༤༢༣. ཨི་ནྡྲི་ཡ་ཛཱ་ཏ་ཀཾ (༧)
༦༠. ཡོ ཨི་ནྡྲི་ཡཱ་ནཾ ཀཱ་མེ་ན, ཝ་སཾ ནཱ་ར་ད ག་ཙྪ་ཏི;
སོ པ་རི་ཙྩ་ཛྫུ་བྷོ ལོ་ཀེ, ཛཱི་ཝ་ནྟོ་ཝ ཝི་སུ་སྶ་ཏི [ཛཱི་ཝ་ནྟོ་པི་ཝི་སུ་སྶ་ཏི (སྱཱ.), ཛཱི་ཝ་ནྟོ ཝཱ་པི སུ་སྶ་ཏི (ཀ.)].
༦༡. སུ་ཁ་སྶཱ་ན་ནྟ་རཾ དུ་ཀྑཾ, དུ་ཀྑ་སྶཱ་ན་ནྟ་རཾ སུ་ཁཾ;
སོ་སི [སོ་པི (སྱཱ. པཱི. ཀ.)] པ་ཏྟོ སུ་ཁཱ [སུ་ཁ (སྱཱ.), སུ་ཁཾ (ཀ.)] དུ་ཀྑཾ, པཱ་ཊི་ཀ་ངྑ ཝ་རཾ སུ་ཁཾ.
༦༢. ཀི་ཙྪ་ཀཱ་ལེ ཀི་ཙྪ་ས་ཧོ, ཡོ ཀི་ཙྪཾ ནཱ་ཏི་ཝ་ཏྟ་ཏི;
ས ཀི་ཙྪ་ནྟཾ སུ་ཁཾ དྷཱི་རོ, ཡོ་གཾ ས་མ་དྷི་ག་ཙྪ་ཏི.
༦༣. ན ཧེ་ཝ ཀཱ་མཱ་ན ཀཱ་མཱ, ནཱ་ན་ཏྠཱ ནཱ་ཏྠ་ཀཱ་ར་ཎཱ;
ན ཀ་ཏ་ཉྩ ནི་ར་ངྐ་ཏྭཱ, དྷ་མྨཱ ཙ་ཝི་ཏུ་མ་ར་ཧ་སི.
༦༤. ད་ཀྑཾ ག་ཧ་པ་ཏཱི [ག་ཧ་པ་ཏཾ (སཱི. སྱཱ. པཱི.), ག་ཧ་ཝ་ཏཾ (?)] སཱ་དྷུ, སཾ་ཝི་བྷ་ཛྫ་ཉྩ བྷོ་ཛ་ནཾ;
ཨ་ཧཱ་སོ ཨ་ཏྠ་ལཱ་བྷེ་སུ, ཨ་ཏྠ་བྱཱ་པ་ཏྟི ཨ་བྱ་ཐོ.
༦༥. ཨེ་ཏྟཱ་ཝ་ཏེ་ཏཾ པ་ཎྜི་ཙྩཾ, ཨ་པི སོ [ཨ་སི་ཏོ (སཱི. སྱཱ. པཱི.)] ད་ཝི་ལོ [དེ་ཝ་ལོ (སཱི. པཱི.)] བྲ་ཝི;
ན ཡི་ཏོ ཀི་ཉྩི པཱ་པི་ཡོ, ཡོ ཨི་ནྡྲི་ཡཱ་ནཾ ཝ་སཾ ཝ་ཛེ.
༦༦. ཨ་མི་ཏྟཱ་ནཾ་ཝ ཧ་ཏྠ་ཏྠཾ, སི་ཝི པ་པྤོ་ཏི མཱ་མི་ཝ;
ཀ་མྨཾ ཝི་ཛྫ་ཉྩ ད་ཀྑེ་ཡྻཾ, ཝི་ཝཱ་ཧཾ སཱི་ལ་མ་དྡ་ཝཾ;
ཨེ་ཏེ ཙ ཡ་སེ ཧཱ་པེ་ཏྭཱ, ནི་བྦ་ཏྟོ སེ་ཧི ཀ་མྨེ་ཧི.
༦༧. སོ་ཧཾ ས་ཧ་སྶ་ཛཱི་ནོ་ཝ ཨ་བ་ནྡྷུ ཨ་པ་རཱ་ཡ་ཎོ;
ཨ་རི་ཡ་དྷ་མྨཱ ཨ་པ་ཀྐ་ནྟོ, ཡ་ཐཱ པེ་ཏོ ཏ་ཐེ་ཝ་ཧཾ.
༦༨. སུ་ཁ་ཀཱ་མེ དུ་ཀྑཱ་པེ་ཏྭཱ, ཨཱ་པ་ནྣོ་སྨི པ་དཾ ཨི་མཾ;
སོ སུ་ཁཾ ནཱ་དྷི་ག་ཙྪཱ་མི, ཋི་ཏོ [ཙི་ཏོ (པཱི. སཱི. ཨ་ཊྛ.)] བྷཱ་ཎུ་མ་ཏཱ་མི་ཝཱ་ཏི.
ཨི་ནྡྲི་ཡ་ཛཱ་ཏ་ཀཾ ས་ཏྟ་མཾ.