༣༡༦. ས་ས་པ་ཎྜི་ཏ་ཛཱ་ཏ་ཀཾ (༤-༢-༦)
༦༡. ས་ཏྟ མེ རོ་ཧི་ཏཱ མ་ཙྪཱ, ཨུ་ད་ཀཱ ཐ་ལ་མུ་བྦྷ་ཏཱ;
ཨི་དཾ བྲཱ་ཧྨ་ཎ མེ ཨ་ཏྠི, ཨེ་ཏཾ བྷུ་ཏྭཱ ཝ་ནེ ཝ་ས.
༦༢. དུ་སྶ མེ ཁེ་ཏྟ་པཱ་ལ་སྶ, ར་ཏྟི་བྷ་ཏྟཾ ཨ་པཱ་བྷ་ཏཾ;
མཾ་ས་སཱུ་ལཱ ཙ དྭེ གོ་དྷཱ, ཨེ་ཀ་ཉྩ ད་དྷི་ཝཱ་ར་ཀཾ;
ཨི་དཾ བྲཱ་ཧྨ་ཎ མེ ཨ་ཏྠི, ཨེ་ཏཾ བྷུ་ཏྭཱ ཝ་ནེ ཝ་ས.
༦༣. ཨ་མྦ་པ་ཀྐཾ ད་ཀཾ [ཨ་མྦ་པ་ཀྐོ་ད་ཀཾ (སཱི. པཱི.)] སཱི་ཏཾ, སཱི་ཏ་ཙྪཱ་ཡཱ མ་ནོ་ར་མཱ [སཱི་ཏ་ཙྪཱ་ཡཾ མ་ནོ་ར་མཾ (སཱི. སྱཱ. པཱི.)];
ཨི་དཾ བྲཱ་ཧྨ་ཎ མེ ཨ་ཏྠི, ཨེ་ཏཾ བྷུ་ཏྭཱ ཝ་ནེ ཝ་ས.
༦༤. ན ས་ས་སྶ ཏི་ལཱ ཨ་ཏྠི, ན མུ་གྒཱ ན་པི ཏ་ཎྜུ་ལཱ;
ཨི་མི་ནཱ ཨ་གྒི་ནཱ པ་ཀྐཾ, མ་མཾ [མཾ་སཾ (ཀ.)] བྷུ་ཏྭཱ ཝ་ནེ ཝ་སཱ་ཏི.
ས་ས་པ་ཎྜི་ཏ་ཛཱ་ཏ་ཀཾ ཚ་ཊྛཾ.