༥. ཀུ་མྦྷ་ཝ་གྒོ
༢༩༡. སུ་རཱ་གྷ་ཊ་ཛཱ་ཏ་ཀཾ (༢-༥-༡)
༡༢༡. ས་བྦ་ཀཱ་མ་ད་དཾ ཀུ་མྦྷཾ, ཀུ་ཊཾ ལ་དྡྷཱ་ན དྷུ་ཏྟ་ཀོ;
ཡཱ་ཝ ནཾ ཨ་ནུ་པཱ་ལེ་ཏི, ཏཱ་ཝ སོ སུ་ཁ་མེ་དྷ་ཏི.
༡༢༢. ཡ་དཱ མ་ཏྟོ ཙ དི་ཏྟོ ཙ, པ་མཱ་དཱ ཀུ་མྦྷ་མ་བྦྷི་དཱ;
ཏ་དཱ ན་གྒོ ཙ པོ་ཏྠོ ཙ, པ་ཙྪཱ བཱ་ལོ ཝི་ཧ་ཉྙ་ཏི.
༡༢༣. ཨེ་ཝ་མེ་ཝ ཡོ དྷ་ནཾ ལ་དྡྷཱ, པ་མ་ཏྟོ [ཨ་མ་ཏྟཱ (སཱི.), ཨ་མ་ཏྟོ (པཱི.)] པ་རི་བྷུ་ཉྫ་ཏི;
པ་ཙྪཱ ཏ་པྤ་ཏི དུ་མྨེ་དྷོ, ཀུ་ཊཾ བྷི་ཏྭཱ་ཝ [ཀུ་ཊཾ བྷི་ནྣོ་ཝ (སཱི. པཱི.), ཀུ་ཊ་བྷི་ནྣོ་ཝ (?)] དྷུ་ཏྟ་ཀོ་ཏི.
སུ་རཱ་གྷ་ཊ [བྷ་དྲ་གྷ་ཊ (སཱི. པཱི.), བྷ་དྲ་གྷ་ཊ་བྷེ་ད་ཀ (སྱཱ.)] ཛཱ་ཏ་ཀཾ པ་ཋ་མཾ.
༢༩༢. སུ་པ་ཏྟ་ཛཱ་ཏ་ཀཾ (༣-༥-༢)
༡༢༤. བཱ་རཱ་ཎ་སྱཾ [བཱ་རཱ་ཎ་སྶཾ (སཱི. པཱི.)] མ་ཧཱ་རཱ་ཛ, ཀཱ་ཀ་རཱ་ཛཱ ནི་ཝཱ་ས་ཀོ [ནི་ཝཱ་སི་ཀོ (སཱི. པཱི.)];
ཨ་སཱི་ཏི་ཡཱ ས་ཧ་སྶེ་ཧི, སུ་པ་ཏྟོ པ་རི་ཝཱ་རི་ཏོ.
༡༢༥. ཏ་སྶ དོ་ཧ་ལི༹་ནཱི བྷ་རི་ཡཱ, སུ་ཕ་སྶཱ བྷ་ཀྑི་ཏུ་མི་ཙྪ་ཏི [མ་ཙྪ་མི་ཙྪ་ཏི (སཱི. པཱི.)];
ར་ཉྙོ མ་ཧཱ་ན་སེ པ་ཀྐཾ, པ་ཙྩ་གྒྷཾ རཱ་ཛ་བྷོ་ཛ་ནཾ.
༡༢༦. ཏེ་སཱ་ཧཾ པ་ཧི་ཏོ དཱུ་ཏོ, ར་ཉྙོ ཙ་མྷི ཨི་དྷཱ་ག་ཏོ;
བྷ་ཏྟུ ཨ་པ་ཙི་ཏིཾ ཀུ་མྨི, ནཱ་སཱ་ཡ་མ་ཀ་རཾ [མ་ཀ་རིཾ (སཱི. ནི་སྶ་ཡ)] ཝ་ཎ་ནྟི.
སུ་པ་ཏྟ་ཛཱ་ཏ་ཀཾ དུ་ཏི་ཡཾ.
༢༩༣. ཀཱ་ཡ་ནི་བྦི་ནྡ་ཛཱ་ཏ་ཀཾ (༣-༥-༣)
༡༢༧. ཕུ་ཊྛ་སྶ མེ ཨ་ཉྙ་ཏ་རེ་ན བྱཱ་དྷི་ནཱ, རོ་གེ་ན བཱ་ལ༹ྷཾ དུ་ཁི་ཏ་སྶ རུ་པྤ་ཏོ;
པ་རི་སུ་སྶ་ཏི ཁི་པྤ་མི་དཾ ཀ་ལེ༹་ཝ་རཾ, པུ་པྥཾ ཡ་ཐཱ པཾ་སུ་ནི ཨཱ་ཏ་པེ ཀ་ཏཾ.
༡༢༨. ཨ་ཛ་ཉྙཾ ཛ་ཉྙ་ས་ངྑཱ་ཏཾ, ཨ་སུ་ཙིཾ སུ་ཙི་ས་མྨ་ཏཾ;
ནཱ་ནཱ་ཀུ་ཎ་པ་པ་རི་པཱུ་རཾ, ཛ་ཉྙ་རཱུ་པཾ ཨ་པ་སྶ་ཏོ.
༡༢༩. དྷི་ར་ཏྠུ་མཾ ཨཱ་ཏུ་རཾ པཱུ་ཏི་ཀཱ་ཡཾ, ཛེ་གུ་ཙྪི་ཡཾ ཨ་སྶུ་ཙིཾ བྱཱ་དྷི་དྷ་མྨཾ;
ཡ་ཏྠ་པྤ་མ་ཏྟཱ ཨ་དྷི་མུ་ཙྪི་ཏཱ པ་ཛཱ, ཧཱ་པེ་ནྟི མ་གྒཾ སུ་ག་ཏཱུ་པ་པ་ཏྟི་ཡཱ་ཏི.
ཀཱ་ཡ་ནི་བྦི་ནྡ [ཀཱ་ཡ་ཝི་ཙྪ་ནྡ (སཱི.), ཀཱ་ཡ་ཝི་ཙྪི་ནྡ (པཱི.)] ཛཱ་ཏ་ཀཾ ཏ་ཏི་ཡཾ.
༢༩༤. ཛ་མྦུ་ཁཱ་ད་ཀ་ཛཱ་ཏ་ཀཾ (༣-༥-༤)
༡༣༠. ཀོ་ཡཾ བི་ནྡུ་སྶ་རོ ཝ་གྒུ, ས་ར་ཝ་ནྟཱ་ན [པ་ཝ་ད་ནྟཱ་ན (སཱི. པཱི.)] མུ་ཏྟ་མོ;
ཨ་ཙྩུ་ཏོ ཛ་མྦུ་སཱ་ཁཱ་ཡ, མོ་ར་ཙྪཱ་པོ་ཝ ཀཱུ་ཛ་ཏི.
༡༣༡. ཀུ་ལ་པུ་ཏྟོ་ཝ ཛཱ་ནཱ་ཏི [ཀུ་ལ་པུ་ཏྟོ པ་ཛཱ་ནཱ་ཏི (སྱཱ. ཀ.)], ཀུ་ལ་པུ་ཏྟཾ [ཀུ་ལ་པུ་ཏྟེ (སཱི. པཱི.)] པ་སཾ་སི་ཏུཾ;
བྱ་གྒྷ་ཙྪཱ་པ་ས་རཱི་ཝ་ཎྞ, བྷུ་ཉྫ ས་མྨ ད་དཱ་མི ཏེ.
༡༣༢. ཙི་ར་སྶཾ ཝ་ཏ པ་སྶཱ་མི, མུ་སཱ་ཝཱ་དཱི ས་མཱ་ག་ཏེ;
ཝ་ནྟཱ་དཾ ཀུ་ཎ་པཱ་ད་ཉྩ, ཨ་ཉྙ་མ་ཉྙཾ པ་སཾ་ས་ཀེ་ཏི.
ཛ་མྦུ་ཁཱ་ད་ཀ་ཛཱ་ཏ་ཀཾ ཙ་ཏུ་ཏྠཾ.
༢༩༥. ཨ་ནྟ་ཛཱ་ཏ་ཀཾ (༣-༥-༥)
༡༣༣. ཨུ་ས་བྷ་སྶེ་ཝ ཏེ ཁ་ནྡྷོ, སཱི་ཧ་སྶེ་ཝ ཝི་ཛ་མྦྷི་ཏཾ;
མི་ག་རཱ་ཛ ན་མོ ཏྱ་ཏྠུ, ཨ་པི ཀི་ཉྩི ལ་བྷཱ་མ་སེ.
༡༣༤. ཀུ་ལ་པུ་ཏྟོ་ཝ ཛཱ་ནཱ་ཏི, ཀུ་ལ་པུ་ཏྟཾ པ་སཾ་སི་ཏུཾ;
མ་ཡཱུ་ར་གཱི་ཝ་ས་ངྐཱ་ས, ཨི་ཏོ པ་རི་ཡཱ་ཧི ཝཱ་ཡ་ས.
༡༣༥. མི་གཱ་ནཾ སི་ངྒཱ་ལོ [ཀོ་ཏྠུ་ཀོ (སཱི. པཱི.), ཀོ་ཊྛུ་ཀོ (སྱཱ.)] ཨ་ནྟོ, པ་ཀྑཱི་ནཾ པ་ན ཝཱ་ཡ་སོ;
ཨེ་ར་ཎྜོ ཨ་ནྟོ རུ་ཀྑཱ་ནཾ, ཏ་ཡོ ཨ་ནྟཱ ས་མཱ་ག་ཏཱ་ཏི.
ཨ་ནྟ་ཛཱ་ཏ་ཀཾ པ་ཉྩ་མཾ.
༢༩༦. ས་མུ་དྡ་ཛཱ་ཏ་ཀཾ (༣-༥-༦)
༡༣༦. ཀོ ནཱ་ཡཾ [ཀོ ནྭཱ་ཡཾ (སྱཱ.)] ལོ་ཎ་ཏོ་ཡ་སྨིཾ, ས་མ་ནྟཱ པ་རི་དྷཱ་ཝ་ཏི;
མ་ཙྪེ མ་ཀ་རེ ཙ ཝཱ་རེ་ཏི, ཨཱུ་མཱི་སུ ཙ ཝི་ཧ་ཉྙ་ཏི.
༡༣༧. ཨ་ན་ནྟ་པཱ་ཡཱི ས་ཀུ་ཎོ, ཨ་ཏི་ཏྟོ་ཏི དི་སཱ་སུ་ཏོ;
ས་མུ་དྡཾ པཱ་ཏུ་མི་ཙྪཱ་མི, སཱ་ག་རཾ ས་རི་ཏཾ པ་ཏིཾ.
༡༣༨. སོ ཨ་ཡཾ ཧཱ་ཡ་ཏི ཙེ་ཝ, པཱུ་ར་ཏེ ཙ མ་ཧོ་ད་དྷི;
ནཱ་སྶ ནཱ་ཡ་ཏི པཱི་ཏ་ནྟོ, ཨ་པེ་ཡྻོ ཀི་ར སཱ་ག་རོ་ཏི.
ས་མུ་དྡ་ཛཱ་ཏ་ཀཾ ཚ་ཊྛཾ.
༢༩༧. ཀཱ་མ་ཝི་ལཱ་པ་ཛཱ་ཏ་ཀཾ (༣-༥-༧)
༡༣༩. ཨུ་ཙྩེ ས་ཀུ་ཎ ཌེ་མཱ་ན, པ་ཏྟ་ཡཱ་ན ཝི་ཧ་ངྒ་མ;
ཝ་ཛྫཱ་སི ཁོ ཏྭཾ ཝཱ་མཱུ་རུཾ, ཙི་རཾ ཁོ སཱ ཀ་རི་སྶ་ཏི [ས་རི་སྶ་ཏི (ཀ.)].
༡༤༠. ཨི་དཾ ཁོ སཱ ན ཛཱ་ནཱ་ཏི, ཨ་སིཾ ས་ཏྟི་ཉྩ ཨོ་ཌྜི་ཏཾ;
སཱ ཙ་ཎྜཱི ཀཱ་ཧ་ཏི ཀོ་དྷཾ, ཏཾ མེ ཏ་པ་ཏི ནོ ཨི་དཾ [ནོ ཨི་དྷ (སཱི. སྱཱ. པཱི.)].
༡༤༡. ཨེ་ས ཨུ་པྤ་ལ་ས་ནྣཱ་ཧོ, ནི་ཀྑ་ཉྩུ་སྶཱི་ས་ཀོ་ཧི་ཏཾ [ནི་ཀྑ་མུ་སྶཱི་ས་ཀེ ཀ་ཏཾ (སཱི. པཱི.), ནི་ཀྑ་ཉྩུ་སྶཱི་ས་ཀེ ཀ་ཏཾ (སྱཱ.)];
ཀཱ་སི་ཀ་ཉྩ མུ་དུཾ ཝ་ཏྠཾ, ཏ་པྤེ་ཏུ དྷ་ནི་ཀཱ པི་ཡཱ་ཏི [དྷ་ན་ཀཱ་མི་ཡཱ་ཏི (སྱཱ. པཱི.), དྷ་ན་ཀཱ་མི་ཀཱ་ཏི (སཱི.)].
ཀཱ་མ་ཝི་ལཱ་པ་ཛཱ་ཏ་ཀཾ ས་ཏྟ་མཾ.
༢༩༨. ཨུ་དུ་མྦ་ར་ཛཱ་ཏ་ཀཾ (༣-༥-༨)
༡༤༢. ཨུ་དུ་མྦ་རཱ ཙི་མེ པ་ཀྐཱ, ནི་གྲོ་དྷཱ ཙ ཀ་པི་ཏྠ་ནཱ;
ཨེ་ཧི ནི་ཀྑ་མ བྷུ་ཉྫ་སྶུ, ཀིཾ ཛི་གྷ་ཙྪཱ་ཡ མི་ཡྻ་སི.
༡༤༣. ཨེ་ཝཾ སོ སུ་ཧི་ཏོ ཧོ་ཏི, ཡོ ཝུ་ཌྜྷ་མ་པ་ཙཱ་ཡ་ཏི;
ཡ་ཐཱ་ཧ་མ་ཛྫ སུ་ཧི་ཏོ, དུ་མ་པ་ཀྐཱ་ནི མཱ་སི་ཏོ.
༡༤༤. ཡཾ ཝ་ནེ་ཛོ ཝ་ནེ་ཛ་སྶ, ཝ་ཉྩེ་ཡྻ ཀ་པི་ནོ ཀ་པི;
ད་ཧ་རོ ཀ་པི [ད་ཧ་རོ་པི ཏཾ ན (སཱི. པཱི.), ད་ཧ་རོ་པི ན (སྱཱ.)] ས་དྡྷེ་ཡྻ, ན ཧི ཛི་ཎྞོ ཛ་རཱ་ཀ་པཱི་ཏི.
ཨུ་དུ་མྦ་ར་ཛཱ་ཏ་ཀཾ ཨ་ཊྛ་མཾ.
༢༩༩. ཀོ་མཱ་ར་པུ་ཏྟ་ཛཱ་ཏ་ཀཾ (༣-༥-༩)
༡༤༥. པུ་རེ ཏུ་ཝཾ སཱི་ལ་ཝ་ཏཾ ས་ཀཱ་སེ, ཨོ་ཀྐ་ནྟི་ཀཾ [ཨོ་ཀྐ་ནྡི་ཀཾ (སཱི. སྱཱ. པཱི.)] ཀཱི་ལ༹་སི ཨ་སྶ་མ་མྷི;
ཀ་རོ་ཧ་རེ [ཀ་རོ་ཧི རེ (ཀ.)] མ་ཀྐ་ཊི་ཡཱ་ནི མ་ཀྐ་ཊ, ན ཏཾ མ་ཡཾ སཱི་ལ་ཝ་ཏཾ ར་མཱ་མ.
༡༤༦. སུ་ཏཱ ཧི མ་ཡ྄ཧཾ པ་ར་མཱ ཝི་སུ་དྡྷི, ཀོ་མཱ་ར་པུ་ཏྟ་སྶ བ་ཧུ་སྶུ་ཏ་སྶ;
མཱ དཱ་ནི མཾ མ་ཉྙི ཏུ་ཝཾ ཡ་ཐཱ པུ་རེ, ཛྷཱ་ནཱ་ནུ་ཡུ་ཏྟོ ཝི་ཧ་རཱ་མི [ཛྷཱ་ནཱ་ནུ་ཡུ་ཏྟཱ ཝི་ཧ་རཱ་མ (སཱི. པཱི.)] ཨཱ་ཝུ་སོ.
༡༤༧. ས་ཙེ་པི སེ་ལ་སྨི ཝ་པེ་ཡྻ བཱི་ཛཾ, དེ་ཝོ ཙ ཝ་སྶེ ན ཧི ཏཾ ཝི་རཱུ་ལ༹ྷེ [ནེ་ཝ ཧི ཏཾ རུ་ཧེ་ཡྻ (སཱི. པཱི.), ན ཧི ཏཾ ཝི་རཱུ་ཧེ (?)];
སུ་ཏཱ ཧི ཏེ སཱ པ་ར་མཱ ཝི་སུ་དྡྷི, ཨཱ་རཱ ཏུ་ཝཾ མ་ཀྐ་ཊ ཛྷཱ་ན་བྷཱུ་མི་ཡཱ་ཏི.
ཀོ་མཱ་ར་པུ་ཏྟ་ཛཱ་ཏ་ཀཾ ན་ཝ་མཾ.
༣༠༠. ཝ་ཀ་ཛཱ་ཏ་ཀཾ (༣-༥-༡༠)
༡༤༨. པ་ར་པཱ་ཎ་རོ་དྷཱ [པ་ར་པཱ་ཎ་གྷཱ་ཏེ (སྱཱ.), པ་ར་པཱ་ཎ་རོ་ཙཾ (ཀ.)] ཛཱི་ཝ་ནྟོ, མཾ་ས་ལོ་ཧི་ཏ་བྷོ་ཛ་ནོ;
ཝ་ཀོ ཝ་ཏཾ ས་མཱ་དཱ་ཡ, ཨུ་པ་པ་ཛྫི ཨུ་པོ་ས་ཐཾ.
༡༤༩. ཏ་སྶ ས་ཀྐོ ཝ་ཏ་ཉྙཱ་ཡ, ཨ་ཛ་རཱུ་པེ་ནུ་པཱ་ག་མི;
ཝཱི་ཏ་ཏ་པོ ཨ་ཛ྄ཛྷ་པྤ་ཏྟོ, བྷ་ཉྫི ལོ་ཧི་ཏ་པོ ཏ་པཾ.
༡༥༠. ཨེ་ཝ་མེ་ཝ ཨི་དྷེ་ཀ་ཙྩེ, ས་མཱ་དཱ་ན་མྷི དུ་བྦ་ལཱ;
ལ་ཧུཾ ཀ་རོ་ནྟི ཨ་ཏྟཱ་ནཾ, ཝ་ཀོ་ཝ ཨ་ཛ་ཀཱ་ར་ཎཱ་ཏི.
ཝ་ཀ་ཛཱ་ཏ་ཀཾ ད་ས་མཾ.
ཀུ་མྦྷ་ཝ་གྒོ པ་ཉྩ་མོ.
ཏ་སྶུ་དྡཱ་ནཾ –
ཝ་ར་ཀུ་མྦྷ སུ་པ་ཏྟ་སི་རི་ཝ྄ཧ་ཡ་ནོ, སུ་ཙི་ས་མྨ་ཏ བི་ནྡུ་ས་རོ ཙུ་ས་བྷོ;
ས་རི་ཏཾ་པ་ཏི ཙ་ཎྜི ཛ་རཱ་ཀ་པི་ནཱ, ཨ་ཐ མ་ཀྐ་ཊི་ཡཱ ཝ་ཀ་ཀེ་ན ད་སཱ་ཏི.
ཨ་ཐ ཝ་གྒུ་དྡཱ་ནཾ –
ས་ངྐ་པྤོ པ་དུ་མོ ཙེ་ཝ, ཨུ་ད་པཱ་ནེ་ན ཏ་ཏི་ཡཾ;
ཨ་བྦྷ་ནྟ་རཾ གྷ་ཊ་བྷེ་དཾ, ཏི་ཀ་ནི་པཱ་ཏ་མྷི་ལ་ངྐ་ཏ་ནྟི.
ཏི་ཀ་ནི་པཱ་ཏཾ ནི་ཊྛི་ཏཾ.