༣༥༡. མ་ཎི་ཀུ་ཎྜ་ལ་ཛཱ་ཏ་ཀཾ (༥-༡-༡)

༡. ཛཱི་ནོ ར་ཐ་སྶཾ མ་ཎི་ཀུ་ཎྜ་ལེ ཙ, པུ་ཏྟེ ཙ དཱ་རེ ཙ ཏ་ཐེ་ཝ ཛཱི་ནོ;

ས་བྦེ་སུ བྷོ་གེ་སུ ཨ་སེ་ས་ཀེ་སུ [ཨ་སེ་སི་ཏེ་སུ (སཱི. པཱི.), ཨ་སེ་སི་ཀེ་སུ (ཀ.)], ཀ་སྨཱ ན ས་ནྟ་པྤ་སི སོ་ཀ་ཀཱ་ལེ.

༢. པུ་བྦེ་ཝ མ་ཙྩཾ ཝི་ཛ་ཧ་ནྟི བྷོ་གཱ, མ་ཙྩོ ཝཱ ཏེ [ཙ ནེ (པཱི.), དྷ་ནེ (ཀ.)] པུ་བྦ་ཏ་རཾ ཛ་ཧཱ་ཏི;

ཨ་ས་སྶ་ཏཱ བྷོ་གི་ནོ ཀཱ་མ་ཀཱ་མི, ཏ་སྨཱ ན སོ་ཙཱ་མ་ཧཾ སོ་ཀ་ཀཱ་ལེ.

༣. ཨུ་དེ་ཏི ཨཱ་པཱུ་ར་ཏི ཝེ་ཏི [པཱུ་རེ་ཏི ཁཱི་ཡ་ཏི (སྱཱ.)] ཙ་ནྡོ, ཨ་ཏྠཾ ཏ་པེ་ཏྭཱ་ན [ཨ་ནྡྷཾ ཏ་པེ་ཏྭཱ་ན (ཀ.), ཨ་ཏྠ་ངྒ་མེ་ཏྭཱ་ན (སྱཱ.), ཨེ་ཏྠ ‘‘ཏ་པེ་ཏྭཱ་ན ཨ་ཏྠཾ པ་ལེ་ཏཱི’’ཏི ས་མྦ་ནྡྷོ] པ་ལེ་ཏི སཱུ་རི་ཡོ;

ཝི་དི་ཏཱ [ཝི་ཛི་ཏཱ (སྱཱ.)] མ་ཡཱ ས་ཏྟུ་ཀ ལོ་ཀ་དྷ་མྨཱ, ཏ་སྨཱ ན སོ་ཙཱ་མ་ཧཾ སོ་ཀ་ཀཱ་ལེ.

༤. ཨ་ལ་སོ གི་ཧཱི ཀཱ་མ་བྷོ་གཱི ན སཱ་དྷུ, ཨ་ས་ཉྙ་ཏོ པ་བྦ་ཛི་ཏོ ན སཱ་དྷུ;

རཱ་ཛཱ ན སཱ་དྷུ ཨ་ནི་ས་མྨ་ཀཱ་རཱི, ཡོ པ་ཎྜི་ཏོ ཀོ་དྷ་ནོ ཏཾ ན སཱ་དྷུ.

༥. ནི་ས་མྨ ཁ་ཏྟི་ཡོ ཀ་ཡི་རཱ, ནཱ་ནི་ས་མྨ དི་ས་མྤ་ཏི;

ནི་ས་མྨ་ཀཱ་རི་ནོ རཱ་ཛ [ར་ཉྙོ (སཱི. སྱཱ.)], ཡ་སོ ཀི་ཏྟི ཙ ཝ་ཌྜྷ་ཏཱི་ཏི.

མ་ཎི་ཀུ་ཎྜ་ལ་ཛཱ་ཏ་ཀཾ པ་ཋ་མཾ.