༣༩༣. ཝི་གྷཱ་སཱ་ད་ཛཱ་ཏ་ཀཾ (༦-༢-༨)
༡༢༢. སུ་སུ་ཁཾ ཝ་ཏ ཛཱི་ཝ་ནྟི, ཡེ ཛ་ནཱ ཝི་གྷཱ་སཱ་དི་ནོ;
དི་ཊྛེ་ཝ དྷ་མྨེ པཱ་སཾ་སཱ, ས་མྤ་རཱ་ཡེ ཙ སུ་གྒ་ཏཱི.
༡༢༣. སུ་ཀ་སྶ [སུ་ཝ་སྶ (སཱི. སྱཱ. པཱི.)] བྷཱ་ས་མཱ་ན་སྶ, ན ནི་སཱ་མེ་ཐ པ་ཎྜི་ཏཱ;
ཨི་དཾ སུ་ཎཱ་ཐ སོ་ད་རི་ཡཱ, ཨ་མྷེ་ཝཱ་ཡཾ པ་སཾ་ས་ཏི.
༡༢༤. ནཱ་ཧཾ ཏུ་མྷེ པ་སཾ་སཱ་མི, ཀུ་ཎ་པཱ་དཱ སུ་ཎཱ་ཐ མེ;
ཨུ་ཙྪི་ཊྛ་བྷོ་ཛི་ནོ [བྷོ་ཛ་ནཱ (ཀ.)] ཏུ་མྷེ, ན ཏུ་མྷེ ཝི་གྷཱ་སཱ་དི་ནོ.
༡༢༥. ས་ཏྟ་ཝ་སྶཱ པ་བྦ་ཛི་ཏཱ, མེ་ཛ྄ཛྷཱ་ར་ཉྙེ [མ་ཛ྄ཛྷེ་ར་ཉྙེ (ཀ.)] སི་ཁ་ཎྜི་ནོ;
ཝི་གྷཱ་སེ་ནེ་ཝ ཡཱ་པེ་ནྟཱ, མ་ཡཾ ཙེ བྷོ་ཏོ གཱ་ར་ཡ྄ཧཱ;
ཀེ ནུ བྷོ་ཏོ པ་སཾ་སི་ཡཱ.
༡༢༦. ཏུ་མྷེ སཱི་ཧཱ་ནཾ བྱ་གྒྷཱ་ནཾ, ཝཱ་ལཱ༹་ན་ཉྩཱ་ཝ་སི་ཊྛ་ཀཾ;
ཨུ་ཙྪི་ཊྛེ་ནེ་ཝ ཡཱ་པེ་ནྟཱ, མ་ཉྙི་ཝ྄ཧོ ཝི་གྷཱ་སཱ་དི་ནོ.
༡༢༧. ཡེ བྲཱ་ཧྨ་ཎ་སྶ ས་མ་ཎ་སྶ, ཨ་ཉྙ་སྶ ཝཱ [ཨ་ཉྙ་སྶ ཙ (སཱི. སྱཱ.), ཨ་ཉྙ་སྶེ་ཝ (པཱི.)] ཝ་ནི་བྦི་ནོ [ཝ་ཎི་བྦི་ནོ (སཱི. སྱཱ.)];
ད་ཏྭཱ་ཝ [ད་ཏྭཱ་ན (པཱི. ཀ.)] སེ་སཾ བྷུ་ཉྫ་ནྟི, ཏེ ཛ་ནཱ ཝི་གྷཱ་སཱ་དི་ནོ་ཏི.
ཝི་གྷཱ་སཱ་ད་ཛཱ་ཏ་ཀཾ ཨ་ཊྛ་མཾ.