༣༨༥. ན་ནྡི་ཡ་མི་ག་རཱ་ཛ་ཛཱ་ཏ་ཀཾ (༦-༡-༡༠)

༧༠. ས་ཙེ བྲཱ་ཧྨ་ཎ ག་ཙྪེ་སི, སཱ་ཀེ་ཏེ [སཱ་ཀེ་ཏཾ (སཱི. སྱཱ.)] ཨ་ཛྫུ་ནཾ [ཨ་ཉྫྷ་ནཾ (སཱི. སྱཱ. པཱི.)] ཝ་ནཾ;

ཝ་ཛྫཱ་སི ན་ནྡི་ཡཾ ནཱ་མ, པུ་ཏྟཾ ཨ་སྨཱ་ཀ་མོ་ར་སཾ;

མཱ་ཏཱ པི་ཏཱ ཙ ཏེ ཝུ་དྡྷཱ, ཏེ ཏཾ ཨི་ཙྪ་ནྟི པ་སྶི་ཏུཾ.

༧༡. བྷུ་ཏྟཱ མ་ཡཱ ནི་ཝཱ་པཱ་ནི, རཱ་ཛི་ནོ པཱ་ན་བྷོ་ཛ་ནཾ;

ཏཾ རཱ་ཛ་པི་ཎྜཾ ཨ་ཝ་བྷོ་ཏྟུཾ [ཨ་ཝ་བྷོ་ཏྟཾ (ཀ.)], ནཱ་ཧཾ བྲཱ་ཧྨ་ཎ མུ་སྶ་ཧེ.

༧༢. ཨོ་ད་ཧི་སྶཱ་མ་ཧཾ པ་སྶཾ, ཁུ་ར་པྤཱ་ནི་སྶ [ཁུ་ར་པྤཱ་ཎི་སྶ (སཱི.), ཁུ་ར་པཱ་ཎི་སྶ (པཱི.), ཁུ་ར་པྤ་པཱ་ཎི་སྶ (?)] རཱ་ཛི་ནོ;

ཏ་དཱ་ཧཾ སུ་ཁི་ཏོ མུ་ཏྟོ, ཨ་པི པ་སྶེ་ཡྻ མཱ་ཏ་རཾ.

༧༣. མི་ག་རཱ་ཛཱ པུ་རེ ཨཱ་སིཾ, ཀོ་ས་ལ་སྶ ནི་ཀེ་ཏ་ནེ [ནི་ཀེ་ཏ་ཝེ (སཱི. སྱཱ. པཱི.)];

ན་ནྡི་ཡོ ནཱ་མ ནཱ་མེ་ན, ཨ་བྷི་རཱུ་པོ ཙ་ཏུ་པྤ་དོ.

༧༤. ཏཾ མཾ ཝ་དྷི་ཏུ་མཱ་ག་ཙྪི, དཱ་ཡ་སྨིཾ ཨ་ཛྫུ་ནེ ཝ་ནེ;

དྷ་ནུཾ ཨཱ་ར་ཛྫཾ [ཨཱ་ར་ཛྫུཾ (ནི་ཡྻ), ཨ་དེ་ཛ྄ཛྷཾ (སཱི. པཱི.) ཨ་དྭེ་དྷཱ་བྷཱ་ཝཾ ཨེ་ཀཱི་བྷཱ་ཝ་ནྟི ཨ་ཏྠོ] ཀ་ཏྭཱ་ན, ཨུ་སུཾ ས་ནྣ་ཡ྄ཧ [ས་ནྡྷཱ་ཡ (སཱི. པཱི.)] ཀོ་ས་ལོ.

༧༥. ཏ་སྶཱ་ཧཾ ཨོ་ད་ཧིཾ པ་སྶཾ, ཁུ་ར་པྤཱ་ནི་སྶ རཱ་ཛི་ནོ;

ཏ་དཱ་ཧཾ སུ་ཁི་ཏོ མུ་ཏྟོ, མཱ་ཏ་རཾ ད་ཊྛུ་མཱ་ག་ཏོ་ཏི.

ན་ནྡི་ཡ་མི་ག་རཱ་ཛ་ཛཱ་ཏ་ཀཾ ད་ས་མཾ.

ཨ་ཝཱ་རི་ཡ་ཝ་གྒོ པ་ཋ་མོ.

ཏ་སྶུ་དྡཱ་ནཾ –

ཨ་ཐ ཀུ་ཛ྄ཛྷ་ར་ཐེ་ས་བྷ ཀེ་ཏུ་ཝ་རོ, ས་ད་རཱི་མུ་ཁ ནེ་རུ ལ་ཏཱ ཙ པུ་ན;

ཨ་པ་ན་ནྡ སི་རཱི ཙ སུ་ཙི་ཏྟ་ཝ་རོ, ཨ་ཐ དྷ་མྨི་ཀ ན་ནྡི་མི་གེ་ན ད་སཱ་ཏི.