༣༤༡. ཀ་ཎྜ་རཱི་ཛཱ་ཏ་ཀཾ (༤-༥-༡)

༡༦༡. ན་རཱ་ན་མཱ་རཱ་མ་ཀ་རཱ་སུ ནཱ་རི་སུ, ཨ་ནེ་ཀ་ཙི་ཏྟཱ་སུ ཨ་ནི་གྒ་ཧཱ་སུ ཙ;

ས་བྦ་ཏྠ ནཱ་པཱི་ཏི་ཀ་རཱ་པི [ས་བྦ’ཏྟ་ནཱ’པཱི་ཏི་ཀ་རཱ་པི (སཱི. སྱཱ.)] ཙེ སི་ཡཱ [སི་ཡུཾ (སྱཱ.)], ན ཝི་སྶ་སེ ཏི་ཏྠ་ས་མཱ ཧི ནཱ་རི་ཡོ.

༡༦༢. ཡཾ ཝེ [ཡ་ཉྩ (སྱཱ. ཀ.)] དི་སྭཱ ཀ་ཎྜ་རཱི་ཀི་ནྣ་རཱ་ནཾ [ཀི་ནྣ་ར་ཀི་ནྣ་རཱི་ནཾ (སྱཱ.), ཀི་ནྣ་རཱི་ཀི་ནྣ་རཱ་ནཾ (ཀ.)], ས་བྦི་ཏྠི་ཡོ ན ར་མ་ནྟི ཨ་གཱ་རེ;

ཏཾ ཏཱ་དི་སཾ མ་ཙྩཾ ཙ་ཛི་ཏྭཱ བྷ་རི་ཡཱ, ཨ་ཉྙཾ དི་སྭཱ པུ་རི་སཾ པཱི་ཋ་ས་པྤིཾ.

༡༦༣. བ་ཀ་སྶ ཙ བཱ་ཝ་རི་ཀ་སྶ [པཱ་ཝཱ་རི་ཀ་སྶ (སཱི.)] ར་ཉྙོ, ཨ་ཙྩ་ནྟ་ཀཱ་མཱ་ནུ་ག་ཏ་སྶ བྷ་རི་ཡཱ;

ཨ་ཝཱ་ཙ་རཱི [ཨ་ཙྩཱ་ཙ་རི (སྱཱ.), ཨ་ནཱ་ཙ་རི (ཀ.)] པ་ཊྛ་ཝ་སཱ་ནུ་ག་སྶ [བ་དྡྷ་ཝ་སཱ་ནུ་ག་སྶ (སཱི. སྱཱ.), པ་ཏྟ་ཝ་སཱ་ནུ་ག་ཏ་སྶ (ཀ.)], ཀཾ ཝཱ་པི ཨི་ཏྠཱི ནཱ་ཏི་ཙ་རེ ཏ་ད་ཉྙཾ.

༡༦༤. པི་ངྒི་ཡཱ་ནཱི ས་བྦ་ལོ་ཀི་སྶ་ར་སྶ, ར་ཉྙོ པི་ཡཱ བྲ་ཧྨ་ད་ཏྟ་སྶ བྷ་རི་ཡཱ;

ཨ་ཝཱ་ཙ་རཱི པ་ཊྛ་ཝ་སཱ་ནུ་ག་སྶ, ཏཾ ཝཱ་པི སཱ ནཱ་ཛ྄ཛྷ་གཱ ཀཱ་མ་ཀཱ་མི་ནཱི་ཏི.

ཀ་ཎྜ་རཱི་ཛཱ་ཏ་ཀཾ [ཀི་ནྣ་རཱི་ཛཱ་ཏ་ཀཾ (ཀ. སཱི. ཀ.), ཀུ་ཎྜ་ལི་ཀ་ཛཱ་ཏ་ཀཾ (སྱཱ.)] པ་ཋ་མཾ.