༣༩༥. པཱ་རཱ་ཝ་ཏ་ཛཱ་ཏ་ཀཾ (༦-༢-༡༠)

༡༣༤. ཙི་ར་སྶཾ ཝ་ཏ པ་སྶཱ་མི, ས་ཧཱ་ཡཾ མ་ཎི་དྷཱ་རི་ནཾ;

སུ་ཀ་ཏཱ [སུ་ཀ་ཏཱ་ཡ (སཱི. པཱི.)] མ་སྶུ་ཀུ་ཏྟི་ཡཱ, སོ་བྷ་ཏེ ཝ་ཏ མེ ས་ཁཱ.

༡༣༥. པ་རཱུ་ལ༹ྷ་ཀ་ཙྪ་ན་ཁ་ལོ་མོ, ཨ་ཧཾ ཀ་མྨེ་སུ བྱཱ་ཝ་ཊོ;

ཙི་ར་སྶཾ ནྷཱ་པི་ཏཾ ལ་དྡྷཱ, ལོ་མཾ ཏཾ ཨ་ཛྫཾ ཧཱ་ར་ཡིཾ [ཨ་པ་ཧཱ་ར་ཡིཾ (སཱི. པཱི.)].

༡༣༦. ཡཾ ནུ ལོ་མཾ ཨ་ཧཱ་རེ་སི, དུ་ལླ་བྷཾ ལ་དྡྷ ཀ་པྤ་ཀཾ;

ཨ་ཐ ཀི་ཉྩ་ར་ཧི ཏེ ས་མྨ, ཀ་ཎྛེ ཀི་ཎི་ཀི་ཎཱ་ཡ་ཏི [ཨི་དཾ ཀ་ཎྛེ ཀི་ཎཱ་ཡ་ཏི (ཀ.), ཀ་ཎྛེ ཀིཾ་ནི་ཀི་ལཱ་ཡ་ཏི (སྱཱ.)].

༡༣༧. མ་ནུ་སྶ་སུ་ཁུ་མཱ་ལཱ་ནཾ, མ་ཎི ཀ་ཎྛེ་སུ ལ་མྦ་ཏི;

ཏེ་སཱ་ཧཾ ཨ་ནུ་སི་ཀྑཱ་མི, མཱ ཏྭཾ མ་ཉྙི ད་ཝཱ ཀ་ཏཾ.

༡༣༨. ས་ཙེ་པི་མཾ པི་ཧ་ཡ་སི, མ་སྶུ་ཀུ་ཏྟིཾ སུ་ཀཱ་རི་ཏཾ;

ཀཱ་ར་ཡི་སྶཱ་མི ཏེ ས་མྨ, མ་ཎི་ཉྩཱ་པི ད་དཱ་མི ཏེ.

༡༣༩. ཏྭ་ཉྙེ་ཝ མ་ཎི་ནཱ ཚ་ནྣོ, སུ་ཀ་ཏཱ་ཡ ཙ མ་སྶུ་ཡཱ;

ཨཱ་མ་ནྟ ཁོ ཏཾ ག་ཙྪཱ་མི, པི་ཡཾ མེ ཏ་ཝ ད་སྶ་ན་ནྟི.

པཱ་རཱ་ཝ་ཏ་ཛཱ་ཏ་ཀཾ [ཀཱ་ཀ་ཛཱ་ཏ་ཀཾ (སཱི. པཱི.), མ་ཎི་ཛཱ་ཏ་ཀཾ (སྱཱ.)] ད་ས་མཾ.

ཁ་ར་པུ་ཏྟ་ཝ་གྒོ [སེ་ན་ཀ་ཝ་གྒོ (སཱི. པཱི.), ཁུ་ར་པུ་ཏྟ་ཝ་གྒོ (སྱཱ.), སཱུ་ཙི་ཝ་གྒོ (ཀ.)] དུ་ཏི་ཡོ.

ཏ་སྶུ་དྡཱ་ནཾ –

ཨ་ཐ པ་སྶ ས་སཱུ་ཙི ཙ ཏུ་ཎྜི་ལ་ཀོ, མི་ག མ་ཡ྄ཧ་ཀ་པ་ཉྩ་མ་པ་ཀྑི་ཝ་རོ;

ཨ་ཐ པ་ཉྫ་ལི ཝཱ་རི་ཛ མེ་ཛ྄ཛྷ པུ་ན, ཨ་ཐ ཝ་ཊྚ ཀ་པོ་ཏ་ཝ་རེ་ན ད་སཱ་ཏི.

ཨ་ཐ ཝ་གྒུ་དྡཱ་ནཾ –

ཨ་ཐ ཝ་གྒཾ པ་ཀི་ཏྟི་སྶཾ, ཚ་ནི་པཱ་ཏཾ ཝ་རུ་ཏྟ་མེ;

ཨ་ཝཱ་རི་ཡཱ ཙ ཁ་རོ ཙ [སེ་ན་ཀ (སཱི.), སཱུ་ཙི ཙ (སྱཱ. ཀ.)], དྭེ ཙ ཝུ་ཏྟཱ སུ་བྱ་ཉྫ་ནཱ་ཏི.

ཚ་ཀྐ་ནི་པཱ་ཏཾ ནི་ཊྛི་ཏཾ.