༣༥༢. སུ་ཛཱ་ཏ་ཛཱ་ཏ་ཀཾ (༥-༡-༢)
༦. ཀིཾ ནུ ས་ནྟ་ར་མཱ་ནོ་ཝ, ལཱ་ཡི་ཏྭཱ ཧ་རི་ཏཾ ཏི་ཎཾ;
ཁཱ་ད ཁཱ་དཱ་ཏི ལ་པ་སི, ག་ཏ་ས་ཏྟཾ ཛ་ར་གྒ་ཝཾ.
༧. ན ཧི ཨ་ནྣེ་ན པཱ་ནེ་ན, མ་ཏོ གོ་ཎོ ས་མུ་ཊྛ་ཧེ;
ཏྭ་ཉྩ ཏུ་ཙྪཾ ཝི་ལ་པ་སི, ཡ་ཐཱ ཏཾ དུ་མྨ་ཏཱི ཏ་ཐཱ.
༨. ཏ་ཐེ་ཝ ཏི་ཊྛ་ཏི སཱི་སཾ, ཧ་ཏྠ་པཱ་དཱ ཙ ཝཱ་ལ་དྷི;
སོ་ཏཱ ཏ་ཐེ་ཝ ཏི་ཊྛ་ནྟི [སོ ཏཱ་ཏ ཏ་ཐེ་ཝ ཏི་ཊྛ་ཏི (ཀ.)], མ་ཉྙེ གོ་ཎོ ས་མུ་ཊྛ་ཧེ.
༩. ནེ་ཝ་ཡྻ་ཀ་སྶ སཱི་ས་ཉྩ [སཱི་སཾ ཝཱ (སཱི. སྱཱ. པཱི.)], ཧ་ཏྠ་པཱ་དཱ ཙ དི་སྶ་རེ;
རུ་དཾ མ་ཏྟི་ཀ་ཐཱུ་པ་སྨིཾ, ན་ནུ ཏྭ་ཉྙེ་ཝ དུ་མྨ་ཏི.
༡༠. ཨཱ་དི་ཏྟཾ ཝ་ཏ མཾ ས་ནྟཾ, གྷ་ཏ་སི་ཏྟཾ་ཝ པཱ་ཝ་ཀཾ;
ཝཱ་རི་ནཱ ཝི་ཡ ཨོ་སི་ཉྩཾ [ཨོ་སི་ཉྩི (ཀ.)], ས་བྦཾ ནི་བྦཱ་པ་ཡེ ད་རཾ.
༡༡. ཨ་བྦ་ཧཱི [ཨ་བྦཱུ་ལ༹ྷཾ (སཱི. སྱཱ.), ཨ་བྦྷཱུ་ལ༹ྷཾ (ཀ.)] ཝ་ཏ མེ ས་ལླཾ, ཡ་མཱ་སི ཧ་ད་ཡ་སྶི་ཏཾ [སོ་ཀཾ ཧ་ད་ཡ་ནི་སྶི་ཏཾ (སཱི. སྱཱ.)];
ཡོ མེ སོ་ཀ་པ་རེ་ཏ་སྶ, པི་ཏུ སོ་ཀཾ ཨ་པཱ་ནུ་དི.
༡༢. སོ་ཧཾ ཨ་བྦཱུ་ལ༹ྷ་ས་ལློ་སྨི, ཝཱི་ཏ་སོ་ཀོ ཨ་ནཱ་ཝི་ལོ;
ན སོ་ཙཱ་མི ན རོ་དཱ་མི, ཏ་ཝ སུ་ཏྭཱ་ན མཱ་ཎ་ཝ.
༡༣. ཨེ་ཝཾ ཀ་རོ་ནྟི ས་པྤ་ཉྙཱ, ཡེ ཧོ་ནྟི ཨ་ནུ་ཀ་མྤ་ཀཱ;
ཝི་ནི་ཝ་ཏྟེ་ནྟི སོ་ཀ་མྷཱ, སུ་ཛཱ་ཏོ པི་ཏ་རཾ ཡ་ཐཱ་ཏི.
སུ་ཛཱ་ཏ་ཛཱ་ཏ་ཀཾ དུ་ཏི་ཡཾ.