༣༡༨. ཀ་ཎ་ཝེ་ར་ཛཱ་ཏ་ཀཾ (༤-༢-༨)
༦༩. ཡཾ ཏཾ ཝ་ས་ནྟ་ས་མ་ཡེ, ཀ་ཎ་ཝེ་རེ་སུ བྷཱ་ཎུ་སུ;
སཱ་མཾ བཱ་ཧཱ་ཡ པཱི་ལེ༹་སི, སཱ ཏཾ ཨཱ་རོ་གྱ་མ་བྲ་ཝི.
༧༠. ཨ་མྦྷོ ན ཀི་ར ས་དྡྷེ་ཡྻཾ, ཡཾ ཝཱ་ཏོ པ་བྦ་ཏཾ ཝ་ཧེ;
པ་བྦ་ཏ་ཉྩེ ཝ་ཧེ ཝཱ་ཏོ, ས་བྦ་མྤི པ་ཐ་ཝིཾ ཝ་ཧེ;
ཡ་ཏྠ སཱ་མཱ ཀཱ་ལ་ཀ་ཏཱ [ཀཱ་ལ་ངྐ་ཏཱ (ཀ.)], སཱ མཾ ཨཱ་རོ་གྱ་མ་བྲ་ཝི.
༧༡. ན ཙེ་ཝ སཱ ཀཱ་ལ་ཀ་ཏཱ, ན ཙ སཱ ཨ་ཉྙ་མི་ཙྪ་ཏི;
ཨེ་ཀ་བྷ་ཏྟི་ཀི་ནཱི [ཨེ་ཀ་བྷ་ཏྟཱ ཀི་ར (སཱི. སྱཱ.), ཨེ་ཀ་བྷ་ཏྟ་ཀི་ནཱི (པཱི.)] སཱ་མཱ, ཏ་མེ་ཝ ཨ་བྷི་ཀ་ངྑ་ཏི.
༧༢. ཨ་ས་ནྠུ་ཏཾ མཾ ཙི་ར་ས་ནྠུ་ཏེ་ན [ཨ་ས་ནྡྷ་ཏཾ མཾ ཙི་ར་ས་ནྡྷ་ཏེ་ན (ཀ.)], ནི་མཱི་ནི སཱ་མཱ ཨ་དྷུ་ཝཾ དྷུ་ཝེ་ན;
མ་ཡཱ་པི སཱ་མཱ ནི་མི་ནེ་ཡྻ ཨ་ཉྙཾ, ཨི་ཏོ ཨ་ཧཾ དཱུ་ར་ཏ་རཾ ག་མི་སྶ་ནྟི.
ཀ་ཎ་ཝེ་ར་ཛཱ་ཏ་ཀཾ ཨ་ཊྛ་མཾ.