༤. ཀོ་ཀི་ལ་ཝ་གྒོ
༣༣༡. ཀོ་ཀི་ལ་ཛཱ་ཏ་ཀཾ (༤-༤-༡)
༡༢༡. ཡོ ཝེ ཀཱ་ལེ ཨ་ས་མྤ་ཏྟེ, ཨ་ཏི་ཝེ་ལཾ པ་བྷཱ་ས་ཏི;
ཨེ་ཝཾ སོ ནི་ཧ་ཏོ སེ་ཏི, ཀོ་ཀི་ལཱ་ཡི་ཝ ཨ་ཏྲ་ཛོ.
༡༢༢. ན ཧི ས་ཏྠཾ སུ་ནི་སི་ཏཾ, ཝི་སཾ ཧ་ལཱ་ཧ་ལཱ་མི་ཝ [ཧ་ལཱ་ཧ་ལཾ ཨི་ཝ (པཱི.)];
ཨེ་ཝཾ ནི་ཀ་ཊྛེ [ནི་ཀྐ་ཌྜྷེ (སྱཱ.), ནི་ཀ་ཌྜྷེ (ཀ.)] པཱ་ཏེ་ཏི, ཝཱ་ཙཱ དུ་བྦྷཱ་སི་ཏཱ ཡ་ཐཱ.
༡༢༣. ཏ་སྨཱ ཀཱ་ལེ ཨ་ཀཱ་ལེ ཝཱ [ཨ་ཀཱ་ལེ ཙ (སཱི. སྱཱ.)], ཝཱ་ཙཾ ར་ཀྑེ་ཡྻ པ་ཎྜི་ཏོ;
ནཱ་ཏི་ཝེ་ལཾ པ་བྷཱ་སེ་ཡྻ, ཨ་པི ཨ་ཏྟ་ས་མ་མྷི ཝཱ.
༡༢༤. ཡོ ཙ ཀཱ་ལེ མི་ཏཾ བྷཱ་སེ, མ་ཏི་པུ་བྦོ ཝི་ཙ་ཀྑ་ཎོ;
ས་བྦེ ཨ་མི་ཏྟེ ཨཱ་དེ་ཏི, སུ་པ་ཎྞོ ཨུ་ར་གཱ་མི་ཝཱ་ཏི.
ཀོ་ཀི་ལ་ཛཱ་ཏ་ཀཾ [ཀོ་ཀཱ་ལི་ཀ་ཛཱ་ཏ་ཀཾ (ས་བྦ་ཏྠ)] པ་ཋ་མཾ.
༣༣༢. ར་ཐ་ལ་ཊྛི་ཛཱ་ཏ་ཀཾ (༤-༤-༢)
༡༢༥. ཨ་པི ཧ་ནྟྭཱ ཧ་ཏོ བྲཱུ་ཏི, ཛེ་ཏྭཱ ཛི་ཏོ་ཏི བྷཱ་ས་ཏི;
པུ་བྦ་ཝ་ཀྑཱ་ཡི་ནོ [པུ་བྦ་མ་ཀྑཱ་ཡི་ནོ (སཱི. སྱཱ.)] རཱ་ཛ, ཨ་ཉྙ་ད་ཏྠུ [ཨེ་ཀ་ད་ཏྠུ (སཱི. པཱི.)] ན ས་དྡ་ཧེ.
༡༢༦. ཏ་སྨཱ པ་ཎྜི་ཏ་ཛཱ་ཏི་ཡོ, སུ་ཎེ་ཡྻ ཨི་ཏ་ར་སྶ་པི;
ཨུ་བྷི་ནྣཾ ཝ་ཙ་ནཾ སུ་ཏྭཱ, ཡ་ཐཱ དྷ་མྨོ ཏ་ཐཱ ཀ་རེ.
༡༢༧. ཨ་ལ་སོ གི་ཧཱི ཀཱ་མ་བྷོ་གཱི ན སཱ་དྷུ, ཨ་ས་ཉྙ་ཏོ པ་བྦ་ཛི་ཏོ ན སཱ་དྷུ;
རཱ་ཛཱ ན སཱ་དྷུ ཨ་ནི་ས་མྨ་ཀཱ་རཱི, ཡོ པ་ཎྜི་ཏོ ཀོ་དྷ་ནོ ཏཾ ན སཱ་དྷུ.
༡༢༨. ནི་ས་མྨ ཁ་ཏྟི་ཡོ ཀ་ཡི་རཱ, ནཱ་ནི་ས་མྨ དི་ས་མྤ་ཏི;
ནི་ས་མྨ་ཀཱ་རི་ནོ རཱ་ཛ [ར་ཉྙོ (སཱི. སྱཱ.)], ཡ་སོ ཀི་ཏྟི ཙ ཝ་ཌྜྷ་ཏཱི་ཏི.
ར་ཐ་ལ་ཊྛི་ཛཱ་ཏ་ཀཾ དུ་ཏི་ཡཾ.
༣༣༣. པ་ཀྐ་གོ་དྷ་ཛཱ་ཏ་ཀཾ (༤-༤-༣)
༡༢༩. ཏ་དེ་ཝ མེ ཏྭཾ ཝི་དི་ཏོ, ཝ་ན་མ་ཛ྄ཛྷེ ར་ཐེ་ས་བྷ;
ཡ་སྶ ཏེ ཁ་གྒ་བ་དྡྷ་སྶ, ས་ནྣ་དྡྷ་སྶ ཏི་རཱི་ཊི་ནོ;
ཨ་སྶ་ཏྠ་དུ་མ་སཱ་ཁཱ་ཡ, པ་ཀྐཱ གོ་དྷཱ པ་ལཱ་ཡ་ཐ.
༡༣༠. ན་མེ ན་མ་ནྟ་སྶ བྷ་ཛེ བྷ་ཛ་ནྟཾ, ཀི་ཙྩཱ་ནུ་ཀུ་བྦ་སྶ ཀ་རེ་ཡྻ ཀི་ཙྩཾ;
ནཱ་ན་ཏྠ་ཀཱ་མ་སྶ ཀ་རེ་ཡྻ ཨ་ཏྠཾ, ཨ་ས་མྦྷ་ཛ་ནྟ་མྤི ན ས་མྦྷ་ཛེ་ཡྻ.
༡༣༡. ཙ་ཛེ ཙ་ཛ་ནྟཾ ཝ་ན་ཐཾ ན ཀ་ཡི་རཱ, ཨ་པེ་ཏ་ཙི་ཏྟེ་ན ན ས་མྦྷ་ཛེ་ཡྻ;
དི་ཛོ དུ་མཾ ཁཱི་ཎ་ཕ་ལ་ནྟི [ཕ་ལཾ་ཝ (ཀ. སཱི. སྱཱ. ཀ.), དུ་ཀ་ནི་པཱ་ཏེ པུ་ཊ་བྷ་ཏྟ་ཛཱ་ཏ་ཀེ་ན སཾ་ས་ནྡེ་ཏ་བྦཾ] ཉ་ཏྭཱ, ཨ་ཉྙཾ ས་མེ་ཀྑེ་ཡྻ མ་ཧཱ ཧི ལོ་ཀོ.
༡༣༢. སོ ཏེ ཀ་རི་སྶཱ་མི ཡ་ཐཱ་ནུ་བྷཱ་ཝཾ, ཀ་ཏ་ཉྙུ་ཏཾ ཁ་ཏྟི་ཡེ [ཁ་ཏྟི་ཡོ (སྱཱ. ཀ.)] པེ་ཀྑ་མཱ་ནོ;
ས་བྦ་ཉྩ ཏེ ཨི་སྶ་རི་ཡཾ ད་དཱ་མི, ཡ་སྶི་ཙྪ་སཱི ཏ་སྶ ཏུ་ཝཾ ད་དཱ་མཱི་ཏི.
པ་ཀྐ་གོ་དྷ་ཛཱ་ཏ་ཀཾ [གོ་དྷ་ཛཱ་ཏ་ཀཾ (སཱི. སྱཱ. པཱི.)] ཏ་ཏི་ཡཾ.
༣༣༤. རཱ་ཛོ་ཝཱ་ད་ཛཱ་ཏ་ཀཾ (༤-༤-༤)
༡༣༣. ག་ཝཾ ཙེ ཏ་ར་མཱ་ནཱ་ནཾ, ཛི་མྷཾ ག་ཙྪ་ཏི པུ་ངྒ་ཝོ;
ས་བྦཱ ཏཱ ཛི་མྷཾ ག་ཙྪ་ནྟི [ས་བྦཱ གཱ་ཝཱི ཛི་མྷཾ ཡ་ནྟི (སཱི. སྱཱ.)], ནེ་ཏྟེ ཛི་མྷཾ ག་ཏེ ས་ཏི.
༡༣༤. ཨེ་ཝ་མེ་ཝ མ་ནུ་སྶེ་སུ, ཡོ ཧོ་ཏི སེ་ཊྛ་ས་མྨ་ཏོ;
སོ ཙེ ཨ་དྷ་མྨཾ ཙ་ར་ཏི, པ་གེ་ཝ ཨི་ཏ་རཱ པ་ཛཱ;
ས་བྦཾ ར་ཊྛཾ དུ་ཁཾ སེ་ཏི, རཱ་ཛཱ ཙེ ཧོ་ཏི ཨ་དྷ་མྨི་ཀོ.
༡༣༥. ག་ཝཾ ཙེ ཏ་ར་མཱ་ནཱ་ནཾ, ཨུ་ཛུཾ ག་ཙྪ་ཏི པུ་ངྒ་ཝོ;
ས་བྦཱ གཱ་ཝཱི ཨུ་ཛུཾ ཡ་ནྟི [ས་བྦཱ ཏཱ ཨུ་ཛུཾ ག་ཙྪ་ནྟི (པཱི. ཨ. ནི. ༤.༧༠)], ནེ་ཏྟེ ཨུ་ཛུཾ ག་ཏེ ས་ཏི.
༡༣༦. ཨེ་ཝ་མེ་ཝ མ་ནུ་སྶེ་སུ, ཡོ ཧོ་ཏི སེ་ཊྛ་ས་མྨ་ཏོ;
སོ ས་ཙེ དྷ་མྨཾ ཙ་ར་ཏི, པ་གེ་ཝ ཨི་ཏ་རཱ པ་ཛཱ;
ས་བྦཾ ར་ཊྛཾ སུ་ཁཾ སེ་ཏི, རཱ་ཛཱ ཙེ ཧོ་ཏི དྷ་མྨི་ཀོ་ཏི.
རཱ་ཛོ་ཝཱ་ད་ཛཱ་ཏ་ཀཾ ཙ་ཏུ་ཏྠཾ.
༣༣༥. ཛ་མྦུ་ཀ་ཛཱ་ཏ་ཀཾ (༤-༤-༥)
༡༣༧. བྲ་ཧཱ པ་ཝ་ཌྜྷ་ཀཱ་ཡོ སོ, དཱི་གྷ་དཱ་ཋོ ཙ ཛ་མྦུ་ཀ;
ན ཏྭཾ ཏ་ཏྠ ཀུ་ལེ ཛཱ་ཏོ, ཡ་ཏྠ ག་ཎྷ་ནྟི ཀུ་ཉྫ་རཾ.
༡༣༨. ཨ་སཱི་ཧོ སཱི་ཧ་མཱ་ནེ་ན, ཡོ ཨ་ཏྟཱ་ནཾ ཝི་ཀུ་བྦ་ཏི;
ཀོ་ཏྠཱུ་ཝ [ཀུ་ཊྛཱུ་ཝ (སཱི.), ཀུ་ཏྠུ་ཝ (སྱཱ. པཱི)] ག་ཛ་མཱ་ས་ཛྫ, སེ་ཏི བྷཱུ་མྱཱ ཨ་ནུ་ཏྠུ་ནཾ.
༡༣༩. ཡ་ས་སྶི་ནོ ཨུ་ཏྟ་མ་པུ་གྒ་ལ་སྶ, ས་ཉྫཱ་ཏ་ཁ་ནྡྷ་སྶ མ་ཧ་བྦ་ལ་སྶ;
ཨ་ས་མེ་ཀྑི་ཡ ཐཱ་མ་བ་ལཱུ་པ་པ་ཏྟིཾ, ས སེ་ཏི ནཱ་གེ་ན ཧ་ཏོ་ཡཾ ཛ་མྦུ་ཀོ.
༡༤༠. ཡོ ཙཱི་དྷ ཀ་མྨཾ ཀུ་རུ་ཏེ པ་མཱ་ཡ, ཐཱ་མ་བྦ་ལཾ ཨ་ཏྟ་ནི སཾ་ཝི་དི་ཏྭཱ;
ཛ་པྤེ་ན མ་ནྟེ་ན སུ་བྷཱ་སི་ཏེ་ན, པ་རི་ཀྑ་ཝཱ སོ ཝི་པུ་ལཾ ཛི་ནཱ་ཏཱི་ཏི.
ཛ་མྦུ་ཀ་ཛཱ་ཏ་ཀཾ པ་ཉྩ་མཾ.
༣༣༦. བྲ་ཧཱ་ཚ་ཏྟ་ཛཱ་ཏ་ཀཾ (༤-༤-༦)
༡༤༡. ཏི་ཎཾ ཏི་ཎ་ནྟི ལ་པ་སི, ཀོ ནུ ཏེ ཏི་ཎ་མཱ་ཧ་རི;
ཀིཾ ནུ ཏེ ཏི་ཎ་ཀི་ཙྩ་ཏྠི, ཏི་ཎ་མེ་ཝ པ་བྷཱ་ས་སི.
༡༤༢. ཨི་དྷཱ་ག་མཱ བྲ་ཧྨ་ཙཱ་རཱི, བྲ་ཧཱ ཚ་ཏྟོ བ་ཧུ་སྶུ་ཏོ;
སོ མེ [སོ ཝེ (ཀ.)] ས་བྦཾ ས་མཱ་དཱ་ཡ, ཏི་ཎཾ ནི་ཀྑི་པྤ ག་ཙྪ་ཏི.
༡༤༣. ཨེ་ཝེ་ཏཾ ཧོ་ཏི ཀ་ཏྟ་བྦཾ, ཨ་པྤེ་ན བ་ཧུ་མི་ཙྪ་ཏཱ;
ས་བྦཾ ས་ཀ་སྶ ཨཱ་དཱ་ནཾ, ཨ་ནཱ་དཱ་ནཾ ཏི་ཎ་སྶ ཙ. ( ) [(ཏི་ཎ་སྶ ཙཱ་ཊཱི་སུ ག་ཏོ, ཏ་ཏྠ ཀཱ པ་རི་དེ་ཝ་ནཱ) (སཱི. སྱཱ.) (ཙཱ་ཊཱི་སུ པ་ཀྑི་པི་ཏྭཱ་ན, ཏ་ཏྠ ཀཱ པ་རི་དེ་ཝ་ནཱ) (ཀ.)]
༡༤༤. སཱི་ལ་ཝ་ནྟོ ན ཀུ་བྦ་ནྟི, བཱ་ལོ སཱི་ལཱ་ནི ཀུ་བྦ་ཏི;
ཨ་ནི་ཙྩ་སཱི་ལཾ དུ་སྶཱི་ལྱཾ [དུ་སྶཱི་ལཾ (པཱི.)], ཀིཾ པ་ཎྜི་ཙྩཾ ཀ་རི་སྶ་ཏཱི་ཏི.
བྲ་ཧཱ་ཚ་ཏྟ་ཛཱ་ཏ་ཀཾ ཚ་ཊྛཾ.
༣༣༧. པཱི་ཋ་ཛཱ་ཏ་ཀཾ (༤-༤-༧)
༡༤༥. ན ཏེ པཱི་ཋ་མ་དཱ་ཡི་མྷཱ [མ་དཱ་སི་མྷ (པཱི. ཀ.)], ན པཱ་ནཾ ན་པི བྷོ་ཛ་ནཾ;
བྲ་ཧྨ་ཙཱ་རི ཁ་མ་སྶུ མེ, ཨེ་ཏཾ པ་སྶཱ་མི ཨ་ཙྩ་ཡཾ.
༡༤༦. ནེ་ཝཱ་བྷི་ས་ཛྫཱ་མི ན ཙཱ་པི ཀུ་པྤེ, ན ཙཱ་པི མེ ཨ་པྤི་ཡ་མཱ་སི ཀི་ཉྩི;
ཨ་ཐོ་པི མེ ཨཱ་སི མ་ནོ་ཝི་ཏ་ཀྐོ, ཨེ་ཏཱ་དི་སོ ནཱུ་ན ཀུ་ལ་སྶ དྷ་མྨོ.
༡༤༧. ཨེ་ས་སྨཱ་ཀཾ ཀུ་ལེ དྷ་མྨོ, པི་ཏུ་པི་ཏཱ་མ་ཧོ ས་དཱ;
ཨཱ་ས་ནཾ ཨུ་ད་ཀཾ པ་ཛྫཾ, ས་བྦེ་ཏཾ ནི་པ་དཱ་མ་སེ.
༡༤༨. ཨེ་ས་སྨཱ་ཀཾ ཀུ་ལེ དྷ་མྨོ, པི་ཏུ་པི་ཏཱ་མ་ཧོ ས་དཱ;
ས་ཀྐ་ཙྩཾ ཨུ་པ་ཏི་ཊྛཱ་མ, ཨུ་ཏྟ་མཾ ཝི་ཡ ཉཱ་ཏ་ཀ་ནྟི.
པཱི་ཋ་ཛཱ་ཏ་ཀཾ ས་ཏྟ་མཾ.
༣༣༨. ཐུ་ས་ཛཱ་ཏ་ཀཾ (༤-༤-༨)
༡༤༩. ཝི་དི་ཏཾ ཐུ་སཾ ཨུ་ནྡུ་རཱ་ནཾ [ཨུ་ནྡཱུ་རཱ་ནཾ (ཀ.)], ཝི་དི་ཏཾ པ་ན ཏ་ཎྜུ་ལཾ;
ཐུ་སཾ ཐུ་སཾ [ཐུ་སཾ ཐཱུ་ལཾ (སཱི.)] ཝི་ཝ་ཛྫེ་ཏྭཱ, ཏ་ཎྜུ་ལཾ པ་ན ཁཱ་ད་རེ.
༡༥༠. ཡཱ མ་ནྟ་ནཱ ཨ་ར་ཉྙ་སྨིཾ, ཡཱ ཙ གཱ་མེ ནི་ཀ་ཎྞི་ཀཱ;
ཡ་ཉྩེ་ཏཾ ཨི་ཏི ཙཱི་ཏི ཙ, ཨེ་ཏ་མྤི ཝི་དི་ཏཾ མ་ཡཱ.
༡༥༡. དྷ་མྨེ་ན ཀི་ར ཛཱ་ཏ་སྶ, པི་ཏཱ པུ་ཏྟ་སྶ མ་ཀྐ་ཊོ;
ད་ཧ་ར་སྶེ་ཝ ས་ནྟ་སྶ, ད་ནྟེ་ཧི ཕ་ལ་མ་ཙྪི་དཱ.
༡༥༢. ཡ་མེ་ཏཾ པ་རི་ས་པྤ་སི [པ་རི་ས་བྦེ་སི (ཀ.)], ཨ་ཛ་ཀཱ་ཎོ་ཝ སཱ་ས་པེ;
ཡོ་པཱ་ཡཾ ཧེ་ཊྛ་ཏོ སེ་ཏི [སེ་སི (སཱི.)], ཨེ་ཏ་མྤི ཝི་དི་ཏཾ མ་ཡཱ་ཏི.
ཐུ་ས་ཛཱ་ཏ་ཀཾ ཨ་ཊྛ་མཾ.
༣༣༩. བཱ་ཝེ་རུ་ཛཱ་ཏ་ཀཾ (༤-༤-༩)
༡༥༣. ཨ་ད་སྶ་ནེ་ན མོ་ར་སྶ, སི་ཁི་ནོ མ་ཉྫུ་བྷཱ་ཎི་ནོ;
ཀཱ་ཀཾ ཏ་ཏྠ ཨ་པཱུ་ཛེ་སུཾ, མཾ་སེ་ན ཙ ཕ་ལེ་ན ཙ.
༡༥༤. ཡ་དཱ ཙ ས་ར་ས་མྤ་ནྣོ, མོ་རོ བཱ་ཝེ་རུ་མཱ་ག་མཱ;
ཨ་ཐ ལཱ་བྷོ ཙ ས་ཀྐཱ་རོ, ཝཱ་ཡ་ས་སྶ ཨ་ཧཱ་ཡ་ཐ.
༡༥༥. ཡཱ་ཝ ནུ་པྤ་ཛྫ་ཏཱི བུ་དྡྷོ, དྷ་མྨ་རཱ་ཛཱ པ་བྷ་ངྐ་རོ;
ཏཱ་ཝ ཨ་ཉྙེ ཨ་པཱུ་ཛེ་སུཾ, པུ་ཐཱུ ས་མ་ཎ་བྲཱ་ཧྨ་ཎེ.
༡༥༦. ཡ་དཱ ཙ ས་ར་ས་མྤ་ནྣོ, བུ་དྡྷོ དྷ་མྨཾ ཨ་དེ་ས་ཡི;
ཨ་ཐ ལཱ་བྷོ ཙ ས་ཀྐཱ་རོ, ཏི་ཏྠི་ཡཱ་ནཾ ཨ་ཧཱ་ཡ་ཐཱ་ཏི.
བཱ་ཝེ་རུ་ཛཱ་ཏ་ཀཾ ན་ཝ་མཾ.
༣༤༠. ཝི་ས་ཡ྄ཧ་ཛཱ་ཏ་ཀཾ (༤-༤-༡༠)
༡༥༧. ཨ་དཱ་སི དཱ་ནཱ་ནི པུ་རེ ཝི་ས་ཡ྄ཧ, ད་ད་ཏོ ཙ ཏེ ཁ་ཡ་དྷ་མྨོ ཨ་ཧོ་སི;
ཨི་ཏོ པ་རཾ ཙེ ན ད་དེ་ཡྻ དཱ་ནཾ, ཏི་ཊྛེ་ཡྻུཾ ཏེ སཾ་ཡ་མ་ནྟ་སྶ བྷོ་གཱ.
༡༥༨. ཨ་ན་རི་ཡ་མ་རི་ཡེ་ན ས་ཧ་སྶ་ནེ་ཏྟ, སུ་དུ་གྒ་ཏེ་ནཱ་པི ཨ་ཀི་ཙྩ་མཱ་ཧུ;
མཱ ཝོ དྷ་ནཾ ཏཾ ཨ་ཧུ དེ་ཝ་རཱ་ཛ [ཨ་ཧུ་ཝཱ ཛ་ནི་ནྡ (ཀ. སཱི. སྱཱ. པཱི.)], ཡཾ བྷོ་ག་ཧེ་ཏུ ཝི་ཛ་ཧེ་མུ ས་དྡྷཾ.
༡༥༩. ཡེ་ན ཨེ་ཀོ ར་ཐོ ཡཱ་ཏི, ཡཱ་ཏི ཏེ་ནཱ་པ་རོ ར་ཐོ;
པོ་རཱ་ཎཾ ནི་ཧི་ཏཾ ཝ་ཏྟཾ, ཝ་ཏྟ་ཏ་ཉྙེ་ཝ [ཝ་དྡྷཾ, ཝ་དྡྷ་ཏ་ཉྙེ་ཝ (ཀ. སཱི. པཱི.)] ཝཱ་ས་ཝ.
༡༦༠. ཡ་དི ཧེ་སྶ་ཏི ད་སྶཱ་མ, ཨ་ས་ནྟེ ཀིཾ ད་དཱ་མ་སེ;
ཨེ་ཝཾ་བྷཱུ་ཏཱ་པི ད་སྶཱ་མ, མཱ དཱ་ནཾ པ་མ་ད་མྷ་སེ་ཏི.
ཝི་ས་ཡ྄ཧ་ཛཱ་ཏ་ཀཾ ད་ས་མཾ.
ཀོ་ཀི་ལ་ཝ་གྒོ [ཀོ་ཀཱ་ལི་ཀ་ཝ་གྒོ (ཀ.)] ཙ་ཏུ་ཏྠོ.
ཏ་སྶུ་དྡཱ་ནཾ –
ཨ་ཏི་ཝེ་ལ་པ་བྷཱ་ས་ཏི ཛཱི་ཏ་ཝ་རོ, ཝ་ན་མ་ཛ྄ཛྷ ར་ཐེ་ས་བྷ ཛི་མྷ་ག་མོ;
ཨ་ཐ ཛ་མྦུ ཏི་ཎཱ་ས་ན་པཱི་ཋ་ཝ་རཾ, ཨ་ཐ ཏ་ཎྜུ་ལ མོ་ར ཝི་ས་ཡ྄ཧ ད་སཱ་ཏི.