༤༡༢. ཀོ་ཊ་སི་མྦ་ལི་ཛཱ་ཏ་ཀཾ (༧-༢-༧)
༡༢༡. ཨ་ཧཾ ད་ས་ས་ཏཾ་བྱཱ་མཾ, ཨུ་ར་ག་མཱ་དཱ་ཡ ཨཱ་ག་ཏོ;
ཏ་ཉྩ མ་ཉྩ མ་ཧཱ་ཀཱ་ཡཾ, དྷཱ་ར་ཡཾ ན་པྤ་ཝེ་དྷ་སི [ན པ་ཝེ་དྷ་ཡི (ཀ.)].
༡༢༢. ཨ་ཐི་མཾ ཁུ་དྡ་ཀཾ པ་ཀྑིཾ, ཨ་པྤ་མཾ་ས་ཏ་རཾ མ་ཡཱ;
དྷཱ་ར་ཡཾ བྱ་ཐ་སི [བྱཱ་དྷ་སེ (སཱི.), བྱ་དྷ་སེ (པཱི.), བྱཱ་དྷ་སི (ཀ.)] བྷཱི་ཏཱ [བྷཱི་ཏོ (སཱི. སྱཱ. པཱི.)], ཀ་མ་ཏྠཾ ཀོ་ཊ་སི་མྦ་ལི [ཀོ་ཊི་སི་མྦ་ལི (སཱི. པཱི.)].
༡༢༣. མཾ་ས་བྷ་ཀྑོ ཏུ་ཝཾ རཱ་ཛ, ཕ་ལ་བྷ་ཀྑོ ཨ་ཡཾ དི་ཛོ;
ཨ་ཡཾ ནི་གྲོ་དྷ་བཱི་ཛཱ་ནི, པི་ལ་ཀྑུ་དུ་མྦ་རཱ་ནི ཙ;
ཨ་སྶ་ཏྠཱ་ནི ཙ བྷ་ཀྑི་ཏྭཱ, ཁ་ནྡྷེ མེ ཨོ་ཧ་དི་སྶ་ཏི.
༡༢༤. ཏེ རུ་ཀྑཱ སཾ་ཝི་རཱུ་ཧ་ནྟི, མ་མ པ་སྶེ ནི་ཝཱ་ཏ་ཛཱ;
ཏེ མཾ པ་རི་ཡོ་ན་ནྡྷི་སྶ་ནྟི, ཨ་རུ་ཀྑཾ མཾ ཀ་རི་སྶ་རེ.
༡༢༥. ས་ནྟི ཨ་ཉྙེ་པི རུ་ཀྑཱ སེ, མཱུ་ལི་ནོ ཁ་ནྡྷི་ནོ དུ་མཱ;
ཨི་མི་ནཱ ས་ཀུ་ཎ་ཛཱ་ཏེ་ན, བཱི་ཛ་མཱ་ཧ་རི་ཏཱ ཧ་ཏཱ.
༡༢༦. ཨ་ཛ྄ཛྷཱ་རཱུ་ཧཱ་བྷི་ཝ་ཌྜྷ་ནྟི [ཨ་ཛ྄ཛྷཱ་རཱུ་ལ༹ྷཱ་བྷི་ཝ་ཌྜྷ་ནྟི (སཱི. པཱི.)], བྲ་ཧ་ནྟ་མྤི ཝ་ན་པྤ་ཏིཾ;
ཏ་སྨཱ རཱ་ཛ པ་ཝེ་དྷཱ་མི, ས་མྤ་སྶཾ་ནཱ་ག་ཏཾ བྷ་ཡཾ.
༡༢༧. ས་ངྐེ་ཡྻ ས་ངྐི་ཏ་བྦཱ་ནི, ར་ཀྑེ་ཡྻཱ་ནཱ་ག་ཏཾ བྷ་ཡཾ;
ཨ་ནཱ་ག་ཏ་བྷ་ཡཱ དྷཱི་རོ, ཨུ་བྷོ ལོ་ཀེ ཨ་ཝེ་ཀྑ་ཏཱི་ཏི.
ཀོ་ཊ་སི་མྦ་ལི་ཛཱ་ཏ་ཀཾ ས་ཏྟ་མཾ.