༥༤༠. སུ་ཝ་ཎྞ་སཱ་མ་ཛཱ་ཏ་ཀཾ (༣)
༢༩༦. ‘‘ཀོ ནུ མཾ ཨུ་སུ་ནཱ ཝི་ཛ྄ཛྷི, པ་མ་ཏྟཾ ཨུ་ད་ཧཱ་ར་ཀཾ [ཧཱ་རི་ཀཾ (སྱཱ.), ཧཱ་རི་ཡཾ (ཀ.)];
ཁ་ཏྟི་ཡོ བྲཱ་ཧྨ་ཎོ ཝེ་སྶོ, ཀོ མཾ ཝི་དྡྷཱ ནི་ལཱི་ཡ་སི.
༢༩༧. ‘‘ན མེ མཾ་སཱ་ནི ཁ་ཛྫཱ་ནི, ཙ་མྨེ་ན་ཏྠོ ན ཝི་ཛྫ་ཏི;
ཨ་ཐ ཀེ་ན ནུ ཝ་ཎྞེ་ན, ཝི་དྡྷེ་ཡྻཾ མཾ ཨ་མ་ཉྙ་ཐ.
༢༩༨. ‘‘ཀོ ཝཱ ཏྭཾ ཀ་སྶ ཝཱ པུ་ཏྟོ, ཀ་ཐཾ ཛཱ་ནེ་མུ ཏཾ མ་ཡཾ;
པུ་ཊྛོ མེ ས་མྨ ཨ་ཀྑཱ་ཧི, ཀིཾ མཾ ཝི་དྡྷཱ ནི་ལཱི་ཡ་སི’’.
༢༩༩. ‘‘རཱ་ཛཱ་ཧ་མ་སྨི ཀཱ་སཱི་ནཾ, པཱི་ལི༹་ཡ་ཀྑོ་ཏི མཾ ཝི་དཱུ;
ལོ་བྷཱ ར་ཊྛཾ པ་ཧི་ཏྭཱ་ན, མི་ག་མེ་སཾ ཙ་རཱ་མ་ཧཾ.
༣༠༠. ‘‘ཨི་སྶ་ཏྠེ ཙ་སྨི ཀུ་ས་ལོ, ད་ལ༹ྷ་དྷ་མྨོ་ཏི ཝི་སྶུ་ཏོ;
ནཱ་གོ་པི མེ ན མུ་ཙྩེ་ཡྻ, ཨཱ་ག་ཏོ ཨུ་སུ་པཱ་ཏ་ནཾ.
༣༠༡. ‘‘ཀོ ཝཱ ཏྭཾ ཀ་སྶ ཝཱ པུ་ཏྟོ [ཏྭཾ ཙ ཀ་སྶ ཝཱ པུ་ཏྟོ་སི (སཱི. པཱི.)], ཀ་ཐཾ ཛཱ་ནེ་མུ ཏཾ མ་ཡཾ;
པི་ཏུ་ནོ ཨ་ཏྟ་ནོ ཙཱ་པི, ནཱ་མ་གོ་ཏྟཾ པ་ཝེ་ད་ཡ’’.
༣༠༢. ‘‘ནེ་སཱ་ད་པུ་ཏྟོ བྷ་དྡ་ནྟེ, སཱ་མོ ཨི་ཏི མཾ ཉཱ་ཏ་ཡོ;
ཨཱ་མ་ནྟ་ཡིཾ་སུ ཛཱི་ཝ་ནྟཾ, སྭ་ཛྫེ་ཝཱ་ཧཾ ག་ཏོ [སྭཱ་ཛྫེ་ཝ་ངྒ་ཏོ (སྱཱ.), སྭ་ཛྫེ་ཝ་ངྒ་ཏེ (ཀ.)] ས་ཡེ.
༣༠༣. ‘‘ཝི་དྡྷོ་སྨི པུ་ཐུ་ས་ལླེ་ན, ས་ཝི་སེ་ན ཡ་ཐཱ མི་གོ;
ས་ཀ་མྷི ལོ་ཧི་ཏེ རཱ་ཛ, པ་སྶ སེ་མི པ་རི་པླུ་ཏོ.
༣༠༤. ‘‘པ་ཊི་ཝཱ་མ་ག་ཏཾ [པ་ཊི་དྷ་མྨ ག་ཏཾ (སཱི. པཱི.)] ས་ལླཾ, པ་སྶ དྷི་མྷཱ་མི [ཝི་ཧཱ་མྷི (སཱི. པཱི.)] ལོ་ཧི་ཏཾ;
ཨཱ་ཏུ་རོ ཏྱཱ་ནུ་པུ་ཙྪཱ་མི, ཀིཾ མཾ ཝི་དྡྷཱ ནི་ལཱི་ཡ་སི.
༣༠༥. ‘‘ཨ་ཛི་ན་མྷི ཧ་ཉྙ་ཏེ དཱི་པི, ནཱ་གོ ད་ནྟེ་ཧི ཧ་ཉྙ་ཏེ;
ཨ་ཐ ཀེ་ན ནུ ཝ་ཎྞེ་ན, ཝི་དྡྷེ་ཡྻཾ མཾ ཨ་མ་ཉྙ་ཐ’’.
༣༠༦. ‘‘མི་གོ ཨུ་པ་ཊྛི་ཏོ ཨཱ་སི, ཨཱ་ག་ཏོ ཨུ་སུ་པཱ་ཏ་ནཾ;
ཏཾ དི་སྭཱ ཨུ་བྦི་ཛཱི སཱ་མ, ཏེ་ན ཀོ་དྷོ མ་མཱ་ཝི་སི’’.
༣༠༧. ‘‘ཡ་ཏོ ས་རཱ་མི ཨ་ཏྟཱ་ནཾ, ཡ་ཏོ པ་ཏྟོ་སྨི ཝི་ཉྙུ་ཏཾ;
ན མཾ མི་གཱ ཨུ་ཏྟ་ས་ནྟི, ཨ་ར་ཉྙེ སཱ་པ་དཱ་ནི་པི.
༣༠༨. ‘‘ཡ་ཏོ ནི་དྷིཾ པ་རི་ཧ་རིཾ, ཡ་ཏོ པ་ཏྟོ་སྨི ཡོ་བྦ་ནཾ;
ན མཾ མི་གཱ ཨུ་ཏྟ་ས་ནྟི, ཨ་ར་ཉྙེ སཱ་པ་དཱ་ནི་པི.
༣༠༩. ‘‘བྷཱི་རཱུ ཀི་མྤུ་རི་སཱ རཱ་ཛ, པ་བྦ་ཏེ ག་ནྡྷ་མཱ་ད་ནེ;
ས་མྨོ་ད་མཱ་ནཱ ག་ཙྪཱ་མ, པ་བྦ་ཏཱ་ནི ཝ་ནཱ་ནི ཙ.
༣༡༠. (‘‘ན མཾ མི་གཱ ཨུ་ཏྟ་ས་ནྟི, ཨ་ར་ཉྙེ སཱ་པ་དཱ་ནི་པི;) [( ) ན་ཏྠི སཱི. སྱཱ. པཱི. པོ་ཏྠ་ཀེ་སུ]
ཨ་ཐ ཀེ་ན ནུ ཝ་ཎྞེ་ན, ཨུ་ཏྲཱ་ས་ནྟི མི་གཱ མ་མཾ’’ [ཨུ་ཏྲཱ་སེ སོ མི་གོ མ་མཾ (སཱི. པཱི.)].
༣༡༡. ‘‘ན ཏཾ ཏ་ས [ན ཏ་དྡ་སཱ (སཱི. པཱི.)] མི་གོ སཱ་མ, ཀིཾ ཏཱ་ཧཾ ཨ་ལི་ཀཾ བྷ་ཎེ;
ཀོ་དྷ་ལོ་བྷཱ་བྷི་བྷཱུ་ཏཱ་ཧཾ, ཨུ་སུཾ ཏེ ཏཾ ཨ་ཝ་སྶ་ཛིཾ [ཨ་ཝི་སྶ་ཛིཾ (སྱཱ.)].
༣༡༢. ‘‘ཀུ་ཏོ ནུ སཱ་མ ཨཱ་ག་མྨ, ཀ་སྶ ཝཱ པ་ཧི་ཏོ ཏུ་ཝཾ;
ཨུ་ད་ཧཱ་རོ ན་དིཾ ག་ཙྪ, ཨཱ་ག་ཏོ མི་ག་ས་མྨ་ཏཾ’’.
༣༡༣. ‘‘ཨ་ནྡྷཱ མཱ་ཏཱ་པི་ཏཱ མ་ཡ྄ཧཾ, ཏེ བྷ་རཱ་མི བྲ་ཧཱ་ཝ་ནེ;
ཏེ་སཱ་ཧཾ ཨུ་ད་ཀཱ་ཧཱ་རོ, ཨཱ་ག་ཏོ མི་ག་ས་མྨ་ཏཾ.
༣༡༤. ‘‘ཨ་ཏྠི ནེ་སཾ ཨུ་སཱ་མ་ཏྟཾ, ཨ་ཐ སཱ་ཧ་སྶ ཛཱི་ཝི་ཏཾ;
ཨུ་ད་ཀ་སྶ ཨ་ལཱ་བྷེ་ན, མ་ཉྙེ ཨ་ནྡྷཱ མ་རི་སྶ་རེ.
༣༡༥. ‘‘ན མེ ཨི་དཾ ཏ་ཐཱ དུ་ཀྑཾ, ལ་བྦྷཱ ཧི པུ་མུ་ནཱ ཨི་དཾ;
ཡ་ཉྩ ཨ་མྨཾ ན པ་སྶཱ་མི, ཏཾ མེ དུ་ཀྑ་ཏ་རཾ ཨི་ཏོ.
༣༡༦. ‘‘ན མེ ཨི་དཾ ཏ་ཐཱ དུ་ཀྑཾ, ལ་བྦྷཱ ཧི པུ་མུ་ནཱ ཨི་དཾ;
ཡ་ཉྩ ཏཱ་ཏཾ ན པ་སྶཱ་མི, ཏཾ མེ དུ་ཀྑ་ཏ་རཾ ཨི་ཏོ.
༣༡༧. ‘‘སཱ ནཱུ་ན ཀ་པ་ཎཱ ཨ་མྨཱ, ཙི་ར་ར་ཏྟཱ་ཡ རུ་ཙྪ་ཏི [རུ་ཙྩ་ཏི (ཀ.)];
ཨ་ཌྜྷ་ར་ཏྟེ་ཝ ར་ཏྟེ ཝཱ, ན་དཱི་ཝ ཨ་ཝ་སུ་ཙྪ་ཏི [ཨ་ཝ་སུ་སྶ་ཏི (སྱཱ.)].
༣༡༨. ‘‘སོ ནཱུ་ན ཀ་པ་ཎོ ཏཱ་ཏོ, ཙི་ར་ར་ཏྟཱ་ཡ རུ་ཙྪ་ཏི [རུ་ཙྩ་ཏི (ཀ.)];
ཨ་ཌྜྷ་ར་ཏྟེ་ཝ ར་ཏྟེ ཝཱ, ན་དཱི་ཝ ཨ་ཝ་སུ་ཙྪ་ཏི [ཨ་ཝ་སུ་སྶ་ཏི (སྱཱ.)].
༣༡༩. ‘‘ཨུ་ཊྛཱ་ན་པཱ་ད་ཙ་རི་ཡཱ་ཡ [པཱ་རི་ཙ་རི་ཡཱ་ཡ (སཱི. པཱི.)], པཱ་ད་ས་མྦཱ་ཧ་ན་སྶ ཙ;
སཱ་མ ཏཱ་ཏ ཝི་ལ་པ་ནྟཱ, ཧི་ཎྜི་སྶ་ནྟི བྲ་ཧཱ་ཝ་ནེ.
༣༢༠. ‘‘ཨི་ད་མྤི དུ་ཏི་ཡཾ ས་ལླཾ, ཀ་མྤེ་ཏི ཧ་ད་ཡཾ མ་མཾ;
ཡ་ཉྩ ཨ་ནྡྷེ ན པ་སྶཱ་མི, མ་ཉྙེ ཧི་སྶཱ་མི [ཡ་ཉྩ ཧེ་སྶཱ་མི (སཱི. པཱི.), ཏཾ མེཾ ཧི་སྶཱ་མི (ཀ.)] ཛཱི་ཝི་ཏཾ’’.
༣༢༡. ‘‘མཱ བཱ་ལ༹ྷཾ པ་རི་དེ་ཝེ་སི, སཱ་མ ཀ་ལྱཱ་ཎ་ད་སྶ་ན;
ཨ་ཧཾ ཀ་མྨ་ཀ་རོ ཧུ་ཏྭཱ, བྷ་རི་སྶཾ ཏེ བྲ་ཧཱ་ཝ་ནེ.
༣༢༢. ‘‘ཨི་སྶ་ཏྠེ ཙ་སྨི ཀུ་ས་ལོ, ད་ལ༹ྷ་དྷ་མྨོ་ཏི ཝི་སྶུ་ཏོ;
ཨ་ཧཾ ཀ་མྨ་ཀ་རོ ཧུ་ཏྭཱ, བྷ་རི་སྶཾ ཏེ བྲ་ཧཱ་ཝ་ནེ.
༣༢༣. ‘‘མི་གཱ་ནཾ [མ་གཱ་ནཾ (ཀ.)] ཝི་གྷཱ་ས་མ་ནྭེ་སཾ, ཝ་ན་མཱུ་ལ་ཕ་ལཱ་ནི ཙ;
ཨ་ཧཾ ཀ་མྨ་ཀ་རོ ཧུ་ཏྭཱ, བྷ་རི་སྶཾ ཏེ བྲ་ཧཱ་ཝ་ནེ.
༣༢༤. ‘‘ཀ་ཏ་མཾ ཏཾ ཝ་ནཾ སཱ་མ, ཡ་ཏྠ མཱ་ཏཱ་པི་ཏཱ ཏ་ཝ;
ཨ་ཧཾ ཏེ ཏ་ཐཱ བྷ་རི་སྶཾ, ཡ་ཐཱ ཏེ ཨ་བྷ་རཱི ཏུ་ཝཾ’’.
༣༢༥. ‘‘ཨ་ཡཾ ཨེ་ཀ་པ་དཱི རཱ་ཛ, ཡོ་ཡཾ ཨུ་སྶཱི་ས་ཀེ མ་མ;
ཨི་ཏོ ག་ནྟྭཱ ཨ་ཌྜྷ་ཀོ་སཾ, ཏ་ཏྠ ནེ་སཾ ཨ་གཱ་ར་ཀཾ;
ཡ་ཏྠ མཱ་ཏཱ་པི་ཏཱ མ་ཡ྄ཧཾ, ཏེ བྷ་ར་སྶུ ཨི་ཏོ ག་ཏོ.
༣༢༦. ‘‘ན་མོ ཏེ ཀཱ་སི་རཱ་ཛ་ཏྠུ, ན་མོ ཏེ ཀཱ་སི་ཝ་ཌྜྷ་ན;
ཨ་ནྡྷཱ མཱ་ཏཱ་པི་ཏཱ མ་ཡ྄ཧཾ, ཏེ བྷ་ར་སྶུ བྲ་ཧཱ་ཝ་ནེ.
༣༢༧. ‘‘ཨ་ཉྫ་ལིཾ ཏེ པ་གྒ་ཎྷཱ་མི, ཀཱ་སི་རཱ་ཛ ན་མ་ཏྠུ ཏེ;
མཱ་ཏ་རཾ པི་ཏ་རཾ མ་ཡ྄ཧཾ, ཝུ་ཏྟོ ཝ་ཛྫཱ་སི ཝ་ནྡ་ནཾ’’.
༣༢༨. ‘‘ཨི་དཾ ཝ་ཏྭཱ་ན སོ སཱ་མོ, ཡུ་ཝཱ ཀ་ལྱཱ་ཎ་ད་སྶ་ནོ;
མུ་ཙྪི་ཏོ ཝི་ས་ཝེ་གེ་ན, ཝི་ས་ཉྙཱི ས་མ་པ་ཛྫ་ཐ.
༣༢༩. ‘‘ས རཱ་ཛཱ པ་རི་དེ་ཝེ་སི, བ་ཧུཾ ཀཱ་རུ་ཉྙ་ས་ཉྷི་ཏཾ;
ཨ་ཛ་རཱ་མ་རོ་ཧཾ ཨཱ་སིཾ, ཨ་ཛྫེ་ཏཾ ཉཱ་མི [ཨ་ཛྫ་ཧ་ཉྙཱ་མི (ཀ.)] ནོ པུ་རེ;
སཱ་མཾ ཀཱ་ལ་ངྐ་ཏཾ དི་སྭཱ, ན་ཏྠི མ་ཙྩུ་སྶ ནཱ་ག་མོ.
༣༣༠. ‘‘ཡ་སྶུ མཾ པ་ཊི་མ་ནྟེ་ཏི, ས་ཝི་སེ་ན ས་མ་པྤི་ཏོ;
སྭ་ཛྫེ་ཝཾ ག་ཏེ ཀཱ་ལེ, ན ཀི་ཉྩི མ་བྷི་བྷཱ་ས་ཏི.
༣༣༡. ‘‘ནི་ར་ཡཾ ནཱུ་ན ག་ཙྪཱ་མི, ཨེ་ཏྠ མེ ན་ཏྠི སཾ་ས་ཡོ;
ཏ་དཱ ཧི པ་ཀ་ཏཾ པཱ་པཾ, ཙི་ར་ར་ཏྟཱ་ཡ ཀི་བྦི་སཾ.
༣༣༢. ‘‘བྷ་ཝ་ནྟི ཏ་སྶ ཝ་ཏྟཱ་རོ, གཱ་མེ ཀི་བྦི་ས་ཀཱ་ར་ཀོ;
ཨ་ར་ཉྙེ ནི་མྨ་ནུ་སྶ་མྷི, ཀོ མཾ ཝ་ཏྟུ་མ་ར་ཧ་ཏི.
༣༣༣. ‘‘སཱ་ར་ཡ་ནྟི ཧི ཀ་མྨཱ་ནི, གཱ་མེ སཾ་ག་ཙྪ མཱ་ཎ་ཝཱ;
ཨ་ར་ཉྙེ ནི་མྨ་ནུ་སྶ་མྷི, ཀོ ནུ མཾ སཱ་ར་ཡི་སྶ་ཏི’’.
༣༣༤. ‘‘སཱ དེ་ཝ་ཏཱ ཨ་ནྟ་ར་ཧི་ཏཱ, པ་བྦ་ཏེ ག་ནྡྷ་མཱ་ད་ནེ;
ར་ཉྙོ་ཝ ཨ་ནུ་ཀ་མྤཱ་ཡ, ཨི་མཱ གཱ་ཐཱ ཨ་བྷཱ་ས་ཐ.
༣༣༥. ‘‘ཨཱ་གུཾ ཀི་ར མ་ཧཱ་རཱ་ཛ, ཨ་ཀ་རི [ཨ་ཀ་རཱ (སཱི.)] ཀ་མྨ དུ་ཀྐ་ཊཾ;
ཨ་དཱུ་ས་ཀཱ པི་ཏཱ་པུ་ཏྟཱ, ཏ་ཡོ ཨེ་ཀཱུ་སུ་ནཱ ཧ་ཏཱ.
༣༣༦. ‘‘ཨེ་ཧི ཏཾ ཨ་ནུ་སི་ཀྑཱ་མི, ཡ་ཐཱ ཏེ སུ་ག་ཏཱི སི་ཡཱ;
དྷ་མྨེ་ན་ནྡྷེ ཝ་ནེ པོ་ས, མ་ཉྙེ་ཧཾ སུ་ག་ཏཱི ཏ་ཡཱ.
༣༣༧. ‘‘ས རཱ་ཛཱ པ་རི་དེ་ཝི་ཏྭཱ, བ་ཧུཾ ཀཱ་རུ་ཉྙ་ས་ཉྷི་ཏཾ;
ཨུ་ད་ཀ་ཀུ་མྦྷ་མཱ་དཱ་ཡ, པ་ཀྐཱ་མི ད་ཀྑི་ཎཱ་མུ་ཁོ.
༣༣༨. ‘‘ཀ་སྶ ནུ ཨེ་སོ པ་ད་ས་དྡོ, མ་ནུ་སྶ་སྶེ་ཝ ཨཱ་ག་ཏོ;
ནེ་སོ སཱ་མ་སྶ ནི་གྒྷོ་སོ, ཀོ ནུ ཏྭ་མ་སི མཱ་རི་ས.
༣༣༩. ‘‘ས་ནྟ་ཉྷི སཱ་མོ ཝ་ཛ་ཏི, ས་ནྟཾ པཱ་དཱ་ནི ནེ་ཡ་ཏི [ཨུ་ཏྟ་ཧི (སཱི.)];
ནེ་སོ སཱ་མ་སྶ ནི་གྒྷོ་སོ, ཀོ ནུ ཏྭ་མ་སི མཱ་རི་ས’’.
༣༤༠. ‘‘རཱ་ཛཱ་ཧ་མ་སྨི ཀཱ་སཱི་ནཾ, པཱི་ལི༹་ཡ་ཀྑོ་ཏི མཾ ཝི་དཱུ;
ལོ་བྷཱ ར་ཊྛཾ པ་ཧི་ཏྭཱ་ན, མི་ག་མེ་སཾ ཙ་རཱ་མ་ཧཾ.
༣༤༡. ‘‘ཨི་སྶ་ཏྠེ ཙ་སྨི ཀུ་ས་ལོ, ད་ལ༹ྷ་དྷ་མྨོ་ཏི ཝི་སྶུ་ཏོ;
ནཱ་གོ་པི མེ ན མུ་ཙྩེ་ཡྻ, ཨཱ་ག་ཏོ ཨུ་སུ་པཱ་ཏ་ནཾ’’.
༣༤༢. ‘‘སྭཱ་ག་ཏཾ ཏེ མ་ཧཱ་རཱ་ཛ, ཨ་ཐོ ཏེ ཨ་དུ་རཱ་ག་ཏཾ;
ཨི་སྶ་རོ་སི ཨ་ནུ་པྤ་ཏྟོ, ཡཾ ཨི་དྷ་ཏྠི པ་ཝེ་ད་ཡ.
༣༤༣. ‘‘ཏི་ནྡུ་ཀཱ་ནི པི་ཡཱ་ལཱ་ནི, མ་དྷུ་ཀེ ཀཱ་སུ་མཱ་རི་ཡོ;
ཕ་ལཱ་ནི ཁུ་དྡ་ཀ་པྤཱ་ནི, བྷུ་ཉྫ རཱ་ཛ ཝ་རཾ ཝ་རཾ.
༣༤༤. ‘‘ཨི་ད་མྤི པཱ་ནཱི་ཡཾ སཱི་ཏཾ, ཨཱ་བྷ་ཏཾ གི་རི་ག་བྦྷ་རཱ;
ཏ་ཏོ པི་ཝ མ་ཧཱ་རཱ་ཛ, ས་ཙེ ཏྭཾ ཨ་བྷི་ཀ་ངྑ་སི’’.
༣༤༥. ‘‘ནཱ་ལཾ ཨ་ནྡྷཱ ཝ་ནེ ད་ཊྛུཾ, ཀོ ནུ ཝོ ཕ་ལ་མཱ་ཧ་རི;
ཨ་ན་ནྡྷ་སྶེ་ཝ་ཡཾ ས་མྨཱ, ནི་ཝཱ་པོ མ་ཡ྄ཧ ཁཱ་ཡ་ཏི’’.
༣༤༦. ‘‘ད་ཧ་རོ ཡུ་ཝཱ ནཱ་ཏི་བྲ་ཧཱ, སཱ་མོ ཀ་ལྱཱ་ཎ་ད་སྶ་ནོ;
དཱི་གྷ་སྶ ཀེ་སཱ ཨ་སི་ཏཱ, ཨ་ཐོ སཱུ་ན་གྒ [སོ་ན་གྒ (ཀ.)] ཝེ་ལླི་ཏཱ.
༣༤༧. ‘‘སོ ཧ་ཝེ ཕ་ལ་མཱ་ཧ་རི་ཏྭཱ, ཨི་ཏོ ཨཱ་དཱ་ཡ [ཨཱ་དཱ (སཱི. པཱི.)] ཀ་མ་ཎྜ་ལུཾ;
ན་དིཾ ག་ཏོ ཨུ་ད་ཧཱ་རོ, མ་ཉྙེ ན དཱུ་ར་མཱ་ག་ཏོ’’.
༣༤༨. ‘‘ཨ་ཧཾ ཏཾ ཨ་ཝ་དྷིཾ སཱ་མཾ, ཡོ ཏུ་ཡ྄ཧཾ པ་རི་ཙཱ་ར་ཀོ;
ཡཾ ཀུ་མཱ་རཾ པ་ཝེ་དེ་ཐ, སཱ་མཾ ཀ་ལྱཱ་ཎ་ད་སྶ་ནཾ.
༣༤༩. ‘‘དཱི་གྷ་སྶ ཀེ་སཱ ཨ་སི་ཏཱ, ཨ་ཐོ སཱུ་ན་གྒ་ཝེ་ལླི་ཏཱ;
ཏེ་སུ ལོ་ཧི་ཏ་ལི་ཏྟེ་སུ, སེ་ཏི སཱ་མོ མ་ཡཱ ཧ་ཏོ’’.
༣༥༠. ‘‘ཀེ་ན དུ་ཀཱུ་ལ་མ་ནྟེ་སི, ཧ་ཏོ སཱ་མོ་ཏི ཝཱ་དི་ནཱ;
ཧ་ཏོ སཱ་མོ་ཏི སུ་ཏྭཱ་ན, ཧ་ད་ཡཾ མེ པ་ཝེ་དྷ་ཏི.
༣༥༡. ‘‘ཨ་སྶ་ཏྠ་སྶེ་ཝ ཏ་རུ་ཎཾ, པ་ཝཱ་ལ༹ཾ མཱ་ལུ་ཏེ་རི་ཏཾ;
ཧ་ཏོ སཱ་མོ་ཏི སུ་ཏྭཱ་ན, ཧ་ད་ཡཾ མེ པ་ཝེ་དྷ་ཏི’’.
༣༥༢. ‘‘པཱ་རི་ཀེ ཀཱ་སི་རཱ་ཛཱ་ཡཾ, སོ སཱ་མཾ མི་ག་ས་མྨ་ཏེ;
ཀོ་དྷ་སཱ ཨུ་སུ་ནཱ ཝི་ཛ྄ཛྷི, ཏ་སྶ མཱ པཱ་པ་མི་ཙྪི་མྷཱ’’.
༣༥༣. ‘‘ཀི་ཙྪཱ ལ་དྡྷོ པི་ཡོ པུ་ཏྟོ, ཡོ ཨ་ནྡྷེ ཨ་བྷ་རཱི ཝ་ནེ;
ཏཾ ཨེ་ཀ་པུ་ཏྟཾ གྷཱ་ཏི་མྷི, ཀ་ཐཾ ཙི་ཏྟཾ ན ཀོ་པ་ཡེ’’.
༣༥༤. ‘‘ཀི་ཙྪཱ ལ་དྡྷོ པི་ཡོ པུ་ཏྟོ, ཡོ ཨ་ནྡྷེ ཨ་བྷ་རཱི ཝ་ནེ;
ཏཾ ཨེ་ཀ་པུ་ཏྟཾ གྷཱ་ཏི་མྷི, ཨ་ཀྐོ་དྷཾ ཨཱ་ཧུ པ་ཎྜི་ཏཱ’’.
༣༥༥. ‘‘མཱ བཱ་ལ༹ྷཾ པ་རི་དེ་ཝེ་ཐ, ཧ་ཏོ སཱ་མོ་ཏི ཝཱ་དི་ནཱ;
ཨ་ཧཾ ཀ་མྨ་ཀ་རོ ཧུ་ཏྭཱ, བྷ་རི་སྶཱ་མི བྲ་ཧཱ་ཝ་ནེ.
༣༥༦. ‘‘ཨི་སྶ་ཏྠེ ཙ་སྨི ཀུ་ས་ལོ, ད་ལ༹ྷ་དྷ་མྨོ་ཏི ཝི་སྶུ་ཏོ;
ཨ་ཧཾ ཀ་མྨ་ཀ་རོ ཧུ་ཏྭཱ, བྷ་རི་སྶཱ་མི བྲ་ཧཱ་ཝ་ནེ.
༣༥༧. ‘‘མི་གཱ་ནཾ ཝི་གྷཱ་ས་མ་ནྭེ་སཾ, ཝ་ན་མཱུ་ལ་ཕ་ལཱ་ནི ཙ;
ཨ་ཧཾ ཀ་མྨ་ཀ་རོ ཧུ་ཏྭཱ, བྷ་རི་སྶཱ་མི བྲ་ཧཱ་ཝ་ནེ’’.
༣༥༨. ‘‘ནེ་ས དྷ་མྨོ མ་ཧཱ་རཱ་ཛ, ནེ་ཏཾ ཨ་མྷེ་སུ ཀ་པྤ་ཏི;
རཱ་ཛཱ ཏྭ་མ་སི ཨ་མྷཱ་ཀཾ, པཱ་དེ ཝ་ནྡཱ་མ ཏེ མ་ཡཾ’’.
༣༥༩. ‘‘དྷ་མྨཾ ནེ་སཱ་ད བྷ་ཎ་ཐ, ཀ་ཏཱ ཨ་པ་ཙི་ཏཱི ཏ་ཡཱ;
པི་ཏཱ ཏྭ་མ་སི [ཏྭ་མ་ཧི (?)] ཨ་མྷཱ་ཀཾ, མཱ་ཏཱ ཏྭ་མ་སི པཱ་རི་ཀེ’’.
༣༦༠. ‘‘ན་མོ ཏེ ཀཱ་སི་རཱ་ཛ་ཏྠུ, ན་མོ ཏེ ཀཱ་སི་ཝ་ཌྜྷ་ན;
ཨ་ཉྫ་ལིཾ ཏེ པ་གྒ་ཎྷཱ་མ, ཡཱ་ཝ སཱ་མཱ་ནུ་པཱ་པ་ཡ.
༣༦༡. ‘‘ཏ་སྶ པཱ་དེ ས་མ་ཛྫ་ནྟཱ [པ་ཝ་ཊྚ་ནྟཱ (པཱི.)], མུ་ཁ་ཉྩ བྷུ་ཛ་ད་སྶ་ནཾ;
སཾ་སུ་མྦྷ་མཱ་ནཱ ཨ་ཏྟཱ་ནཾ, ཀཱ་ལ་མཱ་ག་མ་ཡཱ་མ་སེ’’.
༣༦༢. ‘‘བྲ་ཧཱ ཝཱ་ལ༹་མི་གཱ་ཀི་ཎྞཾ, ཨཱ་ཀཱ་ས་ནྟཾ་ཝ དི་སྶ་ཏི;
ཡ་ཏྠ སཱ་མོ ཧ་ཏོ སེ་ཏི, ཙ་ནྡོ་ཝ པ་ཏི་ཏོ ཚ་མཱ.
༣༦༣. ‘‘བྲ་ཧཱ ཝཱ་ལ༹་མི་གཱ་ཀི་ཎྞཾ, ཨཱ་ཀཱ་ས་ནྟཾ་ཝ དི་སྶ་ཏི;
ཡ་ཏྠ སཱ་མོ ཧ་ཏོ སེ་ཏི, སཱུ་རི་ཡོ་ཝ པ་ཏི་ཏོ ཚ་མཱ.
༣༦༤. ‘‘བྲ་ཧཱ ཝཱ་ལ༹་མི་གཱ་ཀི་ཎྞཾ, ཨཱ་ཀཱ་ས་ནྟཾ་ཝ དི་སྶ་ཏི;
ཡ་ཏྠ སཱ་མོ ཧ་ཏོ སེ་ཏི, པཾ་སུ་ནཱ པ་ཏི་ཀུ་ནྟི་ཏོ [ཀུ་ཎྛི་ཏོ (སཱི. སྱཱ. པཱི.) ཨེ་ཝ་མུ་པ་རི་པི].
༣༦༥. ‘‘བྲ་ཧཱ ཝཱ་ལ༹་མི་གཱ་ཀི་ཎྞཾ, ཨཱ་ཀཱ་ས་ནྟཾ་ཝ དི་སྶ་ཏི;
ཡ་ཏྠ སཱ་མོ ཧ་ཏོ སེ་ཏི, ཨི་དྷེ་ཝ ཝ་ས་ཐ་སྶ་མེ’’.
༣༦༦. ‘‘ཡ་དི ཏ་ཏྠ ས་ཧ་སྶཱ་ནི, ས་ཏཱ་ནི ནི་ཡུ་ཏཱ་ནི [ན་ཧུ་ཏཱ་ནི (སཱི. སྱཱ. པཱི.)] ཙ;
ནེ་ཝ་མྷཱ་ཀཾ བྷ་ཡཾ ཀོ་ཙི, ཝ་ནེ ཝཱ་ལེ༹་སུ ཝི་ཛྫ་ཏི’’.
༣༦༧. ‘‘ཏ་ཏོ ཨ་ནྡྷཱ་ན་མཱ་དཱ་ཡ, ཀཱ་སི་རཱ་ཛཱ བྲ་ཧཱ་ཝ་ནེ;
ཧ་ཏྠེ ག་ཧེ་ཏྭཱ པ་ཀྐཱ་མི, ཡ་ཏྠ སཱ་མོ ཧ་ཏོ ཨ་ཧུ.
༣༦༨. ‘‘དི་སྭཱ་ན པ་ཏི་ཏཾ སཱ་མཾ, པུ་ཏྟ་ཀཾ པཾ་སུ་ཀུ་ནྠི་ཏཾ;
ཨ་པ་ཝི་དྡྷཾ བྲ་ཧཱ་ར་ཉྙེ, ཙ་ནྡཾ་ཝ པ་ཏི་ཏཾ ཚ་མཱ.
༣༦༩. ‘‘དི་སྭཱ་ན པ་ཏི་ཏཾ སཱ་མཾ, པུ་ཏྟ་ཀཾ པཾ་སུ་ཀུ་ནྠི་ཏཾ;