༡༦. ཏིཾ་ས་ནི་པཱ་ཏོ
༥༡༡. ཀིཾ་ཚ་ནྡ་ཛཱ་ཏ་ཀཾ (༡)
༡. ཀིཾ་ཚ་ནྡོ ཀི་མ་དྷི་པྤཱ་ཡོ, ཨེ་ཀོ ས་མྨ་སི གྷ་མྨ་ནི;
ཀིཾ པ་ཏྠ་ཡཱ་ནོ ཀིཾ ཨེ་སཾ, ཀེ་ན ཨ་ཏྠེ་ན བྲཱ་ཧྨ་ཎ.
༢. ཡ་ཐཱ མ་ཧཱ ཝཱ་རི་དྷ་རོ, ཀུ་མྦྷོ སུ་པ་རི་ཎཱ་ཧ་ཝཱ [སུ་པ་རི་ཎཱ་མ་ཝཱ (ཀ.)];
ཏ་ཐཱུ་པ་མཾ ཨ་མྦ་པ་ཀྐཾ, ཝ་ཎྞ་ག་ནྡྷ་ར་སུ་ཏྟ་མཾ.
༣. ཏཾ ཝུ་ཡ྄ཧ་མཱ་ནཾ སོ་ཏེ་ན, དི་སྭཱ་ནཱ་མ་ལ་མ་ཛ྄ཛྷི་མེ;
པཱ་ཎཱི་ཧི ནཾ ག་ཧེ་ཏྭཱ་ན, ཨ་གྱཱ་ཡ་ཏ་ན་མཱ་ཧ་རིཾ.
༤. ཏ་ཏོ ཀ་ད་ལི་པ་ཏྟེ་སུ, ནི་ཀྑི་པི་ཏྭཱ ས་ཡཾ ཨ་ཧཾ;
ས་ཏྠེ་ན ནཾ ཝི་ཀ་པྤེ་ཏྭཱ, ཁུ་པྤི་པཱ་སཾ ཨ་ཧཱ་སི མེ.
༥. སོ་ཧཾ ཨ་པེ་ཏ་ད་ར་ཐོ, བྱ་ནྟཱི་བྷཱུ་ཏོ [བྱ་ནྟི་བྷཱུ་ཏོ (སཱི. པཱི. ཀ.)] དུ་ཁ་ཀྑ་མོ;
ཨ་སྶཱ་དཾ ནཱ་དྷི་ག་ཙྪཱ་མི, ཕ་ལེ་སྭ་ཉྙེ་སུ ཀེ་སུ་ཙི [ཀེ་སུ་པི (ཀ. སཱི.)].
༦. སོ་སེ་ཏྭཱ ནཱུ་ན མ་ར་ཎཾ, ཏཾ མ་མཾ ཨཱ་ཝ་ཧི་སྶ་ཏི;
ཨ་མྦཾ ཡ་སྶ ཕ་ལཾ སཱ་དུ, མ་དྷུ་ར་གྒཾ མ་ནོ་ར་མཾ;
ཡ་མུ་དྡྷ་རིཾ ཝུ་ཡ྄ཧ་མཱ་ནཾ, ཨུ་ད་དྷི་སྨཱ མ་ཧ་ཎྞ་ཝེ.
༧. ཨ་ཀྑཱ་ཏཾ ཏེ མ་ཡཱ ས་བྦཾ, ཡ་སྨཱ ཨུ་པ་ཝ་སཱ་མ་ཧཾ;
ར་མྨཾ པ་ཏི ནི་སི་ནྣོ་སྨི, པུ་ཐུ་ལོ་མཱ་ཡུ་ཏཱ པུ་ཐུ.
༨. ཏྭ་ཉྩ ཁོ མེ་ཝ [མེ (སཱི.), མ་མ (?)] ཨ་ཀྑཱ་ཧི, ཨ་ཏྟཱ་ན་མ་པ་ལཱ་ཡི་ནི;
ཀཱ ཝཱ ཏྭ་མ་སི ཀ་ལྱཱ་ཎི, ཀི་སྶ ཝཱ ཏྭཾ སུ་མ་ཛ྄ཛྷི་མེ.
༩. རུ་པྤ་པ་ཊྚ་པ་ལི་མ་ཊྛཱི་ཝ [རུ་པྤ་པ་ཊྚ་པླ་མ་ཊྛཱི་ཝ (སྱཱ.), རཱུ་པ་པ་ཊྚ་པ་མ་ཊྛཱི་ཝ (ཀ.)], བྱ་གྒྷཱི་ཝ གི་རི་སཱ་ནུ་ཛཱ;
ཡཱ ས་ནྟི ནཱ་རི་ཡོ དེ་ཝེ་སུ, དེ་ཝཱ་ནཾ པ་རི་ཙཱ་རི་ཀཱ.
༡༠. ཡཱ ཙ མ་ནུ་སྶ་ལོ་ཀ་སྨིཾ, རཱུ་པེ་ནཱ་ནྭཱ་ག་ཏི་ཏྠི་ཡོ;
རཱུ་པེ་ན ཏེ ས་དི་སཱི ན་ཏྠི, དེ་ཝེ་སུ ག་ནྡྷ་བྦ་མ་ནུ་སྶ་ལོ་ཀེ [དེ་ཝ་ག་ནྡྷ་བྦ་མཱ་ནུ་སེ (སྱཱ.)];
པུ་ཊྛཱ་སི མེ ཙཱ་རུ་པུ་བྦ་ངྒི, བྲཱུ་ཧི ནཱ་མ་ཉྩ བ་ནྡྷ་ཝེ.
༡༡. ཡཾ ཏྭཾ པ་ཏི ནི་སི་ནྣོ་སི, ར་མྨཾ བྲཱ་ཧྨ་ཎ ཀོ་སི་ཀིཾ;
སཱ་ཧཾ བྷུ་སཱ་ལ་ཡཱ ཝུ་ཏྠཱ, ཝ་ར་ཝཱ་རི་ཝ་ཧོ་གྷ་སཱ.
༡༢. ནཱ་ནཱ་དུ་མ་ག་ཎཱ་ཀི་ཎྞཱ, བ་ཧུ་ཀཱ གི་རི་ཀ་ནྡ་རཱ;
མ་མེ་ཝ པ་མུ་ཁཱ ཧོ་ནྟི, ཨ་བྷི་ས་ནྡ་ནྟི པཱ་ཝུ་སེ.
༡༣. ཨ་ཐོ བ་ཧཱུ ཝ་ན་ཏོ་དཱ, ནཱི་ལ་ཝཱ་རི་ཝ་ཧི་ནྡྷ་རཱ;
བ་ཧུ་ཀཱ ནཱ་ག་ཝི་ཏྟོ་དཱ, ཨ་བྷི་ས་ནྡ་ནྟི ཝཱ་རི་ནཱ.
༡༤. ཏཱ ཨ་མྦ་ཛ་མྦུ་ལ་བུ་ཛཱ, ནཱི་པཱ ཏཱ་ལཱ ཙུ་དུ་མྦ་རཱ [ཏཱ་ལ་མུ་དུ་མྦ་རཱ (སྱཱ. ཀ.)];
བ་ཧཱུ་ནི ཕ་ལ་ཛཱ་ཏཱ་ནི, ཨཱ་ཝ་ཧ་ནྟི ཨ་བྷི་ཎྷ་སོ.
༡༥. ཡཾ ཀི་ཉྩི ཨུ་བྷ་ཏོ ཏཱི་རེ, ཕ་ལཾ པ་ཏ་ཏི ཨ་མྦུ་ནི;
ཨ་སཾ་ས་ཡཾ ཏཾ སོ་ཏ་སྶ, ཕ་ལཾ ཧོ་ཏི ཝ་སཱ་ནུ་གཾ.
༡༦. ཨེ་ཏ་ད་ཉྙཱ་ཡ མེ་དྷཱ་ཝི, པུ་ཐུ་པ་ཉྙ སུ་ཎོ་ཧི མེ;
མཱ རོ་ཙ་ཡ མ་བྷི་ས་ངྒཾ, པ་ཊི་སེ་དྷ ཛ་ནཱ་དྷི་པ.
༡༧. ན ཝཱ་ཧཾ ཝ་ཌྜྷ་ཝཾ [ཝ་དྡྷ་ཝཾ (སཱི. པཱི.)] མ་ཉྙེ, ཡཾ ཏྭཾ ར་ཊྛཱ་བྷི་ཝ་ཌྜྷ་ན;
ཨཱ་ཙེ་ཡྻ་མཱ་ནོ རཱ་ཛི་སི, མ་ར་ཎཾ ཨ་བྷི་ཀ་ངྑ་སི.
༡༨. ཏ་སྶ ཛཱ་ན་ནྟི པི་ཏ་རོ, ག་ནྡྷ་བྦཱ ཙ ས་དེ་ཝ་ཀཱ;
ཡེ ཙཱ་པི ཨི་ས་ཡོ ལོ་ཀེ, ས་ཉྙ་ཏ་ཏྟཱ ཏ་པ་སྶི་ནོ;
ཨ་སཾ་ས་ཡཾ ཏེ་པི [ཏེ (སཱི. པཱི.)] ཛཱ་ན་ནྟི, པ་ཊྛ་བྷཱུ་ཏཱ [ཝ་དྡྷ་བྷཱུ་ཏཱ (སཱི. པཱི.)] ཡ་ས་སྶི་ནོ.
༡༩. ཨེ་ཝཾ ཝི་དི་ཏྭཱ ཝི་དཱུ ས་བྦ་དྷ་མྨཾ, ཝི་དྡྷཾ་ས་ནཾ ཙ་ཝ་ནཾ ཛཱི་ཝི་ཏ་སྶ;
ན ཙཱི་ཡ་ཏཱི ཏ་སྶ ན་ར་སྶ པཱ་པཾ, ས་ཙེ ན ཙེ་ཏེ་ཏི ཝ་དྷཱ་ཡ ཏ་སྶ.
༢༠. ཨི་སི་པཱུ་ག་ས་མ་ཉྙཱ་ཏེ, ཨེ་ཝཾ ལོ་ཀྱཱ ཝི་དི་ཏཱ ས་ཏི [པ་ཏི (ཀ. སྱཱ. ཀ.)];
ཨ་ན་རི་ཡ་པ་རི་ས་མྦྷཱ་སེ, པཱ་པ་ཀ་མྨཾ ཛི་གཱི་ས་སི [ཛི་གིཾ་ས་སི (སཱི. སྱཱ. པཱི.)].
༢༡. ས་ཙེ ཨ་ཧཾ མ་རི་སྶཱ་མི, ཏཱི་རེ ཏེ པུ་ཐུ་སུ་སྶོ་ཎི;
ཨ་སཾ་ས་ཡཾ ཏཾ ཨ་སི་ལོ་ཀོ, མ་ཡི པེ་ཏེ ཨཱ་ག་མི་སྶ་ཏི.
༢༢. ཏ་སྨཱ ཧི པཱ་པ་ཀཾ ཀ་མྨཾ, ར་ཀྑ་སྶེ་ཝ [ར་ཀྑ་སྶུ ཙ (སྱཱ.)] སུ་མ་ཛ྄ཛྷི་མེ;
མཱ ཏཾ ས་བྦོ ཛ་ནོ པ་ཙྪཱ, པ་ཀུ་ཊྛཱ་ཡི [པ་ཀ་ཏྠཱ་སི (སཱི. པཱི.), པ་ཏྭ་ཀྑཱ་སི (སྱཱ.)] མ་ཡི མ་ཏེ.
༢༣. ཨ་ཉྙཱ་ཏ་མེ་ཏཾ ཨ་ཝི་ས་ཡ྄ཧ་སཱ་ཧི, ཨ་ཏྟཱ་ན་མ་མྦ་ཉྩ ད་དཱ་མི ཏེ ཏཾ;
སོ དུ་ཙྩ་ཛེ ཀཱ་མ་གུ་ཎེ པ་ཧཱ་ཡ, ས་ནྟི་ཉྩ དྷ་མྨ་ཉྩ ཨ་དྷི་ཊྛི་ཏོ་སི.
༢༤. ཡོ ཧི་ཏྭཱ པུ་བྦ་ས་ཉྙོ་གཾ, པ་ཙྪཱ སཾ་ཡོ་ཛ་ནེ ཋི་ཏོ;
ཨ་དྷ་མྨ་ཉྩེ་ཝ ཙ་ར་ཏི, པཱ་པ་ཉྩ་སྶ པ་ཝ་ཌྜྷ་ཏི.
༢༥. ཨེ་ཧི ཏཾ པཱ་པ་ཡི་སྶཱ་མི, ཀཱ་མཾ ཨ་པྤོ་སྶུ་ཀོ བྷ་ཝ;
ཨུ་པཱ་ན་ཡཱ་མི སཱི་ཏ་སྨིཾ, ཝི་ཧ་རཱ་ཧི ཨ་ནུ་སྶུ་ཀོ.
༢༦. ཏཾ པུ་པྥ་ར་ས་མ་ཏྟེ་བྷི, ཝ་ཀྐ་ངྒེ་ཧི ཨ་རི་ནྡ་མ;
ཀོ་ཉྩཱ མ་ཡཱུ་རཱ དི་ཝི་ཡཱ, ཀོ་ལ་ཊྛི་མ་དྷུ་སཱ་ལི༹་ཀཱ;
ཀཱུ་ཛི་ཏཱ ཧཾ་ས་པཱུ་གེ་ཧི, ཀོ་ཀི་ལེ་ཏྠ པ་བོ་དྷ་རེ.
༢༧. ཨ་མྦེ་ཏྠ ཝི་པྤ་སཱ་ཁ་གྒཱ [ཝི་པྤ་སཱུ་ན་གྒཱ (སཱི. སྱཱ. པཱི.), ཝི་པྤ་ཨོ་ན་གྒཱ (ཀ.)], པ་ལཱ་ལ་ཁ་ལ་ས་ནྣི་བྷཱ;
ཀོ་ས་མྦ་ས་ལ༹་ལཱ [ཀོ་སུ་མྦྷ་ས་ལ་ལཱ (སཱི. སྱཱ. པཱི.)] ནཱི་པཱ, པ་ཀྐ་ཏཱ་ལ་ཝི་ལ་མྦི་ནོ.
༢༨. མཱ་ལཱི ཏི་རི་ཊཱི ཀཱ་ཡཱུ་རཱི, ཨ་ངྒ་དཱི ཙ་ནྡ་ནུ་སྶ་དོ [ཙ་ནྡ་ན་སྶ་དོ (སཱི.)];
ར་ཏྟིཾ ཏྭཾ པ་རི་ཙཱ་རེ་སི, དི་ཝཱ ཝེ་དེ་སི ཝེ་ད་ནཾ.
༢༩. སོ་ལ༹་སི་ཏྠི་ས་ཧ་སྶཱ་ནི, ཡཱ ཏེ་མཱ པ་རི་ཙཱ་རི་ཀཱ;
ཨེ་ཝཾ མ་ཧཱ་ནུ་བྷཱ་ཝོ་སི, ཨ་བྦྷུ་ཏོ ལོ་མ་ཧཾ་ས་ནོ.
༣༠. ཀིཾ ཀ་མྨ་མ་ཀ་རཱི པུ་བྦེ, པཱ་པཾ ཨ་ཏྟ་དུ་ཁཱ་ཝ་ཧཾ;
ཡཾ ཀ་རི་ཏྭཱ མ་ནུ་སྶེ་སུ, པི་ཊྛི་མཾ་སཱ་ནི ཁཱ་ད་སི.
༣༡. ཨ་ཛ྄ཛྷེ་ནཱ་ནི པ་ཊི་གྒ་ཡ྄ཧ, ཀཱ་མེ་སུ ག་དྷི་ཏོ [ག་ཐི་ཏོ (སཱི. པཱི.), གི་དྡྷི་ཏོ (སྱཱ. ཀ.), གི་དྡྷི་ཀོ (ཀ. ཨ་ཊྛ.)] ཨ་ཧཾ;
ཨ་ཙ་རིཾ དཱི་གྷ་མ་དྡྷཱ་ནཾ, པ་རེ་སཾ ཨ་ཧི་ཏཱ་ཡ་ཧཾ.
༣༢. ཡོ པི་ཊྛི་མཾ་སི་ཀོ ཧོ་ཏི, ཨེ་ཝཾ ཨུ་ཀྐ་ཙྩ ཁཱ་ད་ཏི;
ཡ་ཐཱ་ཧཾ ཨ་ཛྫ ཁཱ་དཱ་མི, པི་ཊྛི་མཾ་སཱ་ནི ཨ་ཏྟ་ནོ་ཏི.
ཀིཾ་ཚ་ནྡ་ཛཱ་ཏ་ཀཾ པ་ཋ་མཾ.
༥༡༢. ཀུ་མྦྷ་ཛཱ་ཏ་ཀཾ (༢)
༣༣. ཀོ པཱ་ཏུ་རཱ་སཱི ཏི་དི་ཝཱ ན་བྷ་མྷི, ཨོ་བྷཱ་ས་ཡཾ སཾ་ཝ་རིཾ ཙ་ནྡི་མཱ་ཝ;
ག་ཏྟེ་ཧི ཏེ ར་སྨི་ཡོ ནི་ཙྪ་ར་ནྟི, ས་ཏེ་ར་ཏཱ [ས་ཏེ་རི་ཏཱ (སཱི. སྱཱ. ཀ.)] ཝི་ཛྫུ་རི་ཝ་ནྟ་ལི་ཀྑེ.
༣༤. སོ ཚི་ནྣ་ཝཱ་ཏཾ ཀ་མ་སཱི ཨ་གྷ་མྷི, ཝེ་ཧཱ་ཡ་སཾ ག་ཙྪ་སི ཏི་ཊྛ་སཱི ཙ;
ཨི་དྡྷཱི ནུ ཏེ ཝ་ཏྠུ་ཀ་ཏཱ སུ་བྷཱ་ཝི་ཏཱ, ཨ་ན་དྡྷ་གཱུ་ནཾ ཨ་པི དེ་ཝ་ཏཱ་ནཾ.
༣༥. ཝེ་ཧཱ་ཡ་སཾ ག་མྨ་མཱ་ག་མྨ [ཀ་མ་མཱ་ག་མྨ (སཱི. སྱཱ.)] ཏི་ཊྛ་སི, ཀུ་མྦྷཾ ཀི་ཎཱ་ཐཱ་ཏི ཡ་མེ་ཏ་མ་ཏྠཾ;
ཀོ ཝཱ ཏུ་ཝཾ ཀི་སྶ ཝཱ ཏཱ་ཡ ཀུ་མྦྷོ, ཨ་ཀྑཱ་ཧི མེ བྲཱ་ཧྨ་ཎ ཨེ་ཏ་མ་ཏྠཾ.
༣༦. ན ས་པྤི་ཀུ་མྦྷོ ན་པི ཏེ་ལ་ཀུ་མྦྷོ, ན ཕཱ་ཎི་ཏ་སྶ ན མ་དྷུ་སྶ ཀུ་མྦྷོ;
ཀུ་མྦྷ་སྶ ཝ་ཛྫཱ་ནི ཨ་ན་པྤ་ཀཱ་ནི, དོ་སེ བ་ཧཱུ ཀུ་མྦྷ་ག་ཏེ སུ་ཎཱ་ཐ.
༣༧. ག་ལེ༹་ཡྻ ཡཾ པི་ཏྭཱ [པཱི་ཏྭཱ (སཱི. པཱི.)] པ་ཏེ པ་པཱ་ཏཾ, སོ་བྦྷཾ གུ་ཧཾ ཙ་ནྡ་ནི་ཡོ་ལི༹་ག་ལླཾ;
བ་ཧུ་མྤི བྷུ་ཉྫེ་ཡྻ ཨ་བྷོ་ཛ་ནེ་ཡྻཾ, ཏ་སྶཱ པུ་ཎྞཾ ཀུ་མྦྷ་མི་མཾ ཀི་ཎཱ་ཐ.
༣༨. ཡཾ པི་ཏྭཱ [ཡཾ ཝེ པཱི་ཏྭཱ (སཱི.)] ཙི་ཏྟ་སྨི་མ་ནེ་ས་མཱ་ནོ, ཨཱ་ཧི་ཎྜ་ཏཱི གོ་རི་ཝ བྷ་ཀྑ་སཱ་རཱི [བྷ་ཀྑ་སཱ་དཱི (སཱི. སྱཱ. ཨ་ཊྛ.)];
ཨ་ནཱ་ཐ་མཱ་ནོ ཨུ་པ་གཱ་ཡ་ཏི ན་ཙྩ་ཏི ཙ, ཏ་སྶཱ པུ་ཎྞཾ ཀུ་མྦྷ་མི་མཾ ཀི་ཎཱ་ཐ.
༣༩. ཡཾ ཝེ པི་ཝི་ཏྭཱ ཨ་ཙེ་ལོ་ཝ ན་གྒོ, ཙ་རེ་ཡྻ གཱ་མེ ཝི་སི་ཁ་ནྟ་རཱ་ནི;
ས་མྨཱུ་ལ༹ྷ་ཙི་ཏྟོ ཨ་ཏི་ཝེ་ལ་སཱ་ཡཱི, ཏ་སྶཱ པུ་ཎྞཾ ཀུ་མྦྷ་མི་མཾ ཀི་ཎཱ་ཐ.
༤༠. ཡཾ པི་ཏྭཱ ཨུ་ཊྛཱ་ཡ པ་ཝེ་དྷ་མཱ་ནོ, སཱི་ས་ཉྩ བཱ་ཧུ་ཉྩ [བཱ་ཧ་ཉྩ (པཱི.)] པ་ཙཱ་ལ་ཡ་ནྟོ;
སོ ན་ཙྩ་ཏཱི དཱ་རུ་ཀ་ཊ་ལླ་ཀོ་ཝ, ཏ་སྶཱ པུ་ཎྞཾ ཀུ་མྦྷ་མི་མཾ ཀི་ཎཱ་ཐ.
༤༡. ཡཾ ཝེ པི་ཝི་ཏྭཱ ཨ་གྒི་ད་ཌྜྷཱ ས་ཡ་ནྟི, ཨ་ཐོ སི་གཱ་ལེ་ཧི་པི ཁཱ་དི་ཏཱ་སེ;
བ་ནྡྷཾ ཝ་དྷཾ བྷོ་ག་ཛཱ་ནི་ཉྩུ་པེ་ནྟི, ཏ་སྶཱ པུ་ཎྞཾ ཀུ་མྦྷ་མི་མཾ ཀི་ཎཱ་ཐ.
༤༢. ཡཾ པི་ཏྭཱ བྷཱ་སེ་ཡྻ ཨཱ་བྷཱ་ས་ནེ་ཡྻཾ, ས་བྷཱ་ཡ་མཱ་སཱི་ནོ ཨ་པེ་ཏ་ཝ་ཏྠོ;
ས་མྨ་ཀྑི་ཏོ [ས་མ་ཀྑི་ཏོ (སཱི.)] ཝ་ནྟ་ག་ཏོ བྱ་ས་ནྣོ, ཏ་སྶཱ པུ་ཎྞཾ ཀུ་མྦྷ་མི་མཾ ཀི་ཎཱ་ཐ.
༤༣. ཡཾ ཝེ པི་ཝི་ཏྭཱ ཨུ་ཀྐ་ཊྛོ ཨཱ་ཝི་ལ་ཀྑོ, མ་མེ་ཝ ས་བྦཱ པ་ཐ་ཝཱི་ཏི མ་ཉྙེ [མ་ཉྙ་ཏི (སཱི.)];
ན མེ ས་མོ ཙཱ་ཏུ་ར་ནྟོ་པི རཱ་ཛཱ, ཏ་སྶཱ པུ་ཎྞཾ ཀུ་མྦྷ་མི་མཾ ཀི་ཎཱ་ཐ.
༤༤. མཱ་ནཱ་ཏི་མཱ་ནཱ ཀ་ལ་ཧཱ་ནི པེ་སུ་ཎཱི, དུ་བྦ་ཎྞི་ནཱི ན་གྒ་ཡི་ནཱི པ་ལཱ་ཡི་ནཱི;
ཙོ་རཱ་ན དྷུ་ཏྟཱ་ན ག་ཏཱི ནི་ཀེ་ཏོ, ཏ་སྶཱ པུ་ཎྞཾ ཀུ་མྦྷ་མི་མཾ ཀི་ཎཱ་ཐ.
༤༥. ཨི་དྡྷཱ་ནི ཕཱི་ཏཱ་ནི ཀུ་ལཱ་ནི ཨ་སྶུ, ཨ་ནེ་ཀ་སཱ་ཧ་སྶ་དྷ་ནཱ་ནི ལོ་ཀེ;
ཨུ་ཙྪི་ནྣ་དཱ་ཡ་ཛྫ་ཀ་ཏཱ་ནི་མཱ་ཡ, ཏ་སྶཱ པུ་ཎྞཾ ཀུ་མྦྷ་མི་མཾ ཀི་ཎཱ་ཐ.
༤༦. དྷ་ཉྙཾ དྷ་ནཾ ར་ཛ་ཏཾ ཛཱ་ཏ་རཱུ་པཾ, ཁེ་ཏྟཾ ག་ཝཾ ཡ་ཏྠ ཝི་ནཱ་ས་ཡ་ནྟི;
ཨུ་ཙྪེ་ད་ནཱི ཝི་ཏྟ་ཝ་ཏཾ [ཨུ་ཙྪེ་ད་ནཱི ཝི་ཏྟ་ག་ཏཾ (སྱཱ.), ཨུ་ཙྪེ་ད་ནི་ཝི་ཏྟ་ག་ཏཾ (ཀ.)] ཀུ་ལཱ་ནཾ, ཏ་སྶཱ པུ་ཎྞཾ ཀུ་མྦྷ་མི་མཾ ཀི་ཎཱ་ཐ.
༤༧. ཡཾ ཝེ པི་ཏྭཱ དི་ཏྟ་རཱུ་པོ་ཝ [དུ་ཊྛ་རཱུ་པོ་ཝ (སཱི.)] པོ་སོ, ཨ་ཀྐོ་ས་ཏི མཱ་ཏ་རཾ པི་ཏ་ར་ཉྩ;
ས་སྶུ་མྤི ག་ཎྷེ་ཡྻ ཨ་ཐོ་པི སུ་ཎྷཾ, ཏ་སྶཱ པུ་ཎྞཾ ཀུ་མྦྷ་མི་མཾ ཀི་ཎཱ་ཐ.
༤༨. ཡཾ ཝེ པི་ཏྭཱ དི་ཏྟ་རཱུ་པཱ་ཝ ནཱ་རཱི, ཨ་ཀྐོ་ས་ཏི ས་སུ་རཾ སཱ་མི་ཀ་ཉྩ;
དཱ་ས་མྤི ག་ཎྷེ པ་རི་ཙཱ་ར་ཀ་མྤི, ཏ་སྶཱ པུ་ཎྞཾ ཀུ་མྦྷ་མི་མཾ ཀི་ཎཱ་ཐ.
༤༩. ཡཾ ཝེ པི་ཝི་ཏྭཱ་ན [ཡ་ཉྩེ པཱི་ཏྭཱ་ན (པཱི.)] ཧ་ནེ་ཡྻ པོ་སོ, དྷ་མྨེ ཋི་ཏཾ ས་མ་ཎཾ བྲཱ་ཧྨ་ཎཾ ཝཱ;
ག་ཙྪེ ཨ་པཱ་ཡ་མྤི ཏ་ཏོ་ནི་དཱ་ནཾ, ཏ་སྶཱ པུ་ཎྞཾ ཀུ་མྦྷ་མི་མཾ ཀི་ཎཱ་ཐ.
༥༠. ཡཾ ཝེ པི་ཝི་ཏྭཱ དུ་ཙྩ་རི་ཏཾ ཙ་ར་ནྟི, ཀཱ་ཡེ་ན ཝཱ་ཙཱ་ཡ ཙ ཙེ་ཏ་སཱ ཙ;
ནི་ར་ཡཾ ཝ་ཛ་ནྟི དུ་ཙྩ་རི་ཏཾ ཙ་རི་ཏྭཱ, ཏ་སྶཱ པུ་ཎྞཾ ཀུ་མྦྷ་མི་མཾ ཀི་ཎཱ་ཐ.
༥༡. ཡཾ ཡཱ་ཙ་མཱ་ནཱ ན ལ་བྷ་ནྟི པུ་བྦེ, བ་ཧུཾ ཧི་ར་ཉྙ་མྤི པ་རི་ཙྩ་ཛ་ནྟཱ;
སོ ཏཾ པི་ཝི་ཏྭཱ ཨ་ལི་ཀཾ བྷ་ཎཱ་ཏི, ཏ་སྶཱ པུ་ཎྞཾ ཀུ་མྦྷ་མི་མཾ ཀི་ཎཱ་ཐ.
༥༢. ཡཾ ཝེ པི་ཏྭཱ པེ་ས་ནེ པེ་སི་ཡ་ནྟོ, ཨ་ཙྩཱ་ཡི་ཀེ ཀ་ར་ཎཱི་ཡ་མྷི ཛཱ་ཏེ;
ཨ་ཏྠ་མྤི སོ ན་པྤ་ཛཱ་ནཱ་ཏི ཝུ་ཏྟོ, ཏ་སྶཱ པུ་ཎྞཾ ཀུ་མྦྷ་མི་མཾ ཀི་ཎཱ་ཐ.
༥༣. ཧི་རཱི་མ་ནཱ་པི ཨ་ཧི་རཱི་ཀ་བྷཱ་ཝཾ, པཱ་ཏུཾ ཀ་རོ་ནྟི མ་ད་ནཱ་ཡ [མ་དི་རཱ་ཡ (པཱི.)] མ་ཏྟཱ;
དྷཱི་རཱ་པི ས་ནྟཱ བ་ཧུ་ཀཾ བྷ་ཎ་ནྟི, ཏ་སྶཱ པུ་ཎྞཾ ཀུ་མྦྷ་མི་མཾ ཀི་ཎཱ་ཐ.
༥༤. ཡཾ ཝེ པི་ཏྭཱ ཨེ་ཀ་ཐཱུ་པཱ ས་ཡ་ནྟི, ཨ་ནཱ་ས་ཀཱ ཐ་ཎྜི་ལ་དུ་ཀྑ་སེ་ཡྻཾ;
དུ་བྦ་ཎྞི་ཡཾ ཨཱ་ཡ་ས་ཀྱ་ཉྩུ་པེ་ནྟི, ཏ་སྶཱ པུ་ཎྞཾ ཀུ་མྦྷ་མི་མཾ ཀི་ཎཱ་ཐ.
༥༥. ཡཾ ཝེ པི་ཏྭཱ པ་ཏྟ་ཁ་ནྡྷཱ ས་ཡ་ནྟི, གཱ་ཝོ ཀུ་ཊ་ཧ་ཏཱ་ཝ ན ཧི ཝཱ་རུ་ཎི་ཡཱ;
[ཡཾ ཝེ པི་ཏྭཱ པ་ཏྟ་ཀྑ་ནྡྷཱ, ས་ཡ་ནྟི གཱ་ཝོ ཀཱུ་ཊ་ཧ་ཏཱ་རི་ཝ; ན ཧི ཝཱ་རུ་ཎི་ཡཱ ཝེ་གོ, ན་རེ་ན སུ་སྶ་ཧོ་རི་ཝ; (སཱི.)] ཝེ་གོ ན་རེ་ན སུ་ས་ཧོ་རི་ཝ [ཡཾ ཝེ པི་ཏྭཱ པ་ཏྟ་ཀྑ་ནྡྷཱ, ས་ཡ་ནྟི གཱ་ཝོ ཀཱུ་ཊ་ཧ་ཏཱ་རི་ཝ; ན ཧི ཝཱ་རུ་ཎི་ཡཱ ཝེ་གོ, ན་རེ་ན སུ་སྶ་ཧོ་རི་ཝ; (སཱི.)], ཏ་སྶཱ པུ་ཎྞཾ ཀུ་མྦྷ་མི་མཾ ཀི་ཎཱ་ཐ.
༥༦. ཡཾ མ་ནུ་སྶཱ ཝི་ཝ་ཛྫེ་ནྟི, ས་པྤཾ གྷོ་ར་ཝི་སཾ མི་ཝ [ཝི་ས་མི་ཝ (སྱཱ.), ཝི་སཾ ཨི་ཝ (ཀ.), ཝི་སཱ་མི་ཝ (?)];
ཏཾ ལོ་ཀེ ཝི་ས་ས་མཱ་ནཾ, ཀོ ན་རོ པཱ་ཏུ་མ་ར་ཧ་ཏི.
༥༧. ཡཾ ཝེ པི་ཏྭཱ ཨ་ནྡྷ་ཀ་ཝེ་ཎྜ་པུ་ཏྟཱ, ས་མུ་དྡ་ཏཱི་རེ པ་རི་ཙཱ་ར་ཡ་ནྟཱ [ཨ་ནྡྷ་ཀ་ཝེ་ཎྷུ་པུ་ཏྟཱ (སཱི. པཱི.), ཨ་ཎྜ་ཀ་ཝེ་ཎྜ་པུ་ཏྟཱ (ཀ.)];
ཨུ་པ་ཀྐ་མུཾ མུ་ས་ལེ་ཧ་ཉྙ་མ་ཉྙཾ, ཏ་སྶཱ པུ་ཎྞཾ ཀུ་མྦྷ་མི་མཾ ཀི་ཎཱ་ཐ.
༥༨. ཡཾ ཝེ པི་ཏྭཱ པུ་བྦ་དེ་ཝཱ པ་མ་ཏྟཱ, ཏི་དི་ཝཱ ཙུ་ཏཱ ས་སྶ་ཏི་ཡཱ ས་མཱ་ཡ;
ཏཾ ཏཱ་དི་སཾ མ་ཛྫ་མི་མཾ ནི་ར་ཏྠ་ཀཾ, ཛཱ་ནཾ མ་ཧཱ་རཱ་ཛ ཀ་ཐཾ པི་ཝེ་ཡྻ.
༥༩. ན་ཡི་མ་སྨིཾ ཀུ་མྦྷ་སྨིཾ ད་དྷི ཝཱ མ་དྷུ ཝཱ, ཨེ་ཝཾ ཨ་བྷི་ཉྙཱ་ཡ ཀི་ཎཱ་ཧི རཱ་ཛ;
ཨེ་ཝ་ཉྷི་མཾ ཀུ་མྦྷ་ག་ཏཱ མ་ཡཱ ཏེ, ཨ་ཀྑཱ་ཏ་རཱུ་པཾ ཏ་ཝ ས་བྦ་མི་ཏྟ.
༦༠. ན མེ པི་ཏཱ ཝཱ ཨ་ཐ་ཝཱ་པི མཱ་ཏཱ, ཨེ་ཏཱ་དི་སཱ ཡཱ་དི་ས་ཀོ ཏུ་ཝཾ་སི;
ཧི་ཏཱ་ནུ་ཀ་མྤཱི པ་ར་མ་ཏྠ་ཀཱ་མོ, སོ་ཧཾ ཀ་རི་སྶཾ ཝ་ཙ་ནཾ ཏ་ཝ་ཛྫ.
༦༡. ད་དཱ་མི ཏེ གཱ་མ་ཝ་རཱ་ནི པ་ཉྩ, དཱ་སཱི་ས་ཏཾ ས་ཏྟ ག་ཝཾ ས་ཏཱ་ནི;
ཨཱ་ཛ་ཉྙ་ཡུ་ཏྟེ ཙ ར་ཐེ ད་ས ཨི་མེ, ཨཱ་ཙ་རི་ཡོ ཧོ་སི མ་མ་ཏྠ་ཀཱ་མོ.
༦༢. ཏ་ཝེ་ཝ དཱ་སཱི་ས་ཏ་མ་ཏྠུ རཱ་ཛ, གཱ་མཱ ཙ གཱ་ཝོ ཙ ཏ་ཝེ་ཝ ཧོ་ནྟུ;
ཨཱ་ཛ་ཉྙ་ཡུ་ཏྟཱ ཙ ར་ཐཱ ཏ་ཝེ་ཝ, ས་ཀྐོ་ཧ་མ་སྨཱི ཏི་ད་སཱ་ན་མི་ནྡོ.
༦༣. མཾ་སོ་ད་ནཾ ས་པྤི་པཱ་ཡཱ་སཾ [ས་པྤི་པཱ་ཡ་ཉྩ (སཱི.)] བྷུ་ཉྫ, ཁཱ་ད་སྶུ ཙ ཏྭཾ མ་དྷུ་མཱ་ས་པཱུ་ཝེ;
ཨེ་ཝཾ ཏུ་ཝཾ དྷ་མྨ་ར་ཏོ ཛ་ནི་ནྡ, ཨ་ནི་ནྡི་ཏོ ས་གྒ་མུ་པེ་ཧི ཋཱ་ན་ནྟི.
ཀུ་མྦྷ་ཛཱ་ཏ་ཀཾ དུ་ཏི་ཡཾ.
༥༡༣. ཛ་ཡ་དྡི་ས་ཛཱ་ཏ་ཀཾ (༣)
༦༤. ཙི་ར་སྶཾ ཝ་ཏ མེ ཨུ་ད་པཱ་དི ཨ་ཛྫ, བྷ་ཀྑོ མ་ཧཱ ས་ཏྟ་མི་བྷ་ཏྟ་ཀཱ་ལེ;
ཀུ་ཏོ་སི ཀོ ཝཱ་སི ཏ་དི་ངྒྷ བྲཱུ་ཧི, ཨཱ་ཙི་ཀྑ ཛཱ་ཏིཾ ཝི་དི་ཏོ ཡ་ཐཱ་སི.
༦༥. པ་ཉྩཱ་ལ་རཱ་ཛཱ མི་ག་ཝཾ པ་ཝི་ཊྛོ, ཛ་ཡ་དྡི་སོ ནཱ་མ ཡ་དི་སྶུ་ཏོ ཏེ;
ཙ་རཱ་མི ཀ་ཙྪཱ་ནི ཝ་ནཱ་ནི ཙཱ་ཧཾ, པ་ས་དཾ ཨི་མཾ ཁཱ་ད མ་མ་ཛྫ མུ་ཉྩ.
༦༦. སེ་ནེ་ཝ ཏྭཾ པ་ཎ་སི ས་སྶ་མཱ་ནོ [ས་ཡ྄ཧ་མཱ་ནོ (སྱཱ. ཀ.)], མ་མེ་ས བྷ་ཀྑོ པ་ས་དོ ཡཾ ཝ་དེ་སི;
ཏཾ ཁཱ་དི་ཡཱ་ན པ་ས་དཾ ཛི་གྷ་ཉྙཾ [ཛི་གྷ་ཙྪཾ (?)], ཁཱ་དི་སྶཾ པ་ཙྪཱ ན ཝི་ལཱ་པ་ཀཱ་ལོ.
༦༧. ན ཙ་ཏྠི མོ་ཀྑོ མ་མ ནི་ཀྐ་ཡེ་ན [ཝི་ཀྐ་ཡེ་ན (སཱི.)], ག་ནྟྭཱ་ན པ་ཙྩཱ་ག་མ་ནཱ་ཡ པ་ཎྷེ;
ཏཾ ས་ངྐ་རཾ [ས་ངྒ་རཾ (སཱི. སྱཱ. པཱི.)] བྲཱ་ཧྨ་ཎ་སྶ་པྤ་དཱ་ཡ, ས་ཙྩཱ་ནུ་ར་ཀྑཱི པུ་ན་རཱ་ཝ་ཛི་སྶཾ.
༦༨. ཀིཾ ཀ་མྨ་ཛཱ་ཏཾ ཨ་ནུ་ཏ་པྤ་ཏེ ཏྭཾ [ཨ་ནུ་ཏ་པྤ་ཏཱི ཏཾ (སཱི. པཱི.)], པ་ཏྟཾ ས་མཱི་པཾ མ་ར་ཎ་སྶ རཱ་ཛ;
ཨཱ་ཙི་ཀྑ མེ ཏཾ ཨ་པི ས་ཀྐུ་ཎེ་མུ, ཨ་ནུ་ཛཱ་ནི་ཏུཾ ཨཱ་ག་མ་ནཱ་ཡ པ་ཎྷེ.
༦༩. ཀ་ཏཱ མ་ཡཱ བྲཱ་ཧྨ་ཎ་སྶ དྷ་ནཱ་སཱ, ཏཾ ས་ངྐ་རཾ པ་ཊི་མུ་ཀྐཾ ན མུ་ཏྟཾ;
ཏཾ ས་ངྐ་རཾ བྲཱ་ཧྨ་ཎ་སྶ་པྤ་དཱ་ཡ, ས་ཙྩཱ་ནུ་ར་ཀྑཱི པུ་ན་རཱ་ཝ་ཛི་སྶཾ.
༧༠. ཡཱ ཏེ ཀ་ཏཱ བྲཱ་ཧྨ་ཎ་སྶ དྷ་ནཱ་སཱ, ཏཾ ས་ངྐ་རཾ པ་ཊི་མུ་ཀྐཾ ན མུ་ཏྟཾ;
ཏཾ ས་ངྐ་རཾ བྲཱ་ཧྨ་ཎ་སྶ་པྤ་དཱ་ཡ, ས་ཙྩཱ་ནུ་ར་ཀྑཱི པུ་ན་རཱ་ཝ་ཛ་སྶུ.