༢. པུ་ཙི་མ་ནྡ་ཝ་གྒོ
༣༡༡. པུ་ཙི་མ་ནྡ་ཛཱ་ཏ་ཀཾ (༤-༢-༡)
༤༡. ཨུ་ཊྛེ་ཧི ཙོ་ར ཀིཾ སེ་སི, ཀོ ཨ་ཏྠོ སུ་པ་ནེ་ན [སུ་པི་ཏེ་ན (སཱི.), སུ་པི་ནེ་ན (པཱི. ཀ.)] ཏེ;
མཱ ཏཾ ག་ཧེ་སུཾ [ག་ཎྷེ་ཡྻུཾ (ཀ.)] རཱ་ཛཱ་ནོ, གཱ་མེ ཀི་བྦི་ས་ཀཱ་ར་ཀཾ.
༤༢. ཡཾ ནུ [ནཱུ་ན (སྱཱ.)] ཙོ་རཾ ག་ཧེ་སྶ་ནྟི, གཱ་མེ ཀི་བྦི་ས་ཀཱ་ར་ཀཾ;
ཀིཾ ཏ་ཏྠ པུ་ཙི་མ་ནྡ་སྶ, ཝ་ནེ ཛཱ་ཏ་སྶ ཏི་ཊྛ་ཏོ.
༤༣. ན ཏྭཾ ཨ་སྶ་ཏྠ ཛཱ་ནཱ་སི, མ་མ ཙོ་ར་སྶ ཙ་ནྟ་རཾ;
ཙོ་རཾ ག་ཧེ་ཏྭཱ རཱ་ཛཱ་ནོ, གཱ་མེ ཀི་བྦི་ས་ཀཱ་ར་ཀཾ;
ཨ་པྤེ་ནྟི [ཨ་ཙྩེ་ནྟི (སྱཱ.)] ནི་མྦ་སཱུ་ལ་སྨིཾ, ཏ་སྨིཾ མེ ས་ངྐ་ཏེ མ་ནོ.
༤༤. ས་ངྐེ་ཡྻ ས་ངྐི་ཏ་བྦཱ་ནི, ར་ཀྑེ་ཡྻཱ་ནཱ་ག་ཏཾ བྷ་ཡཾ;
ཨ་ནཱ་ག་ཏ་བྷ་ཡཱ དྷཱི་རོ, ཨུ་བྷོ ལོ་ཀེ ཨ་ཝེ་ཀྑ་ཏཱི་ཏི.
པུ་ཙི་མ་ནྡ་ཛཱ་ཏ་ཀཾ པ་ཋ་མཾ.
༣༡༢. ཀ་སྶ་པ་མ་ནྡི་ཡ་ཛཱ་ཏ་ཀཾ (༤-༢-༢)
༤༥. ཨ་པི ཀ་སྶ་པ མ་ནྡི་ཡཱ, ཡུ་ཝཱ ས་པ་ཏི ཧ་ནྟི [ས་མྤ་ཊི་ཧ་ནྟི (ཀ.)] ཝཱ;
ས་བྦཾ ཏཾ ཁ་མ་ཏེ དྷཱི་རོ, པ་ཎྜི་ཏོ ཏཾ ཏི་ཏི་ཀྑ་ཏི.
༤༦. ས་ཙེ་པི ས་ནྟོ ཝི་ཝ་ད་ནྟི, ཁི་པྤཾ ས་ནྡྷཱི་ཡ་རེ པུ་ན;
བཱ་ལཱ པ་ཏྟཱ་ཝ བྷི་ཛྫ་ནྟི, ན ཏེ ས་མ་ཐ་མ་ཛ྄ཛྷ་གཱུ.
༤༧. ཨེ་ཏེ བྷི་ཡྻོ ས་མཱ་ཡ་ནྟི, ས་ནྡྷི ཏེ་སཾ ན ཛཱི་ར་ཏི;
ཡོ ཙཱ་དྷི་པ་ནྣཾ ཛཱ་ནཱ་ཏི, ཡོ ཙ ཛཱ་ནཱ་ཏི དེ་ས་ནཾ.
༤༨. ཨེ་སོ ཧི ཨུ་ཏྟ་རི་ཏ་རོ, བྷཱ་ར་ཝ་ཧོ དྷུ་ར་དྡྷ་རོ;
ཡོ པ་རེ་སཱ་དྷི་པ་ནྣཱ་ནཾ, ས་ཡཾ ས་ནྡྷཱ་ཏུ་མ་ར་ཧ་ཏཱི་ཏི.
ཀ་སྶ་པ་མ་ནྡི་ཡ་ཛཱ་ཏ་ཀཾ དུ་ཏི་ཡཾ.
༣༡༣. ཁ་ནྟཱི་ཝཱ་དཱི་ཛཱ་ཏ་ཀཾ (༤-༢-༣)
༤༩. ཡོ ཏེ ཧ་ཏྠེ ཙ པཱ་དེ ཙ, ཀ་ཎྞ་ནཱ་ས་ཉྩ ཚེ་ད་ཡི;
ཏ་སྶ ཀུ་ཛ྄ཛྷ མ་ཧཱ་ཝཱི་ར, མཱ ར་ཊྛཾ ཝི་ན་སཱ [ཝི་ན་སྶ (ཀ. སཱི. སྱཱ. ཀ.)] ཨི་དཾ.
༥༠. ཡོ མེ ཧ་ཏྠེ ཙ པཱ་དེ ཙ, ཀ་ཎྞ་ནཱ་ས་ཉྩ ཚེ་ད་ཡི;
ཙི་རཾ ཛཱི་ཝ་ཏུ སོ རཱ་ཛཱ, ན ཧི ཀུ་ཛ྄ཛྷ་ནྟི མཱ་དི་སཱ.
༥༡. ཨ་ཧཱུ ཨ་ཏཱི་ཏ་མ་དྡྷཱ་ནཾ [ཨ་ཧུ ཨ་ཏཱི་ཏ་མ་དྡྷཱ་ནེ (སྱཱ. པཱི. ཀ.)], ས་མ་ཎོ ཁ་ནྟི་དཱི་པ་ནོ;
ཏཾ ཁ་ནྟི་ཡཱ་ཡེ་ཝ ཋི་ཏཾ, ཀཱ་སི་རཱ་ཛཱ ཨ་ཚེ་ད་ཡི.
༥༢. ཏ་སྶ ཀ་མྨ [ཀ་མྨ་སྶ (སཱི. པཱི.)] ཕ་རུ་ས་སྶ, ཝི་པཱ་ཀོ ཀ་ཊུ་ཀོ ཨ་ཧུ;
ཡཾ ཀཱ་སི་རཱ་ཛཱ ཝེ་དེ་སི, ནི་ར་ཡ་མྷི ས་མ་པྤི་ཏོ་ཏི.
ཁ་ནྟཱི་ཝཱ་དཱི་ཛཱ་ཏ་ཀཾ ཏ་ཏི་ཡཾ.
༣༡༤. ལོ་ཧ་ཀུ་མྦྷི་ཛཱ་ཏ་ཀཾ (༤-༢-༤)
༥༣. དུ་ཛྫཱི་ཝི་ཏ་མ་ཛཱི་ཝི་མྷ, ཡེ ས་ནྟེ [ཡེ་སཾ ནོ (སྱཱ. ཀ.)] ན ད་ད་མྷ་སེ;
ཝི་ཛྫ་མཱ་ནེ་སུ བྷོ་གེ་སུ, དཱི་པཾ ནཱ་ཀ་མྷ ཨ་ཏྟ་ནོ.
༥༤. ས་ཊྛི [ས་ཊྛིཾ (སྱཱ.)] ཝ་སྶ་ས་ཧ་སྶཱ་ནི, པ་རི་པུ་ཎྞཱ་ནི ས་བྦ་སོ;
ནི་ར་ཡེ པ་ཙྩ་མཱ་ནཱ་ནཾ, ཀ་དཱ ཨ་ནྟོ བྷ་ཝི་སྶ་ཏི.
༥༥. ན་ཏྠི ཨ་ནྟོ ཀུ་ཏོ ཨ་ནྟོ, ན ཨ་ནྟོ པ་ཊི་དི་སྶ་ཏི;
ཏ་དཱ ཧི པ་ཀ་ཏཾ པཱ་པཾ, མ་མ ཏུ་ཡ྄ཧ་ཉྩ མཱ་རི་སཱ [མཱ་རི་ས (སཱི. སྱཱ. པཱི.)].
༥༦. སོ་ཧཾ ནཱུ་ན ཨི་ཏོ ག་ནྟྭཱ, ཡོ་ནིཾ ལ་དྡྷཱ་ན མཱ་ནུ་སིཾ;
ཝ་ད་ཉྙཱུ སཱི་ལ་ས་མྤ་ནྣོ, ཀཱ་ཧཱ་མི ཀུ་ས་ལཾ བ་ཧུ་ནྟི.
ལོ་ཧ་ཀུ་མྦྷི་ཛཱ་ཏ་ཀཾ ཙ་ཏུ་ཏྠཾ.
༣༡༥. ས་བྦ་མཾ་ས་ལཱ་བྷ་ཛཱ་ཏ་ཀཾ (༤-༢-༥)
༥༧. ཕ་རུ་སཱ ཝ་ཏ ཏེ ཝཱ་ཙཱ, མཾ་སཾ [ས་མྨ (པཱི. ཀ.)] ཡཱ་ཙ་ན་ཀོ ཨ་སི [ཙ་སི (པཱི.)];
ཀི་ལོ་མ་ས་དི་སཱི [ཀི་ལོ་མ་སྶ ས་དི་སཱ (པཱི.)] ཝཱ་ཙཱ, ཀི་ལོ་མཾ ས་མྨ ད་མྨི ཏེ.
༥༨. ཨ་ངྒ་མེ་ཏཾ མ་ནུ་སྶཱ་ནཾ, བྷཱ་ཏཱ ལོ་ཀེ པ་ཝུ་ཙྩ་ཏི;
ཨ་ངྒ་སྶ ས་དི་སཱི ཝཱ་ཙཱ [ཨ་ངྒ་སྶ་དི་སཱི ཏེ ཝཱ་ཙཱ (ཀ.)], ཨ་ངྒཾ ས་མྨ ད་དཱ་མི ཏེ.
༥༩. ཏཱ་ཏཱ་ཏི པུ་ཏྟོ ཝ་ད་མཱ་ནོ, ཀ་མྤེ་ཏི [ས་མྨེ་ཏི (ཀ.)] ཧ་ད་ཡཾ པི་ཏུ;
ཧ་ད་ཡ་སྶ ས་དི་སཱི [ཧ་ད་ཡ་སྶ་དི་སཱི (ཀ.)] ཝཱ་ཙཱ, ཧ་ད་ཡཾ ས་མྨ ད་མྨི ཏེ.
༦༠. ཡ་སྶ གཱ་མེ ས་ཁཱ ན་ཏྠི, ཡ་ཐཱ་ར་ཉྙཾ ཏ་ཐེ་ཝ ཏཾ;
ས་བྦ་སྶ ས་དི་སཱི ཝཱ་ཙཱ, ས་བྦཾ ས་མྨ ད་དཱ་མི ཏེ་ཏི.
ས་བྦ་མཾ་ས་ལཱ་བྷ་ཛཱ་ཏ་ཀཾ [མཾ་ས་ཛཱ་ཏ་ཀཾ (སཱི. སྱཱ. པཱི.)] པ་ཉྩ་མཾ.
༣༡༦. ས་ས་པ་ཎྜི་ཏ་ཛཱ་ཏ་ཀཾ (༤-༢-༦)
༦༡. ས་ཏྟ མེ རོ་ཧི་ཏཱ མ་ཙྪཱ, ཨུ་ད་ཀཱ ཐ་ལ་མུ་བྦྷ་ཏཱ;
ཨི་དཾ བྲཱ་ཧྨ་ཎ མེ ཨ་ཏྠི, ཨེ་ཏཾ བྷུ་ཏྭཱ ཝ་ནེ ཝ་ས.
༦༢. དུ་སྶ མེ ཁེ་ཏྟ་པཱ་ལ་སྶ, ར་ཏྟི་བྷ་ཏྟཾ ཨ་པཱ་བྷ་ཏཾ;
མཾ་ས་སཱུ་ལཱ ཙ དྭེ གོ་དྷཱ, ཨེ་ཀ་ཉྩ ད་དྷི་ཝཱ་ར་ཀཾ;
ཨི་དཾ བྲཱ་ཧྨ་ཎ མེ ཨ་ཏྠི, ཨེ་ཏཾ བྷུ་ཏྭཱ ཝ་ནེ ཝ་ས.
༦༣. ཨ་མྦ་པ་ཀྐཾ ད་ཀཾ [ཨ་མྦ་པ་ཀྐོ་ད་ཀཾ (སཱི. པཱི.)] སཱི་ཏཾ, སཱི་ཏ་ཙྪཱ་ཡཱ མ་ནོ་ར་མཱ [སཱི་ཏ་ཙྪཱ་ཡཾ མ་ནོ་ར་མཾ (སཱི. སྱཱ. པཱི.)];
ཨི་དཾ བྲཱ་ཧྨ་ཎ མེ ཨ་ཏྠི, ཨེ་ཏཾ བྷུ་ཏྭཱ ཝ་ནེ ཝ་ས.
༦༤. ན ས་ས་སྶ ཏི་ལཱ ཨ་ཏྠི, ན མུ་གྒཱ ན་པི ཏ་ཎྜུ་ལཱ;
ཨི་མི་ནཱ ཨ་གྒི་ནཱ པ་ཀྐཾ, མ་མཾ [མཾ་སཾ (ཀ.)] བྷུ་ཏྭཱ ཝ་ནེ ཝ་སཱ་ཏི.
ས་ས་པ་ཎྜི་ཏ་ཛཱ་ཏ་ཀཾ ཚ་ཊྛཾ.
༣༡༧. མ་ཏ་རོ་ད་ན་ཛཱ་ཏ་ཀཾ (༤-༢-༧)
༦༥. མ་ཏཾ མ་ཏཾ ཨེ་ཝ [མ་ཏ་མ་ཏ་མེ་ཝ (སཱི. སྱཱ. པཱི.)] རོ་ད་ཐ, ན ཧི ཏཾ རོ་ད་ཐ ཡོ མ་རི་སྶ་ཏི;
ས་བྦེ་པི [ས་བྦེ་ཝ (སཱི. སྱཱ. པཱི.)] ས་རཱི་ར་དྷཱ་རི་ནོ, ཨ་ནུ་པུ་བྦེ་ན ཛ་ཧ་ནྟི ཛཱི་ཝི་ཏཾ.
༦༦. དེ་ཝ་མ་ནུ་སྶཱ ཙ་ཏུ་པྤ་དཱ, པ་ཀྑི་ག་ཎཱ ཨུ་ར་གཱ ཙ བྷོ་གི་ནོ;
ས་མྷི [ཡ་མྷི (སྱཱ.), ཨ་སྨིཾ (པཱི. ཀ.)] ས་རཱི་རེ ཨ་ནི་སྶ་རཱ, ར་མ་མཱ་ནཱ་ཝ ཛ་ཧ་ནྟི ཛཱི་ཝི་ཏཾ.
༦༧. ཨེ་ཝཾ ཙ་ལི་ཏཾ ཨ་ས་ཎྛི་ཏཾ, སུ་ཁ་དུ་ཀྑཾ མ་ནུ་ཛེ་སྭ་པེ་ཀྑི་ཡ;
ཀ་ནྡི་ཏ་རུ་དི་ཏཾ ནི་ར་ཏྠ་ཀཾ, ཀིཾ ཝོ སོ་ཀ་ག་ཎཱ་བྷི་ཀཱི་ར་རེ.
༦༨. དྷུ་ཏྟཱ ཙ སོ་ཎྜཱ [དྷུ་ཏྟཱ སོ་ཎྜཱ (སཱི.), དྷུ་ཏྟཱ སོ་ཎྜཱ ཙ (སྱཱ.)] ཨ་ཀ་ཏཱ, བཱ་ལཱ སཱུ་རཱ ཨ་ཡོ་གི་ནོ [བཱ་ལཱ སཱུ་རཱ ཝཱི་རཱ ཨ་ཡོ་གི་ནོ (པཱི.)];
དྷཱི་རཾ མ་ཉྙ་ནྟི བཱ་ལོ་ཏི, ཡེ དྷ་མྨ་སྶ ཨ་ཀོ་ཝི་དཱ་ཏི.
མ་ཏ་རོ་ད་ན་ཛཱ་ཏ་ཀཾ ས་ཏྟ་མཾ.
༣༡༨. ཀ་ཎ་ཝེ་ར་ཛཱ་ཏ་ཀཾ (༤-༢-༨)
༦༩. ཡཾ ཏཾ ཝ་ས་ནྟ་ས་མ་ཡེ, ཀ་ཎ་ཝེ་རེ་སུ བྷཱ་ཎུ་སུ;
སཱ་མཾ བཱ་ཧཱ་ཡ པཱི་ལེ༹་སི, སཱ ཏཾ ཨཱ་རོ་གྱ་མ་བྲ་ཝི.
༧༠. ཨ་མྦྷོ ན ཀི་ར ས་དྡྷེ་ཡྻཾ, ཡཾ ཝཱ་ཏོ པ་བྦ་ཏཾ ཝ་ཧེ;
པ་བྦ་ཏ་ཉྩེ ཝ་ཧེ ཝཱ་ཏོ, ས་བྦ་མྤི པ་ཐ་ཝིཾ ཝ་ཧེ;
ཡ་ཏྠ སཱ་མཱ ཀཱ་ལ་ཀ་ཏཱ [ཀཱ་ལ་ངྐ་ཏཱ (ཀ.)], སཱ མཾ ཨཱ་རོ་གྱ་མ་བྲ་ཝི.
༧༡. ན ཙེ་ཝ སཱ ཀཱ་ལ་ཀ་ཏཱ, ན ཙ སཱ ཨ་ཉྙ་མི་ཙྪ་ཏི;
ཨེ་ཀ་བྷ་ཏྟི་ཀི་ནཱི [ཨེ་ཀ་བྷ་ཏྟཱ ཀི་ར (སཱི. སྱཱ.), ཨེ་ཀ་བྷ་ཏྟ་ཀི་ནཱི (པཱི.)] སཱ་མཱ, ཏ་མེ་ཝ ཨ་བྷི་ཀ་ངྑ་ཏི.
༧༢. ཨ་ས་ནྠུ་ཏཾ མཾ ཙི་ར་ས་ནྠུ་ཏེ་ན [ཨ་ས་ནྡྷ་ཏཾ མཾ ཙི་ར་ས་ནྡྷ་ཏེ་ན (ཀ.)], ནི་མཱི་ནི སཱ་མཱ ཨ་དྷུ་ཝཾ དྷུ་ཝེ་ན;
མ་ཡཱ་པི སཱ་མཱ ནི་མི་ནེ་ཡྻ ཨ་ཉྙཾ, ཨི་ཏོ ཨ་ཧཾ དཱུ་ར་ཏ་རཾ ག་མི་སྶ་ནྟི.
ཀ་ཎ་ཝེ་ར་ཛཱ་ཏ་ཀཾ ཨ་ཊྛ་མཾ.
༣༡༩. ཏི་ཏྟི་ར་ཛཱ་ཏ་ཀཾ (༤-༢-༩)
༧༣. སུ་སུ་ཁཾ ཝ་ཏ ཛཱི་ཝཱ་མི, ལ་བྷཱ་མི ཙེ་ཝ བྷུ་ཉྫི་ཏུཾ;
པ་རི་པ་ནྠེ་ཝ ཏི་ཊྛཱ་མི, ཀཱ ནུ བྷ་ནྟེ ག་ཏཱི མ་མ.
༧༤. མ་ནོ ཙེ ཏེ ན་པྤ་ཎ་མ་ཏི, པ་ཀྑི པཱ་པ་སྶ ཀ་མྨུ་ནོ;
ཨ་བྱཱ་ཝ་ཊ་སྶ བྷ་དྲ་སྶ, ན པཱ་པ་མུ་པ་ལི་མྤ་ཏི.
༧༥. ཉཱ་ཏ་ཀོ ནོ ནི་སི་ནྣོ་ཏི, བ་ཧུ ཨཱ་ག་ཙྪ་ཏེ ཛ་ནོ;
པ་ཊི་ཙྩ ཀ་མྨཾ ཕུ་ས་ཏི, ཏ་སྨིཾ མེ ས་ངྐ་ཏེ མ་ནོ.
༧༦. ན པ་ཊི་ཙྩ ཀ་མྨཾ ཕུ་ས་ཏི, མ་ནོ ཙེ ན་པྤ་དུ་སྶ་ཏི;
ཨ་པྤོ་སྶུ་ཀྐ་སྶ བྷ་དྲ་སྶ, ན པཱ་པ་མུ་པ་ལི་མྤ་ཏཱི་ཏི.
ཏི་ཏྟི་ར་ཛཱ་ཏ་ཀཾ ན་ཝ་མཾ.
༣༢༠. སུ་ཙྩ་ཛ་ཛཱ་ཏ་ཀཾ (༤-༢-༡༠)
༧༧. སུ་ཙྩ་ཛཾ ཝ་ཏ ན་ཙྩ་ཛི, ཝཱ་ཙཱ་ཡ ཨ་ད་དཾ གི་རིཾ;
ཀིཾ ཧི་ཏ་སྶ ཙ་ཛ་ནྟ་སྶ, ཝཱ་ཙཱ་ཡ ཨ་ད་ད པ་བྦ་ཏཾ.
༧༨. ཡ་ཉྷི ཀ་ཡི་རཱ ཏ་ཉྷི ཝ་དེ, ཡཾ ན ཀ་ཡི་རཱ ན ཏཾ ཝ་དེ;
ཨ་ཀ་རོ་ནྟཾ བྷཱ་ས་མཱ་ནཾ, པ་རི་ཛཱ་ན་ནྟི པ་ཎྜི་ཏཱ.
༧༩. རཱ་ཛ་པུ་ཏྟ ན་མོ ཏྱ་ཏྠུ, ས་ཙྩེ དྷ་མྨེ ཋི་ཏོ ཙ་སི;
ཡ་སྶ ཏེ བྱ་ས་ནཾ པ་ཏྟོ, ས་ཙྩ་སྨིཾ ར་མ་ཏེ མ་ནོ.
༨༠. ཡཱ ད་ལི་དྡཱི ད་ལི་དྡ་སྶ, ཨ་ཌྜྷཱ ཨ་ཌྜྷ་སྶ ཀི་ཏྟི་མ [ཀི་ཏྟི་མཱ (སཱི. སྱཱ. པཱི.)];
སཱ ཧི་སྶ པ་ར་མཱ བྷ་རི་ཡཱ, ས་ཧི་ར་ཉྙ་སྶ ཨི་ཏྠི་ཡོ་ཏི.
སུ་ཙྩ་ཛ་ཛཱ་ཏ་ཀཾ ད་ས་མཾ.
པུ་ཙི་མ་ནྡ་ཝ་གྒོ དུ་ཏི་ཡོ.
ཏ་སྶུ་དྡཱ་ནཾ –
ཨ་ཐ ཙོ་ར ས་ཀ་སྶ་པ ཁ་ནྟཱི་ཝ་རོ, དུ་ཛྫཱི་ཝི་ཏ་ཏཱ ཙ ཝ་རཱ ཕ་རུ་སཱ;
ཨ་ཐ ས་ས མ་ཏ་ཉྩ ཝ་ས་ནྟ སུ་ཁཾ, སུ་ཙྩ་ཛཾ་ཝ་ཏ་ན་ཙྩ་ཛི་ནཱ ཙ ད་སཱ་ཏི.