༥༣༩. མ་ཧཱ་ཛ་ན་ཀ་ཛཱ་ཏ་ཀཾ (༢)

༡༢༣. ‘‘ཀོ་ཡཾ མ་ཛ྄ཛྷེ ས་མུ་དྡ་སྨིཾ, ཨ་པ་སྶཾ ཏཱི་ར་མཱ་ཡུ་ཧེ;

ཀཾ [ཀིཾ (སྱཱ. ཀ.)] ཏྭཾ ཨ་ཏྠ་ཝ་སཾ ཉ་ཏྭཱ, ཨེ་ཝཾ ཝཱ་ཡ་མ་སེ བྷུ་སཾ’’.

༡༢༤. ‘‘ནི་ས་མྨ ཝ་ཏྟཾ ལོ་ཀ་སྶ, ཝཱ་ཡཱ་མ་སྶ ཙ དེ་ཝ་ཏེ;

ཏ་སྨཱ མ་ཛ྄ཛྷེ ས་མུ་དྡ་སྨིཾ, ཨ་པ་སྶཾ ཏཱི་ར་མཱ་ཡུ་ཧེ’’.

༡༢༥. ‘‘ག་མྦྷཱི་རེ ཨ་པྤ་མེ་ཡྻ་སྨིཾ, ཏཱི་རཾ ཡ་སྶ ན དི་སྶ་ཏི;

མོ་གྷོ ཏེ པུ་རི་ས་ཝཱ་ཡཱ་མོ, ཨ་པྤ་ཏྭཱ་ཝ མ་རི་སྶ་སི’’.

༡༢༦. ‘‘ཨ་ན་ཎོ ཉཱ་ཏི་ནཾ ཧོ་ཏི, དེ་ཝཱ་ནཾ པི་ཏུ་ན་ཉྩ [པི་ཏུ་ནོ ཙ (སཱི. པཱི.)] སོ;

ཀ་རཾ པུ་རི་ས་ཀི་ཙྩཱ་ནི, ན ཙ པ་ཙྪཱ་ནུ་ཏ་པྤ་ཏི’’.

༡༢༧. ‘‘ཨ་པཱ་ར་ཎེ་ཡྻཾ ཡཾ ཀ་མྨཾ, ཨ་ཕ་ལཾ ཀི་ལ་མ་ཐུ་དྡ་ཡཾ;

ཏ་ཏྠ ཀོ ཝཱ་ཡ་མེ་ན་ཏྠོ, མ་ཙྩུ ཡ་སྶཱ་བྷི་ནི་པྤ་ཏཾ’’ [ཡ་སྶཱ་བྷི་ནི་པྥ་ཏཾ (སྱཱ.)].

༡༢༨. ‘‘ཨ་པཱ་ར་ཎེ་ཡྻ་མ་ཙྩ་ནྟཾ, ཡོ ཝི་དི་ཏྭཱ་ན དེ་ཝ་ཏེ;

ན ར་ཀྑེ ཨ་ཏྟ་ནོ པཱ་ཎཾ, ཛ་ཉྙཱ སོ ཡ་དི ཧཱ་པ་ཡེ.

༡༢༩. ‘‘ཨ་དྷི་པྤཱ་ཡ་ཕ་ལཾ ཨེ་ཀེ, ཨ་སྨིཾ ལོ་ཀ་སྨི དེ་ཝ་ཏེ;

པ་ཡོ་ཛ་ཡ་ནྟི ཀ་མྨཱ་ནི, ཏཱ་ནི ཨི་ཛ྄ཛྷ་ནྟི ཝཱ ན ཝཱ.

༡༣༠. ‘‘ས་ནྡི་ཊྛི་ཀཾ ཀ་མྨ་ཕ་ལཾ, ན་ནུ པ་སྶ་སི དེ་ཝ་ཏེ;

ས་ནྣཱ ཨ་ཉྙེ ཏ་རཱ་མ་ཧཾ, ཏ་ཉྩ པ་སྶཱ་མི ས་ནྟི་ཀེ.

༡༣༡. ‘‘སོ ཨ་ཧཾ ཝཱ་ཡ་མི་སྶཱ་མི, ཡ་ཐཱ་ས་ཏྟི ཡ་ཐཱ་བ་ལཾ;

ག་ཙྪཾ པཱ་རཾ ས་མུ་དྡ་སྶ, ཀ་སྶཾ [ཀཱ་སཾ (སཱི. པཱི.)] པུ་རི་ས་ཀཱ་རི་ཡཾ’’.

༡༣༢. ‘‘ཡོ ཏྭཾ ཨེ་ཝཾ ག་ཏེ ཨོ་གྷེ, ཨ་པྤ་མེ་ཡྻེ མ་ཧ་ཎྞ་ཝེ;

དྷ་མྨ་ཝཱ་ཡཱ་མ་ས་མྤ་ནྣོ, ཀ་མྨུ་ནཱ ནཱ་ཝ་སཱི་ད་སི;

སོ ཏྭཾ ཏ་ཏྠེ་ཝ ག་ཙྪཱ་ཧི, ཡ་ཏྠ ཏེ ནི་ར་ཏོ མ་ནོ’’.

༡༣༣. ‘‘ཨཱ་སཱི་སེ་ཐེ་ཝ [ཨཱ་སིཾ་སེ་ཐེ་ཝ (སཱི. སྱཱ. པཱི.)] པུ་རི་སོ, ན ནི་བྦི་ནྡེ་ཡྻ པ་ཎྜི་ཏོ;

པ་སྶཱ་མི ཝོ་ཧཾ ཨ་ཏྟཱ་ནཾ, ཡ་ཐཱ ཨི་ཙྪིཾ ཏ་ཐཱ ཨ་ཧུ.

༡༣༤. ‘‘ཨཱ་སཱི་སེ་ཐེ་ཝ པུ་རི་སོ, ན ནི་བྦི་ནྡེ་ཡྻ པ་ཎྜི་ཏོ;

པ་སྶཱ་མི ཝོ་ཧཾ ཨ་ཏྟཱ་ནཾ, ཨུ་ད་ཀཱ ཐ་ལ་མུ་བྦྷ་ཏཾ.

༡༣༥. ‘‘ཝཱ་ཡ་མེ་ཐེ་ཝ པུ་རི་སོ, ན ནི་བྦི་ནྡེ་ཡྻ པ་ཎྜི་ཏོ;

པ་སྶཱ་མི ཝོ་ཧཾ ཨ་ཏྟཱ་ནཾ, ཡ་ཐཱ ཨི་ཙྪིཾ ཏ་ཐཱ ཨ་ཧུ.

༡༣༦. ‘‘ཝཱ་ཡ་མེ་ཐེ་ཝ པུ་རི་སོ, ན ནི་བྦི་ནྡེ་ཡྻ པ་ཎྜི་ཏོ;

པ་སྶཱ་མི ཝོ་ཧཾ ཨ་ཏྟཱ་ནཾ, ཨུ་ད་ཀཱ ཐ་ལ་མུ་བྦྷ་ཏཾ.

༡༣༧. ‘‘དུ་ཀྑཱུ་པ་ནཱི་ཏོ་པི ན་རོ ས་པ་ཉྙོ, ཨཱ་སཾ ན ཚི་ནྡེ་ཡྻ སུ་ཁཱ་ག་མཱ་ཡ;

བ་ཧཱུ ཧི ཕ་སྶཱ ཨ་ཧི་ཏཱ ཧི་ཏཱ ཙ, ཨ་ཝི་ཏ་ཀྐི་ཏཱ མ་ཙྩུ་མུ་པ་བྦ་ཛ་ནྟི [མ་ཙྩུ་མུ་པྤ་ཛྫ་ནྟི (སྱཱ.)].

༡༣༨. ‘‘ཨ་ཙི་ནྟི་ཏ་མྤི བྷ་ཝ་ཏི, ཙི་ནྟི་ཏ་མྤི ཝི་ན་སྶ་ཏི;

ན ཧི ཙི་ནྟཱ་མ་ཡཱ བྷོ་གཱ, ཨི་ཏྠི་ཡཱ པུ་རི་ས་སྶ ཝཱ’’.

༡༣༩. ‘‘ཨ་པོ་རཱ་ཎཾ [ཨ་པུ་རཱ་ཎཾ (སཱི. པཱི.)] ཝ་ཏ བྷོ རཱ་ཛཱ, ས་བྦ་བྷུ་མྨོ དི་ས་མྤ་ཏི;

ནཱ་ཛྫ ན་ཙྩེ [ན ཙ ན་ཙྩེ (ཀ.)] ནི་སཱ་མེ་ཏི, ན གཱི་ཏེ ཀུ་རུ་ཏེ མ་ནོ.

༡༤༠. ‘‘ན མི་གེ [མ་གེ (ཀ.)] ན་པི ཨུ་ཡྻཱ་ནེ, ན་པི ཧཾ་སེ ཨུ་དི་ཀྑ་ཏི;

མཱུ་གོ་ཝ ཏུ་ཎྷི་མཱ་སཱི་ནོ, ན ཨ་ཏྠ་མ་ནུ་སཱ་ས་ཏི’’.

༡༤༡. ‘‘སུ་ཁ་ཀཱ་མཱ ར་ཧོ་སཱི་ལཱ, ཝ་དྷ་བ་ནྡྷཱ ཨུ་པཱ་ར་ཏཱ [ཨུ་པཱ་རུ་ཏཱ (སྱཱ. ཀ.)];

ཀ་སྶ [ཀེ་སཾ (སཱི. པཱི.)] ནུ ཨ་ཛྫ ཨཱ་རཱ་མེ, ད་ཧ་རཱ ཝུ་དྡྷཱ ཙ ཨ་ཙྪ་རེ.

༡༤༢. ‘‘ཨ་ཏི་ཀྐ་ནྟ་ཝ་ན་ཐཱ དྷཱི་རཱ, ན་མོ ཏེ་སཾ མ་ཧེ་སི་ནཾ;

ཡེ ཨུ་སྶུ་ཀ་མྷི ལོ་ཀ་མྷི, ཝི་ཧ་ར་ནྟི མ་ནུ་སྶུ་ཀཱ.

༡༤༣. ‘‘ཏེ ཚེ་ཏྭཱ མ་ཙྩུ་ནོ ཛཱ་ལཾ, ཏ་ཏཾ [ཏ་ནྟཾ (སཱི. སྱཱ. པཱི.), ཏཾ ཏཾ (ཀ.)] མཱ་ཡཱ་ཝི་ནོ ད་ལ༹ཾ;

ཚི་ནྣཱ་ལ་ཡ་ཏྟཱ [ས་ནྟཱ་ལ་ཡ་ནྟཱ (སྱཱ. ཀ.)] ག་ཙྪ་ནྟི, ཀོ ཏེ་སཾ ག་ཏི་མཱ་པ་ཡེ’’ [ནེ་སཾ ག་ཏི པཱ་པ་ཡེ (ཀ.)].

༡༤༤. ‘‘ཀ་དཱ་ཧཾ མི་ཐི་ལཾ [མི་དྷི་ལཾ (ཀ.)] ཕཱི་ཏཾ, ཝི་བྷ་ཏྟཾ བྷཱ་ག་སོ མི་ཏཾ;

པ་ཧཱ་ཡ པ་བྦ་ཛི་སྶཱ་མི, ཏཾ ཀུ་དཱ་སྶུ [ཀ་དཱ་སྶུ (སཱི. པཱི.), ཀ་དཱ་སུ (སྱཱ.)] བྷ་ཝི་སྶ་ཏི.

༡༤༥. ‘‘ཀ་དཱ་ཧཾ མི་ཐི་ལཾ ཕཱི་ཏཾ, ཝི་སཱ་ལཾ ས་བྦ་ཏོ་པ་བྷཾ;