༢༢. མ་ཧཱ་ནི་པཱ་ཏོ
༥༣༨. མཱུ་ག་པ་ཀྑ་ཛཱ་ཏ་ཀཾ (༡)
༡. ‘‘མཱ པ་ཎྜི་ཙྩ་ཡཾ [པ་ཎྜི་ཏི་ཡཾ (སཱི.), པ་ཎྜི་ཙྩི་ཡཾ (པཱི.)] ཝི་བྷཱ་ཝ་ཡ, བཱ་ལ་མ་ཏོ བྷ་ཝ ས་བྦ་པཱ་ཎི་ནཾ;
ས་བྦོ ཏཾ ཛ་ནོ ཨོ་ཙི་ནཱ་ཡ་ཏུ, ཨེ་ཝཾ ཏ་ཝ ཨ་ཏྠོ བྷ་ཝི་སྶ་ཏི’’.
༢. ‘‘ཀ་རོ་མི ཏེ ཏཾ ཝ་ཙ་ནཾ, ཡཾ མཾ བྷ་ཎ་སི དེ་ཝ་ཏེ;
ཨ་ཏྠ་ཀཱ་མཱ་སི མེ ཨ་མྨ, ཧི་ཏ་ཀཱ་མཱ་སི དེ་ཝ་ཏེ’’.
༣. ‘‘ཀིཾ ནུ ས་ནྟ་ར་མཱ་ནོ་ཝ, ཀཱ་སུཾ ཁ་ཎ་སི སཱ་ར་ཐི;
པུ་ཊྛོ མེ ས་མྨ ཨ་ཀྑཱ་ཧི, ཀིཾ ཀཱ་སུ་ཡཱ ཀ་རི་སྶ་སི’’.
༤. ‘‘ར་ཉྙོ མཱུ་གོ ཙ པ་ཀྑོ ཙ, པུ་ཏྟོ ཛཱ་ཏོ ཨ་ཙེ་ཏ་སོ;
སོ་མྷི ར་ཉྙཱ ས་མ་ཛ྄ཛྷི་ཊྛོ, པུ་ཏྟཾ མེ ནི་ཁ་ཎཾ ཝ་ནེ’’.
༥. ‘‘ན བ་དྷི་རོ ན མཱུ་གོ་སྨི, ན པ་ཀྑོ ན ཙ ཝཱི་ཀ་ལོ [ན་པི པ་ངྒུ་ལོ (སཱི. པཱི.), ན ཙ པི་ངྒ་ལོ (སྱཱ.)];
ཨ་དྷ་མྨཾ སཱ་ར་ཐི ཀ་ཡི་རཱ, མཾ ཙེ ཏྭཾ ནི་ཁ་ཎཾ ཝ་ནེ’’.
༦. ‘‘ཨཱུ་རཱུ བཱ་ཧུཾ [བཱ་ཧཱུ (སཱི. ཀ.)] ཙ མེ པ་སྶ, བྷཱ་སི་ཏ་ཉྩ སུ་ཎོ་ཧི མེ;
ཨ་དྷ་མྨཾ སཱ་ར་ཐི ཀ་ཡི་རཱ, མཾ ཙེ ཏྭཾ ནི་ཁ་ཎཾ ཝ་ནེ’’.
༧. ‘‘དེ་ཝ་ཏཱ ནུ་སི ག་ནྡྷ་བྦོ, ཨ་དུ [ཨཱ་དུ (སཱི.), ཨཱ་དཱུ (སྱཱ.)] ས་ཀྐོ པུ་རི་ནྡ་དོ;
ཀོ ཝཱ ཏྭཾ ཀ་སྶ ཝཱ པུ་ཏྟོ, ཀ་ཐཾ ཛཱ་ནེ་མུ ཏཾ མ་ཡཾ’’.
༨. ‘‘ན་མྷི དེ་ཝོ ན ག་ནྡྷ་བྦོ, ནཱ་པི ས་ཀྐོ པུ་རི་ནྡ་དོ;
ཀཱ་སི་ར་ཉྙོ ཨ་ཧཾ པུ་ཏྟོ, ཡཾ ཀཱ་སུ་ཡཱ ནི་ཁ་ཉྙ་སི [ནི་གྷ་ཉྙ་སི (སཱི. པཱི.), ནི་ཁ་ཉྪ་སི (?)].
༩. ‘‘ཏ་སྶ ར་ཉྙོ ཨ་ཧཾ པུ་ཏྟོ, ཡཾ ཏྭཾ ས་མྨཱུ་པ་ཛཱི་ཝ་སི [ས་མུ་པ་ཛཱི་ཝ་སི (སཱི. པཱི.)];
ཨ་དྷ་མྨཾ སཱ་ར་ཐི ཀ་ཡི་རཱ, མཾ ཙེ ཏྭཾ ནི་ཁ་ཎཾ ཝ་ནེ.
༡༠. ‘‘ཡ་སྶ རུ་ཀྑ་སྶ ཚཱ་ཡཱ་ཡ, ནི་སཱི་དེ་ཡྻ ས་ཡེ་ཡྻ ཝཱ;
ན ཏ་སྶ སཱ་ཁཾ བྷ་ཉྫེ་ཡྻ, མི་ཏྟ་དུ་བྦྷོ [མི་ཏྟ་དཱུ་བྷོ (སཱི. པཱི.)] ཧི པཱ་པ་ཀོ.
༡༡. ‘‘ཡ་ཐཱ རུ་ཀྑོ ཏ་ཐཱ རཱ་ཛཱ, ཡ་ཐཱ སཱ་ཁཱ ཏ་ཐཱ ཨ་ཧཾ;
ཡ་ཐཱ ཚཱ་ཡཱུ་པ་གོ པོ་སོ, ཨེ་ཝཾ ཏྭ་མ་སི སཱ་ར་ཐི;
ཨ་དྷ་མྨཾ སཱ་ར་ཐི ཀ་ཡི་རཱ, མཾ ཙེ ཏྭཾ ནི་ཁ་ཎཾ ཝ་ནེ.
༡༢. ‘‘པ་ཧཱུ་ཏ་བྷ་ཀྑོ [བ་ཧུ་ཏྟ་བྷ་ཀྑོ (ཀ.)] བྷ་ཝ་ཏི, ཝི་པྤ་ཝུ་ཊྛོ [ཝི་པྤ་ཝུ་ཏྠོ (སཱི. པཱི.), ཝི་པྤ་མུ་ཏྟོ (ཀ.)] ས་ཀཾ [ས་ཀཱ (སཱི. པཱི.)] གྷ་རཱ;
བ་ཧཱུ ནཾ ཨུ་པ་ཛཱི་ཝ་ནྟི, ཡོ མི་ཏྟཱ་ནཾ ན དུ་བྦྷ་ཏི.
༡༣. ‘‘ཡཾ ཡཾ ཛ་ན་པ་དཾ ཡཱ་ཏི, ནི་ག་མེ རཱ་ཛ་དྷཱ་ནི་ཡོ;
ས་བྦ་ཏྠ པཱུ་ཛི་ཏོ ཧོ་ཏི, ཡོ མི་ཏྟཱ་ནཾ ན དུ་བྦྷ་ཏི.
༡༤. ‘‘ནཱ་སྶ ཙོ་རཱ པ་སཱ་ཧ་ནྟི [པ་ས་ཧ་ནྟི (སཱི. སྱཱ. པཱི.)], ནཱ་ཏི་མ་ཉྙ་ནྟི ཁ་ཏྟི་ཡཱ [ནཱ་ཏི་མ་ཉྙེ་ཏི ཁ་ཏྟི་ཡོ (སཱི. སྱཱ. པཱི.)];
ས་བྦེ ཨ་མི་ཏྟེ ཏ་ར་ཏི, ཡོ མི་ཏྟཱ་ནཾ ན དུ་བྦྷ་ཏི.
༡༥. ‘‘ཨ་ཀྐུ་དྡྷོ ས་གྷ་རཾ ཨེ་ཏི, ས་བྷཱ་ཡཾ [ས་བྷཱ་ཡ (སཱི. སྱཱ. པཱི.)] པ་ཊི་ན་ནྡི་ཏོ;
ཉཱ་ཏཱི་ནཾ ཨུ་ཏྟ་མོ ཧོ་ཏི, ཡོ མི་ཏྟཱ་ནཾ ན དུ་བྦྷ་ཏི.
༡༦. ‘‘ས་ཀྐ་ཏྭཱ ས་ཀྐ་ཏོ ཧོ་ཏི, ག་རུ ཧོ་ཏི ས་གཱ་ར་ཝོ [ག་རུ་ཀོ ཧོ་ཏི གཱ་ར་ཝོ (ཀ.)];
ཝ་ཎྞ་ཀི་ཏྟི་བྷ་ཏོ ཧོ་ཏི, ཡོ མི་ཏྟཱ་ནཾ ན དུ་བྦྷ་ཏི.
༡༧. ‘‘པཱུ་ཛ་ཀོ ལ་བྷ་ཏེ པཱུ་ཛཾ, ཝ་ནྡ་ཀོ པ་ཊི་ཝ་ནྡ་ནཾ;
ཡ་སོ ཀི་ཏྟི་ཉྩ པ་པྤོ་ཏི, ཡོ མི་ཏྟཱ་ནཾ ན དུ་བྦྷ་ཏི.
༡༨. ‘‘ཨ་གྒི ཡ་ཐཱ པ་ཛྫ་ལ་ཏི, དེ་ཝ་ཏཱ་ཝ ཝི་རོ་ཙ་ཏི;
སི་རི་ཡཱ ཨ་ཛ་ཧི་ཏོ ཧོ་ཏི, ཡོ མི་ཏྟཱ་ནཾ ན དུ་བྦྷ་ཏི.
༡༩. ‘‘གཱ་ཝོ ཏ་སྶ པ་ཛཱ་ཡ་ནྟི, ཁེ་ཏྟེ ཝུ་ཏྟཾ ཝི་རཱུ་ཧ་ཏི;
ཝུ་ཏྟཱ་ནཾ ཕ་ལ་མ་སྣཱ་ཏི, ཡོ མི་ཏྟཱ་ནཾ ན དུ་བྦྷ་ཏི.
༢༠. ‘‘ད་རི་ཏོ པ་བྦ་ཏཱ་ཏོ ཝཱ, རུ་ཀྑ་ཏོ པ་ཏི་ཏོ ན་རོ;
ཙུ་ཏོ པ་ཏི་ཊྛཾ ལ་བྷ་ཏི, ཡོ མི་ཏྟཱ་ནཾ ན དུ་བྦྷ་ཏི.
༢༡. ‘‘ཝི་རཱུ་ལ༹ྷ་མཱུ་ལ་ས་ནྟཱ་ནཾ, ནི་གྲོ་དྷ་མི་ཝ མཱ་ལུ་ཏོ;
ཨ་མི་ཏྟཱ ན་པྤ་སཱ་ཧ་ནྟི, ཡོ མི་ཏྟཱ་ནཾ ན དུ་བྦྷ་ཏི’’.
༢༢. ‘‘ཨེ་ཧི ཏཾ པ་ཊི་ནེ་སྶཱ་མི, རཱ་ཛ་པུ་ཏྟ ས་ཀཾ གྷ་རཾ;
ར་ཛྫཾ ཀཱ་རེ་ཧི བྷ་དྡ་ནྟེ, ཀིཾ ཨ་ར་ཉྙེ ཀ་རི་སྶ་སི’’.
༢༣. ‘‘ཨ་ལཾ མེ ཏེ་ན ར་ཛྫེ་ན, ཉཱ་ཏ་ཀེ་ཧི [ཉཱ་ཏ་ཀེ་ན (སྱཱ. ཀ.)] དྷ་ནེ་ན ཝཱ;
ཡཾ མེ ཨ་དྷ་མྨ་ཙ་རི་ཡཱ་ཡ, ར་ཛྫཾ ལ་བྦྷེ་ཐ སཱ་ར་ཐི’’.
༢༤. ‘‘པུ་ཎྞ་པ་ཏྟཾ མཾ ལཱ་བྷེ་ཧི [པ་ལཱ་བྷེ་ཧི (སཱི. པཱི.)], རཱ་ཛ་པུ་ཏྟ ཨི་ཏོ ག་ཏོ;
པི་ཏཱ མཱ་ཏཱ ཙ མེ ད་ཛྫུཾ, རཱ་ཛ་པུ་ཏྟ ཏ་ཡཱི ག་ཏེ.
༢༥. ‘‘ཨོ་རོ་དྷཱ ཙ ཀུ་མཱ་རཱ ཙ, ཝེ་སི་ཡཱ་ནཱ ཙ བྲཱ་ཧྨ་ཎཱ;
ཏེ་པི ཨ་ཏྟ་མ་ནཱ ད་ཛྫུཾ, རཱ་ཛ་པུ་ཏྟ ཏ་ཡཱི ག་ཏེ.
༢༦. ‘‘ཧ་ཏྠཱ་རོ་ཧཱ [ཧ་ཏྠཱ་རཱུ་ཧཱ (སཱི. པཱི.) ཨེ་ཝ་མུ་པ་རི་པི] ཨ་ནཱི་ཀ་ཊྛཱ, ར་ཐི་ཀཱ པ་ཏྟི་ཀཱ་ར་ཀཱ;
ཏེ་པི ཨ་ཏྟ་མ་ནཱ ད་ཛྫུཾ [ཏེ་པི ད་ཛྫུཾ པ་ཏཱི་ཏཱ་མེ (སཱི. པཱི.)], རཱ་ཛ་པུ་ཏྟ ཏ་ཡཱི ག་ཏེ.
༢༧. ‘‘བ་ཧུ་དྷ་ཉྙཱ ཛཱ་ན་པ་དཱ [བ་ཧཱུ ཛཱ་ན་པ་དཱ ཙ་ཉྙེ (སཱི.), བ་ཧཱུ ཛ་ན་པ་དཱ ཙ་ཉྙེ (པཱི.)], ནེ་ག་མཱ ཙ ས་མཱ་ག་ཏཱ;
ཨུ་པཱ་ཡ་ནཱ་ནི མེ ད་ཛྫུཾ, རཱ་ཛ་པུ་ཏྟ ཏ་ཡཱི ག་ཏེ’’.
༢༨. ‘‘པི་ཏུ མཱ་ཏུ ཙ་ཧཾ ཙ་ཏྟོ, ར་ཊྛ་སྶ ནི་ག་མ་སྶ ཙ;
ཨ་ཐོ ས་བྦ་ཀུ་མཱ་རཱ་ནཾ, ན་ཏྠི མ་ཡ྄ཧཾ ས་ཀཾ གྷ་རཾ.
༢༩. ‘‘ཨ་ནུ་ཉྙཱ་ཏོ ཨ་ཧཾ མ་ཏྱཱ, ས་ཉྩ་ཏྟོ པི་ཏ་རཱ མ་ཧཾ;
ཨེ་ཀོ་ར་ཉྙེ པ་བྦ་ཛི་ཏོ, ན ཀཱ་མེ ཨ་བྷི་པ་ཏྠ་ཡེ.
༣༠. ‘‘ཨ་པི ཨ་ཏ་ར་མཱ་ནཱ་ནཾ, ཕ་ལཱ་སཱ་ཝ ས་མི་ཛ྄ཛྷ་ཏི;
ཝི་པ་ཀྐ་བྲ་ཧྨ་ཙ་རི་ཡོ་སྨི, ཨེ་ཝཾ ཛཱ་ནཱ་ཧི སཱ་ར་ཐི.
༣༡. ‘‘ཨ་པི ཨ་ཏ་ར་མཱ་ནཱ་ནཾ, ས་མྨ་ད་ཏྠོ ཝི་པ་ཙྩ་ཏི;
ཝི་པ་ཀྐ་བྲ་ཧྨ་ཙ་རི་ཡོ་སྨི, ནི་ཀྑ་ནྟོ ཨ་ཀུ་ཏོ་བྷ་ཡོ’’.
༣༢. ‘‘ཨེ་ཝཾ ཝ་གྒུ་ཀ་ཐོ ས་ནྟོ, ཝི་ས་ཊྛ་ཝ་ཙ་ནོ ཙ་སི [ཙ སོ (སྱཱ. ཀ.)];
ཀ་སྨཱ པི་ཏུ ཙ མཱ་ཏུ་ཙྩ, ས་ནྟི་ཀེ ན བྷ་ཎཱི ཏ་དཱ’’.
༣༣. ‘‘ནཱ་ཧཾ ཨ་ས་ནྡྷི་ཏཱ [ཨ་ས་ཏྠི་ཏཱ (སཱི.)] པ་ཀྑོ, ན བ་དྷི་རོ ཨ་སོ་ཏ་ཏཱ;
ནཱ་ཧཾ ཨ་ཛི་ཝ྄ཧ་ཏཱ མཱུ་གོ, མཱ མཾ མཱུ་ག་མ་དྷཱ་ར་ཡི [མཱུ་གོ ཨ་དྷཱ་ར་ཡི (སཱི.)].
༣༤. ‘‘པུ་རི་མཾ ས་རཱ་མ་ཧཾ ཛཱ་ཏིཾ, ཡ་ཏྠ ར་ཛྫ་མ་ཀཱ་ར་ཡིཾ;
ཀཱ་ར་ཡི་ཏྭཱ ཏ་ཧིཾ ར་ཛྫཾ, པཱ་པ་ཏྠཾ ནི་ར་ཡཾ བྷུ་སཾ.
༣༥. ‘‘ཝཱི་ས་ཏི་ཉྩེ་ཝ ཝ་སྶཱ་ནི, ཏ་ཧིཾ ར་ཛྫ་མ་ཀཱ་ར་ཡིཾ;
ཨ་སཱི་ཏི་ཝ་སྶ་ས་ཧ་སྶཱ་ནི, ནི་ར་ཡ་མྷི ཨ་པ་ཙྩི་སཾ [ཨ་པ་ཙྩ་སིཾ (སྱཱ.), ཨ་པ་ཙྩ་ཡིཾ (པཱི.)].
༣༦. ‘‘ཏ་སྶ ར་ཛྫ་སྶ་ཧཾ བྷཱི་ཏོ, མཱ མཾ ར་ཛྫཱ་བྷི་སེ་ཙ་ཡུཾ [ར་ཛྫེ་བྷི་སེ་ཙ་ཡུཾ (སྱཱ. ཀ.)];
ཏ་སྨཱ པི་ཏུ ཙ མཱ་ཏུ་ཙྩ, ས་ནྟི་ཀེ ན བྷ་ཎིཾ ཏ་དཱ.
༣༧. ‘‘ཨུ་ཙྪ་ངྒེ མཾ ནི་སཱ་དེ་ཏྭཱ, པི་ཏཱ ཨ་ཏྠཱ་ནུ་སཱ་ས་ཏི;
ཨེ་ཀཾ ཧ་ན་ཐ བ་ནྡྷ་ཐ, ཨེ་ཀཾ ཁཱ་རཱ་པ་ཏ་ཙྪི་ཀཾ [ཁ་རཱ་པ་ཏི་ཙྪ་ཀཾ (སྱཱ.), ཁ་རཱ་པ་ཊི་ཙྪ་ཀཾ (ཀ.)];
ཨེ་ཀཾ སཱུ་ལ་སྨིཾ ཨུ་པྤེ་ཐ [ཨ་པྤེ་ཐ (སཱི.), ཨུ་བྦེ་ཐ (སྱཱ.), ཨ་ཙྩེ་ཐ (པཱི.)], ཨི་ཙྩ་སྶ མ་ནུ་སཱ་ས་ཏི.
༣༨. ‘‘ཏཱ་ཡཱ་ཧཾ [ཏ་སྶཱ་ཧཾ (སཱི. པཱི.)] ཕ་རུ་སཾ སུ་ཏྭཱ, ཝཱ་ཙཱ་ཡོ ས་མུ་དཱི་རི་ཏཱ;
ཨ་མཱུ་གོ མཱུ་ག་ཝ་ཎྞེ་ན, ཨ་པ་ཀྑོ པ་ཀྑ་ས་མྨ་ཏོ;
ས་ཀེ མུ་ཏྟ་ཀ་རཱི་ས་སྨིཾ, ཨ་ཙྪཱ་ཧཾ ས་མྤ་རི་པླུ་ཏོ.
༣༩. ‘‘ཀ་སི་ར་ཉྩ པ་རི་ཏྟ་ཉྩ, ཏ་ཉྩ དུ་ཀྑེ་ན སཾ་ཡུ་ཏཾ;
ཀོ་མཾ [ཀོ ཏཾ (སཱི. པཱི.)] ཛཱི་ཝི་ཏ་མཱ་ག་མྨ, ཝེ་རཾ ཀ་ཡི་རཱ་ཐ ཀེ་ན་ཙི.
༤༠. ‘‘པ་ཉྙཱ་ཡ ཙ ཨ་ལཱ་བྷེ་ན, དྷ་མྨ་སྶ ཙ ཨ་ད་སྶ་ནཱ;
ཀོ་མཾ [ཀོ ཏཾ (སཱི. པཱི.)] ཛཱི་ཝི་ཏ་མཱ་ག་མྨ, ཝེ་རཾ ཀ་ཡི་རཱ་ཐ ཀེ་ན་ཙི.
༤༡. ‘‘ཨ་པི ཨ་ཏ་ར་མཱ་ནཱ་ནཾ, ཕ་ལཱ་སཱ་ཝ ས་མི་ཛ྄ཛྷ་ཏི;
ཝི་པ་ཀྐ་བྲ་ཧྨ་ཙ་རི་ཡོ་སྨི, ཨེ་ཝཾ ཛཱ་ནཱ་ཧི སཱ་ར་ཐི.
༤༢. ‘‘ཨ་པི ཨ་ཏ་ར་མཱ་ནཱ་ནཾ, ས་མྨ་ད་ཏྠོ ཝི་པ་ཙྩ་ཏི;
ཝི་པ་ཀྐ་བྲ་ཧྨ་ཙ་རི་ཡོ་སྨི, ནི་ཀྑ་ནྟོ ཨ་ཀུ་ཏོ་བྷ་ཡོ’’.
༤༣. ‘‘ཨ་ཧ་མྤི པ་བྦ་ཛི་སྶཱ་མི, རཱ་ཛ་པུ་ཏྟ ཏ་ཝ་ནྟི་ཀེ;
ཨ་ཝ྄ཧཱ་ཡ་སྶུ [ཨ་ཝ྄ཧ་ཡ་སྶུ (སཱི. པཱི.)] མཾ བྷ་དྡ་ནྟེ, པ་བྦ་ཛྫཱ མ་མ རུ་ཙྩ་ཏི’’.
༤༤. ‘‘ར་ཐཾ ནི་ཡྻཱ་ད་ཡི་ཏྭཱ་ན, ཨ་ན་ཎོ ཨེ་ཧི སཱ་ར་ཐི;
ཨ་ན་ཎ་སྶ ཧི པ་བྦ་ཛྫཱ, ཨེ་ཏཾ ཨི་སཱི་ཧི ཝ་ཎྞི་ཏཾ’’.
༤༥. ‘‘ཡ་དེ་ཝ ཏྱཱ་ཧཾ ཝ་ཙ་ནཾ, ཨ་ཀ་རཾ བྷ་དྡ་མ་ཏྠུ ཏེ;
ཏ་དེ་ཝ མེ ཏྭཾ ཝ་ཙ་ནཾ, ཡཱ་ཙི་ཏོ ཀ་ཏྟུ་མ་ར་ཧ་སི.
༤༦. ‘‘ཨི་དྷེ་ཝ ཏཱ་ཝ ཨ་ཙྪ་སྶུ, ཡཱ་ཝ རཱ་ཛཱ་ན་མཱ་ན་ཡེ;
ཨ་པྤེ་ཝ ཏེ པི་ཏཱ དི་སྭཱ, པ་ཏཱི་ཏོ སུ་མ་ནོ སི་ཡཱ’’.
༤༧. ‘‘ཀ་རོ་མི ཏེ་ཏཾ ཝ་ཙ་ནཾ, ཡཾ མཾ བྷ་ཎ་སི སཱ་ར་ཐི;
ཨ་ཧ་མྤི ད་ཊྛུ་ཀཱ་མོ་སྨི, པི་ཏ་རཾ མེ ཨི་དྷཱ་ག་ཏཾ.
༤༨. ‘‘ཨེ་ཧི ས་མྨ ནི་ཝ་ཏྟ་སྶུ, ཀུ་ས་ལཾ ཝ་ཛྫཱ་སི ཉཱ་ཏི་ནཾ;
མཱ་ཏ་རཾ པི་ཏ་རཾ མ་ཡ྄ཧཾ, ཝུ་ཏྟོ ཝ་ཛྫཱ་སི ཝ་ནྡ་ནཾ’’.
༤༩. ཏ་སྶ པཱ་དེ ག་ཧེ་ཏྭཱ་ན, ཀ་ཏྭཱ ཙ ནཾ པ་ད་ཀྑི་ཎཾ;
སཱ་ར་ཐི ར་ཐ་མཱ་རུ་ཡ྄ཧ, རཱ་ཛ་དྭཱ་རཾ ཨུ་པཱ་ག་མི.
༥༠. ‘‘སུ་ཉྙཾ མཱ་ཏཱ ར་ཐཾ དི་སྭཱ, ཨེ་ཀཾ སཱ་ར་ཐི་མཱ་ག་ཏཾ;
ཨ་སྶུ་པུ་ཎྞེ་ཧི ནེ་ཏྟེ་ཧི, རོ་ད་ནྟཱི ནཾ ཨུ་དི་ཀྑ་ཏི.
༥༡. ‘‘ཨ་ཡཾ སོ སཱ་ར་ཐི ཨེ་ཏི, ནི་ཧ་ནྟྭཱ མ་མ ཨ་ཏྲ་ཛཾ;
ནི་ཧ་ཏོ ནཱུ་ན མེ པུ་ཏྟོ, པ་ཐ་བྱཱ བྷཱུ་མི་ཝ་ཌྜྷ་ནོ.
༥༢. ‘‘ཨ་མི་ཏྟཱ ནཱུ་ན ན་ནྡ་ནྟི, པ་ཏཱི་ཏཱ ནཱུ་ན ཝེ་རི་ནོ;
ཨཱ་ག་ཏཾ སཱ་ར་ཐིཾ དི་སྭཱ, ནི་ཧ་ནྟྭཱ མ་མ ཨ་ཏྲ་ཛཾ.
༥༣. ‘‘སུ་ཉྙཾ མཱ་ཏཱ ར་ཐཾ དི་སྭཱ, ཨེ་ཀཾ སཱ་ར་ཐི་མཱ་ག་ཏཾ;
ཨ་སྶུ་པུ་ཎྞེ་ཧི ནེ་ཏྟེ་ཧི, རོ་ད་ནྟཱི པ་རི་པུ་ཙྪི ནཾ [རོ་ད་ནྟཱི པ་རི་པུ་ཙྪ་ཏི (སཱི. པཱི.), རོ་ད་ནྟཱི ནཾ པ་རི་པུ་ཙྪ་ཏི (སྱཱ.)].
༥༤. ‘‘ཀི་ནྣུ མཱུ་གོ ཀིཾ ནུ པ་ཀྑོ, ཀི་ནྣུ སོ ཝི་ལ་པཱི ཏ་དཱ;
ནི་ཧ་ཉྙ་མཱ་ནོ བྷཱུ་མི་ཡཱ, ཏཾ མེ ཨ་ཀྑཱ་ཧི སཱ་ར་ཐི.
༥༥. ‘‘ཀ་ཐཾ ཧ་ཏྠེ་ཧི པཱ་དེ་ཧི, མཱུ་ག་པ་ཀྑོ ཝི་ཝ་ཛྫ་ཡི;
ནི་ཧ་ཉྙ་མཱ་ནོ བྷཱུ་མི་ཡཱ, ཏཾ མེ ཨ་ཀྑཱ་ཧི པུ་ཙྪི་ཏོ’’.
༥༦. ‘‘ཨ་ཀྑེ་ཡྻཾ [ཨ་ཀྑི་སྶཾ (སཱི. པཱི.)] ཏེ ཨ་ཧཾ ཨ་ཡྻེ, ད་ཛྫཱ་སི ཨ་བྷ་ཡཾ མ་མ;
ཡཾ མེ སུ་ཏཾ ཝཱ དི་ཊྛཾ ཝཱ, རཱ་ཛ་པུ་ཏྟ་སྶ ས་ནྟི་ཀེ’’.
༥༧. ‘‘ཨ་བྷ་ཡཾ ས་མྨ ཏེ ད་མྨི, ཨ་བྷཱི་ཏོ བྷ་ཎ སཱ་ར་ཐི;
ཡཾ ཏེ སུ་ཏཾ ཝཱ དི་ཊྛཾ ཝཱ, རཱ་ཛ་པུ་ཏྟ་སྶ ས་ནྟི་ཀེ’’.
༥༨. ‘‘ན སོ མཱུ་གོ ན སོ པ་ཀྑོ, ཝི་ས་ཊྛ་ཝ་ཙ་ནོ ཙ སོ;
ར་ཛྫ་སྶ ཀི་ར སོ བྷཱི་ཏོ, ཨ་ཀ་རཱ [ཨ་ཀ་རཱི (སཱི. པཱི.)] ཨཱ་ལ་ཡེ བ་ཧཱུ.
༥༩. ‘‘པུ་རི་མཾ ས་ར་ཏི སོ ཛཱ་ཏིཾ, ཡ་ཏྠ ར་ཛྫ་མ་ཀཱ་ར་ཡི;
ཀཱ་ར་ཡི་ཏྭཱ ཏ་ཧིཾ ར་ཛྫཾ, པཱ་པ་ཏྠ ནི་ར་ཡཾ བྷུ་སཾ.
༦༠. ‘‘ཝཱི་ས་ཏི་ཉྩེ་ཝ ཝ་སྶཱ་ནི, ཏ་ཧིཾ ར་ཛྫ་མ་ཀཱ་ར་ཡི;
ཨ་སཱི་ཏི་ཝ་སྶ་ས་ཧ་སྶཱ་ནི, ནི་ར་ཡ་མྷི ཨ་པ་ཙྩི སོ.
༦༡. ‘‘ཏ་སྶ ར་ཛྫ་སྶ སོ བྷཱི་ཏོ, མཱ མཾ ར་ཛྫཱ་བྷི་སེ་ཙ་ཡུཾ;
ཏ་སྨཱ པི་ཏུ ཙ མཱ་ཏུ་ཙྩ, ས་ནྟི་ཀེ ན བྷ་ཎཱི ཏ་དཱ.
༦༢. ‘‘ཨ་ངྒ་པ་ཙྩ་ངྒ་ས་མྤ་ནྣོ, ཨཱ་རོ་ཧ་པ་རི་ཎཱ་ཧ་ཝཱ;
ཝི་ས་ཊྛ་ཝ་ཙ་ནོ པ་ཉྙོ, མ་གྒེ ས་གྒ་སྶ ཏི་ཊྛ་ཏི.
༦༣. ‘‘ས་ཙེ ཏྭཾ ད་ཊྛུ་ཀཱ་མཱ་སི, རཱ་ཛ་པུ་ཏྟཾ [རཱ་ཛ་པུ་ཏྟི (སཱི.)] ཏ་ཝ་ཏྲ་ཛཾ;
ཨེ་ཧི ཏཾ པཱ་པ་ཡི་སྶཱ་མི, ཡ་ཏྠ ས་མྨ་ཏི ཏེ་མི་ཡོ’’.
༦༤. ‘‘ཡོ་ཛ་ཡ་ནྟུ ར་ཐེ ཨ་སྶེ, ཀ་ཙྪཾ ནཱ་གཱ་ན [ནཱ་གཱ་ནི (སྱཱ. ཀ.)] བ་ནྡྷ་ཐ;
ཨུ་དཱི་ར་ཡ་ནྟུ ས་ངྑ་པ་ཎ་ཝཱ, ཝཱ་ད་ནྟུ [ཝ་ད་ནྟུ (སཱི.), ན་ད་ནྟུ (སྱཱ. ཀ.), ཝ་ད་ཏཾ (པཱི.)] ཨེ་ཀ་པོ་ཀྑ་རཱ.
༦༥. ‘‘ཝཱ་ད་ནྟུ [ན་ད་ནྟུ (སཱི. སྱཱ. པཱི.)] བྷེ་རཱི ས་ནྣ་དྡྷཱ, ཝ་གྒཱུ ཝཱ་ད་ནྟུ དུ་ནྡུ་བྷཱི;
ནེ་ག་མཱ ཙ མཾ ཨ་ནྭེ་ནྟུ, ག་ཙྪཾ པུ་ཏྟ་ནི་ཝེ་ད་ཀོ [ནི་ཝཱ་ད་ཀོ (སྱཱ. ཀ.)].
༦༦. ‘‘ཨོ་རོ་དྷཱ ཙ ཀུ་མཱ་རཱ ཙ, ཝེ་སི་ཡཱ་ནཱ ཙ བྲཱ་ཧྨ་ཎཱ;
ཁི་པྤཾ ཡཱ་ནཱ་ནི ཡོ་ཛེ་ནྟུ, ག་ཙྪཾ པུ་ཏྟ་ནི་ཝེ་ད་ཀོ [ནི་ཝཱ་ད་ཀོ (སྱཱ. ཀ.)].
༦༧. ‘‘ཧ་ཏྠཱ་རོ་ཧཱ ཨ་ནཱི་ཀ་ཊྛཱ, ར་ཐི་ཀཱ པ་ཏྟི་ཀཱ་ར་ཀཱ;
ཁི་པྤཾ ཡཱ་ནཱ་ནི ཡོ་ཛེ་ནྟུ, ག་ཙྪཾ པུ་ཏྟ་ནི་ཝེ་ད་ཀོ [ནི་ཝཱ་ད་ཀོ (སྱཱ. ཀ.)].
༦༨. ‘‘ས་མཱ་ག་ཏཱ ཛཱ་ན་པ་དཱ, ནེ་ག་མཱ ཙ ས་མཱ་ག་ཏཱ;
ཁི་པྤཾ ཡཱ་ནཱ་ནི ཡོ་ཛེ་ནྟུ, ག་ཙྪཾ པུ་ཏྟ་ནི་ཝེ་ད་ཀོ’’ [ནི་ཝཱ་ད་ཀོ (སྱཱ. ཀ.)].
༦༩. ‘‘ཨ་སྶེ ཙ སཱ་ར་ཐཱི ཡུ་ཏྟེ, སི་ནྡྷ་ཝེ སཱི་གྷ་ཝཱ་ཧ་ནེ;
རཱ་ཛ་དྭཱ་རཾ ཨུ་པཱ་ག་ཙྪུཾ, ཡུ་ཏྟཱ དེ་ཝ ཨི་མེ ཧ་ཡཱ’’.
༧༠. ‘‘ཐཱུ་ལཱ ཛ་ཝེ་ན ཧཱ་ཡ་ནྟི, ཀི་སཱ ཧཱ་ཡ་ནྟི ཐཱ་མུ་ནཱ;
ཀི་སེ ཐཱུ་ལེ ཝི་ཝ་ཛྫེ་ཏྭཱ, སཾ་ས་ཊྛཱ ཡོ་ཛི་ཏཱ ཧ་ཡཱ’’.
༧༡. ‘‘ཏ་ཏོ རཱ་ཛཱ ཏ་ར་མཱ་ནོ, ཡུ་ཏྟ་མཱ་རུ་ཡ྄ཧ ས་ནྡ་ནཾ;
ཨི་ཏྠཱ་གཱ་རཾ ཨ་ཛ྄ཛྷ་བྷཱ་སི [ཨ་བྷཱ་ས་ཐ (ཀ.)], ས་བྦཱ་ཝ ཨ་ནུ་ཡཱ་ཐ མཾ.
༧༢. ‘‘ཝཱ་ལ་བཱི་ཛ་ནི་མུ་ཎྷཱི་སཾ, ཁ་གྒཾ ཚ་ཏྟ་ཉྩ པ་ཎྜ་རཾ;
ཨུ་པཱ་དྷི ར་ཐ་མཱ་རུ་ཡ྄ཧ [ཨུ་པཱ་དི་ར་ཐ་མཱ་རུ་ཡ྄ཧ (སཱི.), ཨུ་པཱ་དྷཱི ར་ཐ་མཱ་རུ་ཡ྄ཧ (སྱཱ.)], སུ་ཝ་ཎྞེ་ཧི ཨ་ལ་ངྐ་ཏཱ.
༧༣. ‘‘ཏ་ཏོ ས [ཙ (སཱི. སྱཱ. པཱི.)] རཱ་ཛཱ པཱ་ཡཱ་སི, པུ་ར་ཀྑ་ཏྭཱ་ན སཱ་ར་ཐིཾ;