༣༩༢. སི་ངྒྷ་པུ་པྥ་ཛཱ་ཏ་ཀཾ (༦-༢-༧)
༡༡༥. ཡ་མེ་ཏཾ [ཡ་མེ་ཀཾ (པཱི.)] ཝཱ་རི་ཛཾ པུ་པྥཾ, ཨ་དི་ནྣཾ ཨུ་པ་སི་ངྒྷ་སི;
ཨེ་ཀ་ངྒ་མེ་ཏཾ ཐེ་ཡྻཱ་ནཾ, ག་ནྡྷ་ཐེ་ནོ་སི མཱ་རི་ས.
༡༡༦. ན ཧ་རཱ་མི ན བྷ་ཉྫཱ་མི, ཨཱ་རཱ སི་ངྒྷཱ་མི ཝཱ་རི་ཛཾ;
ཨ་ཐ ཀེ་ན ནུ ཝ་ཎྞེ་ན, ག་ནྡྷ་ཐེ་ནོ་ཏི ཝུ་ཙྩ་ཏི.
༡༡༧. ཡོ་ཡཾ བྷི་སཱ་ནི ཁ་ཎ་ཏི, པུ་ཎྜ་རཱི་ཀཱ་ནི བྷ་ཉྫ་ཏི;
ཨེ་ཝཾ ཨཱ་ཀི་ཎྞ་ཀ་མྨ་ནྟོ, ཀ་སྨཱ ཨེ་སོ ན ཝུ་ཙྩ་ཏི.
༡༡༨. ཨཱ་ཀི་ཎྞ་ལུ་དྡོ པུ་རི་སོ, དྷཱ་ཏི་ཙེ་ལཾ་ཝ མ་ཀྑི་ཏོ;
ཏ་སྨིཾ མེ ཝ་ཙ་ནཾ ན་ཏྠི, ཏ་ཉྩཱ་ར་ཧཱ་མི ཝ་ཏྟ་ཝེ.
༡༡༩. ཨ་ན་ངྒ་ཎ་སྶ པོ་ས་སྶ, ནི་ཙྩཾ སུ་ཙི་ག་ཝེ་སི་ནོ;
ཝཱ་ལ་གྒ་མ་ཏྟཾ པཱ་པ་སྶ, ཨ་བྦྷཱ་མ་ཏྟཾ་ཝ ཁཱ་ཡ་ཏི.
༡༢༠. ཨ་དྡྷཱ མཾ ཡ་ཀྑ ཛཱ་ནཱ་སི, ཨ་ཐོ མཾ ཨ་ནུ་ཀ་མྤ་སི;
པུ་ན་པི ཡ་ཀྑ ཝ་ཛྫཱ་སི, ཡ་དཱ པ་སྶ་སི ཨེ་དི་སཾ.
༡༢༡. ནེ་ཝ ཏཾ ཨུ་པ་ཛཱི་ཝཱ་མི, ན་པི ཏེ བྷ་ཏ་ཀཱ་མྷ་སེ [བྷ་ཏ་ཀ་མྷ་སེ (སཱི. པཱི.), བྷ་ཏི་ཀ་མྷ་སེ (སྱཱ.)];
ཏྭ་མེ་ཝ བྷི་ཀྑུ ཛཱ་ནེ་ཡྻ, ཡེ་ན ག་ཙྪེ་ཡྻ སུ་གྒ་ཏི་ནྟི.
སི་ངྒྷ་པུ་པྥ [བྷི་ས་པུ་པྥ (སཱི. པཱི.), ཨུ་པ་སི་ངྒྷ་པུ་པྥ (སྱཱ.)] ཛཱ་ཏ་ཀཾ ས་ཏྟ་མཾ.