༤༣༧. པཱུ་ཏི་མཾ་ས་ཛཱ་ཏ་ཀཾ (༡༡)
༩༦. ན ཁོ མེ རུ་ཙྩ་ཏི ཨཱ་ལི༹, པཱུ་ཏི་མཾ་ས་སྶ པེ་ཀྑ་ནཱ;
ཨེ་ཏཱ་དི་སཱ ས་ཁཱ་ར་སྨཱ, ཨཱ་ར་ཀཱ པ་རི་ཝ་ཛྫ་ཡེ.
༩༧. ཨུ་མྨ་ཏྟི་ཀཱ ཨ་ཡཾ ཝེ་ཎཱི, ཝ་ཎྞེ་ཏི པ་ཏི་ནོ ས་ཁིཾ;
པ་ཛ྄ཛྷཱ་ཡི [པ་ཛ྄ཛྷཱ་ཏི (སཱི. པཱི.), པ་ཛ྄ཛྷཱ་ཡ་ཏི (སཱི. ནི་ཡྻ)] པ་ཊི་ག་ཙྪ་ནྟིཾ, ཨཱ་ག་ཏཾ མེ་ཎྜ [མེ་ལ༹ (སཱི. པཱི.)] མཱ་ཏ་རཾ.
༩༨. ཏྭཾ ཁོ་སི ས་མྨ ཨུ་མྨ་ཏྟོ, དུ་མྨེ་དྷོ ཨ་ཝི་ཙ་ཀྑ་ཎོ;
ཡོ ཏྭཾ [སོ ཏྭཾ (སྱཱ.)] མ་ཏཱ་ལ་ཡཾ ཀ་ཏྭཱ, ཨ་ཀཱ་ལེ་ན ཝི་པེ་ཀྑ་སི.
༩༩. ན ཨ་ཀཱ་ལེ ཝི་པེ་ཀྑེ་ཡྻ, ཀཱ་ལེ པེ་ཀྑེ་ཡྻ པ་ཎྜི་ཏོ;
པཱུ་ཏི་མཾ་སོ་ཝ པ་ཛ྄ཛྷཱ་ཡི [པ་ཛ྄ཛྷཱ་ཏི (སཱི. པཱི.), པ་ཛ྄ཛྷཱ་ཡ་ཏི (སཱི. ནི་ཡྻ)], ཡོ ཨ་ཀཱ་ལེ ཝི་པེ་ཀྑ་ཏི.
༡༠༠. པི་ཡཾ ཁོ ཨཱ་ལི༹ མེ ཧོ་ཏུ, པུ་ཎྞ་པ་ཏྟཾ ད་དཱ་ཧི མེ;
པ་ཏི ས་ཉྫཱི་ཝི་ཏོ མ་ཡ྄ཧཾ, ཨེ་ཡྻཱ་སི པི་ཡ་པུ་ཙྪི་ཀཱ [པུ་ཙྪི་ཏཱ (སྱཱ. ཀ.)].
༡༠༡. པི་ཡཾ ཁོ ཨཱ་ལི༹ ཏེ ཧོ་ཏུ, པུ་ཎྞ་པ་ཏྟཾ ད་དཱ་མི ཏེ;
མ་ཧ་ཏཱ པ་རི་ཝཱ་རེ་ན [པ་རི་ཧཱ་རེ་ན (སྱཱ.)], ཨེ་སྶཾ [ཨེ་སཾ (སཱི. པཱི.)] ཀ་ཡི་རཱ་ཧི [ཀ་ཡི་རཱ་སི (པཱི.)] བྷོ་ཛ་ནཾ.
༡༠༢. ཀཱི་དི་སོ ཏུ་ཡ྄ཧཾ པ་རི་ཝཱ་རོ, ཡེ་སཾ ཀཱ་ཧཱ་མི བྷོ་ཛ་ནཾ;
ཀིཾ་ནཱ་མ་ཀཱ ཙ ཏེ ས་བྦེ, ཏཾ [ཏེ (སཱི. སྱཱ. པཱི.)] མེ ཨ་ཀྑཱ་ཧི པུ་ཙྪི་ཏཱ.
༡༠༣. མཱ་ལི་ཡོ ཙ་ཏུ་ར་ཀྑོ ཙ, པི་ངྒི་ཡོ ཨ་ཐ ཛ་མྦུ་ཀོ;
ཨེ་དི་སོ མ་ཡ྄ཧཾ པ་རི་ཝཱ་རོ, ཏེ་སཾ ཀ་ཡི་རཱ་ཧི [ཀ་ཡི་རཱ་སི (པཱི.)] བྷོ་ཛ་ནཾ.
༡༠༤. ནི་ཀྑ་ནྟཱ་ཡ ཨ་གཱ་ར་སྨཱ, བྷ་ཎྜ་ཀ་མྤི ཝི་ན་སྶ་ཏི;
ཨཱ་རོ་གྱཾ ཨཱ་ལི༹་ནོ ཝ་ཛྫཾ [ཝ་ཙྪཾ (?)], ཨི་དྷེ་ཝ ཝ་ས མཱ་ག་མཱ་ཏི.
པཱུ་ཏི་མཾ་ས་ཛཱ་ཏ་ཀཾ ཨེ་ཀཱ་ད་ས་མཾ.