༣. ཏི་ཀ་ནི་པཱ་ཏོ
༡. ས་ངྐ་པྤ་ཝ་གྒོ
༢༥༡. ས་ངྐ་པྤ་རཱ་ག་ཛཱ་ཏ་ཀཾ (༣-༡-༡)
༡. ས་ངྐ་པྤ་རཱ་ག་དྷོ་ཏེ་ན, ཝི་ཏ་ཀྐ་ནི་སི་ཏེ་ན ཙ;
ནཱ་ལ་ངྐ་ཏེ་ན བྷ་དྲེ་ན [ནེ་ཝཱ་ལ་ངྐ་ཏ་བྷ་དྲེ་ན (སྱཱ.)], ཨུ་སུ་ཀཱ་རཱ་ཀ་ཏེ་ན ཙ [ན ཨུ་སུ་ཀཱ་ར་ཀ་ཏེ་ན ཙ (སཱི. སྱཱ. པཱི.)].
༢. ན ཀ་ཎྞཱ་ཡ་ཏ་མུ་ཏྟེ་ན, ནཱ་པི མོ་རཱུ་པ་སེ་ཝི་ནཱ;
ཏེ་ན་མྷི ཧ་ད་ཡེ ཝི་དྡྷོ, ས་བྦ་ངྒ་པ་རི་དཱ་ཧི་ནཱ.
༣. ཨཱ་ཝེ་དྷ་ཉྩ ན པ་སྶཱ་མི, ཡ་ཏོ རུ་ཧི་ར་མ་སྶ་ཝེ;
ཡཱ་ཝ ཨ་ཡོ་ནི་སོ ཙི་ཏྟཾ, ས་ཡཾ མེ དུ་ཀྑ་མཱ་བྷ་ཏ་ནྟི.
ས་ངྐ་པྤ་རཱ་ག་ཛཱ་ཏ་ཀཾ པ་ཋ་མཾ.
༢༥༢. ཏི་ལ་མུ་ཊྛི་ཛཱ་ཏ་ཀཾ (༣-༡-༢)
༤. ཨ་ཛྫཱ་པི མེ ཏཾ མ་ན་སི [ས་ར་སི (ཀ.)], ཡཾ མཾ ཏྭཾ ཏི་ལ་མུ་ཊྛི་ཡཱ;
བཱ་ཧཱ་ཡ མཾ ག་ཧེ་ཏྭཱ་ན, ལ་ཊྛི་ཡཱ ཨ་ནུ་ཏཱ་ལ༹་ཡི.
༥. ན་ནུ ཛཱི་ཝི་ཏེ ན ར་མ་སི, ཡེ་ནཱ་སི བྲཱ་ཧྨ་ཎཱ་ག་ཏོ;
ཡཾ མཾ བཱ་ཧཱ ག་ཧེ་ཏྭཱ་ན, ཏི་ཀྑ་ཏྟུཾ ཨ་ནུ་ཏཱ་ལ༹་ཡི.
༦. ཨ་རི་ཡོ ཨ་ན་རི་ཡཾ ཀུ་བྦ་ནྟཾ [ཀུ་བྦཱ་ནཾ (སཱི. པཱི.), ཀུ་བྦཾ (སྱཱ.)], ཡོ ད་ཎྜེ་ན ནི་སེ་དྷ་ཏི;
སཱ་ས་ནཾ ཏཾ ན ཏཾ ཝེ་རཾ, ཨི་ཏི ནཾ པ་ཎྜི་ཏཱ ཝི་དཱུ་ཏི.
ཏི་ལ་མུ་ཊྛི་ཛཱ་ཏ་ཀཾ དུ་ཏི་ཡཾ.
༢༥༣. མ་ཎི་ཀ་ཎྛ་ཛཱ་ཏ་ཀཾ (༣-༡-༣)
༧. མ་མ་ནྣ་པཱ་ནཾ ཝི་པུ་ལཾ ཨུ་ལཱ༹་རཾ, ཨུ་པྤ་ཛྫ་ཏཱི་མ་སྶ མ་ཎི་སྶ ཧེ་ཏུ;
ཏཾ ཏེ ན ད་སྶཾ ཨ་ཏི་ཡཱ་ཙ་ཀོ་སི, ན ཙཱ་པི ཏེ ཨ་སྶ་མ་མཱ་ག་མི་སྶཾ.
༨. སུ་སཱུ ཡ་ཐཱ ས་ཀྑ་ར་དྷོ་ཏ་པཱ་ཎཱི, ཏཱ་སེ་སི མཾ སེ་ལཾ ཡཱ་ཙ་མཱ་ནོ;
ཏཾ ཏེ ན ད་སྶཾ ཨ་ཏི་ཡཱ་ཙ་ཀོ་སི, ན ཙཱ་པི ཏེ ཨ་སྶ་མ་མཱ་ག་མི་སྶཾ.
༩. ན ཏཾ ཡཱ་ཙེ ཡ་སྶ པི་ཡཾ ཛི་གཱི་སེ [ཛི་གིཾ་སེ (སཱི. སྱཱ. པཱི.)], དེ་སྶོ ཧོ་ཏི ཨ་ཏི་ཡཱ་ཙ་ནཱ་ཡ;
ནཱ་གོ མ་ཎིཾ ཡཱ་ཙི་ཏོ བྲཱ་ཧྨ་ཎེ་ན, ཨ་ད་སྶ་ནཾ་ཡེ་ཝ ཏ་ད་ཛ྄ཛྷ་ག་མཱ་ཏི.
མ་ཎི་ཀ་ཎྛ་ཛཱ་ཏ་ཀཾ ཏ་ཏི་ཡཾ.
༢༥༤. ཀུ་ཎྜ་ཀ་ཀུ་ཙྪི་སི་ནྡྷ་ཝ་ཛཱ་ཏ་ཀཾ (༣-༡-༤)
༡༠. བྷུ་ཏྭཱ ཏི་ཎ་པ་རི་གྷཱ་སཾ, བྷུ་ཏྭཱ ཨཱ་ཙཱ་མ་ཀུ་ཎྜ་ཀཾ;
ཨེ་ཏཾ ཏེ བྷོ་ཛ་ནཾ ཨཱ་སི, ཀ་སྨཱ དཱ་ནི ན བྷུ་ཉྫ་སི.
༡༡. ཡ་ཏྠ པོ་སཾ ན ཛཱ་ན་ནྟི, ཛཱ་ཏི་ཡཱ ཝི་ན་ཡེ་ན ཝཱ;
བ་ཧུཾ [པ་ཧཱུ (སཱི. པཱི.), པ་ཧུཾ (སྱཱ. ཀ.)] ཏ་ཏྠ མ་ཧཱ་བྲ་མྷེ, ཨ་པི ཨཱ་ཙཱ་མ་ཀུ་ཎྜ་ཀཾ.
༡༢. ཏྭ་ཉྩ ཁོ མཾ པ་ཛཱ་ནཱ་སི, ཡཱ་དི་སཱ་ཡཾ ཧ་ཡུ་ཏྟ་མོ;
ཛཱ་ན་ནྟོ ཛཱ་ན་མཱ་ག་མྨ, ན ཏེ བྷ་ཀྑཱ་མི ཀུ་ཎྜ་ཀ་ནྟི.
ཀུ་ཎྜ་ཀ་ཀུ་ཙྪི་སི་ནྡྷ་ཝ་ཛཱ་ཏ་ཀཾ ཙ་ཏུ་ཏྠཾ.
༢༥༥. སུ་ཀ་ཛཱ་ཏ་ཀཾ (༣-༡-༥)
༡༣. ཡཱ་ཝ སོ མ་ཏྟ་མ་ཉྙཱ་སི, བྷོ་ཛ་ན་སྨིཾ ཝི་ཧ་ངྒ་མོ;
ཏཱ་ཝ ཨ་དྡྷཱ་ན་མཱ་པཱ་དི, མཱ་ཏ་ར་ཉྩ ཨ་པོ་ས་ཡི.
༡༤. ཡ་ཏོ ཙ ཁོ བ་ཧུ་ཏ་རཾ, བྷོ་ཛ་ནཾ ཨ་ཛ྄ཛྷ་ཝཱ་ཧ་རི [ཨ་ཛ྄ཛྷུ་པཱ་ཧ་རི (སཱི. པཱི.)];
ཏ་ཏོ ཏ་ཏྠེ་ཝ སཾ་སཱི་དི, ཨ་མ་ཏྟ་ཉྙཱུ ཧི སོ ཨ་ཧུ.
༡༥. ཏ་སྨཱ མ་ཏྟ་ཉྙུ་ཏཱ སཱ་དྷུ, བྷོ་ཛ་ན་སྨིཾ ཨ་གི་དྡྷ་ཏཱ [ཨ་གི་དྡྷི་ཏཱ (སྱཱ. ཀ.)];
ཨ་མ་ཏྟ་ཉྙཱུ ཧི སཱི་ད་ནྟི, མ་ཏྟ་ཉྙཱུ ཙ ན སཱི་ད་རེ་ཏི.
སུ་ཀ་ཛཱ་ཏ་ཀཾ པ་ཉྩ་མཾ.
༢༥༦. ཛ་རཱུ་ད་པཱ་ན་ཛཱ་ཏ་ཀཾ (༣-༡-༦)
༡༦. ཛ་རཱུ་ད་པཱ་ནཾ ཁ་ཎ་མཱ་ནཱ, ཝཱ་ཎི་ཛཱ ཨུ་ད་ཀ་ཏྠི་ཀཱ;
ཨ་ཛ྄ཛྷ་ག་མུཾ ཨ་ཡ་སཾ ལོ་ཧཾ [ཨ་ཛ྄ཛྷ་གཾ་སུ ཨ་ཡོ་ལོ་ཧཾ (སཱི. སྱཱ. པཱི.)], ཏི་པུ་སཱི་ས་ཉྩ ཝཱ་ཎི་ཛཱ;
ར་ཛ་ཏཾ ཛཱ་ཏ་རཱུ་པ་ཉྩ, མུ་ཏྟཱ ཝེ་ལཱུ༹་རི་ཡཱ བ་ཧཱུ.
༡༧. ཏེ ཙ ཏེ་ན ཨ་ས་ནྟུ་ཊྛཱ, བྷི་ཡྻོ བྷི་ཡྻོ ཨ་ཁཱ་ཎི་སུཾ;
ཏེ ཏ་ཏྠཱ་སཱི་ཝི་སོ [ཏ་ཏྠ ཨཱ་སཱི་ཝི་སོ (ཀ.), ཏ་ཏྠ་པཱ་སཱི་ཝི་སོ (སྱཱ.)] གྷོ་རོ, ཏེ་ཛ་སྶཱི ཏེ་ཛ་སཱ ཧ་ནི.
༡༨. ཏ་སྨཱ ཁ་ཎེ ནཱ་ཏི་ཁ་ཎེ, ཨ་ཏི་ཁཱ་ཏཾ [ཨ་ཏི་ཁ་ཎཾ (ཀ.)] ཧི པཱ་པ་ཀཾ;
ཁཱ་ཏེ་ན ཙ [ཁ་ཎེ་ན ཙ (ཀ.), ཁ་ཎ་ནེ་ན (སྱཱ.)] དྷ་ནཾ ལ་དྡྷཾ, ཨ་ཏི་ཁཱ་ཏེ་ན [ཨ་ཏི་ཁ་ཎེ་ན (ཀ.)] ནཱ་སི་ཏ་ནྟི.
ཛ་རཱུ་ད་པཱ་ན་ཛཱ་ཏ་ཀཾ ཚ་ཊྛཾ.
༢༥༧. གཱ་མ་ཎི་ཙ་ནྡ་ཛཱ་ཏ་ཀཾ (༣-༡-༧)
༡༩. ནཱ་ཡཾ གྷ་རཱ་ནཾ ཀུ་ས་ལོ, ལོ་ལོ ཨ་ཡཾ ཝ་ལཱི་མུ་ཁོ;
ཀ་ཏཾ ཀ་ཏཾ ཁོ དཱུ་སེ་ཡྻ, ཨེ་ཝཾ་དྷ་མྨ་མི་དཾ ཀུ་ལཾ.
༢༠. ན་ཡི་དཾ ཙི་ཏྟ་ཝ་ཏོ ལོ་མཾ, ནཱ་ཡཾ ཨ་སྶཱ་སི་ཀོ མི་གོ;
སི་ཊྛཾ [ས་ཏྠཾ (སཱི. སྱཱ. པཱི.)] མེ ཛ་ན་ས་ནྡྷེ་ན, ནཱ་ཡཾ ཀི་ཉྩི ཝི་ཛཱ་ན་ཏི.
༢༡. ན མཱ་ཏ་རཾ པི་ཏ་རཾ ཝཱ, བྷཱ་ཏ་རཾ བྷ་གི་ནིཾ ས་ཀཾ;
བྷ་རེ་ཡྻ ཏཱ་དི་སོ པོ་སོ, སི་ཊྛཾ ད་ས་ར་ཐེ་ན མེ་ཏི.
གཱ་མ་ཎི་ཙ་ནྡ [གཱ་མ་ཎི་ཙ་ཎྜ (སཱི. པཱི.)] ཛཱ་ཏ་ཀཾ ས་ཏྟ་མཾ.
༢༥༨. མ་ནྡྷཱ་ཏུ་ཛཱ་ཏ་ཀཾ (༣-༡-༨)
༢༢. ཡཱ་ཝ་ཏཱ ཙ་ནྡི་མ་སཱུ་རི་ཡཱ, པ་རི་ཧ་ར་ནྟི དི་སཱ བྷ་ནྟི ཝི་རོ་ཙ་ནཱ [ཝི་རོ་ཙ་མཱ་ནཱ (ཀ.)];
ས་བྦེ་ཝ དཱ་སཱ མ་ནྡྷཱ་ཏུ, ཡེ པཱ་ཎཱ པ་ཐ་ཝི་སྶི་ཏཱ [པ་ཋ་ཝི་ནི་སྶི་ཏཱ (སཱི. པཱི.), པ་ཋ་ཝི་སྶི་ཏཱ (སྱཱ.)].
༢༣. ན ཀ་ཧཱ་པ་ཎ་ཝ་སྶེ་ན, ཏི་ཏྟི ཀཱ་མེ་སུ ཝི་ཛྫ་ཏི;
ཨ་པྤ་སྶཱ་དཱ དུ་ཁཱ ཀཱ་མཱ, ཨི་ཏི ཝི་ཉྙཱ་ཡ པ་ཎྜི་ཏོ.
༢༤. ཨ་པི དི་བྦེ་སུ ཀཱ་མེ་སུ, ར་ཏིཾ སོ ནཱ་དྷི་ག་ཙྪ་ཏི;
ཏ་ཎྷ་ཀྑ་ཡ་ར་ཏོ ཧོ་ཏི, ས་མྨཱ་ས་མྦུ་དྡྷ་སཱ་ཝ་ཀོ་ཏི.
མ་ནྡྷཱ་ཏུ་ཛཱ་ཏ་ཀཾ ཨ་ཊྛ་མཾ.
༢༥༩. ཏི་རཱི་ཊ་ཝ་ཙྪ་ཛཱ་ཏ་ཀཾ (༣-༡-༩)
༢༥. ན་ཡི་མ་སྶ ཝི་ཛྫཱ་མ་ཡ་མ་ཏྠི ཀི་ཉྩི, ན བ་ནྡྷ་ཝོ ནོ པ་ན ཏེ ས་ཧཱ་ཡོ;
ཨ་ཐ ཀེ་ན ཝ་ཎྞེ་ན ཏི་རཱི་ཊ་ཝ་ཙྪོ [ཏི་རཱི་ཊི་ཝ་ཙྪོ (སྱཱ. ཀ.)], ཏེ་ད་ཎྜི་ཀོ བྷུ་ཉྫ་ཏི ཨ་གྒ་པི་ཎྜཾ.
༢༦. ཨཱ་པཱ་སུ [ཨཱ་ཝཱ་སུ (ཀ.)] མེ ཡུ་དྡྷ་པ་རཱ་ཛི་ཏ་སྶ, ཨེ་ཀ་སྶ ཀ་ཏྭཱ ཝི་ཝ་ན་སྨི གྷོ་རེ;
པ་སཱ་ར་ཡཱི ཀི་ཙྪ་ག་ཏ་སྶ པཱ་ཎིཾ, ཏེ་ནཱུ་ད་ཏཱ་རིཾ དུ་ཁ་སཾ་པ་རེ་ཏོ.
༢༧. ཨེ་ཏ་སྶ ཀི་ཙྩེ་ན ཨི་དྷཱ་ནུ་པ་ཏྟོ, ཝེ་སཱ་ཡི་ནོ ཝི་ས་ཡཱ ཛཱི་ཝ་ལོ་ཀེ;
ལཱ་བྷཱ་ར་ཧོ ཏཱ་ཏ ཏི་རཱི་ཊ་ཝ་ཙྪོ, དེ་ཐ་སྶ བྷོ་གཾ ཡ་ཛ་ཐ་ཉྩ [ཡ་ཛ་ཏ་ཉྩ (སཱི. པཱི.), ཡ་ཛི་ཏ་ཉྩ (སྱཱ.)] ཡ་ཉྙ་ནྟི.
ཏི་རཱི་ཊ་ཝ་ཙྪ་ཛཱ་ཏ་ཀཾ ན་ཝ་མཾ.
༢༦༠. དཱུ་ཏ་ཛཱ་ཏ་ཀཾ (༣-༡-༡༠)
༢༨. ཡ་སྶ་ཏྠཱ དཱུ་ར་མཱ་ཡ་ནྟི, ཨ་མི་ཏྟ་མ་པི ཡཱ་ཙི་ཏུཾ;
ཏ་སྶཱུ་ད་ར་སྶ་ཧཾ དཱུ་ཏོ, མཱ མེ ཀུ་ཛ྄ཛྷ [ཀུ་ཛ྄ཛྷི (སཱི. པཱི.)] ར་ཐེ་ས་བྷ.
༢༩. ཡ་སྶ དི་ཝཱ ཙ ར་ཏྟོ ཙ, ཝ་ས་མཱ་ཡ་ནྟི མཱ་ཎ་ཝཱ;
ཏ་སྶཱུ་ད་ར་སྶ་ཧཾ དཱུ་ཏོ, མཱ མེ ཀུ་ཛ྄ཛྷ [ཀུ་ཛ྄ཛྷི (སཱི. པཱི.)] ར་ཐེ་ས་བྷ.
༣༠. ད་དཱ་མི ཏེ བྲཱ་ཧྨ་ཎ རོ་ཧི་ཎཱི་ནཾ, ག་ཝཾ ས་ཧ་སྶཾ ས་ཧ པུ་ངྒ་ཝེ་ན;
དཱུ་ཏོ ཧི དཱུ་ཏ་སྶ ཀ་ཐཾ ན ད་ཛྫཾ, མ་ཡ་མྤི ཏ་སྶེ་ཝ བྷ་ཝཱ་མ དཱུ་ཏཱ་ཏི.
དཱུ་ཏ་ཛཱ་ཏ་ཀཾ ད་ས་མཾ.
ས་ངྐ་པྤ་ཝ་གྒོ པ་ཋ་མོ.
ཏ་སྶུ་དྡཱ་ནཾ –
ཨུ་སུ་ཀཱ་ར་ཝ་རོ ཏི་ལ་མུ་ཊྛི མ་ཎི, ཧ་ཡ་རཱ་ཛ ཝི་ཧ་ངྒ་མ ཨཱ་སི་ཝི་སོ;
ཛ་ན་ས་ནྡྷ ཀ་ཧཱ་པ་ཎ་ཝ་སྶ པུ་ན, ཏི་རི་ཊཾ པུ་ན དཱུ་ཏ་ཝ་རེ་ན ད་སཱ་ཏི.
༢. པ་དུ་མ་ཝ་གྒོ
༢༦༡. པ་དུ་མ་ཛཱ་ཏ་ཀཾ (༣-༢-༡)
༣༡. ཡ་ཐཱ ཀེ་སཱ ཙ མ་སྶཱུ ཙ, ཚི་ནྣཾ ཚི་ནྣཾ ཝི་རཱུ་ཧ་ཏི;
ཨེ་ཝཾ རཱུ་ཧ་ཏུ ཏེ ནཱ་སཱ, པ་དུ་མཾ དེ་ཧི ཡཱ་ཙི་ཏོ.
༣༢. ཡ་ཐཱ སཱ་ར་དི་ཀཾ བཱི་ཛཾ, ཁེ་ཏྟེ ཝུ་ཏྟཾ ཝི་རཱུ་ཧ་ཏི;
ཨེ་ཝཾ རཱུ་ཧ་ཏུ ཏེ ནཱ་སཱ, པ་དུ་མཾ དེ་ཧི ཡཱ་ཙི་ཏོ.
༣༣. ཨུ་བྷོ་པི པ་ལ་པ་ནྟེ་ཏེ [ཝི་ལ་པ་ནྟེ་ཏེ (སྱཱ. ཀ.)], ཨ་པི པ་དྨཱ་ནི ད་སྶ་ཏི;
ཝ་ཛྫུཾ ཝཱ ཏེ ན ཝཱ ཝ་ཛྫུཾ, ན་ཏྠི ནཱ་སཱ་ཡ རཱུ་ཧ་ནཱ;
དེ་ཧི ས་མྨ པ་དུ་མཱ་ནི, ཨ་ཧཾ ཡཱ་ཙཱ་མི ཡཱ་ཙི་ཏོ་ཏི.
པ་དུ་མ་ཛཱ་ཏ་ཀཾ པ་ཋ་མཾ.
༢༦༢. མུ་དུ་པཱ་ཎི་ཛཱ་ཏ་ཀཾ (༣-༢-༢)
༣༤. པཱ་ཎི ཙེ མུ་དུ་ཀོ ཙ་སྶ, ནཱ་གོ ཙ་སྶ སུ་ཀཱ་རི་ཏོ;
ཨ་ནྡྷ་ཀཱ་རོ ཙ ཝ་སྶེ་ཡྻ, ཨ་ཐ ནཱུ་ན ཏ་དཱ སི་ཡཱ.
༣༥. ཨ་ན་ལཱ མུ་དུ་ས་མྦྷཱ་སཱ, དུ་པྤཱུ་རཱ ཏཱ [དུ་པྤཱུ་ར་ཏྟཱ (ཀ.)] ན་དཱི་ས་མཱ;
སཱི་ད་ནྟི ནཾ ཝི་དི་ཏྭཱ་ན, ཨཱ་ར་ཀཱ པ་རི་ཝ་ཛྫ་ཡེ.
༣༦. ཡཾ ཨེ་ཏཱ ཨུ་པ་སེ་ཝ་ནྟི, ཚ་ནྡ་སཱ ཝཱ དྷ་ནེ་ན ཝཱ;
ཛཱ་ཏ་ཝེ་དོ་ཝ སཾ ཋཱ་ནཾ, ཁི་པྤཾ ཨ་ནུ་ད་ཧ་ནྟི ན་ནྟི.
མུ་དུ་པཱ་ཎི་ཛཱ་ཏ་ཀཾ དུ་ཏི་ཡཾ.
༢༦༣. ཙཱུ་ལ༹་པ་ལོ་བྷ་ན་ཛཱ་ཏ་ཀཾ (༣-༢-༣)
༣༧. ཨ་བྷི་ཛྫ་མཱ་ནེ ཝཱ་རི་སྨིཾ, ས་ཡཾ [ཨ་ཡཾ (ཀ.)] ཨཱ་ག་མྨ ཨི་དྡྷི་ཡཱ;
མི་སྶཱི་བྷཱ་ཝི་ཏྠི་ཡཱ ག་ནྟྭཱ, སཾ་སཱི་ད་སི [སཾ་སཱི་ད་ཏི (ཀ.)] མ་ཧ་ཎྞ་ཝེ.
༣༨. ཨཱ་ཝ་ཊྚ་ནཱི མ་ཧཱ་མཱ་ཡཱ, བྲ་ཧྨ་ཙ་རི་ཡ་ཝི་ཀོ་པ་ནཱ;
སཱི་ད་ནྟི ནཾ ཝི་དི་ཏྭཱ་ན, ཨཱ་ར་ཀཱ པ་རི་ཝ་ཛྫ་ཡེ.
༣༩. ཡཾ ཨེ་ཏཱ ཨུ་པ་སེ་ཝ་ནྟི, ཚ་ནྡ་སཱ ཝཱ དྷ་ནེ་ན ཝཱ;
ཛཱ་ཏ་ཝེ་དོ་ཝ སཾ ཋཱ་ནཾ, ཁི་པྤཾ ཨ་ནུ་ད་ཧ་ནྟི ན་ནྟི.
ཙཱུ་ལ༹་པ་ལོ་བྷ་ན [ཙུ་ལླ་པ་ལོ་བྷ་ན (སཱི. སྱཱ. པཱི.)] ཛཱ་ཏ་ཀཾ ཏ་ཏི་ཡཾ.
༢༦༤. མ་ཧཱ་པ་ནཱ་ད་ཛཱ་ཏ་ཀཾ (༣-༢-༤)
༤༠. པ་ནཱ་དོ ནཱ་མ སོ རཱ་ཛཱ, ཡ་སྶ ཡཱུ་པོ སུ་ཝ་ཎྞ་ཡོ;
ཏི་རི་ཡཾ སོ་ལ༹་སུ་བྦེ་དྷོ [སོ་ལ༹་ས་པ་བྦེ་དྷོ (སཱི. པཱི.)], ཨུ་དྡྷ་མཱ་ཧུ [ཨུ་ཙྩ་མཱ་ཧུ (སཱི. སྱཱ. པཱི.)] ས་ཧ་སྶ་དྷཱ.
༤༡. ས་ཧ་སྶ་ཀ་ཎྜོ ས་ཏ་གེ་ཎྜུ [ས་ཏ་བྷེ་དོ (སཱི. པཱི.), ས་ཏ་བྷེ་ཎྜུ (སཱི. ནི་སྶ་ཡ)], དྷ་ཛཱ་སུ ཧ་རི་ཏཱ་མ་ཡོ;
ཨ་ན་ཙྩུཾ ཏ་ཏྠ ག་ནྡྷ་བྦཱ, ཚ ས་ཧ་སྶཱ་ནི ས་ཏྟ་དྷཱ.
༤༢. ཨེ་ཝ་མེ་ཏཾ [ཨེ་ཝ་མེ་ཝ (ཀ.)] ཏ་དཱ ཨཱ་སི, ཡ་ཐཱ བྷཱ་ས་སི བྷ་དྡ་ཛི;
ས་ཀྐོ ཨ་ཧཾ ཏ་དཱ ཨཱ་སིཾ, ཝེ་ཡྻཱ་ཝ་ཙྩ་ཀ་རོ ཏ་ཝཱ་ཏི.
མ་ཧཱ་པ་ནཱ་ད་ཛཱ་ཏ་ཀཾ ཙ་ཏུ་ཏྠཾ.
༢༦༥. ཁུ་ར་པྤ་ཛཱ་ཏ་ཀཾ (༣-༢-༥)
༤༣. དི་སྭཱ ཁུ་ར་པྤེ དྷ་ནུ་ཝེ་ག་ནུ་ནྣེ, ཁ་གྒེ ག་ཧཱི་ཏེ ཏི་ཁི་ཎེ ཏེ་ལ་དྷོ་ཏེ;
ཏ་སྨིཾ བྷ་ཡ་སྨིཾ མ་ར་ཎེ ཝི་ཡཱུ་ལ༹ྷེ, ཀ་སྨཱ ནུ ཏེ ནཱ་ཧུ ཚ་མྦྷི་ཏ་ཏྟཾ.
༤༤. དི་སྭཱ ཁུ་ར་པྤེ དྷ་ནུ་ཝེ་ག་ནུ་ནྣེ, ཁ་གྒེ ག་ཧཱི་ཏེ ཏི་ཁི་ཎེ ཏེ་ལ་དྷོ་ཏེ;
ཏ་སྨིཾ བྷ་ཡ་སྨིཾ མ་ར་ཎེ ཝི་ཡཱུ་ལ༹ྷེ, ཝེ་དཾ ཨ་ལ་ཏྠཾ ཝི་པུ་ལཾ ཨུ་ལཱ༹་རཾ.
༤༥. སོ ཝེ་ད་ཛཱ་ཏོ ཨ་ཛ྄ཛྷ་བྷ་ཝིཾ ཨ་མི་ཏྟེ, པུ་བྦེ་ཝ མེ ཛཱི་ཝི་ཏ་མཱ་སི ཙ་ཏྟཾ;
ན ཧི ཛཱི་ཝི་ཏེ ཨཱ་ལ་ཡཾ ཀུ་བྦ་མཱ་ནོ, སཱུ་རོ ཀ་ཡི་རཱ སཱུ་ར་ཀི་ཙྩཾ ཀ་དཱ་ཙཱི་ཏི.
ཁུ་ར་པྤ་ཛཱ་ཏ་ཀཾ པ་ཉྩ་མཾ.
༢༦༦. ཝཱ་ཏ་གྒ་སི་ནྡྷ་ཝ་ཛཱ་ཏ་ཀཾ (༣-༢-༦)
༤༦. ཡེ་ནཱ་སི ཀི་སི་ཡཱ པ་ཎྜུ, ཡེ་ན བྷ་ཏྟཾ ན རུ་ཙྩ་ཏི;
ཨ་ཡཾ སོ ཨཱ་ག་ཏོ བྷ་ཏྟཱ [ཏཱ་ཏོ (སཱི. སྱཱ. པཱི.)], ཀ་སྨཱ དཱ་ནི པ་ལཱ་ཡ་སི.
༤༧. ས་ཙེ [ན ཁོ (སྱཱ. ཀ.)] པ་ནཱ་དི་ཀེ་ནེ་ཝ, ས་ནྠ་ཝོ ནཱ་མ ཛཱ་ཡ་ཏི;
ཡ་སོ ཧཱ་ཡ་ཏི ཨི་ཏྠཱི་ནཾ, ཏ་སྨཱ ཏཱ་ཏ པ་ལཱ་ཡ་ཧཾ [པ་ལཱ་ཡི་ཧཾ (སྱཱ.), པ་ལཱ་ཡི་ཏཾ (ཀ.)].
༤༨. ཡ་སྶ་སྶི་ནཾ ཀུ་ལེ ཛཱ་ཏཾ, ཨཱ་ག་ཏཾ ཡཱ ན ཨི་ཙྪ་ཏི;
སོ་ཙ་ཏི ཙི་ར་ར་ཏྟཱ་ཡ, ཝཱ་ཏ་གྒ་མི་ཝ བྷ་དྡ་ལཱི་ཏི [ཀུ་ནྡ་ལཱི་ཏི (སཱི. པཱི.), ག་དྲ་བྷཱི་ཏི (སྱཱ.)].
ཝཱ་ཏ་གྒ་སི་ནྡྷ་ཝ་ཛཱ་ཏ་ཀཾ ཚ་ཊྛཾ.
༢༦༧. ཀ་ཀྐ་ཊ་ཀ་ཛཱ་ཏ་ཀཾ (༣-༢-༧)
༤༩. སི་ངྒཱི་མི་གོ ཨཱ་ཡ་ཏ་ཙ་ཀྑུ་ནེ་ཏྟོ, ཨ་ཊྛི་ཏྟ་ཙོ ཝཱ་རི་ས་ཡོ ཨ་ལོ་མོ;
ཏེ་ནཱ་བྷི་བྷཱུ་ཏོ ཀ་པ་ཎཾ རུ་དཱ་མི, མཱ ཧེ་ཝ མཾ པཱ་ཎ་ས་མཾ ཛ་ཧེ་ཡྻ [ཛ་ཧེ་ཡྻཱ (པཱི.) ཛ་ཧཱ’ཡྻེ (?)].
༥༠. ཨ་ཡྻ ན ཏཾ ཛ་ཧི་སྶཱ་མི, ཀུ་ཉྫ་རཾ ས་ཊྛི་ཧཱ་ཡ་ནཾ [ཀུ་ཉྫ་ར ས་ཊྛི་ཧཱ་ཡ་ན (སཱི. པཱི.)];
པ་ཐ་བྱཱ ཙཱ་ཏུ་ར་ནྟཱ་ཡ, སུ་པྤི་ཡོ ཧོ་སི མེ ཏུ་ཝཾ.
༥༡. ཡེ ཀུ་ལཱི༹་རཱ ས་མུ་དྡ་སྨིཾ, ག་ངྒཱ་ཡ ཡ་མུ་ནཱ་ཡ [ན་མྨ་དཱ་ཡ (སཱི. པཱི.)] ཙ;
ཏེ་སཾ ཏྭཾ ཝཱ་རི་ཛོ སེ་ཊྛོ, མུ་ཉྩ རོ་ད་ནྟི་ཡཱ པ་ཏི་ནྟི.
ཀ་ཀྐ་ཊ་ཀ [ཀུ་ལཱི༹་ར (ཀ.)] ཛཱ་ཏ་ཀཾ ས་ཏྟ་མཾ.
༢༦༨. ཨཱ་རཱ་མ་དཱུ་ས་ཀ་ཛཱ་ཏ་ཀཾ (༣-༢-༨)
༥༢. ཡོ ཝེ ས་བྦ་ས་མེ་ཏཱ་ནཾ, ཨ་ཧུ་ཝཱ སེ་ཊྛ་ས་མྨ་ཏོ;
ཏ་སྶཱ་ཡཾ ཨེ་དི་སཱི པ་ཉྙཱ, ཀི་མེ་ཝ ཨི་ཏ་རཱ པ་ཛཱ.
༥༣. ཨེ་ཝ་མེ་ཝ ཏུ་ཝཾ བྲ་ཧྨེ, ཨ་ན་ཉྙཱ་ཡ ཝི་ནི་ནྡ་སི;
ཀ་ཐཾ མཱུ་ལཾ ཨ་དི་སྭཱ་ན [ཀ་ཐཾ་ཧི མཱུ་ལཾ ཨ་དི་ཏྭཱ (སྱཱ. པཱི.)], རུ་ཀྑཾ ཛ་ཉྙཱ པ་ཏི་ཊྛི་ཏཾ.