༥༤༤. ཙ་ནྡ་ཀུ་མཱ་ར་ཛཱ་ཏ་ཀཾ (༧)
༩༨༢. ‘‘རཱ་ཛཱ་སི ལུ་དྡ་ཀ་མྨོ, ཨེ་ཀ་རཱ་ཛཱ པུ་པྥ་ཝ་ཏཱི་ཡཱ;
སོ པུ་ཙྪི བྲ་ཧྨ་བ་ནྡྷུཾ, ཁ་ཎྜ་ཧཱ་ལཾ པུ་རོ་ཧི་ཏཾ མཱུ་ལ༹ྷཾ.
༩༨༣. ‘ས་གྒཱ་ན མ་གྒ་མཱ་ཙི་ཀྑ [ས་གྒ་མ་གྒ་མཱ་ཙི་ཀྑ (སཱི. པཱི.)], ཏྭཾ་སི བྲཱ་ཧྨ་ཎ དྷ་མྨ་ཝི་ན་ཡ་ཀུ་ས་ལོ;
ཡ་ཐཱ ཨི་ཏོ ཝ་ཛ་ནྟི སུ་ག་ཏིཾ, ན་རཱ པུ་ཉྙཱ་ནི ཀ་ཏྭཱ་ན’.
༩༨༤. ‘ཨ་ཏི་དཱ་ནཾ ད་དི་ཏྭཱ་ན, ཨ་ཝ་ཛ྄ཛྷེ དེ་ཝ གྷཱ་ཏེ་ཏྭཱ;
ཨེ་ཝཾ ཝ་ཛ་ནྟི སུ་ག་ཏིཾ, ན་རཱ པུ་ཉྙཱ་ནི ཀ་ཏྭཱ་ན’.
༩༨༥. ‘ཀིཾ པ་ན ཏཾ ཨ་ཏི་དཱ་ནཾ, ཀེ ཙ ཨ་ཝ་ཛ྄ཛྷཱ ཨི་མ་སྨི ལོ་ཀ་སྨིཾ;
ཨེ་ཏ་ཉྩ ཁོ ནོ ཨ་ཀྑཱ་ཧི, ཡ་ཛི་སྶཱ་མི ད་དཱ་མི [ཡ་ཛི་སྶཱ་མ ད་དཱ་མ (སཱི. པཱི.)] དཱ་ནཱ་ནི’.
༩༨༦. ‘པུ་ཏྟེ་ཧི དེ་ཝ ཡ་ཛི་ཏ་བྦཾ, མ་ཧེ་སཱི་ཧི ནེ་ག་མེ་ཧི ཙ;
ཨུ་ས་བྷེ་ཧི ཨཱ་ཛཱ་ནི་ཡེ་ཧི ཙ་ཏཱུ་ཧི, ས་བྦ་ཙ་ཏུ་ཀྐེ་ན དེ་ཝ ཡ་ཛི་ཏ་བྦཾ’’’.
༩༨༧. ‘‘ཏཾ སུ་ཏྭཱ ཨ་ནྟེ་པུ་རེ, ཀུ་མཱ་རཱ མ་ཧེ་སི་ཡོ ཙ ཧ་ཉྙ་ནྟུ;
ཨེ་ཀོ ཨ་ཧོ་སི ནི་གྒྷོ་སོ, བྷི་སྨཱ ཨ་ཙྩུ་གྒ་ཏོ ས་དྡོ’’.
༩༨༨. ‘‘ག་ཙྪ་ཐ ཝ་དེ་ཐ ཀུ་མཱ་རེ, ཙ་ནྡཾ སཱུ་རི་ཡ་ཉྩ བྷ་དྡ་སེ་ན་ཉྩ;
སཱུ་ར་ཉྩ ཝཱ་མ་གོ་ཏྟ་ཉྩ, པ་ཙུ་རཱ [པ་སུ་རཱ (སཱི. པཱི. ཀ.)] ཀི་ར ཧོ་ཐ ཡ་ཉྙ་ཏྠཱ་ཡ.
༩༨༩. ‘‘ཀུ་མཱ་རི་ཡོ་པི ཝ་དེ་ཐ, ཨུ་པ་སེ་ནཾ [ཨུ་པ་སེ་ནིཾ (སཱི.), ཨུ་པ་སེ་ཎིཾ (པཱི.)] ཀོ་ཀི་ལ་ཉྩ མུ་དི་ཏ་ཉྩ;
ན་ནྡ་ཉྩཱ་པི ཀུ་མཱ་རིཾ, པ་ཙུ་རཱ [པ་སུ་རཱ (སཱི. པཱི. ཀ.)] ཀི་ར ཧོ་ཐ ཡ་ཉྙ་ཏྠཱ་ཡ.
༩༩༠. ‘‘ཝི་ཛ་ཡ་མྤི མ་ཡ྄ཧཾ མ་ཧེ་སིཾ, ཨེ་རཱ་ཝ་ཏིཾ [ཨེ་ཀ་པ་ཏིཾ (པཱི.), ཨེ་རཱ་པ་ཏིཾ (ཀ.)] ཀེ་སི་ནིཾ སུ་ན་ནྡ་ཉྩ;
ལ་ཀྑ་ཎ་ཝ་རཱུ་པ་པ་ནྣཱ, པ་ཙུ་རཱ ཀི་ར ཧོ་ཐ ཡ་ཉྙ་ཏྠཱ་ཡ.
༩༩༡. ‘‘ག་ཧ་པ་ཏ་ཡོ ཙ ཝ་དེ་ཐ, པུ་ཎྞ་མུ་ཁཾ བྷ་དྡི་ཡཾ སི་ངྒཱ་ལ་ཉྩ;
ཝ་ཌྜྷ་ཉྩཱ་པི ག་ཧ་པ་ཏིཾ, པ་ཙུ་རཱ ཀི་ར ཧོ་ཐ ཡ་ཉྙ་ཏྠཱ་ཡ’’.
༩༩༢. ‘‘ཏེ ཏ་ཏྠ ག་ཧ་པ་ཏ་ཡོ, ཨ་ཝོ་ཙི་སུཾ ས་མཱ་ག་ཏཱ པུ་ཏྟ་དཱ་ར་པ་རི་ཀི་ཎྞཱ;
ས་བྦེ་ཝ སི་ཁི་ནོ དེ་ཝ ཀ་རོ་ཧི, ཨ་ཐ ཝཱ ནོ དཱ་སེ སཱ་ཝེ་ཧི’’.
༩༩༣. ‘‘ཨ་བྷ་ཡཾ་ཀ་ར་མྤི མེ ཧ་ཏྠིཾ, ནཱ་ལཱ༹་གི་རིཾ ཨ་ཙྩུ་གྒ་ཏཾ ཝ་རུ་ཎ་ད་ནྟཾ [ནཱ་ལཱ༹་གི་རིཾ ཨ་ཙྩུ་ཏཾ ཝ་རུ་ཎ་ད་ནྟཾ (སཱི.), རཱ་ཛ་གི་རིཾ ཨ་ཙྩུ་ཏ་ཝ་རུ་ཎ་ད་ནྟཾ (པཱི.)];
ཨཱ་ནེ་ཐ ཁོ ནེ ཁི་པྤཾ, ཡ་ཉྙ་ཏྠཱ་ཡ བྷ་ཝི་སྶ་ནྟི.
༩༩༤. ‘‘ཨ་སྶ་ར་ཏ་ན་མྤི [ཨ་སྶ་ཏ་ར་མྤི (སཱི. པཱི.), ཨ་སྶ་ར་ཏ་ན་མྤི མེ (སྱཱ.)] ཀེ་སིཾ, སུ་རཱ་མུ་ཁཾ པུ་ཎྞ་ཀཾ ཝི་ན་ཏ་ཀ་ཉྩ;
ཨཱ་ནེ་ཐ ཁོ ནེ ཁི་པྤཾ, ཡ་ཉྙ་ཏྠཱ་ཡ བྷ་ཝི་སྶ་ནྟི.
༩༩༥. ‘‘ཨུ་ས་བྷ་མྤི [ཨུ་ས་བྷ་མྤི མེ (སྱཱ.)] ཡཱུ་ཐ་པ་ཏིཾ ཨ་ནོ་ཛཾ, ནི་ས་བྷཾ ག་ཝ་མྤ་ཏིཾ ཏེ་པི མ་ཡ྄ཧཾ ཨཱ་ནེ་ཐ;
ས་མཱུ་ཧ [ས་མུ་པཱ (སཱི. པཱི.), ས་མྨུ་ཁཱ (སྱཱ.)] ཀ་རོ་ནྟུ ས་བྦཾ, ཡ་ཛི་སྶཱ་མི ད་དཱ་མི དཱ་ནཱ་ནི.
༩༩༦. ‘‘ས་བྦཾ [ས་བྦ་མྤི (སྱཱ.)] པ་ཊི་ཡཱ་དེ་ཐ, ཡ་ཉྙཾ པ་ན ཨུ་གྒ་ཏ་མྷི སཱུ་རི་ཡ་མྷི;
ཨཱ་ཎཱ་པེ་ཐ ཙ ཀུ་མཱ་རེ [ཨཱ་ཎཱ་པེ་ཐ ཙ་ནྡ་ཀུ་མཱ་རེ (སྱཱ. ཀ.)], ཨ་བྷི་ར་མ་ནྟུ ཨི་མཾ ར་ཏྟིཾ.
༩༩༧. ‘‘ས་བྦཾ [ས་བྦ་མྤི (སྱཱ.)] ཨུ་པ་ཊྛ་པེ་ཐ, ཡ་ཉྙཾ པ་ན ཨུ་གྒ་ཏ་མྷི སཱུ་རི་ཡ་མྷི;
ཝ་དེ་ཐ དཱ་ནི ཀུ་མཱ་རེ, ཨ་ཛྫ ཁོ [ཝོ (པཱི.)] པ་ཙྪི་མཱ ར་ཏྟི’’.
༩༩༨. ‘‘ཏཾ་ཏཾ མཱ་ཏཱ ཨ་ཝ་ཙ, རོ་ད་ནྟཱི ཨཱ་ག་ནྟྭཱ ཝི་མཱ་ན་ཏོ;
ཡ་ཉྙོ ཀི་ར ཏེ པུ་ཏྟ, བྷ་ཝི་སྶ་ཏི ཙ་ཏཱུ་ཧི པུ་ཏྟེ་ཧི’’.
༩༩༩. ‘‘ས་བྦེ་པི མ་ཡ྄ཧཾ པུ་ཏྟཱ ཙ་ཏྟཱ, ཙ་ནྡ་སྨིཾ ཧ་ཉྙ་མཱ་ན་སྨིཾ;
པུ་ཏྟེ་ཧི ཡ་ཉྙཾ ཡ་ཛི་ཏྭཱ་ན, སུ་ག་ཏིཾ ས་གྒཾ ག་མི་སྶཱ་མི’’.
༡༠༠༠. ‘‘མཱ ཏཾ [མཱ (སཱི. པཱི.)] པུ་ཏྟ ས་དྡ་ཧེ་སི, སུ་ག་ཏི ཀི་ར ཧོ་ཏི པུ་ཏྟ་ཡ་ཉྙེ་ན;
ནི་ར་ཡཱ་ནེ་སོ མ་གྒོ, ནེ་སོ མ་གྒོ ཧི ས་གྒཱ་ནཾ.
༡༠༠༡. ‘‘དཱ་ནཱ་ནི དེ་ཧི ཀོ་ཎྜ་ཉྙ, ཨ་ཧིཾ་སཱ ས་བྦ་བྷཱུ་ཏ་བྷ་བྱཱ་ནཾ’’;
ཨེ་ས མ་གྒོ སུ་ག་ཏི་ཡཱ, ན ཙ མ་གྒོ པུ་ཏྟ་ཡ་ཉྙེ་ན’’.
༡༠༠༢. ‘‘ཨཱ་ཙ་རི་ཡཱ་ནཾ ཝ་ཙ་ནཱ, གྷཱ་ཏེ་སྶཾ ཙ་ནྡ་ཉྩ སཱུ་རི་ཡ་ཉྩ;
པུ་ཏྟེ་ཧི ཡ་ཉྙཾ [པུ་ཏྟེ་ཧི (སཱི. སྱཱ. པཱི.)] ཡ་ཛི་ཏྭཱ་ན དུ་ཙྩ་ཛེ་ཧི, སུ་ག་ཏིཾ ས་གྒཾ ག་མི་སྶཱ་མི’’.
༡༠༠༣. ‘‘ཏཾ་ཏཾ པི་ཏཱ་པི ཨ་ཝ་ཙ, ཝ་ས་ཝ་ཏྟཱི ཨོ་ར་སཾ ས་ཀཾ པུ་ཏྟཾ;
ཡ་ཉྙོ ཀི་ར ཏེ པུ་ཏྟ, བྷ་ཝི་སྶ་ཏི ཙ་ཏཱུ་ཧི པུ་ཏྟེ་ཧི’’.
༡༠༠༤. ‘‘ས་བྦེ་པི མ་ཡ྄ཧཾ པུ་ཏྟཱ ཙ་ཏྟཱ, ཙ་ནྡ་སྨིཾ ཧ་ཉྙ་མཱ་ན་སྨིཾ;
པུ་ཏྟེ་ཧི ཡ་ཉྙཾ ཡ་ཛི་ཏྭཱ་ན, སུ་ག་ཏིཾ ས་གྒཾ ག་མི་སྶཱ་མི’’.
༡༠༠༥. ‘‘མཱ ཏཾ པུ་ཏྟ ས་དྡ་ཧེ་སི, སུ་ག་ཏི ཀི་ར ཧོ་ཏི པུ་ཏྟ་ཡ་ཉྙེ་ན;
ནི་ར་ཡཱ་ནེ་སོ མ་གྒོ, ནེ་སོ མ་གྒོ ཧི ས་གྒཱ་ནཾ.
༡༠༠༦. ‘‘དཱ་ནཱ་ནི དེ་ཧི ཀོ་ཎྜ་ཉྙ, ཨ་ཧིཾ་སཱ ས་བྦ་བྷཱུ་ཏ་བྷ་བྱཱ་ནཾ;
ཨེ་ས མ་གྒོ སུ་ག་ཏི་ཡཱ, ན ཙ མ་གྒོ པུ་ཏྟ་ཡ་ཉྙེ་ན’’.
༡༠༠༧. ‘‘ཨཱ་ཙ་རི་ཡཱ་ནཾ ཝ་ཙ་ནཱ, གྷཱ་ཏེ་སྶཾ ཙ་ནྡ་ཉྩ སཱུ་རི་ཡ་ཉྩ;
པུ་ཏྟེ་ཧི ཡ་ཉྙཾ ཡ་ཛི་ཏྭཱ་ན དུ་ཙྩ་ཛེ་ཧི, སུ་ག་ཏིཾ ས་གྒཾ ག་མི་སྶཱ་མི’’.
༡༠༠༨. ‘‘དཱ་ནཱ་ནི དེ་ཧི ཀོ་ཎྜ་ཉྙ, ཨ་ཧིཾ་སཱ ས་བྦ་བྷཱུ་ཏ་བྷ་བྱཱ་ནཾ;
པུ་ཏྟ་པ་རི་ཝུ་ཏོ ཏུ་ཝཾ, ར་ཊྛཾ ཛ་ན་པ་ད་ཉྩ པཱ་ལེ་ཧི’’.
༡༠༠༩. ‘‘མཱ ནོ དེ་ཝ ཨ་ཝ་དྷི, དཱ་སེ ནོ དེ་ཧི ཁ་ཎྜ་ཧཱ་ལ་སྶ;
ཨ་པི ནི་ག་ལ༹་བ་ནྡྷ་ཀཱ་པི, ཧ་ཏྠཱི ཨ་སྶེ ཙ པཱ་ལེ་མ.
༡༠༡༠. ‘‘མཱ ནོ དེ་ཝ ཨ་ཝ་དྷི, དཱ་སེ ནོ དེ་ཧི ཁ་ཎྜ་ཧཱ་ལ་སྶ;
ཨ་པི ནི་ག་ལ༹་བ་ནྡྷ་ཀཱ་པི, ཧ་ཏྠི་ཚ་ཀ་ཎཱ་ནི ཨུ་ཛ྄ཛྷེ་མ.
༡༠༡༡. ‘‘མཱ ནོ དེ་ཝ ཨ་ཝ་དྷི, དཱ་སེ ནོ དེ་ཧི ཁ་ཎྜ་ཧཱ་ལ་སྶ;
ཨ་པི ནི་ག་ལ༹་བ་ནྡྷ་ཀཱ་པི, ཨ་སྶ་ཚ་ཀ་ཎཱ་ནི ཨུ་ཛ྄ཛྷེ་མ.
༡༠༡༢. ‘‘མཱ ནོ དེ་ཝ ཨ་ཝ་དྷི, དཱ་སེ ནོ དེ་ཧི ཁ་ཎྜ་ཧཱ་ལ་སྶ [ཨི་དཾ པ་དཾ སཱི. པཱི. པོ་ཏྠ་ཀེ་སུ ན་ཏྠི];
ཡ་སྶ ཧོ་ནྟི ཏ་ཝ ཀཱ་མཱ, ཨ་པི ར་ཊྛཱ པ་བྦཱ་ཛི་ཏཱ;
བྷི་ཀྑཱ་ཙ་རི་ཡཾ ཙ་རི་སྶཱ་མ’’.
༡༠༡༣. ‘‘དུ་ཀྑཾ ཁོ མེ ཛ་ན་ཡ་ཐ, ཝི་ལ་པ་ནྟཱ ཛཱི་ཝི་ཏ་སྶ ཀཱ་མཱ ཧི;
མུ་ཉྩེ་ཐ [མུ་ཉྩ་ཐ (སཱི. པཱི.)] དཱ་ནི ཀུ་མཱ་རེ, ཨ་ལ་མྤི མེ ཧོ་ཏུ པུ་ཏྟ་ཡ་ཉྙེ་ན’’.
༡༠༡༤. ‘‘པུ་བྦེ་ཝ ཁོ་སི མེ ཝུ་ཏྟོ, དུ་ཀྐ་རཾ དུ་ར་བྷི་ས་མྦྷ་ཝ་ཉྩེ་ཏཾ;
ཨ་ཐ ནོ ཨུ་པ་ཀྑ་ཊ་སྶ ཡ་ཉྙ་སྶ, ཀ་སྨཱ ཀ་རོ་སི ཝི་ཀྑེ་པཾ.
༡༠༡༥. ‘‘ས་བྦེ ཝ་ཛ་ནྟི སུ་ག་ཏིཾ, ཡེ ཡ་ཛ་ནྟི ཡེ་པི ཡཱ་ཛེ་ནྟི;
ཡེ ཙཱ་པི ཨ་ནུ་མོ་ད་ནྟི, ཡ་ཛ་ནྟཱ་ནཾ ཨེ་དི་སཾ མ་ཧཱ་ཡ་ཉྙཾ’’.
༡༠༡༦. ‘‘ཨ་ཐ ཀི་སྶ ཛ་ནོ [ཙ ནོ (སཱི. སྱཱ. པཱི.)] པུ་བྦེ, སོ་ཏྠཱ་ནཾ བྲཱ་ཧྨ་ཎེ ཨ་ཝཱ་ཙེ་སི;
ཨ་ཐ ནོ ཨ་ཀཱ་ར་ཎ་སྨཱ, ཡ་ཉྙ་ཏྠཱ་ཡ དེ་ཝ གྷཱ་ཏེ་སི.
༡༠༡༧. ‘‘པུ་བྦེ་ཝ ནོ ད་ཧ་ར་ཀཱ་ལེ [ད་ཧ་ར་ཀེ ས་མཱ་ནེ (སཱི. པཱི.)], ན ཧ་ནེ་སི [ན མཱ་རེ་སི (སཱི. པཱི.)] ན གྷཱ་ཏེ་སི;
ད་ཧ་ར་མྷཱ ཡོ་བྦ་ནཾ པ་ཏྟཱ, ཨ་དཱུ་ས་ཀཱ ཏཱ་ཏ ཧ་ཉྙཱ་མ.
༡༠༡༨. ‘‘ཧ་ཏྠི་ག་ཏེ ཨ་སྶ་ག་ཏེ, ས་ནྣ་དྡྷེ པ་སྶ ནོ མ་ཧཱ་རཱ་ཛ;
ཡུ་དྡྷེ ཝཱ ཡུ་ཛ྄ཛྷ་མཱ་ནེ ཝཱ, ན ཧི མཱ་དི་སཱ སཱུ་རཱ ཧོ་ནྟི ཡ་ཉྙ་ཏྠཱ་ཡ.
༡༠༡༩. ‘‘པ་ཙྩ་ནྟེ ཝཱ་པི ཀུ་པི་ཏེ, ཨ་ཊ་ཝཱི་སུ ཝཱ མཱ་དི་སེ ནི་ཡོ་ཛེ་ནྟི;
ཨ་ཐ ནོ ཨ་ཀཱ་ར་ཎ་སྨཱ, ཨ་བྷཱུ་མི་ཡཾ ཏཱ་ཏ ཧ་ཉྙཱ་མ.
༡༠༢༠. ‘‘ཡཱ་པི ཧི ཏཱ ས་ཀུ་ཎི་ཡོ, ཝ་ས་ནྟི ཏི་ཎ་གྷ་རཱ་ནི ཀ་ཏྭཱ་ན;
ཏཱ་ས་མྤི པི་ཡཱ པུ་ཏྟཱ, ཨ་ཐ ནོ ཏྭཾ དེ་ཝ གྷཱ་ཏེ་སི.
༡༠༢༡. ‘‘མཱ ཏ་སྶ ས་དྡ་ཧེ་སི, ན མཾ ཁ་ཎྜ་ཧཱ་ལོ གྷཱ་ཏེ་ཡྻ;
མ་མ་ཉྷི སོ གྷཱ་ཏེ་ཏྭཱ་ན, ཨ་ན་ནྟ་རཱ ཏ་མྤི དེ་ཝ གྷཱ་ཏེ་ཡྻ.
༡༠༢༢. ‘‘གཱ་མ་ཝ་རཾ ནི་ག་མ་ཝ་རཾ ད་ད་ནྟི, བྷོ་ག་མྤི་སྶ མ་ཧཱ་རཱ་ཛ;
ཨ་ཐ་གྒ་པི་ཎྜི་ཀཱ་པི, ཀུ་ལེ ཀུ་ལེ ཧེ་ཏེ བྷུ་ཉྫ་ནྟི.
༡༠༢༣. ‘‘ཏེ་ས་མྤི ཏཱ་དི་སཱ་ནཾ, ཨི་ཙྪ་ནྟི དུ་བྦྷི་ཏུཾ མ་ཧཱ་རཱ་ཛ;
ཡེ་བྷུ་ཡྻེ་ན ཨེ་ཏེ, ཨ་ཀ་ཏ་ཉྙུ་ནོ བྲཱ་ཧྨ་ཎཱ དེ་ཝ.
༡༠༢༤. ‘‘མཱ ནོ དེ་ཝ ཨ་ཝ་དྷི, དཱ་སེ ནོ དེ་ཧི ཁ་ཎྜ་ཧཱ་ལ་སྶ;
ཨ་པི ནི་ག་ལ༹་བ་ནྡྷ་ཀཱ་པི, ཧ་ཏྠཱི ཨ་སྶེ ཙ པཱ་ལེ་མ.
༡༠༢༥. ‘‘མཱ ནོ དེ་ཝ ཨ་ཝ་དྷི, དཱ་སེ ནོ དེ་ཧི ཁ་ཎྜ་ཧཱ་ལ་སྶ;
ཨ་པི ནི་ག་ལ༹་བ་ནྡྷ་ཀཱ་པི, ཧ་ཏྠི་ཚ་ཀ་ཎཱ་ནི ཨུ་ཛ྄ཛྷེ་མ.
༡༠༢༦. ‘‘མཱ ནོ དེ་ཝ ཨ་ཝ་དྷི, དཱ་སེ ནོ དེ་ཧི ཁ་ཎྜ་ཧཱ་ལ་སྶ;
ཨ་པི ནི་ག་ལ༹་བ་ནྡྷ་ཀཱ་པི, ཨ་སྶ་ཚ་ཀ་ཎཱ་ནི ཨུ་ཛ྄ཛྷེ་མ.
༡༠༢༧. ‘‘མཱ ནོ དེ་ཝ ཨ་ཝ་དྷི, དཱ་སེ ནོ དེ་ཧི ཁ་ཎྜ་ཧཱ་ལ་སྶ;
ཡ་སྶ ཧོ་ནྟི ཏ་ཝ ཀཱ་མཱ, ཨ་པི ར་ཊྛཱ པ་བྦཱ་ཛི་ཏཱ;
བྷི་ཀྑཱ་ཙ་རི་ཡཾ ཙ་རི་སྶཱ་མ’’.
༡༠༢༨. ‘‘དུ་ཀྑཾ ཁོ མེ ཛ་ན་ཡ་ཐ, ཝི་ལ་པ་ནྟཱ ཛཱི་ཝི་ཏ་སྶ ཀཱ་མཱ ཧི;
མུ་ཉྩེ་ཐ དཱ་ནི ཀུ་མཱ་རེ, ཨ་ལ་མྤི མེ ཧོ་ཏུ པུ་ཏྟ་ཡ་ཉྙེ་ན’’.
༡༠༢༩. ‘‘པུ་བྦེ་ཝ ཁོ་སི མེ ཝུ་ཏྟོ, དུ་ཀྐ་རཾ དུ་ར་བྷི་ས་མྦྷ་ཝ་ཉྩེ་ཏཾ;
ཨ་ཐ ནོ ཨུ་པ་ཀྑ་ཊ་སྶ ཡ་ཉྙ་སྶ, ཀ་སྨཱ ཀ་རོ་སི ཝི་ཀྑེ་པཾ.
༡༠༣༠. ‘‘ས་བྦེ ཝ་ཛ་ནྟི སུ་ག་ཏིཾ, ཡེ ཡ་ཛ་ནྟི ཡེ་པི ཡཱ་ཛེ་ནྟི;
ཡེ ཙཱ་པི ཨ་ནུ་མོ་ད་ནྟི, ཡ་ཛ་ནྟཱ་ནཾ ཨེ་དི་སཾ མ་ཧཱ་ཡ་ཉྙཾ’’.
༡༠༣༡. ‘‘ཡ་དི ཀི་ར ཡ་ཛི་ཏྭཱ པུ་ཏྟེ་ཧི, དེ་ཝ་ལོ་ཀཾ ཨི་ཏོ ཙུ་ཏཱ ཡ་ནྟི;
བྲཱ་ཧྨ་ཎོ ཏཱ་ཝ ཡ་ཛ་ཏུ, པ་ཙྪཱ་པི ཡ་ཛ་སི ཏུ་ཝཾ རཱ་ཛཱ.
༡༠༣༢. ‘‘ཡ་དི ཀི་ར ཡ་ཛི་ཏྭཱ པུ་ཏྟེ་ཧི, དེ་ཝ་ལོ་ཀཾ ཨི་ཏོ ཙུ་ཏཱ ཡ་ནྟི;
ཨེ་སྭེ་ཝ ཁ་ཎྜ་ཧཱ་ལོ, ཡ་ཛ་ཏཾ ས་ཀེ་ཧི པུ་ཏྟེ་ཧི.
༡༠༣༣. ‘‘ཨེ་ཝཾ ཛཱ་ན་ནྟོ ཁ་ཎྜ་ཧཱ་ལོ, ཀིཾ པུ་ཏྟ་ཀེ ན གྷཱ་ཏེ་སི;
ས་བྦ་ཉྩ ཉཱ་ཏི་ཛ་ནཾ, ཨ་ཏྟཱ་ན་ཉྩ ན གྷཱ་ཏེ་སི.
༡༠༣༤. ‘‘ས་བྦེ ཝ་ཛ་ནྟི ནི་ར་ཡཾ, ཡེ ཡ་ཛ་ནྟི ཡེ་པི ཡཱ་ཛེ་ནྟི;
ཡེ ཙཱ་པི ཨ་ནུ་མོ་ད་ནྟི, ཡ་ཛ་ནྟཱ་ནཾ ཨེ་དི་སཾ མ་ཧཱ་ཡ་ཉྙཾ.
༡༠༣༥. [ཨ་ཡཾ གཱ་ཐཱ སཱི. སྱཱ. པཱི. པོ་ཏྠ་ཀེ་སུ ན དི་སྶ་ཏི] ‘‘ས་ཙེ ཧི སོ སུ་ཛ྄ཛྷ་ཏི ཡོ ཧ་ནཱ་ཏི, ཧ་ཏོ་པི སོ ས་གྒ་མུ་པེ་ཏི ཋཱ་ནཾ;
བྷོ་ཝཱ་དི བྷོ་ཝཱ་དི་ན མཱ་ར་ཡེ་ཡྻུཾ, ཡེ ཙཱ་པི ཏེ་སཾ ཨ་བྷི་ས་དྡ་ཧེ་ཡྻུཾ’’ [ཨ་ཡཾ གཱ་ཐཱ སཱི. སྱཱ. པཱི. པོ་ཏྠ་ཀེ་སུ ན དི་སྶ་ཏི].
༡༠༣༦. ‘‘ཀ་ཐ་ཉྩ ཀི་ར པུ་ཏྟ་ཀཱ་མཱ་ཡོ, ག་ཧ་པ་ཏ་ཡོ གྷ་ར་ཎི་ཡོ ཙ;
ན་ག་ར་མྷི ན ཨུ་པ་ར་ཝ་ནྟི རཱ་ཛཱ་ནཾ, མཱ གྷཱ་ཏ་ཡི ཨོ་ར་སཾ པུ་ཏྟཾ.
༡༠༣༧. ‘‘ཀ་ཐ་ཉྩ ཀི་ར པུ་ཏྟ་ཀཱ་མཱ་ཡོ, ག་ཧ་པ་ཏ་ཡོ གྷ་ར་ཎི་ཡོ ཙ;
ན་ག་ར་མྷི ན ཨུ་པ་ར་ཝ་ནྟི རཱ་ཛཱ་ནཾ, མཱ གྷཱ་ཏ་ཡི ཨ་ཏྲ་ཛཾ པུ་ཏྟཾ.
༡༠༣༨. ‘‘ར་ཉྙོ ཙ་མྷི ཨ་ཏྠ་ཀཱ་མོ, ཧི་ཏོ ཙ ས་བྦ་ཛ་ན་པ་ད་སྶ [ས་བྦ་དཱ ཛ་ན་པ་ད་སྶ (སཱི. པཱི.)];
ན ཀོ་ཙི ཨ་སྶ པ་ཊི་གྷཾ, མ་ཡཱ ཛཱ་ན་པ་དོ ན པ་ཝེ་དེ་ཏི’’.
༡༠༣༩. ‘‘ག་ཙྪ་ཐ ཝོ གྷ་ར་ཎི་ཡོ, ཏཱ་ཏ་ཉྩ ཝ་དེ་ཐ ཁ་ཎྜ་ཧཱ་ལ་ཉྩ;
མཱ གྷཱ་ཏེ་ཐ ཀུ་མཱ་རེ, ཨ་དཱུ་ས་ཀེ སཱི་ཧ་ས་ངྐཱ་སེ.
༡༠༤༠. ‘‘ག་ཙྪ་ཐ ཝོ གྷ་ར་ཎི་ཡོ, ཏཱ་ཏ་ཉྩ ཝ་དེ་ཐ ཁ་ཎྜ་ཧཱ་ལ་ཉྩ;
མཱ གྷཱ་ཏེ་ཐ ཀུ་མཱ་རེ, ཨ་པེ་ཀྑི་ཏེ ས་བྦ་ལོ་ཀ་སྶ’’.
༡༠༤༡. ‘‘ཡཾ ནཱུ་ནཱ་ཧཾ ཛཱ་ཡེ་ཡྻཾ, ར་ཐ་ཀཱ་ར་ཀུ་ལེ་སུ ཝཱ;
པུ་ཀྐུ་ས་ཀུ་ལེ་སུ ཝཱ ཝེ་སྶེ་སུ ཝཱ ཛཱ་ཡེ་ཡྻཾ;
ན ཧ་ཛྫ མཾ རཱ་ཛ ཡ་ཉྙེ [ཡ་ཉྙ་ཏྠཱ་ཡ (སཱི. པཱི.)] གྷཱ་ཏེ་ཡྻ’’.
༡༠༤༢. ‘‘ས་བྦཱ སཱི་མ་ནྟི་ནི་ཡོ ག་ཙྪ་ཐ, ཨ་ཡྻ་སྶ ཁ་ཎྜ་ཧཱ་ལ་སྶ;
པཱ་དེ་སུ ནི་པ་ཏ་ཐ, ཨ་པ་རཱ་དྷཱ་ཧཾ ན པ་སྶཱ་མི.
༡༠༤༣. ‘‘ས་བྦཱ སཱི་མ་ནྟི་ནི་ཡོ ག་ཙྪ་ཐ, ཨ་ཡྻ་སྶ ཁ་ཎྜ་ཧཱ་ལ་སྶ;
པཱ་དེ་སུ ནི་པ་ཏ་ཐ, ཀི་ནྟེ བྷ་ནྟེ མ་ཡཾ ཨ་དཱུ་སེ་མ’’.
༡༠༤༤. ‘‘ཀ་པ་ཎཱ [ཀ་པ་ཎཾ (སཱི. པཱི.)] ཝི་ལ་པ་ཏི སེ་ལཱ, དི་སྭཱ་ན བྷཱ་ཏ་རེ [བྷཱ་ཏ་རོ (སཱི. སྱཱ. པཱི. ཀ.)] ཨུ་པ་ནཱི་ཏ་ཏྟེ;
ཡ་ཉྙོ ཀི་ར མེ ཨུ་ཀྑི་པི་ཏོ, ཏཱ་ཏེ་ན ས་གྒ་ཀཱ་མེ་ན’’.
༡༠༤༥. ‘‘ཨཱ་ཝ་ཏྟི པ་རི་ཝ་ཏྟི ཙ, ཝ་སུ་ལོ ས་མྨུ་ཁཱ ར་ཉྙོ;
མཱ ནོ པི་ཏ་རཾ ཨ་ཝ་དྷི, ད་ཧ་ར་མྷཱ ཡོ་བྦ་ནཾ པ་ཏྟཱ’’.
༡༠༤༦. ‘‘ཨེ་སོ ཏེ ཝ་སུ་ལ པི་ཏཱ, ས་མེ་ཧི པི་ཏ་རཱ ས་ཧ;
དུ་ཀྑཾ ཁོ མེ ཛ་ན་ཡ་སི, ཝི་ལ་པ་ནྟོ ཨ་ནྟེ་པུ་ར་སྨིཾ;
མུ་ཉྩེ་ཐ དཱ་ནི ཀུ་མཱ་རེ, ཨ་ལ་མྤི མེ ཧོ་ཏུ པུ་ཏྟ་ཡ་ཉྙེ་ན’’.
༡༠༤༧. ‘‘པུ་བྦེ་ཝ ཁོ་སི མེ ཝུ་ཏྟོ, དུ་ཀྐ་རཾ དུ་ར་བྷི་ས་མྦྷ་ཝ་ཉྩེ་ཏཾ;
ཨ་ཐ ནོ ཨུ་པ་ཀྑ་ཊ་སྶ ཡ་ཉྙ་སྶ, ཀ་སྨཱ ཀ་རོ་སི ཝི་ཀྑེ་པཾ.
༡༠༤༨. ‘‘ས་བྦེ ཝ་ཛ་ནྟི སུ་ག་ཏིཾ, ཡེ ཡ་ཛ་ནྟི ཡེ་པི ཡཱ་ཛེ་ནྟི;
ཡེ ཙཱ་པི ཨ་ནུ་མོ་ད་ནྟི, ཡ་ཛ་ནྟཱ་ནཾ ཨེ་དི་སཾ མ་ཧཱ་ཡ་ཉྙཾ’’.
༡༠༤༩. ‘‘ས་བྦ་ར་ཏ་ན་སྶ ཡ་ཉྙོ ཨུ་པ་ཀྑ་ཊོ, ཨེ་ཀ་རཱ་ཛ ཏ་ཝ པ་ཊི་ཡ་ཏྟོ;
ཨ་བྷི་ནི་ཀྑ་མ་སྶུ དེ་ཝ, ས་གྒཾ ག་ཏོ ཏྭཾ པ་མོ་དི་སྶ་སི’’.
༡༠༥༠. ‘‘ད་ཧ་རཱ ས་ཏྟ་ས་ཏཱ ཨེ་ཏཱ, ཙ་ནྡ་ཀུ་མཱ་ར་སྶ བྷ་རི་ཡཱ་ཡོ;
ཀེ་སེ པ་ཀི་རི་ཏྭཱ་ན [པ་རི་ཀི་རི་ཏྭཱ་ན (སཱི. པཱི.), ཝི་ཀི་རི་ཏྭཱ་ན (སྱཱ. ཀ.)], རོ་ད་ནྟི་ཡོ མ་གྒ་མ་ནུ་ཡཱ་ཡིཾ་སུ [མ་གྒ་མ་ནུ་ཡ་ནྟི (སཱི. པཱི.), མ་གྒ་མ་ནུ་ཡཱ་ཡ་ནྟི (སྱཱ.)].
༡༠༥༡. ‘‘ཨ་པ་རཱ པ་ན སོ་ཀེ་ན, ནི་ཀྑ་ནྟཱ ན་ནྡ་ནེ ཝི་ཡ དེ་ཝཱ;
ཀེ་སེ པ་ཀི་རི་ཏྭཱ་ན [པ་རི་ཀི་རི་ཏྭཱ་ན (སཱི. པཱི.), ཝི་ཀི་རི་ཏྭཱ་ན (སྱཱ. ཀ.)], རོ་ད་ནྟི་ཡོ མ་གྒ་མ་ནུ་ཡཱ་ཡིཾ་སུ’’ [མ་གྒ་མ་ནུ་ཡ་ནྟི (སཱི. པཱི.), མ་གྒ་མ་ནུ་ཡཱ་ཡ་ནྟི (སྱཱ.)].
༡༠༥༢. ‘‘ཀཱ་སི་ཀ་སུ་ཙི་ཝ་ཏྠ་དྷ་རཱ, ཀུ་ཎྜ་ལི་ནོ ཨ་ག་ལུ་ཙ་ནྡ་ན་ཝི་ལི་ཏྟཱ;
ནི་ཡྻ་ནྟི ཙ་ནྡ་སཱུ་རི་ཡཱ, ཡ་ཉྙ་ཏྠཱ་ཡ ཨེ་ཀ་རཱ་ཛ་སྶ.
༡༠༥༣. ‘‘ཀཱ་སི་ཀ་སུ་ཙི་ཝ་ཏྠ་དྷ་རཱ, ཀུ་ཎྜ་ལི་ནོ ཨ་ག་ལུ་ཙ་ནྡ་ན་ཝི་ལི་ཏྟཱ;
ནི་ཡྻ་ནྟི ཙ་ནྡ་སཱུ་རི་ཡཱ, མཱ་ཏུ ཀ་ཏྭཱ ཧ་ད་ཡ་སོ་ཀཾ.
༡༠༥༤. ‘‘ཀཱ་སི་ཀ་སུ་ཙི་ཝ་ཏྠ་དྷ་རཱ, ཀུ་ཎྜ་ལི་ནོ ཨ་ག་ལུ་ཙ་ནྡ་ན་ཝི་ལི་ཏྟཱ;