༤༢༦. དཱི་པི་ཛཱ་ཏ་ཀཾ (༡༠)
༨༨. ཁ་མ་ནཱི་ཡཾ ཡཱ་པ་ནཱི་ཡཾ, ཀ་ཙྩི མཱ་ཏུ་ལ ཏེ སུ་ཁཾ;
སུ་ཁཾ ཏེ ཨ་མྨཱ ཨ་ཝ་ཙ, སུ་ཁ་ཀཱ་མཱ་ཝ [སུ་ཁ་ཀཱ་མཱ ཧི (སཱི. སྱཱ. པཱི.)] ཏེ མ་ཡཾ.
༨༩. ན་ངྒུ་ཊྛཾ མེ ཨ་ཝ་ཀྐ་མྨ [ཨ་པ་ཀྐ་མྨ (ཀ.)], ཧེ་ཋ་ཡི་ཏྭཱ་ན [པོ་ཐ་ཡི་ཏྭཱ་ན (ཀ.)] ཨེ་ལི༹་ཀེ [ཨེ་ལ༹་ཀི (སྱཱ.), ཨེ་ལི༹་ཀི (པཱི.)];
སཱ་ཛྫ མཱ་ཏུ་ལ་ཝཱ་དེ་ན, མུ་ཉྩི་ཏ་བྦཱ ནུ མ་ཉྙ་སི.
༩༠. པུ་ར་ཏྠཱ་མུ་ཁོ ནི་སི་ནྣོ་སི, ཨ་ཧཾ ཏེ མུ་ཁ་མཱ་ག་ཏཱ;
པ་ཙྪ་ཏོ ཏུ་ཡ྄ཧཾ ན་ངྒུ་ཊྛཾ, ཀ་ཐཾ ཁྭཱ་ཧཾ ཨ་ཝ་ཀྐ་མིཾ [ཨ་པ་ཀྐ་མིཾ (ཀ.)].
༩༡. ཡཱ་ཝ་ཏཱ ཙ་ཏུ་རོ དཱི་པཱ, ས་ས་མུ་དྡཱ ས་པ་བྦ་ཏཱ;
ཏཱ་ཝ་ཏཱ མ་ཡ྄ཧཾ ན་ངྒུ་ཊྛཾ, ཀ་ཐཾ ཁོ ཏྭཾ ཝི་ཝ་ཛྫ་ཡི.
༩༢. པུ་བྦེ་ཝ མེ་ཏ་མ་ཀྑིཾ་སུ [མེ་ཏཾ ཨ་ཀྑཾ་སུ (སཱི. པཱི.)], མཱ་ཏཱ པི་ཏཱ ཙ བྷཱ་ཏ་རོ;
དཱི་གྷཾ དུ་ཊྛ་སྶ ན་ངྒུ་ཊྛཾ, སཱ་མྷི ཝེ་ཧཱ་ཡ་སཱ་ག་ཏཱ.
༩༣. ཏ་ཉྩ དི་སྭཱ་ན ཨཱ་ཡ་ནྟིཾ, ཨ་ནྟ་ལི་ཀྑ་སྨི ཨེ་ལི༹་ཀེ;
མི་ག་ས་ངྒྷོ པ་ལཱ་ཡི་ཏྠ, བྷ་ཀྑོ མེ ནཱ་སི་ཏོ ཏ་ཡཱ.
༩༤. ཨི་ཙྩེ་ཝཾ ཝི་ལ་པ་ནྟི་ཡཱ, ཨེ་ལ༹་ཀི་ཡཱ རུ་ཧ་གྒྷ་སོ;
ག་ལ་ཀཾ ཨ་ནྭཱ་ཝ་མ་དྡི, ན་ཏྠི དུ་ཊྛེ སུ་བྷཱ་སི་ཏཾ.
༩༥. ནེ་ཝ དུ་ཊྛེ ན་ཡོ ཨ་ཏྠི, ན དྷ་མྨོ ན སུ་བྷཱ་སི་ཏཾ;
ནི་ཀྐ་མཾ དུ་ཊྛེ ཡུ་ཉྫེ་ཐ, སོ ཙ ས་བྦྷིཾ ན ར་ཉྫ་ཏཱི་ཏི.
དཱི་པི་ཛཱ་ཏ་ཀཾ ད་ས་མཾ.
ཨ་ཊྛ་ཀ་ནི་པཱ་ཏཾ ནི་ཊྛི་ཏཾ.