༡༢. དྭཱ་ད་ས་ཀ་ནི་པཱ་ཏོ
༤༦༤. ཙཱུ་ལ༹་ཀུ་ཎཱ་ལ་ཛཱ་ཏ་ཀཾ (༡)
༡. ལུ་དྡྷཱ་ནཾ [ཁུ་དྡཱ་ནཾ (སཱི. སྱཱ. པཱི.)] ལ་ཧུ་ཙི་ཏྟཱ་ནཾ, ཨ་ཀ་ཏ་ཉྙཱུ་ན དུ་བྦྷི་ནཾ;
ནཱ་དེ་ཝ་ས་ཏྟོ པུ་རི་སོ, ཐཱི་ནཾ ས་དྡྷཱ་ཏུ་མ་ར་ཧ་ཏི.
༢. ན ཏཱ པ་ཛཱ་ན་ནྟི ཀ་ཏཾ ན ཀི་ཙྩཾ, ན མཱ་ཏ་རཾ པི་ཏ་རཾ བྷཱ་ཏ་རཾ ཝཱ;
ཨ་ན་རི་ཡཱ ས་མ་ཏི་ཀྐ་ནྟ་དྷ་མྨཱ, ས་སྶེ་ཝ ཙི་ཏྟ་སྶ ཝ་སཾ ཝ་ཛ་ནྟི.
༣. ཙི་རཱ་ནུ་ཝུ་ཊྛ་མྤི [ཙི་རཱ་ནུ་ཝུ་ཏྠ་མྤི (སཱི. པཱི.)] པི་ཡཾ མ་ནཱ་པཾ, ཨ་ནུ་ཀ་མྤ་ཀཾ པཱ་ཎ་ས་མ་མྤི བྷ་ཏྟུཾ [ས་ནྟཾ (སཱི. སྱཱ. པཱི.)];
ཨཱ་ཝཱ་སུ ཀི་ཙྩེ་སུ ཙ ནཾ ཛ་ཧ་ནྟི, ཏ་སྨཱ་ཧ་མི་ཏྠཱི་ནཾ ན ཝི་སྶ་སཱ་མི.
༤. ཐཱི་ན་ཉྷི ཙི་ཏྟཾ ཡ་ཐཱ ཝཱ་ན་ར་སྶ, ཀ་ནྣ་པྤ་ཀ་ནྣཾ ཡ་ཐཱ རུ་ཀྑ་ཚཱ་ཡཱ;
ཙ་ལཱ་ཙ་ལཾ ཧ་ད་ཡ་མི་ཏྠི་ཡཱ་ནཾ, ཙ་ཀྐ་སྶ ནེ་མི ཝི་ཡ པ་རི་ཝ་ཏྟ་ཏི.
༥. ཡ་དཱ ཏཱ པ་སྶ་ནྟི ས་མེ་ཀྑ་མཱ་ནཱ, ཨཱ་དེ་ཡྻ་རཱུ་པཾ པུ་རི་ས་སྶ ཝི་ཏྟཾ;
ས་ཎྷཱ་ཧི ཝཱ་ཙཱ་ཧི ན་ཡ་ནྟི མེ་ནཾ, ཀ་མྦོ་ཛ་ཀཱ ཛ་ལ་ཛེ་ནེ་ཝ ཨ་སྶཾ.
༦. ཡ་དཱ ན པ་སྶ་ནྟི ས་མེ་ཀྑ་མཱ་ནཱ, ཨཱ་དེ་ཡྻ་རཱུ་པཾ པུ་རི་ས་སྶ ཝི་ཏྟཾ;
ས་མ་ནྟ་ཏོ ནཾ པ་རི་ཝ་ཛྫ་ཡ་ནྟི, ཏི་ཎྞོ ན་དཱི་པཱ་ར་ག་ཏོ་ཝ ཀུ་ལླཾ.
༧. སི་ལེ་སཱུ་པ་མཱ སི་ཁི་རི་ཝ ས་བྦ་བྷ་ཀྑཱ, ཏི་ཀྑ་མཱ་ཡཱ ན་དཱི་རི་ཝ སཱི་གྷ་སོ་ཏཱ;
སེ་ཝ་ནྟི ཧེ་ཏཱ པི་ཡ་མ་པྤི་ཡ་ཉྩ, ནཱ་ཝཱ ཡ་ཐཱ ཨོ་ར་ཀཱུ་ལཾ པ་ར་ཉྩ.
༨. ན ཏཱ ཨེ་ཀ་སྶ ན དྭི་ནྣཾ, ཨཱ་པ་ཎོ་ཝ པ་སཱ་རི་ཏོ;
ཡོ ཏཱ མ་ཡ྄ཧ་ནྟི མ་ཉྙེ་ཡྻ, ཝཱ་ཏཾ ཛཱ་ལེ་ན བཱ་དྷ་ཡེ [བ་ནྡྷ་ཡེ (སྱཱ. ཀ.)].
༩. ཡ་ཐཱ ན་དཱི ཙ པ་ནྠོ ཙ, པཱ་ནཱ་གཱ་རཾ ས་བྷཱ པ་པཱ;
ཨེ་ཝཾ ལོ་ཀི་ཏྠི་ཡོ ནཱ་མ, ཝེ་ལཱ ཏཱ་སཾ ན ཝི་ཛྫ་ཏི [ཨི་མི་སྶཱ གཱ་ཐཱ་ཡ པུ་བྦ་དྡྷཱ་པ་ར་དྡྷཾ ཝི་པ་རི་ཡཱ་ཡེ་ན དི་སྶ་ཏི (ཀ.)].
༡༠. གྷ་ཏཱ་ས་ན་ས་མཱ ཨེ་ཏཱ, ཀ་ཎྷ་ས་པྤ་སི་རཱུ་པ་མཱ;
གཱ་ཝོ བ་ཧི་ཏི་ཎ་སྶེ་ཝ, ཨོ་མ་ས་ནྟི ཝ་རཾ ཝ་རཾ.
༡༡. གྷ་ཏཱ་ས་ནཾ ཀུ་ཉྫ་རཾ ཀ་ཎྷ་ས་པྤཾ, མུ་དྡྷཱ་བྷི་སི་ཏྟཾ པ་མ་དཱ ཙ ས་བྦཱ;
ཨེ་ཏེ ན་རོ ནི་ཙྩ་ཡ་ཏོ [ནི་ཙྩ་ཡ་ཏྟོ (སཱི. པཱི.)] བྷ་ཛེ་ཐ, ཏེ་སཾ ཧ་ཝེ དུ་བྦི་དུ ས་བྦ་བྷཱ་ཝོ [ས་ཙྩ་བྷཱ་ཝོ (སྱཱ.)].
༡༢. ན་ཙྩ་ནྟ་ཝ་ཎྞཱ ན བ་ཧཱུ་ནཾ ཀ་ནྟཱ, ན ད་ཀྑི་ཎཱ པ་མ་དཱ སེ་ཝི་ཏ་བྦཱ;
ན པ་ར་སྶ བྷ་རི་ཡཱ ན དྷ་ན་སྶ ཧེ་ཏུ, ཨེ་ཏི་ཏྠི་ཡོ པ་ཉྩ ན སེ་ཝི་ཏ་བྦཱ་ཏི.
ཙཱུ་ལ༹་ཀུ་ཎཱ་ལ་ཛཱ་ཏ་ཀཾ པ་ཋ་མཾ.
༤༦༥. བྷ་དྡ་སཱ་ལ་ཛཱ་ཏ་ཀཾ (༢)
༡༣. ཀཱ ཏྭཾ སུ་དྡྷེ་ཧི ཝ་ཏྠེ་ཧི, ཨ་གྷེ ཝེ་ཧཱ་ཡ་སཾ [ཝེ་ཧཱ་ས་ཡཾ (སཱི. པཱི.)] ཋི་ཏཱ;
ཀེ་ན ཏྱཱ་སྶཱུ་ནི ཝ་ཏྟ་ནྟི, ཀུ་ཏོ ཏཾ བྷ་ཡ་མཱ་ག་ཏཾ.
༡༤. ཏ་ཝེ་ཝ དེ་ཝ ཝི་ཛི་ཏེ, བྷ་དྡ་སཱ་ལོ་ཏི མཾ ཝི་དཱུ;
ས་ཊྛི [ས་ཊྛིཾ (སཱི. པཱི.)] ཝ་སྶ་ས་ཧ་སྶཱ་ནི, ཏི་ཊྛ་ཏོ པཱུ་ཛི་ཏ་སྶ མེ.
༡༥. ཀཱ་ར་ཡ་ནྟཱ ན་ག་རཱ་ནི, ཨ་གཱ་རེ ཙ དི་ས་མྤ་ཏི;
ཝི་ཝི་དྷེ ཙཱ་པི པཱ་སཱ་དེ, ན མཾ ཏེ ཨ་ཙྩ་མ་ཉྙི་སུཾ;
ཡ་ཐེ་ཝ མཾ ཏེ པཱུ་ཛེ་སུཾ, ཏ་ཐེ་ཝ ཏྭ་མྤི པཱུ་ཛ་ཡ.
༡༦. ཏཾ ཨི་ཝཱ་ཧཾ [ཏ་ཉྩ ཨ་ཧཾ (སཱི. སྱཱ. པཱི.)] ན པ་སྶཱ་མི, ཐཱུ་ལཾ ཀཱ་ཡེ་ན ཏེ དུ་མཾ;
ཨཱ་རོ་ཧ་པ་རི་ཎཱ་ཧེ་ན, ཨ་བྷི་རཱུ་པོ་སི ཛཱ་ཏི་ཡཱ.
༡༧. པཱ་སཱ་དཾ ཀཱ་ར་ཡི་སྶཱ་མི, ཨེ་ཀ་ཏྠ་མྦྷཾ མ་ནོ་ར་མཾ;
ཏ་ཏྠ ཏཾ ཨུ་པ་ནེ་སྶཱ་མི, ཙི་རཾ ཏེ ཡ་ཀྑ ཛཱི་ཝི་ཏཾ.
༡༨. ཨེ་ཝཾ ཙི་ཏྟཾ ཨུ་ད་པཱ་དི, ས་རཱི་རེ་ན ཝི་ནཱ་བྷཱ་ཝོ;
པུ་ཐུ་སོ མཾ ཝི་ཀ་ནྟི་ཏྭཱ, ཁ་ཎྜ་སོ ཨ་ཝ་ཀ་ནྟ་ཐ.
༡༩. ཨ་གྒེ ཙ ཚེ་ཏྭཱ མ་ཛ྄ཛྷེ ཙ, པ་ཙྪཱ མཱུ་ལ་མྷི ཚི་ནྡ་ཐ [མཱུ་ལ་ཉྩ ཚི་ནྡ་ཐ (སཱི.), མཱུ་ལཾ ཝི་ཚི་ནྡ་ཐ (པཱི.)];
ཨེ་ཝཾ མེ ཚི་ཛྫ་མཱ་ན་སྶ, ན དུ་ཀྑཾ མ་ར་ཎཾ སི་ཡཱ.
༢༠. ཧ་ཏྠ་པཱ་དཾ [ཧ་ཏྠ་པཱ་དེ (ཀ.)] ཡ་ཐཱ ཚི་ནྡེ [ཚི་ནྣེ (ཀ.)], ཀ་ཎྞ་ནཱ་ས་ཉྩ ཛཱི་ཝ་ཏོ;
ཏ་ཏོ པ་ཙྪཱ སི་རོ ཚི་ནྡེ, ཏཾ དུ་ཀྑཾ མ་ར་ཎཾ སི་ཡཱ.
༢༡. སུ་ཁཾ ནུ ཁ་ཎྜ་སོ ཚི་ནྣཾ, བྷ་དྡ་སཱ་ལ་ཝ་ན་པྤ་ཏི;
ཀིཾ ཧེ་ཏུ ཀིཾ ཨུ་པཱ་དཱ་ཡ, ཁ་ཎྜ་སོ ཚི་ནྣ་མི་ཙྪ་སི.
༢༢. ཡ་ཉྩ ཧེ་ཏུ་མུ་པཱ་དཱ་ཡ, ཧེ་ཏུཾ དྷ་མྨཱུ་པ་སཾ་ཧི་ཏཾ;
ཁ་ཎྜ་སོ ཚི་ནྣ་མི་ཙྪཱ་མི, མ་ཧཱ་རཱ་ཛ སུ་ཎོ་ཧི མེ.
༢༣. ཉཱ་ཏཱི མེ སུ་ཁ་སཾ་ཝ་དྡྷཱ, མ་མ པ་སྶེ ནི་ཝཱ་ཏ་ཛཱ;
ཏེ་པི་ཧཾ ཨུ་པ་ཧིཾ་སེ་ཡྻཾ, པ་རེ་སཾ ཨ་སུ་ཁོ་ཙི་ཏཾ.
༢༤. ཙེ་ཏེ་ཡྻ་རཱུ་པཾ [ཙེ་ཏ་བྦ་རཱུ་པཾ (སཱི. པཱི.)] ཙེ་ཏེ་སི, བྷ་དྡ་སཱ་ལ་ཝ་ན་པྤ་ཏི;
ཧི་ཏ་ཀཱ་མོ་སི ཉཱ་ཏཱི་ནཾ, ཨ་བྷ་ཡཾ ས་མྨ ད་མྨི ཏེ་ཏི.
བྷ་དྡ་སཱ་ལ་ཛཱ་ཏ་ཀཾ དུ་ཏི་ཡཾ.
༤༦༦. ས་མུ་དྡ་ཝཱ་ཎི་ཛ་ཛཱ་ཏ་ཀཾ (༣)
༢༥. ཀ་ས་ནྟི ཝ་པ་ནྟི ཏེ ཛ་ནཱ, མ་ནུ་ཛཱ ཀ་མྨ་ཕ་ལཱུ་པ་ཛཱི་ཝི་ནོ;
ན་ཡི་མ་སྶ དཱི་པ་ཀ་སྶ བྷཱ་གི་ནོ, ཛ་མྦུ་དཱི་པཱ ཨི་ད་མེ་ཝ ནོ ཝ་རཾ.
༢༦. ཏི་པ་ཉྩ་ར་ཏྟཱུ་པ་ག་ཏ་མྷི ཙ་ནྡེ, ཝེ་གོ མ་ཧཱ ཧེ་ཧི་ཏི སཱ་ག་ར་སྶ;
ཨུ་པླ་ཝི་སྶཾ དཱི་པ་མི་མཾ ཨུ་ལཱ༹་རཾ, མཱ ཝོ ཝ་དྷཱི ག་ཙྪ་ཐ ལེ་ཎ་མ་ཉྙཾ.
༢༧. ན ཛཱ་ཏུ་ཡཾ སཱ་ག་ར་ཝཱ་རི་ཝེ་གོ, ཨུ་པླ་ཝི་སྶཾ དཱི་པ་མི་མཾ ཨུ་ལཱ༹་རཾ;
ཏཾ མེ ནི་མི་ཏྟེ་ཧི བ་ཧཱུ་ཧི དི་ཊྛཾ, མཱ བྷེ་ཐ ཀིཾ སོ་ཙ་ཐ མོ་ད་ཐ་ཝ྄ཧོ [མོ་ད་ཐ ཝོ (ཀ.) ༦.༣༨ མོ་གྒ་ལླཱ་ན་སུ་ཏྟཾ པ་སྶི་ཏ་བྦཾ].
༢༨. པ་ཧཱུ་ཏ་བྷ་ཀྑཾ བ་ཧུ་ཨ་ནྣ་པཱ་ནཾ, པ་ཏྟ་ཏྠ ཨཱ་ཝཱ་ས་མི་མཾ ཨུ་ལཱ༹་རཾ;
ན ཝོ བྷ་ཡཾ པ་ཊི་པ་སྶཱ་མི ཀི་ཉྩི, ཨཱ་པུ་ཏྟ་པུ་ཏྟེ་ཧི པ་མོ་ད་ཐ་ཝ྄ཧོ.
༢༩. ཡོ དེ་ཝོ་ཡཾ ད་ཀྑི་ཎཱ་ཡཾ [ད་ཀྑི་ཎ་སྶཾ (སཱི.)] དི་སཱ་ཡཾ, ཁེ་མ་ནྟི པ་ཀྐོ་ས་ཏི ཏ་སྶ ས་ཙྩཾ;
ན ཨུ་ཏྟ་རོ ཝེ་དི བྷ་ཡཱ་བྷ་ཡ་སྶ, མཱ བྷེ་ཐ ཀིཾ སོ་ཙ་ཐ མོ་ད་ཐ་ཝ྄ཧོ.
༣༠. ཡ་ཐཱ ཨི་མེ ཝི་པྤ་ཝ་ད་ནྟི ཡ་ཀྑཱ, ཨེ་ཀོ བྷ་ཡཾ སཾ་ས་ཏི ཁེ་མ་མེ་ཀོ;
ཏ་དི་ངྒྷ མ་ཡ྄ཧཾ ཝ་ཙ་ནཾ སུ་ཎཱ་ཐ, ཁི་པྤཾ ལ་ཧུཾ མཱ ཝི་ན་སྶི་མྷ ས་བྦེ.
༣༡. ས་བྦེ ས་མཱ་ག་མྨ ཀ་རོ་མ ནཱ་ཝཾ, དོ་ཎིཾ ད་ལ༹ྷཾ ས་བྦ་ཡ་ནྟཱུ་པ་པ་ནྣཾ;
ས་ཙེ ཨ་ཡཾ ད་ཀྑི་ཎོ ས་ཙྩ་མཱ་ཧ, མོ་གྷཾ པ་ཊི་ཀྐོ་ས་ཏི ཨུ་ཏྟ་རོ་ཡཾ;
སཱ ཙེ་ཝ ནོ ཧེ་ཧི་ཏི ཨཱ་པ་ད་ཏྠཱ, ཨི་མ་ཉྩ དཱི་པཾ ན པ་རི་ཙྩ་ཛེ་མ.
༣༢. ས་ཙེ ཙ ཁོ ཨུ་ཏྟ་རོ ས་ཙྩ་མཱ་ཧ, མོ་གྷཾ པ་ཊི་ཀྐོ་ས་ཏི ད་ཀྑི་ཎོ་ཡཾ;
ཏ་མེ་ཝ ནཱ་ཝཾ ཨ་བྷི་རུ་ཡ྄ཧ ས་བྦེ, ཨེ་ཝཾ མ་ཡཾ སོ་ཏྠི ཏ་རེ་མུ པཱ་རཾ.
༣༣. ན ཝེ སུ་ག་ཎྷཾ པ་ཋ་མེ་ན སེ་ཊྛཾ, ཀ་ནི་ཊྛ་མཱ་པཱ་ཐ་ག་ཏཾ ག་ཧེ་ཏྭཱ;
ཡོ ཙཱི་དྷ ཏ་ཙྪཾ [མ་ཛ྄ཛྷཾ (སཱི. སྱཱ. པཱི.)] པ་ཝི་ཙེ་ཡྻ ག་ཎྷ་ཏི [ག་ཎྷི (ཀ.)], ས ཝེ ན་རོ སེ་ཊྛ་མུ་པེ་ཏི ཋཱ་ནཾ.
༣༤. ཡ་ཐཱ་པི ཏེ སཱ་ག་ར་ཝཱ་རི་མ་ཛ྄ཛྷེ, ས་ཀ་མྨུ་ནཱ སོ་ཏྠི ཝ་ཧིཾ་སུ ཝཱ་ཎི་ཛཱ;
ཨ་ནཱ་ག་ཏ་ཏྠཾ པ་ཊི་ཝི་ཛ྄ཛྷི་ཡཱ་ན, ཨ་པྤ་མྤི ནཱ་ཙྩེ་ཏི ས བྷཱུ་རི་པ་ཉྙོ.
༣༥. བཱ་ལཱ ཙ མོ་ཧེ་ན ར་སཱ་ནུ་གི་དྡྷཱ, ཨ་ནཱ་ག་ཏཾ ཨ་པྤ་ཊི་ཝི་ཛ྄ཛྷི་ཡ་ཏྠཾ;
པ་ཙྩུ་པྤ་ནྣེ སཱི་ད་ནྟི ཨ་ཏྠ་ཛཱ་ཏེ, ས་མུ་དྡ་མ་ཛ྄ཛྷེ ཡ་ཐཱ ཏེ མ་ནུ་སྶཱ.
༣༦. ཨ་ནཱ་ག་ཏཾ པ་ཊི་ཀ་ཡི་རཱ་ཐ ཀི་ཙྩཾ, ‘‘མཱ མཾ ཀི་ཙྩཾ ཀི་ཙྩ་ཀཱ་ལེ བྱ་དྷེ་སི’’;
ཏཾ ཏཱ་དི་སཾ པ་ཊི་ཀ་ཏ [པ་ཊི་ཀ་ཏཾ (ཀ.), པ་ཊི་ག་ཏ (སཱི. ཨ་ཊྛ.), པ་ཊི་ཀ་ཙྩ (?)] ཀི་ཙྩ་ཀཱ་རིཾ, ན ཏཾ ཀི་ཙྩཾ ཀི་ཙྩ་ཀཱ་ལེ བྱ་དྷེ་ཏཱི་ཏི.
ས་མུ་དྡ་ཝཱ་ཎི་ཛ་ཛཱ་ཏ་ཀཾ ཏ་ཏི་ཡཾ.
༤༦༧. ཀཱ་མ་ཛཱ་ཏ་ཀཾ (༤)
༣༧. ཀཱ་མཾ ཀཱ་མ་ཡ་མཱ་ན་སྶ, ཏ་སྶ ཙེ ཏཾ ས་མི་ཛ྄ཛྷ་ཏི;
ཨ་དྡྷཱ པཱི་ཏི་མ་ནོ ཧོ་ཏི, ལ་དྡྷཱ མ་ཙྩོ ཡ་དི་ཙྪ་ཏི.
༣༨. ཀཱ་མཾ ཀཱ་མ་ཡ་མཱ་ན་སྶ, ཏ་སྶ ཙེ ཏཾ ས་མི་ཛ྄ཛྷ་ཏི;
ཏ་ཏོ ནཾ ཨ་པ་རཾ ཀཱ་མེ, དྷ་མྨེ ཏ་ཎྷཾ་ཝ ཝི་ནྡ་ཏི.
༣༩. ག་ཝཾ་ཝ སི་ངྒི་ནོ སི་ངྒཾ, ཝ་ཌྜྷ་མཱ་ན་སྶ ཝ་ཌྜྷ་ཏི;
ཨེ་ཝཾ མ་ནྡ་སྶ པོ་ས་སྶ, བཱ་ལ་སྶ ཨ་ཝི་ཛཱ་ན་ཏོ;
བྷི་ཡྻོ ཏ་ཎྷཱ པི་པཱ་སཱ ཙ, ཝ་ཌྜྷ་མཱ་ན་སྶ ཝ་ཌྜྷ་ཏི.
༤༠. པ་ཐ་བྱཱ སཱ་ལི་ཡ་ཝ་ཀཾ, ག་ཝ་སྶཾ [ག་ཝཱ་སཾ (སཱི. སྱཱ. པཱི.)] དཱ་ས་པོ་རི་སཾ;
ད་ཏྭཱ ཙ [ད་ཏྭཱ་པི (སཱི. སྱཱ.), ད་ཏྭཱ ཝཱ (པཱི.)] ནཱ་ལ་མེ་ཀ་སྶ, ཨི་ཏི ཝི་དྭཱ [ཝི་དྡྷཱ (སྱཱ.)] ས་མཾ ཙ་རེ.
༤༡. རཱ་ཛཱ པ་ས་ཡ྄ཧ པ་ཐ་ཝིཾ ཝི་ཛི་ཏྭཱ, ས་སཱ་ག་ར་ནྟཾ མ་ཧི་མཱ་ཝ་ས་ནྟོ;
ཨོ་རཾ ས་མུ་དྡ་སྶ ཨ་ཏི་ཏྟ་རཱུ་པོ [ཨ་ཏི་ཏྟི་རཱུ་པོ (ཀ.)], པཱ་རཾ ས་མུ་དྡ་སྶ་པི པ་ཏྠ་ཡེ་ཐ.
༤༢. ཡཱ་ཝ ཨ་ནུ་སྶ་རཾ ཀཱ་མེ, མ་ན་སཱ ཏི་ཏྟི ནཱ་ཛ྄ཛྷ་གཱ;
ཏ་ཏོ ནི་ཝ་ཏྟཱ པ་ཊི་ཀ་མྨ དི་སྭཱ, ཏེ ཝེ སུ་ཏི་ཏྟཱ ཡེ [ཏི་ཏྟཱ (སཱི. སྱཱ. པཱི.)] པ་ཉྙཱ་ཡ ཏི་ཏྟཱ.
༤༣. པ་ཉྙཱ་ཡ ཏི་ཏྟི་ནཾ [ཏི་ཏྟཱི་ནཾ (སཱི. སྱཱ.)] སེ་ཊྛཾ, ན སོ ཀཱ་མེ་ཧི ཏ་པྤ་ཏི;
པ་ཉྙཱ་ཡ ཏི་ཏྟཾ པུ་རི་སཾ, ཏ་ཎྷཱ ན ཀུ་རུ་ཏེ ཝ་སཾ.
༤༤. ཨ་པ་ཙི་ནེ་ཐེ་ཝ ཀཱ་མཱ་ནཾ [ཀཱ་མཱ་ནི (སཱི. སྱཱ. པཱི.)], ཨ་པྤི་ཙྪ་སྶ ཨ་ལོ་ལུ་པོ;
ས་མུ་དྡ་མ་ཏྟོ པུ་རི་སོ, ན སོ ཀཱ་མེ་ཧི ཏ་པྤ་ཏི.
༤༥. ར་ཐ་ཀཱ་རོ་ཝ ཙ་མྨ་སྶ, པ་རི་ཀ་ནྟཾ ཨུ་པཱ་ཧ་ནཾ;
ཡཾ ཡཾ ཙ་ཛ་ཏི [ཛ་ཧ་ཏི (སྱཱ. ཀ.)] ཀཱ་མཱ་ནཾ, ཏཾ ཏཾ ས་མྤ་ཛྫ་ཏེ སུ་ཁཾ;
ས་བྦཾ ཙེ སུ་ཁ་མི་ཙྪེ་ཡྻ, ས་བྦེ ཀཱ་མེ པ་རི་ཙྩ་ཛེ.
༤༦. ཨ་ཊྛ ཏེ བྷཱ་སི་ཏཱ གཱ་ཐཱ, ས་བྦཱ ཧོ་ནྟི ས་ཧ་སྶི་ཡོ [ས་ཧ་སྶི་ཡཱ (?) ཨུ་པ་རི སུ་ཏ་སོ་མ་ཛཱ་ཏ་ཀེ ཏ་ཐཱ དི་སྶ་ཏི];
པ་ཊི་ག་ཎྷ མ་ཧཱ་བྲ་ཧྨེ, སཱ་དྷེ་ཏཾ ཏ་ཝ བྷཱ་སི་ཏཾ.
༤༧. ན མེ ཨ་ཏྠོ ས་ཧ་སྶེ་ཧི, ས་ཏེ་ཧི ན་ཧུ་ཏེ་ཧི ཝཱ;
པ་ཙྪི་མཾ བྷཱ་ས་ཏོ གཱ་ཐཾ, ཀཱ་མེ མེ ན ར་ཏོ མ་ནོ.
༤༨. བྷ་དྲ་ཀོ [ས་དྡོ (སཱི.)] ཝ་ཏཱ་ཡཾ མཱ་ཎ་ཝ་ཀོ, ས་བྦ་ལོ་ཀ་ཝི་དཱུ མུ་ནི;
ཡོ ཨི་མཾ ཏ་ཎྷཾ [ཡོ ཏ་ཎྷཾ (སཱི. སྱཱ.)] དུ་ཀྑ་ཛ་ན་ནིཾ, པ་རི་ཛཱ་ནཱ་ཏི པ་ཎྜི་ཏོ་ཏི.
ཀཱ་མ་ཛཱ་ཏ་ཀཾ ཙ་ཏུ་ཏྠཾ.
༤༦༨. ཛ་ན་ས་ནྡྷ་ཛཱ་ཏ་ཀཾ (༥)
༤༩. ད་ས ཁ་ལུ ཨི་མཱ་ནི [ཁ་ལུ་མཱ་ནི (སྱཱ.)] ཋཱ་ནཱ་ནི, ཡཱ་ནི པུ་བྦེ ཨ་ཀ་རི་ཏྭཱ;
ས པ་ཙྪཱ མ་ནུ་ཏ་པྤ་ཏི, ཨི་ཙྩེ་ཝཱ་ཧ [ཨི་ཙྩཱ་ཧ རཱ་ཛཱ (སཱི. སྱཱ. པཱི.)] ཛ་ན་ས་ནྡྷོ.
༥༠. ཨ་ལ་དྡྷཱ ཝི་ཏྟཾ ཏ་པྤ་ཏི, པུ་བྦེ ཨ་ས་མུ་དཱ་ནི་ཏཾ;
ན པུ་བྦེ དྷ་ན་མེ་སི་སྶཾ, ཨི་ཏི པ་ཙྪཱ་ནུ་ཏ་པྤ་ཏི.
༥༡. ས་ཀྱ་རཱུ་པཾ པུ་རེ ས་ནྟཾ, མ་ཡཱ སི་པྤཾ ན སི་ཀྑི་ཏཾ;
ཀི་ཙྪཱ ཝུ་ཏྟི ཨ་སི་པྤ་སྶ, ཨི་ཏི པ་ཙྪཱ་ནུ་ཏ་པྤ་ཏི.
༥༢. ཀཱུ་ཊ་ཝེ་དཱི པུ་རེ ཨཱ་སིཾ, པི་སུ་ཎོ པི་ཊྛི་མཾ་སི་ཀོ;
ཙ་ཎྜོ ཙ ཕ་རུ་སོ ཙཱ་པི [ཙཱ་སིཾ (སཱི. སྱཱ. པཱི.)], ཨི་ཏི པ་ཙྪཱ་ནུ་ཏ་པྤ་ཏི.
༥༣. པཱ་ཎཱ་ཏི་པཱ་ཏཱི པུ་རེ ཨཱ་སིཾ, ལུ་དྡོ ཙཱ་པི [ཙཱ་སིཾ (སཱི. པཱི.)] ཨ་ནཱ་རི་ཡོ;
བྷཱུ་ཏཱ་ནཾ ནཱ་པ་ཙཱ་ཡི་སྶཾ, ཨི་ཏི པ་ཙྪཱ་ནུ་ཏ་པྤ་ཏི.
༥༤. བ་ཧཱུ་སུ ཝ་ཏ ས་ནྟཱི་སུ, ཨ་ནཱ་པཱ་དཱ་སུ ཨི་ཏྠི་སུ;
པ་ར་དཱ་རཾ ཨ་སེ་ཝི་སྶཾ, ཨི་ཏི པ་ཙྪཱ་ནུ་ཏ་པྤ་ཏི.
༥༥. བ་ཧུ་མྷི ཝ་ཏ ས་ནྟ་མྷི, ཨ་ནྣ་པཱ་ནེ ཨུ་པ་ཊྛི་ཏེ;
ན པུ་བྦེ ཨ་ད་དཾ [ཨ་ད་དིཾ (སཱི.)] དཱ་ནཾ, ཨི་ཏི པ་ཙྪཱ་ནུ་ཏ་པྤ་ཏི.
༥༦. མཱ་ཏ་རཾ པི་ཏ་ར་ཉྩཱ་པི, ཛི་ཎྞ་ཀཾ ག་ཏ་ཡོ་བྦ་ནཾ [ཛི་ཎྞ་ཀེ ག་ཏ་ཡོ་བྦ་ནེ (སཱི. སྱཱ. པཱི.)];
པ་ཧུ ས་ནྟོ ན པོ་སི་སྶཾ, ཨི་ཏི པ་ཙྪཱ་ནུ་ཏ་པྤ་ཏི.
༥༧. ཨཱ་ཙ་རི་ཡ་མ་ནུ་ས་ཏྠཱ་རཾ, ས་བྦ་ཀཱ་མ་ར་སཱ་ཧ་རཾ;
པི་ཏ་རཾ ཨ་ཏི་མ་ཉྙི་སྶཾ, ཨི་ཏི པ་ཙྪཱ་ནུ་ཏ་པྤ་ཏི.
༥༨. ས་མ་ཎེ བྲཱ་ཧྨ་ཎེ ཙཱ་པི, སཱི་ལ་ཝ་ནྟེ བ་ཧུ་སྶུ་ཏེ;
ན པུ་བྦེ པ་ཡི་རུ་པཱ་སི་སྶཾ, ཨི་ཏི པ་ཙྪཱ་ནུ་ཏ་པྤ་ཏི.
༥༩. སཱ་དྷུ ཧོ་ཏི ཏ་པོ ཙི་ཎྞོ, ས་ནྟོ ཙ པ་ཡི་རུ་པཱ་སི་ཏོ;
ན ཙ པུ་བྦེ ཏ་པོ ཙི་ཎྞོ, ཨི་ཏི པ་ཙྪཱ་ནུ་ཏ་པྤ་ཏི.
༦༠. ཡོ ཙ ཨེ་ཏཱ་ནི ཋཱ་ནཱ་ནི, ཡོ་ནི་སོ པ་ཊི་པ་ཛྫ་ཏི;
ཀ་རཾ པུ་རི་ས་ཀི་ཙྩཱ་ནི, ས པ་ཙྪཱ ནཱ་ནུ་ཏ་པྤ་ཏཱི་ཏི.
ཛ་ན་ས་ནྡྷ་ཛཱ་ཏ་ཀཾ པ་ཉྩ་མཾ.
༤༦༩. མ་ཧཱ་ཀ་ཎྷ་ཛཱ་ཏ་ཀཾ (༦)
༦༡. ཀ་ཎྷོ ཀ་ཎྷོ ཙ གྷོ་རོ ཙ, སུ་ཀྐ་དཱ་ཋོ པ་བྷཱ་ས་ཝཱ [པ་ཏཱ་པ་ཝཱ (སཱི. སྱཱ. པཱི.)];
བ་དྡྷོ པ་ཉྩ་ཧི ར་ཛྫཱུ་ཧི, ཀིཾ ར་ཝི [དྷཱི་ར (སཱི. པཱི.), ཝཱི་ར (སྱཱ.)] སུ་ན་ཁོ ཏ་ཝ.
༦༢. ནཱ་ཡཾ མི་གཱ་ན་མ་ཏྠཱ་ཡ, ཨུ་སཱི་ན་ཀ [ཨུ་སཱི་ན་ར (སཱི. པཱི.), ཨུ་སཱི་ནྣ་ར (སྱཱ.)] བྷ་ཝི་སྶ་ཏི;
མ་ནུ་སྶཱ་ནཾ ཨ་ན་ཡོ ཧུ་ཏྭཱ, ཏ་དཱ ཀ་ཎྷོ པ་མོ་ཀྑ་ཏི.
༦༣. པ་ཏྟ་ཧ་ཏྠཱ ས་མ་ཎ་ཀཱ, མུ་ཎྜཱ ས་ངྒྷཱ་ཊི་པཱ་རུ་ཏཱ;
ན་ངྒ་ལེ་ཧི ཀ་སི་སྶ་ནྟི, ཏ་དཱ ཀ་ཎྷོ པ་མོ་ཀྑ་ཏི.
༦༤. ཏ་པ་སྶི་ནི་ཡོ [ཏ་པ་ནཱི་ཡཱ (ཀ.) དུ་ཏི་ཡ་ནྟ་པ་དཱ་ནི ཧེ་ཏཱ་ནི] པ་བྦ་ཛི་ཏཱ, མུ་ཎྜཱ ས་ངྒྷཱ་ཊི་པཱ་རུ་ཏཱ;
ཡ་དཱ ལོ་ཀེ ག་མི་སྶ་ནྟི, ཏ་དཱ ཀ་ཎྷོ པ་མོ་ཀྑ་ཏི.
༦༥. དཱི་གྷོ་ཏྟ་རོ་ཊྛཱ ཛ་ཊི་ལཱ, པ་ངྐ་ད་ནྟཱ ར་ཛ་སྶི་རཱ;
ཨི་ཎཾ ཙོ་དཱ་ཡ [ཝོ་དཱ་ཡ (སཱི. པཱི.), ཙོ་ད་ཡ (སྱཱ.)] ག་ཙྪ་ནྟི, ཏ་དཱ ཀ་ཎྷོ པ་མོ་ཀྑ་ཏི.
༦༦. ཨ་དྷི་ཙྩ ཝེ་དེ [ཝེ་དཾ (ཀ.)] སཱ་ཝི་ཏྟིཾ, ཡ་ཉྙ་ཏ་ནྟ་ཉྩ [ཏ་ནྟྲ་ཉྩ (སཱི. སྱཱ. པཱི.)] བྲཱ་ཧྨ་ཎཱ;
བྷ་ཏི་ཀཱ་ཡ ཡ་ཛི་སྶ་ནྟི, ཏ་དཱ ཀ་ཎྷོ པ་མོ་ཀྑ་ཏི.
༦༧. མཱ་ཏ་རཾ པི་ཏ་ར་ཉྩཱ་པི, ཛི་ཎྞ་ཀཾ ག་ཏ་ཡོ་བྦ་ནཾ;
པ་ཧཱུ ས་ནྟོ [ས་ནྟཱ (སཱི.)] ན བྷ་ར་ནྟི, ཏ་དཱ ཀ་ཎྷོ པ་མོ་ཀྑ་ཏི.