༤༢༨. ཀོ་ས་མྦི་ཡ་ཛཱ་ཏ་ཀཾ (༢)

༡༠. པུ་ཐུ་ས་དྡོ ས་མ་ཛ་ནོ, ན བཱ་ལོ ཀོ་ཙི མ་ཉྙ་ཐ;

ས་ངྒྷ་སྨིཾ བྷི་ཛྫ་མཱ་ན་སྨིཾ, ནཱ་ཉྙཾ བྷི་ཡྻོ ཨ་མ་ཉྙ་རུཾ.

༡༡. པ་རི་མུ་ཊྛཱ པ་ཎྜི་ཏཱ་བྷཱ་སཱ, ཝཱ་ཙཱ་གོ་ཙ་ར་བྷཱ་ཎི་ནོ;

ཡཱ་ཝི་ཙྪ་ནྟི མུ་ཁཱ་ཡཱ་མཾ, ཡེ་ན ནཱི་ཏཱ ན ཏཾ ཝི་དཱུ.

༡༢. ཨ་ཀྐོ་ཙྪི མཾ ཨ་ཝ་དྷི མཾ, ཨ་ཛི་ནི མཾ ཨ་ཧཱ་སི མེ;

ཡེ ཙ ཏཾ ཨུ་པ་ན་ཡ྄ཧ་ནྟི, ཝེ་རཾ ཏེ་སཾ ན ས་མྨ་ཏི.

༡༣. ཨ་ཀྐོ་ཙྪི མཾ ཨ་ཝ་དྷི མཾ, ཨ་ཛི་ནི མཾ ཨ་ཧཱ་སི མེ;

ཡེ ཙ ཏཾ ནུ་པ་ན་ཡ྄ཧ་ནྟི, ཝེ་རཾ ཏེ་སཱུ་པ་ས་མྨ་ཏི.

༡༤. ན ཧི ཝེ་རེ་ན ཝེ་རཱ་ནི, ས་མྨ་ནྟཱི་དྷ ཀུ་དཱ་ཙ་ནཾ;

ཨ་ཝེ་རེ་ན ཙ ས་མྨ་ནྟི, ཨེ་ས དྷ་མྨོ ས་ན་ནྟ་ནོ.

༡༥. པ་རེ ཙ ན ཝི་ཛཱ་ན་ནྟི, མ་ཡ་མེ་ཏྠ ཡ་མཱ་མ་སེ;

ཡེ ཙ ཏ་ཏྠ ཝི་ཛཱ་ན་ནྟི, ཏ་ཏོ ས་མྨ་ནྟི མེ་དྷ་གཱ.

༡༦. ཨ་ཊྛི་ཙྪི་ནྣཱ པཱ་ཎ་ཧ་རཱ, ག་ཝ་སྶ [ག་ཝཱ་སྶ (སཱི. སྱཱ. པཱི.)] དྷ་ན་ཧཱ་རི་ནོ;

ར་ཊྛཾ ཝི་ལུ་མྤ་མཱ་ནཱ་ནཾ, ཏེ་ས་མྤི ཧོ་ཏི ས་ངྒ་ཏི;

ཀ་སྨཱ ཏུ་མྷཱ་ཀ ནོ སི་ཡཱ.

༡༧. ས་ཙེ ལ་བྷེ་ཐ ནི་པ་ཀཾ ས་ཧཱ་ཡཾ, ས་དྡྷིཾ་ཙ་རཾ སཱ་དྷུ་ཝི་ཧཱ་རི་དྷཱི་རཾ;

ཨ་བྷི་བྷུ་ཡྻ ས་བྦཱ་ནི པ་རི་སྶ་ཡཱ་ནི, ཙ་རེ་ཡྻ ཏེ་ན་ཏྟ་མ་ནོ ས་ཏཱི་མཱ.

༡༨. ནོ ཙེ ལ་བྷེ་ཐ ནི་པ་ཀཾ ས་ཧཱ་ཡཾ, ས་དྡྷིཾ་ཙ་རཾ སཱ་དྷུ་ཝི་ཧཱ་རི་དྷཱི་རཾ;

རཱ་ཛཱ་ཝ ར་ཊྛཾ ཝི་ཛི་ཏཾ པ་ཧཱ་ཡ, ཨེ་ཀོ ཙ་རེ མཱ་ཏ་ངྒ་ར་ཉྙེ་ཝ ནཱ་གོ.

༡༩. ཨེ་ཀ་སྶ ཙ་རི་ཏཾ སེ་ཡྻོ, ན་ཏྠི བཱ་ལེ ས་ཧཱ་ཡ་ཏཱ;

ཨེ་ཀོ ཙ་རེ ན པཱ་པཱ་ནི ཀ་ཡི་རཱ, ཨ་པྤོ་སྶུ་ཀྐོ མཱ་ཏ་ངྒ་ར་ཉྙེ་ཝ ནཱ་གོ་ཏི.

ཀོ་ས་མྦི་ཡ་ཛཱ་ཏ་ཀཾ དུ་ཏི་ཡཾ.