༡༥. ཝཱི་ས་ཏི་ནི་པཱ་ཏོ
༤༩༧. མཱ་ཏ་ངྒ་ཛཱ་ཏ་ཀཾ (༡)
༡. ཀུ་ཏོ ནུ ཨཱ་ག་ཙྪ་སི དུ་མྨ་ཝཱ་སཱི [རུ་མྨ་ཝཱ་སཱི (སཱི. པཱི.)], ཨོ་ཏ་ལླ་ཀོ པཾ་སུ་པི་སཱ་ཙ་ཀོ་ཝ;
ས་ངྐཱ་ར་ཙོ་ལ༹ཾ པ་ཊི་མུ་ཉྩ [པ་ཊི་མུ་ཙྩ (སཱི. པཱི.)] ཀ་ཎྛེ, ཀོ རེ ཏུ་ཝཾ ཧོ་སི [ཧོ་ཧི་སི (སཱི. པཱི.)] ཨ་ད་ཀྑི་ཎེ་ཡྻོ.
༢. ཨ་ནྣཾ ཏ་ཝེ་དཾ [ཏ་ཝ ཨི་དཾ (ཀ. སཱི. པཱི.), ཏ་ཝ་ཡི་དཾ (སྱཱ.)] པ་ཀ་ཏཾ ཡ་ས་སྶི, ཏཾ ཁ་ཛྫ་རེ བྷུ་ཉྫ་རེ པི་ཡྻ་རེ ཙ;
ཛཱ་ནཱ་སི མཾ ཏྭཾ པ་ར་ད་ཏྟཱུ་པ་ཛཱི་ཝིཾ, ཨུ་ཏྟི་ཊྛ་པི་ཎྜཾ ལ་བྷ་ཏཾ ས་པཱ་ཀོ.
༣. ཨ་ནྣཾ མ་མེ་དཾ [མ་མ ཨི་དཾ (ཀ. སཱི. པཱི.), མ་མ་ཡི་དཾ (སྱཱ.)] པ་ཀ་ཏཾ བྲཱ་ཧྨ་ཎཱ་ནཾ, ཨ་ཏྟ་ཏྠཱ་ཡ ས་དྡ་ཧ་ཏོ མ་མེ་དཾ [མ་མ ཨི་དཾ (ཀ. སཱི. པཱི.), མ་མ་ཡི་དཾ (སྱཱ.)];
ཨ་པེ་ཧི ཨེ་ཏྟོ ཀི་མི་དྷ་ཊྛི་ཏོ་སི, ན མཱ་དི་སཱ ཏུ་ཡ྄ཧཾ ད་ད་ནྟི ཛ་མྨ.
༤. ཐ་ལེ ཙ ནི་ནྣེ ཙ ཝ་པ་ནྟི བཱི་ཛཾ, ཨ་ནཱུ་པ་ཁེ་ཏྟེ ཕ་ལ་མཱ་ས་མཱ་ནཱ [མཱ་ས་སཱ་ནཱ (སཱི. པཱི.), མཱ་སིཾ ས་མཱ་ནཱ (སྱཱ.)];
ཨེ་ཏཱ་ཡ ས་དྡྷཱ་ཡ ད་དཱ་ཧི དཱ་ནཾ, ཨ་པྤེ་ཝ ཨཱ་རཱ་དྷ་ཡེ ད་ཀྑི་ཎེ་ཡྻེ.
༥. ཁེ་ཏྟཱ་ནི མ་ཡ྄ཧཾ ཝི་དི་ཏཱ་ནི ལོ་ཀེ, ཡེ་སཱ་ཧཾ བཱི་ཛཱ་ནི པ་ཏི་ཊྛ་པེ་མི;
ཡེ བྲཱ་ཧྨ་ཎཱ ཛཱ་ཏི་མ་ནྟཱུ་པ་པ་ནྣཱ, ཏཱ་ནཱི་དྷ ཁེ་ཏྟཱ་ནི སུ་པེ་ས་ལཱ་ནི.
༦. ཛཱ་ཏི་མ་དོ ཙ ཨ་ཏི་མཱ་ནི་ཏཱ ཙ, ལོ་བྷོ ཙ དོ་སོ ཙ མ་དོ ཙ མོ་ཧོ;
ཨེ་ཏེ ཨ་གུ་ཎཱ ཡེ་སུ ཙ ས་ནྟི [ཡེ་སུ ཝ་ས་ནྟི (སཱི. པཱི.)] ས་བྦེ, ཏཱ་ནཱི་དྷ ཁེ་ཏྟཱ་ནི ཨ་པེ་ས་ལཱ་ནི.
༧. ཛཱ་ཏི་མ་དོ ཙ ཨ་ཏི་མཱ་ནི་ཏཱ ཙ, ལོ་བྷོ ཙ དོ་སོ ཙ མ་དོ ཙ མོ་ཧོ;
ཨེ་ཏེ ཨ་གུ་ཎཱ ཡེ་སུ ན ས་ནྟི ས་བྦེ, ཏཱ་ནཱི་དྷ ཁེ་ཏྟཱ་ནི སུ་པེ་ས་ལཱ་ནི.
༨. ཀྭེ་ཏྠ ག་ཏཱ [ཀྭ་ཏྠ ག་ཏཱ (སྱཱ.), ཀ་ཏྠེ་ཝ བྷ་ཊྛཱ (པཱི.)] ཨུ་པ་ཛོ་ཏི་ཡོ ཙ, ཨུ་པ་ཛ྄ཛྷཱ་ཡོ ཙ ཨ་ཐ་ཝཱ ག་ཎྜ་ཀུ་ཙྪི [ཨ་ཎྜ་ཀུ་ཙྪི (སཱི. སྱཱ. པཱི.)];
ཨི་མ་སྶ ད་ཎྜ་ཉྩ ཝ་དྷ་ཉྩ ད་ཏྭཱ, ག་ལེ ག་ཧེ་ཏྭཱ ཁ་ལ་ཡཱ་ཐ [ག་ལ་ཡཱ་ཐ (ཀ.)] ཛ་མྨཾ.
༩. གི་རིཾ ན་ཁེ་ན ཁ་ཎ་སི, ཨ་ཡོ ད་ནྟེ་ཧི [ད་ནྟེ་ན (སཱི. པཱི.)] ཁཱ་ད་སི;
ཛཱ་ཏ་ཝེ་དཾ པ་ད་ཧ་སི, ཡོ ཨི་སིཾ པ་རི་བྷཱ་ས་སི.
༡༠. ཨི་དཾ ཝ་ཏྭཱ་ན མཱ་ཏ་ངྒོ, ཨི་སི ས་ཙྩ་པ་ར་ཀྐ་མོ;
ཨ་ནྟ་ལི་ཀྑ་སྨིཾ པ་ཀྐཱ་མི [པ་ཀྐ་མི (ཀ.)], བྲཱ་ཧྨ་ཎཱ་ནཾ ཨུ་དི་ཀྑ་ཏཾ.
༡༡. ཨཱ་ཝེ་ལླི་ཏཾ [ཨ་ཝེ་ཋི་ཏཾ (སཱི. པཱི.)] པི་ཊྛི་ཏོ ཨུ་ཏྟ་མ་ངྒཾ, བཱ་ཧུཾ [བཱ་ཧཾ (སཱི. པཱི.)] པ་སཱ་རེ་ཏི ཨ་ཀ་མྨ་ནེ་ཡྻཾ [ཨ་ཀ་མྤ་ནེ་ཡྻཾ (ཀ.)];
སེ་ཏཱ་ནི ཨ་ཀྑཱི་ནི ཡ་ཐཱ མ་ཏ་སྶ, ཀོ མེ ཨི་མཾ པུ་ཏྟ་མ་ཀཱ་སི ཨེ་ཝཾ.
༡༢. ཨི་དྷཱ་ག་མཱ ས་མ་ཎོ དུ་མྨ་ཝཱ་སཱི, ཨོ་ཏ་ལླ་ཀོ པཾ་སུ་པི་སཱ་ཙ་ཀོ་ཝ;
ས་ངྐཱ་ར་ཙོ་ལ༹ཾ པ་ཊི་མུ་ཉྩ ཀ་ཎྛེ, སོ ཏེ ཨི་མཾ པུ་ཏྟ་མ་ཀཱ་སི ཨེ་ཝཾ.
༡༣. ཀ་ཏ་མཾ དི་སཾ ཨ་ག་མཱ བྷཱུ་རི་པ་ཉྙོ, ཨ་ཀྑཱ་ཐ མེ མཱ་ཎ་ཝཱ ཨེ་ཏ་མ་ཏྠཾ;
ག་ནྟྭཱ་ན ཏཾ པ་ཊི་ཀ་རེ་མུ ཨ་ཙྩ་ཡཾ, ཨ་པྤེ་ཝ ནཾ པུ་ཏྟ ལ་བྷེ་མུ ཛཱི་ཝི་ཏཾ.
༡༤. ཝེ་ཧཱ་ཡ་སཾ ཨ་ག་མཱ བྷཱུ་རི་པ་ཉྙོ, པ་ཐ་དྡྷུ་ནོ པ་ནྣ་ར་སེ་ཝ ཙ་ནྡོ;
ཨ་པི ཙཱ་པི སོ པུ་རི་མ་དི་སཾ ཨ་ག་ཙྪི, ས་ཙྩ་པྤ་ཊི་ཉྙོ ཨི་སི སཱ་དྷུ་རཱུ་པོ.
༡༥. ཨཱ་ཝེ་ལླི་ཏཾ པི་ཊྛི་ཏོ ཨུ་ཏྟ་མ་ངྒཾ, བཱ་ཧུཾ པ་སཱ་རེ་ཏི ཨ་ཀ་མྨ་ནེ་ཡྻཾ;
སེ་ཏཱ་ནི ཨ་ཀྑཱི་ནི ཡ་ཐཱ མ་ཏ་སྶ, ཀོ མེ ཨི་མཾ པུ་ཏྟ་མ་ཀཱ་སི ཨེ་ཝཾ.
༡༦. ཡ་ཀྑཱ ཧ་ཝེ ས་ནྟི མ་ཧཱ་ནུ་བྷཱ་ཝཱ, ཨ་ནྭཱ་ག་ཏཱ ཨི་ས་ཡོ སཱ་དྷུ་རཱུ་པཱ;
ཏེ དུ་ཊྛ་ཙི་ཏྟཾ ཀུ་པི་ཏཾ ཝི་དི་ཏྭཱ, ཡ་ཀྑཱ ཧི ཏེ པུ་ཏྟ་མ་ཀཾ་སུ ཨེ་ཝཾ.
༡༧. ཡ་ཀྑཱ ཙ མེ པུ་ཏྟ་མ་ཀཾ་སུ ཨེ་ཝཾ, ཏྭ་ཉྙེ་ཝ མེ མཱ ཀུ་དྡྷོ [ཀུ་དྡྷ (ཀ.)] བྲ་ཧྨ་ཙཱ་རི;
ཏུ་མྷེ་ཝ [ཏུ་ཡ྄ཧེ་ཝ (ཀ.)] པཱ་དེ ས་ར་ཎཾ ག་ཏཱ་སྨི, ཨ་ནྭཱ་ག་ཏཱ པུ་ཏྟ་སོ་ཀེ་ན བྷི་ཀྑུ.
༡༨. ཏ་དེ་ཝ ཧི ཨེ་ཏ་ར་ཧི ཙ མ་ཡ྄ཧཾ, མ་ནོ་པ་དོ་སོ ན མ་མ་ཏྠི [མ་མ ན་ཏྠི (པཱི.)] ཀོ་ཙི;
པུ་ཏྟོ ཙ ཏེ ཝེ་ད་མ་དེ་ན མ་ཏྟོ, ཨ་ཏྠཾ ན ཛཱ་ནཱ་ཏི ཨ་དྷི་ཙྩ ཝེ་དེ.
༡༩. ཨ་དྡྷཱ ཧ་ཝེ བྷི་ཀྑུ མུ་ཧུ་ཏྟ་ཀེ་ན, ས་མྨུ་ཡ྄ཧ་ཏེ་ཝ པུ་རི་ས་སྶ ས་ཉྙཱ;
ཨེ་ཀཱ་པ་རཱ་དྷཾ [ཨེ་ཏཱ་པ་རཱ་དྷཾ (ཀ.)] ཁ་མ བྷཱུ་རི་པ་ཉྙ, ན པ་ཎྜི་ཏཱ ཀོ་དྷ་བ་ལཱ བྷ་ཝ་ནྟི.
༢༠. ཨི་ད་ཉྩ མ་ཡ྄ཧཾ ཨུ་ཏྟི་ཊྛ་པི་ཎྜཾ, ཏ་ཝ [ན་ཏྠི སཱི. པཱི. པོ་ཏྠ་ཀེ་སུ] མ་ཎྜ་བྱོ བྷུ་ཉྫ་ཏུ ཨ་པྤ་པ་ཉྙོ;
ཡ་ཀྑཱ ཙ ཏེ ནཾ [ཏེ པུ་ཏྟཾ (སྱཱ.)] ན ཝི་ཧེ་ཋ་ཡེ་ཡྻུཾ, པུ་ཏྟོ ཙ ཏེ ཧེ་སྶ་ཏི [ཧོ་ཧི་ཏི (སཱི. པཱི.)] སོ ཨ་རོ་གོ.
༢༡. མ་ཎྜ་བྱ བཱ་ལོ་སི པ་རི་ཏྟ་པ་ཉྙོ, ཡོ པུ་ཉྙ་ཁེ་ཏྟཱ་ན་མ་ཀོ་ཝི་དོ་སི;
མ་ཧ་ཀྐ་སཱ་ཝེ་སུ ད་དཱ་སི དཱ་ནཾ, ཀི་ལི་ཊྛ་ཀ་མྨེ་སུ ཨ་ས་ཉྙ་ཏེ་སུ.
༢༢. ཛ་ཊཱ ཙ ཀེ་སཱ ཨ་ཛི་ནཱ ནི་ཝ་ཏྠཱ, ཛ་རཱུ་ད་པཱ་ནཾ་ཝ མུ་ཁཾ པ་རཱུ་ལ༹ྷཾ;
པ་ཛཾ ཨི་མཾ པ་སྶ་ཐ དུ་མྨ་རཱུ་པཾ [རུ་མྨ་རཱུ་པིཾ (སཱི. པཱི.)], ན ཛ་ཊཱ་ཛི་ནཾ ཏཱ་ཡ་ཏི ཨ་པྤ་པ་ཉྙཾ.
༢༣. ཡེ་སཾ རཱ་གོ ཙ དོ་སོ ཙ, ཨ་ཝི་ཛྫཱ ཙ ཝི་རཱ་ཛི་ཏཱ;
ཁཱི་ཎཱ་ས་ཝཱ ཨ་ར་ཧ་ནྟོ, ཏེ་སུ དི་ནྣཾ མ་ཧ་པྥ་ལ་ནྟི.
མཱ་ཏ་ངྒ་ཛཱ་ཏ་ཀཾ པ་ཋ་མཾ.
༤༩༨. ཙི་ཏྟ་ས་མྦྷཱུ་ཏ་ཛཱ་ཏ་ཀཾ (༢)
༢༤. ས་བྦཾ ན་རཱ་ནཾ ས་ཕ་ལཾ སུ་ཙི་ཎྞཾ, ན ཀ་མྨུ་ནཱ ཀི་ཉྩ་ན མོ་གྷ་མ་ཏྠི;
པ་སྶཱ་མི ས་མྦྷཱུ་ཏཾ མ་ཧཱ་ནུ་བྷཱ་ཝཾ, ས་ཀ་མྨུ་ནཱ པུ་ཉྙ་ཕ་ལཱུ་པ་པ་ནྣཾ.
༢༥. ས་བྦཾ ན་རཱ་ནཾ ས་ཕ་ལཾ སུ་ཙི་ཎྞཾ, ན ཀ་མྨུ་ནཱ ཀི་ཉྩ་ན མོ་གྷ་མ་ཏྠི;
ཀ་ཙྩི་ནྣུ ཙི་ཏྟ་སྶ་པི ཨེ་ཝ་མེ་ཝཾ, ཨི་དྡྷོ མ་ནོ ཏ་སྶ ཡ་ཐཱ་པི མ་ཡ྄ཧཾ.
༢༦. ས་བྦཾ ན་རཱ་ནཾ ས་ཕ་ལཾ སུ་ཙི་ཎྞཾ, ན ཀ་མྨུ་ནཱ ཀི་ཉྩ་ན མོ་གྷ་མ་ཏྠི;
ཙི་ཏྟ་མྤི ཛཱ་ནཱ་ཧི [ཙི་ཏྟཾ ཝི་ཛཱ་ནཱ་ཧི (སཱི. པཱི.)] ཏ་ཐེ་ཝ དེ་ཝ, ཨི་དྡྷོ མ་ནོ ཏ་སྶ ཡ་ཐཱ་པི ཏུ་ཡ྄ཧཾ.
༢༧. བྷ་ཝཾ ནུ ཙི་ཏྟོ སུ་ཏ་མ་ཉྙ་ཏོ ཏེ, ཨུ་དཱ་ཧུ ཏེ ཀོ་ཙི ནཾ ཨེ་ཏ་ད་ཀྑཱ;
གཱ་ཐཱ སུ་གཱི་ཏཱ ན མ་མ་ཏྠི ཀ་ངྑཱ, ད་དཱ་མི ཏེ གཱ་མ་ཝ་རཾ ས་ཏ་ཉྩ.
༢༨. ན ཙཱ་ཧཾ ཙི་ཏྟོ སུ་ཏ་མ་ཉྙ་ཏོ མེ, ཨི་སཱི ཙ མེ ཨེ་ཏ་མ་ཏྠཾ ཨ་སཾ་སི;
‘‘ག་ནྟྭཱ་ན ར་ཉྙོ པ་ཊི་གཱ་ཧི [པ་ཊི་གཱ་ཡི (སྱཱ. ཀ.), པ་ཊི་གཱ་ཡ (?)] གཱ་ཐཾ, ཨ་པི ཏེ ཝ་རཾ ཨ་ཏྟ་མ་ནོ ད་དེ་ཡྻ’’ [ཨ་པི ནུ ཏེ ཝ་རཾ ཨ་ཏྟ་མ་ནོ ད་དེ་ཡྻ (སྱཱ.), ཨ་པི ནུ ཏེ ཨ་ཏྟ་མ་ནོ ཝ་རཾ ད་དེ (ཀ.)].
༢༩. ཡོ་ཛེ་ནྟུ ཝེ རཱ་ཛ་ར་ཐེ, སུ་ཀ་ཏེ ཙི་ཏྟ་སི་བྦ་ནེ;
ཀ་ཙྪཾ ནཱ་གཱ་ནཾ བ་ནྡྷ་ཐ, གཱི་ཝེ་ཡྻཾ པ་ཊི་མུ་ཉྩ་ཐ.
༣༠. ཨཱ་ཧ་ཉྙ་ནྟུ [ཨཱ་ཧ་ཉྙ་རེ (སྱཱ.)] བྷེ་རི་མུ་དི་ངྒ་ས་ངྑེ [ས་ངྑཱ (སྱཱ.)], སཱི་གྷཱ་ནི ཡཱ་ནཱ་ནི ཙ ཡོ་ཛ་ཡ་ནྟུ;
ཨ་ཛྫེ་ཝ་ཧཾ ཨ་སྶ་མཾ ཏཾ ག་མི་སྶཾ, ཡ་ཏྠེ་ཝ ད་ཀྑི་སྶ་མི་སིཾ ནི་སི་ནྣཾ.
༣༡. སུ་ལ་དྡྷ་ལཱ་བྷོ ཝ་ཏ མེ ཨ་ཧོ་སི, གཱ་ཐཱ སུ་གཱི་ཏཱ པ་རི་སཱ་ཡ མ་ཛ྄ཛྷེ;
སྭཱ་ཧཾ ཨི་སིཾ སཱི་ལ་ཝ་ཏཱུ་པ་པ་ནྣཾ, དི་སྭཱ པ་ཏཱི་ཏོ སུ་མ་ནོ་ཧ་མ་སྨི.
༣༢. ཨཱ་ས་ནཾ ཨུ་ད་ཀཾ པ་ཛྫཾ, པ་ཊི་གྒ་ཎྷཱ་ཏུ ནོ བྷ་ཝཾ;
ཨ་གྒྷེ བྷ་ཝ་ནྟཾ པུ་ཙྪཱ་མ, ཨ་གྒྷཾ ཀུ་རུ་ཏུ ནོ བྷ་ཝཾ.
༣༣. ར་མྨ་ཉྩ ཏེ ཨཱ་ཝ་ས་ཐཾ ཀ་རོ་ནྟུ, ནཱ་རཱི་ག་ཎེ་ཧི པ་རི་ཙཱ་ར་ཡ་སྶུ;
ཀ་རོ་ཧི ཨོ་ཀཱ་ས་མ་ནུ་གྒ་ཧཱ་ཡ, ཨུ་བྷོ་པི མཾ ཨི་སྶ་རི་ཡཾ ཀ་རོ་མ.
༣༤. དི་སྭཱ ཕ་ལཾ དུ་ཙྩ་རི་ཏ་སྶ རཱ་ཛ, ཨ་ཐོ སུ་ཙི་ཎྞ་སྶ མ་ཧཱ་ཝི་པཱ་ཀཾ;
ཨ་ཏྟཱ་ན་མེ་ཝ པ་ཊི་སཾ་ཡ་མི་སྶཾ, ན པ་ཏྠ་ཡེ པུ་ཏྟ [པུ་ཏྟཾ (སཱི. པཱི.)] པ་སུཾ དྷ་ནཾ ཝཱ.
༣༥. ད་སེ་ཝི་མཱ ཝ་སྶ་ད་སཱ, མ་ཙྩཱ་ནཾ ཨི་དྷ ཛཱི་ཝི་ཏཾ;
ཨ་པ་ཏྟ་ཉྙེ་ཝ ཏཾ ཨོ་དྷིཾ, ན་ལོ༹ ཚི་ནྣོ་ཝ སུ་སྶ་ཏི.
༣༦. ཏ་ཏྠ ཀཱ ན་ནྡི ཀཱ ཁི་ཌྜཱ, ཀཱ ར་ཏཱི ཀཱ དྷ་ནེ་ས་ནཱ;
ཀིཾ མེ པུ་ཏྟེ་ཧི དཱ་རེ་ཧི, རཱ་ཛ མུ་ཏྟོ་སྨི བ་ནྡྷ་ནཱ.
༣༧. སོ་ཧཾ ཨེ་ཝཾ པ་ཛཱ་ནཱ་མི [སོ ཨ་ཧཾ སུ་པྤ་ཛཱ་ནཱ་མི (སཱི. པཱི.)], མ་ཙྩུ མེ ན་པྤ་མ་ཛྫ་ཏི;
ཨ་ནྟ་ཀེ་ནཱ་དྷི་པ་ནྣ་སྶ, ཀཱ ར་ཏཱི ཀཱ དྷ་ནེ་ས་ནཱ.
༣༨. ཛཱ་ཏི ན་རཱ་ནཾ ཨ་དྷ་མཱ ཛ་ནི་ནྡ, ཙ་ཎྜཱ་ལ་ཡོ་ནི དྭི་པ་དཱ་ཀ་ནི་ཊྛཱ [དི་པ་དཱ་ཀ་ནི་ཊྛཱ (སཱི. པཱི.)];
ས་ཀེ་ཧི ཀ་མྨེ་ཧི སུ་པཱ་པ་ཀེ་ཧི, ཙ་ཎྜཱ་ལ་ག་བྦྷེ [ཙ་ཎྜཱ་ལི་ག་བྦྷེ (སྱཱ.)] ཨ་ཝ་སི་མྷ པུ་བྦེ.
༣༩. ཙ་ཎྜཱ་ལཱ་ཧུ་མྷ ཨ་ཝ་ནྟཱི་སུ, མི་གཱ ནེ་ར་ཉྫ་རཾ པ་ཏི;
ཨུ་ཀྐུ་སཱ ན་མྨ་དཱ་ཏཱི་རེ [ར་མྨ་དཱ་ཏཱི་རེ (སྱཱ. ཀ.)], ཏྱ་ཛྫ བྲཱ་ཧྨ་ཎ་ཁ་ཏྟི་ཡཱ.
༤༠. ཨུ་པ་ནཱི་ཡ་ཏི ཛཱི་ཝི་ཏ་མ་པྤ་མཱ་ཡུ, ཛ་རཱུ་པ་ནཱི་ཏ་སྶ ན ས་ནྟི ཏཱ་ཎཱ;
ཀ་རོ་ཧི པ་ཉྩཱ་ལ མ་མེ་ཏ [མ་མེ་ཝ (སྱཱ. ཀ.)] ཝཱ་ཀྱཾ, མཱ་ཀཱ་སི ཀ་མྨཱ་ནི དུ་ཀྑུ་དྲ་ཡཱ་ནི.
༤༡. ཨུ་པ་ནཱི་ཡ་ཏི ཛཱི་ཝི་ཏ་མ་པྤ་མཱ་ཡུ, ཛ་རཱུ་པ་ནཱི་ཏ་སྶ ན ས་ནྟི ཏཱ་ཎཱ;
ཀ་རོ་ཧི པ་ཉྩཱ་ལ མ་མེ་ཏ ཝཱ་ཀྱཾ, མཱ་ཀཱ་སི ཀ་མྨཱ་ནི དུ་ཀྑ་པྥ་ལཱ་ནི.
༤༢. ཨུ་པ་ནཱི་ཡ་ཏི ཛཱི་ཝི་ཏ་མ་པྤ་མཱ་ཡུ, ཛ་རཱུ་པ་ནཱི་ཏ་སྶ ན ས་ནྟི ཏཱ་ཎཱ;
ཀ་རོ་ཧི པ་ཉྩཱ་ལ མ་མེ་ཏ ཝཱ་ཀྱཾ, མཱ་ཀཱ་སི ཀ་མྨཱ་ནི ར་ཛ་སྶི་རཱ་ནི.
༤༣. ཨུ་པ་ནཱི་ཡ་ཏི ཛཱི་ཝི་ཏ་མ་པྤ་མཱ་ཡུ, ཝ་ཎྞཾ ཛ་རཱ ཧ་ནྟི ན་ར་སྶ ཛི་ཡྻ་ཏོ;
ཀ་རོ་ཧི པ་ཉྩཱ་ལ མ་མེ་ཏ ཝཱ་ཀྱཾ, མཱ་ཀཱ་སི ཀ་མྨཾ ནི་ར་ཡཱུ་པ་པ་ཏྟི་ཡཱ.
༤༤. ཨ་དྡྷཱ ཧི ས་ཙྩཾ ཝ་ཙ་ནཾ ཏ་ཝེ་ཏཾ, ཡ་ཐཱ ཨི་སཱི བྷཱ་ས་སི ཨེ་ཝ་མེ་ཏཾ;
ཀཱ་མཱ ཙ མེ ས་ནྟི ཨ་ན་པྤ་རཱུ་པཱ, ཏེ དུ་ཙྩ་ཛཱ མཱ་དི་ས་ཀེ་ན བྷི་ཀྑུ.
༤༥. ནཱ་གོ ཡ་ཐཱ པ་ངྐ་མ་ཛ྄ཛྷེ བྱ་ས་ནྣོ, པ་སྶཾ ཐ་ལཾ ནཱ་བྷི་ས་མྦྷོ་ཏི ག་ནྟུཾ;
ཨེ་ཝ་མྤ་ཧཾ [ཨེ་ཝ་མ་ཧཾ (སྱཱ.)] ཀཱ་མ་པ་ངྐེ བྱ་ས་ནྣོ, ན བྷི་ཀྑུ་ནོ མ་གྒ་མ་ནུ་བྦ་ཛཱ་མི.
༤༦. ཡ་ཐཱ་པི མཱ་ཏཱ ཙ པི་ཏཱ ཙ པུ་ཏྟཾ, ཨ་ནུ་སཱ་ས་རེ ཀི་ནྟི སུ་ཁཱི བྷ་ཝེ་ཡྻ;
ཨེ་ཝ་མྤི མཾ ཏྭཾ ཨ་ནུ་སཱ་ས བྷ་ནྟེ, ཡ་ཐཱ ཙི་རཾ [ཡ་མཱ་ཙ་རཾ (སཱི. པཱི. ཀ. ཨ་ཊྛ.)] པེ་ཙྩ སུ་ཁཱི བྷ་ཝེ་ཡྻཾ.
༤༧. ནོ ཙེ ཏུ་ཝཾ ཨུ་སྶ་ཧ་སེ ཛ་ནི་ནྡ, ཀཱ་མེ ཨི་མེ མཱ་ནུ་ས་ཀེ པ་ཧཱ་ཏུཾ;
དྷ་མྨིཾ [དྷ་མྨཾ (སཱི. པཱི.)] བ་ལིཾ པ་ཊྛ་པ་ཡ་སྶུ རཱ་ཛ, ཨ་དྷ་མྨ་ཀཱ་རོ ཏ་ཝ [ཨ་དྷ་མྨ་ཀཱ་རོ ཙ ཏེ (སཱི. སྱཱ. པཱི.)] མཱ་ཧུ ར་ཊྛེ.
༤༨. དཱུ་ཏཱ ཝི་དྷཱ་ཝ་ནྟུ དི་སཱ ཙ་ཏ་སྶོ, ནི་མ་ནྟ་ཀཱ ས་མ་ཎ་བྲཱ་ཧྨ་ཎཱ་ནཾ;
ཏེ ཨ་ནྣ་པཱ་ནེ་ན ཨུ་པ་ཊྛ་ཧ་སྶུ, ཝ་ཏྠེ་ན སེ་ནཱ་ས་ན་པ་ཙྩ་ཡེ་ན ཙ.
༤༩. ཨ་ནྣེ་ན པཱ་ནེ་ན པ་ས་ནྣ་ཙི་ཏྟོ, ས་ནྟ་པྤ་ཡ ས་མ་ཎ་བྲཱ་ཧྨ་ཎེ ཙ;
ད་ཏྭཱ ཙ བྷུ་ཏྭཱ ཙ ཡ་ཐཱ་ནུ་བྷཱ་ཝཾ, ཨ་ནི་ནྡི་ཏོ ས་གྒ་མུ་པེ་ཧི [མུ་པེ་ཏི (པཱི. ཀ.)] ཋཱ་ནཾ.
༥༠. ས་ཙེ ཙ ཏཾ རཱ་ཛ མ་དོ ས་ཧེ་ཡྻ, ནཱ་རཱི་ག་ཎེ་ཧི པ་རི་ཙཱ་ར་ཡ་ནྟཾ;
ཨི་མ་མེ་ཝ གཱ་ཐཾ མ་ན་སཱི ཀ་རོ་ཧི, བྷཱ་སེ་སི [བྷཱ་སེ་ཧི (སྱཱ. པཱི. ཀ.)] ཙེ་ནཾ པ་རི་སཱ་ཡ མ་ཛ྄ཛྷེ.
༥༡. ཨ་བྦྷོ་ཀཱ་ས་ས་ཡོ ཛ་ནྟུ, ཝ་ཛ་ནྟྱཱ ཁཱི་ར་པཱ་ཡི་ཏོ;
པ་རི་ཀི་ཎྞོ སུ་ཝཱ་ནེ་ཧི [སུ་པི་ནེ་ཧི (སཱི. པཱི.)], སྭཱ་ཛྫ རཱ་ཛཱ་ཏི ཝུ་ཙྩ་ཏཱི་ཏི.
ཙི་ཏྟ་ས་མྦྷཱུ་ཏ་ཛཱ་ཏ་ཀཾ དུ་ཏི་ཡཾ.
༤༩༩. སི་ཝི་ཛཱ་ཏ་ཀཾ (༣)
༥༢. དཱུ་རེ ཨ་པ་སྶཾ ཐེ་རོ་ཝ, ཙ་ཀྑུཾ ཡཱ་ཙི་ཏུ་མཱ་ག་ཏོ;
ཨེ་ཀ་ནེ་ཏྟཱ བྷ་ཝི་སྶཱ་མ, ཙ་ཀྑུཾ མེ དེ་ཧི ཡཱ་ཙི་ཏོ.
༥༣. ཀེ་ནཱ་ནུ་སི་ཊྛོ ཨི་དྷ མཱ་ག་ཏོ་སི, ཝ་ནི་བྦ་ཀ [ཝ་ཎི་བྦ་ཀ (སཱི.)] ཙ་ཀྑུ་པ་ཐཱ་ནི ཡཱ་ཙི་ཏུཾ;
སུ་དུ་ཙྩ་ཛཾ ཡཱ་ཙ་སི ཨུ་ཏྟ་མ་ངྒཾ, ཡ་མཱ་ཧུ ནེ་ཏྟཾ པུ་རི་སེ་ན དུ་ཙྩ་ཛཾ.
༥༤. ཡ་མཱ་ཧུ དེ་ཝེ་སུ སུ་ཛ་མྤ་ཏཱི་ཏི, མ་གྷ་ཝཱ་ཏི ནཾ ཨཱ་ཧུ མ་ནུ་སྶ་ལོ་ཀེ;
ཏེ་ནཱ་ནུ་སི་ཊྛོ ཨི་དྷ མཱ་ག་ཏོ་སྨི, ཝ་ནི་བྦ་ཀོ ཙ་ཀྑུ་པ་ཐཱ་ནི ཡཱ་ཙི་ཏུཾ.
༥༥. ཝ་ནི་བྦ་ཏོ [ཝ་ནི་བྦ་ཀོ (སྱཱ. པཱི.)] མ་ཡ྄ཧ ཝ་ནིཾ [ཝ་ནཾ (ཀ.), ཝ་ཎིཾ (སཱི. སྱཱ. པཱི.)] ཨ་ནུ་ཏྟ་རཾ, ད་དཱ་ཧི ཏེ ཙ་ཀྑུ་པ་ཐཱ་ནི ཡཱ་ཙི་ཏོ;
ད་དཱ་ཧི མེ ཙ་ཀྑུ་པ་ཐཾ ཨ་ནུ་ཏྟ་རཾ, ཡ་མཱ་ཧུ ནེ་ཏྟཾ པུ་རི་སེ་ན དུ་ཙྩ་ཛཾ.
༥༦. ཡེ་ན ཨ་ཏྠེ་ན ཨཱ་ག་ཙྪི [ཨཱ་ག་ཉྪི (སཱི. པཱི.)], ཡ་མ་ཏྠ་མ་བྷི་པ་ཏྠ་ཡཾ;
ཏེ ཏེ ཨི་ཛ྄ཛྷ་ནྟུ ས་ངྐ་པྤཱ, ལ་བྷ ཙ་ཀྑཱུ་ནི བྲཱ་ཧྨ་ཎ.
༥༧. ཨེ་ཀཾ ཏེ ཡཱ་ཙ་མཱ་ན་སྶ, ཨུ་བྷ་ཡཱ་ནི ད་དཱ་མ་ཧཾ;
ས ཙ་ཀྑུ་མཱ ག་ཙྪ ཛ་ན་སྶ པེ་ཀྑ་ཏོ, ཡ་དི་ཙྪ་སེ ཏྭཾ ཏ་ད་ཏེ ས་མི་ཛ྄ཛྷ་ཏུ.
༥༨. མཱ ནོ དེ་ཝ ཨ་དཱ ཙ་ཀྑུཾ, མཱ ནོ ས་བྦེ པ་རཱ་ཀ་རི [པ་ར་ཀྐ་རི (སྱཱ. ཀ. ཨ་ཊྛ.), པ་རི་ཀྐ་རི (ཀ.) པ་རི + ཨཱ + ཀ་རི = པ་རཱ་ཀ་རི];
དྷ་ནཾ དེ་ཧི མ་ཧཱ་རཱ་ཛ, མུ་ཏྟཱ ཝེ་ལུ༹་རི་ཡཱ བ་ཧཱུ.
༥༩. ཡུ་ཏྟེ དེ་ཝ ར་ཐེ དེ་ཧི, ཨཱ་ཛཱ་ནཱི་ཡེ ཙ་ལ་ངྐ་ཏེ;
ནཱ་གེ དེ་ཧི མ་ཧཱ་རཱ་ཛ, ཧེ་མ་ཀ་པྤ་ན་ཝཱ་ས་སེ.
༦༠. ཡ་ཐཱ ཏཾ སི་ཝ་ཡོ [སཱི་ཝི་ཡོ (སྱཱ.)] ས་བྦེ, ས་ཡོ་གྒཱ ས་ར་ཐཱ ས་དཱ;
ས་མ་ནྟཱ པ་རི་ཀི་རེ་ཡྻུཾ [པ་རི་ཀ་རེ་ཡྻུཾ (སྱཱ. པཱི.)], ཨེ་ཝཾ དེ་ཧི ར་ཐེ་ས་བྷ.
༦༡. ཡོ ཝེ ད་སྶ་ནྟི ཝ་ཏྭཱ་ན, ཨ་དཱ་ནེ ཀུ་རུ་ཏེ མ་ནོ;
བྷཱུ་མྱཾ [བྷཱུ་མྱཱ (སཱི. པཱི.)] སོ པ་ཏི་ཏཾ པཱ་སཾ, གཱི་ཝཱ་ཡཾ པ་ཊི་མུ་ཉྩ་ཏི.
༦༢. ཡོ ཝེ ད་སྶ་ནྟི ཝ་ཏྭཱ་ན, ཨ་དཱ་ནེ ཀུ་རུ་ཏེ མ་ནོ;
པཱ་པཱ པཱ་པ་ཏ་རོ ཧོ་ཏི, ས་མྤ་ཏྟོ ཡ་མ་སཱ་དྷ་ནཾ.
༦༣. ཡ་ཉྷི ཡཱ་ཙེ ཏ་ཉྷི ད་དེ, ཡཾ ན ཡཱ་ཙེ ན ཏཾ ད་དེ;
སྭཱ་ཧཾ ཏ་མེ་ཝ ད་སྶཱ་མི, ཡཾ མཾ ཡཱ་ཙ་ཏི བྲཱ་ཧྨ་ཎོ.
༦༤. ཨཱ་ཡུཾ ནུ ཝ་ཎྞཾ ནུ སུ་ཁཾ བ་ལཾ ནུ, ཀིཾ པ་ཏྠ་ཡཱ་ནོ ནུ ཛ་ནི་ནྡ དེ་སི;
ཀ་ཐ་ཉྷི རཱ་ཛཱ སི་ཝི་ནཾ ཨ་ནུ་ཏྟ་རོ, ཙ་ཀྑཱུ་ནི ད་ཛྫཱ པ་ར་ལོ་ཀ་ཧེ་ཏུ.
༦༥. ན ཝཱ་ཧ་མེ་ཏཾ ཡ་ས་སཱ ད་དཱ་མི, ན པུ་ཏྟ་མི་ཙྪེ ན དྷ་ནཾ ན ར་ཊྛཾ;
ས་ཏ་ཉྩ དྷ་མྨོ ཙ་རི་ཏོ པུ་རཱ་ཎོ, ཨི་ཙྩེ་ཝ དཱ་ནེ ར་མ་ཏེ མ་ནོ མ་མ [མ་མཾ (སཱི. པཱི.)].
༦༦. ས་ཁཱ ཙ མི་ཏྟོ ཙ མ་མཱ་སི སཱི་ཝི་ཀ [སཱི་ཝ་ཀ (སཱི. པཱི.)], སུ་སི་ཀྑི་ཏོ སཱ་དྷུ ཀ་རོ་ཧི མེ ཝ་ཙོ;
ཨུ་དྡྷ་རི་ཏྭཱ [ཨུ་དྡྷ་ཏྭ (སཱི.), ལ་དྡྷ ཏྭཾ (པཱི.)] ཙ་ཀྑཱུ་ནི མ་མཾ ཛི་གཱི་ས་ཏོ, ཧ་ཏྠེ་སུ ཋ་པེ་ཧི [ཨཱ་ཝེ་སི (སཱི.)] ཝ་ནི་བྦ་ཀ་སྶ.
༦༧. ཙོ་དི་ཏོ སི་ཝི་རཱ་ཛེ་ན, སི་ཝི་ཀོ ཝ་ཙ་ན་ངྐ་རོ;
ར་ཉྙོ ཙ་ཀྑཱུ་ནུ་དྡྷ་རི་ཏྭཱ [ཙ་ཀྑཱུ་ནི ཨུ་དྡྷ་ཏྭཱ (སཱི. པཱི.)], བྲཱ་ཧྨ་ཎ་སྶཱུ་པ་ནཱ་མ་ཡི;
ས་ཙ་ཀྑུ བྲཱ་ཧྨ་ཎོ ཨཱ་སི, ཨ་ནྡྷོ རཱ་ཛཱ ཨུ་པཱ་ཝི་སི.
༦༨. ཏ་ཏོ སོ ཀ་ཏི་པཱ་ཧ་སྶ, ཨུ་པ་རཱུ་ལ༹ྷེ་སུ ཙ་ཀྑུ་སུ;
སཱུ་ཏཾ ཨཱ་མ་ནྟ་ཡཱི རཱ་ཛཱ, སི་ཝཱི་ནཾ ར་ཊྛ་ཝ་ཌྜྷ་ནོ.
༦༩. ཡོ་ཛེ་ཧི སཱ་ར་ཐི ཡཱ་ནཾ, ཡུ་ཏྟ་ཉྩ པ་ཊི་ཝེ་ད་ཡ;
ཨུ་ཡྻཱ་ན་བྷཱུ་མིཾ ག་ཙྪཱ་མ, པོ་ཀྑ་ར་ཉྙོ ཝ་ནཱ་ནི ཙ.
༧༠. སོ ཙ པོ་ཀྑ་ར་ཎཱི་ཏཱི་རེ [པོ་ཀྑ་ར་ཎི་ཡཱ ཏཱི་རེ (སཱི. པཱི.)], པ་ལླ་ངྐེ་ན ཨུ་པཱ་ཝི་སི;
ཏ་སྶ ས་ཀྐོ པཱ་ཏུ་ར་ཧུ, དེ་ཝ་རཱ་ཛཱ སུ་ཛ་མྤ་ཏི.
༧༡. ས་ཀྐོ་ཧ་མ་སྨི དེ་ཝི་ནྡོ, ཨཱ་ག་ཏོ་སྨི ཏ་ཝ་ནྟི་ཀེ;
ཝ་རཾ ཝ་ར་སྶུ རཱ་ཛཱི་སི, ཡཾ ཀི་ཉྩི མ་ན་སི་ཙྪ་སི.
༧༢. པ་ཧཱུ་ཏཾ མེ དྷ་ནཾ ས་ཀྐ, བ་ལཾ ཀོ་སོ ཙ་ན་པྤ་ཀོ;