༤༠༧. མ་ཧཱ་ཀ་པི་ཛཱ་ཏ་ཀཾ (༧-༢-༢)
༨༣. ཨ་ཏྟཱ་ནཾ ས་ངྐ་མཾ ཀ་ཏྭཱ, ཡོ སོ་ཏྠིཾ ས་མ་ཏཱ་ར་ཡི;
ཀིཾ ཏྭཾ ཏེ་སཾ ཀི་མེ [ཀི་མོ (སཱི. པཱི.), ཀིཾ མེ (སྱཱ.)] ཏུ་ཡ྄ཧཾ, ཧོ་ནྟི ཨེ་ཏེ [ཧེ་ཏེ (སྱཱ.), སོ ཏེ (ཀ.)] མ་ཧཱ་ཀ་པི.
༨༤. རཱ་ཛཱ་ཧཾ ཨི་སྶ་རོ ཏེ་སཾ, ཡཱུ་ཐ་སྶ པ་རི་ཧཱ་ར་ཀོ;
ཏེ་སཾ སོ་ཀ་པ་རེ་ཏཱ་ནཾ, བྷཱི་ཏཱ་ནཾ ཏེ ཨ་རི་ནྡ་མ.
༨༥. ཨུ་ལླ་ངྒྷ་ཡི་ཏྭཱ [ས ལ་ངྒྷ་ཡི་ཏྭཱ (པཱི.), སུ་ལ་ངྒྷ་ཡི་ཏྭཱ (ཀ.)] ཨ་ཏྟཱ་ནཾ, ཝི་སྶ་ཊྛ་དྷ་ནུ་ནོ ས་ཏཾ;
ཏ་ཏོ ཨ་པ་ར་པཱ་དེ་སུ, ད་ལ༹ྷཾ བ་ནྡྷཾ ལ་ཏཱ་གུ་ཎཾ.
༨༦. ཚི་ནྣ་བྦྷ་མི་ཝ ཝཱ་ཏེ་ན, ནུ་ཎྞོ [ནུ་ནྣོ (སཱི.)] རུ་ཀྑཾ ཨུ་པཱ་ག་མིཾ;
སོ་ཧཾ ཨ་པྤ་བྷ་ཝཾ ཏ་ཏྠ, སཱ་ཁཾ ཧ་ཏྠེ་ཧི ཨ་གྒ་ཧིཾ.
༨༧. ཏཾ མཾ ཝི་ཡཱ་ཡ་ཏཾ ས་ནྟཾ, སཱ་ཁཱ་ཡ ཙ ལ་ཏཱ་ཡ ཙ;
ས་མ་ནུ་ཀྐ་མ་ནྟཱ པཱ་དེ་ཧི, སོ་ཏྠིཾ སཱ་ཁཱ་མི་གཱ ག་ཏཱ.
༨༨. ཏཾ མཾ ན ཏ་པ་ཏེ བ་ནྡྷོ, མ་ཏོ [ཝ་དྷོ (སཱི. སྱཱ. པཱི.)] མེ ན ཏ་པེ་སྶ་ཏི;
སུ་ཁ་མཱ་ཧ་རི་ཏཾ ཏེ་སཾ, ཡེ་སཾ ར་ཛྫ་མ་ཀཱ་ར་ཡིཾ.
༨༩. ཨེ་སཱ ཏེ ཨུ་པ་མཱ རཱ་ཛ, ཏཾ སུ་ཎོ་ཧི ཨ་རི་ནྡ་མ [ཨ་ཏྠ་ས་ནྡ་སྶ་ནཱི ཀ་ཏཱ (པཱི.)];
ར་ཉྙཱ ར་ཊྛ་སྶ ཡོ་གྒ་སྶ, བ་ལ་སྶ ནི་ག་མ་སྶ ཙ;
ས་བྦེ་སཾ སུ་ཁ་མེ་ཊྛ་བྦཾ, ཁ་ཏྟི་ཡེ་ན པ་ཛཱ་ན་ཏཱ་ཏི.
མ་ཧཱ་ཀ་པི་ཛཱ་ཏ་ཀཾ དུ་ཏི་ཡཾ.