཎྷི (ཀ.)] ཀཱ་ན་ནེ;
ཏེ་སཱ་ཧཾ པུ་ཙྪི་ཏོ ཛཱ་ནཾ, ཨ་ཉྙ་ཐཱ ནཾ ཝི་ཡཱ་ཀ་རིཾ.
༦༢. ཏེ་ན པ་ཙྪཱ ཝི་ཛི་གུ་ཙྪིཾ, ཏཾ པཱ་པཾ པ་ཀ་ཏཾ མ་ཡཱ;
མཱ པུ་ན ཨ་ཀ་རཾ པཱ་པཾ, ཏ་སྨཱ པ་བྦ་ཛི་ཏོ ཨ་ཧཾ.
༦༣. པཱ་ཎཱ་ཏི་པཱ་ཏ་མ་ཀ་རུཾ, སོ་མ་ཡཱ་གེ ཨུ་པ་ཊྛི་ཏེ;
ཏེ་སཱ་ཧཾ ས་མ་ནུ་ཉྙཱ་སིཾ, ཏེ་ན པ་ཙྪཱ ཝི་ཛི་གུ་ཙྪིཾ.
༦༤. ཏཾ པཱ་པཾ པ་ཀ་ཏཾ མ་ཡཱ, མཱ པུ་ན ཨ་ཀ་རཾ པཱ་པཾ;
ཏ་སྨཱ པ་བྦ་ཛི་ཏོ ཨ་ཧཾ.
༦༥. སུ་རཱ་མེ་ར་ཡ་མཱ་དྷུ་ཀཱ [མ་དྷུ་ཀཱ (སཱི. སྱཱ. པཱི.)], ཡེ ཛ་ནཱ པ་ཋ་མཱ་སུ ནོ;
བ་ཧཱུ་ནཾ ཏེ ཨ་ན་ཏྠཱ་ཡ, མ་ཛྫ་པཱ་ན་མ་ཀ་པྤ་ཡུཾ.
༦༦. ཏེ་སཱ་ཧཾ ས་མ་ནུ་ཉྙཱ་སིཾ, ཏེ་ན པ་ཙྪཱ ཝི་ཛི་གུ་ཙྪིཾ;
ཏཾ པཱ་པཾ པ་ཀ་ཏཾ མ་ཡཱ, མཱ པུ་ན ཨ་ཀ་རཾ པཱ་པཾ;
ཏ་སྨཱ པ་བྦ་ཛི་ཏོ ཨ་ཧཾ.
༦༧. དྷི་ར་ཏྠུ སུ་བ་ཧཱུ ཀཱ་མེ, དུ་གྒ་ནྡྷེ བ་ཧུ་ཀ་ཎྚ་ཀེ;