༥༠༩. ཧ་ཏྠི་པཱ་ལ་ཛཱ་ཏ་ཀཾ (༡༣)
༣༣༧. ཙི་ར་སྶཾ ཝ་ཏ པ་སྶཱ་མ, བྲཱ་ཧྨ་ཎཾ དེ་ཝ་ཝ་ཎྞི་ནཾ;
མ་ཧཱ་ཛ་ཊཾ ཁཱ་རི་དྷ་རཾ [བྷཱ་ར་དྷ་རཾ (པཱི.)], པ་ངྐ་ད་ནྟཾ ར་ཛ་སྶི་རཾ.
༣༣༨. ཙི་ར་སྶཾ ཝ་ཏ པ་སྶཱ་མ, ཨི་སིཾ དྷ་མྨ་གུ་ཎེ ར་ཏཾ;
ཀཱ་སཱ་ཡ་ཝ་ཏྠ་ཝ་ས་ནཾ, ཝཱ་ཀ་ཙཱི་རཾ པ་ཊི་ཙྪ་དཾ.
༣༣༩. ཨཱ་ས་ནཾ ཨུ་ད་ཀཾ པ་ཛྫཾ, པ་ཊི་ག་ཎྷཱ་ཏུ ནོ བྷ་ཝཾ;
ཨ་གྒྷེ བྷ་ཝ་ནྟཾ པུ་ཙྪཱ་མ, ཨ་གྒྷཾ ཀུ་རུ་ཏུ ནོ བྷ་ཝཾ.
༣༤༠. ཨ་དྷི་ཙྩ ཝེ་དེ པ་རི་ཡེ་ས ཝི་ཏྟཾ, པུ་ཏྟེ ག་ཧེ [གེ་ཧེ (སཱི. སྱཱ. པཱི.)] ཏཱ་ཏ པ་ཏི་ཊྛ་པེ་ཏྭཱ;
ག་ནྡྷེ ར་སེ པ་ཙྩ་ནུ་བྷུ་ཡྻ [པ་ཙྩ་ནུ་བྷོ་ཏྭ (སྱཱ.), པ་ཙྩ་ནུ་བྷུ་ཏྭ (པཱི.)] ས་བྦཾ, ཨ་ར་ཉྙཾ སཱ་དྷུ མུ་ནི སོ པ་ས་ཏྠོ.
༣༤༡. ཝེ་དཱ ན ས་ཙྩཱ ན ཙ ཝི་ཏྟ་ལཱ་བྷོ, ན པུ་ཏྟ་ལཱ་བྷེ་ན ཛ་རཾ ཝི་ཧ་ནྟི;
ག་ནྡྷེ ར་སེ མུ་ཙྩ་ན [མུ་ཉྩ་ན (སཱི. ཀ.)] མཱ་ཧུ ས་ནྟོ, ས་ཀ་མྨུ་ནཱ [ས་ཀ་མྨ་ནཱ (སཱི. པཱི.)] ཧོ་ཏི ཕ་ལཱུ་པ་པ་ཏྟི.
༣༤༢. ཨ་དྡྷཱ ཧི ས་ཙྩཾ ཝ་ཙ་ནཾ ཏ་ཝེ་ཏཾ, ས་ཀ་མྨུ་ནཱ ཧོ་ཏི ཕ་ལཱུ་པ་པ་ཏྟི;
ཛི་ཎྞཱ ཙ མཱ་ཏཱ་པི་ཏ་རོ ཏ་ཝཱི་མེ [ཏ་ཝེ་མེ (སཱི.), ཏ་ཝ ཡི་མེ (སྱཱ. པཱི.)], པ་སྶེ་ཡྻུཾ ཏཾ ཝ་སྶ་ས་ཏཾ ཨ་རོ་གཾ [ཨ་རོ་གྱཾ (སྱཱ. ཀ.)].
༣༤༣. ཡ་སྶ་སྶ ས་ཀྑཱི མ་ར་ཎེ་ན རཱ་ཛ, ཛ་རཱ་ཡ མེ་ཏྟཱི ན་ར་ཝཱི་ར་སེ་ཊྛ;
ཡོ ཙཱ་པི ཛ་ཉྙཱ ན མ་རི་སྶཾ ཀ་དཱ་ཙི, པ་སྶེ་ཡྻུཾ ཏཾ ཝ་སྶ་ས་ཏཾ ཨ་རོ་གཾ.
༣༤༤. ཡ་ཐཱ་པི ནཱ་ཝཾ པུ་རི་སོ ད་ཀ་མྷི, ཨེ་རེ་ཏི ཙེ ནཾ ཨུ་པ་ནེ་ཏི ཏཱི་རཾ;
ཨེ་ཝ་མྤི བྱཱ་དྷཱི ས་ཏ་ཏཾ ཛ་རཱ ཙ, ཨུ་པ་ནེ་ཏི མ་ཙྩཾ [མ་ཙྩུ (སྱཱ. པཱི.)] ཝ་ས་མ་ནྟ་ཀ་སྶ.
༣༤༥. པ་ངྐོ ཙ ཀཱ་མཱ པ་ལི་པོ ཙ ཀཱ་མཱ, མ་ནོ་ཧ་རཱ དུ་ཏྟ་རཱ མ་ཙྩུ་དྷེ་ཡྻཱ;
ཨེ་ཏ་སྨིཾ པ་ངྐེ པ་ལི་པེ བྱ་ས་ནྣཱ [ཝི་ས་ནྣཱ (སྱཱ. ཀ.)], ཧཱི་ན་ཏྟ་རཱུ་པཱ ན ཏ་ར་ནྟི པཱ་རཾ.
༣༤༦. ཨ་ཡཾ པུ་རེ ལུ་དྡ་མ་ཀཱ་སི ཀ་མྨཾ, སྭཱ་ཡཾ ག་ཧཱི་ཏོ ན ཧི མོ་ཀྑི་ཏོ མེ;
ཨོ་རུ་ནྡྷི་ཡཱ ནཾ པ་རི་ར་ཀྑི་སྶཱ་མི, མཱ་ཡཾ པུ་ན ལུ་དྡ་མ་ཀཱ་སི ཀ་མྨཾ.
༣༤༧. ག་ཝཾ་ཝ [གཱ་ཝཾ་ཝ (སཱི.)] ན་ཊྛཾ པུ་རི་སོ ཡ་ཐཱ ཝ་ནེ, ཨ་ནྭེ་ས་ཏཱི [པ་རི་ཡེ་ས་ཏཱི (སཱི. པཱི.)] རཱ་ཛ ཨ་པ་སྶ་མཱ་ནོ;
ཨེ་ཝཾ ན་ཊྛོ ཨེ་སུ་ཀཱ་རཱི མ་མ་ཏྠོ, སོ་ཧཾ ཀ་ཐཾ ན ག་ཝེ་སེ་ཡྻཾ རཱ་ཛ.
༣༤༨. ཧི་ཡྻོ་ཏི ཧི་ཡྻ་ཏི [ཧཱི་ཡོ་ཏི ཧཱི་ཡ་ཏི (སཱི.)] པོ་སོ, པ་རེ་ཏི པ་རི་ཧཱ་ཡ་ཏི;
ཨ་ནཱ་ག་ཏཾ ནེ་ཏ་མ་ཏྠཱི་ཏི ཉ་ཏྭཱ, ཨུ་པྤ་ནྣ་ཚ་ནྡཾ ཀོ པ་ནུ་དེ་ཡྻ དྷཱི་རོ.
༣༤༩. པ་སྶཱ་མི ཝོ་ཧཾ ད་ཧ་རཾ [ད་ཧ་རཱི (སྱཱ. པཱི. ཀ.)] ཀུ་མཱ་རིཾ, མ་ཏྟཱུ་པ་མཾ ཀེ་ཏ་ཀ་པུ་པྥ་ནེ་ཏྟཾ;
ཨ་བྷུ་ཏྟ་བྷོ་གེ [ཨ་བྷུ་ཏྭ བྷོ་གེ (སྱཱ. ཀ. ཨ་ཊྛ.), ཨ་བྷུ་ཏྭ བྷོ་གེ (པཱི.), བྷོ་གེ ཨ་ཏུ་ཏྭཱ (ཀ.)] པ་ཋ་མེ ཝ་ཡ་སྨིཾ, ཨཱ་དཱ་ཡ མ་ཙྩུ ཝ་ཛ་ཏེ ཀུ་མཱ་རིཾ.
༣༥༠. ཡུ་ཝཱ སུ་ཛཱ་ཏོ སུ་མུ་ཁོ སུ་ད་སྶ་ནོ, སཱ་མོ ཀུ་སུ་མྦྷ་པ་རི་ཀི་ཎྞ་མ་སྶུ;
ཧི་ཏྭཱ་ན ཀཱ་མེ པ་ཊི་ཀ་ཙྩ [པ་ཊི་ག་ཙྩ (སཱི.), པ་ཊི་ག་ཙྪ (སྱཱ. པཱི.)] གེ་ཧཾ, ཨ་ནུ་ཛཱ་ན མཾ པ་བྦ་ཛི་སྶཱ་མི དེ་ཝ.
༣༥༡. སཱ་ཁཱ་ཧི རུ་ཀྑོ ལ་བྷ་ཏེ ས་མ་ཉྙཾ, པ་ཧཱི་ན་སཱ་ཁཾ པ་ན ཁཱ་ཎུ་མཱ་ཧུ;
པ་ཧཱི་ན་པུ་ཏྟ་སྶ མ་མ་ཛྫ བྷོ་ཏི, ཝཱ་སེ་ཊྛི བྷི་ཀྑཱ་ཙ་རི་ཡཱ་ཡ ཀཱ་ལོ.
༣༥༢. ཨ་གྷ་སྨི ཀོ་ཉྩཱ་ཝ ཡ་ཐཱ ཧི་མ་ཙྩ་ཡེ, ཀ་ཏཱ་ནི [ཏ་ནྟཱ་ནི (སཱི. པཱི.)] ཛཱ་ལཱ་ནི པ་དཱ་ལི་ཡ [པ་དཱ་ལེ་ཡྻ (སཱི.)] ཧཾ་སཱ;
ག་ཙྪ་ནྟི པུ་ཏྟཱ ཙ པ་ཏཱི ཙ མ་ཡ྄ཧཾ, སཱ་ཧཾ ཀ་ཐཾ ནཱ་ནུ་ཝ་ཛེ པ་ཛཱ་ནཾ.
༣༥༣. ཨེ་ཏེ བྷུ་ཏྭཱ ཝ་མི་ཏྭཱ ཙ, པ་ཀྐ་མ་ནྟི ཝི་ཧ་ངྒ་མཱ;
ཡེ ཙ བྷུ་ཏྭཱ་ན ཝ་མིཾ་སུ, ཏེ མེ ཧ་ཏྠ་ཏྟ [ཧ་ཏྠ་ཏྠ (སཱི. སྱཱ. པཱི.)] མཱ་ག་ཏཱ.
༣༥༤. ཨ་ཝ་མཱི བྲཱ་ཧྨ་ཎོ ཀཱ་མེ, སོ [ཏེ (སཱི. པཱི.)] ཏྭཾ པ་ཙྩཱ་ཝ་མི་སྶ་སི;
ཝ་ནྟཱ་དོ པུ་རི་སོ རཱ་ཛ, ན སོ ཧོ་ཏི པ་སཾ་སི་ཡོ.
༣༥༥. པ་ངྐེ ཙ [པ་ངྐེ་ཝ (སཱི. པཱི.)] པོ་སཾ པ་ལི་པེ བྱ་ས་ནྣཾ, བ་ལཱི ཡ་ཐཱ དུ་བྦ་ལ་མུ་དྡྷ་རེ་ཡྻ;
ཨེ་ཝ་མྤི མཾ ཏྭཾ ཨུ་ད་ཏཱ་རི བྷོ་ཏི, པ་ཉྩཱ་ལི གཱ་ཐཱ་ཧི སུ་བྷཱ་སི་ཏཱ་ཧི.
༣༥༦. ཨི་དཾ ཝ་ཏྭཱ མ་ཧཱ་རཱ་ཛཱ, ཨེ་སུ་ཀཱ་རཱི དི་ས་མྤ་ཏི;
ར་ཊྛཾ ཧི་ཏྭཱ་ན པ་བྦ་ཛི, ནཱ་གོ ཚེ་ཏྭཱ་ཝ བ་ནྡྷ་ནཾ.
༣༥༧. རཱ་ཛཱ ཙ པ་བྦ་ཛྫ་མ་རོ་ཙ་ཡི་ཏྠ, ར་ཊྛཾ པ་ཧཱ་ཡ ན་ར་ཝཱི་ར་སེ་ཊྛོ;
ཏུ་ཝ་མྤི ནོ ཧོ་ཏི ཡ་ཐེ་ཝ རཱ་ཛཱ, ཨ་མྷེ་ཧི གུ་ཏྟཱ ཨ་ནུ་སཱ་ས ར་ཛྫཾ.
༣༥༨. རཱ་ཛཱ ཙ པ་བྦ་ཛྫ་མ་རོ་ཙ་ཡི་ཏྠ, ར་ཊྛཾ པ་ཧཱ་ཡ ན་ར་ཝཱི་ར་སེ་ཊྛོ;
ཨ་ཧ་མྤི ཨེ་ཀཱ [ཨེ་ཀཱ་ཝ (སཱི.)] ཙ་རི་སྶཱ་མི ལོ་ཀེ, ཧི་ཏྭཱ་ན ཀཱ་མཱ་ནི མ་ནོ་ར་མཱ་ནི.
༣༥༩. རཱ་ཛཱ ཙ པ་བྦ་ཛྫ་མ་རོ་ཙ་ཡི་ཏྠ, ར་ཊྛཾ པ་ཧཱ་ཡ ན་ར་ཝཱི་ར་སེ་ཊྛོ;
ཨ་ཧ་མྤི ཨེ་ཀཱ ཙ་རི་སྶཱ་མི ལོ་ཀེ, ཧི་ཏྭཱ་ན ཀཱ་མཱ་ནི ཡ་ཐོ་དྷི་ཀཱ་ནི.
༣༦༠. ཨ་ཙྩེ་ནྟི ཀཱ་ལཱ ཏ་ར་ཡ་ནྟི ར་ཏྟི་ཡོ, ཝ་ཡོ་གུ་ཎཱ ཨ་ནུ་པུ་བྦཾ ཛ་ཧ་ནྟི;
ཨ་ཧ་མྤི ཨེ་ཀཱ ཙ་རི་སྶཱ་མི ལོ་ཀེ, ཧི་ཏྭཱ་ན ཀཱ་མཱ་ནི མ་ནོ་ར་མཱ་ནི.
༣༦༡. ཨ་ཙྩེ་ནྟི ཀཱ་ལཱ ཏ་ར་ཡ་ནྟི ར་ཏྟི་ཡོ, ཝ་ཡོ་གུ་ཎཱ ཨ་ནུ་པུ་བྦཾ ཛ་ཧ་ནྟི;
ཨ་ཧ་མྤི ཨེ་ཀཱ ཙ་རི་སྶཱ་མི ལོ་ཀེ, ཧི་ཏྭཱ་ན ཀཱ་མཱ་ནི ཡ་ཐོ་དྷི་ཀཱ་ནི.
༣༦༢. ཨ་ཙྩེ་ནྟི ཀཱ་ལཱ ཏ་ར་ཡ་ནྟི ར་ཏྟི་ཡོ, ཝ་ཡོ་གུ་ཎཱ ཨ་ནུ་པུ་བྦཾ ཛ་ཧ་ནྟི;
ཨ་ཧ་མྤི ཨེ་ཀཱ ཙ་རི་སྶཱ་མི ལོ་ཀེ, སཱི་ཏི་བྷཱུ་ཏཱ [སཱི་ཏཱི་བྷཱུ་ཏཱ (སཱི.)] ས་བྦ་མ་ཏི་ཙྩ ས་ངྒ་ནྟི.
ཧ་ཏྠི་པཱ་ལ་ཛཱ་ཏ་ཀཾ ཏེ་ར་ས་མཾ.