༡༣. ཏེ་ར་ས་ཀ་ནི་པཱ་ཏོ
༤༧༤. ཨ་མྦ་ཛཱ་ཏ་ཀཾ (༡)
༡. ཨ་ཧཱ་སི [ཨཱ་ཧཱ་སི (?)] མེ ཨ་མྦ་ཕ་ལཱ་ནི པུ་བྦེ, ཨ་ཎཱུ་ནི ཐཱུ་ལཱ་ནི ཙ བྲ་ཧྨ་ཙཱ་རི;
ཏེ་ཧེ་ཝ མ་ནྟེ་ཧི ན དཱ་ནི ཏུ་ཡ྄ཧཾ, དུ་མ་པྥ་ལཱ པཱ་ཏུ་བྷ་ཝ་ནྟི བྲ་ཧྨེ.
༢. ན་ཀྑ་ཏྟ་ཡོ་གཾ པ་ཊི་མཱ་ན་ཡཱ་མི, ཁ་ཎཾ མུ་ཧུ་ཏྟ་ཉྩ མ་ནྟེ ན པ་སྶཾ [ཁ་ཎཾ མུ་ཧུ་ཏྟཾ ན མཾ ཏོ་ས་ཡ་ནྟི (སཱི. པཱི.)];
ན་ཀྑ་ཏྟ་ཡོ་ག་ཉྩ ཁ་ཎ་ཉྩ ལ་དྡྷཱ, ཨ་དྡྷཱ་ཧ་རི་སྶ་མྦ་ཕ་ལཾ [ཨ་ཐཱ་ཧ་རི་སྶ་མྦ་ཕ་ལཾ (སཱི. པཱི.)] པ་ཧཱུ་ཏཾ.
༣. ན་ཀྑ་ཏྟ་ཡོ་གཾ ན པུ་རེ ཨ་བྷཱ་ཎི, ཁ་ཎཾ མུ་ཧུ་ཏྟཾ ན པུ་རེ ཨ་སཾ་སི;
ས་ཡཾ ཧ་རཱི [ཨ་ཐཱ་ཧ་རཱི (སཱི. སྱཱ. པཱི.)] ཨ་མྦ་ཕ་ལཾ པ་ཧཱུ་ཏཾ, ཝ་ཎྞེ་ན ག་ནྡྷེ་ན ར་སེ་ནུ་པེ་ཏཾ.
༤. མ་ནྟཱ་བྷི་ཛ་པྤེ་ན པུ་རེ ཧི [པུ་ར’སྶ (སཱི. པཱི.), པུ་རེ་པི (སྱཱ.)] ཏུ་ཡ྄ཧཾ, དུ་མ་པྥ་ལཱ པཱ་ཏུ་བྷ་ཝ་ནྟི བྲ་ཧྨེ;
སྭཱ་ཛྫ ན པཱ་རེ་སི ཛ་པྤ་མྤི མ་ནྟཾ [ཛ་པ་མྤི མ་ནྟེ (སཱི. པཱི.)], ཨ་ཡཾ སོ ཀོ ནཱ་མ ཏ་ཝ་ཛྫ དྷ་མྨོ.
༥. ཙ་ཎྜཱ་ལ་པུ་ཏྟོ མ་མ ས་མྤ་དཱ་སི, དྷ་མྨེ་ན མ་ནྟེ པ་ཀ་ཏི་ཉྩ སཾ་སི;
མཱ ཙ་སྶུ མེ པུ་ཙྪི་ཏོ ནཱ་མ་གོ་ཏྟཾ, གུ་ཡ྄ཧི་ཏྠོ ཨ་ཏྠཾ [མཱ ཏཾ (སཱི. སྱཱ. པཱི.)] ཝི་ཛ་ཧེ་ཡྻ མ་ནྟོ [ཝི་ཛ་ཧེ་ཡྻུ་མ་ནྟཱ (སྱཱ.)].
༦. སོ་ཧཾ ཛ་ནི་ནྡེ་ན ཛ་ན་མྷི པུ་ཊྛོ, མ་ཀྑཱ་བྷི་བྷཱུ་ཏོ ཨ་ལི་ཀཾ ཨ་བྷཱ་ཎིཾ;
‘‘མ་ནྟཱ ཨི་མེ བྲཱ་ཧྨ་ཎ་སྶཱ’’ཏི མི་ཙྪཱ, པ་ཧཱི་ན་མ་ནྟོ ཀ་པ་ཎོ རུ་དཱ་མི.
༧. ཨེ་ར་ཎྜཱ པུ་ཙི་མ་ནྡཱ ཝཱ, ཨ་ཐ ཝཱ པཱ་ལི་བྷ་དྡ་ཀཱ;
མ་དྷུཾ མ་དྷུ་ཏྠི་ཀོ ཝི་ནྡེ, སོ ཧི ཏ་སྶ དུ་མུ་ཏྟ་མོ.
༨. ཁ་ཏྟི་ཡཱ བྲཱ་ཧྨ་ཎཱ ཝེ་སྶཱ, སུ་དྡཱ ཙ་ཎྜཱ་ལ་པུ་ཀྐུ་སཱ;
ཡ་མྷཱ དྷ་མྨཾ ཝི་ཛཱ་ནེ་ཡྻ, སོ ཧི ཏ་སྶ ན་རུ་ཏྟ་མོ.
༩. ཨི་མ་སྶ ད་ཎྜ་ཉྩ ཝ་དྷ་ཉྩ ད་ཏྭཱ, ག་ལེ ག་ཧེ་ཏྭཱ ཁ་ལ་ཡཱ་ཐ [བ་ལ་ཡཱ་ཐ (སྱཱ.), ག་ལ་ཡཱ་ཐ (ཀ.)] ཛ་མྨཾ;
ཡོ ཨུ་ཏྟ་མ་ཏྠཾ ཀ་སི་རེ་ན ལ་དྡྷཾ, མཱ་ནཱ་ཏི་མཱ་ནེ་ན ཝི་ནཱ་ས་ཡི་ཏྠ.
༡༠. ཡ་ཐཱ ས་མཾ མ་ཉྙ་མཱ་ནོ པ་ཏེ་ཡྻ, སོ་བྦྷཾ གུ་ཧཾ ན་ར་ཀཾ པཱུ་ཏི་པཱ་དཾ;
ར་ཛྫཱུ་ཏི ཝཱ ཨ་ཀྐ་མེ ཀ་ཎྷ་ས་པྤཾ, ཨ་ནྡྷོ ཡ་ཐཱ ཛོ་ཏི་མ་དྷི་ཊྛ་ཧེ་ཡྻ;
ཨེ་ཝ་མྤི མཾ ཏྭཾ ཁ་ལི་ཏཾ ས་པ་ཉྙ [ས་པ་ཉྙཱ (པཱི.)], པ་ཧཱི་ན་མ་ནྟ་སྶ པུ་ན་པྤ་དཱ་ཧི [པུ་ན ས་མྤ་དཱ་ཧི (སྱཱ.), པུ་ན་པྤ་སཱི་ད (སཱི. པཱི.)].
༡༡. དྷ་མྨེ་ན མ་ནྟཾ [མ་ནྟེ (སཱི. སྱཱ. པཱི.)] ཏ་ཝ ས་མྤ་དཱ་སིཾ, ཏུ་ཝ་མྤི དྷ་མྨེ་ན [ཏྭ་མྤི དྷ་མྨེ་ནེ་ཝ (ཀ.)] པ་རི་གྒ་ཧེ་སི;
པ་ཀ་ཏི་མྤི ཏེ ཨ་ཏྟ་མ་ནོ ཨ་སཾ་སིཾ, དྷ་མྨེ ཋི་ཏཾ ཏཾ [པ་ཏི་ཊྛཾ (ཀ.)] ན ཛ་ཧེ་ཡྻ མ་ནྟོ.
༡༢. ཡོ བཱ་ལ མ་ནྟཾ [བ་ལ་མ་ནྟཾ (ཀ.)] ཀ་སི་རེ་ན ལ་དྡྷཾ, ཡཾ དུ་ལླ་བྷཾ ཨ་ཛྫ མ་ནུ་སྶ་ལོ་ཀེ;
ཀི་ཉྩཱ་པི ལ་དྡྷཱ ཛཱི་ཝི་ཏུཾ ཨ་པྤ་པ་ཉྙོ [ཀི་ཙྪཱ ལ་དྡྷཾ ཛཱི་ཝི་ཀཾ ཨ་པྤ་པ་ཉྙོ (སཱི. སྱཱ.), ཀ་ཙྪཱ་པི ལ་དྡྷཱ ཛཱི་ཝི་ཀཾ ཨ་པྤ་ཉྙ (པཱི.)], ཝི་ནཱ་ས་ཡཱི ཨ་ལི་ཀཾ བྷཱ་ས་མཱ་ནོ.
༡༣. བཱ་ལ་སྶ མཱུ་ལ༹ྷ་སྶ ཨ་ཀ་ཏ་ཉྙུ་ནོ ཙ, མུ་སཱ བྷ་ཎ་ནྟ་སྶ ཨ་ས་ཉྙ་ཏ་སྶ;
མ་ནྟེ མ་ཡཾ ཏཱ་དི་ས་ཀེ ན དེ་མ, ཀུ་ཏོ མ་ནྟཱ ག་ཙྪ ན མ་ཡ྄ཧ རུ་ཙྩ་སཱི་ཏི.
ཨ་མྦ་ཛཱ་ཏ་ཀཾ པ་ཋ་མཾ.
༤༧༥. ཕ་ནྡ་ན་ཛཱ་ཏ་ཀཾ (༢)
༡༤. ཀུ་ཋཱ་རི་ཧ་ཏྠོ [ཀུ་དྷཱ་རི་ཧ་ཏྠོ (ཀ.)] པུ་རི་སོ, ཝ་ན་མོ་ག་ཡ྄ཧ ཏི་ཊྛ་སི;
པུ་ཊྛོ མེ ས་མྨ ཨ་ཀྑཱ་ཧི, ཀིཾ དཱ་རུཾ ཚེ་ཏུ་མི་ཙྪ་སི.
༡༥. ཨི་སྶོ [ཨི་སོ (སཱི.), ཨཱི་སོ (སྱཱ. པཱི.)] ཝ་ནཱ་ནི ཙ་ར་སི, ས་མཱ་ནི ཝི་ས་མཱ་ནི ཙ;
པུ་ཊྛོ མེ ས་མྨ ཨ་ཀྑཱ་ཧི, ཀིཾ དཱ་རུཾ ནེ་མི་ཡཱ ད་ལ༹ྷཾ.
༡༦. ནེ་ཝ སཱ་ལོ ན ཁ་དི་རོ, ནཱ་སྶ་ཀ་ཎྞོ ཀུ་ཏོ དྷ་ཝོ;
རུ་ཀྑོ ཙ [རུ་ཀྑོ་ཝ (སཱི. པཱི.)] ཕ་ནྡ་ནོ ནཱ་མ, ཏཾ དཱ་རུཾ ནེ་མི་ཡཱ ད་ལ༹ྷཾ.
༡༧. ཀཱི་དི་སཱ་ནི་སྶ པ་ཏྟཱ་ནི, ཁ་ནྡྷོ ཝཱ པ་ན ཀཱི་དི་སོ;
པུ་ཊྛོ མེ ས་མྨ ཨ་ཀྑཱ་ཧི, ཡ་ཐཱ ཛཱ་ནེ་མུ ཕ་ནྡ་ནཾ.
༡༨. ཡ་སྶ སཱ་ཁཱ པ་ལ་མྦ་ནྟི, ན་མ་ནྟི ན ཙ བྷ་ཉྫ་རེ;
སོ རུ་ཀྑོ ཕ་ནྡ་ནོ ནཱ་མ, ཡ་སྶ མཱུ་ལེ ཨ་ཧཾ ཋི་ཏོ.
༡༩. ཨ་རཱ་ནཾ ཙ་ཀྐ་ནཱ་བྷཱི་ནཾ, ཨཱི་སཱ་ནེ་མི་ར་ཐ་སྶ ཙ;
ས་བྦ་སྶ ཏེ ཀ་མྨ་ནི་ཡོ, ཨ་ཡཾ ཧེ་སྶ་ཏི ཕ་ནྡ་ནོ.
༢༠. ཨི་ཏི ཕ་ནྡ་ན་རུ་ཀྑོ་པི, ཏཱ་ཝ་དེ ཨ་ཛ྄ཛྷ་བྷཱ་ས་ཐ;
མ་ཡ྄ཧ་མྤི ཝ་ཙ་ནཾ ཨ་ཏྠི, བྷཱ་ར་དྭཱ་ཛ སུ་ཎོ་ཧི མེ.
༢༡. ཨི་སྶ་སྶ [ཨི་མ་སྶ (ཀ. སཱི. ཀ.)] ཨུ་པ་ཀྑ་ནྡྷ་མྷཱ [ཨུ་པ་ཁ་ནྡྷ་མྷཱ (ཀ. སཱི. པཱི. ཀ.)], ཨུ་ཀྐ་ཙྩ ཙ་ཏུ་ར་ངྒུ་ལཾ;
ཏེ་ན ནེ་མིཾ པ་སཱ་རེ་སི [པ་རི་ཧ་རེ་སི (སཱི. པཱི.)], ཨེ་ཝཾ ད་ལ༹ྷ་ཏ་རཾ སི་ཡཱ.
༢༢. ཨི་ཏི ཕ་ནྡ་ན་རུ་ཀྑོ་པི, ཝེ་རཾ ཨ་པྤེ་སི ཏཱ་ཝ་དེ;
ཛཱ་ཏཱ་ན་ཉྩ ཨ་ཛཱ་ཏཱ་ནཾ, ཨི་སྶཱ་ནཾ དུ་ཀྑ་མཱ་ཝ་ཧི.
༢༣. ཨི་ཙྩེ་ཝཾ [ཨི་ཙྩེ་ཝ (སཱི. པཱི.)] ཕ་ནྡ་ནོ ཨི་སྶཾ, ཨི་སྶོ ཙ པ་ན ཕ་ནྡ་ནཾ;
ཨ་ཉྙ་མ་ཉྙཾ ཝི་ཝཱ་དེ་ན, ཨ་ཉྙ་མ་ཉྙ་མ་གྷཱ་ཏ་ཡུཾ.
༢༤. ཨེ་ཝ་མེ་ཝ མ་ནུ་སྶཱ་ནཾ, ཝི་ཝཱ་དོ ཡ་ཏྠ ཛཱ་ཡ་ཏི;
མ་ཡཱུ་ར་ན་ཙྩཾ ན་ཙྩ་ནྟི, ཡ་ཐཱ ཏེ ཨི་སྶ་ཕ་ནྡ་ནཱ.
༢༥. ཏཾ ཝོ ཝ་དཱ་མི བྷ་དྡཾ ཝོ [བྷ་དྡ་ནྟེ (ཀ.)], ཡཱ་ཝ་ནྟེ་ཏྠ ས་མཱ་ག་ཏཱ;
ས་མྨོ་ད་ཐ མཱ ཝི་ཝ་ད་ཐ [མཱ་ཝི་ཝ་དི་ཏྠ (སཱི. སྱཱ. པཱི.)], མཱ ཧོ་ཐ ཨི་སྶ་ཕ་ནྡ་ནཱ.
༢༦. སཱ་མ་གྒི་མེ་ཝ [སཱ་མ་གྱ་མེ་ཝ (སྱཱ. ཀ.)] སི་ཀྑེ་ཐ, བུ་དྡྷེ་ཧེ་ཏཾ པ་སཾ་སི་ཏཾ;
སཱ་མ་གྒི་ར་ཏོ དྷ་མྨ་ཊྛོ, ཡོ་ག་ཀྑེ་མཱ ན དྷཾ་ས་ཏཱི་ཏི.
ཕ་ནྡ་ན་ཛཱ་ཏ་ཀཾ དུ་ཏི་ཡཾ.
༤༧༦. ཛ་ཝ་ན་ཧཾ་ས་ཛཱ་ཏ་ཀཾ (༣)
༢༧. ཨི་དྷེ་ཝ ཧཾ་ས ནི་པ་ཏ, པི་ཡཾ མེ ཏ་ཝ ད་སྶ་ནཾ;
ཨི་སྶ་རོ་སི ཨ་ནུ་པྤ་ཏྟོ, ཡ་མི་དྷ་ཏྠི པ་ཝེ་ད་ཡ.
༢༨. ས་ཝ་ནེ་ན ཨེ་ཀ་སྶ པི་ཡཱ བྷ་ཝ་ནྟི, དི་སྭཱ པ་ནེ་ཀ་སྶ ཝི་ཡེ་ཏི [ཝི་ནེ་ཏི (སྱཱ.), ཝི་ཧེ་ཏི (པཱི.), ཝི་གེ་ཏི (ཀ. ཨ་ཊྛ.)] ཚ་ནྡོ;
དི་སྭཱ ཙ སུ་ཏྭཱ ཙ པི་ཡཱ བྷ་ཝ་ནྟི, ཀ་ཙྩི་ནྣུ མེ པཱི་ཡ་སི [པི་ཡྻ་སི (སཱི. པཱི.)] ད་སྶ་ནེ་ན.
༢༩. ས་ཝ་ནེ་ན པི་ཡོ མེ་སི, བྷི་ཡྻོ ཙཱ་ག་མྨ ད་སྶ་ནཾ;
ཨེ་ཝཾ པི་ཡ་ད་སྶ་ནོ མེ [ཨེ་ཝཾ པི་ཡ་ད་སྶ་ནོ ས་མཱ་ནོ (སཱི. སྱཱ. པཱི.)], ཝ་ས ཧཾ་ས མ་མ་ནྟི་ཀེ [མ་མ ས་ནྟི་ཀེ (སཱི. སྱཱ. པཱི.)].
༣༠. ཝ་སེ་ཡྻཱ་མ ཏ་ཝཱ་གཱ་རེ, ནི་ཙྩཾ ས་ཀྐ་ཏ་པཱུ་ཛི་ཏཱ;
མ་ཏྟོ ཙ ཨེ་ཀ་དཱ ཝ་ཛྫེ [ཝ་ཛྫཱ (སཱི. པཱི.)], ‘‘ཧཾ་ས་རཱ་ཛཾ པ་ཙ་ནྟུ མེ’’.
༣༡. དྷི་ར་ཏྠུ ཏཾ མ་ཛྫ་པཱ་ནཾ, ཡཾ མེ པི་ཡ་ཏ་རཾ ཏ་ཡཱ;
ན ཙཱ་པི མ་ཛྫཾ པི་སྶཱ་མི [པི་ཝི་སྶཱ་མི (སྱཱ.), པཱ་ཡཱ་མི (སཱི. པཱི.)], ཡཱ་ཝ མེ ཝ་ཙྪ་སཱི གྷ་རེ.
༣༢. སུ་ཝི་ཛཱ་ནཾ སི་ངྒཱ་ལཱ་ནཾ, ས་ཀུ་ཎཱ་ན་ཉྩ [ས་ཀུ་ནྟཱ་ན་ཉྩ (སཱི. སྱཱ. པཱི.)] ཝ་སྶི་ཏཾ;
མ་ནུ་སྶ་ཝ་སྶི་ཏཾ རཱ་ཛ, དུ་བྦི་ཛཱ་ན་ཏ་རཾ ཏ་ཏོ.
༣༣. ཨ་པི ཙེ མ་ཉྙ་ཏཱི པོ་སོ, ཉཱ་ཏི མི་ཏྟོ ས་ཁཱ་ཏི ཝཱ;
ཡོ པུ་བྦེ སུ་མ་ནོ ཧུ་ཏྭཱ, པ་ཙྪཱ ས་མྤ་ཛྫ་ཏེ དི་སོ.
༣༤. ཡ་སྨིཾ མ་ནོ ནི་ཝི་ས་ཏི, ཨ་ཝི་དཱུ་རེ ས་ཧཱ་པི སོ;
ས་ནྟི་ཀེ་པི ཧི སོ དཱུ་རེ, ཡ་སྨིཾ ནཱ་ཝི་ས་ཏེ [ཡ་སྨཱ ཝི་ཝ་ས་ཏེ (སཱི. སྱཱ. པཱི.)] མ་ནོ.
༣༥. ཨ་ནྟོ་པི སོ ཧོ་ཏི པ་ས་ནྣ་ཙི་ཏྟོ, པཱ་རཾ ས་མུ་དྡ་སྶ པ་ས་ནྣ་ཙི་ཏྟོ;
ཨ་ནྟོ་པི སོ ཧོ་ཏི པ་དུ་ཊྛ་ཙི་ཏྟོ, པཱ་རཾ ས་མུ་དྡ་སྶ པ་དུ་ཊྛ་ཙི་ཏྟོ.
༣༦. སཾ་ཝ་ས་ནྟཱ ཝི་ཝ་ས་ནྟི, ཡེ དི་སཱ ཏེ ར་ཐེ་ས་བྷ;
ཨཱ་རཱ ས་ནྟོ སཾ་ཝ་ས་ནྟི, མ་ན་སཱ ར་ཊྛ་ཝ་ཌྜྷ་ན.
༣༧. ཨ་ཏི་ཙི་རཾ ནི་ཝཱ་སེ་ན, པི་ཡོ བྷ་ཝ་ཏི ཨ་པྤི་ཡོ;
ཨཱ་མ་ནྟ ཁོ ཏཾ ག་ཙྪཱ་མ [ག་ཙྪཱ་མི (སྱཱ.)], པུ་རཱ ཏེ ཧོ་མ ཨ་པྤི་ཡཱ [ཧོ་མི ཨ་པྤི་ཡོ (སྱཱ.)].
༣༨. ཨེ་ཝཾ ཙེ ཡཱ་ཙ་མཱ་ནཱ་ནཾ, ཨ་ཉྫ་ལིཾ ནཱ་ཝ་བུ་ཛ྄ཛྷ་སི;
པ་རི་ཙཱ་ར་ཀཱ་ནཾ ས་ཏཾ [ས་ནྟཱ་ནཾ (སཱི. སྱཱ.), ས་ཏྟཱ་ནཾ (པཱི.)], ཝ་ཙ་ནཾ ན ཀ་རོ་སི ནོ;
ཨེ་ཝཾ ཏཾ ཨ་བྷི་ཡཱ་ཙཱ་མ, པུ་ན ཀ་ཡི་རཱ་སི པ་རི་ཡཱ་ཡཾ.
༣༩. ཨེ་ཝཾ ཙེ ནོ ཝི་ཧ་ར་ཏཾ, ཨ་ནྟ་རཱ་ཡོ ན ཧེ་སྶ་ཏི;
ཏུ་ཡ྄ཧ་ཉྩཱ་པི [ཝཱ་པི (སྱཱ. པཱི. ཀ.)] མ་ཧཱ་རཱ་ཛ, མ་ཡ྄ཧ་ཉྩ [ཝཱ (བ་ཧཱུ་སུ)] ར་ཊྛ་ཝ་ཌྜྷ་ན;
ཨ་པྤེ་ཝ ནཱ་མ པ་སྶེ་མུ [པ་སྶེ་མ (སཱི. སྱཱ. པཱི.)], ཨ་ཧོ་ར་ཏཱ་ན་མ་ཙྩ་ཡེ་ཏི.
ཛ་ཝ་ན་ཧཾ་ས་ཛཱ་ཏ་ཀཾ ཏ་ཏི་ཡཾ.
༤༧༧. ཙཱུ་ལ༹་ནཱ་ར་ད་ཛཱ་ཏ་ཀཾ (༤)
༤༠. ན ཏེ ཀ་ཊྛཱ་ནི བྷི་ནྣཱ་ནི, ན ཏེ ཨུ་ད་ཀ་མཱ་བྷ་ཏཾ;
ཨ་གྒཱི་པི ཏེ ན ཧཱ་པི་ཏོ [ཧཱ་སི་ཏོ (སཱི. སྱཱ.)], ཀིཾ ནུ མ་ནྡོ་ཝ ཛྷཱ་ཡ་སི.
༤༡. ན ཨུ་སྶ་ཧེ ཝ་ནེ ཝ་ཏྠུཾ, ཀ་སྶ་པཱ་མ་ནྟ་ཡཱ་མི ཏཾ;
དུ་ཀྑོ ཝཱ་སོ ཨ་ར་ཉྙ་སྨིཾ, ར་ཊྛཾ ཨི་ཙྪཱ་མི ག་ནྟ་ཝེ.
༤༢. ཡ་ཐཱ ཨ་ཧཾ ཨི་ཏོ ག་ནྟྭཱ, ཡ་སྨིཾ ཛ་ན་པ་དེ ཝ་སཾ;
ཨཱ་ཙཱ་རཾ བྲ་ཧྨེ [བྲ་ཧྨཾ (ཀ.)] སི་ཀྑེ་ཡྻཾ, ཏཾ དྷ་མྨཾ ཨ་ནུ་སཱ་ས མཾ.
༤༣. ས་ཙེ ཨ་ར་ཉྙཾ ཧི་ཏྭཱ་ན, ཝ་ན་མཱུ་ལ་ཕ་ལཱ་ནི ཙ;
ར་ཊྛེ རོ་ཙ་ཡ་སེ ཝཱ་སཾ, ཏཾ དྷ་མྨཾ ནི་སཱ་མེ་ཧི མེ.
༤༤. ཝི་སཾ མཱ པ་ཊི་སེ་ཝི་ཏྠོ [པ་ཊི་སེ་ཝི་ཏྠ (སྱཱ. ཀ.)], པ་པཱ་ཏཾ པ་རི་ཝ་ཛྫ་ཡ;
པ་ངྐེ ཙ མཱ ཝི་སཱི་དི་ཏྠོ [པ་ངྐོ ཙ མཱ ཝི་སི་ཡི་ཏྠོ (ཀ.)], ཡ་ཏྟོ ཙཱ་སཱི་ཝི་སེ ཙ་རེ.
༤༥. ཀིཾ ནུ ཝི་སཾ པ་པཱ་ཏོ ཝཱ, པ་ངྐོ ཝཱ བྲ་ཧྨ་ཙཱ་རི་ནཾ;
ཀཾ ཏྭཾ ཨཱ་སཱི་ཝི་སཾ བྲཱུ་སི, ཏཾ མེ ཨ་ཀྑཱ་ཧི པུ་ཙྪི་ཏོ;
༤༦. ཨཱ་ས་ཝོ ཏཱ་ཏ ལོ་ཀ་སྨིཾ, སུ་རཱ ནཱ་མ པ་ཝུ་ཙྩ་ཏི;
མ་ནུ་ཉྙོ [མ་ནུ་ཉྙཱ (སཱི. སྱཱ. པཱི.)] སུ་ར་བྷཱི ཝ་གྒུ, སཱ་དུ [མ་དྷུ (སཱི. སྱཱ.)] ཁུ་དྡ་ར་སཱུ་པ་མོ [ར་སཱུ་པ་མཱ (སཱི. སྱཱ. པཱི.)];
ཝི་སཾ ཏ་དཱ་ཧུ ཨ་རི་ཡཱ སེ, བྲ་ཧྨ་ཙ་རི་ཡ་སྶ ནཱ་ར་ད.
༤༧. ཨི་ཏྠི་ཡོ ཏཱ་ཏ ལོ་ཀ་སྨིཾ, པ་མ་ཏྟཾ པ་མ་ཐེ་ནྟི ཏཱ;
ཧ་ར་ནྟི ཡུ་ཝི་ནོ ཙི་ཏྟཾ, ཏཱུ་ལཾ བྷ་ཊྛཾ་ཝ མཱ་ལུ་ཏོ;
པ་པཱ་ཏོ ཨེ་སོ ཨ་ཀྑཱ་ཏོ, བྲ་ཧྨ་ཙ་རི་ཡ་སྶ ནཱ་ར་ད.
༤༨. ལཱ་བྷོ སི་ལོ་ཀོ ས་ཀྐཱ་རོ, པཱུ་ཛཱ པ་ར་ཀུ་ལེ་སུ ཙ;
པ་ངྐོ ཨེ་སོ ཙ [ཨེ་སོ་ཝ (སཱི. སྱཱ. པཱི.)] ཨ་ཀྑཱ་ཏོ, བྲ་ཧྨ་ཙ་རི་ཡ་སྶ ནཱ་ར་ད.
༤༩. ས་ས་ཏྠཱ [མ་ཧ་ནྟཱ (སྱཱ. ཀ.)] ཏཱ་ཏ རཱ་ཛཱ་ནོ, ཨཱ་ཝ་ས་ནྟི མ་ཧིཾ ཨི་མཾ;
ཏེ ཏཱ་དི་སེ མ་ནུ་སྶི་ནྡེ, མ་ཧ་ནྟེ ཏཱ་ཏ ནཱ་ར་ད.
༥༠. ཨི་སྶ་རཱ་ནཾ ཨ་དྷི་པ་ཏཱི་ནཾ, ན ཏེ་སཾ པཱ་ད་ཏོ ཙ་རེ;
ཨཱ་སཱི་ཝི་སོ་ཏི [ཨཱ་སཱི་ཝི་སོ སོ (སཱི. པཱི.)] ཨ་ཀྑཱ་ཏོ, བྲ་ཧྨ་ཙ་རི་ཡ་སྶ ནཱ་ར་ད.
༥༡. བྷ་ཏྟ་ཏྠོ བྷ་ཏྟ་ཀཱ་ལེ ཙ [ཡཾ (སཱི. པཱི.)], ཡཾ གེ་ཧ་མུ་པ་ས་ངྐ་མེ;
ཡ་དེ་ཏྠ ཀུ་ས་ལཾ ཛ་ཉྙཱ, ཏ་ཏྠ གྷཱ་སེ་ས་ནཾ ཙ་རེ.
༥༢. པ་ཝི་སི་ཏྭཱ པ་ར་ཀུ་ལཾ, པཱ་ན་ཏྠཾ [པཱ་ན་ཏྠོ (སྱཱ. པཱི.)] བྷོ་ཛ་ནཱ་ཡ ཝཱ;
མི་ཏཾ ཁཱ་དེ མི་ཏཾ བྷུ་ཉྫེ, ན ཙ རཱུ་པེ མ་ནཾ ཀ་རེ.
༥༣. གོ་ཊྛཾ མ་ཛྫཾ ཀི་རཱ་ཊ་ཉྩ [ཀི་རཱ་ས་ཉྩ (སཱི. སྱཱ.), ཀི་རཱ་སཾ ཝཱ (པཱི.)], ས་བྷཱ ནི་ཀི་ར་ཎཱ་ནི ཙ;
ཨཱ་ར་ཀཱ པ་རི་ཝ་ཛྫེ་ཧི, ཡཱ་ནཱི་ཝ ཝི་ས་མཾ པ་ཐ་ནྟི.
ཙཱུ་ལ༹་ནཱ་ར་ད་ཛཱ་ཏ་ཀཾ ཙ་ཏུ་ཏྠཾ.
༤༧༨. དཱུ་ཏ་ཛཱ་ཏ་ཀཾ (༥)
༥༤. དཱུ་ཏེ ཏེ བྲ་ཧྨེ [དཱུ་ཏེ བྲཱ་ཧྨ་ཎ (ཀ.)] པཱ་ཧེ་སིཾ, ག་ངྒཱ་ཏཱི་ར་སྨི ཛྷཱ་ཡ་ཏོ;
ཏེ་སཾ པུ་ཊྛོ ན བྱཱ་ཀཱ་སི, དུ་ཀྑཾ གུ་ཡ྄ཧ་མ་ཏཾ [གུ་ཡ྄ཧཾ མ་ཏཾ (སཱི.), ཏུ་ཡ྄ཧཾ མ་ཏཾ (སྱཱ. ཀ.)] ནུ ཏེ.
༥༥. ས་ཙེ ཏེ དུ་ཀྑ་མུ་པྤ་ཛྫེ, ཀཱ་སཱི་ནཾ ར་ཊྛ་ཝ་ཌྜྷ་ན;
མཱ ཁོ ནཾ ཏ་སྶ ཨ་ཀྑཱ་ཧི, ཡོ ཏཾ དུ་ཀྑཱ ན མོ་ཙ་ཡེ.
༥༦. ཡོ ཏ་སྶ [ཡོ ཙ ཏ་ཐཱ (པཱི.)] དུ་ཀྑ་ཛཱ་ཏ་སྶ, ཨེ་ཀ་ངྒ་མ་པི བྷཱ་ག་སོ [ཨེ་ཀ་ནྟ་མ་པི བྷཱ་ས་ཏོ (སཱི. པཱི.)];
ཝི་པྤ་མོ་ཙེ་ཡྻ དྷ་མྨེ་ན, ཀཱ་མཾ ཏ་སྶ པ་ཝེ་ད་ཡ [པ་ཝེ་ད་ཡེ (སཱི.)].
༥༧. སུ་ཝི་ཛཱ་ནཾ སི་ངྒཱ་ལཱ་ནཾ, ས་ཀུ་ཎཱ་ན་ཉྩ ཝ་སྶི་ཏཾ;
མ་ནུ་སྶ་ཝ་སྶི་ཏཾ རཱ་ཛ, དུ་བྦི་ཛཱ་ན་ཏ་རཾ ཏ་ཏོ.
༥༨. ཨ་པི ཙེ མ་ཉྙ་ཏཱི པོ་སོ, ཉཱ་ཏི མི་ཏྟོ ས་ཁཱ་ཏི ཝཱ;
ཡོ པུ་བྦེ སུ་མ་ནོ ཧུ་ཏྭཱ, པ་ཙྪཱ ས་མྤ་ཛྫ་ཏེ དི་སོ.
༥༩. ཡོ ཨ་ཏྟ་ནོ དུ་ཀྑ་མ་ནཱ་ནུ་པུ་ཊྛོ, པ་ཝེ་ད་ཡེ ཛ་ནྟུ ཨ་ཀཱ་ལ་རཱུ་པེ;
ཨཱ་ན་ནྡི་ནོ ཏ་སྶ བྷ་ཝ་ནྟི་མི་ཏྟཱ [བྷ་ཝ་ནྟ’མི་ཏྟཱ (སཱི. པཱི.)], ཧི་ཏེ་སི་ནོ ཏ་སྶ དུ་ཁཱི བྷ་ཝ་ནྟི.
༦༠. ཀཱ་ལ་ཉྩ ཉ་ཏྭཱ་ན ཏ་ཐཱ་ཝི་དྷ་སྶ, མེ་དྷཱ་ཝཱི་ནཾ ཨེ་ཀ་མ་ནཾ ཝི་དི་ཏྭཱ;
ཨ་ཀྑེ་ཡྻ ཏི་བྦཱ་ནི [ཏི་པྤཱ་ནི (སཱི. སྱཱ. པཱི.)] པ་ར་སྶ དྷཱི་རོ, ས་ཎྷཾ གི་རཾ ཨ་ཏྠ་ཝ་ཏིཾ པ་མུ་ཉྩེ.
༦༡. ས་ཙེ ཙ ཛ་ཉྙཱ ཨ་ཝི་ས་ཡ྄ཧ་མ་ཏྟ་ནོ, ན ཏེ ཧི མ་ཡ྄ཧཾ [ནཱ་ཡཾ ནཱི་ཏི མ་ཡ྄ཧ (སཱི. པཱི.)] སུ་ཁཱ་ག་མཱ་ཡ;
ཨེ་ཀོ་ཝ ཏི་བྦཱ་ནི ས་ཧེ་ཡྻ དྷཱི་རོ, ས་ཙྩཾ ཧི་རོ་ཏྟ་པྤ་མ་པེ་ཀྑ་མཱ་ནོ.
༦༢. ཨ་ཧཾ ར་ཊྛཱ་ནི ཝི་ཙ་ར་ནྟོ, ནི་ག་མེ རཱ་ཛ་དྷཱ་ནི་ཡོ;
བྷི་ཀྑ་མཱ་ནོ མ་ཧཱ་རཱ་ཛ, ཨཱ་ཙ་རི་ཡ་སྶ དྷ་ན་ཏྠི་ཀོ.
༦༣. ག་ཧ་པ་ཏཱི རཱ་ཛ་པུ་རི་སེ, མ་ཧཱ་སཱ་ལེ ཙ བྲཱ་ཧྨ་ཎེ;
ཨ་ལ་ཏྠཾ ས་ཏྟ ནི་ཀྑཱ་ནི, སུ་ཝ་ཎྞ་སྶ ཛ་ནཱ་དྷི་པ;
ཏེ མེ ན་ཊྛཱ མ་ཧཱ་རཱ་ཛ, ཏ་སྨཱ སོ་ཙཱ་མ་ཧཾ བྷུ་སཾ.
༦༤. པུ་རི་སཱ ཏེ མ་ཧཱ་རཱ་ཛ, མ་ན་སཱ་ནུ་ཝི་ཙི་ནྟི་ཏཱ;
ནཱ་ལཾ དུ་ཀྑཱ པ་མོ་ཙེ་ཏུཾ, ཏ་སྨཱ ཏེ་སཾ ན བྱཱ་ཧ་རིཾ.
༦༥. ཏྭ་ཉྩ ཁོ མེ མ་ཧཱ་རཱ་ཛ, མ་ན་སཱ་ནུ་ཝི་ཙི་ནྟི་ཏོ;
ཨ་ལཾ དུ་ཀྑཱ པ་མོ་ཙེ་ཏུཾ, ཏ་སྨཱ ཏུ་ཡ྄ཧཾ པ་ཝེ་ད་ཡིཾ.
༦༦. ཏ་སྶཱ་དཱ་སི པ་ས་ནྣ་ཏྟོ, ཀཱ་སཱི་ནཾ ར་ཊྛ་ཝ་ཌྜྷ་ནོ;
ཛཱ་ཏ་རཱུ་པ་མ་ཡེ ནི་ཀྑེ, སུ་ཝ་ཎྞ་སྶ ཙ་ཏུ་དྡ་སཱ་ཏི.
དཱུ་ཏ་ཛཱ་ཏ་ཀཾ པ་ཉྩ་མཾ.