༣༨༤. དྷ་མྨ་དྷ་ཛ་ཛཱ་ཏ་ཀཾ (༦-༡-༩)
༦༤. དྷ་མྨཾ ཙ་ར་ཐ ཉཱ་ཏ་ཡོ, དྷ་མྨཾ ཙ་ར་ཐ བྷ་དྡཾ ཝོ [བྷ་དྡ ཝོ (ཀ.)];
དྷ་མྨ་ཙཱ་རཱི སུ་ཁཾ སེ་ཏི, ཨ་སྨིཾ ལོ་ཀེ པ་ར་མྷི ཙ.
༦༥. བྷ་དྡ་ཀོ ཝ་ཏ་ཡཾ པ་ཀྑཱི, དི་ཛོ པ་ར་མ་དྷ་མྨི་ཀོ;
ཨེ་ཀ་པཱ་དེ་ན ཏི་ཊྛ་ནྟོ, དྷ་མྨ་མེ་ཝཱ་ནུ་སཱ་ས་ཏི.
༦༦. ནཱ་སྶ སཱི་ལཾ ཝི་ཛཱ་ནཱ་ཐ, ཨ་ན་ཉྙཱ་ཡ པ་སཾ་ས་ཐ;
བྷུ་ཏྭཱ ཨ་ཎྜ་ཉྩ པོ་ཏ་ཉྩ [ཚཱ་པེ ཙ (སཱི. པཱི.)], དྷ་མྨོ དྷ་མྨོ་ཏི བྷཱ་ས་ཏི.
༦༧. ཨ་ཉྙཾ བྷ་ཎ་ཏི ཝཱ་ཙཱ་ཡ, ཨ་ཉྙཾ ཀཱ་ཡེ་ན ཀུ་བྦ་ཏི;
ཝཱ་ཙཱ་ཡ ནོ ཙ ཀཱ་ཡེ་ན, ན ཏཾ དྷ་མྨཾ ཨ་དྷི་ཊྛི་ཏོ.
༦༨. ཝཱ་ཙཱ་ཡ ས་ཁི་ལོ མ་ནོ་ཝི་དུ་གྒོ, ཚ་ནྣོ ཀཱུ་པ་ས་ཡོ་ཝ ཀ་ཎྷ་ས་པྤོ;
དྷ་མྨ་དྷ་ཛོ གཱ་མ་ནི་ག་མཱ་སུ་སཱ་དྷུ [གཱ་མ་ནི་ག་མཱ་སུ སཱ་དྷུ་ས་མྨ་ཏོ (སཱི.), གཱ་མ་ནི་ག་མ་སཱ་དྷུ (པཱི.)], དུ་ཛྫཱ་ནོ པུ་རི་སེ་ན བཱ་ལི་སེ་ན.
༦༩. ཨི་མཾ ཏུ་ཎྜེ་ཧི པ་ཀྑེ་ཧི, པཱ་དཱ ཙི་མཾ ཝི་ཧེ་ཋ་ཐ [ཝི་པོ་ཐ་ཐ (པཱི.)];
ཚ་ཝ་ཉྷི་མཾ ཝི་ནཱ་སེ་ཐ, ནཱ་ཡཾ སཾ་ཝཱ་ས་ནཱ་ར་ཧོ་ཏི.
དྷ་མྨ་དྷ་ཛ་ཛཱ་ཏ་ཀཾ ན་ཝ་མཾ.