༥༡༧. ད་ཀ་ར་ཀྑ་ས་ཛཱ་ཏ་ཀཾ (༧)
༢༢༤. ས་ཙེ ཝོ ཝུ་ཡ྄ཧ་མཱ་ནཱ་ནཾ, ས་ཏྟ་ནྣཾ ཨུ་ད་ཀ་ཎྞ་ཝེ;
མ་ནུ་སྶ་བ་ལི་མེ་སཱ་ནོ, ནཱ་ཝཾ ག་ཎྷེ་ཡྻ ར་ཀྑ་སོ;
ཨ་ནུ་པུ་བྦཾ ཀ་ཐཾ ད་ཏྭཱ, མུ་ཉྩེ་སི ད་ཀ་ར་ཀྑ་སཱ [ད་ཀ་ར་ཀྑ་ཏོ (པཱི.)].
༢༢༥. མཱ་ཏ་རཾ པ་ཋ་མཾ ད་ཛྫཾ, བྷ་རི་ཡཾ ད་ཏྭཱ་ན བྷཱ་ཏ་རཾ;
ཏ་ཏོ ས་ཧཱ་ཡཾ ད་ཏྭཱ་ན, པ་ཉྩ་མཾ ད་ཛྫཾ [ད་ཛྫ (སྱཱ.)] བྲཱ་ཧྨ་ཎཾ;
ཚ་ཊྛཱ་ཧཾ ད་ཛྫ་མ་ཏྟཱ་ནཾ, ནེ་ཝ ད་ཛྫཾ མ་ཧོ་ས་དྷཾ.
༢༢༦. པོ་སེ་ཏཱ ཏེ ཛ་ནེ་ཏྟཱི ཙ, དཱི་གྷ་ར་ཏྟཱ་ནུ་ཀ་མྤི་ཀཱ;
ཚ་བྦྷཱི ཏ་ཡི པ་དུ་སྶ་ཏི [པ་དུ་ཊྛ་སྨིཾ (སཱི. སྱཱ.)], པ་ཎྜི་ཏཱ ཨ་ཏྠ་ད་སྶི་ནཱི;
ཨ་ཉྙཾ ཨུ་པ་ནི་སཾ ཀ་ཏྭཱ, ཝ་དྷཱ ཏཾ པ་རི་མོ་ཙ་ཡི.
༢༢༧. ཏཾ ཏཱ་དི་སིཾ [ཏཱ་དི་སཾ (ཀ.)] པཱ་ཎ་ད་དིཾ, ཨོ་ར་སཾ ག་བྦྷ་དྷཱ་རི་ནིཾ [ག་བྦྷ་དྷཱ་རི་ཎིཾ (སཱི. སྱཱ.)];
མཱ་ཏ་རཾ ཀེ་ན དོ་སེ་ན, ད་ཛྫཱ་སི ད་ཀ་ར་ཀྑི་ནོ [ད་ཀ་ར་ཀྑ་ཏོ (པཱི.)].
༢༢༨. ད་ཧ་རཱ ཝི་ཡ་ལ་ངྐཱ་རཾ, དྷཱ་རེ་ཏི ཨ་པི་ལ༹་ནྡྷ་ནཾ;
དོ་ཝཱ་རི་ཀེ ཨ་ནཱི་ཀ་ཊྛེ, ཨ་ཏི་ཝེ་ལཾ པ་ཛ་གྒྷ་ཏི [ས་ཉྫ་གྒྷ་ཏི (ཀ.)].
༢༢༩. ཨ་ཐོ་པི པ་ཊི་རཱ་ཛཱུ་ནཾ, ས་ཡཾ དཱུ་ཏཱ་ནི སཱ་ས་ཏི;
མཱ་ཏ་རཾ ཏེ་ན དོ་སེ་ན, ད་ཛྫཱ་ཧཾ ད་ཀ་ར་ཀྑི་ནོ.
༢༣༠. ཨི་ཏྠི་གུ་མྦ་སྶ པ་ཝ་རཱ, ཨ་ཙྩ་ནྟཾ པི་ཡ་བྷཱ་ཎི་ནཱི [ཨ་ཙྩ་ནྟ་པི་ཡ་ཝཱ་དི་ནཱི (སཱི. པཱི.)];
ཨ་ནུ་གྒ་ཏཱ [ཨ་ནུ་བྦ་ཏཱ (སྱཱ.), ཨ་ནུ་པུ་བྦ་ཏཱ (ཀ.)] སཱི་ལ་ཝ་ཏཱི, ཚཱ་ཡཱ་ཝ ཨ་ན་པཱ་ཡི་ནཱི.
༢༣༡. ཨ་ཀྐོ་དྷ་ནཱ པུ་ཉྙ་ཝ་ཏཱི [པ་ཉྙ་ཝ་ཏཱི (སཱི. པཱི.)], པ་ཎྜི་ཏཱ ཨ་ཏྠ་ད་སྶི་ནཱི;
ཨུ་བྦ་རིཾ [ཨུ་པྤ་རིཾ (སཱི.)] ཀེ་ན དོ་སེ་ན, ད་ཛྫཱ་སི ད་ཀ་ར་ཀྑི་ནོ.
༢༣༢. ཁི་ཌྜཱ་ར་ཏི་ས་མཱ་པ་ནྣཾ, ཨ་ན་ཏྠ་ཝ་ས་མཱ་ག་ཏཾ;
སཱ མཾ ས་ཀཱ་ན པུ་ཏྟཱ་ནཾ, ཨ་ཡཱ་ཙཾ ཡཱ་ཙ་ཏེ དྷ་ནཾ.
༢༣༣. སོ་ཧཾ ད་དཱ་མི སཱ་ར་ཏྟོ [སཱ་ར་ཏོ (སྱཱ.)], བ་ཧུཾ ཨུ་ཙྩཱ་ཝ་ཙཾ དྷ་ནཾ;
སུ་དུ་ཙྩ་ཛཾ ཙ་ཛི་ཏྭཱ་ན, པ་ཙྪཱ སོ་ཙཱ་མི དུ་མྨ་ནོ;
ཨུ་བྦ་རིཾ ཏེ་ན དོ་སེ་ན, ད་ཛྫཱ་ཧཾ ད་ཀ་ར་ཀྑི་ནོ.
༢༣༤. ཡེ་ནོ་ཙི་ཏཱ ཛ་ན་པ་དཱ [ཛཱ་ན་པ་དཱ (སཱི. སྱཱ. པཱི.)], ཨཱ་ནཱི་ཏཱ ཙ པ་ཊི་གྒ་ཧཾ;
ཨཱ་བྷ་ཏཾ པ་ར་ར་ཛྫེ་བྷི, ཨ་བྷི་ཊྛཱ་ཡ བ་ཧུཾ དྷ་ནཾ.
༢༣༥. དྷ་ནུ་གྒ་ཧཱ་ནཾ པ་ཝ་རཾ, སཱུ་རཾ ཏི་ཁི་ཎ་མ་ནྟི་ནཾ;
བྷཱ་ཏ་རཾ ཀེ་ན དོ་སེ་ན, ད་ཛྫཱ་སི ད་ཀ་ར་ཀྑི་ནོ.
༢༣༦. ཡེ་ནོ་ཙི་ཏཱ [མ་ཡོ་ཙི་ཏཱ (སཱི.), མ་ཡཱ་ཙི་ཏཱ (པཱི.)] ཛ་ན་པ་དཱ, ཨཱ་ནཱི་ཏཱ ཙ པ་ཊི་གྒ་ཧཾ;
ཨཱ་བྷ་ཏཾ པ་ར་ར་ཛྫེ་བྷི, ཨ་བྷི་ཊྛཱ་ཡ བ་ཧུཾ དྷ་ནཾ.
༢༣༧. དྷ་ནུ་གྒ་ཧཱ་ནཾ པ་ཝ་རོ, སཱུ་རོ ཏི་ཁི་ཎ་མ་ནྟི ཙ [ཏི་ཁི་ཎ་མ་ནྟི་ནོ (ཀ.)];
མ་ཡཱ་ཡཾ [མ་ཡཱ སོ (སཱི. པཱི.)] སུ་ཁི་ཏོ རཱ་ཛཱ, ཨ་ཏི་མ་ཉྙ་ཏི དཱ་ར་ཀོ.
༢༣༨. ཨུ་པ་ཊྛཱ་ན་མྤི མེ ཨ་ཡྻེ, ན སོ ཨེ་ཏི ཡ་ཐཱ པུ་རེ;
བྷཱ་ཏ་རཾ ཏེ་ན དོ་སེ་ན, ད་ཛྫཱ་ཧཾ ད་ཀ་ར་ཀྑི་ནོ.
༢༣༩. ཨེ་ཀ་ར་ཏྟེ་ན ཨུ་བྷ་ཡོ, ཏྭ་ཉྩེ་ཝ དྷ་ནུ་སེ་ཁ ཙ [དྷ་ནུ་སེ་ཁ་ཝཱ (སཱི. སྱཱ. པཱི.)];
ཨུ་བྷོ ཛཱ་ཏེ་ཏྠ པ་ཉྩཱ་ལཱ, ས་ཧཱ་ཡཱ སུ་ས་མཱ་ཝ་ཡཱ.
༢༤༠. ཙ་རི་ཡཱ ཏཾ ཨ་ནུ་བ་ནྡྷི་ཏྠོ [ཨ་ནུ་བ་ནྡྷོ (ཀ.)], ཨེ་ཀ་དུ་ཀྑ་སུ་ཁོ ཏ་ཝ;
ཨུ་སྶུ་ཀྐོ ཏེ དི་ཝཱ་ར་ཏྟིཾ, ས་བྦ་ཀི་ཙྩེ་སུ བྱཱ་ཝ་ཊོ;
ས་ཧཱ་ཡཾ ཀེ་ན དོ་སེ་ན, ད་ཛྫཱ་སི ད་ཀ་ར་ཀྑི་ནོ.
༢༤༡. ཙ་རི་ཡཱ མཾ ཨ་ཡཾ [ཙ་རི་ཡཱ་ཡ ཨ་ཡཾ (སཱི. པཱི.)] ཨ་ཡྻེ, པ་ཛ་གྒྷི་ཏྠོ [ས་ཉྫ་གྒྷི་ཏྠོ (སྱཱ.)] མ་ཡཱ ས་ཧ;
ཨ་ཛྫཱ་པི ཏེ་ན ཝ་ཎྞེ་ན, ཨ་ཏི་ཝེ་ལཾ པ་ཛ་གྒྷ་ཏི.
༢༤༢. ཨུ་བྦ་རི་ཡཱ་པི་ཧཾ ཨ་ཡྻེ, མ་ནྟ་ཡཱ་མི ར་ཧོ་ག་ཏོ;
ཨ་ནཱ་མ་ནྟོ [ཨ་ནཱ་མ་ནྟཱ (སཱི.)] པ་ཝི་ས་ཏི, པུ་བྦེ ཨ་པྤ་ཊི་ཝེ་དི་ཏོ.
༢༤༣. ལ་དྡྷ་དྭཱ་རོ [ལ་དྡྷ་ཝཱ་རོ (སཱི. པཱི.)] ཀ་ཏོ་ཀཱ་སོ, ཨ་ཧི་རི་ཀཾ ཨ་ནཱ་ད་རཾ;
ས་ཧཱ་ཡཾ ཏེ་ན དོ་སེ་ན, ད་ཛྫཱ་ཧཾ ད་ཀ་ར་ཀྑི་ནོ.
༢༤༤. ཀུ་ས་ལོ ས་བྦ་ནི་མི་ཏྟཱ་ནཾ, རུ་ཏ་ཉྙཱུ [རུ་ད་ཉྙཱུ (སཱི. སྱཱ. པཱི.)] ཨཱ་ག་ཏཱ་ག་མོ;
ཨུ་པྤཱ་ཏེ སུ་པི་ནེ ཡུ་ཏྟོ, ནི་ཡྻཱ་ནེ ཙ པ་ཝེ་ས་ནེ.
༢༤༥. པ་ཊྛོ [པ་དྡྷོ (སཱི. པཱི.)] བྷཱུ་མ་ནྟ་ལི་ཀྑ་སྨིཾ, ན་ཀྑ་ཏྟ་པ་ད་ཀོ་ཝི་དོ;
བྲཱ་ཧྨ་ཎཾ ཀེ་ན དོ་སེ་ན, ད་ཛྫཱ་སི ད་ཀ་ར་ཀྑི་ནོ.
༢༤༦. པ་རི་སཱ་ཡ་མྤི མེ ཨ་ཡྻེ, ཨུ་མྨཱི་ལི་ཏྭཱ ཨུ་དི་ཀྑ་ཏི;
ཏ་སྨཱ ཨ་ཙྩ་བྷ་མུཾ ལུ་དྡཾ, ད་ཛྫཱ་ཧཾ ད་ཀ་ར་ཀྑི་ནོ.
༢༤༧. ས་ས་མུ་དྡ་པ་རི་ཡཱ་ཡཾ, མ་ཧིཾ སཱ་ག་ར་ཀུ་ཎྜ་ལཾ;
ཝ་སུ་ནྡྷ་རཾ ཨཱ་ཝ་ས་སི, ཨ་མ་ཙྩ་པ་རི་ཝཱ་རི་ཏོ.
༢༤༨. ཙཱ་ཏུ་ར་ནྟོ མ་ཧཱ་ར་ཊྛོ, ཝི་ཛི་ཏཱ་ཝཱི མ་ཧ་བྦ་ལོ;
པ་ཐ་བྱཱ ཨེ་ཀ་རཱ་ཛཱ་སི, ཡ་སོ ཏེ ཝི་པུ་ལཾ ག་ཏོ.
༢༤༩. སོ་ལ༹་སི་ཏྠི་ས་ཧ་སྶཱ་ནི, ཨཱ་མུ་ཏྟ་མ་ཎི་ཀུ་ཎྜ་ལཱ;
ནཱ་ནཱ་ཛ་ན་པ་དཱ ནཱ་རཱི, དེ་ཝ་ཀ་ཉྙཱུ་པ་མཱ སུ་བྷཱ.
༢༥༠. ཨེ་ཝཾ ས་བྦ་ངྒ་ས་མྤ་ནྣཾ, ས་བྦ་ཀཱ་མ་ས་མི་དྡྷི་ནཾ;
སུ་ཁི་ཏཱ་ནཾ པི་ཡཾ དཱི་གྷཾ, ཛཱི་ཝི་ཏཾ ཨཱ་ཧུ ཁ་ཏྟི་ཡ.
༢༥༡. ཨ་ཐ ཏྭཾ ཀེ་ན ཝ་ཎྞེ་ན, ཀེ་ན ཝཱ པ་ན ཧེ་ཏུ་ནཱ;
པ་ཎྜི་ཏཾ ཨ་ནུ་ར་ཀྑ་ནྟོ, པཱ་ཎཾ ཙ་ཛ་སི དུ་ཙྩ་ཛཾ.
༢༥༢. ཡ་ཏོ་པི ཨཱ་ག་ཏོ ཨ་ཡྻེ, མ་མ ཧ་ཏྠཾ མ་ཧོ་ས་དྷོ;
ནཱ་བྷི་ཛཱ་ནཱ་མི དྷཱི་ར་སྶ, ཨ་ནུ་མ་ཏྟ་མྤི དུ་ཀྐ་ཊཾ.
༢༥༣. ས་ཙེ ཙ ཀི་སྨི་ཙི ཀཱ་ལེ, མ་ར་ཎཾ མེ པུ་རེ སི་ཡཱ;
སོ མེ པུ་ཏྟེ [པུ་ཏྟེ ཙ མེ (སཱི. སྱཱ. པཱི.] པ་པུ་ཏྟེ ཙ, སུ་ཁཱ་པེ་ཡྻ མ་ཧོ་ས་དྷོ.
༢༥༤. ཨ་ནཱ་ག་ཏཾ པ་ཙྩུ་པྤ་ནྣཾ, ས་བྦ་མ་ཏྠ་མྤི པ་སྶ་ཏི [ས་བྦ་མ་ཏྠཾ ཝི་པ་སྶ་ཏི (སཱི. སྱཱ. པཱི.)];
ཨ་ནཱ་པ་རཱ་དྷ་ཀ་མྨ་ནྟཾ, ན ད་ཛྫཾ ད་ཀ་ར་ཀྑི་ནོ.
༢༥༥. ཨི་དཾ སུ་ཎཱ་ཐ པ་ཉྩཱ་ལཱ, ཙཱུ་ལ༹་ནེ་ཡྻ་སྶ [ཙཱུ་ལ༹་ནཱི་ཡ་སྶ (སཱི.)] བྷཱ་སི་ཏཾ;
པ་ཎྜི་ཏཾ ཨ་ནུ་ར་ཀྑ་ནྟོ, པཱ་ཎཾ ཙ་ཛ་ཏི དུ་ཙྩ་ཛཾ.
༢༥༦. མཱ་ཏུ བྷ་རི་ཡཱ་ཡ བྷཱ་ཏུ་ཙྩ, ས་ཁི་ནོ བྲཱ་ཧྨ་ཎ་སྶ ཙ;
ཨ་ཏྟ་ནོ ཙཱ་པི པ་ཉྩཱ་ལོ, ཚ་ནྣཾ ཙ་ཛ་ཏི ཛཱི་ཝི་ཏཾ.
༢༥༧. ཨེ་ཝཾ མ་ཧ་ཏྠི་ཀཱ [ཁ་ཧི་དྡྷི་ཡཱ (སྱཱ.), མ་ཧི་དྡྷི་ཀཱ (ཀ.)] པ་ཉྙཱ, ནི་པུ་ཎཱ སཱ་དྷུ་ཙི་ནྟི་ནཱི;
དི་ཊྛ་དྷ་མྨ་ཧི་ཏ་ཏྠཱ་ཡ, ས་མྤ་རཱ་ཡ་སུ་ཁཱ་ཡ ཙཱ་ཏི.
ད་ཀ་ར་ཀྑ་ས་ཛཱ་ཏ་ཀཾ ས་ཏྟ་མཾ.