༥༡༨. པ་ཎྜ་ར་ནཱ་ག་རཱ་ཛ་ཛཱ་ཏ་ཀཾ (༨)
༢༥༨. ཝི་ཀི་ཎྞ་ཝཱ་ཙཾ ཨ་ནི་གུ་ཡ྄ཧ [ཨ་ནི་གཱུ་ལ༹ྷ (པཱི.)] མ་ནྟཾ, ཨ་ས་ཉྙ་ཏཾ ཨ་པ་རི་ཙ་ཀྑི་ཏཱ་རཾ [ཨ་པ་རི་ར་ཀྑི་ཏཱ་རཾ (ཀ.)];
བྷ་ཡཾ ཏ་མ་ནྭེ་ཏི ས་ཡཾ ཨ་བོ་དྷཾ, ནཱ་གཾ ཡ་ཐཱ པ་ཎྜ་ར་ཀཾ སུ་པ་ཎྞོ [སུ་ཝ་ཎྞོ (ཀ.)].
༢༥༩. ཡོ གུ་ཡ྄ཧ་མ་ནྟཾ པ་རི་ར་ཀྑ་ནེ་ཡྻཾ, མོ་ཧཱ ན་རོ སཾ་ས་ཏི ཧཱ་ས་མཱ་ནོ [བྷཱ་ས་མཱ་ནོ (པཱི.)];
ཏཾ བྷི་ནྣ་མ་ནྟཾ བྷ་ཡ་མ་ནྭེ་ཏི ཁི་པྤཾ, ནཱ་གཾ ཡ་ཐཱ པ་ཎྜ་ར་ཀཾ སུ་པ་ཎྞོ.
༢༦༠. ནཱ་ནུ་མི་ཏྟོ ག་རུཾ ཨ་ཏྠཾ, གུ་ཡ྄ཧཾ ཝེ་དི་ཏུ་མ་ར་ཧ་ཏི;
སུ་མི་ཏྟོ ཙ ཨ་ས་མྦུ་དྡྷཾ, ས་མྦུ་དྡྷཾ ཝཱ ཨ་ན་ཏྠ ཝཱ.
༢༦༡. ཝི་སྶཱ་ས་མཱ་པ་ཛྫི་མ་ཧཾ ཨ་ཙེ་ལཾ [ཨ་ཙེ་ལོ (སཱི. པཱི.)], ས་མ་ཎོ ཨ་ཡཾ ས་མྨ་ཏོ བྷཱ་ཝི་ཏ་ཏྟོ;
ཏ་སྶཱ་ཧ་མ་ཀྑིཾ ཝི་ཝ་རིཾ [ཝི་ཝ་རཾ (སཱི.)] གུ་ཡ྄ཧ་མ་ཏྠཾ, ཨ་ཏཱི་ཏ་མ་ཏྠོ ཀ་པ་ཎཾ [ཀ་པ་ཎོ (པཱི.)] རུ་དཱ་མི.
༢༦༢. ཏ་སྶཱ་ཧཾ པ་ར་མཾ [པུ་རི་མཾ (སཱི.)] བྲ་ཧྨེ གུ་ཡ྄ཧཾ, ཝཱ་ཙ་ཉྷི མཾ ནཱ་ས་ཀྑིཾ [ནཱ་ས་ཀྑི (པཱི.)] སཾ་ཡ་མེ་ཏུཾ;
ཏ་པྤ་ཀྑ་ཏོ ཧི བྷ་ཡ་མཱ་ག་ཏཾ མ་མཾ, ཨ་ཏཱི་ཏ་མ་ཏྠོ ཀ་པ་ཎཾ རུ་དཱ་མི.
༢༦༣. ཡོ ཝེ ན་རོ སུ་ཧ་དཾ མ་ཉྙ་མཱ་ནོ, གུ་ཡ྄ཧ་མ་ཏྠཾ སཾ་ས་ཏི དུ་ཀྐུ་ལཱི་ནེ;
དོ་སཱ བྷ་ཡཱ ཨ་ཐ་ཝཱ རཱ་ག་ར་ཏྟཱ [རཱ་ག་ར་ཏྟོ (སཱི. སྱཱ. པཱི.)], པ་ལླ་ཏྠི་ཏོ [པ་ལླི་ཏྠོ (པཱི.), པ་ལླ་ཏྟི་ཏོ (ཀ.)] བཱ་ལོ ཨ་སཾ་ས་ཡཾ སོ.
༢༦༤. ཏི་རོ་ཀྑ་ཝཱ་ཙོ ཨ་ས་ཏཾ པ་ཝི་ཊྛོ, ཡོ ས་ངྒ་ཏཱི་སུ མུ་དཱི་རེ་ཏི ཝཱ་ཀྱཾ;
ཨཱ་སཱི་ཝི་སོ དུ་མྨུ་ཁོ་ཏྱཱ་ཧུ ཏཾ ན་རཾ, ཨཱ་རཱ ཨཱ་རཱ [ཨཱ་རཱ ཨ་རཱ (པཱི.)] སཾ་ཡ་མེ ཏཱ་དི་ས་མྷཱ.
༢༦༥. ཨ་ནྣཾ པཱ་ནཾ ཀཱ་སི་ཀ [ཀཱ་སི་ཀཾ (པཱི.)] ཙ་ནྡ་ན་ཉྩ, མ་ནཱ་པི་ཏྠི་ཡོ མཱ་ལ་མུ་ཙྪཱ་ད་ན་ཉྩ;
ཨོ་ཧཱ་ཡ ག་ཙྪཱ་མ་སེ ས་བྦ་ཀཱ་མེ, སུ་པ་ཎྞ པཱ་ཎཱུ་པ་ག་ཏཱ་ཝ ཏྱ་མྷཱ.
༢༦༦. ཀོ ནཱི་དྷ ཏི་ཎྞཾ ག་ར་ཧཾ ཨུ་པེ་ཏི, ཨ་སྨིཾ་དྷ ལོ་ཀེ པཱ་ཎ་བྷཱུ ནཱ་ག་རཱ་ཛ;
ས་མ་ཎོ སུ་པ་ཎྞོ ཨ་ཐ ཝཱ ཏྭ་མེ་ཝ, ཀིཾ ཀཱ་ར་ཎཱ པ་ཎྜ་ར་ཀ་གྒ་ཧཱི་ཏོ.
༢༦༧. ས་མ་ཎོ་ཏི མེ ས་མྨ་ཏ་ཏྟོ ཨ་ཧོ་སི, པི་ཡོ ཙ མེ མ་ན་སཱ བྷཱ་ཝི་ཏ་ཏྟོ;
ཏ་སྶཱ་ཧ་མ་ཀྑིཾ ཝི་ཝ་རིཾ གུ་ཡ྄ཧ་མ་ཏྠཾ, ཨ་ཏཱི་ཏ་མ་ཏྠོ ཀ་པ་ཎཾ རུ་དཱ་མི.
༢༦༨. ན ཙ་ཏྠི ས་ཏྟོ ཨ་མ་རོ པ་ཐ་བྱཱ, པ་ཉྙཱ་ཝི་དྷཱ ན་ཏྠི ན ནི་ནྡི་ཏ་བྦཱ;
ས་ཙྩེ་ན དྷ་མྨེ་ན དྷི་ཏི་ཡཱ [དྷི་ཡཱ (སཱི. པཱི.)] ད་མེ་ན, ཨ་ལ་བྦྷ་མ་བྱཱ་ཧ་ར་ཏཱི ན་རོ ཨི་དྷ.
༢༦༩. མཱ་ཏཱ་པི་ཏཱ པ་ར་མཱ བ་ནྡྷ་ཝཱ་ནཾ, ནཱ་སྶ ཏ་ཏི་ཡོ ཨ་ནུ་ཀ་མྤ་ཀ་ཏྠི;
ཏེ་ས་མྤི གུ་ཡ྄ཧཾ པ་ར་མཾ ན སཾ་སེ, མ་ནྟ་སྶ བྷེ་དཾ པ་རི་ས་ངྐ་མཱ་ནོ.
༢༧༠. མཱ་ཏཱ་པི་ཏཱ བྷ་གི་ནཱི བྷཱ་ཏ་རོ ཙ, ས་ཧཱ་ཡཱ ཝཱ ཡ་སྶ ཧོ་ནྟི ས་པ་ཀྑཱ;
ཏེ་ས་མྤི གུ་ཡ྄ཧཾ པ་ར་མཾ ན སཾ་སེ, མ་ནྟ་སྶ བྷེ་དཾ པ་རི་ས་ངྐ་མཱ་ནོ.
༢༧༡. བྷ་རི་ཡཱ ཙེ པུ་རི་སཾ ཝ་ཛྫཱ, ཀོ་མཱ་རཱི པི་ཡ་བྷཱ་ཎི་ནཱི;
པུ་ཏྟ་རཱུ་པ་ཡ་སཱུ་པེ་ཏཱ, ཉཱ་ཏི་ས་ངྒྷ་པུ་ར་ཀྑ་ཏཱ, ཏ་སྶཱ་པི གུ་ཡ྄ཧཾ པ་ར་མཾ ན སཾ་སེ;
མ་ནྟ་སྶ བྷེ་དཾ པ་རི་ས་ངྐ་མཱ་ནོ.
༢༧༢. ན གུ་ཡ྄ཧ་མ་ཏྠཾ [གུ་ཡ྄ཧ་ཏྠཾ (ཀ.)] ཝི་ཝ་རེ་ཡྻ, ར་ཀྑེ་ཡྻ ནཾ ཡ་ཐཱ ནི་དྷིཾ;
ན ཧི པཱ་ཏུ་ཀ་ཏོ སཱ་དྷུ, གུ་ཡ྄ཧོ ཨ་ཏྠོ པ་ཛཱ་ན་ཏཱ.
༢༧༣. ཐི་ཡཱ གུ་ཡ྄ཧཾ ན སཾ་སེ་ཡྻ, ཨ་མི་ཏྟ་སྶ ཙ པ་ཎྜི་ཏོ;
ཡོ ཙཱ་མི་སེ་ན སཾ་ཧཱི་རོ, ཧ་ད་ཡ་ཏྠེ་ནོ ཙ ཡོ ན་རོ.
༢༧༤. གུ་ཡ྄ཧ་མ་ཏྠཾ ཨ་ས་མྦུ་དྡྷཾ, ས་མྦོ་དྷ་ཡ་ཏི ཡོ ན་རོ;
མ་ནྟ་བྷེ་ད་བྷ་ཡཱ ཏ་སྶ, དཱ་ས་བྷཱུ་ཏོ ཏི་ཏི་ཀྑ་ཏི.
༢༧༥. ཡཱ་ཝ་ནྟོ པུ་རི་ས་སྶ་ཏྠཾ, གུ་ཡ྄ཧཾ ཛཱ་ན་ནྟི མ་ནྟི་ནཾ;
ཏཱ་ཝ་ནྟོ ཏ་སྶ ཨུ་བྦེ་གཱ, ཏ་སྨཱ གུ་ཡ྄ཧཾ ན ཝི་སྶ་ཛེ.
༢༧༦. ཝི་ཝི་ཙྩ བྷཱ་སེ་ཡྻ དི་ཝཱ ར་ཧ་སྶཾ, ར་ཏྟིཾ གི་རཾ ནཱ་ཏི་ཝེ་ལཾ པ་མུ་ཉྩེ;
ཨུ་པ་སྶུ་ཏི་ཀཱ ཧི སུ་ཎ་ནྟི མ་ནྟཾ, ཏ་སྨཱ མ་ནྟོ ཁི་པྤ་མུ་པེ་ཏི བྷེ་དཾ.
༢༧༧. ཡ་ཐཱ་པི ཨ་སྶ [ཨ་ཡོ (སྱཱ.), ཨ་ཡ (ཀ.)] ན་ག་རཾ མ་ཧ་ནྟཾ, ཨ་དྭཱ་ར་ཀཾ [ཨཱ་ལཱ༹་ར་ཀཾ (པཱི.)] ཨཱ་ཡ་སཾ བྷ་དྡ་སཱ་ལཾ;
ས་མ་ནྟ་ཁཱ་ཏཱ་པ་རི་ཁཱ་ཨུ་པེ་ཏཾ, ཨེ་ཝ་མྤི མེ ཏེ ཨི་དྷ གུ་ཡ྄ཧ་མ་ནྟཱ.
༢༧༨. ཡེ གུ་ཡ྄ཧ་མ་ནྟཱ ཨ་ཝི་ཀི་ཎྞ་ཝཱ་ཙཱ, ད་ལ༹ྷཱ ས་ད་ཏྠེ་སུ ན་རཱ དུ་ཛི་ཝ྄ཧ [དུ་ཛི་ཝ྄ཧཱ (སྱཱ. པཱི.)];
ཨཱ་རཱ ཨ་མི་ཏྟཱ བྱ་ཝ་ཛ་ནྟི ཏེ་ཧི, ཨཱ་སཱི་ཝི་སཱ ཝཱ རི་ཝ ས་ཏྟུ་ས་ངྒྷཱ [ས་ཏྟ་ས་ངྒྷཱ (སཱི. སྱཱ.)].
༢༧༩. ཧི་ཏྭཱ གྷ་རཾ པ་བྦ་ཛི་ཏོ ཨ་ཙེ་ལོ, ན་གྒོ མུ་ཎྜོ ཙ་ར་ཏི གྷཱ་ས་ཧེ་ཏུ;
ཏ་མྷི [ཏ་མྷཱི (པཱི.)] ནུ ཁོ ཝི་ཝ་རིཾ གུ་ཡ྄ཧ་མ་ཏྠཾ, ཨ་ཏྠཱ ཙ དྷ་མྨཱ ཙ ཨ་པ་གྒ་ཏ་མྷཱ [ཨ་པཱ་ག་ཏ་མྷཱ (སཱི.), ཨ་པ་ག་ཏ་མྷཱ (སྱཱ.), ཨ་ཝཱ་ག་ཏ་མྷཱ (པཱི.)].
༢༨༠. ཀ་ཐཾ་ཀ་རོ ཧོ་ཏི སུ་པ་ཎྞ་རཱ་ཛ, ཀིཾ་སཱི་ལོ ཀེ་ན ཝ་ཏེ་ན ཝ་ཏྟཾ;
ས་མ་ཎོ ཙ་རཾ ཧི་ཏྭཱ མ་མཱ་ཡི་ཏཱ་ནི, ཀ་ཐཾ་ཀ་རོ ས་གྒ་མུ་པེ་ཏི ཋཱ་ནཾ.
༢༨༡. ཧི་རི་ཡཱ ཏི་ཏི་ཀྑཱ་ཡ ད་མེ་ནུ་པེ་ཏོ [ད་མེ་ན ཁ་ནྟི་ཡཱ (སཱི. སྱཱ. པཱི.)], ཨ་ཀྐོ་དྷ་ནོ པེ་སུ་ཎི་ཡཾ པ་ཧཱ་ཡ;
ས་མ་ཎོ ཙ་རཾ ཧི་ཏྭཱ མ་མཱ་ཡི་ཏཱ་ནི, ཨེ་ཝཾ་ཀ་རོ ས་གྒ་མུ་པེ་ཏི ཋཱ་ནཾ.
༢༨༢. མཱ་ཏཱ་ཝ པུ་ཏྟཾ ཏ་རུ་ཎཾ ཏ་ནུ་ཛྫཾ [ཏ་ནཱུ་ཛཾ (སཱི.)], ས་མྥ་སྶ་ཏཱ [ས་མྤ་སྶ ཏཾ (སཱི. པཱི.)] ས་བྦ་ག་ཏྟཾ ཕ་རེ་ཏི;
ཨེ་ཝ་མྤི མེ ཏྭཾ པཱ་ཏུ་ར་ཧུ དི་ཛི་ནྡ, མཱ་ཏཱ་ཝ པུ་ཏྟཾ ཨ་ནུ་ཀ་མྤ་མཱ་ནོ.
༢༨༣. ཧ་ནྡ་ཛྫ ཏྭཾ མུ་ཉྩ [མུ་ཙྩ (སཱི.)] ཝ་དྷཱ དུ་ཛི་ཝ྄ཧ, ཏ་ཡོ ཧི པུ་ཏྟཱ ན ཧི ཨ་ཉྙོ ཨ་ཏྠི;
ཨ་ནྟེ་ཝཱ་སཱི དི་ནྣ་ཀོ ཨ་ཏྲ་ཛོ ཙ, ར་ཛྫ་སྶུ [ར་ཛ་སྶུ (སཱི. སྱཱ. པཱི.)] པུ་ཏྟ་ཉྙ་ཏ་རོ མེ ཨ་ཧོ་སི.
༢༨༤. ཨི་ཙྩེ་ཝ ཝཱ་ཀྱཾ ཝི་ས་ཛྫཱི སུ་པ་ཎྞོ, བྷུ་མྱཾ པ་ཏི་ཊྛཱ་ཡ དི་ཛོ དུ་ཛི་ཝ྄ཧཾ;
མུ་ཏྟ་ཛྫ ཏྭཾ ས་བྦ་བྷ་ཡཱ་ཏི་ཝ་ཏྟོ, ཐ་ལཱུ་ད་ཀེ ཧོ་ཧི མ་ཡཱ་བྷི་གུ་ཏྟོ.
༢༨༥. ཨཱ་ཏ་ངྐི་ནཾ ཡ་ཐཱ ཀུ་ས་ལོ བྷི་ས་ཀྐོ, པི་པཱ་སི་ཏཱ་ནཾ ར་ཧ་དོ་ཝ སཱི་ཏོ;
ཝེ་སྨཾ ཡ་ཐཱ ཧི་མ་སཱི་ཏ་ཊྚི་ཏཱ་ནཾ [ཧི་མ་སི་སི་ར་ཊྚི་ཏཱ་ནཾ (པཱི.)], ཨེ་ཝ་མྤི ཏེ ས་ར་ཎ་མ་ཧཾ བྷ་ཝཱ་མི.
༢༨༦. ས་ནྡྷིཾ ཀ་ཏྭཱ ཨ་མི་ཏྟེ་ན, ཨ་ཎྜ་ཛེ་ན ཛ་ལཱ་བུ་ཛ;
ཝི་ཝ་རི་ཡ དཱ་ཋཾ སེ་སི, ཀུ་ཏོ ཏཾ བྷ་ཡ་མཱ་ག་ཏཾ.
༢༨༧. ས་ངྐེ་ཐེ་ཝ ཨ་མི་ཏྟ་སྨིཾ, མི་ཏྟ་སྨི་མྤི ན ཝི་སྶ་སེ;
ཨ་བྷ་ཡཱ བྷ་ཡ་མུ་པྤ་ནྣཾ, ཨ་པི མཱུ་ལཱ་ནི ཀ་ནྟ་ཏི.
༢༨༨. ཀ་ཐཾ ནུ ཝི་སྶ་སེ ཏྱ་མྷི, ཡེ་ནཱ་སི ཀ་ལ་ཧོ ཀ་ཏོ;
ནི་ཙྩ་ཡ་ཏྟེ་ན ཋཱ་ཏ་བྦཾ, སོ དི་ས་བྦྷི [སོ དི་ས་མྷི (པཱི.)] ན ར་ཛྫ་ཏི.
༢༨༩. ཝི་སྶཱ་ས་ཡེ ན ཙ ཏཾ [ནཾ (སཱི. སྱཱ. པཱི.)] ཝི་སྶ་ཡེ་ཡྻ, ཨ་ས་ངྐི་ཏོ ས་ངྐི་ཏོ ཙ [ཨ་ས་ངྐི་ཏོ ཙ ས་ངྐི་ཏོ (སཱི. པཱི.)] བྷ་ཝེ་ཡྻ;
ཏ་ཐཱ ཏ་ཐཱ ཝི་ཉྙཱུ པ་ར་ཀྐ་མེ་ཡྻ, ཡ་ཐཱ ཡ་ཐཱ བྷཱ་ཝཾ པ་རོ ན ཛ་ཉྙཱ.
༢༩༠. ཏེ དེ་ཝ་ཝ་ཎྞཱ [དེ་ཝ་ཝ་ཎྞཱི (པཱི.)] སུ་ཁུ་མཱ་ལ་རཱུ་པཱ, ཨུ་བྷོ ས་མཱ སུ་ཛ་ཡཱ [སུ་ཛ་ཡོ (སཱི. སྱཱ. པཱི.)] པུ་ཉྙ་ཁ་ནྡྷཱ [པུ་ཉྙ་ག་ནྡྷཱ (པཱི.)];
ཨུ་པཱ་ག་མུཾ ཀ་ར་མྤི་ཡཾ [ཀཱ་ད་མྦི་ཡཾ (སཱི.), ཀཱ་ར་མྦི་ཡཾ (པཱི.)] ཨ་ཙེ་ལཾ, མི་སྶཱི་བྷཱུ་ཏཱ ཨ་སྶ་ཝཱ་ཧཱ་ཝ ནཱ་གཱ.
༢༩༡. ཏ་ཏོ ཧ་ཝེ པ་ཎྜ་ར་ཀོ ཨ་ཙེ་ལཾ, ས་ཡ་མེ་ཝུ་པཱ་ག་མྨ ཨི་དཾ ཨ་ཝོ་ཙ;
མུ་ཏྟ་ཛྫ་ཧཾ ས་བྦ་བྷ་ཡཱ་ཏི་ཝ་ཏྟོ, ན ཧི [ཧ (པཱི.)] ནཱུ་ན ཏུ་ཡ྄ཧཾ མ་ན་སོ པི་ཡ་མྷཱ.
༢༩༢. པི་ཡོ ཧི མེ ཨཱ་སི སུ་པ་ཎྞ་རཱ་ཛཱ, ཨ་སཾ་ས་ཡཾ པ་ཎྜ་ར་ཀེ་ན ས་ཙྩཾ;
སོ རཱ་ག་ར་ཏྟོ་ཝ ཨ་ཀཱ་སི་མེ་ཏཾ, པཱ་པ་ཀ་མྨཾ [པཱ་པཾ ཀ་མྨཾ (སཱི. པཱི.)] ས་མྤ་ཛཱ་ནོ ན མོ་ཧཱ.
༢༩༣. ན མེ པི་ཡཾ ཨ་པྤི་ཡཾ ཝཱ་པི ཧོ་ཏི, ས་མྤ་སྶ་ཏོ ལོ་ཀ་མི་མཾ པ་ར་ཉྩ;
སུ་ས་ཉྙ་ཏཱ་ན་ཉྷི ཝི་ཡ་ཉྫ་ནེ་ན, ཨ་ས་ཉྙ་ཏོ ལོ་ཀ་མི་མཾ ཙ་རཱ་སི.
༢༩༤. ཨ་རི་ཡཱ་ཝ་ཀཱ་སོ་སི ཨ་ན་རི་ཡོ་ཝཱ་སི [ཨ་ན་རི་ཡོ ཙཱ་སི (སཱི. པཱི.)], ཨ་ས་ཉྙ་ཏོ ས་ཉྙ་ཏ་ས་ནྣི་ཀཱ་སོ;
ཀ་ཎྷཱ་བྷི་ཛཱ་ཏི་ཀོ་སི ཨ་ན་རི་ཡ་རཱུ་པོ, པཱ་པཾ བ་ཧུཾ དུ་ཙྩ་རི་ཏཾ ཨ་ཙཱ་རི.
༢༩༥. ཨ་དུ་ཊྛ་སྶ ཏུ་ཝཾ དུ་བྦྷི, དུ་བྦྷཱི [དཱུ་བྷི, དཱུ་བྷཱི (པཱི.)] ཙ པི་སུ་ཎོ ཙ་སི;
ཨེ་ཏེ་ན ས་ཙྩ་ཝ་ཛྫེ་ན, མུ་དྡྷཱ ཏེ ཕ་ལ་ཏུ ས་ཏྟ་དྷཱ.
༢༩༦. ཏ་སྨཱ ཧི མི་ཏྟཱ་ནཾ ན དུ་བྦྷི་ཏ་བྦཾ, མི་ཏྟ་དུ་བྦྷཱ [མི་ཏྟ་དུ་བྦྷཱ ཧི (སྱཱ.)] པཱ་པི་ཡོ ན་ཏྠི ཨ་ཉྙོ;
ཨཱ་སི་ཏྟ་ས་ཏྟོ ནི་ཧ་ཏོ པ་ཐ་བྱཱ, ཨི་ནྡ་སྶ ཝཱ་ཀྱེ་ན ཧི སཾ་ཝ་རོ ཧ་ཏོ་ཏི.
པ་ཎྜ་ར་ནཱ་ག་རཱ་ཛ་ཛཱ་ཏ་ཀཾ [པ་ཎྜ་ར་ཀ་ཛཱ་ཏ་ཀཾ (སཱི. སྱཱ. པཱི.)] ཨ་ཊྛ་མཾ.