༤༠༥. བ་ཀ་ཛཱ་ཏ་ཀཾ (༧-༡-༡༠)
༦༨. དྭཱ་ས་ཏྟ་ཏི གོ་ཏ་མ [བྷོ གོ་ཏ་མ (ཀ.)] པུ་ཉྙ་ཀ་མྨཱ, ཝ་ས་ཝ་ཏྟི་ནོ ཛཱ་ཏི་ཛ་རཾ ཨ་ཏཱི་ཏཱ;
ཨ་ཡ་མ་ནྟི་མཱ ཝེ་ད་གཱུ བྲ་ཧྨ་པ་ཏྟི [བྲ་ཧྨུ་པ་པ་ཏྟི (སྱཱ. ཀ.)], ཨ་སྨཱ་བྷི་ཛ་པྤ་ནྟི ཛ་ནཱ [པ་ཛཱ (ཀ.)] ཨ་ནེ་ཀཱ.
༦༩. ཨ་པྤ་ཉྷི ཨེ་ཏཾ [ཨ་པྤ་ཉྩ ཧེ་ཏཾ (སྱཱ.), ཨ་པྤཾ་སི ཨེ་ཏཾ (ཀ.)] ན ཧི དཱི་གྷ་མཱ་ཡུ, ཡཾ ཏྭཾ བ་ཀ མ་ཉྙ་སི དཱི་གྷ་མཱ་ཡུཾ;
ས་ཏཾ ས་ཧ་སྶཱ་ནི [ས་ཧ་སྶཱ་ནཾ (སཱི. པཱི. སཾ. ནི. ༡.༡༧༥), ས་ཧ་སྶཱ་ན (སྱཱ. ཀཾ.)] ནི་ར་བྦུ་དཱ་ནཾ, ཨཱ་ཡུཾ པ་ཛཱ་ནཱ་མི ཏ་ཝཱ་ཧ བྲ་ཧྨེ.
༧༠. ཨ་ན་ནྟ་ད་སྶཱི བྷ་ག་ཝཱ་ཧ་མ་སྨི, ཛཱ་ཏི་ཛྫ་རཾ སོ་ཀ་མུ་པཱ་ཏི་ཝ་ཏྟོ;
ཀིཾ མེ པུ་རཱ་ཎཾ ཝ་ཏ་སཱི་ལ་ཝ་ཏྟཾ [སཱི་ལ་ཝ་ནྟཾ (པཱི. ཀ.)], ཨཱ་ཙི་ཀྑ མེ ཏཾ ཡ་མ་ཧཾ ཝི་ཛ་ཉྙཾ.
༧༡. ཡཾ ཏྭཾ ཨ་པཱ་ཡེ་སི བ་ཧཱུ མ་ནུ་སྶེ, པི་པཱ་སི་ཏེ གྷ་མྨ་ནི ས་མྤ་རེ་ཏེ;
ཏཾ ཏེ པུ་རཱ་ཎཾ ཝ་ཏ་སཱི་ལ་ཝ་ཏྟཾ, སུ་ཏྟ་པྤ་བུ་དྡྷོ་ཝ ཨ་ནུ་སྶ་རཱ་མི.
༧༢. ཡཾ ཨེ་ཎི་ཀཱུ་ལ་སྨི ཛ་ནཾ ག་ཧཱི་ཏཾ, ཨ་མོ་ཙ་ཡཱི ག་ཡ྄ཧ་ཀ ནི་ཡྻ་མཱ་ནཾ;
ཏཾ ཏེ པུ་རཱ་ཎཾ ཝ་ཏ་སཱི་ལ་ཝ་ཏྟཾ, སུ་ཏྟ་པྤ་བུ་དྡྷོ་ཝ ཨ་ནུ་སྶ་རཱ་མི.
༧༣. ག་ངྒཱ་ཡ སོ་ཏ་སྨིཾ ག་ཧཱི་ཏ་ནཱ་ཝཾ, ལུ་དྡེ་ན ནཱ་གེ་ན མ་ནུ་སྶ་ཀ་པྤཱ;
ཨ་མོ་ཙ་ཡི ཏྭཾ བ་ལ་སཱ པ་ས་ཡ྄ཧ, ཏཾ ཏེ པུ་རཱ་ཎཾ ཝ་ཏ་སཱི་ལ་ཝ་ཏྟཾ;
སུ་ཏྟ་པྤ་བུ་དྡྷོ་ཝ ཨ་ནུ་སྶ་རཱ་མི.
༧༤. ཀ་པྤོ ཙ ཏེ བ་དྡྷ་ཙ་རོ [པ་ཏྠ་ཙ་རོ (སྱཱ.), པ་ཊྛ་ཙ་རོ (ཀ.)] ཨ་ཧོ་སི, ས་མྦུ་དྡྷི་མ་ནྟཾ [ས་མྦུ་དྡྷི་ཝ་ནྟཾ (སྱཱ. པཱི.), ས་མྦུ་དྡྷ་ཝ་ནྟཾ (ཀ.)] ཝ་ཏི་ནཾ [ཝ་ཏི་ཏཾ (སྱཱ.), ཝ་ཏི་དཾ (ཀ.)] ཨ་མ་ཉྙཾ;
ཏཾ ཏེ པུ་རཱ་ཎཾ ཝ་ཏ་སཱི་ལ་ཝ་ཏྟཾ, སུ་ཏྟ་པྤ་བུ་དྡྷོ་ཝ ཨ་ནུ་སྶ་རཱ་མི.
༧༥. ཨ་དྡྷཱ པ་ཛཱ་ནཱ་སི མ་མེ་ཏ་མཱ་ཡུཾ, ཨ་ཉྙ་མྤི ཛཱ་ནཱ་སི ཏ་ཐཱ ཧི བུ་དྡྷོ;
ཏ་ཐཱ ཧི ཏཱ་ཡཾ [ཏྱཱ་ཡཾ (སཾ. ནི. ༡.༡༧༥)] ཛ་ལི་ཏཱ་ནུ་བྷཱ་ཝོ, ཨོ་བྷཱ་ས་ཡཾ ཏི་ཊྛ་ཏི བྲ་ཧྨ་ལོ་ཀ་ནྟི.
བ་ཀ་ཛཱ་ཏ་ཀཾ ད་ས་མཾ.
ཀུ་ཀྐུ་ཝ་གྒོ པ་ཋ་མོ.
ཏ་སྶུ་དྡཱ་ནཾ –
ཝ་ར་ཀ་ཎྞི་ཀ ཙཱ་པ་ཝ་རོ སུ་ཏ་ནོ, ཨ་ཐ གི་ཛ྄ཛྷ ས་རོ་ཧི་ཏ་མ་ཙྪ་ཝ་རོ;
པུ་ན པ་ཎྞ་ཀ [ད་ས་ཎྞ་ཀ (སཱི. སྱཱ. པཱི.)] སེ་ན་ཀ ཡཱ་ཙ་ན་ཀོ, ཨ་ཐ ཝེ་རི ས་བྲ་ཧྨ་བ་ཀེ་ན ད་སཱ་ཏི.