༥༡༠. ཨ་ཡོ་གྷ་ར་ཛཱ་ཏ་ཀཾ (༡༤)
༣༦༣. ཡ་མེ་ཀ་ར་ཏྟིཾ པ་ཋ་མཾ, ག་བྦྷེ ཝ་ས་ཏི མཱ་ཎ་ཝོ;
ཨ་བྦྷུ་ཊྛི་ཏོ་ཝ སོ ཡཱ་ཏི [ས་ཡ་ཏི (སཱི. པཱི.), ས ཡཱ་ཏི (ཀ་ཏྠ་ཙི)], ས་ག་ཙྪཾ ན ནི་ཝ་ཏྟ་ཏི.
༣༦༤. ན ཡུ་ཛ྄ཛྷ་མཱ་ནཱ ན བ་ལེ་ན་ཝ་སྶི་ཏཱ, ན་རཱ ན ཛཱི་ར་ནྟི ན ཙཱ་པི མི་ཡྻ་རེ;
ས་བྦཾ ཧི་དཾ [ཧི ཏཾ (སཱི. པཱི.)] ཛཱ་ཏི་ཛ་རཱ་ཡུ་པ་དྡུ་ཏཾ, ཏཾ མེ མ་ཏཱི ཧོ་ཏི ཙ་རཱ་མི དྷ་མྨཾ.
༣༦༥. ཙ་ཏུ་ར་ངྒི་ནིཾ སེ་ནཾ སུ་བྷིཾ་ས་རཱུ་པཾ, ཛ་ཡ་ནྟི ར་ཊྛཱ་དྷི་པ་ཏཱི པ་ས་ཡ྄ཧ;
ན མ་ཙྩུ་ནོ ཛ་ཡི་ཏུ་མུ་སྶ་ཧ་ནྟི, ཏཾ མེ མ་ཏཱི ཧོ་ཏི ཙ་རཱ་མི དྷ་མྨཾ.
༣༦༦. ཧ་ཏྠཱི་ཧི ཨ་སྶེ་ཧི ར་ཐེ་ཧི པ་ཏྟི་བྷི, པ་རི་ཝཱ་རི་ཏཱ མུ་ཙྩ་རེ ཨེ་ཀ་ཙྩེ་ཡྻཱ [ཨེ་ཀ་ཙེ་ཡྻཱ (སཱི. པཱི.)];
ན མ་ཙྩུ་ནོ [ན མ་ཙྩུ་ཏོ (སཱི.)] མུ་ཙྩི་ཏུ་མུ་སྶ་ཧ་ནྟི, ཏཾ མེ མ་ཏཱི ཧོ་ཏི ཙ་རཱ་མི དྷ་མྨཾ.
༣༦༧. ཧ་ཏྠཱི་ཧི ཨ་སྶེ་ཧི ར་ཐེ་ཧི པ་ཏྟི་བྷི, སཱུ་རཱ [པུ་རཱ (ཀ.)] པ་བྷ་ཉྫ་ནྟི པ་དྷཾ་ས་ཡ་ནྟི;
ན མ་ཙྩུ་ནོ བྷ་ཉྫི་ཏུ་མུ་སྶ་ཧ་ནྟི, ཏཾ མེ མ་ཏཱི ཧོ་ཏི ཙ་རཱ་མི དྷ་མྨཾ.
༣༦༨. མ་ཏྟཱ ག་ཛཱ བྷི་ནྣ་ག་ལཱ༹ [པ་བྷི་ནྣ་ག་ལཱ (སཱི.)] པ་བྷི་ནྣཱ, ན་ག་རཱ་ནི མ་དྡ་ནྟི ཛ་ནཾ ཧ་ན་ནྟི;
ན མ་ཙྩུ་ནོ མ་དྡི་ཏུ་མུ་སྶ་ཧ་ནྟི, ཏཾ མེ མ་ཏཱི ཧོ་ཏི ཙ་རཱ་མི དྷ་མྨཾ.
༣༦༩. ཨི་སྶཱ་སི་ནོ ཀ་ཏ་ཧ་ཏྠཱ་པི ཝཱི་རཱ [ཝཱི་རཱ (སཱི. པཱི.)], དཱུ་རེ་པཱ་ཏཱི [པ་ཏཱི (ཀ.)] ཨ་ཀྑ་ཎ་ཝེ་དྷི་ནོ་པི;
ན མ་ཙྩུ་ནོ ཝི་ཛ྄ཛྷི་ཏུ་མུ་སྶ་ཧ་ནྟི, ཏཾ མེ མ་ཏཱི ཧོ་ཏི ཙ་རཱ་མི དྷ་མྨཾ.
༣༧༠. ས་རཱ་ནི ཁཱི་ཡ་ནྟི ས་སེ་ལ་ཀཱ་ན་ནཱ, ས་བྦཾ ཧི་དཾ [ཧི ཏཾ (སཱི. པཱི.), པི་ཏཾ (སྱཱ.)] ཁཱི་ཡ་ཏི དཱི་གྷ་མ་ནྟ་རཾ;
ས་བྦཾ ཧི་དཾ [ཧི ཏཾ (སཱི. པཱི.), པི་ཏཾ (སྱཱ.)] བྷ་ཉྫ་རེ ཀཱ་ལ་པ་རི་ཡཱ་ཡཾ, ཏཾ མེ མ་ཏཱི ཧོ་ཏི ཙ་རཱ་མི དྷ་མྨཾ.
༣༧༡. ས་བྦེ ས་མེ་ཝཾ ཧི ན་རཱ་ན་ནཱ་རི་ནཾ [ན་རཱ་ན་རཱི་ནཾ (པཱི.), ནཱ་རཱི ན་རཱ་ནཾ (སྱཱ.), ན་ར་ནཱ་རཱི་ནཾ (ཀ.)], ཙ་ལཱ་ཙ་ལཾ པཱ་ཎ་བྷུ་ནོ་དྷ ཛཱི་ཝི་ཏཾ;
པ་ཊོ་ཝ དྷུ་ཏྟ་སྶ དུ་མོ་ཝ ཀཱུ་ལ་ཛོ, ཏཾ མེ མ་ཏཱི ཧོ་ཏི ཙ་རཱ་མི དྷ་མྨཾ.
༣༧༢. དུ་མ་པྥ་ལཱ་ནེ་ཝ པ་ཏ་ནྟི མཱ་ཎ་ཝཱ, ད་ཧ་རཱ ཙ ཝུ་དྡྷཱ ཙ ས་རཱི་ར་བྷེ་དཱ;
ནཱ་རི་ཡོ ན་རཱ མ་ཛ྄ཛྷི་མ་པོ་རི་སཱ ཙ, ཏཾ མེ མ་ཏཱི ཧོ་ཏི ཙ་རཱ་མི དྷ་མྨཾ.
༣༧༣. ནཱ་ཡཾ ཝ་ཡོ ཏཱ་ར་ཀ་རཱ་ཛ་ས་ནྣི་བྷོ, ཡ་ད་བྦྷ་ཏཱི་ཏཾ ག་ཏ་མེ་ཝ དཱ་ནི ཏཾ;
ཛི་ཎྞ་སྶ ཧཱི ན་ཏྠི ར་ཏཱི ཀུ་ཏོ སུ་ཁཾ, ཏཾ མེ མ་ཏཱི ཧོ་ཏི ཙ་རཱ་མི དྷ་མྨཾ.
༣༧༤. ཡ་ཀྑཱ པི་སཱ་ཙཱ ཨ་ཐ་ཝཱ་པི པེ་ཏཱ, ཀུ་པི་ཏཱ་ཏེ [ཀུ་པི་ཏཱ་པི ཏེ (སཱི. པཱི.)] ཨ་སྶ་ས་ནྟི མ་ནུ་སྶེ;
ན མ་ཙྩུ་ནོ ཨ་སྶ་སི་ཏུ་སྶ་ཧ་ནྟི, ཏཾ མེ མ་ཏཱི ཧོ་ཏི ཙ་རཱ་མི དྷ་མྨཾ.
༣༧༥. ཡ་ཀྑེ པི་སཱ་ཙེ ཨ་ཐ་ཝཱ་པི པེ་ཏེ, ཀུ་པི་ཏེ་པི ཏེ ནི་ཛ྄ཛྷ་པ་ནཾ ཀ་རོ་ནྟི;
ན མ་ཙྩུ་ནོ ནི་ཛ྄ཛྷ་པ་ནཾ ཀ་རོ་ནྟི, ཏཾ མེ མ་ཏཱི ཧོ་ཏི ཙ་རཱ་མི དྷ་མྨཾ.
༣༧༦. ཨ་པ་རཱ་དྷ་ཀེ དཱུ་ས་ཀེ ཧེ་ཋ་ཀེ ཙ, རཱ་ཛཱ་ནོ ད་ཎྜེ་ནྟི ཝི་དི་ཏྭཱ་ན དོ་སཾ;
ན མ་ཙྩུ་ནོ ད་ཎྜ་ཡི་ཏུ་སྶ་ཧ་ནྟི, ཏཾ མེ མ་ཏཱི ཧོ་ཏི ཙ་རཱ་མི དྷ་མྨཾ.
༣༧༧. ཨ་པ་རཱ་དྷ་ཀཱ དཱུ་ས་ཀཱ ཧེ་ཊྛ་ཀཱ ཙ, ལ་བྷ་ནྟི ཏེ རཱ་ཛི་ནོ ནི་ཛ྄ཛྷ་པེ་ཏུཾ;
ན མ་ཙྩུ་ནོ ནི་ཛ྄ཛྷ་པ་ནཾ ཀ་རོ་ནྟི, ཏཾ མེ མ་ཏཱི ཧོ་ཏི ཙ་རཱ་མི དྷ་མྨཾ.
༣༧༨. ན ཁ་ཏྟི་ཡོ་ཏི ན ཙ བྲཱ་ཧྨ་ཎོ་ཏི, ན ཨ་ཌྜྷ་ཀཱ བ་ལ་ཝཱ ཏེ་ཛ་ཝཱ་པི;
ན མ་ཙྩུ་རཱ་ཛ་སྶ ཨ་པེ་ཀྑ་མ་ཏྠི, ཏཾ མེ མ་ཏཱི ཧོ་ཏི ཙ་རཱ་མི དྷ་མྨཾ.
༣༧༩. སཱི་ཧཱ ཙ བྱ་གྒྷཱ ཙ ཨ་ཐོ་པི དཱི་པི་ཡོ, པ་ས་ཡ྄ཧ ཁཱ་ད་ནྟི ཝི་པྥ་ནྡ་མཱ་ནཾ;
ན མ་ཙྩུ་ནོ ཁཱ་དི་ཏུ་མུ་སྶ་ཧ་ནྟི, ཏཾ མེ མ་ཏཱི ཧོ་ཏི ཙ་རཱ་མི དྷ་མྨཾ.
༣༨༠. མཱ་ཡཱ་ཀཱ་རཱ ར་ངྒ་མ་ཛ྄ཛྷེ ཀ་རོ་ནྟཱ, མོ་ཧེ་ནྟི ཙ་ཀྑཱུ་ནི ཛ་ན་སྶ ཏཱ་ཝ་དེ;
ན མ་ཙྩུ་ནོ མོ་ཧ་ཡི་ཏུ་སྶ་ཧ་ནྟི, ཏཾ མེ མ་ཏཱི ཧོ་ཏི ཙ་རཱ་མི དྷ་མྨཾ.
༣༨༡. ཨཱ་སཱི་ཝི་སཱ ཀུ་པི་ཏཱ ཨུ་གྒ་ཏེ་ཛཱ, ཌཾ་ས་ནྟི མཱ་རེ་ནྟི་པི ཏེ མ་ནུ་སྶེ;
ན མ་ཙྩུ་ནོ ཌཾ་སི་ཏུ་མུ་སྶ་ཧ་ནྟི, ཏཾ མེ མ་ཏཱི ཧོ་ཏི ཙ་རཱ་མི དྷ་མྨཾ.
༣༨༢. ཨཱ་སཱི་ཝི་སཱ ཀུ་པི་ཏཱ ཡཾ ཌཾ་ས་ནྟི, ཏི་ཀི་ཙྪ་ཀཱ ཏེ་ས ཝི་སཾ ཧ་ན་ནྟི;
ན མ་ཙྩུ་ནོ ད་ཊྛ་ཝི་སཾ [ད་ཊྛ་སྶ ཝི་སཾ (ཀ.)] ཧ་ན་ནྟི, ཏཾ མེ མ་ཏཱི ཧོ་ཏི ཙ་རཱ་མི དྷ་མྨཾ.
༣༨༣. དྷ་མྨ་ནྟ་རཱི ཝེ་ཏྟ་ར་ཎཱི [ཝེ་ཏ་ར་ཎཱི (སཱི. པཱི.)] ཙ བྷོ་ཛོ, ཝི་སཱ་ནི ཧ་ནྟྭཱ་ན བྷུ་ཛ་ངྒ་མཱ་ནཾ;
སུ་ཡྻ་ནྟི ཏེ ཀཱ་ལ་ཀ་ཏཱ ཏ་ཐེ་ཝ, ཏཾ མེ མ་ཏཱི ཧོ་ཏི ཙ་རཱ་མི དྷ་མྨཾ.
༣༨༤. ཝི་ཛྫཱ་དྷ་རཱ གྷོ་ར་མ་དྷཱི་ཡ་མཱ་ནཱ, ཨ་ད་སྶ་ནཾ ཨོ་ས་དྷེ་ཧི ཝ་ཛ་ནྟི;
ན མ་ཙྩུ་རཱ་ཛ་སྶ ཝ་ཛ་ནྟ་ད་སྶ་ནཾ [ཝ་ཛ་ནྟི ཨ་ད་སྶ་ནཾ (སྱཱ. ཀ.)], ཏཾ མེ མ་ཏཱི ཧོ་ཏི ཙ་རཱ་མི དྷ་མྨཾ.
༣༨༥. དྷ་མྨོ ཧ་ཝེ ར་ཀྑ་ཏི དྷ་མྨ་ཙཱ་རིཾ, དྷ་མྨོ སུ་ཙི་ཎྞོ སུ་ཁ་མཱ་ཝ་ཧཱ་ཏི;
ཨེ་སཱ་ནི་སཾ་སོ དྷ་མྨེ སུ་ཙི་ཎྞེ, ན དུ་གྒ་ཏིཾ ག་ཙྪ་ཏི དྷ་མྨ་ཙཱ་རཱི.
༣༨༦. ན ཧི དྷ་མྨོ ཨ་དྷ་མྨོ ཙ, ཨུ་བྷོ ས་མ་ཝི་པཱ་ཀི་ནོ;
ཨ་དྷ་མྨོ ནི་ར་ཡཾ ནེ་ཏི, དྷ་མྨོ པཱ་པེ་ཏི སུ་གྒ་ཏི་ནྟི.
ཨ་ཡོ་གྷ་ར་ཛཱ་ཏ་ཀཾ ཙུ་དྡ་ས་མཾ.
ཏ་སྶུ་དྡཱ་ནཾ –
མཱ་ཏ་ངྒ ས་མྦྷཱུ་ཏ སི་ཝི སི་རི་མ་ནྟོ, རོ་ཧ་ཎ ཧཾ་ས ས་ཏྟི་གུ་མྦོ བྷ་ལླཱ་ཏི་ཡ;
སོ་མ་ན་སྶ ཙ་མྤེ་ཡྻ བྲ་ཧྨ པ་ཉྩ-པ་ཎྜི་ཏ ཙི་ར་སྶཾ་ཝ་ཏ ཨ་ཡོ་གྷ་རཱ་ཏི.
ཝཱི་ས་ཏི་ནི་པཱ་ཏཾ ནི་ཊྛི་ཏཾ.