༤༢༥. ཨ་ཊྛཱ་ན་ཛཱ་ཏ་ཀཾ (༩)

༧༧. ག་ངྒཱ ཀུ་མུ་དི་ནཱི ས་ནྟཱ, ས་ངྑ་ཝ་ཎྞཱ ཙ ཀོ་ཀི་ལཱ;

ཛ་མྦུ ཏཱ་ལ་ཕ་ལཾ ད་ཛྫཱ, ཨ་ཐ ནཱུ་ན ཏ་དཱ སི་ཡཱ.

༧༨. ཡ་དཱ ཀ་ཙྪ་པ་ལོ་མཱ་ནཾ, པཱ་ཝཱ་རོ ཏི་ཝི་དྷོ སི་ཡཱ;

ཧེ་མ་ནྟི་ཀཾ པཱ་ཝུ་ར་ཎཾ [པཱ་པུ་ར་ཎཾ (སཱི. སྱཱ. པཱི.)], ཨ་ཐ ནཱུ་ན ཏ་དཱ སི་ཡཱ.

༧༩. ཡ་དཱ མ་ཀ་ས་པཱ་དཱ་ནཾ [དཱ་ཋཱ་ནཾ (སཱི. པཱི.)], ཨ་ཊྚཱ་ལོ སུ་ཀ་ཏོ སི་ཡཱ;

ད་ལ༹ྷོ ཙ ཨ་ཝི་ཀ་མྤཱི ཙ [ཨ་པྤ་ཀ་མྤཱི ཙ (སཱི. པཱི.)], ཨ་ཐ ནཱུ་ན ཏ་དཱ སི་ཡཱ.

༨༠. ཡ་དཱ ས་ས་ཝི་སཱ་ཎཱ་ནཾ, ནི་སྶེ་ཎཱི སུ་ཀ་ཏཱ སི་ཡཱ;

ས་གྒ་སྶཱ་རོ་ཧ་ཎ་ཏྠཱ་ཡ, ཨ་ཐ ནཱུ་ན ཏ་དཱ སི་ཡཱ.

༨༡. ཡ་དཱ ནི་སྶེ་ཎི་མཱ་རུ་ཡ྄ཧ, ཙ་ནྡཾ ཁཱ་དེ་ཡྻུ མཱུ་སི་ཀཱ;

རཱ་ཧུ་ཉྩ པ་རི་པཱ་ཏེ་ཡྻུཾ [པ་རི་བཱ་ཧེ་ཡྻུཾ (སྱཱ.)], ཨ་ཐ ནཱུ་ན ཏ་དཱ སི་ཡཱ.

༨༢. ཡ་དཱ སུ་རཱ་གྷ་ཊཾ པི་ཏྭཱ, མ་ཀྑི་ཀཱ ག་ཎ་ཙཱ་རི་ཎཱི;

ཨ་ངྒཱ་རེ ཝཱ་སཾ ཀ་པྤེ་ཡྻུཾ, ཨ་ཐ ནཱུ་ན ཏ་དཱ སི་ཡཱ.

༨༣. ཡ་དཱ བི་མྦོ་ཊྛ་ས་མྤ་ནྣོ, ག་དྲ་བྷོ སུ་མུ་ཁོ སི་ཡཱ;

ཀུ་ས་ལོ ན་ཙྩ་གཱི་ཏ་སྶ, ཨ་ཐ ནཱུ་ན ཏ་དཱ སི་ཡཱ.

༨༤. ཡ་དཱ ཀཱ་ཀཱ ཨུ་ལཱུ་ཀཱ ཙ, མ་ནྟ་ཡེ་ཡྻུཾ ར་ཧོ་ག་ཏཱ;

ཨ་ཉྙ་མ་ཉྙཾ པི་ཧ་ཡེ་ཡྻུཾ, ཨ་ཐ ནཱུ་ན ཏ་དཱ སི་ཡཱ.

༨༥. ཡ་དཱ མུ་ལཱ༹་ལ [པུ་ལ་ས (སཱི. པཱི.), པུ་ལཱ་ས (སྱཱ.)] པ་ཏྟཱ་ནཾ, ཚ་ཏྟཾ ཐི་ར་ཏ་རཾ སི་ཡཱ;

ཝ་སྶ་སྶ པ་ཊི་གྷཱ་ཏཱ་ཡ, ཨ་ཐ ནཱུ་ན ཏ་དཱ སི་ཡཱ.

༨༦. ཡ་དཱ ཀུ་ལ་ཀོ [ཀུ་ལུ་ངྐོ (སཱི. པཱི.), ཀུ་ལུ་ཀོ (སྱཱ.)] ས་ཀུ་ཎོ, པ་བྦ་ཏཾ ག་ནྡྷ་མཱ་ད་ནཾ;

ཏུ་ཎྜེ་ནཱ་དཱ་ཡ ག་ཙྪེ་ཡྻ, ཨ་ཐ ནཱུ་ན ཏ་དཱ སི་ཡཱ.

༨༧. ཡ་དཱ སཱ་མུ་དྡི་ཀཾ ནཱ་ཝཾ, ས-ཡ་ནྟཾ ས-ཝ་ཊཱ་ཀ་རཾ [ས་པ་ཊཱ་ཀཱ་རཾ (ཀ.)];

ཙེ་ཊོ ཨཱ་དཱ་ཡ ག་ཙྪེ་ཡྻ, ཨ་ཐ ནཱུ་ན ཏ་དཱ སི་ཡཱ་ཏི.

ཨ་ཊྛཱ་ན་ཛཱ་ཏ་ཀཾ ན་ཝ་མཾ.