༥. ཙཱུ་ལ༹་ཀུ་ཎཱ་ལ་ཝ་གྒོ
༣༤༡. ཀ་ཎྜ་རཱི་ཛཱ་ཏ་ཀཾ (༤-༥-༡)
༡༦༡. ན་རཱ་ན་མཱ་རཱ་མ་ཀ་རཱ་སུ ནཱ་རི་སུ, ཨ་ནེ་ཀ་ཙི་ཏྟཱ་སུ ཨ་ནི་གྒ་ཧཱ་སུ ཙ;
ས་བྦ་ཏྠ ནཱ་པཱི་ཏི་ཀ་རཱ་པི [ས་བྦ’ཏྟ་ནཱ’པཱི་ཏི་ཀ་རཱ་པི (སཱི. སྱཱ.)] ཙེ སི་ཡཱ [སི་ཡུཾ (སྱཱ.)], ན ཝི་སྶ་སེ ཏི་ཏྠ་ས་མཱ ཧི ནཱ་རི་ཡོ.
༡༦༢. ཡཾ ཝེ [ཡ་ཉྩ (སྱཱ. ཀ.)] དི་སྭཱ ཀ་ཎྜ་རཱི་ཀི་ནྣ་རཱ་ནཾ [ཀི་ནྣ་ར་ཀི་ནྣ་རཱི་ནཾ (སྱཱ.), ཀི་ནྣ་རཱི་ཀི་ནྣ་རཱ་ནཾ (ཀ.)], ས་བྦི་ཏྠི་ཡོ ན ར་མ་ནྟི ཨ་གཱ་རེ;
ཏཾ ཏཱ་དི་སཾ མ་ཙྩཾ ཙ་ཛི་ཏྭཱ བྷ་རི་ཡཱ, ཨ་ཉྙཾ དི་སྭཱ པུ་རི་སཾ པཱི་ཋ་ས་པྤིཾ.
༡༦༣. བ་ཀ་སྶ ཙ བཱ་ཝ་རི་ཀ་སྶ [པཱ་ཝཱ་རི་ཀ་སྶ (སཱི.)] ར་ཉྙོ, ཨ་ཙྩ་ནྟ་ཀཱ་མཱ་ནུ་ག་ཏ་སྶ བྷ་རི་ཡཱ;
ཨ་ཝཱ་ཙ་རཱི [ཨ་ཙྩཱ་ཙ་རི (སྱཱ.), ཨ་ནཱ་ཙ་རི (ཀ.)] པ་ཊྛ་ཝ་སཱ་ནུ་ག་སྶ [བ་དྡྷ་ཝ་སཱ་ནུ་ག་སྶ (སཱི. སྱཱ.), པ་ཏྟ་ཝ་སཱ་ནུ་ག་ཏ་སྶ (ཀ.)], ཀཾ ཝཱ་པི ཨི་ཏྠཱི ནཱ་ཏི་ཙ་རེ ཏ་ད་ཉྙཾ.
༡༦༤. པི་ངྒི་ཡཱ་ནཱི ས་བྦ་ལོ་ཀི་སྶ་ར་སྶ, ར་ཉྙོ པི་ཡཱ བྲ་ཧྨ་ད་ཏྟ་སྶ བྷ་རི་ཡཱ;
ཨ་ཝཱ་ཙ་རཱི པ་ཊྛ་ཝ་སཱ་ནུ་ག་སྶ, ཏཾ ཝཱ་པི སཱ ནཱ་ཛ྄ཛྷ་གཱ ཀཱ་མ་ཀཱ་མི་ནཱི་ཏི.
ཀ་ཎྜ་རཱི་ཛཱ་ཏ་ཀཾ [ཀི་ནྣ་རཱི་ཛཱ་ཏ་ཀཾ (ཀ. སཱི. ཀ.), ཀུ་ཎྜ་ལི་ཀ་ཛཱ་ཏ་ཀཾ (སྱཱ.)] པ་ཋ་མཾ.
༣༤༢. ཝཱ་ན་ར་ཛཱ་ཏ་ཀཾ (༤-༥-༢)
༡༦༥. ཨ་ས་ཀྑིཾ ཝ་ཏ ཨ་ཏྟཱ་ནཾ, ཨུ་དྡྷཱ་ཏུཾ ཨུ་ད་ཀཱ ཐ་ལཾ;
ན དཱ་ནཱ་ཧཾ པུ་ན ཏུ་ཡ྄ཧཾ, ཝ་སཾ ག་ཙྪཱ་མི ཝཱ་རི་ཛ.
༡༦༦. ཨ་ལ་མེ་ཏེ་ཧི ཨ་མྦེ་ཧི, ཛ་མྦཱུ་ཧི པ་ན་སེ་ཧི ཙ;
ཡཱ་ནི པཱ་རཾ ས་མུ་དྡ་སྶ, ཝ་རཾ མ་ཡ྄ཧཾ ཨུ་དུ་མྦ་རོ.
༡༦༧. ཡོ ཙ ཨུ་པྤ་ཏི་ཏཾ ཨ་ཏྠཾ, ན ཁི་པྤ་མ་ནུ་བུ་ཛ྄ཛྷ་ཏི;
ཨ་མི་ཏྟ་ཝ་ས་མ་ནྭེ་ཏི, པ་ཙྪཱ ཙ ཨ་ནུ་ཏ་པྤ་ཏི.
༡༦༨. ཡོ ཙ ཨུ་པྤ་ཏི་ཏཾ ཨ་ཏྠཾ, ཁི་པྤ་མེ་ཝ ནི་བོ་དྷ་ཏི;
མུ་ཙྩ་ཏེ ས་ཏྟུ་ས་མྦཱ་དྷཱ, ན ཙ པ་ཙྪཱ་ནུ་ཏ་པྤ་ཏཱི་ཏི.
ཝཱ་ན་ར་ཛཱ་ཏ་ཀཾ དུ་ཏི་ཡཾ.
༣༤༣. ཀུ་ནྟི་ནཱི་ཛཱ་ཏ་ཀཾ (༤-༥-༣)
༡༦༩. ཨ་ཝ་སི་མྷ ཏ་ཝཱ་གཱ་རེ, ནི་ཙྩཾ ས་ཀྐ་ཏ་པཱུ་ཛི་ཏཱ;
ཏྭ་མེ་ཝ དཱ་ནི་མ་ཀ་རི, ཧ་ནྡ རཱ་ཛ ཝ་ཛཱ་མ་ཧཾ.
༡༧༠. ཡོ ཝེ ཀ་ཏེ པ་ཊི་ཀ་ཏེ, ཀི་བྦི་སེ པ་ཊི་ཀི་བྦི་སེ;
ཨེ་ཝཾ ཏཾ ས་མྨ་ཏཱི ཝེ་རཾ, ཝ་ས ཀུ་ནྟི་ནི མཱ་ག་མཱ.
༡༧༡. ན ཀ་ཏ་སྶ ཙ ཀ་ཏྟཱ ཙ, མེ་ཏྟི [མེ་ཏྟཱི (པཱི.), མི་ཏྟཱི (ཀ.)] ས་ནྡྷཱི་ཡ་ཏེ པུ་ན;
ཧ་ད་ཡཾ ནཱ་ནུ་ཛཱ་ནཱ་ཏི, ག་ཙྪ་ཉྙེ་ཝ ར་ཐེ་ས་བྷ.
༡༧༢. ཀ་ཏ་སྶ ཙེ་ཝ ཀ་ཏྟཱ ཙ, མེ་ཏྟི ས་ནྡྷཱི་ཡ་ཏེ པུ་ན;
དྷཱི་རཱ་ནཾ ནོ ཙ བཱ་ལཱ་ནཾ, ཝ་ས ཀུ་ནྟི་ནི མཱ་ག་མཱ་ཏི.
ཀུ་ནྟི་ནཱི་ཛཱ་ཏ་ཀཾ ཏ་ཏི་ཡཾ.
༣༤༤. ཨ་མྦ་ཛཱ་ཏ་ཀཾ (༤-༥-༤)
༡༧༣. ཡོ ནཱི་ལི་ཡཾ མ་ཎྜ་ཡ་ཏི, ས་ཎྜཱ་སེ་ན ཝི་ཧ་ཉྙ་ཏི;
ཏ་སྶ སཱ ཝ་ས་མ་ནྭེ་ཏུ, ཡཱ ཏེ ཨ་མྦེ ཨ་ཝཱ་ཧ་རི.
༡༧༤. ཝཱི་སཾ ཝཱ པ་ཉྩ་ཝཱི་སཾ [པ་ཎྞུ་ཝཱི་སཾ (ཀ. སཱི. པཱི.)] ཝཱ, ཨཱུ་ན་ཏིཾ་སཾ ཝ ཛཱ་ཏི་ཡཱ;
ཏཱ་དི་སཱ པ་ཏི མཱ ལ་དྡྷཱ [པ་ཏིཾ མཱ ལ་དྡྷཱ (པཱི.), པ་ཏི མཱ’ལ་ཏྠ (?)], ཡཱ ཏེ ཨ་མྦེ ཨ་ཝཱ་ཧ་རི.
༡༧༥. དཱི་གྷཾ ག་ཙྪ་ཏུ ཨ་དྡྷཱ་ནཾ, ཨེ་ཀི་ཀཱ ཨ་བྷི་སཱ་རི་ཀཱ;
ས་ངྐེ་ཏེ པ་ཏི མཱ ཨ་དྡ [མཱ ཨ་དྡ་ས (སཱི. པཱི.)], ཡཱ ཏེ ཨ་མྦེ ཨ་ཝཱ་ཧ་རི.
༡༧༦. ཨ་ལ་ངྐ་ཏཱ སུ་ཝ་ས་ནཱ, མཱ་ལི་ནཱི ཙ་ནྡ་ནུ་སྶ་དཱ;
ཨེ་ཀི་ཀཱ ས་ཡ་ནེ སེ་ཏུ, ཡཱ ཏེ ཨ་མྦེ ཨ་ཝཱ་ཧ་རཱི་ཏི.
ཨ་མྦ་ཛཱ་ཏ་ཀཾ [ཨ་མྦ་ཙོ་ར་ཛཱ་ཏ་ཀཾ (ཀ. སཱི. པཱི.)] ཙ་ཏུ་ཏྠཾ.
༣༤༥. ག་ཛ་ཀུ་མྦྷ་ཛཱ་ཏ་ཀཾ (༤-༥-༥)
༡༧༧. ཝ་ནཾ ཡ་ད་གྒི ད་ཧ་ཏི, པཱ་ཝ་ཀོ ཀ་ཎྷ་ཝ་ཏྟ་ནཱི;
ཀ་ཐཾ ཀ་རོ་སི པ་ཙ་ལ་ཀ, ཨེ་ཝཾ ད་ནྡྷ་པ་ར་ཀྐ་མོ.
༡༧༨. བ་ཧཱུ་ནི རུ་ཀྑ་ཚི་དྡཱ་ནི, པ་ཐ་བྱཱ ཝི་ཝ་རཱ་ནི ཙ;
ཏཱ་ནི ཙེ ནཱ་བྷི་ས་མྦྷོ་མ, ཧོ་ཏི ནོ ཀཱ་ལ་པ་རི་ཡཱ་ཡོ.
༡༧༩. ཡོ ད་ནྡྷ་ཀཱ་ལེ ཏ་ར་ཏི, ཏ་ར་ཎཱི་ཡེ ཙ ད་ནྡྷ་ཏི;
སུ་ཀྑ་པ་ཎྞཾ་ཝ ཨ་ཀྐ་མྨ, ཨ་ཏྠཾ བྷ་ཉྫ་ཏི ཨ་ཏྟ་ནོ.
༡༨༠. ཡོ ད་ནྡྷ་ཀཱ་ལེ ད་ནྡྷེ་ཏི, ཏ་ར་ཎཱི་ཡེ ཙ ཏཱ་ར་ཡི;
ས་སཱི་ཝ ར་ཏྟིཾ ཝི་བྷ་ཛཾ, ཏ་སྶ་ཏྠོ པ་རི་པཱུ་ར་ཏཱི་ཏི.
ག་ཛ་ཀུ་མྦྷ་ཛཱ་ཏ་ཀཾ པ་ཉྩ་མཾ.
༣༤༦. ཀེ་ས་ཝ་ཛཱ་ཏ་ཀཾ (༤-༥-༦)
༡༨༡. མ་ནུ་སྶི་ནྡཾ ཛ་ཧི་ཏྭཱ་ན, ས་བྦ་ཀཱ་མ་ས་མི་དྡྷི་ནཾ;
ཀ་ཐཾ ནུ བྷ་ག་ཝཱ ཀེ་སཱི, ཀ་པྤ་སྶ ར་མ་ཏི ཨ་སྶ་མེ [ར་མ་ཏ་སྶ་མེ (ཀ.)].
༡༨༢. སཱ་དཱུ་ནཱི [སཱ་དྷཱུ་ནི (ཀ. སཱི. སྱཱ. ཀ.)] ར་མ་ཎཱི་ཡཱ་ནི, ས་ནྟི ཝ་ཀྑཱ མ་ནོ་ར་མཱ;
སུ་བྷཱ་སི་ཏཱ་ནི ཀ་པྤ་སྶ, ནཱ་ར་ད ར་མ་ཡ་ནྟི མཾ.
༡༨༣. སཱ་ལཱི་ནཾ ཨོ་ད་ནཾ བྷུ་ཉྫེ, སུ་ཙིཾ མཾ་སཱུ་པ་སེ་ཙ་ནཾ;
ཀ་ཐཾ སཱ་མཱ་ཀ་ནཱི་ཝཱ་རཾ, ཨ་ལོ་ཎཾ ཚཱ་ད་ཡ་ནྟི ཏཾ.
༡༨༤. སཱ་དུཾ ཝཱ [ཨ་སཱ་དུཾ (པཱི.)] ཡ་དི ཝཱ་སཱ་དུཾ, ཨ་པྤཾ ཝཱ ཡ་དི ཝཱ བ་ཧུཾ;
ཝི་སྶ་ཏྠོ ཡ་ཏྠ བྷུ་ཉྫེ་ཡྻ, ཝི་སྶཱ་ས་པ་ར་མཱ ར་སཱ་ཏི.
ཀེ་ས་ཝ་ཛཱ་ཏ་ཀཾ [ཀེ་སཱི་ཛཱ་ཏ་ཀཾ (ཀ.)] ཚ་ཊྛཾ.
༣༤༧. ཨ་ཡ་ཀཱུ་ཊ་ཛཱ་ཏ་ཀཾ (༤-༥-༧)
༡༨༥. ས་བྦཱ་ཡ་སཾ ཀཱུ་ཊ་མ་ཏི་པྤ་མཱ་ཎཾ, པ་གྒ་ཡ྄ཧ ཡོ [སོ (པཱི.)] ཏི་ཊྛ་སི ཨ་ནྟ་ལི་ཀྑེ;
ར་ཀྑཱ་ཡ མེ [མཾ (སཱི.)] ཏྭཾ ཝི་ཧི་ཏོ ནུ་ས་ཛྫ, ཨུ་དཱ་ཧུ མེ ཙེ་ཏ་ཡ་སེ [ཝཱ་ཡ་མ་སེ (སཱི. སྱཱ.)] ཝ་དྷཱ་ཡ.
༡༨༦. དཱུ་ཏོ ཨ་ཧཾ རཱ་ཛི་དྷ ར་ཀྑ་སཱ་ནཾ, ཝ་དྷཱ་ཡ ཏུ་ཡ྄ཧཾ པ་ཧི་ཏོ་ཧ་མ་སྨི;
ཨི་ནྡོ ཙ ཏཾ ར་ཀྑ་ཏི དེ་ཝ་རཱ་ཛཱ, ཏེ་ནུ་ཏྟ་མ་ངྒཾ ན ཏེ [ན ཧི (ཀ. སཱི. པཱི.), ཏེ ན (ཀ.)] ཕཱ་ལ་ཡཱ་མི.
༡༨༧. ས་ཙེ ཙ མཾ ར་ཀྑ་ཏི དེ་ཝ་རཱ་ཛཱ, དེ་ཝཱ་ན་མི་ནྡོ མ་གྷ་ཝཱ སུ་ཛ་མྤ་ཏི;
ཀཱ་མཾ པི་སཱ་ཙཱ ཝི་ན་ད་ནྟུ ས་བྦེ, ན ས་ནྟ་སེ ར་ཀྑ་སི་ཡཱ པ་ཛཱ་ཡ.
༡༨༨. ཀཱ་མཾ ཀ་ནྡ་ནྟུ [ཀ་ནྟ་ནྟུ (ཀ.), ཀ་ཎྜ་ནྟུ (སྱཱ.)] ཀུ་མྦྷ་ཎྜཱ, ས་བྦེ པཾ་སུ་པི་སཱ་ཙ་ཀཱ;
ནཱ་ལཾ པི་སཱ་ཙཱ ཡུ་དྡྷཱ་ཡ, མ་ཧ་ཏཱི སཱ ཝི་བྷིཾ་སི་ཀཱ་ཏི [ཝི་བྷེ་སི་ཀཱ་ཏི (སྱཱ.), ཝི་ཧེ་སི་ཀཱ་ཏི (པཱི.)].
ཨ་ཡ་ཀཱུ་ཊ་ཛཱ་ཏ་ཀཾ ས་ཏྟ་མཾ.
༣༤༨. ཨ་ར་ཉྙ་ཛཱ་ཏ་ཀཾ (༤-༥-༨)
༡༨༩. ཨ་ར་ཉྙཱ གཱ་མ་མཱ་ག་མྨ, ཀིཾ་སཱི་ལཾ ཀིཾ་ཝ་ཏཾ ཨ་ཧཾ;
པུ་རི་སཾ ཏཱ་ཏ སེ་ཝེ་ཡྻཾ, ཏཾ མེ ཨ་ཀྑཱ་ཧི པུ་ཙྪི་ཏོ.
༡༩༠. ཡོ ཏཾ ཝི་སྶཱ་ས་ཡེ ཏཱ་ཏ, ཝི་སྶཱ་ས་ཉྩ ཁ་མེ་ཡྻ ཏེ;
སུ་སྶཱུ་སཱི ཙ ཏི་ཏི་ཀྑཱི ཙ, ཏཾ བྷ་ཛེ་ཧི ཨི་ཏོ [ཏཾ བྷ་ཛེ་ཡྻཱ་སི་ཏོ (ཀ.)] ག་ཏོ.
༡༩༡. ཡ་སྶ ཀཱ་ཡེ་ན ཝཱ་ཙཱ་ཡ, མ་ན་སཱ ན་ཏྠི དུ་ཀྐ་ཊཾ;
ཨུ་ར་སཱི་ཝ པ་ཏི་ཊྛཱ་ཡ, ཏཾ བྷ་ཛེ་ཧི ཨི་ཏོ ག་ཏོ.
༡༩༢. ཧ་ལི་དྡི་རཱ་གཾ ཀ་པི་ཙི་ཏྟཾ, པུ་རི་སཾ རཱ་ག་ཝི་རཱ་གི་ནཾ;
ཏཱ་དི་སཾ ཏཱ་ཏ མཱ སེ་ཝི, ནི་མྨ་ནུ་སྶ་མྤི ཙེ སི་ཡཱ་ཏི.
ཨ་ར་ཉྙ་ཛཱ་ཏ་ཀཾ ཨ་ཊྛ་མཾ.
༣༤༩. ས་ནྡྷི་བྷེ་ད་ཛཱ་ཏ་ཀཾ (༤-༥-༩)
༡༩༣. ནེ་ཝ ཨི་ཏྠཱི་སུ སཱ་མ་ཉྙཾ, ནཱ་པི བྷ་ཀྑེ་སུ སཱ་ར་ཐི;
ཨ་ཐ་སྶ ས་ནྡྷི་བྷེ་ད་སྶ, པ་སྶ ཡཱ་ཝ སུ་ཙི་ནྟི་ཏཾ.
༡༩༤. ཨ་སི ཏི་ཀྑོ་ཝ མཾ་ས་མྷི, པེ་སུ་ཉྙཾ པ་རི་ཝ་ཏྟ་ཏི;
ཡ་ཏྠཱུ་ས་བྷ་ཉྩ སཱི་ཧ་ཉྩ, བྷ་ཀྑ་ཡ་ནྟི མི་གཱ་དྷ་མཱ.
༡༩༥. ཨི་མཾ སོ ས་ཡ་ནཾ སེ་ཏི, ཡ་མི་མཾ [ཡ་ཡི་མཾ (སཱི. པཱི.), ཡི་མཾ (ཀ.)] པ་སྶ་སི སཱ་ར་ཐི;
ཡོ ཝཱ་ཙཾ ས་ནྡྷི་བྷེ་ད་སྶ, པི་སུ་ཎ་སྶ ནི་བོ་དྷ་ཏི.
༡༩༦. ཏེ ཛ་ནཱ སུ་ཁ་མེ་དྷ་ནྟི, ན་རཱ ས་གྒ་ག་ཏཱ་རི་ཝ;
ཡེ ཝཱ་ཙཾ ས་ནྡྷི་བྷེ་ད་སྶ, ནཱ་ཝ་བོ་དྷ་ནྟི སཱ་ར་ཐཱི་ཏི.
ས་ནྡྷི་བྷེ་ད་ཛཱ་ཏ་ཀཾ ན་ཝ་མཾ.
༣༥༠. དེ་ཝ་ཏཱ་པ་ཉྷ་ཛཱ་ཏ་ཀཾ (༤-༥-༡༠)
༡༩༧. ཧ་ནྟི ཧ་ཏྠེ་ཧི པཱ་དེ་ཧི, མུ་ཁ་ཉྩ པ་རི་སུ་མྦྷ་ཏི;
ས ཝེ རཱ་ཛ པི་ཡོ ཧོ་ཏི, ཀཾ ཏེ་ན ཏྭཱ་བྷི་པ་སྶ་སི [མ་བྷི་པ་སྶ་སི (སཱི.)].
༡༩༨. ཨ་ཀྐོ་ས་ཏི ཡ་ཐཱ་ཀཱ་མཾ, ཨཱ་ག་མ་ཉྩ་སྶ ཨི་ཙྪ་ཏི;
ས ཝེ རཱ་ཛ པི་ཡོ ཧོ་ཏི, ཀཾ ཏེ་ན ཏྭཱ་བྷི་པ་སྶ་སི.
༡༩༩. ཨ་བྦྷ་ཀྑཱ་ཏི ཨ་བྷཱུ་ཏེ་ན, ཨ་ལི་ཀེ་ནཱ་བྷི་སཱ་ར་ཡེ;
ས ཝེ རཱ་ཛ པི་ཡོ ཧོ་ཏི, ཀཾ ཏེ་ན ཏྭཱ་བྷི་པ་སྶ་སི.
༢༠༠. ཧ་རཾ ཨ་ནྣ་ཉྩ པཱ་ན་ཉྩ, ཝ་ཏྠ་སེ་ནཱ་ས་ནཱ་ནི ཙ;
ཨ་ཉྙ་ད་ཏྠུ་ཧ་རཱ ས་ནྟཱ, ཏེ ཝེ རཱ་ཛ པི་ཡཱ ཧོ་ནྟི;
ཀཾ ཏེ་ན ཏྭཱ་བྷི་པ་སྶ་སཱི་ཏི.
དེ་ཝ་ཏཱ་པ་ཉྷ་ཛཱ་ཏ་ཀཾ ད་ས་མཾ.
ཙཱུ་ལ༹་ཀུ་ཎཱ་ལ་ཝ་གྒོ པ་ཉྩ་མོ.
ཏ་སྶུ་དྡཱ་ནཾ –
ན་རཱ་ནཾ ཨ་ས་ཀྑི་ཝ་སི་མྷ་ཝ་རོ, ནཱི་ལི་ཡ་མ་གྒི་ཝ་ར་ཉྩ པུ་ན;
པུ་ན ར་སཱ་ཡ་ས་ཀཱུ་ཊ་ཝ་རོ, ཏ་ཐཱ་ར་ཉྙ སཱ་ར་ཐི ཧ་ནྟི ད་སཱ་ཏི.
ཨ་ཐ ཝ་གྒུ་དྡཱ་ནཾ –
ཀཱ་ལི་ངྒཾ [ཝི་ཝ་རཾ (བ་ཧཱུ་སུ)] པུ་ཙི་མ་ནྡ་ཉྩ, ཀུ་ཊི་དཱུ་ས་ཀ ཀོ་ཀི་ལཱ [ཀུ་ཊི་དཱུ་སཾ བ་ཧུ་བྷཱ་ཎ་ཀཾ (བ་ཧཱུ་སུ)];
ཙཱུ་ལ༹་ཀུ་ཎཱ་ལ་ཝ་གྒོ སོ, པ་ཉྩ་མོ སུ་པྤ་ཀཱ་སི་ཏོ་ཏི.
ཙ་ཏུ་ཀྐ་ནི་པཱ་ཏཾ ནི་ཊྛི་ཏཾ.