༣༦༣. ཧི་རི་ཛཱ་ཏ་ཀཾ (༥-༢-༣)
༧༠. ཧི་རིཾ ཏ་ར་ནྟཾ ཝི་ཛི་གུ་ཙྪ་མཱ་ནཾ, ཏ་ཝཱ་ཧ་མ་སྨཱི ཨི་ཏི བྷཱ་ས་མཱ་ནཾ;
སེ་ཡྻཱ་ནི ཀ་མྨཱ་ནི ཨ་ནཱ་དི་ཡ་ནྟཾ, ནེ་སོ མ་མ་ནྟི ཨི་ཏི ནཾ ཝི་ཛ་ཉྙཱ.
༧༡. ཡ་ཉྷི ཀ་ཡི་རཱ ཏ་ཉྷི ཝ་དེ, ཡཾ ན ཀ་ཡི་རཱ ན ཏཾ ཝ་དེ;
ཨ་ཀ་རོ་ནྟཾ བྷཱ་ས་མཱ་ནཾ, པ་རི་ཛཱ་ན་ནྟི པ་ཎྜི་ཏཱ.
༧༢. ན སོ མི་ཏྟོ ཡོ ས་དཱ ཨ་པྤ་མ་ཏྟོ, བྷེ་དཱ་ས་ངྐཱི ར་ནྡྷ་མེ་ཝཱ་ནུ་པ་སྶཱི;
ཡ་སྨི་ཉྩ སེ་ཏཱི ཨུ་ར་སཱི་ཝ པུ་ཏྟོ, ས ཝེ མི་ཏྟོ ཡོ ཨ་བྷེ་ཛྫོ པ་རེ་ཧི.
༧༣. པཱ་མོ་ཛྫ་ཀ་ར་ཎཾ ཋཱ་ནཾ, པ་སཾ་སཱ་ཝ་ཧ་ནཾ སུ་ཁཾ;
ཕ་ལཱ་ནི་སཾ་སོ བྷཱ་ཝེ་ཏི, ཝ་ཧ་ནྟོ པོ་རི་སཾ དྷུ་རཾ.
༧༤. པ་ཝི་ཝེ་ཀ་ར་སཾ པི་ཏྭཱ, ར་སཾ ཨུ་པ་ས་མ་སྶ ཙ;
ནི་དྡ་རོ ཧོ་ཏི ནི་པྤཱ་པོ, དྷ་མྨ་པྤཱི་ཏི་ར་སཾ པི་ཝ་ནྟི.
ཧི་རི་ཛཱ་ཏ་ཀཾ ཏ་ཏི་ཡཾ.