༡༤. པ་ཀི་ཎྞ་ཀ་ནི་པཱ་ཏོ
༤༨༤. སཱ་ལི་ཀེ་དཱ་ར་ཛཱ་ཏ་ཀཾ (༡)
༡. ས་མྤ་ནྣཾ སཱ་ལི་ཀེ་དཱ་རཾ, སུ་ཝཱ བྷུ་ཉྫ་ནྟི ཀོ་སི་ཡ;
པ་ཊི་ཝེ་དེ་མི ཏེ བྲ་ཧྨེ, ན ནེ [ཏེ (སཱི. སྱཱ.), ནཾ (སཱི. སྱཱ. པཱི. ཨ་ཊྛ.), ཏཾ (ཀ. ཨ་ཊྛ.)] ཝཱ་རེ་ཏུ་མུ་སྶ་ཧེ.
༢. ཨེ་ཀོ ཙ ཏ་ཏྠ ས་ཀུ་ཎོ, ཡོ ནེ་སཾ [ཏེ་སཾ (སཱི. ཨ་ཊྛ.)] ས་བྦ་སུ་ནྡ་རོ;
བྷུ་ཏྭཱ སཱ་ལིཾ ཡ་ཐཱ་ཀཱ་མཾ, ཏུ་ཎྜེ་ནཱ་དཱ་ཡ ག་ཙྪ་ཏི.
༣. ཨོ་ཌྜེ་ནྟུ [ཨུ་ཛ྄ཛྷུ་ནྟུ (སྱཱ. ཀ.) ཨ་ངྒུ་ཏྟ་ར་ནི་ཀཱ་ཡེ པ་སྶི་ཏ་བྦཾ] ཝཱ་ལ༹་པཱ་སཱ་ནི, ཡ་ཐཱ ཝ་ཛ྄ཛྷེ་ཐ སོ དི་ཛོ;
ཛཱི་ཝ་ཉྩ ནཾ ག་ཧེ་ཏྭཱ་ན, ཨཱ་ན་ཡེ་ཧི [ཨཱ་ན་ཡེ་ཐ (སཱི. པཱི.)] མ་མ་ནྟི་ཀེ.
༤. ཨེ་ཏེ བྷུ་ཏྭཱ པི་ཝི་ཏྭཱ ཙ [བྷུ་ཏྭཱ ཙ པི་ཏྭཱ ཙ (པཱི.)], པ་ཀྐ་མ་ནྟི ཝི་ཧ་ངྒ་མཱ;
ཨེ་ཀོ བ་དྡྷོ་སྨི པཱ་སེ་ན, ཀིཾ པཱ་པཾ པ་ཀ་ཏཾ མ་ཡཱ.
༥. ཨུ་ད་རཾ ནཱུ་ན ཨ་ཉྙེ་སཾ, སུ་ཝ ཨ་ཙྩོ་ད་རཾ ཏ་ཝ;
བྷུ་ཏྭཱ སཱ་ལིཾ ཡ་ཐཱ་ཀཱ་མཾ, ཏུ་ཎྜེ་ནཱ་དཱ་ཡ ག་ཙྪ་སི.
༦. ཀོ་ཊྛཾ ནུ ཏ་ཏྠ པཱུ་རེ་སི, སུ་ཝ ཝེ་རཾ ནུ ཏེ མ་ཡཱ;
པུ་ཊྛོ མེ ས་མྨ ཨ་ཀྑཱ་ཧི, ཀུ་ཧིཾ སཱ་ལིཾ ནི་དཱ་ཧ་སི [ནི་དྷཱི་ཡ་སི (པཱི.)].
༧. ན མེ ཝེ་རཾ ཏ་ཡཱ ས་དྡྷིཾ, ཀོ་ཊྛོ མ་ཡ྄ཧཾ ན ཝི་ཛྫ་ཏི;
ཨི་ཎཾ མུ་ཉྩཱ་མི་ཎཾ ད་མྨི, ས་མྤ་ཏྟོ ཀོ་ཊ་སི་མྦ་ལིཾ;
ནི་དྷི་མྤི ཏ་ཏྠ ནི་ད་ཧཱ་མི, ཨེ་ཝཾ ཛཱ་ནཱ་ཧི ཀོ་སི་ཡ.
༨. ཀཱི་དི་སཾ ཏེ ཨི་ཎ་དཱ་ནཾ, ཨི་ཎ་མོ་ཀྑོ ཙ ཀཱི་དི་སོ;
ནི་དྷི་ནི་དྷཱ་ན་མ་ཀྑཱ་ཧི, ཨ་ཐ པཱ་སཱ པ་མོ་ཀྑ་སི.
༩. ཨ་ཛཱ་ཏ་པ་ཀྑཱ ཏ་རུ་ཎཱ, པུ་ཏྟ་ཀཱ མ་ཡ྄ཧ ཀོ་སི་ཡ;
ཏེ མཾ བྷ་ཏཱ བྷ་རི་སྶ་ནྟི, ཏ་སྨཱ ཏེ་སཾ ཨི་ཎཾ ད་དེ.
༡༠. མཱ་ཏཱ པི་ཏཱ ཙ མེ ཝུ་དྡྷཱ, ཛི་ཎྞ་ཀཱ ག་ཏ་ཡོ་བྦ་ནཱ;
ཏེ་སཾ ཏུ་ཎྜེ་ན ཧཱ་ཏཱུ་ན, མུ་ཉྩེ པུ་བྦ་ཀ་ཏཾ [པུ་བྦེ ཀ་ཏཾ (སཱི.)] ཨི་ཎཾ.
༡༡. ཨ་ཉྙེ་པི ཏ་ཏྠ ས་ཀུ་ཎཱ, ཁཱི་ཎ་པ་ཀྑཱ སུ་དུ་བྦ་ལཱ;
ཏེ་སཾ པུ་ཉྙ་ཏྠི་ཀོ ད་མྨི, ཏཾ ནི་དྷིཾ ཨཱ་ཧུ པ་ཎྜི་ཏཱ.
༡༢. ཨཱི་དི་སཾ [ཨེ་དི་སཾ (སཱི. པཱི.)] མེ ཨི་ཎ་དཱ་ནཾ, ཨི་ཎ་མོ་ཀྑོ ཙ ཨཱི་དི་སོ;
ནི་དྷི་ནི་དྷཱ་ན་མ་ཀྑཱ་མི [ནི་དྷིཾ ནི་དྷཱ་ནཾ ཨ་ཀྑཱ་ཏཾ (སཱི. པཱི.)], ཨེ་ཝཾ ཛཱ་ནཱ་ཧི ཀོ་སི་ཡ.
༡༣. བྷ་དྡ་ཀོ ཝ་ཏ་ཡཾ པ་ཀྑཱི, དི་ཛོ པ་ར་མ་དྷ་མྨི་ཀོ;
ཨེ་ཀ་ཙྩེ་སུ མ་ནུ་སྶེ་སུ, ཨ་ཡཾ དྷ་མྨོ ན ཝི་ཛྫ་ཏི.
༡༤. བྷུ་ཉྫ སཱ་ལིཾ ཡ་ཐཱ་ཀཱ་མཾ, ས་ཧ ས་བྦེ་ཧི ཉཱ་ཏི་བྷི;
པུ་ནཱ་པི སུ་ཝ པ་སྶེ་མུ, པི་ཡཾ མེ ཏ་ཝ ད་སྶ་ནཾ.
༡༥. བྷུ་ཏྟ་ཉྩ པཱི་ཏ་ཉྩ ཏ་ཝ་སྶ་མ་མྷི [ཏ་ཝ་སྶ་བྱ་མྷི (ཀ.)], ར་ཏྟི་ཉྩ [ར་ཏཱི ཙ (སཱི. པཱི.)] ནོ ཀོ་སི་ཡ ཏེ ས་ཀཱ་སེ;
ནི་ཀྑི་ཏྟ་ད་ཎྜེ་སུ ད་དཱ་ཧི དཱ་ནཾ, ཛི་ཎྞེ ཙ མཱ་ཏཱ་པི་ཏ་རོ བྷ་ར་སྶུ.
༡༦. ལ་ཀྑཱི ཝ་ཏ མེ ཨུ་ད་པཱ་དི ཨ་ཛྫ, ཡོ ཨ་དྡ་སཱ་སིཾ པ་ཝ་རཾ [ཡོ་ཧཾ ཨ་ད་སྶཾ པ་ར་མཾ (སྱཱ. ཀ.)] དི་ཛཱ་ནཾ;
སུ་ཝ་སྶ སུ་ཏྭཱ་ན སུ་བྷཱ་སི་ཏཱ་ནི, ཀཱ་ཧཱ་མི པུ་ཉྙཱ་ནི ཨ་ན་པྤ་ཀཱ་ནི.
༡༧. སོ ཀོ་སི་ཡོ ཨ་ཏྟ་མ་ནོ ཨུ་ད་གྒོ, ཨ་ནྣ་ཉྩ པཱ་ན་ཉྩ་བྷི་ས་ངྑ་རི་ཏྭཱ [ཨ་ནྣ་ཉྩ པཱ་ནཾ ཨ་བྷི་སཾ་ཧ་རི་ཏྭཱ (ཀ.)];
ཨ་ནྣེ་ན པཱ་ནེ་ན པ་ས་ནྣ་ཙི་ཏྟོ, ས་ནྟ་པྤ་ཡི ས་མ་ཎ་བྲཱ་ཧྨ་ཎེ ཙཱ་ཏི.
སཱ་ལི་ཀེ་དཱ་ར་ཛཱ་ཏ་ཀཾ [ཀེ་དཱ་ར་ཛཱ་ཏ་ཀཾ (ཀ.)] པ་ཋ་མཾ.
༤༨༥. ཙ་ནྡ་ཀི་ནྣ་རཱི་ཛཱ་ཏ་ཀཾ (༢)
༡༨. ཨུ་པ་ནཱི་ཡ་ཏི་དཾ མ་ཉྙེ, ཙ་ནྡེ [ལོ་ཧི་ཏ་མ་དེ་ན མ་ཛྫཱ་མི; ཝི་ཛ་ཧཱ་མི ཛཱི་ཝི་ཏཾ པཱ་ཎཱ, (སཱི. པཱི. ཨ་ཊྛ.)] ལོ་ཧི་ཏ་མ་དྡ་ནེ;
ཨ་ཛྫ ཛ་ཧཱ་མི ཛཱི་ཝི་ཏཾ, པཱ་ཎཱ [ལོ་ཧི་ཏ་མ་དེ་ན མ་ཛྫཱ་མི; ཝི་ཛ་ཧཱ་མི ཛཱི་ཝི་ཏཾ པཱ་ཎཱ, (སཱི. པཱི. ཨ་ཊྛ.)] མེ ཙ་ནྡེ ནི་རུ་ཛ྄ཛྷ་ནྟི.
༡༩. ཨོ་སཱི་དི [ཨོ་ས་དྷི (སཱི. སྱཱ. པཱི.), ཨོ་ས་ཊྛི (ཀ.), ཨོ་ས་ཏི (ཨ་བྷི་ན་ཝ་ཊཱི་ཀཱ), ཨོ་སཱི་ད་ཏི (?)] མེ དུ་ཀྑཾ [དུ་ཀྑཾ མེ (སཱི. པཱི.)] ཧ་ད་ཡཾ, མེ ཌ་ཡ྄ཧ་ཏེ ནི་ཏ་མྨཱ་མི;
ཏ་ཝ ཙ་ནྡི་ཡཱ སོ་ཙ་ནྟི་ཡཱ, ན ནཾ ཨ་ཉྙེ་ཧི སོ་ཀེ་ཧི.
༢༠. ཏི་ཎ་མི་ཝ ཝ་ན་མི་ཝ མི་ལཱ་ཡཱ་མི [མི་ལ་ཡཱ་མི (སཱི.), མི་ཡྻཱ་མི (སཱི. པཱི. ཨ་ཊྛ.)], ན་དཱི ཨ་པ་རི་པུ་ཎྞཱ་ཝ [ཨ་པ་རི་པུ་ཎྞི་ཡཱ་ཝ (སཱི. པཱི.)] སུ་སྶཱ་མི;
ཏ་ཝ ཙ་ནྡི་ཡཱ སོ་ཙ་ནྟི་ཡཱ, ན ནཾ ཨ་ཉྙེ་ཧི སོ་ཀེ་ཧི.
༢༡. ཝ་སྶ་མི་ཝ ས་རེ པཱ་དེ [ཝ་སྶཾ་ཝ ས་རེ པཱ་དེ (སཱི.), ཝ་སྶཾ་ཝ ས་རེ པ་བྦ་ཏ་པཱ་དེ (པཱི.)], ཨི་མཱ་ནི ཨ་སྶཱུ་ནི ཝ་ཏྟ་རེ མ་ཡ྄ཧཾ;
ཏ་ཝ ཙ་ནྡི་ཡཱ སོ་ཙ་ནྟི་ཡཱ, ན ནཾ ཨ་ཉྙེ་ཧི སོ་ཀེ་ཧི.
༢༢. པཱ་པོ ཁོ་སི [པཱ་པོ་སི ཁོ (སཱི.), པཱ་པོ ཁོ (སྱཱ. པཱི.)] རཱ་ཛ་པུ་ཏྟ, ཡོ མེ ཨི་ཙྪི་ཏཾ [ཨི་ཙྪི་ཏ (སཱི. སྱཱ. པཱི.)] པ་ཏིཾ ཝ་རཱ་ཀི་ཡཱ;
ཝི་ཛ྄ཛྷ་སི ཝ་ན་མཱུ་ལ་སྨིཾ, སོ་ཡཾ ཝི་དྡྷོ ཚ་མཱ སེ་ཏི.
༢༣. ཨི་མཾ མ་ཡ྄ཧཾ ཧ་ད་ཡ་སོ་ཀཾ, པ་ཊི་མུ་ཉྩ་ཏུ རཱ་ཛ་པུ་ཏྟ ཏ་ཝ མཱ་ཏཱ;
ཡོ མ་ཡ྄ཧཾ ཧ་ད་ཡ་སོ་ཀོ, ཀི་མྤུ་རི་སཾ ཨ་ཝེ་ཀྑ་མཱ་ནཱ་ཡ.
༢༤. ཨི་མཾ མ་ཡ྄ཧཾ ཧ་ད་ཡ་སོ་ཀཾ, པ་ཊི་མུ་ཉྩ་ཏུ རཱ་ཛ་པུ་ཏྟ ཏ་ཝ ཛཱ་ཡཱ;
ཡོ མ་ཡ྄ཧཾ ཧ་ད་ཡ་སོ་ཀོ, ཀི་མྤུ་རི་སཾ ཨ་ཝེ་ཀྑ་མཱ་ནཱ་ཡ.
༢༥. མཱ ཙ པུ་ཏྟཾ [པུ་ཏྟེ (སཱི. པཱི.)] མཱ ཙ པ་ཏིཾ, ཨ་དྡ་ཀྑི རཱ་ཛ་པུ་ཏྟ ཏ་ཝ མཱ་ཏཱ;
ཡོ ཀི་མྤུ་རི་སཾ ཨ་ཝ་དྷི, ཨ་དཱུ་ས་ཀཾ མ་ཡ྄ཧ ཀཱ་མཱ ཧི [མ་ཡ྄ཧཾ ཀཱ་མཱ (ཀ.)].
༢༦. མཱ ཙ པུ་ཏྟཾ མཱ ཙ པ་ཏིཾ, ཨ་དྡ་ཀྑི རཱ་ཛ་པུ་ཏྟ ཏ་ཝ ཛཱ་ཡཱ;
ཡོ ཀི་མྤུ་རི་སཾ ཨ་ཝ་དྷི, ཨ་དཱུ་ས་ཀཾ མ་ཡ྄ཧ ཀཱ་མཱ ཧི.
༢༧. མཱ ཏྭཾ ཙ་ནྡེ རོ་དི, མཱ སོ་ཙི ཝ་ན་ཏི་མི་ར་མ་ཏྟ་ཀྑི;
མ་མ ཏྭཾ ཧེ་ཧི་སི བྷ་རི་ཡཱ, རཱ་ཛ་ཀུ་ལེ པཱུ་ཛི་ཏཱ ནཱ་རཱི་བྷི [ནཱ་རཱི (སཱི. པཱི.)].
༢༨. ཨ་པི ནཱུ་ན་ཧཾ མ་རི་སྶཾ, ནཱ་ཧཾ [ན ཙ པ་ནཱ་ཧཾ (སཱི. པཱི.)] རཱ་ཛ་པུ་ཏྟ ཏ་ཝ ཧེ་སྶཾ;
ཡོ ཀི་མྤུ་རི་སཾ ཨ་ཝ་དྷི, ཨ་དཱུ་ས་ཀཾ མ་ཡ྄ཧ ཀཱ་མཱ ཧི.
༢༩. ཨ་པི བྷཱི་རུ་ཀེ ཨ་པི ཛཱི་ཝི་ཏུ་ཀཱ་མི་ཀེ, ཀི་མྤུ་རི་སི ག་ཙྪ ཧི་མ་ཝ་ནྟཾ;
ཏཱ་ལཱི་ས་ཏ་ག་ར་བྷོ་ཛ་ནཱ, ཨ་ཉྙེ [ཏཱ་ལི་སྶ་ཏ་ག་ར་བྷོ་ཛ་ནེ, ཨ་ར་ཉྙེ (སཱི. པཱི.)] ཏཾ མི་གཱ ར་མི་སྶ་ནྟི.
༣༠. ཏེ པ་བྦ་ཏཱ ཏཱ ཙ ཀ་ནྡ་རཱ, [ཏཱ ཙ གི་རི་གུ་ཧཱ་ཡོ (སཱི. སྱཱ. པཱི.)] ཏཱ ཙ གི་རི་གུ་ཧཱ་ཡོ ཏ་ཐེ་ཝ ཏི་ཊྛ་ནྟི [ཏཱ ཙ གི་རི་གུ་ཧཱ་ཡོ (སཱི. སྱཱ. པཱི.)];
ཏ་ཏྠེ་ཝ [ཏ་ཏྠ (སཱི. སྱཱ. པཱི.)] ཏཾ ཨ་པ་སྶ་ནྟཱི, ཀི་མྤུ་རི་ས ཀ་ཐཾ ཨ་ཧཾ ཀ་སྶཾ.
༣༡. ཏེ པ་ཎྞ་ས་ནྠ་ཏཱ ར་མ་ཎཱི་ཡཱ, ཝཱ་ལ༹་མི་གེ་ཧི ཨ་ནུ་ཙི་ཎྞཱ;
ཏ་ཏྠེ་ཝ ཏཾ ཨ་པ་སྶ་ནྟཱི, ཀི་མྤུ་རི་ས ཀ་ཐཾ ཨ་ཧཾ ཀ་སྶཾ [ཀཱ་སཾ (སཱི. སྱཱ. པཱི.)].
༣༢. ཏེ པུ་པྥ་ས་ནྠ་ཏཱ ར་མ་ཎཱི་ཡཱ, ཝཱ་ལ༹་མི་གེ་ཧི ཨ་ནུ་ཙི་ཎྞཱ;
ཏ་ཏྠེ་ཝ ཏཾ ཨ་པ་སྶ་ནྟཱི, ཀི་མྤུ་རི་ས ཀ་ཐཾ ཨ་ཧཾ ཀ་སྶཾ.
༣༣. ཨ་ཙྪཱ ས་ཝ་ནྟི གི་རི་ཝ་ན [གི་རི་ཝ་ར (སཱི. པཱི.)] ན་དི་ཡོ, ཀུ་སུ་མཱ་བྷི་ཀི་ཎྞ་སོ་ཏཱ་ཡོ;
ཏ་ཏྠེ་ཝ ཏཾ ཨ་པ་སྶ་ནྟཱི, ཀི་མྤུ་རི་ས ཀ་ཐཾ ཨ་ཧཾ ཀ་སྶཾ.
༣༤. ནཱི་ལཱ་ནི ཧི་མ་ཝ་ཏོ པ་བྦ་ཏ་སྶ, ཀཱུ་ཊཱ་ནི ད་སྶ་ནཱི་ཡཱ་ནི [ད་སྶ་ནེ་ཡྻཱ་ནི (སཱི. པཱི.)];
ཏ་ཏྠེ་ཝ ཏཾ ཨ་པ་སྶ་ནྟཱི, ཀི་མྤུ་རི་ས ཀ་ཐཾ ཨ་ཧཾ ཀ་སྶཾ.
༣༥. པཱི་ཏཱ་ནི ཧི་མ་ཝ་ཏོ པ་བྦ་ཏ་སྶ, ཀཱུ་ཊཱ་ནི ད་སྶ་ནཱི་ཡཱ་ནི;
ཏ་ཏྠེ་ཝ ཏཾ ཨ་པ་སྶ་ནྟཱི, ཀི་མྤུ་རི་ས ཀ་ཐཾ ཨ་ཧཾ ཀ་སྶཾ.
༣༦. ཏ་མྦཱ་ནི ཧི་མ་ཝ་ཏོ པ་བྦ་ཏ་སྶ, ཀཱུ་ཊཱ་ནི ད་སྶ་ནཱི་ཡཱ་ནི;
ཏ་ཏྠེ་ཝ ཏཾ ཨ་པ་སྶ་ནྟཱི, ཀི་མྤུ་རི་ས ཀ་ཐཾ ཨ་ཧཾ ཀ་སྶཾ.
༣༧. ཏུ་ངྒཱ་ནི ཧི་མ་ཝ་ཏོ པ་བྦ་ཏ་སྶ, ཀཱུ་ཊཱ་ནི ད་སྶ་ནཱི་ཡཱ་ནི;
ཏ་ཏྠེ་ཝ ཏཾ ཨ་པ་སྶ་ནྟཱི, ཀི་མྤུ་རི་ས ཀ་ཐཾ ཨ་ཧཾ ཀ་སྶཾ.
༣༨. སེ་ཏཱ་ནི ཧི་མ་ཝ་ཏོ པ་བྦ་ཏ་སྶ, ཀཱུ་ཊཱ་ནི ད་སྶ་ནཱི་ཡཱ་ནི;
ཏ་ཏྠེ་ཝ ཏཾ ཨ་པ་སྶ་ནྟཱི, ཀི་མྤུ་རི་ས ཀ་ཐཾ ཨ་ཧཾ ཀ་སྶཾ.
༣༩. ཙི་ཏྲཱ་ནི ཧི་མ་ཝ་ཏོ པ་བྦ་ཏ་སྶ, ཀཱུ་ཊཱ་ནི ད་སྶ་ནཱི་ཡཱ་ནི;
ཏ་ཏྠེ་ཝ ཏཾ ཨ་པ་སྶ་ནྟཱི, ཀི་མྤུ་རི་ས ཀ་ཐཾ ཨ་ཧཾ ཀ་སྶཾ.
༤༠. ཡ་ཀྑ་ག་ཎ་སེ་ཝི་ཏེ ག་ནྡྷ་མཱ་ད་ནེ, ཨོ་ས་དྷེ་བྷི ས་ཉྪ་ནྣེ;
ཏ་ཏྠེ་ཝ ཏཾ ཨ་པ་སྶ་ནྟཱི, ཀི་མྤུ་རི་ས ཀ་ཐཾ ཨ་ཧཾ ཀ་སྶཾ.
༤༡. ཀི་མྤུ་རི་ས་སེ་ཝི་ཏེ ག་ནྡྷ་མཱ་ད་ནེ, ཨོ་ས་དྷེ་བྷི ས་ཉྪ་ནྣེ;
ཏ་ཏྠེ་ཝ ཏཾ ཨ་པ་སྶ་ནྟཱི, ཀི་མྤུ་རི་ས ཀ་ཐཾ ཨ་ཧཾ ཀ་སྶཾ.
༤༢. ཝ་ནྡེ ཏེ ཨ་ཡི་ར་བྲ་ཧྨེ [ཨ་ཡྻི་རེ བྲ་ཧྨེ (ཀ.)], ཡོ མེ ཨི་ཙྪི་ཏཾ པ་ཏིཾ ཝ་རཱ་ཀི་ཡཱ;
ཨ་མ་ཏེ་ན ཨ་བྷི་སི་ཉྩི, ས་མཱ་ག་ཏཱ་སྨི པི་ཡ་ཏ་མེ་ན.
༤༣. ཝི་ཙ་རཱ་མ དཱ་ནི གི་རི་ཝ་ན [གི་རི་ཝ་ར (སཱི. པཱི.)] ན་དི་ཡོ, ཀུ་སུ་མཱ་བྷི་ཀི་ཎྞ་སོ་ཏཱ་ཡོ;
ནཱ་ནཱ་དུ་མ་ཝ་ས་ནཱ་ཡོ [སེ་ཝ་ནཱ་ཡོ (པཱི.)], པི་ཡཾ་ཝ་དཱ ཨ་ཉྙ་མ་ཉྙ་སྶཱ་ཏི.
ཙ་ནྡ་ཀི་ནྣ་རཱི་ཛཱ་ཏ་ཀཾ [ཙ་ནྡ་ཀི་ནྣ་ར་ཛཱ་ཏ་ཀཾ (སཱི. སྱཱ. པཱི.)] དུ་ཏི་ཡཾ.
༤༨༦. མ་ཧཱ་ཨུ་ཀྐུ་ས་ཛཱ་ཏ་ཀཾ (༣)
༤༤. ཨུ་ཀྐཱ ཙི་ལཱ་ཙཱ [མི་ལཱ་ཙཱ (སཱི. སྱཱ. པཱི.)] བ་ནྡྷ་ནྟི དཱི་པེ [བ་ནྡྷ་ནྟི ལུ་དྡཱ, དཱི་པེ (ཀ.)], པ་ཛཱ མ་མཾ ཁཱ་དི་ཏུཾ པ་ཏྠ་ཡ་ནྟི;
མི་ཏྟཾ ས་ཧཱ་ཡ་ཉྩ ཝ་དེ་ཧི སེ་ན་ཀ, ཨཱ་ཙི་ཀྑ ཉཱ་ཏི་བྱ་ས་ནཾ དི་ཛཱ་ནཾ.
༤༥. དི་ཛོ དི་ཛཱ་ནཾ པ་ཝ་རོ་སི པ་ཀྑི་མ [པ་ཀྑི (སཱི. པཱི.), པ་ཀྑི ཙ (སྱཱ.)], ཨུ་ཀྐུ་ས་རཱ་ཛ ས་ར་ཎཾ ཏཾ ཨུ་པེ་མ [ཨུ་པེ་མི (སཱི. སྱཱ. པཱི.)];
པ་ཛཱ མ་མཾ ཁཱ་དི་ཏུཾ པ་ཏྠ་ཡ་ནྟི, ལུ་དྡཱ ཙི་ལཱ་ཙཱ [མི་ལཱ་ཙཱ (སཱི. སྱཱ. པཱི.)] བྷ་ཝ མེ སུ་ཁཱ་ཡ.
༤༦. མི་ཏྟཾ ས་ཧཱ་ཡ་ཉྩ ཀ་རོ་ནྟི པ་ཎྜི་ཏཱ, ཀཱ་ལེ ཨ་ཀཱ་ལེ སུ་ཁ་མེ་ས་མཱ་ནཱ [མཱ་ས་ཡཱ་ནཱ (པཱི.)];
ཀ་རོ་མི ཏེ སེ་ན་ཀ ཨེ་ཏ་མ་ཏྠཾ, ཨ་རི་ཡོ ཧི ཨ་རི་ཡ་སྶ ཀ་རོ་ཏི ཀི་ཙྩཾ.
༤༧. ཡཾ ཧོ་ཏི ཀི་ཙྩཾ ཨ་ནུ་ཀ་མྤ་ཀེ་ན, ཨ་རི་ཡ་སྶ ཨ་རི་ཡེ་ན ཀ་ཏཾ ཏ་ཡཱི་དཾ [ཏ་ཝ ཡི་དཾ (སཱི. པཱི.)];
ཨ་ཏྟཱ་ནུ་ར་ཀྑཱི བྷ་ཝ མཱ ཨ་ད་ཡ྄ཧི [ཨ་ཌ་ཡ྄ཧ (སཱི. པཱི.)], ལ་ཙྪཱ་མ པུ་ཏྟེ ཏ་ཡི ཛཱི་ཝ་མཱ་ནེ.
༤༨. ཏ་ཝེ་ཝ [ཏ་མེ་ཝ (སྱཱ. ཀ.)] ར་ཀྑཱ་ཝ་ར་ཎཾ ཀ་རོ་ནྟོ, ས་རཱི་ར་བྷེ་དཱ་པི ན ས་ནྟ་སཱ་མི;
ཀ་རོ་ནྟི ཧེ་ཀེ [ཧེ་ཏེ (ཀ. སཱི. སྱཱ. པཱི.)] ས་ཁཱི་ནཾ ས་ཁཱ་རོ, པཱ་ཎཾ ཙ་ཛ་ནྟཱ [ཙ་ཛ་ནྟི (སཱི. པཱི.)] ས་ཏ་མེ་ས [ས་ཏཱ་ནེ་ས (པཱི.)] དྷ་མྨོ.
༤༩. སུ་དུ་ཀྐ་རཾ ཀ་མྨ་མ་ཀཱ་སི [མ་ཀཱ (སཱི. པཱི.)], ཨ་ཎྜ་ཛཱ་ཡཾ ཝི་ཧ་ངྒ་མོ;
ཨ་ཏྠཱ་ཡ ཀུ་ར་རོ པུ་ཏྟེ, ཨ་ཌྜྷ་ར་ཏྟེ ཨ་ནཱ་ག་ཏེ.
༥༠. ཙུ་ཏཱ་པི ཧེ་ཀེ [ཨེ་ཀེ (སཱི. པཱི.)] ཁ་ལི་ཏཱ ས་ཀ་མྨུ་ནཱ, མི་ཏྟཱ་ནུ་ཀ་མྤཱ་ཡ པ་ཏི་ཊྛ་ཧ་ནྟི;
པུ་ཏྟཱ མ་མ་ཊྚཱ ག་ཏི་མཱ་ག་ཏོ་སྨི, ཨ་ཏྠཾ ཙ་རེ་ཐོ [ཙ་རེ་ཐ (སཱི. སྱཱ. པཱི.)] མ་མ ཝཱ་རི་ཙ་ར [ཝཱ་རི་ཚ་ནྣ (སཱི. པཱི.)].
༥༡. དྷ་ནེ་ན དྷ་ཉྙེ་ན ཙ ཨ་ཏྟ་ནཱ ཙ, མི་ཏྟཾ ས་ཧཱ་ཡ་ཉྩ ཀ་རོ་ནྟི པ་ཎྜི་ཏཱ;
ཀ་རོ་མི ཏེ སེ་ན་ཀ ཨེ་ཏ་མ་ཏྠཾ, ཨ་རི་ཡོ ཧི ཨ་རི་ཡ་སྶ ཀ་རོ་ཏི ཀི་ཙྩཾ.
༥༢. ཨ་པྤོ་སྶུ་ཀྐོ ཏཱ་ཏ ཏུ་ཝཾ ནི་སཱི་ད, པུ་ཏྟོ པི་ཏུ ཙ་ར་ཏི ཨ་ཏྠ་ཙ་རི་ཡཾ;
ཨ་ཧཾ ཙ་རི་སྶཱ་མི ཏ་ཝེ་ཏ་མ་ཏྠཾ, སེ་ན་སྶ པུ་ཏྟེ པ་རི་ཏཱ་ཡ་མཱ་ནོ.
༥༣. ཨ་དྡྷཱ ཧི ཏཱ་ཏ ས་ཏ་མེ་ས དྷ་མྨོ, པུ་ཏྟོ པི་ཏུ ཡཾ ཙ་རེ [པི་ཏུ་ནཾ ཙ་རེ (ཀ.), པི་ཏུ ཡ་ཉྩ་རེ་ཐ (སཱི. པཱི.)] ཨ་ཏྠ་ཙ་རི་ཡཾ;
ཨ་པྤེ་ཝ མཾ དི་སྭཱ་ན པ་ཝ་ཌྜྷ་ཀཱ་ཡཾ, སེ་ན་སྶ པུ་ཏྟཱ ན ཝི་ཧེ་ཋ་ཡེ་ཡྻུཾ.
༥༤. པ་སཱུ མ་ནུ་སྶཱ མི་ག་ཝཱི་ར་སེ་ཊྛ [མི་ག་ཝི་རི་ཡ་སེ་ཊྛ (སཱི. པཱི.)], བྷ་ཡ་ཊྚི་ཏཱ [བྷ་ཡ་དྡི་ཏཱ (སཱི. པཱི.)] སེ་ཊྛ་མུ་པ་བྦ་ཛ་ནྟི;
པུ་ཏྟཱ མ་མ་ཊྚཱ ག་ཏི་མཱ་ག་ཏོ་སྨི, ཏྭཾ ནོ་སི རཱ་ཛཱ བྷ་ཝ མེ སུ་ཁཱ་ཡ.
༥༥. ཀ་རོ་མི ཏེ སེ་ན་ཀ ཨེ་ཏ་མ་ཏྠཾ, ཨཱ་ཡཱ་མི ཏེ ཏཾ དི་ས་ཏཾ ཝ་དྷཱ་ཡ;
ཀ་ཐ་ཉྷི ཝི་ཉྙཱུ པ་ཧུ ས་མྤ་ཛཱ་ནོ, ན ཝཱ་ཡ་མེ ཨ་ཏྟ་ཛ་ན་སྶ གུ་ཏྟི་ཡཱ.
༥༦. མི་ཏྟ་ཉྩ ཀ་ཡི་རཱ་ཐ སུ་ཧ་ད་ཡ་ཉྩ [སུ་ཧ་དྡ་ཡ་ཉྩ (སཱི.), ས་ཁཱ་གྷ་ར་ཉྩ (པཱི.)], ཨ་ཡི་ར་ཉྩ ཀ་ཡི་རཱ་ཐ སུ་ཁཱ་ག་མཱ་ཡ;
ནི་ཝ་ཏྠ་ཀོ་ཙོ་ཝ [ཀོ་ཛོ་ཝ (སཱི. པཱི.)] ས་རེ་བྷི་ཧ་ནྟྭཱ, མོ་དཱ་མ པུ་ཏྟེ་ཧི ས་མ་ངྒི་བྷཱུ་ཏཱ.
༥༧. ས་ཀ་མི་ཏྟ་སྶ ཀ་མྨེ་ན, ས་ཧཱ་ཡ་སྶཱ་པ་ལཱ་ཡི་ནོ;
ཀཱུ་ཛ་ནྟ་མུ་པ་ཀཱུ་ཛ་ནྟི, ལོ་མ་སཱ ཧ་ད་ཡ་ངྒ་མཾ.
༥༨. མི་ཏྟཾ ས་ཧཱ་ཡཾ ཨ་དྷི་ག་མྨ པ་ཎྜི་ཏོ, སོ བྷུ་ཉྫ་ཏཱི པུ་ཏྟ པ་སུཾ དྷ་ནཾ ཝཱ;
ཨ་ཧ་ཉྩ པུ་ཏྟཱ ཙ པ་ཏཱི ཙ མ་ཡ྄ཧཾ, མི་ཏྟཱ་ནུ་ཀ་མྤཱ་ཡ ས་མ་ངྒི་བྷཱུ་ཏཱ.
༥༩. རཱ་ཛ་ཝ་ཏཱ སཱུ་ར་ཝ་ཏཱ ཙ ཨ་ཏྠོ, ས་མྤ་ནྣ་ས་ཁི་སྶ བྷ་ཝ་ནྟི ཧེ་ཏེ;
སོ མི་ཏྟ་ཝཱ ཡ་ས་ཝཱ ཨུ་གྒ་ཏ་ཏྟོ, ཨ་སྨིཾ་དྷ་ལོ་ཀེ [ཨ་སྨི་ཉྩ ལོ་ཀེ (སཱི. སྱཱ. པཱི.)] མོ་ད་ཏི ཀཱ་མ་ཀཱ་མཱི.
༦༠. ཀ་ར་ཎཱི་ཡཱ་ནི མི་ཏྟཱ་ནི, ད་ལི་དྡེ་ནཱ་པི སེ་ན་ཀ;
པ་སྶ མི་ཏྟཱ་ནུ་ཀ་མྤཱ་ཡ, ས་མ་གྒ་མྷཱ ས་ཉཱ་ཏ་ཀེ [ས་ཉཱ་ཏ་ཀཱ (?)].
༦༡. སཱུ་རེ་ན བ་ལ་ཝ་ནྟེ་ན, ཡོ མི་ཏྟེ [མེ་ཏྟེ (སཱི.), མི་ཏྟཾ (སྱཱ.)] ཀུ་རུ་ཏེ དི་ཛོ;
ཨེ་ཝཾ སོ སུ་ཁི་ཏོ ཧོ་ཏི, ཡ་ཐཱ་ཧཾ ཏྭ་ཉྩ སེ་ན་ཀཱ་ཏི.
མ་ཧཱ་ཨུ་ཀྐུ་ས་ཛཱ་ཏ་ཀཾ ཏ་ཏི་ཡཾ.
༤༨༧. ཨུ་དྡཱ་ལ་ཀ་ཛཱ་ཏ་ཀཾ (༤)
༦༢. ཁ་རཱ་ཛི་ནཱ ཛ་ཊི་ལཱ པ་ངྐ་ད་ནྟཱ, དུ་མྨ་ཀྑ་རཱུ་པཱ [དུ་མྨུ་དྷ་རཱུ་པཱ (སཱི. པཱི. ཀ.)] ཡེ མ་ནྟཾ ཛ་པྤ་ནྟི [ཡེ་མེ ཛ་པ་ནྟི (སཱི. པཱི.), ཡེ’མེ ཛ་པྤ་ནྟི མ་ནྟེ (ཛཱ. ༡.༦.༡༠)];
ཀ་ཙྩི་ནྣུ ཏེ མཱ་ནུ་ས་ཀེ པ་ཡོ་གེ, ཨི་དཾ ཝི་དཱུ པ་རི་མུ་ཏྟཱ ཨ་པཱ་ཡཱ.
༦༣. པཱ་པཱ་ནི ཀ་མྨཱ་ནི ཀ་རེ་ཐ [ཀ་རེ་ཡྻ (སྱཱ.), ཀ་ཏྭཱ་ན (ཛཱ. ༡.༦.༡༡)] རཱ་ཛ, བ་ཧུ་སྶུ་ཏོ ཙེ ན ཙ་རེ་ཡྻ དྷ་མྨཾ;
ས་ཧ་སྶ་ཝེ་དོ་པི ན ཏཾ པ་ཊི་ཙྩ, དུ་ཀྑཱ པ་མུ་ཙྩེ [པ་མུ་ཉྩེ (སྱཱ.)] ཙ་ར་ཎཾ ཨ་པ་ཏྭཱ.
༦༤. ས་ཧ་སྶ་ཝེ་དོ་པི ན ཏཾ པ་ཊི་ཙྩ, དུ་ཀྑཱ པ་མུ་ཙྩེ ཙ་ར་ཎཾ ཨ་པ་ཏྭཱ;
མ་ཉྙཱ་མི ཝེ་དཱ ཨ་ཕ་ལཱ བྷ་ཝ་ནྟི, ས་སཾ་ཡ་མཾ ཙ་ར་ཎ་ཉྙེ་ཝ ས་ཙྩཾ.
༦༥. ན ཧེ་ཝ ཝེ་དཱ ཨ་ཕ་ལཱ བྷ་ཝ་ནྟི, ས་སཾ་ཡ་མཾ ཙ་ར་ཎ་ཉྙེ་ཝ ས་ཙྩཾ;
ཀི་ཏྟི་ཉྷི [ཀི་ཏྟི་ཉྩ (སྱཱ.)] པ་པྤོ་ཏི ཨ་དྷི་ཙྩ ཝེ་དེ, ས་ནྟིཾ པུ་ཎཱ་ཏི [པུ་ནོ་ཏི (སཱི. ཨ་ཊྛ.), པུ་ཎེ་ཏི (སྱཱ. ཛཱ. ༡.༦.༡༣), པུ་ནེ་ཏི (པཱི.)] ཙ་ར་ཎེ་ན ད་ནྟོ.
༦༦. བྷ་ཙྩཱ མཱ་ཏཱ པི་ཏཱ བ་ནྡྷཱུ, ཡེ་ན ཛཱ་ཏོ ས་ཡེ་ཝ སོ;
ཨུ་དྡཱ་ལ་ཀོ ཨ་ཧཾ བྷོ་ཏོ [བྷོ་ཏི (ཀ.)], སོ་ཏྟི་ཡཱ་ཀུ་ལ་ཝཾ་ས་ཀོ [ཝཾ་ས་ཏོ (ཀ.)].
༦༧. ཀ་ཐཾ བྷོ བྲཱ་ཧྨ་ཎོ ཧོ་ཏི, ཀ་ཐཾ བྷ་ཝ་ཏི ཀེ་ཝ་ལཱི;
ཀ་ཐ་ཉྩ པ་རི་ནི་བྦཱ་ནཾ, དྷ་མྨ་ཊྛོ ཀི་ནྟི ཝུ་ཙྩ་ཏི.
༦༨. ནི་རཾ་ཀ་ཏྭཱ ཨ་གྒི་མཱ་དཱ་ཡ བྲཱ་ཧྨ་ཎོ, ཨཱ་པོ སི་ཉྩཾ ཡ་ཛཾ ཨུ་སྶེ་ཏི ཡཱུ་པཾ;
ཨེ་ཝཾ་ཀ་རོ བྲཱ་ཧྨ་ཎོ ཧོ་ཏི ཁེ་མཱི, དྷ་མྨེ ཋི་ཏཾ ཏེ་ན ཨ་མཱ་པ་ཡིཾ་སུ.
༦༩. ན སུ་དྡྷི སེ་ཙ་ནེ་ན་ཏྠི, ནཱ་པི ཀེ་ཝ་ལཱི བྲཱ་ཧྨ་ཎོ;
ན ཁ་ནྟཱི ནཱ་པི སོ་ར་ཙྩཾ, ནཱ་པི སོ པ་རི་ནི་བྦུ་ཏོ.
༧༠. ཀ་ཐཾ སོ [བྷོ (སྱཱ. ཀ.)] བྲཱ་ཧྨ་ཎོ ཧོ་ཏི, ཀ་ཐཾ བྷ་ཝ་ཏི ཀེ་ཝ་ལཱི;
ཀ་ཐ་ཉྩ པ་རི་ནི་བྦཱ་ནཾ, དྷ་མྨ་ཊྛོ ཀི་ནྟི ཝུ་ཙྩ་ཏི.
༧༡. ཨ་ཁེ་ཏྟ་བ་ནྡྷཱུ ཨ་མ་མོ ནི་རཱ་སོ, ནི་ལློ་བྷ་པཱ་པོ བྷ་ཝ་ལོ་བྷ་ཁཱི་ཎོ;