༤. ཙ་ཏུ་ཀྐ་ནི་པཱ་ཏོ
༡. ཀཱ་ལི་ངྒ་ཝ་གྒོ
༣༠༡. ཙཱུ་ལ༹་ཀཱ་ལི་ངྒ་ཛཱ་ཏ་ཀཾ (༤-༡-༡)
༡. ཝི་ཝ་ར་ཐི་མཱ་སཾ [ཝི་ཝ་ར་ཐ ཨི་མཱ་སཾ (སཱི. སྱཱ. པཱི.)] དྭཱ་རཾ, ན་ག་རཾ པ་ཝི་ས་ནྟུ [པ་ཝི་སི་ཏུཾ མ་ཡཱ; (ཀ.)] ཨ་རུ་ཎ་རཱ་ཛ་སྶ;
སཱི་ཧེ་ན སུ་སི་ཊྛེ་ན, སུ་ར་ཀྑི་ཏཾ [སུ་ས་ཏྠེ་ན, སུ་ར་ཀྑི་ཏཾ (སཱི. པཱི.), སུ་སི་ཊྛེ་ན (ཀ.)] ན་ནྡི་སེ་ནེ་ན.
༢. ཛ་ཡོ ཀ་ལི་ངྒཱ་ན་མ་ས་ཡ྄ཧ་སཱ་ཧི་ནཾ, པ་རཱ་ཛ་ཡོ ཨ་ན་ཡོ [ཨ་ཛ་ཡོ (སྱཱ.), ཨ་ནྭི་ཏོ (ཀ.)] ཨ་སྶ་ཀཱ་ནཾ;
ཨི་ཙྩེ་ཝ ཏེ བྷཱ་སི་ཏཾ བྲ་ཧྨ་ཙཱ་རི, ན ཨུ་ཛྫུ་བྷཱུ་ཏཱ ཝི་ཏ་ཐཾ བྷ་ཎ་ནྟི.
༣. དེ་ཝཱ མུ་སཱ་ཝཱ་ད་མུ་པཱ་ཏི་ཝ་ཏྟཱ, ས་ཙྩཾ དྷ་ནཾ པ་ར་མཾ ཏེ་སུ [ཏ་ཐཾ པེ་མ་ཀ་རཾ ནུ (ཀ.), ཏ་ཐཾ པ་ར་མཾ ཀ་རཾ ནུ (སྱཱ.)] ས་ཀྐ;
ཏཾ ཏེ མུ་སཱ བྷཱ་སི་ཏཾ དེ་ཝ་རཱ་ཛ, ཀིཾ ཝཱ པ་ཊི་ཙྩ མ་གྷ་ཝཱ མ་ཧི་ནྡ.
༤. ན་ནུ ཏེ སུ་ཏཾ བྲཱ་ཧྨ་ཎ བྷ་ཉྙ་མཱ་ནེ, དེ་ཝཱ ན ཨི་སྶ་ནྟི པུ་རི་ས་པ་ར་ཀྐ་མ་སྶ;
ད་མོ ས་མཱ་དྷི མ་ན་སོ ཨ་བྷེ་ཛྫོ [ཨ་དེ་ཛྫོ (སཱི. པཱི.), ཨ་བྷི་ཛྫོ (ཀ.)], ཨ་བྱ་གྒ་ཏཱ ནི་ཀྐ་མ་ན་ཉྩ [ནི་ཀྑ་མ་ན་ཉྩ (སཱི.)] ཀཱ་ལེ;
ད་ལ༹ྷ་ཉྩ ཝི་རི་ཡཾ པུ་རི་ས་པ་ར་ཀྐ་མོ ཙ, ཏེ་ནེ་ཝ ཨཱ་སི ཝི་ཛ་ཡོ ཨ་སྶ་ཀཱ་ན་ནྟི.
ཙཱུ་ལ༹་ཀཱ་ལི་ངྒ་ཛཱ་ཏ་ཀཾ པ་ཋ་མཾ.
༣༠༢. མ་ཧཱ་ཨ་སྶཱ་རོ་ཧ་ཛཱ་ཏ་ཀཾ (༤-༡-༢)
༥. ཨ་དེ་ཡྻེ་སུ ད་དཾ དཱ་ནཾ, དེ་ཡྻེ་སུ ན་པྤ་ཝེ་ཙྪ་ཏི;
ཨཱ་པཱ་སུ བྱ་ས་ནཾ པ་ཏྟོ, ས་ཧཱ་ཡཾ ནཱ་དྷི་ག་ཙྪ་ཏི.
༦. ནཱ་དེ་ཡྻེ་སུ ད་དཾ དཱ་ནཾ, དེ་ཡྻེ་སུ ཡོ པ་ཝེ་ཙྪ་ཏི;
ཨཱ་པཱ་སུ བྱ་ས་ནཾ པ་ཏྟོ, ས་ཧཱ་ཡ་མ་དྷི་ག་ཙྪ་ཏི.
༧. ས་ཉྙོ་ག་ས་མྦྷོ་ག་ཝི་སེ་ས་ད་སྶ་ནཾ, ཨ་ན་རི་ཡ་དྷ་མྨེ་སུ ས་ཋེ་སུ ན་སྶ་ཏི;
ཀ་ཏ་ཉྩ ཨ་རི་ཡེ་སུ ཙ ཨ་ཛྫ་ཝེ་སུ, མ་ཧ་པྥ་ལཾ ཧོ་ཏི ཨ་ཎུ་མྤི ཏཱ་དི་སུ.
༨. ཡོ པུ་བྦེ ཀ་ཏ་ཀ་ལྱཱ་ཎོ, ཨ་ཀཱ ལོ་ཀེ སུ་དུ་ཀྐ་རཾ;
པ་ཙྪཱ ཀ་ཡི་རཱ ན ཝཱ ཀ་ཡི་རཱ, ཨ་ཙྩ་ནྟཾ པཱུ་ཛ་ནཱ་ར་ཧོ་ཏི.
མ་ཧཱ་ཨ་སྶཱ་རོ་ཧ་ཛཱ་ཏ་ཀཾ དུ་ཏི་ཡཾ.
༣༠༣. ཨེ་ཀ་རཱ་ཛ་ཛཱ་ཏ་ཀཾ (༤-༡-༣)
༩. ཨ་ནུ་ཏྟ་རེ ཀཱ་མ་གུ་ཎེ ས་མི་དྡྷེ, བྷུ་ཏྭཱ་ན པུ་བྦེ ཝ་སཱི ཨེ་ཀ་རཱ་ཛ;
སོ དཱ་ནི དུ་གྒེ ན་ར་ཀ་མྷི ཁི་ཏྟོ, ན་པྤ་ཛྫ་ཧེ ཝ་ཎྞ་བ་ལཾ པུ་རཱ་ཎཾ.
༡༠. པུ་བྦེ་ཝ ཁ་ནྟཱི ཙ ཏ་པོ ཙ མ་ཡ྄ཧཾ, ས་མྤ་ཏྠི་ཏཱ དུ་བྦྷི་སེ་ན [ད་བྦ་སེ་ནཱ (སཱི. པཱི.)] ཨ་ཧོ་སི;
ཏཾ དཱ་ནི ལ་དྡྷཱ་ན ཀ་ཐཾ ནུ རཱ་ཛ, ཛ་ཧེ ཨ་ཧཾ ཝ་ཎྞ་བ་ལཾ པུ་རཱ་ཎཾ.
༡༡. ས་བྦཱ ཀི་རེ་ཝཾ པ་རི་ནི་ཊྛི་ཏཱ་ནི, ཡ་ས་སྶི་ནཾ པ་ཉྙ་ཝ་ནྟཾ ཝི་ས་ཡ྄ཧ;
ཡ་སོ ཙ ལ་དྡྷཱ པུ་རི་མཾ ཨུ་ལཱ༹་རཾ, ན་པྤ་ཛྫ་ཧེ ཝ་ཎྞ་བ་ལཾ པུ་རཱ་ཎཾ.
༡༢. པ་ནུ་ཛྫ དུ་ཀྑེ་ན སུ་ཁཾ ཛ་ནི་ནྡ, སུ་ཁེ་ན ཝཱ དུ་ཀྑ་མ་ས་ཡ྄ཧ་སཱ་ཧི;
ཨུ་བྷ་ཡ་ཏྠ ས་ནྟོ ཨ་བྷི་ནི་བྦུ་ཏ་ཏྟཱ, སུ་ཁེ ཙ དུ་ཀྑེ ཙ བྷ་ཝ་ནྟི ཏུ་ལྱཱ་ཏི.
ཨེ་ཀ་རཱ་ཛ་ཛཱ་ཏ་ཀཾ ཏ་ཏི་ཡཾ.
༣༠༤. ད་དྡ་ར་ཛཱ་ཏ་ཀཾ (༤-༡-༤)
༡༣. ཨི་མཱ་ནི མཾ ད་དྡ་ར ཏཱ་པ་ཡ་ནྟི, ཝཱ་ཙཱ་དུ་རུ་ཏྟཱ་ནི མ་ནུ་སྶ་ལོ་ཀེ;
མ་ཎྜཱུ་ཀ་བྷ་ཀྑཱ ཨུ་ད་ཀ་ནྟ་སེ་ཝཱི, ཨཱ་སཱི་ཝི་སཾ མཾ ཨ་ཝི་སཱ ས་པ་ནྟི.
༡༤. ས་ཀཱ ར་ཊྛཱ པ་བྦཱ་ཛི་ཏོ, ཨ་ཉྙཾ ཛ་ན་པ་དཾ ག་ཏོ;
མ་ཧ་ནྟཾ ཀོ་ཊྛཾ ཀ་ཡི་རཱ་ཐ, དུ་རུ་ཏྟཱ་ནཾ [དུ་རུ་ཏྟཱ་ནི (ཀ.)] ནི་དྷེ་ཏ་ཝེ.
༡༥. ཡ་ཏྠ པོ་སཾ ན ཛཱ་ན་ནྟི, ཛཱ་ཏི་ཡཱ ཝི་ན་ཡེ་ན ཝཱ;
ན ཏ་ཏྠ མཱ་ནཾ ཀ་ཡི་རཱ་ཐ, ཝ་ས་མ་ཉྙཱ་ཏ་ཀེ ཛ་ནེ.
༡༦. ཝི་དེ་ས་ཝཱ་སཾ ཝ་ས་ཏོ, ཛཱ་ཏ་ཝེ་ད་ས་མེ་ན་པི [ཛཱ་ཏ་ཝེ་ད་བྷ་ཡེ་ན་པི (ཀ.)];
ཁ་མི་ཏ་བྦཾ ས་པ་ཉྙེ་ན, ཨ་པི དཱ་ས་སྶ ཏ་ཛྫི་ཏ་ནྟི.
ད་དྡ་ར་ཛཱ་ཏ་ཀཾ ཙ་ཏུ་ཏྠཾ.
༣༠༥. སཱི་ལ་ཝཱི་མཾ་ས་ན་ཛཱ་ཏ་ཀཾ (༤-༡-༥)
༡༧. ན་ཏྠི ལོ་ཀེ ར་ཧོ ནཱ་མ, པཱ་པ་ཀ་མྨཾ པ་ཀུ་བྦ་ཏོ;
པ་སྶ་ནྟི ཝ་ན་བྷཱུ་ཏཱ་ནི, ཏཾ བཱ་ལོ མ་ཉྙ་ཏཱི ར་ཧོ.
༡༨. ཨ་ཧཾ ར་ཧོ ན པ་སྶཱ་མི, སུ་ཉྙཾ ཝཱ་པི ན ཝི་ཛྫ་ཏི;
ཡ་ཏྠ ཨ་ཉྙཾ [སུ་ཉྙཾ (སྱཱ. ཀ.)] ན པ་སྶཱ་མི, ཨ་སུ་ཉྙཾ ཧོ་ཏི ཏཾ མ་ཡཱ.
༡༩. དུ་ཛྫ་ཙྩོ ཙ སུ་ཛ་ཙྩོ [ཨ་ཛ་ཙྩོ (པཱི.)] ཙ, ན་ནྡོ ཙ སུ་ཁ་ཝ་ཌྜྷི་ཏོ [སུ་ཁ་ཝ་ཙྪ་ཀོ (སཱི.), སུ་ཁ་ཝ་ཙྪ་ནོ (སྱཱ. པཱི.)];
ཝེ་ཛྫོ ཙ ཨ་དྡྷུ་ཝ་སཱི་ལོ [ཨ་ཐ སཱི་ལོ (ཀ.)] ཙ, ཏེ དྷ་མྨཾ ཛ་ཧུ མ་ཏྠི་ཀཱ.
༢༠. བྲཱ་ཧྨ་ཎོ ཙ ཀ་ཐཾ ཛ་ཧེ, ས་བྦ་དྷ་མྨཱ་ན པཱ་ར་གཱུ;
ཡོ དྷ་མྨ་མ་ནུ་པཱ་ལེ་ཏི, དྷི་ཏི་མཱ ས་ཙྩ་ནི་ཀྐ་མོ་ཏི.
སཱི་ལ་ཝཱི་མཾ་ས་ན་ཛཱ་ཏ་ཀཾ པ་ཉྩ་མཾ.
༣༠༦. སུ་ཛཱ་ཏ་ཛཱ་ཏ་ཀཾ (༤-༡-༦)
༢༡. ཀི་མ་ཎྜ་ཀཱ ཨི་མེ དེ་ཝ, ནི་ཀྑི་ཏྟཱ ཀཾ་ས་མ་ལླ་ཀེ;
ཨུ་པ་ལོ་ཧི་ཏ་ཀཱ ཝ་གྒཱུ, ཏཾ [ཏེ (པཱི.)] མེ ཨ་ཀྑཱ་ཧི པུ་ཙྪི་ཏོ.
༢༢. ཡཱ་ནི པུ་རེ ཏུ་ཝཾ དེ་ཝི, བྷ་ཎྜུ ན་ནྟ་ཀ་ཝཱ་སི་ནཱི;
ཨུ་ཙྪ་ངྒ་ཧ་ཏྠཱ པ་ཙི་ནཱ་སི, ཏ་སྶཱ ཏེ ཀོ་ལི་ཡཾ ཕ་ལཾ.
༢༣. ཨུ་ཌྜ་ཡ྄ཧ་ཏེ ན ར་མ་ཏི, བྷོ་གཱ ཝི་པྤ་ཛ་ཧ་ནྟི ཏཾ [ཝི་པྤ་ཛ་ཧ་ནྟི’མཾ (?)];
ཏ་ཏྠེ་ཝི་མཾ པ་ཊི་ནེ་ཐ, ཡ་ཏྠ ཀོ་ལཾ པ་ཙི་སྶ་ཏི.
༢༤. ཧོ་ནྟི ཧེ་ཏེ མ་ཧཱ་རཱ་ཛ, ཨི་དྡྷི་པྤ་ཏྟཱ་ཡ [ཨི་དྡྷི་མ་ཏྟཱ་ཡ (ཀ.)] ནཱ་རི་ཡཱ;
ཁ་མ དེ་ཝ སུ་ཛཱ་ཏཱ་ཡ, མཱ་སྶཱ [མཱ་སུ (ཀ.)] ཀུ་ཛ྄ཛྷ ར་ཐེ་ས་བྷཱ་ཏི.
སུ་ཛཱ་ཏ་ཛཱ་ཏ་ཀཾ ཚ་ཊྛཾ.
༣༠༧. པ་ལཱ་ས་ཛཱ་ཏ་ཀཾ (༤-༡-༧)
༢༥. ཨ་ཙེ་ཏ་ནཾ བྲཱ་ཧྨ་ཎ ཨ་སྶུ་ཎ་ནྟཾ, ཛཱ་ནོ ཨ་ཛཱ་ན་ནྟ་མི་མཾ པ་ལཱ་སཾ;
ཨཱ་ར་དྡྷ་ཝི་རི་ཡོ དྷུ་ཝཾ ཨ་པྤ་མ་ཏྟོ, སུ་ཁ་སེ་ཡྻཾ པུ་ཙྪ་སི ཀི་སྶ ཧེ་ཏུ.
༢༦. དཱུ་རེ སུ་ཏོ ཙེ་ཝ བྲ་ཧཱ ཙ རུ་ཀྑོ, དེ་སེ ཋི་ཏོ བྷཱུ་ཏ་ནི་ཝཱ་ས་རཱུ་པོ;
ཏ་སྨཱ ན་མ་སྶཱ་མི ཨི་མཾ པ་ལཱ་སཾ, ཡེ ཙེ་ཏྠ བྷཱུ་ཏཱ ཏེ [ཏེ ཙ (སཱི. པཱི.)] དྷ་ན་སྶ ཧེ་ཏུ.
༢༧. སོ ཏེ ཀ་རི་སྶཱ་མི ཡ་ཐཱ་ནུ་བྷཱ་ཝཾ, ཀ་ཏ་ཉྙུ་ཏཾ བྲཱ་ཧྨ་ཎ པེ་ཀྑ་མཱ་ནོ;
ཀ་ཐ་ཉྷི ཨཱ་ག་མྨ ས་ཏཾ ས་ཀཱ་སེ, མོ་གྷཱ་ནི ཏེ ཨ་སྶུ པ་རི་ཕ་ནྡི་ཏཱ་ནི.
༢༨. ཡོ ཏི་ནྡུ་ཀ་རུ་ཀྑ་སྶ པ་རོ [པུ་རོ (ཀ.)] པི་ལ་ཀྑོ [པི་ལ་ཀྑུ (སཱི. པཱི.), མི་ལ་ཀྑུ (ཀ.)], པ་རི་ཝཱ་རི་ཏོ པུ་བྦ་ཡ་ཉྙོ ཨུ་ལཱ༹་རོ;
ཏ་སྶེ་ས མཱུ་ལ་སྨིཾ ནི་དྷི ནི་ཁཱ་ཏོ, ཨ་དཱ་ཡཱ་དོ ག་ཙྪ ཏཾ ཨུ་དྡྷ་རཱ་ཧཱི་ཏི.
པ་ལཱ་ས་ཛཱ་ཏ་ཀཾ ས་ཏྟ་མཾ.
༣༠༨. ས་ཀུ་ཎ་ཛཱ་ཏ་ཀཾ (༤-༡-༨)
༢༩. ཨ་ཀ་ར་མྷ་ས ཏེ ཀི་ཙྩཾ, ཡཾ བ་ལཾ ཨ་ཧུ་ཝ་མྷ་སེ;
མི་ག་རཱ་ཛ ན་མོ ཏྱ་ཏྠུ, ཨ་པི ཀི་ཉྩི ལ་བྷཱ་མ་སེ.
༣༠. མ་མ ལོ་ཧི་ཏ་བྷ་ཀྑ་སྶ, ནི་ཙྩཾ ལུ་དྡཱ་ནི ཀུ་བྦ་ཏོ;
ད་ནྟ་ནྟ་ར་ག་ཏོ ས་ནྟོ, ཏཾ བ་ཧུཾ ཡ་མྤི ཛཱི་ཝ་སི.
༣༡. ཨ་ཀ་ཏ་ཉྙུ་མ་ཀ་ཏྟཱ་རཾ, ཀ་ཏ་སྶ ཨ་པྤ་ཊི་ཀཱ་ར་ཀཾ;
ཡ་སྨིཾ ཀ་ཏ་ཉྙུ་ཏཱ ན་ཏྠི, ནི་ར་ཏྠཱ ཏ་སྶ སེ་ཝ་ནཱ.
༣༢. ཡ་སྶ ས་མྨུ་ཁ་ཙི་ཎྞེ་ན, མི་ཏྟ་དྷ་མྨོ ན ལ་བྦྷ་ཏི;
ཨ་ནུ་སཱུ་ཡ [ཨ་ནུ་སུ་ཡྻ (སཱི. པཱི.)] མ་ན་ཀྐོ་སཾ, ས་ཎི་ཀཾ ཏ་མྷཱ ཨ་པ་ཀྐ་མེ་ཏི.
ས་ཀུ་ཎ་ཛཱ་ཏ་ཀཾ ཨ་ཊྛ་མཾ.
༣༠༩. ཚ་ཝ་ཀ་ཛཱ་ཏ་ཀཾ (༤-༡-༩)
༣༣. ས་བྦ་མི་དཾ ཙ་རི་མཾ ཀ་ཏཾ [ཙ་རི་མ་ཝ་ཏཾ (སཱི. པཱི.)], ཨུ་བྷོ དྷ་མྨཾ ན པ་སྶ་རེ;
ཨུ་བྷོ པ་ཀ་ཏི་ཡཱ ཙུ་ཏཱ, ཡོ ཙཱ་ཡཾ མ་ནྟེ་ཛ྄ཛྷཱ་པེ་ཏི [མ་ནྟ་ཛ྄ཛྷཱ་ཡ་ཏི (སཱི.), ས་ཛ྄ཛྷཱ་པ་ཡ་ཏི (པཱི.)];
ཡོ ཙ མ་ནྟཾ ཨ་དྷཱི་ཡ་ཏི.
༣༤. སཱ་ལཱི་ནཾ ཨོ་ད་ནཾ བྷུ་ཉྫེ, སུ་ཙིཾ མཾ་སཱུ་པ་སེ་ཙ་ནཾ;
ཏ་སྨཱ ཨེ་ཏཾ ན སེ་ཝཱ་མི, དྷ་མྨཾ ཨི་སཱི་ཧི སེ་ཝི་ཏཾ.
༣༥. པ་རི་བྦ་ཛ མ་ཧཱ ལོ་ཀོ [མ་ཧཱ་བྲ་ཧྨེ (ཀ.)], པ་ཙ་ནྟ་ཉྙེ་པི པཱ་ཎི་ནོ;
མཱ ཏཾ ཨ་དྷ་མྨོ ཨཱ་ཙ་རི་ཏོ, ཨ་སྨཱ ཀུ་མྦྷ་མི་ཝཱ་བྷི་དཱ.
༣༦. དྷི་ར་ཏྠུ ཏཾ ཡ་ས་ལཱ་བྷཾ, དྷ་ན་ལཱ་བྷ་ཉྩ བྲཱ་ཧྨ་ཎ;
ཡཱ ཝུ་ཏྟི ཝི་ནི་པཱ་ཏེ་ན, ཨ་དྷ་མྨ་ཙ་ར་ཎེ་ན ཝཱ་ཏི.
ཚ་ཝ་ཀ་ཛཱ་ཏ་ཀཾ ན་ཝ་མཾ.
༣༡༠. སེ་ཡྻ་ཛཱ་ཏ་ཀཾ (༤-༡-༡༠)
༣༧. ས་ས་མུ་དྡ་པ་རི་ཡཱ་ཡཾ, མ་ཧིཾ སཱ་ག་ར་ཀུ་ཎྜ་ལཾ;
ན ཨི་ཙྪེ ས་ཧ ནི་ནྡཱ་ཡ, ཨེ་ཝཾ སེ་ཡྻ [ས་ཡ྄ཧ (སཱི. སྱཱ. པཱི.)] ཝི་ཛཱ་ན་ཧི.
༣༨. དྷི་ར་ཏྠུ ཏཾ ཡ་ས་ལཱ་བྷཾ, དྷ་ན་ལཱ་བྷ་ཉྩ བྲཱ་ཧྨ་ཎ;
ཡཱ ཝུ་ཏྟི ཝི་ནི་པཱ་ཏེ་ན, ཨ་དྷ་མྨ་ཙ་ར་ཎེ་ན ཝཱ.
༣༩. ཨ་པི ཙེ པ་ཏྟ་མཱ་དཱ་ཡ, ཨ་ན་གཱ་རོ པ་རི་བྦ་ཛེ;
སཱ་ཡེ་ཝ ཛཱི་ཝི་ཀཱ སེ་ཡྻོ, ཡཱ ཙཱ་དྷ་མྨེ་ན ཨེ་ས་ནཱ.
༤༠. ཨ་པི ཙེ པ་ཏྟ་མཱ་དཱ་ཡ, ཨ་ན་གཱ་རོ པ་རི་བྦ་ཛེ;
ཨ་ཉྙཾ ཨ་ཧིཾ་ས་ཡཾ ལོ་ཀེ, ཨ་པི ར་ཛྫེ་ན ཏཾ ཝ་ར་ནྟི.
སེ་ཡྻ་ཛཱ་ཏ་ཀཾ [ས་ཡ྄ཧ་ཛཱ་ཏ་ཀཾ (སཱི. སྱཱ. པཱི.)] ད་ས་མཾ.
ཀཱ་ལི་ངྒ་ཝ་གྒོ [ཝི་ཝ་ར་ཝ་གྒོ (སཱི. པཱི.)] པ་ཋ་མོ.
ཏ་སྶུ་དྡཱ་ནཾ –
ཝི་ཝ་ར་ཉྩ ཨ་དེ་ཡྻ ས་མི་དྡྷ་ཝ་རཾ, ཨ་ཐ ད་དྡ་ར པཱ་པ་མ་ཧཱ་ཏི་ར་ཧོ;
ཨ་ཐ ཀོ་ལི པ་ལཱ་ས་ཝ་ར་ཉྩ ཀ་ར, ཙ་རི་མཾ ས་ས་མུ་དྡ་ཝ་རེ་ན ད་སཱ་ཏི.
༢. པུ་ཙི་མ་ནྡ་ཝ་གྒོ
༣༡༡. པུ་ཙི་མ་ནྡ་ཛཱ་ཏ་ཀཾ (༤-༢-༡)
༤༡. ཨུ་ཊྛེ་ཧི ཙོ་ར ཀིཾ སེ་སི, ཀོ ཨ་ཏྠོ སུ་པ་ནེ་ན [སུ་པི་ཏེ་ན (སཱི.), སུ་པི་ནེ་ན (པཱི. ཀ.)] ཏེ;
མཱ ཏཾ ག་ཧེ་སུཾ [ག་ཎྷེ་ཡྻུཾ (ཀ.)] རཱ་ཛཱ་ནོ, གཱ་མེ ཀི་བྦི་ས་ཀཱ་ར་ཀཾ.
༤༢. ཡཾ ནུ [ནཱུ་ན (སྱཱ.)] ཙོ་རཾ ག་ཧེ་སྶ་ནྟི, གཱ་མེ ཀི་བྦི་ས་ཀཱ་ར་ཀཾ;
ཀིཾ ཏ་ཏྠ པུ་ཙི་མ་ནྡ་སྶ, ཝ་ནེ ཛཱ་ཏ་སྶ ཏི་ཊྛ་ཏོ.
༤༣. ན ཏྭཾ ཨ་སྶ་ཏྠ ཛཱ་ནཱ་སི, མ་མ ཙོ་ར་སྶ ཙ་ནྟ་རཾ;
ཙོ་རཾ ག་ཧེ་ཏྭཱ རཱ་ཛཱ་ནོ, གཱ་མེ ཀི་བྦི་ས་ཀཱ་ར་ཀཾ;
ཨ་པྤེ་ནྟི [ཨ་ཙྩེ་ནྟི (སྱཱ.)] ནི་མྦ་སཱུ་ལ་སྨིཾ, ཏ་སྨིཾ མེ ས་ངྐ་ཏེ མ་ནོ.
༤༤. ས་ངྐེ་ཡྻ ས་ངྐི་ཏ་བྦཱ་ནི, ར་ཀྑེ་ཡྻཱ་ནཱ་ག་ཏཾ བྷ་ཡཾ;
ཨ་ནཱ་ག་ཏ་བྷ་ཡཱ དྷཱི་རོ, ཨུ་བྷོ ལོ་ཀེ ཨ་ཝེ་ཀྑ་ཏཱི་ཏི.
པུ་ཙི་མ་ནྡ་ཛཱ་ཏ་ཀཾ པ་ཋ་མཾ.
༣༡༢. ཀ་སྶ་པ་མ་ནྡི་ཡ་ཛཱ་ཏ་ཀཾ (༤-༢-༢)
༤༥. ཨ་པི ཀ་སྶ་པ མ་ནྡི་ཡཱ, ཡུ་ཝཱ ས་པ་ཏི ཧ་ནྟི [ས་མྤ་ཊི་ཧ་ནྟི (ཀ.)] ཝཱ;
ས་བྦཾ ཏཾ ཁ་མ་ཏེ དྷཱི་རོ, པ་ཎྜི་ཏོ ཏཾ ཏི་ཏི་ཀྑ་ཏི.
༤༦. ས་ཙེ་པི ས་ནྟོ ཝི་ཝ་ད་ནྟི, ཁི་པྤཾ ས་ནྡྷཱི་ཡ་རེ པུ་ན;
བཱ་ལཱ པ་ཏྟཱ་ཝ བྷི་ཛྫ་ནྟི, ན ཏེ ས་མ་ཐ་མ་ཛ྄ཛྷ་གཱུ.
༤༧. ཨེ་ཏེ བྷི་ཡྻོ ས་མཱ་ཡ་ནྟི, ས་ནྡྷི ཏེ་སཾ ན ཛཱི་ར་ཏི;
ཡོ ཙཱ་དྷི་པ་ནྣཾ ཛཱ་ནཱ་ཏི, ཡོ ཙ ཛཱ་ནཱ་ཏི དེ་ས་ནཾ.
༤༨. ཨེ་སོ ཧི ཨུ་ཏྟ་རི་ཏ་རོ, བྷཱ་ར་ཝ་ཧོ དྷུ་ར་དྡྷ་རོ;
ཡོ པ་རེ་སཱ་དྷི་པ་ནྣཱ་ནཾ, ས་ཡཾ ས་ནྡྷཱ་ཏུ་མ་ར་ཧ་ཏཱི་ཏི.
ཀ་སྶ་པ་མ་ནྡི་ཡ་ཛཱ་ཏ་ཀཾ དུ་ཏི་ཡཾ.
༣༡༣. ཁ་ནྟཱི་ཝཱ་དཱི་ཛཱ་ཏ་ཀཾ (༤-༢-༣)
༤༩. ཡོ ཏེ ཧ་ཏྠེ ཙ པཱ་དེ ཙ, ཀ་ཎྞ་ནཱ་ས་ཉྩ ཚེ་ད་ཡི;
ཏ་སྶ ཀུ་ཛ྄ཛྷ མ་ཧཱ་ཝཱི་ར, མཱ ར་ཊྛཾ ཝི་ན་སཱ [ཝི་ན་སྶ (ཀ. སཱི. སྱཱ. ཀ.)] ཨི་དཾ.
༥༠. ཡོ མེ ཧ་ཏྠེ ཙ པཱ་དེ ཙ, ཀ་ཎྞ་ནཱ་ས་ཉྩ ཚེ་ད་ཡི;
ཙི་རཾ ཛཱི་ཝ་ཏུ སོ རཱ་ཛཱ, ན ཧི ཀུ་ཛ྄ཛྷ་ནྟི མཱ་དི་སཱ.
༥༡. ཨ་ཧཱུ ཨ་ཏཱི་ཏ་མ་དྡྷཱ་ནཾ [ཨ་ཧུ ཨ་ཏཱི་ཏ་མ་དྡྷཱ་ནེ (སྱཱ. པཱི. ཀ.)], ས་མ་ཎོ ཁ་ནྟི་དཱི་པ་ནོ;
ཏཾ ཁ་ནྟི་ཡཱ་ཡེ་ཝ ཋི་ཏཾ, ཀཱ་སི་རཱ་ཛཱ ཨ་ཚེ་ད་ཡི.
༥༢. ཏ་སྶ ཀ་མྨ [ཀ་མྨ་སྶ (སཱི. པཱི.)] ཕ་རུ་ས་སྶ, ཝི་པཱ་ཀོ ཀ་ཊུ་ཀོ ཨ་ཧུ;
ཡཾ ཀཱ་སི་རཱ་ཛཱ ཝེ་དེ་སི, ནི་ར་ཡ་མྷི ས་མ་པྤི་ཏོ་ཏི.
ཁ་ནྟཱི་ཝཱ་དཱི་ཛཱ་ཏ་ཀཾ ཏ་ཏི་ཡཾ.
༣༡༤. ལོ་ཧ་ཀུ་མྦྷི་ཛཱ་ཏ་ཀཾ (༤-༢-༤)
༥༣. དུ་ཛྫཱི་ཝི་ཏ་མ་ཛཱི་ཝི་མྷ, ཡེ ས་ནྟེ [ཡེ་སཾ ནོ (སྱཱ. ཀ.)] ན ད་ད་མྷ་སེ;
ཝི་ཛྫ་མཱ་ནེ་སུ བྷོ་གེ་སུ, དཱི་པཾ ནཱ་ཀ་མྷ ཨ་ཏྟ་ནོ.
༥༤. ས་ཊྛི [ས་ཊྛིཾ (སྱཱ.)] ཝ་སྶ་ས་ཧ་སྶཱ་ནི, པ་རི་པུ་ཎྞཱ་ནི ས་བྦ་སོ;
ནི་ར་ཡེ པ་ཙྩ་མཱ་ནཱ་ནཾ, ཀ་དཱ ཨ་ནྟོ བྷ་ཝི་སྶ་ཏི.
༥༥. ན་ཏྠི ཨ་ནྟོ ཀུ་ཏོ ཨ་ནྟོ, ན ཨ་ནྟོ པ་ཊི་དི་སྶ་ཏི;
ཏ་དཱ ཧི པ་ཀ་ཏཾ པཱ་པཾ, མ་མ ཏུ་ཡ྄ཧ་ཉྩ མཱ་རི་སཱ [མཱ་རི་ས (སཱི. སྱཱ. པཱི.)].
༥༦. སོ་ཧཾ ནཱུ་ན ཨི་ཏོ ག་ནྟྭཱ, ཡོ་ནིཾ ལ་དྡྷཱ་ན མཱ་ནུ་སིཾ;
ཝ་ད་ཉྙཱུ སཱི་ལ་ས་མྤ་ནྣོ, ཀཱ་ཧཱ་མི ཀུ་ས་ལཾ བ་ཧུ་ནྟི.
ལོ་ཧ་ཀུ་མྦྷི་ཛཱ་ཏ་ཀཾ ཙ་ཏུ་ཏྠཾ.