༤༢༧. གི་ཛ྄ཛྷ་ཛཱ་ཏ་ཀཾ (༡)
༡. པ་རི་ས་ངྐུ་པ་ཐོ ནཱ་མ, གི་ཛ྄ཛྷ་པ་ནྠོ ས་ན་ནྟ་ནོ;
ཏ་ཏྲཱ་སི མཱ་ཏཱ་པི་ཏ་རོ, གི་ཛ྄ཛྷོ པོ་སེ་སི ཛི་ཎྞ་ཀེ;
ཏེ་སཾ ཨ་ཛ་ག་ར་མེ་དཾ, ཨ་ཙྩ་ཧཱ་སི བ་ཧུ་ཏྟ་སོ [པ་ཧུ་ཏྟ་ཏོ (ཀ. སཱི.), པ་ཧཱུ་ཏ་སོ (སྱཱ. པཱི.), བ་ཧུ་དྷ་སོ (ཀ.)].
༢. པི་ཏཱ ཙ པུ་ཏྟཾ ཨ་ཝ་ཙ, ཛཱ་ནཾ ཨུ་ཙྩཾ པ་པཱ་ཏི་ནཾ;
སུ་པ་ཏྟཾ ཐཱ་མ་ས་མྤ་ནྣཾ [པ་ཀྑ་ས་མྤ་ནྣཾ (སཱི. སྱཱ. པཱི.)], ཏེ་ཛ་སྶིཾ དཱུ་ར་གཱ་མི་ནཾ.
༣. པ་རི་པླ་ཝ་ནྟཾ པ་ཐ་ཝིཾ, ཡ་དཱ ཏཱ་ཏ ཝི་ཛཱ་ན་ཧི;
སཱ་ག་རེ་ན པ་རི་ཀྑི་ཏྟཾ, ཙ་ཀྐཾ་ཝ པ་རི་མ་ཎྜ་ལཾ;
ཏ་ཏོ ཏཱ་ཏ ནི་ཝ་ཏྟ་སྶུ, མཱ་སྶུ ཨེ་ཏྟོ པ་རཾ ག་མི.
༤. ཨུ་ད་པ་ཏྟོ་སི [ཨུ་དྡྷཾ པ་ཏྟོ་སི (ཀ. སཱི.)] ཝེ་གེ་ན, བ་ལཱི པ་ཀྑཱི དི་ཛུ་ཏྟ་མོ;
ཨོ་ལོ་ཀ་ཡ་ནྟོ ཝ་ཀྐ་ངྒོ, པ་བྦ་ཏཱ་ནི ཝ་ནཱ་ནི ཙ.
༥. ཨ་དྡ་སྶ པ་ཐ་ཝིཾ གི་ཛ྄ཛྷོ, ཡ་ཐཱ་སཱ་སི [ཡ་ཐཱ་སྶཱ་སི (སྱཱ. ཨ་ཊྛ. པཱ་ཋ་ནྟ་རཾ)] པི་ཏུ་སྶུ་ཏཾ;
སཱ་ག་རེ་ན པ་རི་ཀྑི་ཏྟཾ, ཙ་ཀྐཾ་ཝ པ་རི་མ་ཎྜ་ལཾ.
༦. ཏ་ཉྩ སོ ས་མ་ཏི་ཀྐ་མྨ, པ་ར་མེ་ཝ་ཙྩ་ཝ་ཏྟ་ཐ [པ་ར་མེ་ཝ པ་ཝ་ཏྟ་ཐ (སཱི. སྱཱ.)];
ཏ་ཉྩ ཝཱ་ཏ་སི་ཁཱ ཏི་ཀྑཱ, ཨ་ཙྩ་ཧཱ་སི བ་ལིཾ དི་ཛཾ.
༧. ནཱ་ས་ཀྑཱ་ཏི་ག་ཏོ པོ་སོ, པུ་ན་དེ་ཝ ནི་ཝ་ཏྟི་ཏུཾ;
དི་ཛོ བྱ་ས་ན་མཱ་པཱ་དི, ཝེ་ར་མྦྷཱ་ནཾ [ཝེ་ར་མྦཱ་ནཾ (སཱི. པཱི.)] ཝ་སཾ ག་ཏོ.
༨. ཏ་སྶ པུ་ཏྟཱ ཙ དཱ་རཱ ཙ, ཡེ ཙ་ཉྙེ ཨ་ནུ་ཛཱི་ཝི་ནོ;
ས་བྦེ བྱ་ས་ན་མཱ་པཱ་དུཾ, ཨ་ནོ་ཝཱ་ད་ཀ་རེ དི་ཛེ.
༩. ཨེ་ཝ་མྤི ཨི་དྷ ཝུ་ཌྜྷཱ་ནཾ, ཡོ ཝཱ་ཀྱཾ ནཱ་ཝ་བུ་ཛ྄ཛྷ་ཏི;
ཨ་ཏི་སཱི་མ་ཙ་རོ དི་ཏྟོ, གི་ཛ྄ཛྷོ་ཝཱ་ཏཱི་ཏ་སཱ་ས་ནོ;
ས ཝེ བྱ་ས་ནཾ པ་པྤོ་ཏི, ཨ་ཀ་ཏྭཱ ཝུ་ཌྜྷ་སཱ་ས་ན་ནྟི.
གི་ཛ྄ཛྷ་ཛཱ་ཏ་ཀཾ པ་ཋ་མཾ.